Post: #1
Title: خواطر سوداني عائد من دولة جنوب السودان الوليدة
Author: أبوعبيدة محمد الأمين
Date: 08-23-2011, 08:40 AM
Parent: #0
إلتقيت على مائدة الإفطار مساء البارحة بصديق لي يعمل في إحدى الشركات التي تطلب الوضع الجديد
ضرورة وجود مقر لها بمدينة جوبا، وقد عاد بعد سبعة عشر يوماً أمضاها في عاصمة دولة جنوب السودان الوليدة (جوبا) ،
وبادرته بكم من الأسئلة أحاول تلخيص إجاباتها فيما يلي:
- الواقع مختلف تماماً عما في أذهاننا وعما تروجه بعض الوسائط الإعلامية عن إنفلات أمني.
باعتبار أنني تجولت في كل أسواق المدينة حيث لم ألحظ أي مظهر لوجود أمني ناهيك عن إنفلات
ولكن تجد في بعض المناطق - ضباط مرور والغريب أنهن نساء -
خرجت بالمساء مرة واحدة لتناول الإفطار مع احدى الأسر وعدت متوجساً لكن بحمد الله لم أتعرض
ولم أشاهد مايروع الآمنين بيد أنني لاحظت ضعف الإنارة في الشوارع.
- وعلى ذكر السوق والشوارع: الشوارع نظيفة جداً بل يتم كنسها يومياً - بالمقشاشة - وتلاحظ لي فاعلية
العنصر النسائي في إنجاز كثير من الأعمال وأولها النظافة.
- الأسواق حافلة بجميع السلع ومعظم التجار من شمال وغرب السودان ووسطه ويوجد (مول) على نمط عفراء بصورة مصغرة،
- الناس ودودون جداً حيث لم نشعر بأي مظاهر عدائية ضدنا كشماليين بل العكس من ذلك أينما حللنا نجد ترحاب من أخوتنا
وأذكر أنني لما دخلت - المول - وأثناء تجولي حيث كنت أقوم بشراء بعض المستلزمات تصادفت مع بعض الأخوات العائدات من الشمال
والله قابلنني بفرح ظاهر وكأن هناك معرفة سابقة وأني التقيتهن بعد غيبة - سلام باليد، كيف الحال ، ان شاء الله كويسين والناس هناك بخير
اها ياخي ممكن نساعدك بأي حاجة؟؟؟ وقد ساعدنني في شراء ما كنت بصدده.
- تحدثت مع بعض الشماليين إن كان هنالك مايعكر صفو حياتهم فقالوا أنهم أبناء هذا البلد التي ولدوا فيها وأن آباءهم دفنوا هنا ولايشعرون
بأي شعور أو إحساس مختلف بعد قيام الدولة الوليدة وكذا الحال بالنسبة لأبناء دولة جنوب السودان حيث ذكر لي مدير إحدي الشركات أنه على استعداد للتعاون معي
كأخ حيث أنه ولد وتربى وتعلم في الشمال وكل مايطلبونه هو أن يتفق السياسيين على تطبيع وتكامل العلاقات بين الطرفين حتى تنساب
السلع ومرور المواطنين بسلاسة وفي ذلك فائدة لكل الأطراف.
- الدولة الوليدة تحتاج لخدمات الصحة والتعليم بصورة عاجلة، فالمستشفيات وضعها سيئ.
- الإنطباع العام : توجد كثافة من العمالة الأرترية والأثيوبية بينما يشعر المواطن الجنوبي بضيق أو عدم راحة من حركة التجار اليوغنديين
مشيرين إلى أنهم - مستهبلين - بينما السلع التي تأتي من الشمال هي الأجود.
خلاصة نقاشنا أن الأمور تسير بصورة جيدة في الدولة الوليدة وان على حكومتنا القيام بدور أكبر تجاه أخوتنا في جنوب السودان سيما وأنهم لايكنون لنا إلا كل حب
وتقدير وشوق إلى أن تنساب حركة السلع والبضائع وتيسير إجراءات تنقل المواطنين لتعم الفائدة على جميع الأطراف.
