الرئيس اليمنى (اتلحس) ويردد كلام الوداعيات وضاربى الرمل..

بدا الطاغيه كما الاراجوز وهذى بحديث غير مفهوم لكن الملفت فيما قال هو فساد المعارضين مما حدا بمراسل الbbc ان يتساءل عن ان الفساد عادة ما يوسم به من هو فى السلطه اما ان يوصف معارض بانه فاسد فهذه جديده..من ضمن هذيانه قال سفاح اليمن ان المعارضين عباره عن(حاسدين وحاقدين) وهو حديث يذكر بما يردده العرافون والوداعيات وضاربى الرمل ولم يتبقى للطاغيه الا ان يصرح بان خصومه(عاملين ليهو عمل ) ولاحول ولاقوة الابالله العلى العظيم..

و الله يا دكتور و ضعية محرجة
ومخجلة لينا نحنا ذااااتو
المتابعين ديل !!!
البشر دى بما تخجل !!!؟

على الرغم من اختلافى مع الرئيس المصرى المخلوع مبارك الا اننى احترم فيه انصياعيه لرغبة شعبه متنازل عن السلطة وبقائه فى مصر ياريت يستمع الرئيس اليمنى لصوت شعبه

Quote: بدا الطاغيه كما الاراجوز وهذى بحديث غير مفهوم لكن الملفت فيما قال هو فساد المعارضين مما حدا بمراسل الbbc ان يتساءل عن ان الفساد عادة ما يوسم به من هو فى السلطه اما ان يوصف معارض بانه فاسد فهذه جديده..من ضمن هذيانه قال سفاح اليمن ان المعارضين عباره عن(حاسدين وحاقدين) وهو حديث يذكر بما يردده العرافون والوداعيات وضاربى الرمل ولم يتبقى للطاغيه الا ان يصرح بان خصومه(عاملين ليهو عمل ) ولاحول ولاقوة الابالله العلى العظيم..

اسمع يا دكتور الدال القدام اسمك دي حقيقية ولى بتاعة كيزان
ذى البروفسر الذى شاهدناه في مسيرة ضنب ككوا في التسعينات يهتف(خاسيء..خاسيء ياعنان)..بالله ده كلام يكتبو دكتور..في منبر حر
دي ونسة مسنجرات ما تنفع

ماذا تعرف عن اليمن ونظامها السياسي الحالي وماذا تعرف عن الرئيس على عبدالله صالح؟

بديك اسبوع يا دكتور تجيب لي تقرير علمي ان احداث اليمن يصلح في البي بي سي
او مقال يصلح للنشر في الشرق الاوسط او القدس العربي

فيما عدا ذلك انت كوز وذلك مبلغك من العلم
اما اذا عايز تعرف الرئيس قال شنو وبخاطب الشعب اليمني وليس انت...
قال من بداية الاحداث انه هذه الولاية الاخيرة دستوريا وتنتهي 2013انا بمشي بعد يجي رئيس جديد منتخب من الشعب في انتخابات مبكرة...وفقا للشرعية الدستورية
وليه ما سالت نفسك لي لم يدعم المجتمع الدولي والدول الراسخة في الديموقراطية المعارضة اليمنية
وهل قدرت الظروف التي جعلته في مستشفي
والله انتو يا السودانيين انتو الفضائح عشان كده بجيبوا عرب اصليين بدلكم في الفضائيات لمناقشة قضايا السودان
ولكن عاهات البورد كثيرة وما بتتعالج ابدا.....خليكم في سودانكم احسن....
اتمنى تكون كوز عشان ما يخيب ظني فيك

Quote: اسمع يا دكتور الدال القدام اسمك دي حقيقية ولى بتاعة كيزان

بتاعة كيزان والله...

