Post: #1
Title: دايرين نهاجر... أدونا رايكم
Author: أمجد الزين
Date: 09-04-2011, 02:53 PM
خلاص قفلت
|
Post: #2
Title: Re: دايرين نهاجر... أدونا رايكم
Author: أمجد الزين
Date: 09-04-2011, 02:54 PM
Parent: #1
مع انى شغال فى امان الله
لكن برضو فاض بينا
|
Post: #3
Title: Re: دايرين نهاجر... أدونا رايكم
Author: أمجد الزين
Date: 09-04-2011, 02:58 PM
Parent: #2
شغال فى شركة اتصالات فى مجال الصيانة
خبرة بتاعت تلاتة سنة
لكن فى السنة ونص الاخيرة الواحد شايف نفسو انو ما مستفيد اى حاجة
روتين ممل
|
Post: #4
Title: Re: دايرين نهاجر... أدونا رايكم
Author: أمجد الزين
Date: 09-04-2011, 03:01 PM
Parent: #3
يا ناس قطر
مافى زول عندو كرت زيارة زايد 
|
Post: #6
Title: Re: دايرين نهاجر... أدونا رايكم
Author: أمجد الزين
Date: 09-04-2011, 03:04 PM
Parent: #4
السعودية برضو قالوا الشغل فيها راشح
يا ريت تنورونا
|
Post: #5
Title: Re: دايرين نهاجر... أدونا رايكم
Author: الامين موسى البشاري
Date: 09-04-2011, 03:03 PM
Parent: #3
this is Sudan love it or leave it
دا كلام يا امجد اسي انا جاي راجع السودان
بعد غربة وشوق نغالب فيهو ويغالبنا ... والله صحي
..
..
كان لقيت ليك محل النبي كان تشوف لي معاك
|
Post: #7
Title: Re: دايرين نهاجر... أدونا رايكم
Author: أمجد الزين
Date: 09-04-2011, 03:07 PM
Parent: #5
الامين ود البشارى
والله يا عمك لو بتبدل انا ما عندى مانع وبدفع ليك الفرق
لكن بعدين ما تغنى ظلمونى الناس
|
Post: #8
Title: Re: دايرين نهاجر... أدونا رايكم
Author: أمجد الزين
Date: 09-04-2011, 03:15 PM
Parent: #7
انا غايتو قطر دى كاسرة فينى ضلعة
يا ناس قطر وين انتو؟؟؟
|
Post: #9
Title: Re: دايرين نهاجر... أدونا رايكم
Author: عبد اللطيف بكري أحمد
Date: 09-04-2011, 03:19 PM
Parent: #8
Quote: مع انى شغال فى امان الله
|
برااااك كايس الشحططة،،
لو دخلك حوالي الألف دولار في السودان ، خليك في بكانك ، الحكاية برة ماجايبة همها،،
|
Post: #11
Title: Re: دايرين نهاجر... أدونا رايكم
Author: أمجد الزين
Date: 09-04-2011, 03:35 PM
Parent: #9
| Quote: برااااك كايس الشحططة،، |
والله يا عبداللطيف الشحططة مقابل الواحد يطور نفسو ما بناباها
ياخ انا نسيت انى قريت هندسة ذاتو
ودايرين نلحق الفضل دة
|
Post: #10
Title: Re: دايرين نهاجر... أدونا رايكم
Author: د.نجاة محمود
Date: 09-04-2011, 03:21 PM
Parent: #8
سلامات
الزول يغترب افضل من الهجرة
تشتغل في مجالك ومرتب محترم,,
يلا يا ناس قطر بالله يدكم معانا..
|
Post: #12
Title: Re: دايرين نهاجر... أدونا رايكم
Author: أمجد الزين
Date: 09-04-2011, 03:39 PM
Parent: #10
سلام يا دكتورة
| Quote: تشتغل في مجالك ومرتب محترم,, |
والله الواحد شغال فى جزء بسيط من مجالو
عشان كدة قلنا نلحق سوق برة قبل ما يتبخر العندنا
|
Post: #13
Title: Re: دايرين نهاجر... أدونا رايكم
Author: أمجد الزين
Date: 09-04-2011, 05:07 PM
Parent: #12
اها يا جماعة
مافى زول يدق صدرو ويقول لى رسل لى السى فى فى الميل دة
ان شاء الله كشكرة ساى
|
Post: #14
Title: Re: دايرين نهاجر... أدونا رايكم
Author: أمجد الزين
Date: 09-04-2011, 08:26 PM
Parent: #13
يا ناس قطر
ياخ تعالوا
ان شا الله تقولو لينا نكتة
|
Post: #15
Title: Re: دايرين نهاجر... أدونا رايكم
Author: عبد اللطيف بكري أحمد
Date: 09-04-2011, 08:52 PM
Parent: #14
انت الجبتو لنفسك ،، بعدين خليك محتفظ بالبوست دا
رسل السيرة هنا
latiiiif(at)gmail.com
وقول يالطيف!!
|
Post: #16
Title: Re: دايرين نهاجر... أدونا رايكم
Author: othman mohmmadien
Date: 09-05-2011, 06:04 AM
Parent: #15
سلام عليكم
اليمن كيف معاك .....
عشان ما تقول لي ضياع زمن ....
الكتوف اتلاحقن والدول العربية من المحيط للخليج بقن ضياع زمن ...
والما ضايعة في طريقها للضياع تحت مظلة تقلبات الأحوال السياسية التي تحيط بالمنطقة أجمع ...
شوف ليك تحضير في ماليزيا ...
وإن كنت تسعى للاغتراب أخذ ليك هبرة لكندا ولا أمريكا بتقدر تحضر وتشتغل ....
أما دون ذلك فعليك بمكانك ...
