Post: #1
Title: ضيف على القناة السودانية ينجو على الهواء من الموت خنقا ...
Author: محمد ابراهيم قرض
Date: 08-28-2011, 01:14 PM
و الضيف هو الأستاذ أحمد عبد الله حنقة ، ذلكم الإعلامي العصامي المتميز ،
و كان أن استضافته القناة السودانية مؤخرا ، عبر برنامجهم الرمضاني "بينا و بينكم" ،
وكان في التقديم كل من الأستاذة غادة عبد الهادي و الإستاذ عمر عايس (حلقة الأربعاء24/8/2011).
أستاذنا أحمد حنقة ، لو قدر له أن ينطلق في سرد حكاويه و ذكرياته العديدة و المتنوعة
لكان أن نهلنا من معينه العذب جرعات مأهولة من المتعة و الاشباع ، فالرجل زرب اللسان ،
فكه الحديث ، وذو اسلوب متفرد في الحكي الحلو الظريف ، الذي جله مزحة وطرفة دون إخلال ...
لكن (الحلو ما يكملش) غلى قول (الثورة المصرية) ... فلقد انبرت كل من غادة عبد الهادي
وزميلها عمر عايس في التنافس "الشرس" في "مقاطعة" ضيف الحلقة و الدخول عنوة في "حلقومه" ،
لدرجة أن أستاذنا حنقة لم يفلح في أن يكمل ولو جملة مفيدة واحدة في سياق سرده الرشيق ،
مما أفسد علينا متعة المشاهدة و المتابعة وكأن ذلك "كتير علينا" يا تلفزيون السودان ...
سار الحوار مع أستاذنا أحمد حنقة على نحو ما يلي:
الأستاذ حنقة:
-فعلا لم تتجاوز فترة اغترابي بدولة قطر مدة ال 36 يوما ، حيث كان أن تصادف حضور وفد حكومي من دولة
الكويت يبحث عن توظيف ......................
هنا تتدخل الاستاذة غادة دون استئذان:
-صحي والله ... دولة الكويت حلوة .... وقطر برضه .... لكن يا أستاذ حنقة أنا عرفت "تحت تحت"
إنك بارع في طبخ بعض الوجبات الرمضانية المتميزة .... ولعل المشاهد (الذي هو نحن) يود
أن يسمع منك عن ذلك ....
عندها يتدخل الاستاذ عمر عايس:
-عظيم يا غادة ... الطبيخ حلو والحديث عنه يسيل اللعاب ... لكن أنا عرفت وبرضه تحت تحت ...
أن أستاذنا حنقة مهوووووس بحل الكلمات المتقاطعة وفي زمن قياسي كمان ...
ولعل المشاهد (الذي هو نحن) يريد اسقاط النظام .... عفوا .... يريد أن يعرف عن مهارات
الأستاذ حنقة الكلماتومتقاطعية قبل أن يعرف عن مهاراته المطبخجية .....
لذلك سوف نذهب الآن في فترة اعلانية نعود لكم بعدها .......
إنتظرونا .... كويس ؟؟؟؟!!!!!
ثم نجد أنفسنا وجه لوجه مع مرقة الدجاج ، و معجون الاسنان الحساسة ، والحبوبة المخرفة تتكلم
باللغة الصينية ، وقوموا نستبدل العملة ، و أولاد هتلر وصلوا ، والشاي بالدهب
(بالمناسبة عبوات الشاي التلاتة كلها مدسوس فيها عدد جنيه ذهبي واحد ..
من بداية الفلم ده ما شفنا زول طلع ليهو جنيهان ذهبيان ، ناهيك عن ثلاث !!!!!!!!!)
. و .... ، و ...........
وبالعودة للبرنامج يكون كل من عايس وزميلته غادة قد نسيا/نسوا/نسين/تناسيا موضوع براعة
ضيفنا المغلوب عليه (الأستاذ حنقة) في مجال الطهي وحل الكلمات المتقاطعة ...
ونجد عايس على المكرفون:
-مرحبا بكم مرة أخرى المشاهدون الكرام ... ونواصل ترحيبنا بضيف الحلقة الأستاذ حنقة ...
ويا أستاذ حنقة ... آخر مرة "خليناك" تتكلم فيها حدثتنا عن ذكريات طفولتك في تندلتي ...
عايزنك تواصل لينا فيها حبة كده ....
