|
Re: مصـر دخلت حزام الزلازل (Re: Rawia)
|
أول مكالمة عملتها او حاولت أعملها كنت لي 911 على إعتبار أنه المبنى بتاعنا لصقه محطة مولدات للكهربا لكن طبعن ماكان في رد مشغول تاني مكالمة لي رجاء أختي الفي واشنطون دي سي البنية المسؤلة عن والدتي عندها طفل عمره خمسة شهور في حضانة تخيلت مدى قلقها عليهو وبالرغم من كدا سحبت كرسي أمي للشارع ولقينا الشارع مليان
| |
|
|
|
|
|
|
Re: مصـر دخلت حزام الزلازل (Re: Rawia)
|
على حسب نظرية الدكتور مفيد شهاب فإن البقعة من الارض تكون آمنة وفي أمانتين الله يقوم يحصل فيها زلزال دا بيعني إنها لن تأمن شر الزلازل من الان وإنت رايح وهذا إذاناً بدخولها المنطقة الخطرة ويمكن حدوث الزلزال بعد كدا في أي لحظة هنا إحنا معتمدين على الشفافية غايتو ومنتظرين التقارير
| |
|
|
|
|
|
|
Re: مصـر دخلت حزام الزلازل (Re: Rawia)
|
سلامة كبيرة يا راوية بالمناسبة انا برضى فوق الكرسى لأكثر من عام وعامل عملية فى الظهر ودة السبب الما خلانى أزور الوالدة رغم وجود النية القوية...بدينا نتحسن شوية وان شاء الله لما نثبت فى الواطة نزور الحاجة.. تحياتنا لها وللاستاذة رجاء بنت استاذنا العظيم الراحل عبدالحميد العباسى مربى الأجيال..
نورالدين منان واسماء
| |
|
|
|
|
|
|
Re: مصـر دخلت حزام الزلازل (Re: Rawia)
|
إن شاء الله سالمة وغانمة يا ستهم أنت وأمنا وكل أحبابك
______________
الوصية في الذمة
قولي لى رجاء تحياتك لسعدية وأنجالها التي ( على الفيك بوس ) وصلتهم أنا أيضاً أشتاقهم رجعت للعزوبية بعد نيف وعشرين عاماً من النغنغة
أصلي ( الفيك بوس دا ) ما ركب في راسي لسع
| |
|
|
|
|
|
|
Re: مصـر دخلت حزام الزلازل (Re: Abdulrahman Gorashi)
|
سعادة السفير والله سمعنا بيكم وإتصلنا لكن مالقينا طريقة لترك رسالة وربنا يكتب شفاك قريبا يارب والحاجة كمان هو مشوار طويل لكن بالعزيمة والاصرار وكتير من الصبر بنوصل ربنا يعجل ويكمل شفاءك وكل المرضى يارب رجاء وأنا بإذن الله وقبل ماترجع هنسجل ليكم زيارة عموماً خلي بالك من نفسك وخليك قريب من منفذ خروج جست إن كيس
| |
|
|
|
|
|
|
Re: مصـر دخلت حزام الزلازل (Re: خالد العطا)
|
عاطف الغالي الحمدلله والحمدلله إنه حصل مع دخلتي من برة أقل من خمسة دقايق جيت أشقر على الحجة على قول المصريين أمي معاها سيدة بتراعيها طول النهار لما أكون في الشغل قاعدين لقيتهم طبخوا وخلصوا طبيخهم(طبعاً أهم حاجة قبل ماتخلي البيت تتأكد إنه مافي نار شغالة) أمي وأنا دخلنا فلم الزلزال دا في مصر زمان طوالي صرخت وقالت لي راوية الحقيني زلزال طلعنا الشارع طوالي بعد ما إتأكدنا من المفتاح والشنطة معانا رجاء طلعت مكتبهم هنا في واشنطون وإطمنا عليها غايتو بالتلفون يوصل مكتوبك ليها ونخليها ترد ليك عليهو كل سنة وناس سعدية طيبين
| |
|
|
|
|
|
|
Re: مصـر دخلت حزام الزلازل (Re: Rawia)
|
إيمان مــــابسألك من النومة لي الساعة وحدة واربعة وخمسين دقيقة وارثة؟؟؟؟ والمويات... بليتيهن؟؟؟ والعجين... فطرتيهو؟؟ ربك يلطف بينا ويرفعنا في الايام المفترجة دي يابركة قبايل العيد السعيد
| |
|
|
|
|
|
|
Re: مصـر دخلت حزام الزلازل (Re: Rawia)
|
سلامات يا راويه ورمضانك كريم الف لابأس على الوالده وانشاء الله ربنا يطمنكم عليها ويمتعها بالصحه ويملاها عافيه
وسلامات كمان لرجاء وكل ناس فرجينيا..