الزم الجابرة أخير ليك
مع أمنياتي لكم بالتوفيق ...
|
Post: #17
Title: Re: دايرين نهاجر... أدونا رايكم
Author: منتصر الامين
Date: 09-05-2011, 06:26 AM
Parent: #16
أمجد الزين كل سنه وانت طيب
قطر دى عشان بتكسر الضلع قفلوها بالضبه والمفتاح
صراحه الحصول على إقامه فى قطر اصبح من شبه المستحيلات
|
Post: #18
Title: Re: دايرين نهاجر... أدونا رايكم
Author: أمجد الزين
Date: 09-05-2011, 07:41 AM
Parent: #17
سلام منتصر الامين
| Quote: صراحه الحصول على إقامه فى قطر اصبح من شبه المستحيلات |
ياخ والله ما طمنتنا خالص
كيف الكلام دة؟
حالتو الواحد قافل يحضر كاس العالم هناك بمزااج
كدى قول غير كلامك دة
|
Post: #19
Title: Re: دايرين نهاجر... أدونا رايكم
Author: أمجد الزين
Date: 09-05-2011, 07:48 AM
Parent: #16
سلام othman mohmmadien
ياخ دى ايام يمن
انا ماشى اشتغل يا حبيب ما ماشى لجهاد
| Quote: وإن كنت تسعى للاغتراب أخذ ليك هبرة لكندا ولا أمريكا بتقدر تحضر وتشتغل .... |
ياخ دة حلم انا شايفو بعيد خلاس
بعدين امريكا دى سكيناها لوترى لمن كرعينا حفن فى النهاية قنعنا منها
وقلنا نشوف العرب ديل
اهو جنا تعرفو ولا جنا ما بتعرفو
تحياتى
|
Post: #20
Title: Re: دايرين نهاجر... أدونا رايكم
Author: منتصر الامين
Date: 09-05-2011, 08:02 AM
Parent: #19
الاخ امجد الزين سلامات
تقول شنو ياخى بس ..
السودانيين الواحد بيغترب وما ناوى يرجع ابدا
يعنى ممكن تقول إعادة توطين وكدا
يعنى الكوته حقتهم كملت دا غير مشاكل ليبينا
لكن انشاء الله بتحضر كاس العالم معانا
|
Post: #21
Title: Re: دايرين نهاجر... أدونا رايكم
Author: ombadda
Date: 09-05-2011, 09:17 AM
Parent: #20
قبل عشرة أعوام وبعد أن قضيت فترة الإمتياز والخدمة الوطنية قررت الإغتراب إلى السعودية.بدأت رحلة
توثيق الشهادات من الجامعة مرورا بالخدمة الوطنية ووزارة الخارجية إنتهاء بالسفارة السعودية. فى السفارة
السعودية صفوف طويلة ومعاملة لا إنسانية من قبل أفراد الشرطة. بالإضافة نفس الإسطوانة يقول ليك - ح تضيع زمنك
والسعودية إنتهت خلاص. صرفت النظر وتكاسلت. الان زملاء الدراسة من حط رحاله فى السعودية فى وضع مميز وتمكن من
إجتياز إمتحانات التخصص والمعادلة البريطانية.
الحساب المادى صراحة لا يوجد فارق كبير بين طبيب مثابر فى السودان واخر مغترب فى السعودية. لكن الوقت الذى يجده
من يعمل فى السعودية وجو العمل الصحى والحياة الكريمة تمكنه من تطوير نفسه والتقدم إلى الامام عكس من هو متواجد
فى السودان الذى يعيش فى دوامةعمل متواصلة وقرف لا ينتهى.
أخى توكل على الله وشد الرحال ولن تندم وخصوصا انك خريج هندسة ولديك خبرة.
|
Post: #23
Title: Re: دايرين نهاجر... أدونا رايكم
Author: أمجد الزين
Date: 09-05-2011, 10:48 AM
Parent: #21
سلام ombadda
| Quote: تمكنه من تطوير نفسه والتقدم إلى الامام |
دى من الاشياء المفقودة فى البلد دى عشان كدة قلنا نفتش ليها برة
يعنى الواحد بعد سنة بس شغل بتلقى نفسك بقيت اتجاه واحد
مافى اى تطوير حتى الشى العندك بتبدا تنساهو
والواحد حاسى انو امكانياتو اكبرمن كدة
وممكن الواحد يطور نفسو ويبدع بس لو اتلقت الفرصة المناسبة
وشكرا على الدعم
|
Post: #22
Title: Re: دايرين نهاجر... أدونا رايكم
Author: أمجد الزين
Date: 09-05-2011, 10:39 AM
Parent: #20
منتصر سلامات
| Quote: السودانيين الواحد بيغترب وما ناوى يرجع ابدا |
والله يا منتصر دة شى طبيعى لانو الوضع هنا ما مغرى نهائى
يعنى انا بعرف ناس شغالين فى السعودية وفى اشغال عادية جدا يعنى ممكن الواحد يلقى وضع احسن منها فى السودان
لكن بعد دة تجيب ليهم سيرة السودان الواحد يقبل منك غادى
بعدين دايرك تدينى نبذة خفيفة عن سوق الاتصالات هناك
ودرب الوصول ذاتو بكون كيف
لكن حتة قفلت نهائى دى انا ما داير اقنع بيها نفسى اصلو
|
Post: #24
Title: Re: دايرين نهاجر... أدونا رايكم
Author: شرف الدين آدم إسماعيل
Date: 09-05-2011, 11:03 AM
Parent: #22
يا رايع
كل عام وانت بخير
