كل سنة و انت بالف خير و ان شاء الله دائماً من المعيدين .. الفائزين
اما بعد ..
لوووووووب
فضل فيها خريف هي!؟
على قول درويش ( سامعني يا الصادق و سمير شيخ ادريس؟ ) .. ايوة درويش ( درويش سليقة ساي! .. مفتوحة على كل الاحتمالات) .. حيث ال :
كذّبت اغنيتي .. و صدّقت الخريف .. يا ليتني صدّقت اغنيتي .. و كذّبت الخريف ..
على ما يبدو ان ليس ثمة خريف سيأتي ..
كل زول يبقى على اغنيتو(الخاصة) .. و ياخد بالو من لغاليغو
Post: #9 Title: Re: الاربعين .. هرمنا اوانطة ساي! .. ما جاتنا أي رسالة!! Author: محمد قسم الله محمد Date: 08-29-2011, 01:36 AM Parent: #1
عمر الزهور متعك الله بالصحه والعافيه
Post: #12 Title: Re: الاربعين .. هرمنا اوانطة ساي! .. ما جاتنا أي رسالة!! Author: أحمد ابن عوف Date: 08-29-2011, 03:05 AM Parent: #9
Quote: بتلقى خبرو .. و آخرين قد تكون مسحتهم في زهايمرك انت دا
عملنا سيند ريكويست
تشكر يا مان
Post: #13 Title: Re: الاربعين .. هرمنا اوانطة ساي! .. ما جاتنا أي رسالة!! Author: Hololy Date: 08-29-2011, 03:18 AM Parent: #12
.... ...... ... ...
Post: #14 Title: Re: الاربعين .. هرمنا اوانطة ساي! .. ما جاتنا أي رسالة!! Author: جمال الباقر Date: 08-29-2011, 03:35 AM Parent: #13
كل سنة وانت طيب ايها الاربعيني يعني انت عذراء هاك احلى ما في رجل العذراء
Quote: أما في الحب الحقيقي فكل مواليد برج العذراء تقريباً صادقون أوفياء لا يسعون لتبديل أو تغيير . من الحسنات التي اشتهروا بها في الزواج اهتمامهم بأبسط الأشياء إرضاءً لزوجاتهم , وبذل كل الجهود لإزالة العقبات من طريقهن والحفاظ على الروابط العائلية ما دامت لا توجد أسباب وجيهة تدعو إلى عكس ذلك مع أنهم ليسوا شديدي الغيرة.
Post: #15 Title: Re: الاربعين .. هرمنا اوانطة ساي! .. ما جاتنا أي رسالة!! Author: عماد حسين Date: 08-29-2011, 04:14 AM Parent: #14
قال ابن كثير في تفسيره: "(حَتَّى إِذَا بَلَغَ أَشُدَّهُ) أي: قوى وشب وارتجل (وَبَلَغَ أَرْبَعِينَ سَنَةً) أي: تناهى عقله وكمل فهمه وحلمه. ويقال: إنه لا يتغير غالبا عما يكون عليه ابن الأربعين. قال أبو بكر بن عياش، عن الأعمش، عن القاسم بن عبد الرحمن قال: قلت لمسروق: متى يؤخذ الرجل بذنوبه؟ قال: إذا بَلَغْتَ الأربعين، فَخُذْ حذرك". أ. هـ
بس يا عزيزي.. بحساب رب العالمين الذي عليه فهم الآية أعلاه.. أظنك كملت أربعين قبل مدة
اها لكن بما اني فكي ديغيتال .. فعلن رسالتي الراجيها دي ديغتال
-------
يحكى انو الاميرة نصرة بت عدلان غارت على الشيخ السني في ضواحي مدني .. و قالت مغاضبة : كيف يا الشيخ تقول انو " المريسة حرام" و جيشي كلو معتمد عليها؟ فرد بهدوء :دا ما انا القلت .. دي الرسالة! فانفرجت اساريرها وهي تردد: الحمد لله كان دا كلام الرسالة .. يبقى كلام نسوان سااااي!!
