الطيب شيقوق من قاعة البلياردو إلى قناة الجزيرة ..

يظهر المدعو الطيب شيقوق الشهير ب" شيقا" في عجيبة أخرى من عجائبه التي لا تنتهي في هذا الرابط عند الدقيقة24:2 ثانية وهو بكامل حلته في خلفية الصورة متزامناً مع ما ذكره المذيع أحمد الهوتي من أنّ الرأي العام مشغول بهذه القضية باعتبار أنّ الأستاذ " شيقا" ممثلاً لهذا الرأي العام .... ولله في خلقه شؤون !!!!

http://www.aljazeera.net/Channel/KServices/Su...7/1_1082090_1_34.jpg

بعد البرنامج مباشرةً الذي تم بثه مساء السبت الماضي 27/8 على قناة الجزيرة انهالت المكالمات الهاتفية على المدعو الطيب شيقوق من قنوات فضائية من وزن ال CNN و ال BBC لتحظى بتعليق منه حول الموضوع ... ولعلم الأخوان بالمنبر فإنّ الطيب شيقوق بعد هذا الظهور الطاغي على قناة الجزيرة لا يستقبل أي مكالمات أو زيارات له بمنزله إلاّ بمواعيد مسبقة.

Quote: لا يستقبل أي مكالمات أو زيارات له بمنزله

الزول ده عازمنا نعيّد في مسقط .. طيب دلوقت نعمل اية؟

عمر علي حسن

أهلاً بالريّس عمر

شكراً على الطلة

أنا حأشوف لك طريقة .. ما أوعدك بشيء لكن حأعمل المستحيل يستقبلكم ... وإن شاء الله ما في عوجة... والعيد مهما كان برضو عيد .. يعني البرتوكول بيكون في إجازة !!

لا حول

استاذ عقيد

سعادة خالو عمر

انتو مولعين النار بجاي ؟

انت يا خال مش تجي وبس ؟ انت يستقبلوك في بوابات البريمى - انا ما برسل ليك زولا تكيسة للاستقبال اتحرك ليك انا شخصيا واخمش معاى السنجك محمد عمر عقيد دا ونتلهم البريمى لاستقبالك . ات يا خالو صرت ملك عام محل يودوك ما تقول اين نحن متلهمون؟

Quote: ولعلم الأخوان بالمنبر فإنّ الطيب شيقوق بعد هذا الظهور الطاغي على قناة الجزيرة لا يستقبل أي مكالمات أو زيارات له بمنزله إلاّ بمواعيد مسبقة.

الله يجازي محنك يا ود العقيد المسنوووووووووووووح

مسقط – وكالات
لا يزال الأستاذ الطيب شيقوق – المستشار القانوني – يعاني من ارتكاسات ما بعد ظهوره المفاجيء على قناة الجزيرة مساء السبت الماضي. وينصح المراقبون والأطباء بتوخي الحذر في التعامل معه حتى لا تسوء حالته أكثر مما هي عليه الآن، إذ بدأت تظهر عليه بعض الأعراض التي ذكر أطباء مختصون بأنّها تُسمى علمياً (Megalomania).

Quote: ذكر أطباء مختصون بانها تسمى Megalomania

ياخ يقلم رقبتك - مشيت افتش للكلمة الرميتا دي في الدكشنري ولقيتا ليك كدا :-


Megalomania is an unrealistic belief in one's superiority, grandiose abilities, and even omnipotence. It is characterized by a need for total power and control over others, and is marked by a lack of empathy for anything that is perceived as not feeding the self.

Although megalomania is a term often ascribed to anyone who is power-hungry, the clinical definition is that of a mental illness associated with narcissistic personality disorder (NPD).

Narcissism is most simply defined as self-love. Though it is considered healthy to care about your own well-being and have a healthy self-esteem, when someone loves himself to the exclusion of all else and others become objectified to be used only to serve the self, this is no longer considered healthy or normal.