الاستاذة / اميرة صلاح
لديها وكالة لتقديم الاستشارة للهجرة الى استراليا مدفوعة الاجرة
كانت في الخرطوم وعملت سمنار حول فرص الهجرة الى استراليا
كان هذا السمنار في جهاز شئون المغتربين بتاريخ الخميس 28/7/2011
ومن خلال حديثها يمكن الولوج الي استراليا وذلك اذا استوفيت بعض المتطلبات
وبالنسبة لكثيرين ممكنة بس توفر الكاش وعنوانها ادناه:
Phone :(02) 9804 1315
Mobile: 0438 835 668
Email:[email protected]
www.migrationcon.com
20A Auburn Road
AUBURN NSW 2144
AUSTRALIA
|
Post: #25
Title: Re: دايرين نهاجر... أدونا رايكم
Author: احمد الزبير
Date: 09-05-2011, 11:43 AM
Parent: #24
يلا وتعال يلا
نهاجر في بلاد الله
ننسى الناس ينسونا
والله ننسى الناس ينسونا
وفوقنا الطيبة تتدلا
نعيش زي الطيور ماتعيش
وتفرد لجناها الريش
تضمنا عشة الريدة
ويفوت فوقنا الغمام تعريش
نفوت من سكة رواحة
ونتوه من واحة لواحة
شتيلة ريدنا يا حنين
يضون بهجة في الساحة
حلاوة الدنيا تلقاها
تجينا سحابة شايلاها
دروبنا تلم وريدنا يتم
وانت تقولي يا آهة
ونرتاح من كلام قالو
ومن عينو دمعتين سالو
آثار الهم نطويهو
نخلي الفرح بدالو
يلا وتعال يلا
نهاجر في بلاد الله
ننسى الناس ينسونا
والله ننسى الناس ينسونا
وفوقنا الطيبة تتدلا
قطر بتتلقي وانت حظك ، في رمضان اشتغل معاي
شاب سوداني ظريف وهو غير مقيم وفي زياره للدوحه
سايق والسياره مكتوب عليها اسم الشركه وقفو واحد قطري
وقال ليه عندنا بيت جديد عاوزين ننظفوا
مشى نظف ليه البيت القطري قاليه تعال اشتغل معاي وضح ليه
انو جاي زياره وفي خلال يومين طلع ليه اقامه
مش بقولو رزقا تكوسلو ورزقا يكوسلك
|
Post: #26
Title: Re: دايرين نهاجر... أدونا رايكم
Author: عابدون محمد عابدون
Date: 09-05-2011, 11:55 AM
Parent: #25
Quote: وقال ليه عندنا بيت جديد عاوزين ننظفوا
مشى نظف ليه البيت القطري قاليه تعال اشتغل معاي وضح ليه
|
موش للدرجة دى ياباشمهندس؟
|
Post: #29
Title: Re: دايرين نهاجر... أدونا رايكم
Author: أمجد الزين
Date: 09-05-2011, 01:20 PM
Parent: #26
Quote: Quote: وقال ليه عندنا بيت جديد عاوزين ننظفوا
مشى نظف ليه البيت القطري قاليه تعال اشتغل معاي وضح ليه
موش للدرجة دى ياباشمهندس؟ |
صدقنى بتحصل عادى يا عابدون
|
Post: #59
Title: Re: دايرين نهاجر... أدونا رايكم
Author: احمد الزبير
Date: 09-07-2011, 07:45 PM
Parent: #26
موش للدرجة دى ياباشمهندس؟
فهمت غلط ياعابدين محمد عابدين
البنطفوا هم عمال الشركه من النيبال
وسيرلانكا وليس السوداني
السوداني سائق ومشرف .
|
Post: #28
Title: Re: دايرين نهاجر... أدونا رايكم
Author: أمجد الزين
Date: 09-05-2011, 01:19 PM
Parent: #25
احمد الزبير يا حنين
غايتو زولك دة حظو يهودى زى ما بقولو
اريتو حظى بعد الحال
| Quote: مش بقولو رزقا تكوسلو ورزقا يكوسلك |
انا بعرف لى زول قعد عاطل فى السودان لمن الله غفر ليهو
اتقفلت قدامو كل الاتجاهات
المهم سافر زيارة قطر وقدم فى كم شركة وخش كمية بتاعت معاينات
لغاية ما الزيارة بتاعتو انتهت وقطع تذكرتو داير يرجع السودان
وهو ماشى على المطار ضربو ليهو ناس شركة من الخش ليهم معاينة ديل
وهسع امورو ظابطة معاهم
غايتو الدنيا حظوظ
|
Post: #27
Title: Re: دايرين نهاجر... أدونا رايكم
Author: أمجد الزين
Date: 09-05-2011, 01:11 PM
Parent: #24
سلامات شرف الدين
ومشكور على المعلومة القيمة دى
وغايتو نجرب حظنا يحتمال يظبط مع الاستراليين ديل
تحياتى
|
Post: #30
Title: Re: دايرين نهاجر... أدونا رايكم
Author: سفيان بشير نابرى
Date: 09-05-2011, 02:19 PM
Parent: #27
اول حاجة سلام ومحبة
الشى التانى عنوانك دا تتكلم فيهو عن نفسك
وبس أيه داين دى!!!
الحاجة التانية هسى تهاجر و تخلى الحوت
لى منو!!!؟ و الحر و الكتاحه دى لى منو؟
Quote: يا ناس قطر
مافى زول عندو كرت زيارة زايد |
بخصوص الاقتباس الفوق دا
انت واضح لا ماشى لى شغل لاحاجة
انت يا الاخو مستهدف كاس العالم
عشان كدا خليك وااااااضح و لا تغش
أخوة المنبر .