رواه الراوي الديغيتال قيقا راوي
Post: #37 Title: Re: الاربعين .. هرمنا اوانطة ساي! .. ما جاتنا أي رسالة!! Author: قيقراوي Date: 08-31-2011, 07:07 AM Parent: #16
شكراً استاذنا عادل نجيلة .. وشكرن لـ Usher
مايكل جاكسون يستحق احياء ذكراه
------
لوووووووووب
شفت حلقة وبلاج بمزاج بتاعة جاكسون بغني شنو كدا شندي و بعرض صقرية!؟
Quote: المولود العذراء يجمع في شخصه جميع صفات الأبراج الترابية ( التجسد ) . إنه من النوع الموجب والسالب . جدي في حياته عامة . يتميز بالذكاء المتوقد , والقدرة علي التكيف , فصيح اللسان , متحدث لبق , لكنه ميال إلي النقد .مرن الذهن , صادق , ولديه قدرة علي التجميع والاستنتاج . مناقش بارع , ملتزم بأفكاره وبما يقوم به . يمضي بأعماله إلي أبعد الحدود , خاصة إذا آمن أن ما يدفعه لذلك جدير ويستحق الاهتمام
العذراء نشيط وعملي بسعي إلى الكمال , يتميز بالعبقرية , والمهارة , والمرونة . عيناه تشعان ذكاءً . يتفرس بمحدثه وينظر إليه بعيون ثاقبة . وقد يشعر الآخر أن في عيون العذراء سهاماً قادرة علي اختراقه . انه أعظم مراقب ومحلل تعرفه في أي مجال
يهمه وضوح الأمور وإظهار حقيقتها وتمامها .لذا نراه يهتم بالأمور بشكل دقيق , فهو عملي وواقعي جداً لا يدع شيئاً يفوته . يملك مواهب وقدرة كبيرة علي تأدية الأعمال باندفاع وشغف . يمتاز بحس عميق بالمسؤولية . كثير النشاط , لا يكل ولا يمل مما يقوم به . محب للبحث والتحقيق , كل الأمور بالنسبة له تحتاج الي دراسة وتحليل . مثابر دقيق . ينظر إلى الأمور بعين فاحصة وشاملة أكثر من بقية المواليد . للعمل أهمية كبيرة في حياته ( للمرأة والرجل في هذا البرج علي السواء ) , فهو الذل يحدد شخصيته ومستقبله . تفكيره ذو مستوي عالٍ . يلاحق أهدافه العملية والثقافية التي صمم تنفيذها في وقت معين , يكرس نفسه كلياً لهذا العمل , وجميع أعماله عموماً يعطيها الوقت الضروري لإتمامها . ولا يقبل إلا النتائج العالية والمتفوقة
العذراء يكره من يتدخل في عمله وشؤونه أو من يحاول تشتيت ذهنه , ويعتقد البعض أنه خطير في وضع الخطط , لأنه موهوب جداً في إدارة أعماله وأعمال الآخرين التي تدر ربحاً وفيراً . عملياً يبذل جهوداً كبيرة وتضحية من دون حساب . يكون مخلصاً , ومندفعاً , ويعمل بصدق لا مثيل له . خاصة إذا احب ما يقوم به , وهو الشرط الأساسي الذي يجعله يحترس من كل شئ حتى من نفسه , لذلك الحياة بالنسبة للعذراء ورشة عمل من أجلها يهمل راحته ومتعته الخاصة .
انا في الشغل - و اليوتيوب بلكوهو الـITـياب ؤ كدا ..
اذا وصلت للبيت سالماً كما تصل القافية بلا خللٍ .. قبل ما اقول لنفسي شكراً بكشف و بشكرك انت دا
--------
لي وكتها كدي شوف اليوم دا عجيب كيف ؟
Quote: مواليد 1609 - مراد الرابع، سلطان عثماني. 1632 - جون لوك، فيلسوف إنجليزي ومؤسس مبدأ التجريبية. 1915 - إنغريد بيرغمان، ممثلة سويدية. 1936 - جون ماكين، سيناتور أمريكي. 1957 - شيرو ساغيسو، ملحن ياباني. 1958 - مايكل جاكسون، مغني أمريكي. 1983 - زابي بريتو، لاعب كرة قدم إسباني.
وفيات
1966 - سيد قطب، قيادي بجماعة الأخوان المسلمون. 1982 - إنغريد بيرغمان، ممثلة سويدية. 1984 - محمد نجيب، أول رئيس لجمهورية مصر العربية. 1987 - ناجي العلي، رسام كاريكتير فلسطيني. 2003 - محمد باقر الحكيم، رئيس المجلس الأعلى للثورة الإسلامية في العراق.
