Post: #1
Title: عارف الكويتية تبيع حصتها في سودانيرللحكومة ب100مليون دولار(توجد مغسة)
Author: عمار عوض
Date: 08-29-2011, 03:12 AM
Parent: #0
Quote:
عارف الكويتية تبيع حصتها في الخطوط السودانية
الكويت-رويترز:
قالت صحيفة الرأي الكويتية أمس الأحد إن مجموعة عارف للاستثمار الكويتية باعت كامل حصتها في شركة الخطوط الجوية السودانية إلى الحكومة السودانية بقيمة تربو على 100 مليون دولار.
وكانت مجموعة عارف للاستثمار قد تملكت في يونيو 2007 نسبة 49 في المئة من شركة الخطوط الجوية السودانية بمبلغ 56.3 مليون دولار.
لكن صحيفة الرأي قالت إن "حصة عارف في السودان إير رئيسية تتجاوز الخمسين في المئة."
ونسبت الصحيفة إلى مصادر لم تسمها القول إنه "بهذه الصفقة يكون من المتوقع أن تحقق عارف أرباحا من استثمارها مقارنة بالقيمة المسجلة بها الحصة في دفاتر الشركة."
|
http://www.al-sharq.com/articles/more.php?id=255290
تعديل لاضافة المصدر
|
Post: #2
Title: Re: عارف الكويتية تبيع حصتها في سودانيرللحكومة ب100مليون دولار(توجد مغ
Author: أحمد ابن عوف
Date: 08-29-2011, 03:17 AM
Parent: #1
الاخ عمار
يا زول تلتو ولا قتلتو
خلي يتخارج بس، بلا عارف وللا ما عارف
هسع الكيزان ديل نصحيين
|
Post: #4
Title: Re: عارف الكويتية تبيع حصتها في سودانيرللحكومة ب100مليون دولار(توجد مغ
Author: قاسم المهداوى
Date: 08-29-2011, 03:26 AM
Parent: #2
الحكومة قادة حساب
بلادة شديدة
ما حتعرف انها بليدة فى فرق السعر ما بين البيع والشراء لا تشرح ليهم بالرغيف
ولا كــــــــــــــــــــــيف ؟؟؟
برضو لسه حاكمين ؟؟؟؟؟
قاسم
|
Post: #5
Title: Re: عارف الكويتية تبيع حصتها في سودانيرللحكومة ب100مليون دولار(توجد مغ
Author: قاسم المهداوى
Date: 08-29-2011, 03:33 AM
Parent: #4
و الجراج او ( الارضية )الملك سودانير الفى مطار هيثرو الاتباعت من زمن برضو رجعت ولا لسه ؟؟؟
والله بخت الكواتية بس برضو زعلااان منهم
ناس عندهم قروش وغنيانين مالم بياكلو مال الفقراء
والاكيد ديل كواتية تجنيس ما اصليين
ولا كـــــــــــــيف؟؟؟
قاسم المهداوى
هامش
ويقول ليك ود الباوقة البلد مستهدفة
هاك الاستهداف دا يا شيخ (شعيرية بى لبن )
|
Post: #3
Title: Re: عارف الكويتية تبيع حصتها في سودانيرللحكومة ب100مليون دولار(توجد مغ
Author: عمار عوض
Date: 08-29-2011, 03:22 AM
Parent: #1
يرضي مين دا يابشر بالله عليكم ياحكومة السجم والرماد
يعني شركة عارف دى بعد اشترت نصف اسهم سودانير بحوالي 56 مليون دولار تجي تبيع نفس الاسهم للحكومة السودانية ب100 مليون دولار !!!
يرضي مين دا ياناس انو شركة عارف بعد ماباعت خط هيثرو في بريطانيا وانتهت من حاجة اسمها سودانير تجى حكومة السودان
تربح شركة عارف قريب الاربعين مليون دولار !!!
|
Post: #6
Title: Re: عارف الكويتية تبيع حصتها في سودانيرللحكومة ب100مليون دولار(توجد مغ
Author: أحمد ابن عوف
Date: 08-29-2011, 11:24 AM
Parent: #3
الاخ عمار
تحياتي
ياخي انا بسحب كلامي الفوق دا وبقول الآتي
لا في شيء اسمه عارف الكويتيت لا يحزنون، الكيظان بدقسوا فينا وما زالوا يدقسوا فينا
واتهامي دا بطلقو سااااكت في الهواء واليحصل يحصل
زي شركة عراف الكويتية دي بتكون اساسا بتاعت كيزان، عشان ما يشتروا سودان اير عيني عينك كده
وهو لحد اول امبارح لا هو لا حلته بكونوا شافوا مطار الخرطوم زاتو، ومن اين لك هذا وقصص الناس الوهم الوينا كده
ولسبب آخر، انهم يستفيدوا من قانون الاستثمار الاجنبي وزوغان من ضرائب ورسوم و و و و
الكيزان الاشتروا سودان اير وبعد داك تكسبوا منها لمن شبعوا، قرروا يشوفوا ليهم ميتة تانية يختو فيها قروشهم
يا نظام متخارجين من عكلتة البشير ومصير اخوانه الماشي عليه، طبعا الحصل في الثورات العربية الدائرة دارت
على طابور الرئيس كله.