قال تأهيل قال
هسى يعني لو جاك سفر بكرة دي
ما حتنتظر احتفالات الهلال بكاسو!!!؟
|
Post: #31
Title: Re: دايرين نهاجر... أدونا رايكم
Author: معاذ حسن
Date: 09-05-2011, 04:42 PM
Parent: #30
سلام يا امجد
البلد ان أباك بدّر لو بالنجعات
وصاحبك كان أباك بقنت بلا وجعات
نسأل الله لك التوفيق
|
Post: #33
Title: Re: دايرين نهاجر... أدونا رايكم
Author: أمجد الزين
Date: 09-05-2011, 07:39 PM
Parent: #31
Quote: البلد ان أباك بدّر لو بالنجعات
وصاحبك كان أباك بقنت بلا وجعات |
هييع على قول ود الباوقة
| Quote: نسأل الله لك التوفيق |
ربنا يوفق الجميع يا حبيب
تسلم كتير
|
Post: #32
Title: Re: دايرين نهاجر... أدونا رايكم
Author: أمجد الزين
Date: 09-05-2011, 07:35 PM
Parent: #30
سفيان يا حبيب
كل سنة وانت طيب
Quote: الشى التانى عنوانك دا تتكلم فيهو عن نفسك
وبس أيه دايرين دى!! |
ياخ كلامك دة قولو لزول مافى السودان
انا هسع لو طلعت شارعنا بس بجيب ليك 121 نفر دايرين
بعدين دى حسادة منك بس عشان انا متخارج
لكن ما عندك مشكلة بجيبك معاى 
Quote: الحاجة التانية هسى تهاجر و تخلى الحوت
لى منو!!!؟ و الحر و الكتاحه دى لى منو؟ |
بالنسبة للحوت ياخ الزول دة عالمى عدييل يعنى محل تقبل بتلقاهو
اما الحر والكتاحات دى انتو ما بتقصرو معاها ابقو عليها عشرة
|
Post: #34
Title: Re: دايرين نهاجر... أدونا رايكم
Author: سفيان بشير نابرى
Date: 09-05-2011, 08:04 PM
Parent: #32
اها كاس العالم!!!؟
ولا دى نومتك و ما عايز
تركز عليها عشان ما ينقشوك !؟
|
Post: #35
Title: Re: دايرين نهاجر... أدونا رايكم
Author: أمجد الزين
Date: 09-05-2011, 08:12 PM
Parent: #34
Quote: اها كاس العالم!!!؟
ولا دى نومتك و ما عايز
تركز عليها عشان ما ينقشوك !؟ |
لكن لقيتك حكاك خلاس
ياخ كاس العالم دة شاكيرا بتبطل شغلتها عشان تجى تغنى فيهو
خليك انا الماعندى موضوع دة
انا غايتو لو الله سهلها وحضرت كاس العالم دة
بجى بترشح لرئاسة الجمهورية طوالى
يعنى باقى ليك تانى حيكون فى زول احسن منى
|
Post: #36
Title: Re: دايرين نهاجر... أدونا رايكم
Author: منتصر الامين
Date: 09-06-2011, 07:24 AM
Parent: #35
Quote: بعدين دايرك تدينى نبذة خفيفة عن سوق الاتصالات هناك
ودرب الوصول ذاتو بكون كيف
لكن حتة قفلت نهائى دى انا ما داير اقنع بيها نفسى اصلو |
الاخ العزيز أمجد الزين
سوق الاتصالات فى قطر والى وقت قريب كان محتكر لشركة كيوتل
وقبل فتره دخلت شركة فودافون كمشغل ثانى ويشرف على سوق الاتصالات
المجلس الاعلى للاتصالات ICT وهناك عدد غير قليل من الشركات الخاصه
والتى تعمل فى مجال الشبكات والخدمات المتعلقه بالاتصالات
عموما يمكنك معرفة الوظائف المتوفره والتقديم لها من خلال الروابط التاليه:
http://www.qtel.qa/QODPPortal/portal/consumerhome كيوتل
http://www.ictqatar.qa/ar المجلس الاعلى للاتصالات
ما تسمع كلام سفيان دا وبالتوفبق انشاء الله وربنا يديك الفى مرادك
|
Post: #37
Title: Re: دايرين نهاجر... أدونا رايكم
Author: أمجد الزين
Date: 09-06-2011, 12:17 PM
Parent: #36
مشكور كتير منتصر الامين
وان شاء الله ما عدمناك
يلا دة النص الاول من السؤال واوفيت وما قصرت لينا فيهو تب
باقى النص التانى والاصعب وهو درب الوصول كيف؟
يعنى الا عن طريق كرت زيارة من هناك
ولا الواحد يسك وكالات السفر الهنا
ولا كيف؟
اصلو اخوك عمرو ما ركب طيارة
|
Post: #38
Title: Re: دايرين نهاجر... أدونا رايكم
Author: سفيان بشير نابرى
Date: 09-06-2011, 03:25 PM
Parent: #37
Quote: مشكور كتير منتصر احمد
|
منتصر أحمد دا منو!!!!؟
يازول ما تبطل رجفه !!!
الحاله دي بونسوك بالسفر سااااااكت!!؟
اضرب لى أنا دا بسفرك .