Quote: ولكن عاهات البورد كثيرة اتمنى تكون كوز عشان ما يخيب ظني فيك

ياخى انشاء الله ربنا ما يخيب ظنك اعتبرنى عاهه, كوز, اى حاجه بس انت ماتزعل..لم اكن انوى الرد عليك لكن قلت افشك وبالمره اقول ليك انا ماقاعد افهم كتاباتك يعنى انت عندك مشكله مع الكيزان زى حالاتنا كده ولا مع السودانين لانهم فشلوا فى الظهور عبر الفضائيات وبرضو قلت اقول ليك المهله الاديتنى ليها دى لكتابة موضوع عن اليمن شويه على زول مبتدئ زى كده فياخى اكتب الموضوع ده انت خصوصا انك متخصص فى القصة والرواية والمقال السياسى وبعدين ياخى بعد هرجلتك دى كلها كل عام وانتم بخير...

Quote: بتاعة كيزان والله...

وكل عام وانت بخير
خلاص ظني ما خاب فيك وذلك مبلغك من العلم ومعذور
وفشل السودانيين طلع فيه منصور خالد كتاب(النخبة السودانية وادمان الفشل)

بعدين الفرق بين الكتابة في المسنجر وفي المنابر الحرة
هي
في عصر العلم والمعلومات ناس كثيرة بتابع لمنابر الحرة للبلد المعييين وتعرف درجة وعي الناس فيه
اما ونسة المسنجرات ذى لعب الكوشتينة والعوازيم والرحلات وافطار رمضان
وذى العادة السرية...تخص صاحبا بس وليس لها اي قيمة معرفية

والهرجلة يا اخوى ياها البتسوي فيها دي
عامل الدال بتاعتك الاباها التجاني عبدالقادر
بكلم بكري يعمل لي دال ذى حقتك دي
عشان اجي اكتب البيان والتبيين الذى حقك ده.ليه ما سالتني من البروفسر المرق يهتف "خاسيء خاسيء يا عنان"..

Quote: اسمع يا دكتور الدال القدام اسمك دي حقيقية ولى بتاعة كيزان ذى البروفسر الذى شاهدناه في مسيرة ضنب ككوا في التسعينات يهتف(خاسيء..خاسيء ياعنان)..بالله ده كلام يكتبو دكتور..في منبر حر دي ونسة مسنجرات ما تنفع ماذا تعرف عن اليمن ونظامها السياسي الحالي وماذا تعرف عن الرئيس على عبدالله صالح؟ بديك اسبوع يا دكتور تجيب لي تقرير علمي ان احداث اليمن يصلح في البي بي سي او مقال يصلح للنشر في الشرق الاوسط او القدس العربي فيما عدا ذلك انت كوز وذلك مبلغك من العلم اما اذا عايز تعرف الرئيس قال شنو وبخاطب الشعب اليمني وليس انت... قال من بداية الاحداث انه هذه الولاية الاخيرة دستوريا وتنتهي 2013انا بمشي بعد يجي رئيس جديد منتخب من الشعب في انتخابات مبكرة...وفقا للشرعية الدستورية وليه ما سالت نفسك لي لم يدعم المجتمع الدولي والدول الراسخة في الديموقراطية المعارضة اليمنية وهل قدرت الظروف التي جعلته في مستشفي والله انتو يا السودانيين انتو الفضائح عشان كده بجيبوا عرب اصليين بدلكم في الفضائيات لمناقشة قضايا السودان ولكن عاهات البورد كثيرة وما بتتعالج ابدا.....خليكم في سودانكم احسن.... اتمنى تكون كوز عشان ما يخيب ظني فيك

الاستاذ عادل
في البدء السلام عليكم ورحمة الله وبركاته. وكل عام وانت بخير واتمني ان يمن الله عليكم بسعة صدر وعلم .
ثانيا اعتب عليك الاخ الكريم تجنيك علي د. محمد او غيره . لا سيما وقد بدي من حديثك انك لم تعرف الرجل او تعرف عنه كثير شئ. واري انه إذا زين د. محمد اسمه ام لم يفعل فهذا لا يضيرك في شئ ولا يزيد حرفا للمعني الذي رامه د. محمد . فواقع اسمك يقول إن والديك يرحمهما الله في حياتهم ومماتهم تمنيا اختيار صفتي العدل والامانه قصدا لتتعايش مع الناس علي قدر طموحهما فهل يا تري انت فاعل؟ .
ولم ادر ماهي علاقة شهادة د. محمد بابكر بما كتب . هل يسعي الناس لتقراء لمن يكتب إذا زين اسمه بحرف دال او غيره؟

