Post: #1 Title: بالغت يا محمود عبدالعزيز ... شنقت البت في العالي ياخ !!! Author: صبري طه Date: 08-24-2011, 10:00 PM
Post: #2 Title: Re: بالغت يا محمود عبدالعزيز ... شنقت البت في العالي ياخ !!! Author: صبري طه Date: 08-24-2011, 10:03 PM Parent: #1
شموس غنّاية ... لكن أغنية شايل جراح فيها طلعات عالية زي طلعات الناتو
Post: #3 Title: Re: بالغت يا محمود عبدالعزيز ... شنقت البت في العالي ياخ !!! Author: خدر Date: 08-24-2011, 10:22 PM Parent: #2
البت شغاله زي الورد يا صبري , بطل الاشاعات بت حريفة في تفادي المدي الصوتي العالي للحن شغلها حلو
___ شموس دي منو بالمناسبة :)
Post: #4 Title: Re: بالغت يا محمود عبدالعزيز ... شنقت البت في العالي ياخ !!! Author: أمجد الزين Date: 08-24-2011, 11:46 PM Parent: #3
صبرى يا حبيب الليلة الحوت الظاهر مزاجو عالى وشموس ما قصرت عشان كدة الاغنية طلعت ظابطة بس الايقاع كان أبطأ شوية من الاصلية لكن لغاية هسع انا شايف دة احسن ثنائي فى البرنامج وحلقة الليلة فاتتنى طبعا
تحياتى
Post: #10 Title: Re: بالغت يا محمود عبدالعزيز ... شنقت البت في العالي ياخ !!! Author: صبري طه Date: 08-25-2011, 11:05 AM Parent: #4
Quote: صبرى يا حبيب الليلة الحوت الظاهر مزاجو عالى وشموس ما قصرت عشان كدة الاغنية طلعت ظابطة بس الايقاع كان أبطأ شوية من الاصلية لكن لغاية هسع انا شايف دة احسن ثنائي فى البرنامج وحلقة الليلة فاتتنى طبعا
النجيضة: لأنو شموس صوتها فيهو تطريب ما عادي ... غير كدة في تنسيق جميل في أداء مقاطع الأغنية بالتناوب ... ما زي بعض ثنائيات الحلقة البتحس فيها إنو الأغنية زي الكورة السودانية أيّ لاعب لاعب بي خطتو براهو كدة !!!
ولاحظ في حتة خطواتي تتلهف عليك لمّا غنتها شموس في بداية الأغنية في الفترة الزمنية من الثانية 30 إلى الثانية 46 لاحظ لي محمود ابتسم في المرّة الأولى ولمّا كررتها مرّة تانية وشكلو كدة إتكيّف شديد ...
ـــــــ وأرجع لي موضوعي وهو إنها ما مُرتاحة في العالي ...
ـــــــ
Post: #5 Title: Re: بالغت يا محمود عبدالعزيز ... شنقت البت في العالي ياخ !!! Author: صبري طه Date: 08-25-2011, 09:41 AM Parent: #3
Quote: البت شغاله زي الورد يا صبري , بطل الاشاعات بت حريفة في تفادي المدي الصوتي العالي للحن شغلها حلو
___ شموس دي منو بالمناسبة :)
عمّك خدر لاحظ إنها ما مُرتاحة في العالي ...
وكونك تسأل عنها .. معناها احتمال ما سمعت ليها لأنك لو سمعت ليها حتعرف صوتها كويّس ... أو سمعت ليها وما عارف اسمها ... تفضّل يا عزيزي لتتعرف أكثر على صوتها:-
Post: #6 Title: Re: بالغت يا محمود عبدالعزيز ... شنقت البت في العالي ياخ !!! Author: داليا حافظ Date: 08-25-2011, 09:58 AM Parent: #5
شموس صوت حلو حلو حلو ..مافي كلام ..وفقد كبير لأغاني أغاني ..
المشكلة الناس البغنو زي الخانقم عضم ..