اللهم آمين بفضل هذه الأيام المباركة
|
Post: #2
Title: Re: خواطر سوداني عائد من دولة جنوب السودان الوليدة
Author: ihsan fagiri
Date: 08-23-2011, 09:30 AM
Parent: #1
والله اخبار جميله
ربنا يوفقهم
وهذا كلام مشجع لنا للذهاب هناك
|
Post: #3
Title: Re: خواطر سوداني عائد من دولة جنوب السودان الوليدة
Author: صلاح حمد
Date: 08-23-2011, 11:28 AM
Parent: #2
شكرا الأخ/ ابوعبيدة محمد الأمين
سوف تظل الصلات الطيبة بين الشمال والجنوب قائمة رغم الانفصال السياسي
والأمل كبير في وحدة أقوى قادمة
جوبا دائما رائعة
http://www.safeshare.tv/w/muHdCraMOr
|
Post: #4
Title: Re: خواطر سوداني عائد من دولة جنوب السودان الوليدة
Author: نوفل عبد الرحيم حسن
Date: 08-23-2011, 11:48 AM
Parent: #3
الله يطمن قلبك ويطمن قلبه
|
Post: #5
Title: Re: خواطر سوداني عائد من دولة جنوب السودان الوليدة
Author: mayada kamal
Date: 08-23-2011, 12:02 PM
Parent: #4
أبو عبيدة رمضااااااااان كريم
مافي شئ مضيعنا غير العواطف دي
يا زول ولا كتر خيرهم
من مصلحتهم ان تنساب حركة البضائع اليهم من الشمال
لجهة ان حركة التجارة بينهم وبين يوغندا واثيوبيا وحتى كينيا جلها خمور ومشروبات كحولية وعاملات خدمات الفنادق(أظنها واضحة دي)
ليس من بين السلع مواد اساسية لمعيشة المواطن الجنوبي اليوم
حتى بترولهم الفرحانين بيه دا من سخرية القدر انه لا يصلح تصديره الا عبر الشمال
يعني الجنوب دا زي المقولة الشعبية (سيييييييييييك سييييييييييييك معلق فيك)
|
Post: #6
Title: Re: خواطر سوداني عائد من دولة جنوب السودان الوليدة
Author: زهير الزناتي
Date: 08-23-2011, 12:21 PM
Parent: #5
ابو عبيدة سلامات .... سافرت جوبا في السنتين الاخيريتين ثلاث مرات .... مكثت في احداها شهراً كاملاً .... كنت اتمني ان اكتب عن تلك الفترة بالتفصيل الا ان الاحداث المتلاحقة قد لا تجعل لتلك الكتابة معني باعتبار انها كانت تحكي عن احداث سياسية آنية ... في كل الاحوال كلام هذا الشخص سليم مية المية وهي تقريباً نفس الانطباعات التي خرجت بها من جوبا .... وتعبر عن الحقيقة تماماً .. واكيد لي عودة اخري
|
Post: #7
Title: Re: خواطر سوداني عائد من دولة جنوب السودان الوليدة
Author: JOK BIONG
Date: 08-23-2011, 12:27 PM
Parent: #5
Quote: أبو عبيدة رمضااااااااان كريم
مافي شئ مضيعنا غير العواطف دي
يا زول ولا كتر خيرهم
من مصلحتهم ان تنساب حركة البضائع اليهم من الشمال
لجهة ان حركة التجارة بينهم وبين يوغندا واثيوبيا وحتى كينيا جلها خمور ومشروبات كحولية وعاملات خدمات الفنادق(أظنها واضحة دي)
ليس من بين السلع مواد اساسية لمعيشة المواطن الجنوبي اليوم
حتى بترولهم الفرحانين بيه دا من سخرية القدر انه لا يصلح تصديره الا عبر الشمال
يعني الجنوب دا زي المقولة الشعبية (سيييييييييييك سييييييييييييك معلق فيك) |
كلام عبارة عن حقد وكراهيةصادرة من انسانة غير اصيلة امثالك اللي خلت السودان تنقسم الي دولتين والشمال ستنقسم الي دول طال الزمن او قصر....
