السبكى بعد اطلاق سراحة في جوله على الصحف لشكر الزملاء صورصور

امام صحيفة الايام وابتسامات صافية من الزميل ايمن سنجراب وهو يصافح السبكي ومن بعيد يظهر الزميل احمد خليل وهو فرحا بخروج السبكى

امام صحيفة الايام وجمهرة وفرحة من الوسط الصحفي بخروج السبكي الذي يبدو متعبا ومرهقا لكنه اصر بعد خروجة
من سجن كوبر ان يطوف على الصحف وشكر الزملاء لوقفتهم الصلبة التى قادت الى اطلاق سراحة

في صالة تحرير جريدة الصحافةالتى اقتيد منها السبكى قبل 9 شهور ويظهر الزميل اسامة ابوشنب رئيس قسم الاخبار بالصحيفة

الف حمدا لله على السلامة
ويا عمار بلغوا تحايانا
ولو عندك رقم تلفونو اجدعوا لينا

مليار مبروك

الزميل والصديق العزيز حعفر السبكي

بلي وانجلي

.. حمداللله ألف علي السلامة

وانهد كتف المقصلة

وانشاءالله ما تشوف ألم في حياتك يالسبكي

يا ولدي العزيز

تحياتي وحبي ومودتي

حمد الله على السلامة اخ السبكي
وكل سنة وانت طيب

Quote: وشكر الزملاء لوقفتهم الصلبة التى قادت الى اطلاق سراحة

اخ عمار عوض
كل سنة وانت طيب

قلت لي شكرا لزملاء المهنة لوقفتكم اللي قادت الى اطلاق سراحة
يعني العفو الرئاسي بتاع الرئيس راح شمار في مرقة

وينها وقفتكم الصلبة القلتها دي
ياها الاعتصامات اللي اشخاص ما تامين اصابع اليد الواحدة
لمرات معدودة
بدليل انو ما كان مكث لتسعة اشهر في المعتقل

بحكم متابعتي لصحف الخرطوم يوميا
الا ما سمعنا ليكم حملة صحفية جادة كده وضخمة (صحيفته اللي هي جريدة الصحافة ذات نفسها لم تتوقف عنده كثيرا ولم تقاطع الحكومة رئيس تحريرها زاااته كل مرة في طيارة الرئيس او نائبه مرافقه زيارته الخارجية)
او تعليق صحف تضامنا مع اخونا المعتقل
او رفع قضايا على جهاز الامن ووو
او او او او
وتقول لي وقفتكم الصلبة

لعلم القراء
تم اطلاق سراح الاخ السبكي واخرين
بناء على عفو رئاسي من الرئيس البشير

Quote: الخرطوم (رويترز) - امر الرئيس السوداني عمر حسن البشير يوم السبت بالافراج عن كل الصحفيين السودانيين قائلا ان الخرطوم تحترم حرية التعبير التي تتسم بالمسؤولية. وقال شهود ان قرار الافراج عن نحو ستة صحفيين معتقلين جاء بعد حضور البشير مأدبة افطار سنوية اقامها الصحفيون بمناسبة شهر رمضان. وقال البشير في ختام المأدبة انه احتراما لهذه المناسبة وللصحفيين فقد امر بالافراج عن كل الصحفيين المعتقلين.

شكرا يا عمار
على الخبر البتستحق عليه البشاره.

الف حمد على سلامة الجسور السبكي
وكل زملائه ومعا حتى نرى كل المعتقلين احرار.



يا ميدو روقي المنقه قلت لي عفو رئاسي؟؟!!
(ههههههههههه)


وحياتك كبيركم الذي علمكم السحر
داقي جرسه شديده وعارف انه طيارته للاهاي قربت.
تقولي لينا شنو؟!

