Post: #1
Title: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 05:49 PM
كلو غنا في غنا
القنوات الفضائية السودانية
|
Post: #2
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 05:52 PM
Parent: #1
العايز ينسطل معانا بالضحك حبابو ألف
بدل ما يصاب بالشمرغجل او كما قال ود الباوقة
يبدأ العرض اليوم
ويمتد حتى يوم الجمعة
....
...
..
.
__
توجد مواصلات بعد العرض
|
Post: #5
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 05:53 PM
Parent: #2
يتم شـــراء التذاكر نقداً
ولا تقبل الشيكات او الكريدت كارد
يعني ناس أوربا ومن لف لفهم يرسلو لينا بتاع التذاكر
على رقم الحساب (100200000002121)
|
Post: #6
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 05:57 PM
Parent: #5
نسيت اقــول انو البوست ح يكون مشفر
واي زول ما مثــغف ثغــافة شديدة
ح يمرق ساااااي من البوست دا
بالعدم ممكن يتسطل معانا عشان يفهم
..
..
__
ننوه الى أن هذا البوست انصرافي
ولذلك ننصح اصحاب الفكر والرأي بالايتعاد عنه
يعني أي زول جادي جدادشديد ما يقرب لينا
البوست عيدية وينتهي بانتهاء العيد
|
Post: #13
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 06:09 PM
Parent: #3
Quote: البشاري
اها هاك العيدية دي
كل عام وانت بالف خير |
كل سنة وانت طيب يا حبيب
بوستك دا زاتو جاب لينا التبرجل بالشمرغجل
والله صحي
|
Post: #4
Title: Re: ابتسامات... ابتسامات... مساطيل وآخرون!!
Author: أحمد ابن عوف
Date: 08-31-2011, 05:52 PM
Parent: #1
امينو
هههههههه
هسع انا مع حامد كترينة في السودانية
انت معاك منو؟؟
|
Post: #7
Title: Re: ابتسامات... ابتسامات... مساطيل وآخرون!!
Author: أحمد ابن عوف
Date: 08-31-2011, 05:57 PM
Parent: #4
وما طالبني حليفة يا امينو
كان بغني مجذوب اونسه، وصبرت شوية، بعد داك جاء برنامج مسجل من اثيوبيا وكان بغني نادر خدر
شالتني ليك نومه، صحيت لقيت حامد كترينة، ووبباقي السطلة الفي راسي قولت يا اخوانا
نادر خدر دا مالو حصل ليهو شنو لوووووووووول
هسع راجي السهرة في السودانية، امشي اكمل سيجارتي دي واقعد ليها
|
Post: #8
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 05:59 PM
Parent: #7
الاخوان
ود الباوقة
وأحمد ابن عوف
كرهونا الغنا زاتو .. والله صحي
برجع ليكم بعد ما ارمي البياض حقي
كل عام وانتم بخير
|
Post: #10
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 06:02 PM
Parent: #8
logic
____
عبد العزيز وعبد السلام كانوا قاعدين بي يشربوا في البتاع، في اللحظة دي جا حمل ماشي بجنبهم قاموا مسكوه ضبحوه صلحوا بيهو القعدة
وبعد شوية نظر عبد العزيز للجلد والراس وسأل عبد السلام
عبد العزيز: إنت يا عبد السلام دحين دا مو حمل محمد أحمد؟
عبد السلام: أيوا ياهو داير بيهو شنو؟
عبد العزيز: لا حول ولا قوة، والله محمد أحمد دا حقو أصلو ما يخليه، غايتو مصيبة وقعت علينا
عبد السلام: حق شنو!، إنت كان مسكت خشمك دا وأنا مسكت خشمي بيعرفنا من وين؟
عبد العزيز: أنا بقصد الحساب يوم القيامة
عبد السلام: إنت يا عبد العزيز حساب يوم القيامة دا كيفنو؟
عبد العزيز: يوم القيامة يجيبوني ويجيبوك ويجيبو محمد أحمد ويجيبو الحمل،
عبد السلام: مقاطعاً، محمد أحمد بجيبو!
عبد العزيز: أيوا
عبد السلام: والحمل ذاتو بي يجيبوهو
!عبد العزيز: أيوا
^^
^^
^^
عبد السلام: طيب الحساب في شنو، ما يسوق حملو و يمشي.
|
Post: #9
Title: Re: ابتسامات... ابتسامات... مساطيل وآخرون!!
Author: أحمد ابن عوف
Date: 08-31-2011, 06:00 PM
Parent: #7
عييييك
سهرة ايمها راي على الهواء، طارق كبلو
معاهو عثمان النو، يعني غناء للطيش، يا زول دي مع السجارة دايرة حاجة تانية
|
Post: #11
Title: Re: ابتسامات... ابتسامات... مساطيل وآخرون!!