دولتنا الجديدة حرة وستتطور وتتفوق دولة تحكمها العنصريين والحاقدين لكن الحاقدين ديل زمنهم محدودة
في الحكم..اقول لك الشعب الجنوب لا يفيدهم سلع مستوردة من دولة اخرى والكلام صاحبنا في محله ان الشعب الجنوبي
شعب طيب يحب كل الناس حتى الغرباء...تعال وشوف وقارن بين دولة الجنوب والشمال علشان تعرفي الفرق بين
ثقافة اصيلة في جمهورية جنوب السودان وثقافة مزورة مستوردة من الارهاب الدولي عند حكومة الانقاذ في الشمال..
جـــــــوك
|
Post: #8
Title: Re: خواطر سوداني عائد من دولة جنوب السودان الوليدة
Author: زهير الزناتي
Date: 08-23-2011, 12:51 PM
Parent: #7
ميادة سلامات ورمضان كريم .....
معليش اسمحي لي اقول ليك منطقك ما سليم ..... عارفه المسافة بين كمبالا وجوبا لا تتعدي الساعات اضافة الي انه التعرفة الجمركية قريبة من الصفر .... يعني تكلفة الترحيل والجمارك حا تجيب فرق اي حاجة غير انه السلع اساسا في الشمال غالية .... طيب الجنوبيين ديل ممكن يستوردوا من نفس دبي ولا الصين البيستورد منها السودان لانه تقريبا نحن في الشمال بنستورد اي حاجة ما عدا الخمور ودي بتجينا تهريب من اثيوبيا وارتريا وكمان من دولة الجنوب الوليدة .... يعني بعد شوية الجنوب حا يكون ارخص من الشمال وحا تجي السلع من هناك تهريب زي ما بيحصل في الحدود الشرقية مع ارتريا الاستقلت سنة كم وتسعين دي .... ما تتخيلي انه الجنوب لسه مربوط بالحبل السري مع الشمال الناس ديل قطعوه مع الانفصال ما عايز اقول مصلحة الشمال في علاقات وطيدة مع الجنوب لكن دي مصلحة الشعبين شمال وجنوب ... ومن مصلحتنا تكون علاقتنا وطيدة مع كل جيرانها في مصالح مشتركة لصالح الشعوب وليس الحكام ..... اكيد انتي ما شفتي جوبا .... ولو مشيتي اكيد حا تغيري رايك ... مع الشكر والتقدير
|
Post: #9
Title: Re: خواطر سوداني عائد من دولة جنوب السودان الوليدة
Author: NEWSUDANI
Date: 08-23-2011, 01:06 PM
Parent: #8
Quote: كلام عبارة عن حقد وكراهيةصادرة من انسانة غير اصيلة امثالك اللي خلت السودان تنقسم الي دولتين والشمال ستنقسم الي دول طال الزمن او قصر....
|
أتفق مع حديثك أخي 90% مع علمي بأن هذه النبتة الشيطانية من أبناء الشمال النوبي وهم من أصول السودان لكن النار تلد الرماد
|
Post: #11
Title: Re: خواطر سوداني عائد من دولة جنوب السودان الوليدة
Author: mayada kamal
Date: 08-24-2011, 08:58 AM
Parent: #9
يا جوك ونيو سوداني
انتو الاثنين غير مؤهلين عشان تقيموني انا اصيلة ولا ما اصيلة
والله ياهو دا الفضل !!!!!!!!!!!!!
|
Post: #10
Title: Re: خواطر سوداني عائد من دولة جنوب السودان الوليدة
Author: Hani Arabi Mohamed
Date: 08-23-2011, 01:10 PM
Parent: #8
ربنا يوفق أشقاءنا في الجنوب لبناء دولتهم الحديثة الناجحة ...