أعياد ومناسبات
عيد الثورة الوطنية السلوفاكية ضد النازيين في سلوفاكيا. أول أيام تحوت، وهو أول يوم في التقويم المصري.
Post: #28 Title: Re: الاربعين .. هرمنا اوانطة ساي! .. ما جاتنا أي رسالة!! Author: دينا خالد Date: 08-29-2011, 04:53 PM Parent: #26
اربعين بالقديم ولا بالجديد ؟ اربعين رطل ؟ ملوة ؟ كيلوواط ؟ فهرنهايت ؟ اربعين شنو ! حولاااااااااااا الايام بقوا يعدوها بالاربعينات ؟ الحسنة الوحيدة انك ما ح تبرانا شديد قررربت للميس .. لووووووووووووووب خريف العمر ياخ .. انت مش مرقت من جايزة غادة وبس انت مرقت من الجنة وسقطها .. وانا من زماااان اقول الزول دا مخرف مالو ؟
ــــــــــــــــــــــــــــــــــــــ للضمان كدا كل سنة وانت طيب ، والجفلن خلهن اقرع الواقفات !
Post: #29 Title: Re: الاربعين .. هرمنا اوانطة ساي! .. ما جاتنا أي رسالة!! Author: محمد ادم الحسن Date: 08-29-2011, 06:20 PM Parent: #28
قيقا يا حبوب
كدي أول حاجة كل سنة وإنت أجمل وأنبل. و I hope life treats you kind And I hope you have all you've dreamed of And I wish to you, joy and happiness .But above all this, I wish you love
تاني حاجة الواحد ياآخوي مما عدي التلتين بقي ماسك في النظرية القبانية الآتية:
مازلت تسألني عن عيد ميلادي سجل لديك إذن ما أنت تجهله تاريخ حبك لي تاريخ ميلادي
دا طبعاً إذا إستصحبنا المستند الدولي المزور الذي يدين أحدنا. ___ تخريمة إنت مسئول من الخير الـ Midlife Crisis بجي للزول متين؟؟
مع أمنياتنا ليك تجاوزه في المستقبل القريب.
Post: #49 Title: Re: الاربعين .. هرمنا اوانطة ساي! .. ما جاتنا أي رسالة!! Author: قيقراوي Date: 09-01-2011, 03:15 AM Parent: #29
العريس يااا
كل سنة و انت في حالة حب فتخرج الينا ممتلئاً بها .. حتى يغازلك كل من في الشارع
Quote: مازلت تسألني عن عيد ميلادي سجل لديك إذن ما أنت تجهله تاريخ حبك لي تاريخ ميلادي
دا طبعاً إذا إستصحبنا المستند الدولي المزور الذي يدين أحدنا.
40 سنة و لا رواية و لا ديوان شعر لا كتاب فكري و لا كتاب فلسفي ولا نظرية ساااااكت كدا فى المحاسبة دى!!!؟
و الله فعلاً انت راجل اونطة
بعدين انت قائل الرسالة دى بتجى ساكت كدا!!!؟ انت و الله صحى زول عجيب و متطلع
رسالة شنو التجيك وانت زى اخوك ود المشرف مكتبه ما عندك!!!
تانى اوعه اسمعك تقول انا قدرك
عيدك سعيد ياخ على العموم لكن غرض على كلامى الفوق دا ولو داير نصيحة اخو امسحو قبل البروف يسمعو ويشوفو .
ــــــــــــــــــ بالمناسبة بهناك حاصلة حاجة تحفه ومباااااالغه كان فاتتك.
Post: #33 Title: Re: الاربعين .. هرمنا اوانطة ساي! .. ما جاتنا أي رسالة!! Author: أمين محمد سليمان Date: 08-30-2011, 06:29 PM Parent: #30
Quote: 40 سنة و لا رواية و لا ديوان شعر لا كتاب فكري و لا كتاب فلسفي ولا نظرية ساااااكت كدا فى المحاسبة دى!!!؟
ياخي ده مكتبة ما عندو هنا ، تقول لي رواية و شعر و فلسفة ؟!! --------------- بالله يا قيقا دقيت في الأربعين و شابكني يا خال يا خال ؟ ياخي يخلل ضروسكم إنت و حمور !!