Post: #7 Title: Re: بالغت يا محمود عبدالعزيز ... شنقت البت في العالي ياخ !!! Author: وليد عبد اللطيف Date: 08-25-2011, 10:17 AM Parent: #6
Quote: البت شغاله زي الورد يا صبري , بطل الاشاعات بت حريفة في تفادي المدي الصوتي العالي للحن شغلها حلو
صبري طه .... سلامات ياطيب دا كلام زول معلم الشابه شموس ابدعت في غناء الشفيع وانت عارف وانا عارف طلعات الشفيع الماكوكية وتطريبه العالي شموس خطيرة ياخ تابعناها وهي صغيرة مع اغاني واغاني واليوم الجمهور يفتقدها كما قالت داليا حافظ
Quote: ___ شموس دي منو بالمناسبة :)
رغم انها في تصنيف اغاني واغاني لم تحرز المركز الاول إلا انها صوت جميل وسط الاصوات النسائية واحتل مكانه عند المستع الذي يبحث عن المتعة
Quote: شموس صوت حلو حلو حلو ..مافي كلام ..وفقد كبير لأغاني أغاني ..
شفت الكلام الصاح زادهو حبه
تحياتنا ليك وللضيوف
Post: #9 Title: Re: بالغت يا محمود عبدالعزيز ... شنقت البت في العالي ياخ !!! Author: عبدالله كع Date: 08-25-2011, 10:57 AM Parent: #6
شموس .. نهاية مافها كلام .
محمود جدع ,,,
Post: #12 Title: Re: بالغت يا محمود عبدالعزيز ... شنقت البت في العالي ياخ !!! Author: صبري طه Date: 08-25-2011, 11:45 AM Parent: #6
Post: #8 Title: Re: بالغت يا محمود عبدالعزيز ... شنقت البت في العالي ياخ !!! Author: نوفل عبد الرحيم حسن Date: 08-25-2011, 10:20 AM Parent: #5
البنيه ما قصرت .. صوتها حلو وقدرت تصمد لكن لو المعلم دا طلع بيها بأغنية الفات زمان بشنقها شنقة العجب لي هيثم مصطفي
......
ما عارف ليه محمود الايام دي بذكرني بي عصابات المافيا بتاعة الافلام ديك
Post: #11 Title: Re: بالغت يا محمود عبدالعزيز ... شنقت البت في العالي ياخ !!! Author: سفيان بشير نابرى Date: 08-25-2011, 11:09 AM Parent: #8
سلام يا صبري يا رشاشه .. انت بتسمع زي تشجيعك ولا شنو ؟
خليك رشاشه اصليه زى امجد اخوك دا ياخ المحيرنى انتو الاتنين الحوت المريخابى القاطع دا مبارنو ليه!!!!!!! هههههههههههههههههههههههه و سلام لكل الناس هنا نوفل و خدر و داليا اما وليد عبد اللطيف دا فخلونى احكى ليكم قصة قصيرة عن البوست دا و دخلت وليد ليهو ههههههههههههههههه تقول القصة فيما تقول :- انا لقيت البوست وفتحتو و شغلته الاغنية عشان اسمعه كلها (شغلته وو قفتها عشان تحمل) ومشيت اقرأ المداخلات وقريت لحدود داليا و كان وليد لسه ما دخل خلصته قراية ورجعته سمعته الأغنية بمزاج خلصته منها وانا مكون فكرة بتاعة مداخلة و قلته خلاص اعمل رفريش و اشوف لو في زول جديد عمل مداخلة و اخش اداخل بعده ههههههههههه لقيت ليك و ليد عبد اللطيف طوووووالى قعدته اطنطن وقلته خلاص الزول دا قطع شك سرق كلامي لووووول المهم يا وليد المحبة والتحية ليك كلها هههههههه و تانى ما تعمل كدا لوووووول
مداخلتى :- اول حاجة ناصر دا شاعر عجيب عجب شديد ولحاااان لما بهناك و اللحن دا من اجمل اللحان الحوت . و يا امجد انا شايف الأيقاع البطي داهو نفس الفيرشن الرئيسي تصدق !!! حاول اسمعه تانى بس اتخيل لي في شغل من ناس الفرقه في حتات تانية .
اما آداء شموس ( شموس دى فنانه مافيها إي كلام ظهرت فنانة ولازالت تتربع على كل أبناء وبنات جيلها) كان سليم تمام التمام و واعيه تمام انها تشارك بالصوت كيف ومتين لكن (و يا وليد صوبني) في ديتو زى دا مفروض يكون في آتفاق لكل فنان كوبليه محدد و لو في لزمة لابد من تكريرها برضو تتقسم عليهم كل واحد يعمله مرة و التنسيق دا كان غائب في الأغنية دى عشان كدا يا صبري انت افتكرت الحوت شداها وشنقه .
هو ذاتو زول يغني مع الحوت دا ما ببالغ !؟
داليا و وليد شموس دى افقد عظم لأغاني و آغانى نحنا بهناك جنينا و قلوبنا ما نصاح ذاتو .