عوداً حميداً الزميل جعفر السبكي

التحية لكل الزملاء الصحفيين الذين

وقفوا وتضامنوا مع الزميل السبكي

حتى إنصاع رئيس نظام الفصل العنصري

للضغوطات وأطلق سراح الزملاء الصحفيين

من المعتقلات .. الغريبة مستشار رئيس نظام

الفصل العنصري مصطفى عثمان إسماعيل أنكر

في القاهرة وجود صحفيين في المعتقلات .. يكذبون

ويتحرون الكذب حتى يكتبوا أمام العالم أنهم كذابون منافقون

خبر سعيد الف مبروك شكرا للسبكي الذي اعطي درسا لهم بان القلم لن ينكسر، اما بخصوص العفو فالسؤال هو من يعفو علي من؟؟؟

Quote: لعلم القراء تم اطلاق سراح الاخ السبكي واخرين بناء على عفو رئاسي من الرئيس البشير

قال انا احيي و أميت.

يا ميادة اعتقلهم فما لمته .. أطلق سراحهم فمدحته ؟
لا و الله ما هي منّة منه ولا عطية.
بل هي بئس الدولة التي يجلس رئيسها في حفل فينتشي و يطرب و يطلق للحضور من في سجونه اكراماً لهم.
أفلو غناه قيقم كان أمر بقطع رقابهم ؟

التحية للسبكي و رفاقه ..
الأحرار وهم في زنازينهم وهم خارجها ..
التحية للأقلام التي تواجه البنادق و الاعتقال و العسف.
هم و الله اخوة بشار .. الذين ان خافوا على عروشهم من قلم كسروا يد حامله.
بوركت يد السبكي .. و تبت أيديهم.

Quote: يا ميادة اعتقلهم فما لمته .. أطلق سراحهم فمدحته ؟ لا و الله ما هي منّة منه ولا عطية. بل هي بئس الدولة التي يجلس رئيسها في حفل فينتشي و يطرب و يطلق للحضور من في سجونه اكراماً لهم. أفلو غناه قيقم كان أمر بقطع رقابهم ؟

إنت يا حمور بخيييييل ولا شنو
لا سلام ولا كل سنة طيبين ولا رمضان كريم

المهم !!!!!!!!
الصحافة (ما الجريدة بتاعة السبكي،،، لالالا الصحافة كصحافة)ما التمست القوة لي نفسها
داير الحكومة تعمل ليها حساب

وبصراحة يستحقوا الحكومة تعمل فيها البتعمله الان
لانهم من الضعف بمكان
ان تستمد الدولة قوتها من ضعفها

الليلة الصحافة دي لو كانت قوية لكانت قد اجبرتها على ان تعمل ليها الف حساب

وما يجي زول يقول لي حريات وقانون الصحافة وووو
لانو دي كمان معمولة على مقاس اهل الصحافة وقدرتهم وبقدر ضعفهم

Quote: وبصراحة يستحقوا الحكومة تعمل فيها البتعمله الان لانهم من الضعف بمكان ان تستمد الدولة قوتها من ضعفها الليلة الصحافة دي لو كانت قوية لكانت قد اجبرتها على ان تعمل ليها الف حساب

فعلا يا ميادة ..
الحقوق و الحريات ليست منحة بل هي حق ينتزع بالقوة من الطاغية الذي يحرم الناس منها مستغلاً ضعفهم.
كلامك صاح مية المية.
لولا ضعف أهل الصحافة عامة لما استطاع النظام ان يتغول على حرياتهم و حقوقهم.
وغيرهم كثير.
لذلك اضطر اهل دارفور ان يحملوا السلاح ليكونوا اقوياء و تعطيهم الحكومة بعض حقوقهم عبر المفاوضات.
للأسف كل من لجأ للحلول السلمية لانتزاع الحقوق تم التنكيل به ( كالأطباء ).
لكني لن أفقد إيماني بالتغيير عبر الكفاح المدني السلمي ( التظاهر و الاعتصام و العصيان المدني ).