وهنا تقتحم الاستاذة غادة المكرفون:
-يمكن الزميل عمر قاصد ذكرياتك في حنتوب ... أنا ما بتذكر "خليناك" تتكلم ولو لثانية واحدة عن تندلتي ..
وتلتفت لزميلها عمر معاتبة : أسع يا عمر الدخل تندلتي شنو في حلقتنا دي ؟؟؟؟!!!!
هنا يحاول (الزميل) عمر انقاذ الموقف:
-تعرفي يا غادة يمكن الصيام .... أنا عارف إنه الأستاذ حنقة ولد وتربي في كوستي ...
لكن بنرجع للموضوع ده بعد فاصل إعلاني قصير ....
إنتظرونا ..... ثمح !!!!!!!!!!!!!!!!!!!
|
Post: #2
Title: Re: ضيف على القناة السودانية ينجو على الهواء من الموت خنقا ...
Author: ناصر احمد الامين
Date: 08-28-2011, 02:13 PM
Parent: #1
مهزلة و الله
بالله يا استاذ محمد لو في فيديو نزلو هنا عشان الصورة توضح اكتر
شكرا و عامك سعيد
|
Post: #3
Title: Re: ضيف على القناة السودانية ينجو على الهواء من الموت خنقا ...
Author: وليد محمد المبارك
Date: 08-28-2011, 02:29 PM
Parent: #2
بقت حاجة ظاهرة
ومسيخة
|
Post: #7
Title: Re: ضيف على القناة السودانية ينجو على الهواء من الموت خنقا ...
Author: محمد ابراهيم قرض
Date: 08-30-2011, 02:40 PM
Parent: #3
Quote: بقت حاجة ظاهرة
ومسيخة |
كل سنة وانت طيب يا الوليد...
انشاء الله حلاوة العيد ده تطعمهم
شوية .
|
Post: #6
Title: Re: ضيف على القناة السودانية ينجو على الهواء من الموت خنقا ...
Author: محمد ابراهيم قرض
Date: 08-30-2011, 02:37 PM
Parent: #2
Quote: مهزلة و الله
بالله يا استاذ محمد لو في فيديو نزلو هنا عشان الصورة توضح اكتر
شكرا و عامك سعيد |
ناصر ...
مشاغل العيد شغلتنا عنكم ..
كل عام وانت بخير ...
بعدين أخوك جهلووول في ال IT
وبعدين المادة ذاتها يجيبوها من وين ؟
راحت من زماان في الهوا
|
Post: #4
Title: Re: ضيف على القناة السودانية ينجو على الهواء من الموت خنقا ...
Author: Al-Shaygi
Date: 08-28-2011, 02:51 PM
Parent: #1
قرض
Quote:
ضيف على القناة السودانية ينجو على الهواء من الموت خنقا ...
|
تستاهل ....
أنت البوديك تعاين للقنوات دي شنو؟؟؟
عن نفسي ماسحها لي زمن وما بعرف هي زاته ترددها شنو؟؟
ياخ بقينا عقاب عمر والواحد ما داير يموت بسكته تلفزيونية....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #5
Title: Re: ضيف على القناة السودانية ينجو على الهواء من الموت خنقا ...
Author: محمد الكامل عبد الحليم
Date: 08-29-2011, 03:04 PM
Parent: #4
تحية يا شايقي فقد اصبت الهدف للنجاة من السكتة التلفزيونية بيد قنواتنا الفضائية ..
ان كان لابد متفرجا فعليك الامساك بالريموت في كل الاوقات حتي لا يداهمك مذيعا او مذيعة وبمهنية فطيرة(مش زي فطيرتك المدلوق عليها اطعم ملاح...علي وزن اطعم عدس)
يداهمك بابتسامة صفراء قبل ان يودع الضيف الذي لم يتم استقباله بعد...
قنواتنا متوضئة بالاستهبال والركاكة ...اكرر الحذر واجب من (السكتة التلفزيونية)
وعيد سعيد
|
Post: #8
Title: Re: ضيف على القناة السودانية ينجو على الهواء من الموت خنقا ...
Author: محمد ابراهيم قرض
Date: 08-30-2011, 02:44 PM
Parent: #4
Quote: تستاهل ....
أنت البوديك تعاين للقنوات دي شنو؟؟؟ |
كل سنة وانت طيب يا الشايقي ..