There are different psychological theories about how and why NPD develops, most of which relate to the integration of different aspects of ego and self as a child, and the nature of the parental roles in that process. Regardless of theory, NPD is characterized by extremely low self-esteem, which is compensated for by delusions of grandeur and megalomania, a narcissistic neuroses. With the propensity to act only on behalf of one's self, the unbridled need to feed one's ego, and the objectification of others to serve the power-hungry needs of megalomania, it is easy to see how this can be a recipe for disaster, especially when wrapped in a charismatic personality.

Quote: Megalomania

مصيبة دي يا عقيد .. كده شوف لينا واحدة اخف شويه .. شيقوق عزيز علينا

عمر علي حسن

Megalomania

ما في غيرها يا ريّس

دا كلام الأطباء ... وإن شاء الله تقيف على كدا .. لأنّه جميع المؤشرات والحيثيات غير مطمئنة

_______________

تحياتي وكل عام وأنتم بخير

Quote: دا كلام الأطباء ... وإن شاء الله تقيف على كدا .. لأنّه جميع المؤشرات والحيثيات غير مطمئنة

خالو

دا انساهو وخليني انا بشوتو ليك ضفاري ومحل رهيفة تنقد

الاخ محمد عمر كل سنة وانتم طيبين
ياخي شيقا ده حالة نادرة جدا وبدخل في القلوب بدون إذن
عبرك خالص التحايا والتقدير لشخصه المحبوب
شايفنك يا شيقا وبتقرأ في الجريدة

الأخ الكريم هاشم
كل عام وأنتم بخير

كفيت ووفيت ... شيقا زي منسي العلم الكبير الراحل الطيب صالح : إنسان نادر على طريقته

هاشم ابو احمد

Quote: الاخ محمد عمر كل سنة وانتم طيبين ياخي شيقا ده حالة نادرة جدا وبدخل في القلوب بدون إذن عبرك خالص التحايا والتقدير لشخصه المحبوب شايفنك يا شيقا وبتقرأ في الجريدة

والله يا محمد عمر عقيد بوستيك دا جلب ليك درر ونوادر ما ساهلة - ات عارف هاشم دا من عمالقة ادباء الشعر الغنائي و مقاطع سودانيز ليهو سنين مافي شئ طلعو للكتابة الا بوستيك دا غايتو بختك .

هو سنجك اصلي لا يتنسم الا همبريب النيل المداعب غصن النخيل مش زيك تتكرف في الهبائب بلا فرز يا مسنووووح

الله يخفف علينا المصائب فى ايام العيد
الواحد بعدايام روحنيات طيبة دخل المنبريعيد على الخلق يلاقى صاحبنا شيقا محكر فى قناة الجزيرة
خلاص نشوف بلد تانى ونقطاع المنبر
والله خبر السواد واللواد وخلينا المسنوحات يدخلن الحبس
انا عارفووووو المسنوح بجيبها كبيرة بالحيل وربنا يستر


ــــــــــــــــــــــــــــــــــــــــــــــــــــــ
كل عام وانتو بخير وربنا يحقق الامنيات الطيبه ويشفى احوانا شيقا

Quote: الله يخفف علينا المصائب فى ايام العيد الواحد بعدايام روحنيات طيبة دخل المنبريعيد على الخلق يلاقى صاحبنا شيقا محكر فى قناة الجزيرة خلاص نشوف بلد تانى ونقطاع المنبر والله خبر السواد واللواد وخلينا المسنوحات يدخلن الحبس انا عارفووووو المسنوح بجيبها كبيرة بالحيل وربنا يستر

انت بس خليك غافل وعايش على عز اهلك القديييييييم داك ولما تفتح تلقاني ببيع فيك في الملجة يا مسنوووووح