ويقدرنا نحن كمان في الشمال عشان نبني دولة حديثة ناجحة
ويزيل كل أسباب البلاء
|
Post: #12
Title: Re: خواطر سوداني عائد من دولة جنوب السودان الوليدة
Author: Amira Osman
Date: 08-24-2011, 11:10 AM
Parent: #10
Quote: - وعلى ذكر السوق والشوارع: الشوارع نظيفة جداً بل يتم كنسها يومياً - بالمقشاشة - وتلاحظ لي فاعلية
العنصر النسائي في إنجاز كثير من الأعمال وأولها النظافة. |
تشكر استاذ ابو عبيده
و لقدام اخواتنا و اخوانا بهناك
|
Post: #13
Title: Re: خواطر سوداني عائد من دولة جنوب السودان الوليدة
Author: الحاج حمد الحاج
Date: 08-24-2011, 11:57 AM
Parent: #12
اتمنى أن يستفيد الاخوة في الجنوب من تجارب الشمال ليعززوا الايجابي منها و يتفادوا السلبيات الكثيرة التي أقعدت الشمال لسنين طويلة. الجنوب يحتاج للكثير جدا ليبني وطن يوفر لابنائه التعليم و الصحة و الحياة كريمة.
|
Post: #14
Title: Re: خواطر سوداني عائد من دولة جنوب السودان الوليدة
Author: حواء سليمان ابراهيم
Date: 08-24-2011, 12:32 PM
Parent: #13
سلام يا ابوعبيدة
الله يوفق اخونا فى جنوب سودان ويبنو دولة حضارة وقانون
حقو بكرى يرفع البوست دا فوق لاهميته
|
Post: #15
Title: Re: خواطر سوداني عائد من دولة جنوب السودان الوليدة
Author: أبوعبيدة محمد الأمين
Date: 09-26-2011, 11:49 AM
Parent: #14
لمزيد من الإطلاع ماقبل الأرشفة
|
Post: #16
Title: Re: خواطر سوداني عائد من دولة جنوب السودان الوليدة
Author: محمد على حسن
Date: 09-26-2011, 01:31 PM
Parent: #15
لا ما واضحة ممكن توضحي
ميادة يعني دايرة الناس تصدق ان
اثيوبيا
كينيا
اوغندا
تصدر فقط للجنوب فقط السلع والخدمات في مداخلتك ؟؟؟؟؟؟؟؟؟؟؟
|
Post: #17
Title: Re: خواطر سوداني عائد من دولة جنوب السودان الوليدة
Author: sari_alail
Date: 09-26-2011, 06:05 PM
Parent: #16
كلام جميل جدا ...
عدد كبير من الشركات الان بتدير اعمالها في الجنوب عن طريق مكاتب رئيسية في أديس أبابا و نيروبي ..لكن اديس تكاد تكون نقطة انطلاق لهذه الشركات ..كل الانطباعات تكاد تكون قريبة من كلام أبو عبيدة ....
إحدى شركات الاتصالات العالمية الان محتاجين لوظائف Engineers و Account Managers .... في الجنوب ...
يعني لو شدو حيلم في حتة الخدمات و البنى التحتية .. ما أظن تكون في عوجة تاني ....