ليتك تكتبين بوست عن هذا الموضوع تنعين على أهل الصحافة ضعفهم الذي يجعل السلطات تعتقلهم و تقيد حريتهم و تفرض عليهم الرقابة.
حرضيهم يا ميادة أن يكونوا أقوى و اشد صلابة في طلب حقوقهم.
بدل ان تكون القوفة للسبكي بافراد بعدد اليد الواحدة ربما تحمسوا فازداد عددهم في وقفة رافضة لقانون الصحافة الجديد.
حمسيهم فنحن من أمة تثير حميتها أخواتنا.
قولي لهم ما قلته هنا ان الحكومة تستقوي بضعفكم.
ربما ألهبهم كلامك و جعلهم أقوى.
شكرا يا ميادة.






ـــــــــــــ
رمضان كريم و كل عام و انت بخير

Quote: وحياتك كبيركم الذي علمكم السحر داقي جرسه شديده وعارف انه طيارته للاهاي قربت. تقولي لينا شنو؟!

أصحي يا بريش
انت ما متابعة الساحة السياسية اليومين ديل ولا شنو
اوكامبو بتاعكم ال ك ل ب دا الايامات دي
مشغول بعضم القذافي اللي رموهو ليه
وما جاب مذكرة البشير على لسانه ليه مدة
عشان تعرفوا انو القضية ليست الا ملاحقة سياسية
وسيف على رقابنا لوحو بيه متى شاءوا
وعلى حسب الجو السياسي وكده

فما تتعشموا نسلم ليهم البشير دا يووووم

ألف مبروك إطلاق سراح السبكي

الحرية للشرفاء

ياخي من اسوأ ما قرأت في هذا البورد

لا حولا

Quote: قلت لي شكرا لزملاء المهنة لوقفتكم اللي قادت الى اطلاق سراحة يعني العفو الرئاسي بتاع الرئيس راح شمار في مرقة وينها وقفتكم الصلبة القلتها دي ياها الاعتصامات اللي اشخاص ما تامين اصابع اليد الواحدة لمرات معدودة بدليل انو ما كان مكث لتسعة اشهر في المعتقل بحكم متابعتي لصحف الخرطوم يوميا الا ما سمعنا ليكم حملة صحفية جادة كده وضخمة (صحيفته اللي هي جريدة الصحافة ذات نفسها لم تتوقف عنده كثيرا ولم تقاطع الحكومة رئيس تحريرها زاااته كل مرة في طيارة الرئيس او نائبه مرافقه زيارته الخارجية) او تعليق صحف تضامنا مع اخونا المعتقل او رفع قضايا على جهاز الامن ووو او او او او وتقول لي وقفتكم الصلبة لعلم القراء تم اطلاق سراح الاخ السبكي واخرين بناء على عفو رئاسي من الرئيس البشير

ياخي اريتك ما كنت جيتي البوست ولا حمدتي الله على سلامته، لانها لن تزيد بل تنقص قصيرا في معنويات الرجل

زول فرحان طربا بين زملائه يشكر فيهم واحد واحد، لكن ابت نفسها الا ان تدافع تاتي الى هذا البوست
والغرض مرض زي ما بقولوا

عز عليها ان كيف الرئيس البشير هو من يطلق سراحة، ولكنه هذا ناكر الجميل يزور زملائه يشكر فيهم؟؟

اعيدوا قراءة ما كتبت مياده

وكأنها كانت تتمنى ان اول ما يقوم به السبكي هو كتابة مقاله في مدح وكرم سيادته ومنحة صك الحرية (ساكت كده)
جعوليه منه

ولكن خاب املها وفعل السبكي ما فعله، وثارت الدماء في راسها، لذلك كالت لكل الصحفيين تخازلهم في نصرته
والريس هو سيد الموقف "بيده الامر" استغفر الله العظيم في هذا الشهر الكريم، وباشرات الى جبن حتى رئيس تحرير جريدة الصحافة
الطالع نازل مع الريس، ماهو ######## وكل الصحفيين جبناء الا من رحم ربي (يتعدوا بالاصابع) الريس هو الراجل الوحيد في الساحة