اها تاني دحين ما بقدر ............ واعقد علي المسنوحة ؟

Quote: اها تاني دحين ما بقدر ............ واعقد علي المسنوحة ؟

انت ما اكل عيشك فى لسانك الكرفتة داااااا وبتعرف المخارج

شكلك عاوز تنط ........و بدور عليك مخرج ههههههههههههههههههه

Quote: انت ما اكل عيشك فى لسانك الكرفتة داااااا وبتعرف المخارج شكلك عاوز تنط ........و بدور عليك مخرج ههههههههههههههههههه

أركز آآآآآآ جنا كلامك دا شام فيهو ريحة غيرة

شد حيلك و العكوليبا الزارعا الله بتقوم في هامة المسنوحة

Quote: دا انساهو وخليني انا بشوتو ليك ضفاري ومحل رهيفة تنقد

كدي اديها لبده .. الزول ده ما يمشي كمان يطلع لينا (مانيا) تانية .. انا عارفن ليك كلهن من ايام
علم النفس الجنائي .... لو كشحك بأي واحدة منهن يمرقك الجليل الرحيم ..

عمر علي حسن

Quote: .... لو كشحك بأي واحدة منهن يمرقك الجليل الرحيم ..

ههههههههههههههها الله يضحكك في ايام العيد السمحات ديل

الزول سنجك لهسع لسانو ملوي - قدر ما قلنا نسلّك لسانو نلقاهو في فتلتو الجاء بيها من الجروف

Quote: قدر ما قلنا نسلّك لسانو نلقاهو في فتلتو الجاء بيها من الجروف

نان ده ما البعوّر ذاتو .... عارف قصة الاسد الاطرش ؟

عمر علي حسن

Quote: نان ده ما البعوّر ذاتو .... عارف قصة الاسد الاطرش ؟

لا - عليك قبائل العيد دي تحكيها لينا

Quote: Quote: نان ده ما البعوّر ذاتو .... عارف قصة الاسد الاطرش ؟ لا - عليك قبائل العيد دي تحكيها لينا

ياخي دي من سنة ما حفرو البحر .. خد عندك :

واحد ربنا اداهو صرخة اي حيوان يسمعها يقع ميت .. مشي الغابة قابلو النمر نهره ليك نهره
واحدة النمر مات قابلو خرتيت نهره وداهو الاخرة .. واستمر ينهّر ويموّت .. وفي اثنين قرود
مبارينو من شجرة لي شجره .. لاقاه اسد نهرو النهرة الاولي الاسد ماجاته حاجة .. التانيه
الاسد واقف علي طولو .. الثالثه الاسد لطش ليك الراجل Upper cut جابو الواطة ..
القرد قال لاخوه (ما قلت ليك الزول ده لو لاقاه الاسد الاطرش بيعورو ليك)

عمر علي حسن

Quote: كل عام وانتو بخير وربنا يحقق الامنيات الطيبه ويشفى احوانا شيقا

تحياتي يا أخي الكريم يوسف أبو سنينة .. وكل عام وأنت بخير ..

موضوع شيقا يحتاج لمتابعة لصيقة خلال عطلة العيد وربنا يقدرنا عليه ...

سعادتو عمر .. سلامات وكل سنة وإنتم بخير

Quote: القرد قال لاخوه (ما قلت ليك الزول ده لو لاقاه الاسد الاطرش بيعورو ليك)

الأسد OK الأطرش NO إذا كان التشبيه يعني عندو علاقة بشخصي الضعيف!!!!

وبعدين يا ريّس : تفتكر بصراحة العنده لسان ملوي منو أنا ولا وارد البردانة؟؟

أها لقيتني كيف ؟ و(الحقوق محفوظة لشيقا)

Quote: أها لقيتني كيف ؟ و(الحقوق محفوظة لشيقا)

هههههههههههههههههههههههها احلى عيدية

طبعا يا خالو محمد عمر عقيد دا بوردابي جديد لنج عمرو في سودانيز شهرين فقط لكن كان متابعا جيدا لكل ما يكتب في هذا المنبر . عضو مجلس ادارة نادي الجالية السودانية بمسقط لسنين عددا .

