البشير يمنع المنظمات من دخول ج. كردفان .. بس من غير طلاق

كنت قايله ح يحلف بالطلاق تاني، لكن بلع لسانو المره دي

مرة يطلق في شان ناس دارفور ومرة في شان عيال نوبة، ايييه اصلو دا

المهم

شدد على ان لا يسمح للمنظمات الاجنبية بدخول ارض كرفان نهائيا، وموجها تشديدا باسم احمد هارون شخصيا
لتنفيذ ما جاء به عبر الهواء

وظهرت زول كده، قال ان المنظمات الوطنية كتيرة جدا وقادرة على العمل الانساني وذكر فيمن ذكر
منظمة الدعوة الاسلامية
الوكالة الاسلامية للاغاثة
منظمة رفيدة

وكم اسم تاني كده من النوع البقول ليك ان وراء الاسم حتما يوجد دقن

ود. ابراهيم باشر النو استاذ جاكعي وقيادي من جنوب كردفان
واقف مع كلام الريس مية مية

أأأ، البشير قال لو عندهم مساعدات دايرين يقدموها ما بنقول ليهم لا، بس يسلموها هناك للهلال الاحمر السوداني

دنيا

يرسل طياراته وجنوده، يشرد الناس، يقوم يجيب تنظيماته زااااتها لتقديم العون!!!!!!

ياخي ابليس زاتو موش بالغ

Quote: البشير يمنع المنظمات من دخول ج. كردفان .. بس من غير طلاق

الطلاق المرة دي علينا نحنا يا ابنعوف
اذا سمحت الحكومة للمنظمات الغربية الكنسية بالدخول مرة تانية لجبال النوبة، نحن والشعب السوداني سنقف ضد البشير وحكومته

الشفيع
خليك واقعي وسينا من الخطاب العاطفي
المنظمات الكنسية والغربية هي التي تساعد في السودان وفي ليبيا وفي سوريا وفي مصر وافغنستان
ولماذا هذه المرة بالذات
لماذا كان الصمت حين كان اجبر المنظمات الكنسية والغربية البشير لبلع طلاقه

طيب الجرسة عليكم شنو يا الشفيع

Quote: الطلاق المرة دي علينا نحنا يا ابنعوف اذا سمحت الحكومة للمنظمات الغربية الكنسية بالدخول مرة تانية لجبال النوبة، نحن والشعب السوداني سنقف ضد البشير وحكومته

احنا كمسلمين مالنا رسلنا طياراتنا وجنودنا الجهادية لتطهير جبال النوبة من الخوارج؟؟

والنبي فوقك كان حلفت بالطلاق، المدام تبقى لي في رقبتي كمحرش ، دي للمزاح

الطلاق خليه للبشير، عنده اسبير

الاخ محمد

Quote: لماذا كان الصمت حين كان اجبر المنظمات الكنسية والغربية البشير لبلع طلاقه

مع انو ما حلف المرة دي، لكن برضو ببلع كلامه اكان اتعصر

محمد وابنعوف

انتو كمسلمين هل توافقوا انو المنظمات الكنسية يترك لها الحبل على الغارب لتعربد كيفما تشاء؟
مفروض تخشوا معانا في الطلاق وبدون اسبير

Quote: مع انو ما حلف المرة دي، لكن برضو ببلع كلامه اكان اتعصر

ولو ما بلع الناتو في والاسباب وجيهة حيث جنوب كردفان ودارفور والجنايات الدولية وحينه سوف لن ينفعه المهندس الشفيع وكل اخوان نسيبة
ولكم في صدام والقذافي عبرة يا اولى الالباب

Quote: الطلاق المرة دي علينا نحنا يا ابنعوف اذا سمحت الحكومة للمنظمات الغربية الكنسية بالدخول مرة تانية لجبال النوبة، نحن والشعب السوداني سنقف ضد البشير وحكومته

يالشفيع يا هندسة طلاقك ده ميت كده مالو ....
ومن اسع انصحك تشوف ليك مفتي كارب

الفعل الفعل يا الشفيع .. خليك من رد الفعل بتاع الكنائس

Quote: انتو كمسلمين هل توافقوا انو المنظمات الكنسية يترك لها الحبل على الغارب لتعربد كيفما تشاء؟

احنا كمسلمين مالنا رسلنا الطيارات والقوات لجبال النوبة؟؟؟

دا السؤال المطروح

ود ابنعوف
يبدو انك غير متابع لما كان يحدث سابقا ويحدث الان في الجبال

ارسال القوات والطائرات هو (رد الفعل) وليس العكس





سؤالي ما زال قائماً

Quote: انتو كمسلمين هل توافقوا انو المنظمات الكنسية يترك لها الحبل على الغارب لتعربد كيفما تشاء؟ مفروض تخشوا معانا في الطلاق وبدون اسبير

