امير طمبل يقود وفد خالد المحرب وطارق نقد الينا بدخان ، صور لاحقا

فى إنتظار موكب شيخ العرب

و الاستاذ طارق نقد و اسرهم

الكريمة ، يقال ان البخيت

يخدموه عيال (العرب) فقـد

وقف الاخوان اميرطمبــــل

ومعتز القريش الفا احمر

فى خدمة ضيوفنا الكــرام

الكورة الان فى ملعبنا ربنا

يقدرنا و نكرم ضيوفنـــــا

مرحب بالاحباب .

ود عمي الكلس
رفعت راسنا والله مع الضيوف وياها شيمك وماها جديدة عليك

أها يا أخوي أنا بجي متأخر لآني شغال
كلم نديدي محمد هجو يخلي لي حقي بي جمبة

مرحب ود العم ابومحمد ، انت و امير سبقتم الناس وكنتم فى لحظة وصول وقدتم الركب الميمون ، و اكرمتهم ليلة الامس ، و ظللت مرافقا ومؤانسا لهم .

فى انتظارك ، وحاسب من الطريق ، تحياتى .

Quote: ، يقال ان البخيت يخدموه عيال (العرب) فقـد وقف الاخوان اميرطمبــــل ومعتز القريش الفا احمر فى خدمة ضيوفنا الكــرام الكورة الان فى ملعبنا ربنا يقدرنا و نكرم ضيوفنـــــا

ابو هاله رقم الظروف التى كانت محيطه بام احمد كان لنا الشرف بان نتبرك ونشم ريحة العز والكرم
ونشفى السقم من الديار التى انتم ساكنيها انا وضيوفى انبسطنا فى داركم وام احمد اكرمت واستشفت
فى جاهكم التحيه لى ام محمد واخوها احمد و ال###### اللاقانا فى الصينيه القريب من بيتكم انا اديه التحيه

الاخ الكريم ود المحرب و ضيوفه الكرام طارق نقد و اسرته ، بداية ما وددت ان اتعرض لموضوع الوعكة الخفيفة التى تعرضت اليها بت الرجال اختنا ام احمد حتى لا يقلق الاهل و الاحباب ، ولكن طالما انك تعرضت للموضوع نقول ان بت ابوحريرة بت بيت العز اصرت رغم الارهاق و التعب ان تصل الى دخان ، وكذلك وقوف ابو احمد داعما لها لمواصلة الرحلة مهما كانت الظروف ، المهم فى طريق تعبت شويه ، فبدلا من الذهاب الى البيت حولنا الى المستشفى ، وبحمد الله تم عمل كل الفحوصات اللازمة لها بمستشفى قطر للبترول و تبين ان الامر ارهاق عيد و سهر وتعب ، ومن هنا فانى اتوجه ببالغ الشكر للدكتور علاء وطاقم الوردية الذين اكرمونا فى شخص اسرة شيخ العرب . المهم هى الان تمام التام ما فى زول يقلق تب .

طبعا البقاء لفترة فى المستشفى وهكذا شاء الله ، فان البرنامج قد اختل شوية ، وهنا تبين اصل التربية وبنات الاصول فقد اصرت البنات اخونا خالد المحرب الوصول الى البيت و البقاء مع بناتى حتى لا يتأثر جوء الرحلة و ظلت حرمنا بطرف اختنا بت ابو حريرة بالمستشفى .

بعد الاطمئان عليها من قبل الدكتور اصرت بت ابو حريرة ان نذهب كلنا الى البيت و ان تبقى معها اختها حرمنا.

بحمد الله خرجت من المستشفى بعد ان اطمئن الكادر الطبى ان امورها كلها تمام ،عادت الى البيت و عادت لنا الفرحة و الحبور .

اكرمنا اخونا طارق نقد و اخيه مرتضى و لقد سعدنا باطفاله الصغار وزوجته ، اما ابوطويلة امير طمبل

فقد كان ( شمعة الجلاس) بقفشاته وقد تعلق به مجاهد وعلى واصرا عليه ان يكرر الزيارة مرات و كرات ، التحية و التقدير لضيوفنا الكرام، و نسبة للظروف التى احاطت باختنا ام احمد لم نتمكن من الذهاب الى البحر و غيرة وقد اكتفينا ببعض اللقطات لضيوفنا الكرام داخل المنزل.

الف سلامه لبنت ابو حريره

ما قصرتم اخي الاقرع

وكل عام وانتم بالف خير

اوع بس تكون حساسيه من الدخان ؟؟

سلامة أم أحمد
لكن خالد المحرب وشنبه وطارق نقد وإسمه باتوا عندي من المظنونين
المحرب ما ح يشفع ليه شنب ستالين المعقوف
وطارق ما ح يرحمه نقد

كنت عايز أعمل معاكم الواجب بس
لكن طلعتوا ما أهل واجب ذاتو
ومبرك عليكم الظلاميين

الاخ الكريم طارق ميرغنى ، كل عام و انتم بخير ، نبشرك بان بنت ابوحريرة بالف خير ، و اكيد انت بطريقتك تواصلت معهم و عرفت انها بخير .

يا شيخنا طالما جايين من طرفكم حبابن الف ، فعلا دخان ملوثه شويه بس سواق اخوك شيخ العرب ما حريف (امير طمبل) اتعب الجماعة و المسافة طويلة.

نتمنى ان نراك برضو فى دوحة الخير انت و الاسرة الكريمة.

يا ابوساندرا كل عام وانت و الاسرة الكريمة بالف خير


يا اخى انت و الاخوان فى الدوحة ما قاعدين تقصـــروا


مع ضيوف الدوحة ، مرة و احدة بس اخدنا منكم شيـــخ

العرب ، حقو تخلوه لينا.

يوم الحفلة فى النادى حضرت لاخد ود المحرب و لم اسعد

بروياكم بس سلمنا على الاهم ام البنات اختنارشيـــده

برضو هو اليوم مدد ممكن تلحقو كمان، غايتو جنس غتاتة