اربعين وداخل على التسعة وتلاتين! كهلا فى الاربعين يا قيقا! السر قدور يقول شنو! يا خى انت لست شباب جنى
Post: #35 Title: Re: الاربعين .. هرمنا اوانطة ساي! .. ما جاتنا أي رسالة!! Author: lana mahdi Date: 08-30-2011, 07:42 PM Parent: #34
برلومي إزيك
Post: #38 Title: Re: الاربعين .. هرمنا اوانطة ساي! .. ما جاتنا أي رسالة!! Author: محمد الشيخ أرباب Date: 08-31-2011, 11:00 AM Parent: #35
يا قيقراوي ياخ لسع بدري عليك
الصعود اربعين عاما والنزول اربعين عاما
انت في منتصف الطريق
اسأل مجرب
تحياتي
Post: #39 Title: Re: الاربعين .. هرمنا اوانطة ساي! .. ما جاتنا أي رسالة!! Author: jini Date: 08-31-2011, 11:11 AM Parent: #38
Quote: يا قيقراوي ياخ لسع بدري عليك
الصعود اربعين عاما والنزول اربعين عاما
انت في منتصف الطريق
اسأل مجرب
بيد ان الزوادة أوشكت على النضوب! جنى
Post: #42 Title: Re: الاربعين .. هرمنا اوانطة ساي! .. ما جاتنا أي رسالة!! Author: الامين موسى البشاري Date: 08-31-2011, 09:25 PM Parent: #39
Quote: ينفع و نص و خمسة يا ابو حميد*
اقلو تعال نتباحث المور الاربعينية ذات الاهتمام المشترك ياخ!
مش قالوا دفعة صاحبك يبقى ليك دفعتك حسب نظرية التعدي .... نحن دفعة نظام تلصق وكدا ... والله صحي احمد ابن عوف دا دفعتي خلاص كدا نبقى دفعة يا قيقا عقبال المئوية ياااااخ وانت طيب
يا قيقا كل سنة وانت طيب والله دينا دى انت هجمتها عديييل كده بهناك والله مداخلتها مقارنة مع مداخلة الاخ عماد نعمة ياخ ده انت طلعت حاسب ميلادك غلط وانك بدأت النزول نحو الهاوية وما عارفه شنو حاجات كتيييرة كده تودى فى داهية
اقول ليك حاجة مداخلتو دى كلها شيل منها الاية والهج بها دعاءا بأثر رجعى باعتبار انك هسه 41
و تقبل الله وربنا يجعلها فى ميزان حسناته ان جاء بها هنا والله اول ما قريت بوستك ده اتذكرتها
Quote: اتقدم انت فى العمر عقد ورا عقد....لامن تلقى روحك في المؤتمر السادس ^_^
لوووووووووووب
حليلو قبلو!! بعد الاربعين القصرت الخطى دي، تاني لا مؤتمرات ... لو (بهمسة) او بستة عديييل!
عاوزين نقطع للذكر و العبادة بعد دا .. و قيل عاوز نتفرغ للكتابة الابداعية ( لو كره امجد الفريد في التعسف، المستاءل عما هية الكتابة الابداعية) ما شفتي الصلعان من نوع سفيان و من اتبعه بغير احسان شغالين لي كيف!؟ و انا اجزم انو حظي في السغافة كحظي في (الشعر) معاهم ... بس خاينة .. ما بتدي حريف لا مكتبة لا عمود في الصحف السيارة!! .. و لا حتى عضوية الفورسيزونس!
-------------
محمد منو المعاكم؟ انا كنت قايلك انت و صاحبتنا براكن ...
اوع يكون عمك نقد؟ لوووووووووووب
المحمدات انا فارقتهم فراق الطريفي لي جملو ... محمد اخوي ذاتو مات ... باقي على سيد اللسم بس .. اسي جايي من زيارة ليهو!
Post: #57 Title: Re: الاربعين .. هرمنا اوانطة ساي! .. ما جاتنا أي رسالة!! Author: قيقراوي Date: 09-02-2011, 09:49 AM Parent: #38
Quote: يا قيقراوي ياخ لسع بدري عليك
الصعود اربعين عاما والنزول اربعين عاما
انت في منتصف الطريق
اسأل مجرب
يعني ما نسأل طبيب؟
Post: #56 Title: Re: الاربعين .. هرمنا اوانطة ساي! .. ما جاتنا أي رسالة!! Author: قيقراوي Date: 09-02-2011, 02:50 AM Parent: #35
Post: #47 Title: Re: الاربعين .. هرمنا اوانطة ساي! .. ما جاتنا أي رسالة!! Author: قيقراوي Date: 09-01-2011, 01:30 AM Parent: #25
Quote: يا اخي قوم لف ميلاد ولا رأفت...