بعدين نحن ناس الداخل ما عندنا
ترف القنوات الفضائية ..
بس قنوات أرضية ساااكت ...
لكن أصبر .. خليني بس أرطب ...
أجيب ليك القنوات بتاعت القروش ذاتها !!!!
|
Post: #9
Title: Re: ضيف على القناة السودانية ينجو على الهواء من الموت خنقا ...
Author: Al-Shaygi
Date: 08-30-2011, 03:53 PM
Parent: #8
Quote:
كل سنة وانت طيب يا الشايقي ..
بعدين نحن ناس الداخل ما عندنا
ترف القنوات الفضائية ..
بس قنوات أرضية ساااكت ...
لكن أصبر .. خليني بس أرطب ...
أجيب ليك القنوات بتاعت القروش ذاتها !!!!
|
وأنت بألف خير
يازول أنت معفي تب والمضطر الله حلل ليهو الفطيسة والميتة،، بس ما تكتر بتدخل في الحرمة....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #10
Title: Re: ضيف على القناة السودانية ينجو على الهواء من الموت خنقا ...
Author: نايف محمد حامد
Date: 08-30-2011, 10:24 PM
Parent: #9
Quote: عن نفسي ماسحها لي زمن وما بعرف هي زاته ترددها شنو؟؟
ياخ بقينا عقاب عمر والواحد ما داير يموت بسكته تلفزيونية....
|
|
Post: #11
Title: Re: ضيف على القناة السودانية ينجو على الهواء من الموت خنقا ...
Author: محمد ابراهيم قرض
Date: 08-31-2011, 12:52 PM
Parent: #10
| Quote: يازول أنت معفي تب والمضطر الله حلل ليهو الفطيسة والميتة،، |
الشايقي ..
لعمري فهذه رخصة نحتاج لها
في زنقات كتيرة .. وخلاص
تاني مافي قشة مرة ..
|
Post: #12
Title: Re: ضيف على القناة السودانية ينجو على الهواء من الموت خنقا ...
Author: Al Sunda
Date: 08-31-2011, 01:52 PM
Parent: #11
سيد الخيط ومشاركوه
كل عام وانتم بخير
وتخيلت انا ايضا ان أحمد البلال الطيب في طلته الجديدة القديمة على التلفاز
سوف يلحق بال ....................... متاثراً بالجفاف من فرط العرق المتصبب على وجهه
وكأنما استديوهات التلفزيون تعمل دون تكييف
اوحتى وجود منديل .................. او بشكير
|
Post: #13
Title: Re: ضيف على القناة السودانية ينجو على الهواء من الموت خنقا ...
Author: محمد مصطفي مجذوب
Date: 08-31-2011, 04:27 PM
Parent: #12
Quote: و الضيف هو الأستاذ أحمد عبد الله حنقة ، ذلكم الإعلامي العصامي المتميز ،
و كان أن استضافته القناة السودانية مؤخرا ، عبر برنامجهم الرمضاني "بينا و بينكم" ،
وكان في التقديم كل من الأستاذة غادة عبد الهادي و الإستاذ عمر عايس (حلقة الأربعاء24/8/2011).
أستاذنا أحمد حنقة ، لو قدر له أن ينطلق في سرد حكاويه و ذكرياته العديدة و المتنوعة
لكان أن نهلنا من معينه العذب جرعات مأهولة من المتعة و الاشباع ، فالرجل زرب اللسان ،
فكه الحديث ، وذو اسلوب متفرد في الحكي الحلو الظريف ، الذي جله مزحة وطرفة دون إخلال ...
لكن (الحلو ما يكملش) غلى قول (الثورة المصرية) ... فلقد انبرت كل من غادة عبد الهادي..........
لكن بنرجع للموضوع ده بعد فاصل إعلاني قصير ....
إنتظرونا ..... ثمح !!!!!!!!!!!!!!!!!!! |
حلو شنو وضلع شنو يا استاذ قرض .. اخونا حنقة ده ربنا يعظم اجره .. يكون مسكو ابكباس من يومو داك
بس النصيحة انا الممحني صبرك انت ..القاعد ترصد في كلام الطير في الباقير .... انت اكيد زول آخره ساي
|
Post: #19
Title: Re: ضيف على القناة السودانية ينجو على الهواء من الموت خنقا ...