فهم نفس الكيزان، اشتروها مننا بالرخيص وجو باعوها لينا بالغالي + الارباح
شوفت الفساد دا كيف؟؟
|
Post: #7
Title: Re: عارف الكويتية تبيع حصتها في سودانيرللحكومة ب100مليون دولار(توجد مغ
Author: محمد على حسن
Date: 08-29-2011, 11:34 AM
Parent: #6
بالطبع هذا ليس غباء او بلادة بل ذكاء التاجر الفاسد
والكوز له نصيب من اربتح شركة عارف
المشير البشير في اخر لقاء صجفي
طيب إذا ما في مفسدين كبار نحن نخلقهم؟!!!!
وأصل حديثه:السبب هو أننا درجنا دائماً على اختيار خيار القيادات لذا فمصطلح مفسدين كبار ما بتلقاه، فالإنقاذ مبنية على قواعد وأخلاق الحركة الإسلامية
|
Post: #9
Title: Re: عارف الكويتية تبيع حصتها في سودانيرللحكومة ب100مليون دولار(توجد مغ
Author: أحمد ابن عوف
Date: 08-29-2011, 11:48 AM
Parent: #8
شكرا يا جني
Quote: يا ود ابنعوف
شركة عارف موجودة فعلا وهم اكبر لصوص زىهم زى جمعة الجمعة |
شبهينا واتلاقينا، قلت لي طلعوا كلهم حرامية اولاد ######
ما اختلفنا يا جني، لكن في سودانيين مساهمين وعندهم مصلحة حقيقة في ان يتم بيع سودان اير
ب 56 مليون ويشتروها تاني ب 100 مليون (دا طبعا اذا الخبر صحيح)
مصلحة تتجاوز نصيب الكوميشن العادي بتاع كم الف دولار داك
يعني انت متخيل انه في كم موظف سوداني إنسان رخيص ح يقبلوا يسلموا شركة عارف 50 مليون دولار كده ويمسحوا
شنباتهم بي 200 - 300 الف دولار ترميها ليهم ادارة عارف زي عضمة ال######ة
داير تكسب معانا بالملايين، حبابك، بس تدخل شريك يا معلم في الصفقة، يا تقبل بالفتات، دي اصول
اللعب في عالم الفساد يا جني
ياخي انت قايل الناس ديل ما عندهم قوانين واصول وعادات وتقاليد في امور النهب دي وللا شنو يا جني
|
Post: #10
Title: Re: عارف الكويتية تبيع حصتها في سودانيرللحكومة ب100مليون دولار(توجد مغ
Author: Alshafea Ibrahim
Date: 08-29-2011, 03:34 PM
Parent: #9
الأخوان عمار قاسم جني وآخرين .. عيد سعيد..
أكاد أن أجزم أن عقد الحكومة مع شركة عارف - بالبيع نفسه قد نص على إعادة بيع عارف لنفس النصيب للحكومة ... وفي أجل محدد وبقيمة محددة ... ووقائمة اسماء ونسب اصحاب العمولات مرفقة بالعقد ... ديل من الله ما خايفين ... ومن الشعب ما مبالاين ... عليهم اللعنة ليوم الدين ... بس الفرق كبير وكثير ؟؟؟ حرام إن كانت تكفي ؟؟؟؟
الشفيع
|
Post: #11
Title: Re: عارف الكويتية تبيع حصتها في سودانيرللحكومة ب100مليون دولار(توجد مغ
Author: أحمد الشايقي
Date: 08-29-2011, 08:21 PM
Parent: #10
في السودان انعدمت الوطنية
والفساد أصبح أكثر مما يحتمله الشعب
وممتلكات الشعب أصبحت في سوق الله أكبر وتباع وتشترى في صفقات يعلم العالم كله أنها صفقات غير مجزية
وسودانيز مجرد مثال
المشكلة هي أن كل ذلك يحصل تحت لافتة كبيرة اسمها (الشريعة الاسلامية)
ولا يزال هناك من (يصـدق)
أحمد الشايقي
|
Post: #12
Title: Re: عارف الكويتية تبيع حصتها في سودانيرللحكومة ب100مليون دولار(توجد مغ
Author: Al-Shaygi
Date: 08-29-2011, 08:28 PM
Parent: #11
Quote:
عارف الكويتية تبيع حصتها في سودانيرللحكومة ب100مليون دولار
|
ربحت 43 مليون دولار فقط فرق سعر
غير أرباح التشغيل لـ 5 سنوات أستلمت فيها طائرات عاملة وأعادت الكبيرة منها معطلة وبلا قطع غيار
سودانير الأن تعمل بالطائرات الصغيرة وكان ما طيران ناس كان المغتربين أكلوا قرض في موسم الإجازات غير السفر المستمر للطلاب...
دي مش مغسة
دي فقع مرارة رسمي
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #13
Title: Re: عارف الكويتية تبيع حصتها في سودانيرللحكومة ب100مليون دولار(توجد مغ
Author: ناصر المحسى
Date: 08-29-2011, 08:40 PM
| Quote: يعني شركة عارف دى بعد اشترت نصف اسهم سودانير بحوالي 56 مليون دولار تجي تبيع نفس الاسهم للحكومة السودانية ب100 مليون دولار !!! |
بيكون 40 مليون كومشن لواحد من شيوخ الانقاذ
|
|