كم لفة؟ برضو اربعين؟
------------------
شوف الاربعين دي؟
دا برضو صدفة؟
Quote: 29-08-2011, 00:40
(راجع تاريخ نزول البوست)
أي دونط ثينك سو! او كما قال الطفل الخارق "مالكوني" في هوم ألون
Post: #50 Title: Re: الاربعين .. هرمنا اوانطة ساي! .. ما جاتنا أي رسالة!! Author: محمد حيدر المشرف Date: 09-01-2011, 06:39 AM Parent: #47
شوف هنا يا سفيان ..
Quote: رسالة شنو التجيك وانت زى اخوك ود المشرف مكتبه ما عندك!!!
انا صاح ما عندى مكتبه .. وصاح اربعينى جديد لنج (بالتقويم الميلادى تحسبا لأى عماد حسين حايم).. بس كمان ما زى قيقراوى .. انا عندى عدد كبير من القصائد المنشوره فى عدد من الدوريات والملاحق الثقافيه والاسفير .. كما ولدى "روايه" قرررررربت تنتهى وتنتقل لمرحلة تحت الطبع .. واحتمال كبير جدا تاخد جائزة الطيب صالح .. الامر الذى سيحرق "حاتم الياس" هنا وبفور اول كما وأخوك عضو بمنبر الحوار الديمقراطى .. وده شعرا ليس له عند قيقراوى رقبه .. ولا يتوفر عليه أمين نوته ابتداءً لصلعة ألمت به !! فأنظر يا هداك الله وتدبر فى الأمر .. ولا تلمنى وقيقراوى وحتى نوته فى سلة واحده ..
قال مكتبه قال !!!..
Post: #51 Title: Re: الاربعين .. هرمنا اوانطة ساي! .. ما جاتنا أي رسالة!! Author: معاوية الزبير Date: 09-01-2011, 07:40 AM Parent: #50
قيقا كل أربعينية وانت طيب
يا زول حكاية السنين دي أنساها، ما تفكر فيها
أنا داخل على الخمسين ولسه متخيل نفسي في العشرينات لم أبرح أيام كوستي بعد
الحياة ممحوقة ياخ
وأكان جيت للكم وعشرين الأخيرة دي، علي اليمين قضيناها نهش بيدينا على الكوابيس القدام عيونّا دي
Quote: انا صاح ما عندى مكتبه .. وصاح اربعينى جديد لنج (بالتقويم الميلادى).. بس كمان ما زى قيقراوى .. انا عندى عدد كبير من القصائد المنشوره فى عدد من الدوريات والملاحق الثقافيه والاسفير .. كما ولدى "روايه" قرررررربت تنتهى وتنتقل لمرحلة تحت الطبع .. واحتمال كبير جدا تاخد جائزة الطيب صالح .. الامر الذى سيحرق "حاتم الياس" هنا وبفور اول كما وأخوك عضو بمنبر الحوار الديمقراطى .. وده شعرا ليس له عند قيقراوى رقبه .. ولا يتوفر عليه أمين نوته ابتداءً فأنظر يا هداك الله وتدبر فى الأمر .. ولا تلمنى وقيقراوى وحتى نوته فى سلة واحده .. قال مكتبه قال !!!..
كااااااااااااااااااااااااااااااااك بت ال###### يا الشعيريه هاهاهاهاهاهاهاها اها يا ود المشرف أنا غلطااان و سافى التراب أني لميتك مع الأخ سيد البوست دا و الله بعد السي في بتاعك دا مفروض الرعه دا ما تشتغل بيهو نهائي و تتكلم معانا نحنا ديل مستواك طق طرق بس فايتنك بى مكتبه هاهاهاهاهاها
و الله مداخلتك دى ريحتني في ابو ام كنجوجى ذاتو كاااااااااااااااااااااااك
Quote: ..... ....نسيت ابلغك تحيات (عنكبة) من رحاب المسجد النبوي الشريف فهو يغريك السلام .. و بعض ابتسام لذكريات جميلة كانت بمصر المؤمنة بي أهل الله !