دهشت يا اخ عادل وقد توهمت إنك كاتب وقارئ وخلافة كيف فات عليك في تناولك لما كتبه د. محمد بابكر أن الاصل في التحليل ان يري الكاتب فيما يكتب منظورا يختلف عن غيره . فهكذا يتم الاثراء في تعاطي الامور العامة سياسية كانت ام غير سياسية. وقد سبق الي ذلك المعني قوله تبارك وتعالي من دفع الناس بعضهم بعضا كيلا تفسد الارض

فمن وجة نظري إن ما نقله د. محمد لم يجاف الحقيقه . وقد سمعناه جميعا من علي عبدالله صالح مرات ومرات حتي مللنا سماعه . ومافتئ يكررها وهو يقتل ويسجن ويعذب الالاف كل يوم.
وقد علمتنا التجارب انه عندما يتحدث الروساء ، بالذات الافارقة والعرب ، علي روؤس الاشهاد كما فعل علي عبدالله صالح ويفعل غيره ، فان آخر المعنيين بحديثهم هم اهل ولاياتهم . فحديث علي عبدالله صالح وغيره من اولي الامر ومستطعمي السلطة والمهيمنين عليها بحد السلاح مقصود به الرأي العام العالمي وليس عنب اليمن او بلح الشام. والرأي العام العالمي يعني انا وانت ود. محمد وبقية خلق الله وليس اوباما او ساركوزي. والرأي العام العالمي هو الذي يدفع الحكام والرؤساء لاتخاذ المواقف التي قد تضع نهاية لمعاناة شعب او فصيل من الناس . اما الشعوب المقهورة علي امرها فلها اعلام موجهه وصحافة غير حرة يعمل فيها مقص الرقيب اناء الليل واطراف النهار واجهزة امن سرية وعلنيه و شبيحة ودبابات وقنابل حارقة وغيرها.

تفكرت في كلماتك ولم افهم ما هو المقصود بتقريرعلمي ............
فما هو مفهوم العلمية في نظرك يا تري؟
هل المراد هنا موضوعية الطرح ؟ ام التفصيل ؟ ام ربما تنشد تحليل نوعي كالذي تبني عليه التقارير الاستخباراتيه او التقارير الامنية ام ماذا؟
ثم ماذا بعد أن ياتيك د. محمد بتقريره (العلمي !)؟
ماهي الاضافة التي يمكن ان تقدمها انت للثورة اليمينة بعد اطلاعك علي تقريرد. محمد العلمي ؟
بل ما هي الاضافة التي قدمتها من قبل لكل الثورات التي انتظمت العالم العربي من المحيط الي الخليج ؟
اشارتك لما اصاب علي عبداالله صالح مما انتهي به لمنازعة الموت بالمستشفي جلي منها انك لم تعرف او تسمع أن اصل اصابته ات من داخل بيته ومن بين اهله وليس علي يد ثوار اليمن. ولعلمك فإن المحاولة كان المحرض عليها اصلا اجهزة استخباراتيه اجنبية/يمينة قصد منها تغيير واجهة نظام الحكم اليمني مع الابقاء علي منظومته التي تخدم المصالح الغربيه . وكعادة المحاولات الاستخباراتيه كان لابد من غطاء ما يدثرونها بها . ولكن كانت ارادة الله غالبة فعاش هذا العنهجي وما خلفت منه مسخا مشوها لعلها تكون عبرة لمن يعتبر من باقي الحكام الظالمين لانفسهم ولشعوبهم . فعلي عبدالله نال اقل من جزائه علي ما ضحي بهم من الالاف من ابناء شعب جلس علي انفاسهم اكثر من ثلاث عقود من الزمان ومازالت في نفسه بقية بل ربما انك لا تدري انه كان يسعي كما فعل الاسد وسعي مبارك وبن علي وغيرهم من جعل سدة الحكم ملكية وراثية .
وختاما قبل ان اصاب انا في مقتل اود ان اشير الي انني لست من الكيزان
ولا اكتب دفاعا عن د. محمد فهو اقدر مني علي الرد
رحم الله من قال
تشبه بالرجال ان لم تكن منهم .................فان التشبه بالرجال فلاح
ولكما انت ود. محمد تحية واحتراما وكل عام وانتم بخير
أ.م محمد مصطفي مجذوب