Quote: الثالثه الاسد لطش ليك الراجل Upper cut جابو الواطة ..

هيييييييييييييييييع كع

Quote: الأسد OK الأطرش NO إذا كان التشبيه يعني عندو علاقة بشخصي الضعيف!!!!

العقيد
حاشاك من الاسد ومن الطرش ..
ساعود لكما بعد الضيفان ما يمشوا ..

عمر علي حسن

بالله الزمن ده كلو وانا خاتي في راسي ود شيقوق زول الله ....ساي اتاريهو متدكن ومتمكن
والله صحي المابعرفك بجهلك
ظهور وطاغي وفي الجزيرة كمان ........................ممممممممممممممممممممممممممم اللهم لا حسد الدنيا عيد
يديما عليك نعمة وعليك وعلينا يكفينا شر العين والدين
تلحقنا وتنجدنا يا واد شيقوق

عموما كل عام وانت ثابت ونابت في السي ان ان والبي بي سي والام بي سي كيتا علي الحاسدين

عموما بعد كسير التلج ده كلو اكان ما لحقتنا بي عيديه ان شاء في العربية تكون اتلومت معانا لوم شديد وتلجنا بنرجع نشيله ان شاء الله نلحسو ايسكريم
ههههههها

Quote: ساعود لكما بعد الضيفان ما يمشوا

وانا كمان كان معاى اكارم وجميعهم يطروك بالخير منهم البروف على عوض يوسف و الدكتور احمد القرشي

ود المجذوب

الف مرحب بيك وكتر خيرك على الطلة البهية دي

Quote: عموما بعد كسير التلج ده كلو اكان ما لحقتنا بي عيديه ان شاء في العربية تكون اتلومت معانا لوم شديد وتلجنا بنرجع نشيله ان شاء الله نلحسو ايسكريم

افو افو ات بتلوموا معاك علىك ان تامر وبس .

اما تشيل تلجك بعد دا كلو الا تكون زى والي سنار القالوا عنو كان ماشي لعزاء واحد من محاسيبهم وخروفو في ضهر العربية بالغلط وقع ليهو في عزاء تاني افتكرو ياهو العزاء القاصدو طوالي قال للعسكري نزل الخروف . الجماعة كووولهم وقفوا لفاتحة السيد الوالي والوالي عاين يمين وشمال ما بان ليهو فيهم حد بيعرفو انقر عمل شنو ؟ قال للعسكري ارفع ارفع الخروف تصدق او لا تصدق خمش خروفو ورجع بيهو .

الله يجازي محنك يا ود شيقوق

خليتني اقرقر نصاصي الليل زي الما نصيح

ست البيت جات وقالت لي يا راجل يا خرفان الليل اتقسم وانت لابي لي اللاب توب وتقرقر ...حميتنا النوم

لا خيرا منك .....ولا كفاية شرك !

امانة الله جاتك يا ود شيقوق الراجل رفع خروفو جد جد ؟
ده والي واللا سمسمار؟
حسبي الله ونعم الوكيل

بسسسسسم الله الرحمن الرحيم

رمضان يادوووبك فات

الجماعة ديل فكوهم متين ؟؟؟

ود المجذوب

العيد مبارك عليك تاني

Quote: ست البيت جات وقالت لي يا راجل يا خرفان الليل اتقسم وانت لابي لي اللاب توب وتقرقر ...حميتنا النوم لا خيرا منك .....ولا كفاية شرك !

يجازي محنك يا مسنوح ات ما بتعرف؟ ام الاولاد ناديها تقرا معاك وتنقي ليك العنكوليب وانت تاكل وبس ، وكان ابت تنقي اخمش عنكوليبك ونوم خليها ومحل رهيفة تنقد .