| |
|
|
|
|
|
|
Re: مصـر دخلت حزام الزلازل (Re: mutwakil toum)
|
هي أسكت ساكت الجقلبة لسة ماتمت قاليك جايانا التوابع التوابع دي الله لا وراها لي حبيب بعيد عنك تصحيك من النوم ومرات تلقاك في أوضاع غريبة وحتات عجيبة وقلبك ينقطع في اليوم مية مرة كدا
____________ وتربة العباسي على قول رجا أختي الاحساس الجاني والدنيا بتتهز مابقدر أوصفو ولا بتحكي
| |
|
|
|
|
|
|
Re: مصـر دخلت حزام الزلازل (Re: مهيرة)
|
يا رايوة الف الف الف حمدلاكم بالسلامة اصلنا شفقانين و شفقنا زيادة
طمنينى حجوجة كييييف !!!!؟ و بلغي سلامى ليها ياخ و بلغى رجوية وقولى ليهم حمدلاكم بالسلامة .
| |
|
|
|
|
|
|
Re: مصـر دخلت حزام الزلازل (Re: Marouf Sanad)
|
أهلييين يالحبيبة ناهد والله ليك وحشة لو كنا عارفين الزلزال بيجيبك كنا قلنا ليهو من زمان تعال بس عشان نشوفك وتسلمي من كل شر وشكرا لتمنياتك لينا ونيابة عن ناس فرجينيا نعيد عليك ونتمنى ليك عيد سعيد
_________ رقنا شوية غايتو والحالة إستقرت وإتصلنا إتطمنا على الحبان والجميع بخير الحمدلله
| |
|
|
|
|
|
|
Re: مصـر دخلت حزام الزلازل (Re: Rawia)
|
راوية ... تسلمي,
لا بأس على الوالدة,
أظنها ملاحظة صحيحة, حكاية إنو الزلزال لو ضرب تاني ما بنقطع. فقد حدث زلزال لأول مرة في محافظة أونتاريو الكندية قبل ثمانية أشهر, واليوم هو الزلزال الثاني ... والحكاية ماشة.
ربما هو قسط من عدل الطبيعة أو السماء, لا أدري, فما ممكن المصائب الكبيرة كلها تقع في اليابان وإندونيسيا وهايتي { المسكينة } دي ... ومن طبع الشر أن يعم.
يكاد علماء الطبيعة يجمعون على أن الكون أضحى يمر بظواهر غير معهودة, خارجة عن نطاق المألوف ومستعصية عن التنبوء المبكر... والله يستر.
شكرا لهذا الزلزال وهو يتحول عبر يراعك إلى إستراحة ودوال لطيف.
... ولي قدام
| |
|
|
|
|
|
|
Re: مصـر دخلت حزام الزلازل (Re: الفاتح ميرغني)
|
Quote: بنجيكم زيارة نفسح ناس الاجازة المعانا ديل قالوا بلدكم سمحة |
تعالو عيونّا ليكم موتيلات و هوتيلات بلدنا زي كسلا البشرب من "جوردون ليك" برجع ليها. و عندنا اكتر من سيدي حسن واحد. تعالو بي شنطكم كلها-عشان ما تمشو وتجوا- لو شفتوها ما بترجعو..
| |
|
|
|
|
|
|
Re: مصـر دخلت حزام الزلازل (Re: Rawia)
|
راويه حمدالله على السلامة زميلى فى العمل كان يسارع الخطي على السلالم للخروج وانا خلفه احاول تهدئته ، الموضوع زلزال بسيط(باعتباري خبير زلازل سابق!) التفت الى قائلاَ، (ممكن يكون زلزال وممكن تكون قنبلة)، عندما سمعت قنبلة سبقته فى السلالم واصبح هو يسير خلفى يحول طمأنتي ( ممكن تكون قنبله وممكن يكون زلزال ).قنبلة دي ما معانا زي ما قال الهدندوي.
