Post: #1
Title: اول عيد في بدايات الغربة التي يبدو ان لافكاك منها
Author: باسط المكي
Date: 08-29-2011, 09:13 PM
كنت بتابع رادي امدرمان وتحديدا برانامج دكتور جعفر ميرقيني
معالم في طريق الحضارة السوانية..كل اتنين ..تابعتو تقريبا لمدة تلاتة سنة..
بالكمال والتمام..
كنت بحس بعد الهجعة كاني في السودان ..واستحضر الاصوات الحاضرة
والمناظر الغائبة ..واسال ..نفسي ياربي اناوين والجابني هنا شنو
واكاد لااجد الاجابة ..ياربي الحكاية شنو ؟؟ بقلب يخفق كلما رحركتته روائح الزكريات
واوقات العيد ورائحة الملابس الجديدة ..مخلوطة برائحة ماكيتة الترزي ...
والوان المراكيب ..وملاح النعيمة والتقلية ..
مرورا بالبيوت الفيها..من كنت ...انتظر مرور العيد لكي اقابلها دون كلفة
واخاف من كلمة العيد الجاب الناس ..لينا ماجابك.
صدقوني .اكتر يوم تعبت فيو كان اول يوم عيد
وانا شغال كانو مافي عيد..كنت حزين جدا وفي يدي سندوتش للفطور..
ومازال ..الناس يرددو الله واكبر لااله الا الله الله الله واكبر وللحمد..
كان امامي طيف قبة المهدي .وحوش الخليفة ..بياض الجلاليب ..
ودموع من طلبو العفو من بعض بعد خلاف ..العفو لله والرسول
اصدقوني
اتغلب الحال وحسيت بالغربة
وانا في السودان ووسط الاهل ..
ودي امر انواع الغربة ...حتي اللغة تصبح غريبة
رجعت لالقيت ...من كنت انتظر العيد ...شوقا لها
ولا لقيت الاصدقاء ولا حكاويهم ..انطمست معالمهم ..
كما تغير الحال ..في كل البلد...
والتغير سنة الحياة ..
واصعب شي الواحد يتغرب في بلده
زي مصطفي سعيد ..لاقدر يعيش في الغربة
ولا البلد ..عاش غريب ومات غريب...
والله يعفانا من الغربة ...
|
Post: #2
Title: Re: اول عيد في بدايات الغربة التي يبدو ان لافكاك منها
Author: abas
Date: 08-29-2011, 09:22 PM
Parent: #1
كل سنة وانت طيب يا رب
ربنا يردنا سالمين وغانميين يا رب
|
Post: #3
Title: Re: اول عيد في بدايات الغربة التي يبدو ان لافكاك منها
Author: معاوية المدير
Date: 08-29-2011, 09:50 PM
Parent: #2
إنكرب يا ود المكي،
والله المستعان.
تحياتي...
|
Post: #4
Title: Re: اول عيد في بدايات الغربة التي يبدو ان لافكاك منها
Author: Frankly
Date: 08-29-2011, 10:06 PM
Parent: #1
كل عام وأنتم بخير أخي باسط
اغلب المغتربين يعيشوا ذكريات الماضي ويتمنوا لو يتوقّف الزمان ويعودا للسودان ويجدوه كما تركوه
ولكنها سنّة الحياة
تتغيّر أنت ونظرتك للحياة ويتغيّر من حولك ومن تركتهم في الوطن ونظرتهم للحياة
محاكمة التغيير السني ليست ذات جدوى فمن يعيشها لم يلحظ هذا التغييّر بل تدرج فيه مع من حوله ولغياب المغتربين عن هذا التدرّج يعودوا بذكراهم وينسوا براحة السنين
فمن تركوهم أطفالاً صاروا رجالاً لهم أطفالاً
ومن غادر الوطن للمهجر شاباً عاد شائباً
تقبّل الله الصيام والقيام وصالح الأعمال
خالص التهاني القلبية لكل السودانيين في المهجر والوطن
كمال
|
Post: #5
Title: Re: اول عيد في بدايات الغربة التي يبدو ان لافكاك منها
Author: باسط المكي
Date: 08-30-2011, 03:13 AM
Parent: #4
| Quote: ربنا يردنا سالمين وغانميين يا رب |
وانت بخير يا عباس
امين يارب
|
Post: #6
Title: Re: اول عيد في بدايات الغربة التي يبدو ان لافكاك منها
Author: باسط المكي
Date: 08-30-2011, 03:17 AM
Parent: #5
Quote: إنكرب يا ود المكي،
والله المستعان.
|
ود ود المدير لينا طولة
ياصاحبي يبدو اننا
عالقين
في هذه الغربة علي حسب المعطيات
الموجودة ياربت نرجع والدنيا تكون ضو
كل الود والتقدير
|
Post: #7
Title: Re: اول عيد في بدايات الغربة التي يبدو ان لافكاك منها
Author: معاوية عبيد الصائم
Date: 08-30-2011, 03:18 AM
Parent: #5
كل عام والوطن بخير وعام قادم اكثر رحمة واقل جنونا يا صديقى
كل سنة وانت واسرتك بالف خير ..ومليون سلام يا باسط يا مكى
|
Post: #8
Title: Re: اول عيد في بدايات الغربة التي يبدو ان لافكاك منها
Author: باسط المكي
Date: 08-30-2011, 03:24 AM
Parent: #7
Quote: تتغيّر أنت ونظرتك للحياة ويتغيّر من حولك ومن تركتهم في الوطن ونظرتهم للحياة
محاكمة التغيير السني ليست ذات جدوى فمن يعيشها لم يلحظ هذا التغييّر بل تدرج فيه مع من حوله ولغياب المغتربين عن هذا التدرّج يعودوا بذكراهم وينسوا براحة السنين |
كمال كيف انك بعد غياب وسكون
كل عام وانتم بخير والاهل بخير
انت عارف فعلا بالتدرج الواحدكان تلسو شخص غيرو الهو كان فيهو
وكم وقفت امام المراة وتاملت خلقتي
واكد ليك الحركة عملوها كترين من يعانو الذي نعانيه
من التغريبة الاختيارية
كل عام وانت بخير العيد مبارك عليك
|
Post: #9
Title: Re: اول عيد في بدايات الغربة التي يبدو ان لافكاك منها
Author: باسط المكي
Date: 08-30-2011, 05:18 AM
Parent: #8
Quote: كل عام والوطن بخير وعام قادم اكثر رحمة واقل جنونا يا صديقى
كل سنة وانت واسرتك بالف خير ..ومليون سلام يا باسط يا مكى |
القنديل سراج البيت
وانت بخير وعافية والاهل والوليدات
تحية لك بطعم القدلة في غرب النيل
ونواحي عطبرة وحنين السواقي من الشرق
كن بخير ياحبيب
|
|