Author: محمد ابراهيم قرض
Date: 09-02-2011, 09:27 AM
Parent: #13
Quote: حلو شنو وضلع شنو يا استاذ قرض ..
اخونا حنقة ده ربنا يعظم اجره ..
يكون مسكو ابكباس من يومو داك
ببس النصيحة انا الممحني صبرك انت ..ا
لقاعد ترصد في كلام الطير في الباقير ....
انت اكيد زول آخره ساي |
محمد مصطفى ....
أكان كده .. ربنا يعظم الأجر ساااكت ...
بس حنقة تتحول لي خنقة ؟؟
ما بنرضاها يا ود المجدوب ...
|
Post: #14
Title: Re: ضيف على القناة السودانية ينجو على الهواء من الموت خنقا ...
Author: GAAFER ALI
Date: 08-31-2011, 04:28 PM
Parent: #12
أخونا محمد ابراهيم قرض
كتر خيرك والله قرضتنا من الضحك ورسمت صورة معبرة بالتمام والكمال عن المصيبة
المسماة زورا بالسودانية.
أنا مشكلتي مع المصائب دي ما محصورة في المادة المقدمة والمقدمين والمخرجين والديكور والإضاءة
والنشرات الإخبارية التي تبدأ بالمناصب وليس بأهمية الخبر.... مصيبتي اني قررت متفلسفا ان
اربط نظام الصوت الخاص بتلفزيوني بالهوم سينما وهو عبارة عن مجموعة من السماعات تحيط
بالغرفة وتتبادل اتوماتيكيا في تنقية الصوت وتناغمه مع المشهد ..... وتعال شوف العمليات البتعملها
القناة السودانية في السستم وفي اضنينا .... يعني مرات فجأة كدا الصوت دا يجعُر والله تقول القيامة
دي قامت ... يعني السكتة التلفزيونية لو ما جابتها ليك مذيعة ولا مذيعة ولا مقدم برنامج مجتهد في انو
يخفف دمو .... او جابوها ليك الجماعة بتاعين الدقون الحمرة ديك ..... الصوت يجيبا ليك
لو ما فرتك اضانك وطرشقها ليك وترتاح بعد داك الي الأبد ذاتو.....
كل سنة وانت بخير
|
Post: #15
Title: Re: ضيف على القناة السودانية ينجو على الهواء من الموت خنقا ...
Author: jini
Date: 08-31-2011, 04:37 PM
Parent: #14
يا ضيفنا لو شرفتنا لوجدتنا نحن الضيوف وانت المضيف!
حنقة بقى ضيف شرف!
يستاهل البوديهو المنطقة الصناعية شنو!
مديعين هسة ديل فى منافسة زمان مجموعهم بوديهم المنطقة الصناعية ياود الشايقى!
جنى
|
Post: #16
Title: Re: ضيف على القناة السودانية ينجو على الهواء من الموت خنقا ...
Author: نادر الفضلى
Date: 08-31-2011, 07:05 PM
Parent: #15
الثنائى دا عاملين على ضيف البرنامج كاميرا خفية ولا شنو؟
ونطيطتم من طبيخ لكلمات متقاطعة لي نتدلتى .. مذيعين ما بجمعوش
مثل يونس شلبى فى دورة فى مسرحية مدرسة المشاغبين
|
Post: #21
Title: Re: ضيف على القناة السودانية ينجو على الهواء من الموت خنقا ...
Author: محمد ابراهيم قرض
Date: 09-03-2011, 03:21 PM
Parent: #15
| Quote: مديعين هسة ديل فى منافسة زمان مجموعهم بوديهم المنطقة الصناعية ياود الشايقى! |
جني ... اخوك خريج معهد القرش الصناعي ... مش القرش الحوت ..
ولا القرش الاسود في اليوم البنفسجي ...
وكمان عندي اهل ساكنين في خور المنطقة الصناعية الخرطوم ...
دحين اوزن كلامك يا جني !!!
|
Post: #20
Title: Re: ضيف على القناة السودانية ينجو على الهواء من الموت خنقا ...
Author: محمد ابراهيم قرض
Date: 09-02-2011, 04:44 PM
Parent: #14
Quote: خونا محمد ابراهيم قرض
كتر خيرك والله قرضتنا من الضحك ورسمت صورة معبرة بالتمام والكمال عن المصيبة
المسماة زورا بالسودانية.