Quote: امانة الله جاتك يا ود شيقوق الراجل رفع خروفو جد جد ؟ ده والي واللا سمسمار؟

وحياتك يا ود المصطفى الكلام سمعتو من ثقات .

ماضي

Quote: رمضان يادوووبك فات الجماعة ديل فكوهم متين ؟؟؟

بختك تشبع عنكوليب ايام العيد دي

الصورة دى خمشتها وفرزتها كيف من الجوبيك الكتير دا

والله يا اولاد ابو العزائم نمسك الخشب بس - الله سلطكم على ادوات الموسيقى وتقنية المعلومات - وقسم ليكم المشى السريع الواحد فيكم كان كسح قدامك الا تركب ترماج عشان تحصلو .

الأخ ماضي أبو العزائم


كل سنة وإنت طيب وإن شاء الله نشوفك مرة أخرى في مسقط قريب

شكراً على الإطلالة البهية والمساعدة الإلكترونية في موضوع النجم التلفزيوني شيقا ...

الأخ محمدمصطفى مجذوب

كل عام وأنتم بخير ..

وإذا كنت راجي عيدية من شيقا سيطول انتظارك ... لأنّه هذه الأيام يدعي أنّه في مرحلة تشرنق ليكون سيوبر ستار أو كما يصرّح هو لزواره ومعارفه ..

دمتم بخير وعافية

طيبنا ذوقو .. حلاة البدلة فوقو

علي الطناش البردانة دفت لي جنى جناها

سنجاوي - الاربع طاشري

كيفك ياخ وكل عام وانت بالف خير

Quote: طيبنا ذوقو .. حلاة البدلة فوقو علي الطناش البردانة دفت لي جنى جناها

هههههههههههههههههههههها مسنووووووووووووووووووووووح نامن غلط

Quote: ولعلم الأخوان بالمنبر فإنّ الطيب شيقوق بعد هذا الظهور الطاغي على قناة الجزيرة لا يستقبل أي مكالمات أو زيارات له بمنزله إلاّ بمواعيد مسبقة.

ياخي ضربت كم مرة وفي كل مرة أسئلة زي بتاعت ناس الأمن: عاوزو لي شنو، ممكن رقم تلفونك وعنوانك؟
يا شيقا "كل ما سألت عليك صدوني حراسك".
يا عمر حسن بصراحة النكتة اوسكار.
تحية لصاحب البوست وزواره.
وكل عام وأنتم بخير وكل سنة لامين وتامين يل ناس مسقط البيضاء.

محبتي

Quote: يا عمر حسن بصراحة النكتة اوسكار.

العزيز الفاتح ميرغني

يابوي الاوسكار صاحبك شيقوق .. يوم بلياردو ويوم جزيره وبيبي سي وسي ان ان .. وهييييييييييييييع كع.
لما يوم نلقاهو ليك قاعد محل سلفاكير والله ود عمتو اوباما ذاتو

تحياتي

عمر علي حسن

الفاتح المسنوووووووح

Quote: ياخي ضربت كم مرة وفي كل مرة أسئلة زي بتاعت ناس الأمن: عاوزو لي شنو، ممكن رقم تلفونك وعنوانك؟ يا شيقا "كل ما سألت عليك صدوني حراسك". يا عمر حسن بصراحة النكتة اوسكار.

ياخ موصين عليك الحرس كلووووووو اديناهم رقم لتسهيل اللقاء - الا تكون خمشت ليك موبايل جكسوية واتصلت بيهو

Quote: شكرا على اعمال مهاراتك التقنية تاني ما بترجع للطورية يا اللخو

Quote: شكرا على اعمال مهاراتك التقنية تاني ما بترجع للطورية يا اللخو

ده انا ولا ولا أنت يا مسنوح؟
"ما سمعت ود سيداحمد قال فيك شنو؟
طوريتك في الطين مرمية وكوريتك يابسة ومجدوعة
لا غيبتك كانت مرضية
لا فوتك كانت مبلوعة".
يمن أنت بعد البلياردو وقناة الجزيرة والسجاير الكوبي، كان غنت ليك ليدي غاغا ظااااتهاألله أعلم ترجع.
غايتو البركة في ناس عبدالله يسدوا الدين ويملوا العين.