شكرا يا المجذوب وكل عام وانتم بخير ..لو رجع الرجل لارشيف المنبر لما اذانى بما قال لكن يالميدوب كما يقول اهلى فى الدامر بلادنا لم تحترق( من ساهل) اولى علاتنا الخفه فى تناول المواضيع وعدم احترامنا لبعضنا البعض والتجنى والعنف اللفظى وزى ما قالوا الخواجات
Little knowledge too dangerous وربك يسهل ياقريبى...

الفاضل د.محمد
شكرا لك على البوست.


ويا عادل امي ما تقدنا
يعني فاكر روحك عشان قاعد في اليمن خلاص مافي زول يفتي غيرك؟؟
في شانها؟؟!!

طيب ما تدق صدرك وتفتح البوسات التحليليه عنها ولا خائف من كيزانها؟!
(ههههههه)!!



ويا د.محمد بابكر ما يهمك
عادل امين ده اصلا هو مسمينا النسخه الراميها جمل للسودان الجديد(ههههه)
واحيانا مسمينا النسخه المضروبه للسودان الجديد!! ونحن برضو ساكتين(هههههه)


وبقول لك كوز وصامت عن برطعة اخته الكوزه د.نجاة محمود؟!سبحان الله!!

يا عادل امين يا عليم وضليع
بالشآن اليميني
منتظرين تنيور كامل
ونحن سكتنا خلاص....اها اوعك تسكت معانا ارضاء للكفيل!

شكرا ياتراجى وعلى قول الليبيين( الله غالب )...

يا دكتور محمد
ما كنت ترد عليه زاتو
وجعت أصابع كيبوردك
كل سنة وانت طيب

كل عام وانتم بخير ياود النيل والله صدقت ياخوى لكن زى ما بقولوا (ا الله اراد)...

يا سلام يا سلام...حتى البسوس التي ضل سعيها في الحياة الدنيا جاءت تردح في البوست
والبسوس دي مسكت حركات دارفور غتست حجرا...مسكت جنوب كردفان غتست حجرو يا يريت تمسكي لينا الانقاذ دي شوية

والبوست اتملى هتيفة فعلا...سودانيز اون لاين لا بتتغير ولا بتتدير

اصوات نشاذ غير مقبولة
فاتكم القطار.... فاتكم القطار ...فاتكم القطار

Quote: يا دكتور محمد ما كنت ترد عليه زاتو وجعت أصابع كيبوردك كل سنة وانت طيب

وانت يا ضنب العز
هذا منبر حوار
الراي والراي الاخر

انت عقاب شيوعيين ولى كيزان...الديموقراطية وعي وسلوك
يرد وانت ترد وكل المطبلاتية
مطلوب ردهم
في مقال تحليلي لاحداث اليمن؟؟
حسب موضوع البوست
زمان المحجوب اسهم في حل مشكلة اليمن(الديموقراطية في الميزان)
عايزين نشوف دكاترة البورد كمان
كيف يتناولون الشان العربي
عرفنا الشان السوداني البائس

Quote: شكرا يا المجذوب وكل عام وانتم بخير ..لو رجع الرجل لارشيف المنبر لما اذانى بما قال لكن يالميدوب كما يقول اهلى فى الدامر بلادنا لم تحترق( من ساهل) اولى علاتنا الخفه فى تناول المواضيع وعدم احترامنا لبعضنا البعض والتجنى والعنف اللفظى وزى ما قالوا الخواجات Little knowledge too dangerous وربك يسهل ياقريبى...