Post: #13 Title: Re: بالغت يا محمود عبدالعزيز ... شنقت البت في العالي ياخ !!! Author: وليد عبد اللطيف Date: 08-25-2011, 11:49 AM Parent: #11
Quote: المهم يا وليد المحبة والتحية ليك كلها هههههههه و تانى ما تعمل كدا لوووووول
حاضر يا استاذنا
Quote: هو ذاتو زول يغني مع الحوت دا ما ببالغ !؟
ههههههههه تعرف ياسفيان في زواج شقيقة فرفور طبعا كان لامي لمه شديده وجمهور هلال مريخ وفنانين جملة ولكل واحد جدعه البنات بغنن ناس هاجر كباشي ودخل عليهن الحوت محمود من غير احم ولا دستور ومسك المايك اتجدع ليك في اغاني البنات وحير الناس زول عجيب ممكن يغني اغاني الغير ولا احد يستطيع ان يغني اغانيهو لان له بصمة خاصة وطريقة يعرفها هو براهو كما تفضلت انت في طريقة غناء ابوداؤود واستايلة العجيب ومبتدع الوقفه اثناء الغناء في حب يا اخوانا اكتر من كدا . .
Quote: اليا و وليد شموس دى افقد عظم لأغاني و آغانى نحنا بهناك جنينا و قلوبنا ما نصاح ذاتو .
جيب اضانك ودا كلام سر الناس دي خلاص فقدت نكهتها ومايحدث الان تخاريف فنية في اعاني واعاني 1- الناس ديل ناسين انو الفنان العملاق زنقار له صوتين الحاد وهو صوت نسائي والصوت الرخيم والاتنين متعة وسمعنا قصة وفاته من مشاهد الحادثة وكيف تم قتلة في مشاجرة وشجاعته فارس ياسفيان فارس 2- مصطفى سيد احمد : فنان استطاع ان يسحر الملايين وهو خارج السودان في المنافي استطاع ان يدخل قلوب الملايين ويتربع في عرش الابداع برضو من الصعب الناس تغني اغنياته 3- الفنان ابوداؤود انا عارف رايك طبعا واوافقك ماتكلم زول ولا زول يشوف المداخلة دي ياسفيان عشان ماتقول بعدين سرقت كلامك
تخريمة صبري معليش دا اف سايد عارفو
Post: #14 Title: Re: بالغت يا محمود عبدالعزيز ... شنقت البت في العالي ياخ !!! Author: صبري طه Date: 08-25-2011, 11:57 AM Parent: #13
أخونا وليد البوست حقك ياخ ... وبرجع ليكم في المساء بمزاج إن شاء الله ...
دمتم بكل الود ،،،
Post: #15 Title: Re: بالغت يا محمود عبدالعزيز ... شنقت البت في العالي ياخ !!! Author: طلحة عبدالله Date: 08-25-2011, 12:07 PM Parent: #13
يا صبري طه الهلالابي الخرخار فعلا البنية وقعت وما سمت مع الداهية الاسمو محمود دا الزول الغناء عندو زي عجينة الطين يعمل فيهو الدايرو ويطلعوا ليك زيو وزي الزينة .. الزول دا أنا ما ليقيتلو مثيل ياخ .. البنية شموس كويسة لكن عبرتا قاعدة تخنقا مرات مرات .. الظاهر الأغنية أكبر من امكاناتا الصوتية .. ............... يا كابتن وليد كلامك في الغناء زي كلامك في الكورة ولا أزيد.
Post: #16 Title: Re: بالغت يا محمود عبدالعزيز ... شنقت البت في العالي ياخ !!! Author: وليد عبد اللطيف Date: 08-25-2011, 12:23 PM Parent: #15
Quote: يا كابتن وليد كلامك في الغناء زي كلامك في الكورة ولا أزيد.
هههههههههه في الحالتين انا الضائع اقول انساك افوت لي دنيا غير دنياك تاني الشوق يرجعني واتعب واشقى برضي معاك . . طلحة كيف ايامك ياجميل
Post: #17 Title: Re: بالغت يا محمود عبدالعزيز ... شنقت البت في العالي ياخ !!! Author: بخاري عثمان الامين Date: 08-25-2011, 02:12 PM Parent: #16
Quote: لكن لو المعلم دا طلع بيها بأغنية الفات زمان بشنقها شنقة العجب لي هيثم مصطفي
..رغم أنو شموس برضو حلااااتا ..