أنا مشكلتي مع المصائب دي ما محصورة في المادة المقدمة والمقدمين والمخرجين والديكور والإضاءة
والنشرات الإخبارية التي تبدأ بالمناصب وليس بأهمية الخبر.... مصيبتي اني قررت متفلسفا ان
اربط نظام الصوت الخاص بتلفزيوني بالهوم سينما وهو عبارة عن مجموعة من السماعات تحيط
بالغرفة وتتبادل اتوماتيكيا في تنقية الصوت وتناغمه مع المشهد ..... وتعال شوف العمليات البتعملها
القناة السودانية في السستم وفي اضنينا .... يعني مرات فجأة كدا الصوت دا يجعُر والله تقول القيامة
دي قامت ... يعني السكتة التلفزيونية لو ما جابتها ليك مذيعة ولا مذيعة ولا مقدم برنامج مجتهد في انو
يخفف دمو .... او جابوها ليك الجماعة بتاعين الدقون الحمرة ديك ..... الصوت يجيبا ليك
لو ما فرتك اضانك وطرشقها ليك وترتاح بعد داك الي الأبد ذاتو.....
كل سنة وانت بخير |
جعفر علي ...
شكرا على مرورك الجميل واضافتك الثرة ... وكل سنة و انت طيب ...
بعدين يظهر إنه ناس قناتنا ديل قدروا على ناس السستم بتاعك ..
يعني مجموعة من السماعات تتناغم و تتعاون اتوماتيكيا على تنقية الصوت
وبرضه ماقدرت تتعامل مع صوتهم المنقلت-متقلب المزاج-وتزبطه في الاضنين ؟؟؟؟ ا
نصحك بإعادة برمجة السستم وممكن تساعده ايضا بقليل من المحاية و البخرات ...
ولو احتاج لحبة بخور قرض ... نحن جاهزين ....!!!
|
Post: #18
Title: Re: ضيف على القناة السودانية ينجو على الهواء من الموت خنقا ...
Author: محمد ابراهيم قرض
Date: 09-02-2011, 09:21 AM
Parent: #12
Quote: وتخيلت انا ايضا ان أحمد البلال الطيب في طلته الجديدة القديمة على التلفاز
سوف يلحق بال ....................... متاثراً بالجفاف من فرط العرق المتصبب على وجهه
وكأنما استديوهات التلفزيون تعمل دون تكييف
اوحتى وجود منديل .................. او بشكير |
.. Al Sunda
بلالي أنا وكمان عرقااان ؟؟؟
ياخوى ده لو طل علينا من سيبيريا ما نطلع منه بي فايدة ...
ده وش محروق شدييييييد ... وكمان خاوي
|
Post: #17
Title: Re: ضيف على القناة السودانية ينجو على الهواء من الموت خنقا ...
Author: محمد ابراهيم قرض
Date: 09-02-2011, 09:13 AM
Parent: #10
ايف ...
شكرا على الطلة ..
مريح نفسك بالحظر الكامل على القناة السودانية ...
بس نحن بنشجع الناقل الوطنى وكده ...
|
Post: #22
Title: Re: ضيف على القناة السودانية ينجو على الهواء من الموت خنقا ...
Author: محمد ابراهيم قرض
Date: 09-04-2011, 12:19 PM
Parent: #17
Quote: الثنائى دا عاملين على ضيف البرنامج كاميرا خفية ولا شنو؟
ونطيطتم من طبيخ لكلمات متقاطعة لي نتدلتى .. مذيعين ما بجمعوش
مثل يونس شلبى فى دورة فى مسرحية مدرسة المشاغبين |
نادر الفضلي ...
كل سنة و انت طيب ...
صدقني الضيف كان مجمع شدييييد ...
بس لو خلوهو يسترسل ...!!
|
Post: #23
Title: Re: ضيف على القناة السودانية ينجو على الهواء من الموت خنقا ...
Author: محمد ابراهيم قرض
Date: 09-05-2011, 09:56 AM
Parent: #22
| Quote: قنواتنا متوضئة بالاستهبال والركاكة ...اكرر الحذر واجب من (السكتة التلفزيونية) |
أعراض السكتة دي شنو يا محمد الكامل ؟؟؟
وهل بتتلحق ؟؟؟!!
|
|