Author: ادم الهلباوى
Date: 08-31-2011, 06:03 PM
Parent: #9
ولد البشارى عيد سعيد
كل عام وانتم بخير وسعادة
..
|
Post: #15
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 06:21 PM
Parent: #11
Quote: ولد البشارى عيد سعيد
كل عام وانتم بخير وسعادة |
ول ابا ادم الهلباوي
كل سنة وأنت طيب يااااخ
اسي بدل الشغلة دي الزول كان لقي ليا
سنكوج (عصيدة) حااااااار مملح بتور بني هلبه مش أحسن
وبرضو البوشاني قال:
الشاهي ... والشية ... والمرارة النية .. وشلوفت البنية
للفقري ما بنلقن ليا والله صحي
هيييييييييييييع
..
..
__
قالوا السنكوج قيد السفيه .. والله صحي
اديك بتن ولا كفاك 
|
Post: #12
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 06:05 PM
Parent: #9
قالو في مسطول طالع من الدكتور
وبعد ما طلع قعد يكلم نفســـه :
ضب في صحن؟ .. لا... لا
سحليه فى جك؟ .. لا... لا
قعونجه فى جردل؟ .. لا... لا
تمساح فى بانيو؟ .. لا.. لا
كــلب في خور؟.. لا ... لا ...ياااااااااخ
رجع للدكتور تانى وســألو:
إنت يا دكتور قلت لي عندي شنو؟؟
..
..
..
..
قاليهو : عندك سرطان فى الحوض
|
Post: #14
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 06:11 PM
Parent: #4
Quote: امينو
هههههههه
هسع انا مع حامد كترينة في السودانية |
يا دفعة انت اقعد تابع لي كترينة وبترينة
وحامد اب سبح وسمية حسن لامن تجيك
ارتكاريا ... والله صحي
|
Post: #16
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 06:26 PM
Parent: #14
مسطول بشاغل واحدة بالتلفون..
قالت ليه هي انت مسطول ؟
قال أنعل أبو الكاشف زاتو.............
|
Post: #17
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 06:32 PM
Parent: #16
Quote: المسطول أصحابو يلعبو في الكتشينة ومبسوطييين وهو لافيها لامن هي زاتا اتكيفت
إحتاج يدخل الحمام... مشا جاهم راجع يضرب اخماس في اسداس
وشبكتو طاشة كلو كلو
يا زول مالك..؟
انتو الحمام ده لامن أفتح بابو بنور براهو..؟
لالا يا زول كيف يعني...؟
دنقر وصنقع وفجأة قال ليهم...
اهااااااا... بس كان كده معناتو بولت ليكم في التلاجة... |
|
Post: #18
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 06:44 PM
Parent: #17
بت رسلت لمسطول خطاب عاطفي وبين كل فقرة والثانية كتبت ليهو آه.. آه..
رد عليها: كلامك حلو لكن الواحد وخمسين دي ماعرفته بيها شنو؟
|
Post: #19
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 06:48 PM
Parent: #18
مسطول ماشي في الشارع جنب الكوشه
لقى ليهو بت من اطفال الشوارع ديك نايمة
قام شالها وطبع ليها بوسه في خدها
قامت البت صحت وعانقت ليك المسطول
المسطول عاين ليها وقال: البتاعة دي شغالة جادعنها في الكوشه ليه ما عارف
|
Post: #20
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 06:59 PM
Parent: #19
مسطول زعلاااان من مرتو ماعملت ليهو العشاء . لمن مشي ينوم جات تراضيهو قالت لي اعمل ليك مساج يا حبيبي . قال ليها علي الطلاق تسوي ح اجدعو في الوساخه
..
*************
واحد مسطول سال ناس بيتم جيرانا ديل ضابحين وله شنو قالو ليو: لا قال ليهم: طيب ريحة الحلو مر دي وين
*********
مسطول سالتو واحده عمرها 40سه قالت ليهو انا حلمته في يدي اليمين في حمامه وفي يدي الشمال في كـلب معناهو شنو الحلم ده قال ليها انتي متزوجه ؟
قالت لا.
قال ليها : كان طرتي ولا نبحتي عرس ليك مافي يعني ليك عرس مافي
|
Post: #21
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 07:21 PM
Parent: #20
مسطول دخل امتحان علوم وكان السؤال الاول اذكر فوئد حليب الام؟؟؟؟؟؟ فكر وكتب :
1/لايحتاج الى غلى
2/ لاتسطيع القطط ان تسرقه
3/ متوفر 24 ساعه
احتارفى الرابعه جاتو فكرة فكتب":
4/محفوظ فى شكل جذاب !!!