|
Post: #40
Title: Re: دايرين نهاجر... أدونا رايكم
Author: أمجد الزين
Date: 09-06-2011, 07:43 PM
Parent: #38
Quote: منتصر أحمد دا منو!!!!؟
يازول ما تبطل رجفه !!! |
يا عمك والله خجلتنى عديل كدة
هو صحى منتصر احمد دة منو؟؟
والله محن
غايتو كان الله سترك الناس ما بتريحك
| Quote: اضرب لى أنا دا بسفرك |
يازول انا قلبى رهيف وبصدق الكلام دة
هسع والله اشبك فيك تقول يا الله فكنى
لكن كان جيت للجد انت كان بتسفر المقعدك مع الطير* ديل شنو؟؟
ـــــــــــــــــــــــــــ
* الطير دى يا جماعة على وزن النكتة
عشان ما يجى واحد طاير لينا فى حلقنا ساى
|
Post: #64
Title: Re: دايرين نهاجر... أدونا رايكم
Author: محمد هشام
Date: 09-09-2011, 08:14 PM
Parent: #19
مكرر
|
Post: #39
Title: Re: دايرين نهاجر... أدونا رايكم
Author: حسن حماد محمد
Date: 09-06-2011, 03:41 PM
Parent: #1
أمجد سلامات
| Quote: برااااك كايس الشحططة،، |
تعال ياللخو اتشحطط معانا فى بروكلن دى والله التكنك فى سعد قشرة
والصيانة هنا عندها رواج خاصةً لو كانت فى الأجهزة
|
Post: #41
Title: Re: دايرين نهاجر... أدونا رايكم
Author: أمجد الزين
Date: 09-06-2011, 07:56 PM
Parent: #39
حسن حماد محمد
كيفنك؟
| Quote: تعال ياللخو اتشحطط معانا فى بروكلن دى والله التكنك فى سعد قشرة |
بروكلين عديييل كدة
احلى شحططة والله
يا زول بلدكم دى بعيدة خلاس
ودة حلم ما عندنا ليهو رقبة
بعدين انا بلدكم دى سكيتها لوترى لمن الله غفر لى وابت تدينا
لكن لو عندك درب بتحت تحت كدة ورينا ليهو
|
Post: #42
Title: Re: دايرين نهاجر... أدونا رايكم
Author: محمد الخاتم
Date: 09-06-2011, 09:22 PM
Parent: #41
الأخ أمجد
كدي حدد انت مجالك شنو في الاتصالات عشان نديك النجيضة
|
Post: #43
Title: Re: دايرين نهاجر... أدونا رايكم
Author: أمجد الزين
Date: 09-07-2011, 05:44 AM
Parent: #42
محمد الخاتم سلامات
| Quote: كدي حدد انت مجالك شنو في الاتصالات عشان نديك النجيضة |
انا بالضبط شغال فى مجال تركيب وصيانة محطات الاتصالات
يعنى فى الابراج بتاعة الشبكة دى
ونحنا بنقول ليها ال(BTS)
Base Transceiver Station
بشتغل SIEMENS صيانة وتركيب
وبشتغل ERICSSON
وبشتغل HUAWEI
اها بعد كدة منتظرين منك النجيضة
|
Post: #44
Title: Re: دايرين نهاجر... أدونا رايكم
Author: محمد عبد الماجد الصايم
Date: 09-07-2011, 06:19 AM
Parent: #43
بعد ما شاب .. داير يغترب!
النجيضة: لا ننصح بالاغتراب بعد الأربعين!!
_
حتى لو أربعين ولادة زاتو!!
|
Post: #46
Title: Re: دايرين نهاجر... أدونا رايكم
Author: أمجد الزين
Date: 09-07-2011, 12:17 PM
Parent: #44
| Quote: النجيضة: لا ننصح بالاغتراب بعد الأربعين!! |
الاربعين دى بالله سخنت معاك قدر دة؟
بقيت ساكينى بيها كدة
خلاص ياعمك ولا تزعل انت يادوب عمر الزهور عمر الغرام عمر المنى
تن تن ترا
|
Post: #45
Title: Re: دايرين نهاجر... أدونا رايكم
Author: منتصر الامين
Date: 09-07-2011, 06:21 AM
Parent: #43
Quote: باقى النص التانى والاصعب وهو درب الوصول كيف؟
يعنى الا عن طريق كرت زيارة من هناك
ولا الواحد يسك وكالات السفر الهنا
ولا كيف؟
اصلو اخوك عمرو ما ركب طيارة |
أمجد الزين صباح الخير
درب الوصول ساهل ولا يحتاج لوكالات السفر
خاصة اذا كان لديك قريب من الدرجه الاولى هنا
يقوم باستخراج زياره عائليه لك (الاتنين ما بدوك اقامه دائمه)
وبالعدم زيارة رجال اعمال وهاتين نوعا ما بدوك فترة اقامه مناسبه
تمكنك من تقييم الوضع ومعرفة البلد وفرص العمل بها
واذا محظوظ زى قريب احمد الزبير داك تلقى وظيفه وإقامه
ولو حظك (غير) تكون اتفسحت وغيرت جو ....
|
Post: #47
Title: Re: دايرين نهاجر... أدونا رايكم
Author: أمجد الزين
Date: 09-07-2011, 12:35 PM
Parent: #45
منتصر ما قصرت معانا تب
| Quote: خاصة اذا كان لديك قريب من الدرجه الاولى هنا |
دى مافى
| Quote: وبالعدم زيارة رجال اعمال |
رجال اعمال عديل كدة
دى شكلها بتكون مكلفة وكدة
مافى حنك عمرة وزوغة
Quote: واذا محظوظ زى قريب احمد الزبير داك تلقى وظيفه وإقامه
ولو حظك (غير) تكون اتفسحت وغيرت جو |
والله كان على الحظ الا الواحد اقنع لانو مافى عديل كدة
|
Post: #48
Title: Re: دايرين نهاجر... أدونا رايكم
Author: سفيان بشير نابرى
Date: 09-07-2011, 01:28 PM
Parent: #47
Quote: درب الوصول ساهل ولا يحتاج لوكالات السفر
خاصة اذا كان لديك قريب من الدرجه الاولى هنا
يقوم باستخراج زياره عائليه لك (الاتنين ما بدوك اقامه دائمه)
وبالعدم زيارة رجال اعمال وهاتين نوعا ما بدوك فترة اقامه مناسبه
تمكنك من تقييم الوضع ومعرفة البلد وفرص العمل بها
واذا محظوظ زى قريب احمد الزبير داك تلقى وظيفه وإقامه
ولو حظك (غير) تكون اتفسحت وغيرت جو .... |
منتصر (أحمد) سلاااام
بالله الزول دا من عندنا
ساعدوا ما تعلب بمشاعروا.
|
Post: #49
Title: Re: دايرين نهاجر... أدونا رايكم
Author: اميرة السيد
Date: 09-07-2011, 01:35 PM
Parent: #48
نصيحتي ليك يا أمجد ما تحاول تهاجر عشان ما تندم بعدين
واذا اضطريت تهاجر ما تحرق مراكبك مراك .. اخد اجازة من الشغل وجرب الاغتراب وبعد داك قرر!!!