طيب يالشفيع علي خلفية سؤالك اياه المهم هل البشير رفض السماح للمنظمات بدخول جنوب كردفان لانها ستبشر وتنصر ،ولانه يستجيب لراي المسلمين ؟ إذا كانت اجابتك بنعم (وده متوقع) اقول لك لا البشير ولا المؤتمر الوطني ولا خلافهم لديه اي مشكلة مع النصاري ولا مع الكفرة ........والمؤتمر الوطني ملئ بالنصاري والمسيحين ومازال فاتح ابوابه لهم ،شريطة الطاعة والولاء ، ثم شروطهم هو عليه ان يحميهم اقتصادياً وقانونياً ........وان يستر عوراتهم الفسادية مثلهم مثل المسلمين........اذن كما قلت لك سابقاً البشير رفض للمنظمات الدخول لانه يخشي من كشف الجرائم ..........فقلت هل مهمة المنظمات كشف الجرائم ؟ قلنا لك لا ، ولكن هذا هو تخوفه الحقيقي .......واستطيع أن اؤكد لك يالشفيع بانه سيرضخ وسيقبل بها ، فقط بعد ان يطمئن الي اخفاء جرئمهم .......وعندها لن يعوزك ولن يعوزهم التبريرات مثل ماحدث في دارفور..........اذا اصلاً يالشفيع عندك موقف من المنظمات الغربية ،مش كان يحدث ايضاً في دارفور؟ الم يكن كافياً لثورتك علي البشير وعلي الانقاذ؟انا بعرف سبب واحد بخليك تثور علي البشير ، والسبب الوحيد لما يهب الشعب السوداني ستتركونه لوحده .......وهذا هو حال كل الدكتاتوريات ........

مرحب بي هنا كمان يا ابراهيم
وانا ايضاً بقول ليك: البشير والانقاذ والشفيع كووولهم كفار وما عندهم علاقة بالدين ودافعهم دنيوي فقط

ماشي
طيب انتو كمسلمين هل توافقوا انو المنظمات الكنسية يترك لها الحبل على الغارب لتعربد كيفما تشاء في الجبال؟؟؟؟

الشفيع

Quote: ود ابنعوف يبدو انك غير متابع لما كان يحدث سابقا ويحدث الان في الجبال ارسال القوات والطائرات هو (رد الفعل) وليس العكس

والله اكان ما متابع ما عارف، حجة الكيزان دي يمشو يسوقوها في منابر غير منبر راسي دا

Quote: سؤالي ما زال قائماً

ياخي الكنيسة كمؤسسة دينية زاتو بقت مافي ،الكنائس تقول يا غربتي في اوروبا
والمسلمين قاعدين يشتروا فيها في بريطانيا، لمن زعلوا وقالو تاني ما ببيعوا كنيسة للمسلمين
شويتين وقعدوا يبعوا فيها تاني

خايفين من شنو انتو؟؟

التعايش السلمي مع مختلف الاديان والتفاهم معاها هو مسير الحضارة القائمة الآن، يعني ح نكون
اكثر غيرة على الدين من الناس العملوا ايه كده لحوار الاديان؟؟

ناس جايين يتفقدوا جرحى وقتلى ومشردين ويتدخلوا انسانيا او سياسيا اذا اقتضى الامر، لانه القصة ما بقت
مطلوقة ساكت، حافظ الاسد لمن هرس حماة دي مافي زول قال ليهو بغم، الليلة شوف جناهو معصور كيف؟؟

التحية لك استاذ احمد .........
واسف لعدم القاء التحية عليكم وكل سنة وانت طيب.......
والتحية ايضاً للاخ الشفيع وراق وكل سنة وهو بخير

Quote: مرحب بي هنا كمان يا ابراهيم وانا ايضاً بقول ليك: البشير والانقاذ والشفيع كووولهم كفار وما عندهم علاقة بالدين ودافعهم دنيوي فقط

بالمناسبة الشفيع قولك هذا ، كشف لي تماماً لما ترمي له من سؤالك السابق .....ورغبتك في تحويل الحوار الي شخصي ونوع انت مسلم وانت كافر وووووو..........وثمة شي لا بد ان تعرف انني لم أسألك عن هويتك الدينية ولا كفرك واسلامك ولا علاقة لي بهذه التهمة كما اني ليس بي اي تشوق للاطلاع علي خصوصياتكم انت والبشير سواء أكنتما مسلمين أو غير مسلمين ، وهذه المعلومة بالنسبة لي ليست اكثر من هلالابي ومريخابي..........ولكن قولي كان واضحاً ان البشير بمنعه للمنظمات الاغاثة لم يكن بغرض التبشيييييييييييييييييييير..........ويمكنه ان ضمن عدم مقدرتها أو نيتها لكشف الجرائم لربما سمح لها اليوم حتي ولو كانت منظمات تبشيرية صافية دعك من إغاثة كمان.......وكمان يستطيع اقناعكم وسوف تقتنعوا مهما اقسمتم...........فقط العبرة بتخوفه عن كشف الجرائم......بكدة بكون لا انا ولا البشير ماعندهم مشكلة في التبشير ، ولكن انا متفوق عليكم بشي آخر باني ليس لدي مشكلة من كشف الجرائم ،بل ستجدني اطالب بكشفها وتعرية الجناة ومحاكمتهم انصافاً للضحايا وذويهم.........

Quote: طيب انتو كمسلمين هل توافقوا انو المنظمات الكنسية يترك لها الحبل على الغارب لتعربد كيفما تشاء في الجبال؟؟؟؟

Quote: .بكدة بكون لا انا ولا البشير ماعندهم مشكلة في التبشير

بي كده تكون اجابتك وصلت

غايتو الزول دا جهجه ليك ناس المنظمات ديل كيف