الطيران الإيراني يقصف قري النيل الازرق (بوست محجوز لنزار يوسف)

ما عارف يا بكري سبب حزف البوست الأول شنو لكن وانا دائما احسن الظن بك قلت امكن عشان العنوان جاء بصيغة خبر عاجل وحتي دي المشكلة و ين؟ما الكضب مالي صفحات المنبر
المهم علي قول تبارك
بعد دحر جيش الحركة والأن الجيش يطارد فلولهم برا وجوا اقوم اجينا ليك نزار بي مكنة زي دي وطبعا الغرض منها معلوم

Quote: بعد دحر جيش الحركة والأن الجيش يطارد فلولهم برا وجوا اقوم اجينا ليك نزار بي مكنة زي دي وطبعا الغرض منها معلوم

يعنى الدمازين ما فوقا احتلال


-------------------
انتو ياجماعة الحرب فى جبال النوبة وصلت وين

كويس انك زكرتني عشان ارد علي مداخلتك في البوست المحزوف وكنت بتسأل وجود قوات اجنبية في الدمازين وبقول ليك كانت في قوات الجيش الشعبي المتمرد والمدعوم بالعتاد و المال من دولة اجنبية يعني عملاء لدولة اجنبية

Quote: وبقول ليك كانت في قوات الجيش الشعبي المتمرد والمدعوم بالعتاد و المال من دولة اجنبية يعني عملاء لدولة اجنبية

حدد الدول وجيب الدليل ياريت يكون واضح

ما يكون كلام ساى



----------------
زى فرملت اسرائل

بيان من الناطق الرسمي باسم القوات المسلحة حول أحداث الدمازين


الخرطوم 2 سبتمبر (سونا) - أصدرت القوات المسلحة بيانا حول الإحداث التي شهدتها ولاية النيل الأزرق مساء الخميس و صباح اليوم أكدت فيه سيطرة القوات المسلحة على الأوضاع و استمرارها في تأمين كافة إرجاء الولاية و مطاردة فلول التمرد
و قال العقيد الصوارمي خالد في بيان لوكالة السودان للإنباء إن ما قامت به قوات الحركة الشعبية من هجوم غادر على مواقع قواتنا يؤكد ما جاء على لسان مالك عقار بتاريخ 28 /8 /2011 م حيث نادى الشباب للاستعداد للحرب في الولاية .
و قال البيان أن القوات المسلحة ستعمل على بسط السلام والأمن والاستقرار في الولاية و فيما يلي تورد سونا نص البيان:


بيان الناطق الرسمي باسم القوات المسلحة عن الدمازين

أيها المواطنون الثوار الأحرار بتاريخ 30- 8 تواترت المعلومات بقيام الجيش الشعبي بالنيل الأزرق بحشد وتجميع قواته في المنطقة بغرض الهجوم المتزامن على كل مواقع قواتنا المسلحة، كما تم استدعاء كل قيادات الحركة الشعبية السياسية والعسكرية إلى الكرمك وإخلاء عدد كبير من أسر قيادات الحركة الشعبية السياسية والعسكرية من مدينة الدمازين.

بعد قراءة هذا الموقف تم توجيه القوات المسلحة لاتخاذ كافة الإجراءات والتحوطات اللازمة . وبتاريخ يوم 1 -9- 2011م وفي تمام التاسعة مساءا بدأت قوات الجيش الشعبي بمهاجمة قواتنا في الدمازين في النقاط التالية : البوابة الجنوبية، القيادة، المنطقة الصناعية وخارج الدمازين في كل من دندرو وام دَرْفة وأولو وود الماحي غير أن القوات المسلحة تمكنت من صد هجوم المتمردين وبسط سيطرتها تماماً على مدينة الدمازين والمواقع الأخرى التي تم الاعتداء عليها، كما واصلت القوات المسلحة تامين الولاية ومطاردة فلول التمرد.

إن ما قامت به قوات الحركة الشعبية من هجوم غادر على مواقع قواتنا يؤكد ما جاء على لسان مالك عقار بتاريخ 28 / 8 /2011 م حيث نادى الشباب للاستعداد للحرب في الولاية، غير أن القوات المسلحة ستعمل على بسط السلام والأمن والاستقرار في الولاية وحماية المواطنين، ولن تفرط في امن واستقرار المواطنين وحماية ممتلكاتهم.

م عثمان

يا ريت لو عندك وجهة نظر فى انوا فى عملاء برضوا ودولة اجنبية فى جبال النوبة تورينا


نبدا التحرير السودان من اى اجنبى لمن نوصل حلايب انشاء الله شهادة بينه انشاء الله مش كدة

في ذمتك دي ما عارفهم عملاء ياتو دول اجنبية؟؟
‏ بعدين ما تجهج لينا البوست دا انت ما شايفه محجوز

Quote: في ذمتك دي ما عارفهم عملاء ياتو دول اجنبية؟؟ ‏ بعدين ما تجهج لينا البوست دا انت ما شايفه محجوز

يا شاب سلام عليكم هسى انا لو قلت ليك عمر البشير دة عميل امريكى ساى كيف مش بكون كضاب علشان انته ما تكون كضاب كمان

قول لينا اى دولة مدت ناس الدمازين وديل سودانين وديك بلدم ما ممكن نحرر من سكان المنطقة اى دولة والدعم نوعوا شنوا انا ضد المؤتمر الوطنى

ما ضد السودان وانا من جبال النوبة (( وما حركة شعبية )) وشايف لو فى اى تدخل اجنبى انا ضد التدخل الاجنبى ومافى اى مساومة فى الموضوع والله
على ما اقول شهيد

لذاك وللمصداقية عليك زكر انوا اهل النيل الازرق ديل عملاء وماجورين وضد السودان وماخدين دم مادى من دولة اجنبية تمام وبعد داك شوف رينا فى الموضوع شنوا


فى دعم لوجستى وامنى مصرى لى حكومة الخرطوم لو عايز دليل بديك ودة تدخل اجنى انته رايك شنوا

منتظر ردك وبديك الدليل

--------------

يا امير
قلنا ليك البوست محجوز لقصف القري بالطيران الإيراني بالاسلحة الكيماوية و في رواية اخر بالسلاح النووي كما قال احد الصفاقين في هذا المنبر
اما عمالة الجيش الشعبي و تبعيته لحكومة الجنوب دي ما بناقشك فيها زاتو امكن اكون غلطان وعلم دولة جنوب السودان المرفوع في مواقع الجيش الشعبي دا مرفوع في السفارات