وكمان اذا اضطريت تهاجر ما تهاجر لدولة عربية عشان كل المغتربين في الدول العربية بيشتكوا من سوء المعاملة
وكمان اذا اضطريت تهاجر لدولة اوروبية او لامريكا .. ما تهاجر إلا للدراسة فقط ... عشان الشغل هنا صعب
والله يديك العافية
|
Post: #51
Title: Re: دايرين نهاجر... أدونا رايكم
Author: أمجد الزين
Date: 09-07-2011, 01:57 PM
Parent: #49
تسلمى اميرة السيد على النصيحة الغالية
والله ما جاب الندم ان شاء الله
انا طبعا قررت اغترب لاسباب بالنسبة لى منطقية
اول حاجة عشان الواحد يأهل نفسو اكاديميا وماديا طبعا
لانو الحاجة دى انا فاقدها فى شغلى الحالى بالذات الجانب الاكاديمى
| Quote: واذا اضطريت تهاجر ما تحرق مراكبك وراك |
دى طبعا عامل ليها حسابى جدا
وانا شغال بالمثل "ان مسكت ما تطلق وان طلقت ما تندم"
| Quote: وكمان اذا اضطريت تهاجر لدولة اوروبية او لامريكا |
طبعا اى شاب بحلم بالدول الاوروبية لكن الوصول ليها اصعب من الدول العربية عشان كدة هى البتكون الخيار الاسهل
| Quote: ما تهاجر إلا للدراسة فقط |
دى كمان صعبة شوية لانو ورانا كوم لحم
وليك الشكر من هنا لا عندك
|
Post: #50
Title: Re: دايرين نهاجر... أدونا رايكم
Author: أمجد الزين
Date: 09-07-2011, 01:40 PM
Parent: #48
| Quote: ساعدوا ما تعلب بمشاعروا. |
تعلب الصحراء
والله اياها ذاتها
تكسى فى الناس وهى عريانة
|
Post: #52
Title: Re: دايرين نهاجر... أدونا رايكم
Author: سفيان بشير نابرى
Date: 09-07-2011, 01:58 PM
Parent: #50
Quote: تعلب الصحراء
والله اياها ذاتها
تكسى فى الناس وهى عريانة |
يعنى اسحب توصيتى لمنتصر أحمد دا؟
|
Post: #53
Title: Re: دايرين نهاجر... أدونا رايكم
Author: أمجد الزين
Date: 09-07-2011, 02:07 PM
Parent: #52
| Quote: يعنى اسحب توصيتى لمنتصر أحمد دا؟ |
انت منتصر احمد دة منو ؟
هو قال بعرفنى؟
بعدين نزل المسدس بتاعك دة ياخ
لانو انا ما بعرف اعوم
|
Post: #54
Title: Re: دايرين نهاجر... أدونا رايكم
Author: Tragie Mustafa
Date: 09-07-2011, 02:18 PM
Parent: #50
الاخ امجد الزين
عيدك مبارك اولا
ومرحب بك بالبورد ثانيا
واعذرني على الترحيب المتأخر.
الهجرة افضل من الاغتراب
لانه المغتربين برجعوا يحاولوا
يهاجروا بعد يجمعوا قروش
وما تسمع كلام د.نجاة دي وحاتك تشيل
الجنسيه الغربيه دي ترجع
تغترب في الخليج ولكن كاجنبي!!
ولتجيبك هي وقتها عن فرق الراتب
بين مهندس الاتصالات الامريكي و السوداني
في اي دوله عربيه!!
يبقى الهجرة لو لقيتها هي الافضل
نرجع لكيف....يمكن تحقيقها؟!
لوتري لامريكا ابحث عن الاحوة
سيف اليزل
والخير
اعضاء طيبين بهذا المنبر.
هجرة لكندا واستراليا
هي دول اولا تعلن عن حوجتها لمزيد من السكان
استراليا قد تكون بقت اصعب رغم طقسها الجميل
لانه (بعض السودانين)السودانين طبظوا
وسمعتنا بقت هباب نحن و الصومالين!
كندا لسه سمعتنا لاباس بها
و(الاربعين سنه) القالها لك ود الصائم دي ما تهملها
كلما صغر عمرك لك نقاط افضل في(فورم الهجره)وكل
ما كبر عمرك قلة نقاطك ولكن لا تنعدم الفرصه.
جود الانجليزيه وأبدأ توفير قريشات فانت تحتاج ما بين
20 الف دولار ل ما فوق....العشرين بنوريك كيف تتصرف فيها
ان شاله تدينها وترجعها للدائنين بس ان شاء الله تلقى من يثق
فيك بمبلغ مثل هذا.....لانه اغلب ابناء شعبنا وبناته قد لا يجدوا
من يدينهم حتى هذا المبلغ.
بلاد بتستاهل ما اكذب عليك
رغم طقسها....لكنها تجارب افضل من حالنا كثير
نشتاق لبلادنا ولكن يصعب ان نعيش فيها مجددا
والسبب نمط التعامل فقط
لا الابنيه لا الطقس و لا الحريه السياسيه فقط
حتى تعامل البشر فرق السماء من الارض!
ناسنا طيبين بس الطيبه بلا نظام وبلا
انتاج حقيقي ليست كافيه لتصنع امه!