الحاجة التانية .. الناس ديل في تباشير بتقول انهم ماشين كويس في حتة التعليم ....
http://www.sudaneseonline.com/South-Sudan-schools-win-three,40077
بس تعليق بسيط على كلام الاخت القالت :
| Quote: لجهة ان حركة التجارة بينهم وبين يوغندا واثيوبيا وحتى كينيا جلها خمور ومشروبات كحولية وعاملات خدمات الفنادق(أظنها واضحة دي) |
كبري دماغك شوية .... انتي قروك الكلام دا في الدراسات الاستراتيجية .... ؟؟ يعني ياخ حقو تقومي كمان تمشي تعملي ليهم محاكم عادلة ناجزة في نص بلدم ....
|
Post: #18
Title: Re: خواطر سوداني عائد من دولة جنوب السودان الوليدة
Author: بلدى يا حبوب
Date: 09-26-2011, 06:20 PM
Parent: #17
شكرا على البوست فربما يزيل غشاوة الناظرون لدولة جنوب السودان بنظارة سوداء
ينطبق على هؤلاء المثل الذى يقول
قتلوا المرحوم وماشين فى جنازته
تحياتى
|
Post: #19
Title: Re: خواطر سوداني عائد من دولة جنوب السودان الوليدة
Author: أبوعبيدة محمد الأمين
Date: 09-27-2011, 06:37 AM
Parent: #18
شكراً لجميع الإخوة والأخوات الذين مروا من هنا
ولمزيد من الإطلاع
|
Post: #20
Title: Re: خواطر سوداني عائد من دولة جنوب السودان الوليدة
Author: أبوعبيدة محمد الأمين
Date: 09-28-2011, 08:01 AM
Parent: #19
ولمزيد من الإطلاع
|
Post: #21
Title: Re: خواطر سوداني عائد من دولة جنوب السودان الوليدة
Author: مدثر صديق
Date: 09-28-2011, 10:18 AM
Parent: #20
الاخ ابوعبيدة سلام
Quote: الإنطباع العام : توجد كثافة من العمالة الأرترية والأثيوبية بينما يشعر المواطن الجنوبي بضيق أو عدم راحة من حركة التجار اليوغنديين
مشيرين إلى أنهم - مستهبلين - بينما السلع التي تأتي من الشمال هي الأجود |
اوفق الرجل فيما ذهب اليه اعلاه ....
اعتقد ان الاسعار مرتفعة جدا ...مثلا طلب الفول 5 جنيهات و ربما اكثر ...الاحساس بالامن في كثير من المناطق مشوب بحذر ...
....
|
Post: #22
Title: Re: خواطر سوداني عائد من دولة جنوب السودان الوليدة
Author: nazar hussien
Date: 09-28-2011, 10:29 AM
Parent: #21
اي قلاقل في الجنوب...تعني قلاقل في الشمال والعكس.
|
Post: #23
Title: Re: خواطر سوداني عائد من دولة جنوب السودان الوليدة
Author: Nasr
Date: 09-28-2011, 12:01 PM
أتمني للأشقاء في دولة جنوب السودان الحبيبة كل تقدم وأزدهار
|
Post: #24
Title: Re: خواطر سوداني عائد من دولة جنوب السودان الوليدة
Author: PLAYER
Date: 09-28-2011, 05:04 PM
Parent: #23
| Quote: مافي شئ مضيعنا غير العواطف دي |
انتي المضيعك عدم العواطف ...لان لو كان عندك ذرة عواطف كان حالك ما بقي كدا.
التحية لصاحب البوست....وصاحب الكلام
حكمة اليوم
الفرق بين الواقعيون والخياليون هو قول الحقيقة.
|
Post: #25
Title: Re: خواطر سوداني عائد من دولة جنوب السودان الوليدة
Author: Elbagir Osman
Date: 09-28-2011, 05:12 PM
Parent: #24
عوامل نجاح دولة جنوب السودان كثيرها
منها ما ذكر صاحب البوست من عدم تحكم روح الإنتقام فيهم
نجد المعاملة السيئة للجنوبيين في الشمال (فصل، وحرمان من الجنسية، وطرد، ونهب ممتلكات وإهانة)
ونج التعامل الأخوي من قيادة وشعب الجنوب
حتى إعلام الكراهية لم يستطع أن ينسج قصص عن سوء معاملة في الجنوب
الباقر موسى
|
|