***********
مسطول ببارك في عيد الضحيه لقي جماعه بتخاطفوا في اللحمه ؟ قال ليهم علي الطلاق لو شافكم سيدنا ابراهيم كان عمله مرطبات
***********
مسطول مشي القصر الجمهوري كتب ف الحيطه
ح د ط م 11
ناس الحكومه خافو وجابو ناس الأستخبارات وال cia مافهمو الشفره دي شنو جا واحد مسطول وقف جنب الحيطه وقاعد يضحك سألوه معني الشفره دي شنو قال ليهم""حكومتكم دي طلعت ميتينا واحد واحد
""""
**********
مسطول عرف إنو مرتو بتخونو قام ركب في راس الدولاب مستنيها هي وصاحبها اول ماجو نط ليهم في السرير وقال ليهم قبضتكم بالثابته . مرتو قالت لي انا بريئه هو الاغراني و غشاني . قال ليهم خليكم من دا رايكم شنو في النطه دي ...
***************
مسطول بيتونس مع مرتو . قالت ليهو لو انا مت ح تعمل شنو قال ليها ح اجن عديييل كدا قالت ليهو يعني ما حتتزوج بعدي . قال ليها المجنون دا بيسوي اي حاجه ...
مسطول قالوا ليهو الحق صحبك خالط مرتك في الجنينه طلع بره وجاء راجع قال ليهم والله انتو تكبروا المواضيع ساي هسي الشجرتين ديل عملتوهم جنينه
|
Post: #22
Title: Re: ابتسامات... ابتسامات... مساطيل وآخرون!!
Author: عبدالكريم أحمد الامين
Date: 08-31-2011, 07:30 PM
Parent: #20
** ود موسى البُشارى..
** سلام وعيدك مُبارك..
## قلنا نساعدك ونخت عدلنا فى القعده دى :-
## بالله السيجاره دى لو مازغرتت ماتفكها وماتمررا لى اليمينك..
(ودامت سطلة العيديه حتى إنتهاء البرنجيه)
(ابو محمد فؤاد) - الماكيكى...
|
Post: #24
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 07:55 PM
Parent: #22
حباب الكيكي بالسلام ديمه نتلقـــــاهـــــو
يميـــن عـــدلك وصـــلنــا وتب قبلنــاهــــو
والشفيع يشم النفس قدحـه ولا يلقــــاهـو
خلاص الراس انســـــطل و ظبطنــاهـــو
كل عام وانت بخير يا حبيب
|
Post: #26
Title: Re: ابتسامات... ابتسامات... مساطيل وآخرون!!
Author: عبدالكريم أحمد الامين
Date: 08-31-2011, 08:33 PM
Parent: #24
(ابو محمد فؤاد) - الماكيكى...
## يظهر السيجاره واويه..
|
Post: #23
Title: Re: ابتسامات... ابتسامات... مساطيل وآخرون!!
Author: الشفيع وراق عبد الرحمن
Date: 08-31-2011, 07:31 PM
Parent: #20
اللمين كيفنك
وعيدك مبارك وسعيد
مسطول سمع ولده يلحن في نشيد (طلع البدر علينا) في الحمام، بعد مرق اداه كف
امه سالته قال ليها عشان بيقرأ قرآن في الحمام
الولد قال ليهو ده ما قرآن ده نشيد
الأب قعد يبكي و قال ليهم انا لي 30 سنة قاعد اصلي بيها
واحد مسطووووول كلو ما يلمس مكان في جسمو يوجعو مشا للدكتور لقا اصبعو مكسور.....
مسطول سألوه ماهي قمة الازعاج؟
قال هياكل عظمية بتلعب ضمنة فوق لوح زنكي
واحد سكران بيسأل من بيت جماعة...واحد قاعد يوصف ليهوا:
تمشى بى شارع كبسولة بسط الامن الشامل دييييك .. تخش على شارع المحكمة .. تخلى مركز الشرطة على يمينك .. البيت الفاتح على مكاتب الامن طوالى دا البيت...
رد عليهوا السكران:
فى ذمتك اسى شارعك الوصفتو دا زول شارب كركدى بمشى بيهو
طبعا اغلبها منقول
|
Post: #25
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 08:03 PM
Parent: #23
Quote: اللمين كيفنك
وعيدك مبارك وسعيد |
الشفيع وراق
تحياتي يا ملك وكل عام وانت بخير
شكرا لرفد البوست
|
Post: #27
Title: Re: ابتسامات... ابتسامات... مساطيل وآخرون!!
Author: الامين موسى البشاري
Date: 08-31-2011, 08:46 PM
Parent: #25
Quote: (ابو محمد فؤاد) - الماكيكى...
## يظهر السيجاره واويه.. |
حباب الكيكي والما كيكي الوف
ندق ليهم نوبـة ورق ودفـــــوف
وننظم بحضورهم احلى حروف
الســـجارة خلت راسي بقى ملفوف
|
|