محبتي

الأخ محمد عمر عقيد.
والله العظيم انا ما عارف البوست بتاعك ده فات على كيف ؟
لكن ومن خلالك ابلغ واقول لودشيقوق :
البلياردو وقلنا اوكى أهى نزوة طفولة وتعدى , لكن كمان الموضوع بقى فيه راديو وتلفزيون وصحافة وهلمجرا؟
لا يا شيقا دى Too much.
دى اول وآخر مرة يا شيخ العرب...سامع؟

Quote: ده انا ولا ولا أنت يا مسنوح؟ "ما سمعت ود سيداحمد قال فيك شنو؟ طوريتك في الطين مرمية وكوريتك يابسة ومجدوعة لا غيبتك كانت مرضية لا فوتك كانت مبلوعة". يمن أنت بعد البلياردو وقناة الجزيرة والسجاير الكوبي، كان غنت ليك ليدي غاغا ظااااتهاألله أعلم ترجع. غايتو البركة في ناس عبدالله يسدوا الدين ويملوا العين.

وااااااااااااااااو دا كلام كبار خمشتو من وين آآآآآآآآآآ اللخو ؟ ولا الليلة الدنيا عيد إتلهمت الفرح المعبأ من باكريتك .

يطول عمرك يا قهوة الباكرية امانة ما بتسمحي الحديث .

قلقو

العيد مبارك عليك

Quote: والله العظيم انا ما عارف البوست بتاعك ده فات على كيف ؟ لكن ومن خلالك ابلغ واقول لودشيقوق : البلياردو وقلنا اوكى أهى نزوة طفولة وتعدى , لكن كمان الموضوع بقى فيه راديو وتلفزيون وصحافة وهلمجرا؟ لا يا شيقا دى Too much. دى اول وآخر مرة يا شيخ العرب...سامع؟

انتوا بس خليكم عايشين على العز القديم نامن تلقونا شادين السروج في عناقركم

Quote: تلقونا شادين السروج في عناقركم

والله ياودشيقوق حكايتك حكاية . يعنى حتى لمن تجى تتفلهم وتتعنظ علينا,تفكيرك ما بيفوت عالم السروج والحمير والبغال؟
ياخى قول همر, بى ام دبليو, مرسيدس....ياخى ان شاالله اتوس ....
عمركم ما تتقدموا او تتطوروا.

الأعزاء
سنجاوي
الفاتح ميرغني
قلقو

كل عام وأنتم بخير ... وجعل الله أيامكم كلها أعياد

شكراً لكم على المرور إحتفاءً بشيقا العينة ... شيقا في العيد غير

أمس في معايدة نادي الجالية في مسقط وعلى حس ظهوره على قناة الجزيرة كان نجم لقاء المعايدة بدون منازع واستلم المكرفون نص ساعة يمكن .... ربنا يجيب العواقب سليمة !!!!!!!!

Quote: والله ياودشيقوق حكايتك حكاية . يعنى حتى لمن تجى تتفلهم وتتعنظ علينا,تفكيرك ما بيفوت عالم السروج والحمير والبغال؟ ياخى قول همر, بى ام دبليو, مرسيدس....ياخى ان شاالله اتوس .... عمركم ما تتقدموا او تتطوروا.

اخشى اصعد بيك من (أنت كال###### في حفظـك للـود و كالتيس في قراع الخطوب) الى (عيون المها بين الرصافـة والجسـر
جلبن الهوى من حيث أدري ولا أدري) وتقوم - يا قلقو اخوى - ترجع تقول اوقفوا شيقا حتى لا يذوب رقة ولطافة.