يا زول بعد كده بفطر، اخير اكيف هنا

Quote: وكأنها كانت تتمنى ان اول ما يقوم به السبكي هو كتابة مقاله في مدح وكرم سيادته ومنحة صك الحرية (ساكت كده) جعوليه منه

لا ياااخ
لو زولكم دا قال ما لم يقله مالك في الخمر
فلن يزيد او ينقص من مقدار الرئيس عندنا

Quote: ياخي اريتك ما كنت جيتي البوست ولا حمدتي الله على سلامته، لانها لن تزيد بل تنقص قصيرا في معنويات الرجل زول فرحان طربا بين زملائه يشكر فيهم واحد واحد، لكن ابت نفسها الا ان تدافع تاتي الى هذا البوست والغرض مرض زي ما بقولوا

اسع في زول داس للسبكي في طرف !!!!!!!!!!!!!!!
ما يفرح زي ما داير
انا تكلمت عن الصحافة وعلاقة الحكومة بالصحافة
وضعف الصحافة


على فكرة اناا زيكم فرحت لاطلاق سراحه
وهو صديق عزيز منذ ان كان مراسل لصحييفة الصحافة لدينا
حتى ممكن تساله
قول ليه ميادة كمال بتسلم عليك

Quote: يعني العفو الرئاسي بتاع الرئيس راح شمار في مرقة

ميادة هو الرئيس زاتو بقى شمار في مرقة
خلي العفو بتاعو.....


يا ما ح تشوفي تنازلات وعفوات بعد ما شبعنا هفوات وزلات...


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

يا مياده

Quote: لا ياااخ لو زولكم دا قال ما لم يقله مالك في الخمر فلن يزيد او ينقص من مقدار الرئيس عندنا

هو كمان مدح الريس بقى حصري عليكم يا كيزان وللا شنو؟؟

مبروك عليكم الريس

والتحدي قائم يا مياده، اساسا ان زول مقاطع الصحافة السودانية لي كم سنة

عارفك، نفسك ونقيب الصحفيين، ووزير الاعلام , و و و و و ان يجتمع "الطلقاء"
ويكتبوا قصدية في سيادته ويتم عرضها بحجم صفحة كاملة في صحفهم،
او زيارة في العيد لسيادته يتم الترتيب لها، طبعا الكاميرات ح تطاقش

التحدي يا ميادة لو في صحفي واحد من الاحرار عمل كده

حمد لله على سلامة السبكي
وعقبال كل المعتقلين الأحرار
وكل سنة والصحافة والبلد بألف خير

شوف حمور وشوف غتاته

Quote: ليتك تكتبين بوست عن هذا الموضوع تنعين على أهل الصحافة ضعفهم الذي يجعل السلطات تعتقلهم و تقيد حريتهم و تفرض عليهم الرقابة. حرضيهم يا ميادة أن يكونوا أقوى و اشد صلابة في طلب حقوقهم. بدل ان تكون القوفة للسبكي بافراد بعدد اليد الواحدة ربما تحمسوا فازداد عددهم في وقفة رافضة لقانون الصحافة الجديد. حمسيهم فنحن من أمة تثير حميتها أخواتنا. قولي لهم ما قلته هنا ان الحكومة تستقوي بضعفكم. ربما ألهبهم كلامك و جعلهم أقوى. شكرا يا ميادة.

وكل عام وأنتم بخير

جعفر السبكي

كان في سجنه شجاعاً وأمينا وأبياً ووفياً ومخلصاً لشرفه الصحفي.


عش حراً طليقاً مرفوع الرأس
وكل سجن وإنت طيب.


مودتي

التحية للسبكي في صموده، و مبدئيته، و إخلاصه لقضية الوطن والحريات العامة
وقد إتضح ان جهاز امن المؤتمر الوطني قد إحتجز السبكي و إنتهك حقوقه دون وجه حق

إن تضحيات و بسالة الجيل الراهن من صحفيى السودان، يحركها وعي إستثنائي عميق بقضية الوطن
و الحريات العامة، و حتمية سيادة الديمقراطية و حكم القانون و مبدأ إستقلال و نزاهة القضاء