فورمات الهجره لكندا تجدها بموقع وزراة الهجره الكنديه
ولا تحتاج لواسطه او محامي.
|
Post: #55
Title: Re: دايرين نهاجر... أدونا رايكم
Author: ناصر المحسى
Date: 09-07-2011, 03:02 PM
Parent: #54
| Quote: طبعا اى شاب بحلم بالدول الاوروبية لكن الوصول ليها اصعب |
يا امجد تاشيرة شنغل سهل جدا فى السودان بس تتكت
وكمان فى ناس بيبيعو اللوترى بيشوفو ليك حق واحد قريب
لشكلك
|
Post: #57
Title: Re: دايرين نهاجر... أدونا رايكم
Author: أمجد الزين
Date: 09-07-2011, 07:37 PM
Parent: #55
سلام ناصر المحسى
Quote: وكمان فى ناس بيبيعو اللوترى بيشوفو ليك حق واحد قريب
لشكلك |
غايتو يا ناصر زى دة ما سمعت بيهو
وبعدين الموضوع ما ظنيت يكون بالبساطة دى
لانو الشئ البعرفو لو فى اختلاف فى التوقيع بتاعك بس ممكن يشوتوك برة
تحياتى
|
Post: #58
Title: Re: دايرين نهاجر... أدونا رايكم
Author: ناصر المحسى
Date: 09-07-2011, 07:45 PM
Parent: #57
Quote: غايتو يا ناصر زى دة ما سمعت بيهو
وبعدين الموضوع ما ظنيت يكون بالبساطة دى
لانو الشئ البعرفو لو فى اختلاف فى التوقيع بتاعك بس ممكن يشوتوك برة |
والله يا امجد السنة الفاتت قابلت فى مصر كم جايين بلوترى ماحقهم وعملو التاشيرات
وسافرو انت بس اسال عندك
اما تاشيرة الشنغل اسال ناس الوكالات وخاصة لليونان بعد داك ممكن تمشى اى
دولة اوربية
|
Post: #61
Title: Re: دايرين نهاجر... أدونا رايكم
Author: أمجد الزين
Date: 09-09-2011, 01:52 PM
Parent: #58
سلامات ناصر
Quote: والله يا امجد السنة الفاتت قابلت فى مصر كم جايين بلوترى ماحقهم وعملو التاشيرات
وسافرو انت بس اسال عندك |
الفهمتو
انو الواحد فى الحالة دى حيسافر باسم غير اسمو
ولا انا غلطان
Quote: اما تاشيرة الشنغل اسال ناس الوكالات وخاصة لليونان بعد داك ممكن تمشى اى
دولة اوربية |
تاشيرة الشنغل دى ما عرفت المقصود بيها شنو؟
ياريت توضح لى
|
Post: #56
Title: Re: دايرين نهاجر... أدونا رايكم
Author: أمجد الزين
Date: 09-07-2011, 07:32 PM
Parent: #54
الاخت تراجى
كل سنة وانت طيبة
وليك عميق الشكر للدعم
وهسع انا بقلب فى موقع وزارة الهجرة الكندية
وربنا يسهل الامور ان شاء الله
تحياتى
|
Post: #60
Title: Re: دايرين نهاجر... أدونا رايكم
Author: Ammar Elyas Babiker Hassan
Date: 09-07-2011, 08:49 PM
Parent: #56
سلامات يا امجد
اخوك بتاع اتصالات قديم في السودان تركتها, واخدت لفة في كم مكان شغل وقراية
اذا امورك في الشغل ماشة كويس, فممكن تطور نفسك فيهو وممكن تغير قليل في المجال فالاتصالات اصبحت مجال واسع شديد, واذا ما شغال في شركة كبيرة حاول تلقي ليك فرقة فيها فالقصة ما صعبة
ركزعلي الشهادات المهنية وادراة المشاريع
وحتي لو مصر علي الاغتراب فما تمشي الا لي فرصة واضحة ولي شركة كبيرة لانو دي الممكن تستفيد منها
الحاجة الاخيرة الواحد فينا بيكون محظوظ في بعض الاشياء فلو كنت موفق في شغلك بصورة عامة فما تخليهو لانو ممكن حظك يعكس لو غيرت
لو عاوز فكرة عن التحضير في ماليزيا ممكن افيدك
عموما بالتوفيق ان شاء الله
|
Post: #62
Title: Re: دايرين نهاجر... أدونا رايكم
Author: أمجد الزين
Date: 09-09-2011, 02:04 PM
Parent: #60
سلامات عمار
وشكرا على افاداتك
ومنك نستفيد
انا فى شغلى الحالى الحمدلله ما بطال يعنى ماشى الحال
بس المشكلة عدم التطوير
يعنى انا زى ما قلت فى اول البوست انو لى اكتر من سنة شايف نفسى ما مستفيد حاجة
وماداير احصر نفسى فى حتة ضيقة كمان عشان كدة الواحد داير يفتش لفرص احسن
| Quote: لو عاوز فكرة عن التحضير في ماليزيا ممكن افيدك |
انا طبعا التحضير دة ما عندى ليهو طريقة على الاقل فى الوضع الحالى
لكن برضو يا ريت تدينا الفكرة حتى لو ما استفدت منها انا يستفيد غيرى
تحياتى
|
Post: #63
Title: Re: دايرين نهاجر... أدونا رايكم
Author: سفيان بشير نابرى
Date: 09-09-2011, 02:52 PM
Parent: #62
أنت يازول لسه ماسافرته يازول!!!!؟
و لا عايز تضرب لي اسفرك!!!؟
|
Post: #65
Title: Re: دايرين نهاجر... أدونا رايكم
Author: محمد هشام
Date: 09-09-2011, 08:32 PM
Parent: #63
بوست فير موفق ومحبط وما سمح كلو كلو..
يعني هسي انا خريج هندسة جديد يادوب ما تميت شهر
ومليان جدا بالطموح والامال العريضة ..
في مرتب محترم و ومنزل وعربية محترمات الاتنين برضو.. وكلو جوا الوطن..