.......... ...قيقا يا وريف .. ...كل سنه و انت و الاسره ..و زوارك بالف خير يا صديق ...وفي وطن عزيز الجانب ...و عقبال مية ....هرمنا... ... ...ياريت لو كنت عارف ...لانو ... الحاجه ...كانت معاكم هناك .... في حالة اعتمار روحاني....و في نفس المكان .. ... ...و بالله باصي التليفون (593636347) ..ده لابو العناكب ... و قل ليهو بتصل بيهم لانو حتسافر بكره ...و قلو ليهو تليفونك ضاع ...زي ضياعنا الاونطه ده ... .. .. ...و بخصوص دي ...
Post: #64 Title: Re: الاربعين .. هرمنا اوانطة ساي! .. ما جاتنا أي رسالة!! Author: الشفيع وراق عبد الرحمن Date: 09-15-2011, 10:47 PM Parent: #62
يا دووووبك
ياخي المحطة عديناها قبل 10 سنين
تدريجياً .........................ح تشعر بي تغييرات كتييييرة
-------------------- مافي زول بهرم اوانطة اكيد،،،،،تركت بصمة ما في مكان ما
Post: #71 Title: Re: الاربعين .. هرمنا اوانطة ساي! .. ما جاتنا أي رسالة!! Author: قيقراوي Date: 09-17-2011, 09:01 AM Parent: #64
Quote: تدريجياً .........................ح تشعر بي تغييرات كتييييرة
-------------------- مافي زول بهرم اوانطة اكيد،،،،،تركت بصمة ما في مكان ما
ما دي المشكلة ياخ!
التغيرات حصلت .. و الرسالة لم تجيئ!!
------
تعرف مواساتك دي ذكرتني دغمستنا زمان لخيبات الهلال .. كنا بنرد على المريخاب لمن يعايرونا بإنو ما جبنا كاسات .. بنرد : نحن ما بنجيب .. نحن بنخلي!!
ياخ زمان كنت بحلم انو مع الاربعين دي اكون جبت لي كم كاس كدا .. اقلها في مجالي المهني .. بالمناسبة الرسالة الراجيها من IMA سامعاني يا غادة مكي لكنها يبدو لي انها لن تجيئ كلو كلو .. لأنو بصراحة هي ما بتجي ساي .. لازمن و حتماً انو الزول يسجل و يمتحن عشانو يدوهو CMA و انا لي يوم الليلة ما سجلت ذاتو!!
اما في الهرمة في اطار العام .. حدث و لا حرج .. اهو انتو لابسين لينا الكاكي .. و نحن ما بنشل سلاح ما يا ها الهرمة الاوانطة ذااااتا!!؟
وكوستي دي تستحق جنس كتابة خط السكة حديد (كان) يفصل المدينة إلى نصفين (كان) لكل نصف سماته المميزة، ومن هنا تشكّل التاريخ الاجتماعي للمدينة ياخي، كأن من اختار مجرى هذا الخط عالم اجتماع وليس مهندس مساحة
Quote: كوستي دي تستحق جنس كتابة خط السكة حديد (كان) يفصل المدينة إلى نصفين (كان) لكل نصف سماته المميزة، ومن هنا تشكّل التاريخ الاجتماعي للمدينة ياخي، كأن من اختار مجرى هذا الخط عالم اجتماع وليس مهندس مساحة
يا سبحان الله!!
كتبتها انا قبل كدا ذات نستولجيا و ذكرى هنا دا و بتناص عجيب!!
-------------------
ككوستاويين جنوبيين - نعاني من التهميش الثقافي ( بفهم وافد من اهل العوض و اصيل)برضو - كانوا الشماليين بقولوا لينا ( ذات حروب بالسيوف ) : جنوب القضيب دا مافي راجل غير جون قرنق ذاتو!!
حليلو هو و حليل كوستي و حلينا نحنا من بعدهم
Post: #68 Title: Re: الاربعين .. هرمنا اوانطة ساي! .. ما جاتنا أي رسالة!! Author: البدري عبد الله Date: 09-16-2011, 05:12 PM Parent: #67
اربعينية مباركة ياخ وكل سنة وانت بألف خير وكما تحب وتشتهي وأن تنعم بالمكتبات والافكار والقصائد .. وباعد الله بينك وبين شرار مخلوقاته ..وجعلك قبلة للخير ومثالا للروعة والبهاء والالق ...... . . .