يا د.محمد بابكر
سلام
الخفة بديتا انت بتناولك الفج للشان اليمني...واستخدمت الفاظ نابية..وفعلا ذى ما قال الخواجات الشخص نصف المتعلم انسان خطر.... ده عند الانجليز
لكن في السودان البروفسر انسان خطر
لان المثل السوداني بقول القلم ما بزيل بلم
وانت احسن تسمع الكلام المر ده وتغذى نزعة النقد الذاتي فيك...وتراجع نفسك وكلامك المبتزل الهنا وعنوانك الاكثر ابتزالا...
والعدو العاقل الزينا اخير ليك من الصديق الجاهل الزيهم

Quote: دهشت يا اخ عادل وقد توهمت إنك كاتب وقارئ وخلافة كيف فات عليك في تناولك لما كتبه د. محمد بابكر أن الاصل في التحليل ان يري الكاتب فيما يكتب منظورا يختلف عن غيره . فهكذا يتم الاثراء في تعاطي الامور العامة سياسية كانت ام غير سياسية. وقد سبق الي ذلك المعني قوله تبارك وتعالي من دفع الناس بعضهم بعضا كيلا تفسد الارض فمن وجة نظري إن ما نقله د. محمد لم يجاف الحقيقه . وقد سمعناه جميعا من علي عبدالله صالح مرات ومرات حتي مللنا سماعه . ومافتئ يكررها وهو يقتل ويسجن ويعذب الالاف كل يوم.

العدل والامانة يامحمد مجذوب
ان تتحرى الحقيقة والدقة
وفلاح الرجال في التعامل مع الحق...سمعنا لن تجدي
((الرئيس اليمنى (اتلحس) ويردد كلام الوداعيات وضاربى الرمل..))
وما نقله صديقك كلام سوقي يشبه فقط ((معارطة الشيوعيين للانقاذ)) والمعارضة السوقية للانقاذ قعدتا لحدت هسه...
بعدين هو قال انا كوز وعذرتو
...انت مشكلتك شنو
بعدين الرجال البتشبه بيهم رجعت 5000 سنة بعد ما مات جون قرنق ومحمود محمد طه عشان اجد رجال اتشبه بيهم وانظر فقط الى صورة البروفايل..والملك بيا العظيم(بعانخي)...لتعرف اكثر

Quote: بدا الطاغيه كما الاراجوز وهذى بحديث غير مفهوم لكن الملفت فيما قال هو فساد المعارضين مما حدا بمراسل الbbc ان يتساءل عن ان الفساد عادة ما يوسم به من هو فى السلطه اما ان يوصف معارض بانه فاسد فهذه جديده..من ضمن هذيانه قال سفاح اليمن ان المعارضين عباره عن(حاسدين وحاقدين) وهو حديث يذكر بما يردده العرافون والوداعيات وضاربى الرمل ولم يتبقى للطاغيه الا ان يصرح بان خصومه(عاملين ليهو عمل ) ولاحول ولاقوة الابالله العلى العظيم..

والسؤال القائم الان
للدكاترة فقط
ما نوع النظام السياسي في اليمن...وتاريخ اليمن المعاصر...
وماذا يعرفون عن الرئيس علي عبدالله صالح بالوثائق ومن يعارضونه الان ايضا بالوثائق...
والسؤال الفرعي
من هو البروفسر السوداني الذي خرج في مسيرة يهتف"خاسيء ...خاسيء يا عنان"

بعدين انا لا اعرف الدكتور محمد بابكر ولم استهدفه شخصيا
لكن الكلام السوقي المليء بالعبارات غير الكريمة الفوق ده
ما عنده علاقة بالسياسة ولا بي الاخلاق
اذا كان هو محترم
كتاباتو غير محترمة اطلاقا
وانتو خلو النفاق والمجاملة الضيعت السودان من 1956