اجي هنا القاك ليك 3 سنين وشغال وبعد دا كايس لمخرج
بوست ضار بالشباب والصحة العامة للخريج
واطلب من بكري مسح البوست
واكعب حاجة في البوست دا انو الواحد مافهم الهجرة احسن ولا الاغتراب
وامسخ حاجة انو كاتب البوست اي حاجة قالوها ليهو طلعت مجربة و فاشلة
و الحاجة المضحكة انو ناس قطر مصهينيين رسمي..
تحياتي يا امجد وللجميع
|
Post: #66
Title: Re: دايرين نهاجر... أدونا رايكم
Author: محمد الخاتم
Date: 09-09-2011, 10:19 PM
Parent: #65
Quote:
انا بالضبط شغال فى مجال تركيب وصيانة محطات الاتصالات
يعنى فى الابراج بتاعة الشبكة دى
ونحنا بنقول ليها ال(BTS)
Base Transceiver Station
بشتغل SIEMENS صيانة وتركيب
وبشتغل ERICSSON
وبشتغل HUAWEI
اها بعد كدة منتظرين منك النجيضة |
امجد يا زين
اخوك طبعا في نفس المجال بس في شغل ال core + business solution وجيت هنا لي سنتين (بس ما شغال في المجال)
اولا الشغل هنا كلو عند الشركات ال outsource والبلد اصلا صغيرة شديييد والهنود والفلبينيين علي قفا من يشيل عشان كدا حتي لو لقيت شغل بكون المرتب ضعيف شدييد يعني مرتبك هناك بكون احسن بي 10 مرات من هنا .
أما اذا عملت دورات كتيرة (بس خارج السودان) انصحك اكرب بطنك وامشي اعمل ال pmp عشان تكابس في كيوتل ولا فودافون اللي هم المشغلين الرئيسيين .
علي العموم دا ايميلي واعمل لي اضافة في الماسنجر عشان نكب ليك الحنك كلو [email protected]
|
Post: #69
Title: Re: دايرين نهاجر... أدونا رايكم
Author: أمجد الزين
Date: 09-13-2011, 04:15 PM
Parent: #66
محمد الخاتم كيفك
| Quote: المرتب ضعيف شدييد يعني مرتبك هناك بكون احسن بي 10 مرات من هنا |
يازول انت متاكد انو الكلام دة فى قطر
احبطتنى والله
يازول نتلاقى فى الاسكايبى ونشوف الحنك شنو
|
Post: #68
Title: Re: دايرين نهاجر... أدونا رايكم
Author: أمجد الزين
Date: 09-13-2011, 04:08 PM
Parent: #65
محمد هشام يا برلوم
اول سلامات
وتانى الف مبروك التخرج
والله يا عمك الدنيا اقسام وما تشتغل بكلامى دة كتير
احتمال حظك يكون احلى
وحلمك دة
| Quote: في مرتب محترم و ومنزل وعربية محترمات الاتنين برضو.. وكلو جوا الوطن. |
فى ناس دفعتنا عايشنو
دة عشان ما احبطك
وربنا يوفقك شديد والله
تحياتى
|
Post: #67
Title: Re: دايرين نهاجر... أدونا رايكم
Author: أمجد الزين
Date: 09-13-2011, 04:03 PM
Parent: #63
سفيان يا حبيب
Quote: أنت يازول لسه ماسافرته يازول!!!!؟
و لا عايز تضرب لي اسفرك!!!؟ |
والله يا عمك اهو عايشين 
لكن على العموم لاقينى هنا
0912509246
على الاقل نسمع صوتك
|
Post: #70
Title: Re: دايرين نهاجر... أدونا رايكم
Author: سفيان بشير نابرى
Date: 09-13-2011, 05:03 PM
Parent: #67
| Quote: على الاقل نسمع صوتك |
لا لا بعد ده الشافك سافرته ما كضب
|
Post: #71
Title: Re: دايرين نهاجر... أدونا رايكم
Author: خالد المحرب
Date: 09-13-2011, 06:10 PM
Parent: #70
Quote: والله يا عبداللطيف الشحططة مقابل الواحد يطور نفسو ما بناباها
ياخ انا نسيت انى قريت هندسة ذاتو
ودايرين نلحق الفضل دة |
وانا راى عكس راى عبد اللطيف لو لقيت فرصه اطلع طوالى بدون اى تردد
وصدقنى حا تطور نفسك ولغتك بالتاكيد ......... تحياتى
|
Post: #72
Title: Re: دايرين نهاجر... أدونا رايكم
Author: أمجد الزين
Date: 09-14-2011, 06:42 AM
Parent: #71
Quote: وانا راى عكس راى عبد اللطيف لو لقيت فرصه اطلع طوالى بدون اى تردد
وصدقنى حا تطور نفسك ولغتك بالتاكيد |
تشكر خالد المحرب على المرور والدعم
تحياتى
|
Post: #73
Title: Re: دايرين نهاجر... أدونا رايكم
Author: محمد عمر جبريل
Date: 09-14-2011, 07:17 AM
Parent: #72
شنقن .. اسمها شنقن فيزا .. ما شنغل
state of shengen
الزول دا شكلو داير يدقسك
..............
النسبة لمجال الاتصالات هنا في السودان
فمن أحسن المجالات والمرتبات فيهو عالية جدا
بس حاول أطلع من الصب كونتراكتور الشغال معاهو دا
|
Post: #74
Title: Re: دايرين نهاجر... أدونا رايكم
Author: أمجد الزين
Date: 09-14-2011, 08:26 AM
Parent: #73
محمد عمر يا حبيب
| Quote: شنقن .. اسمها شنقن فيزا .. ما شنغل |
هى الشنقن ذاتها شنو؟؟
| Quote: بس حاول أطلع من الصب كونتراكتور الشغال معاهو دا |
ياخ انت شغال معانا ولا شنو؟؟
اها نحنا فى طريقة الطلعة دى كيفنها؟؟
برضو حاولنا نخش جوة وما لقينا طريقة
تحياتى
|
|