عندما ضرب الزلزال جمهوريه مصر العربيه فى التسعينات طفح المشروع الحضاري شماتتاً من مصر واهلها ، باعتبار ان مصر(منبع الفساد) الجالب لغضب الرب ولكن الشماته لم تدم فضرب الزلزال ارض الطهر والصلاح المحكوم بحكمة الصحابه التى لم تسمع بيعافيه الله ويبتليك !
تلك الليله استيقظنا على اصوات الكلاب تنيح بشدة ولم نجد تفسيرًاً ، معظم الناس ارجعوا الامر الى ان القيامة ستقوم الان، جارنا سيف ( كان مثقفاً ودرس الجامعة خارج السودان) صاح يا اخوانا دا زلزال ، الحقيقه ان تفسير سيف حيرنا اكتر فقد ارتحنا لتفسير القيامة ( على الاقل حاجة بنعرفا وكدا) اما الزلزال فلم نفهم ما هو ، بعضنا لم يصدق سيف باعتباره كان مشهوراً بالفلهمة علينا . بعد دقائق معدودة عرفنا، طبعاً تلك الليله استوعب الجامع(أسمه الان المسجد) فى تسامح يشبه اهل السودان كل الحارة مجموعة المساطيل المعروفه بالباطنيه ، السكاري الدخلوا الحلة قبل نباح الكلاب بقليل وجدوا انفسهم فى الجامع ، ناس دخلوا بدون وضوء ، جارنا الفاتح كان يصيح طالباً الفتوي (الشرعيه) يا اخوانا اغتسل كيف ! ولا الوضوء يكفى ! لم تستوعب قاعة الجامع الرئيسيه الخولوق فتم فتح الصاله الملحقة بالجامع التى كانت تستخدم فقط للاعياد وصلاة التراويح،امام الجامعة لم يخفى شماتته فينا فقال كلاماً اشبه بما( ما قلتوا نوبه)! كان يوم . اولاد حلتنا الى الان يقولك يوم دخلنا الجامع مش يوم الزلزال
حمدالله على السلامة عبدالعزيز
| |
|
|
|
|
|
|
Re: مصـر دخلت حزام الزلازل (Re: عبدالعزيز حسن على)
|
يا رايوة بختكم سامع عمر البشير قال حيعمل جسر جوي عشان يساعد امريكا في السلع والمواد الناقصة خصوصا لكبار السن والاطفال و النساء . وقال برضو عشان هو عندو رعاية سودانيين هناك كتار وممكن يسارع في انتشالهم لو الوضاع ساءت . المهم هو الموضوع دا مزعجو وجادى فى الجسر الجوى دا.
بختكم .
| |
|
|
|
|
|
|
Re: مصـر دخلت حزام الزلازل (Re: عبدالعزيز حسن على)
|
سلام يا راوية سلامة ليك ولوالدتنا العظيمة علوية
Quote: قاعدين لقيتهم طبخوا وخلصوا طبيخهم |
ايام القاهرة ومع عاصم الحزين اكلنا طبيخ ومشويات الحاجة وعرفت طبيخ الحاجة من الطعم ! قلت لي رجاء .. والله لو ربطوك ما تطبخي كده قالت اخير من ناس ... راوية ما بتعرف الحبة !!
___________________________
تحت تحت كده وما تكلمي زول انا سلق البيض في مشكلة وبعد تحانيس ممكن يكون كويس !!
| |
|
|
|
|
|
|
Re: مصـر دخلت حزام الزلازل (Re: خالد العبيد)
|
راوية ... ألف سلامة ليك وللوالدة وللجميع ...
زلزال الخرطوم في أوئل التسعينات حدثت هزة بالليل لم اشعر بها لكن الثانية كانت حوالي
الساعة 2 ظهراً وكنت في قلب الخرطوم شارع الجمهورية ......... خلال ثواني كل الناس الكانوا
في مكاتب ومحلات وعمارات شارع الجمهورية الكثيييييرة كانوا قد نزلوا الى وسط الشارع رجال ونساء
وشيوخ واطفال ........ الروح حلوة وغريزة البقاء كانت هي سيدة الموقف لحظتها.
| |
|
|
|
|
|
|
|