إحتمال مقتل محمد القذافى أثناء حديثه مع الجزيـرة بالتلفون!

قبل قليل كنت أشاهد الجزيرة مباشر، وكان الحديث مع محمد القذافى المحاصر فى منزله، وبعد قليل سمع ضرب
رصاص مكثف، وحديث متقطع لمحمد، ثم تشهـد الرجل وبعد قليل إنقطع الإتصال به.


دعوت الله أن يكون سالمـاً..



.

صحصح يا بوالريش
رمضان سخن ؟
..

رمضان كريم وكل سنة وإنت ومن تحب بخير

ياابوريش رمضان كريم صباح اليوم انا حضرت نفس اللقا لكنه واصل الحوار بعد ان تشهد وقال انه واهله بخير

سلام محمد،

نعم تشهـد، وقال انهم بخير.. وقبلها سأله المذيع أين الضرب فيقول داخل بيته.. ولكن لم ينته اللقاء بصورة
تقليدية .. بل انتهى حديث محمد اثناء الضرب.



.

ابوالريش ..سلامات ..ورمضان كريم ياقريبي ..

لو تم ضربه اثناء المكالمة لوضح ذلك في الصوت ..فالاصابة لها صوت ولها الم ..اللهم الا يكون ربنا اخدوا بسكتة قلبيه ..


نسأل الله له السلامة فحسب ماسمعت انه كان زول كويس مازي ابوه واخوه المعتوهين ..

طه،
سلام ورمضان كريم

تقول:
***صحصح يا بوالريش
رمضان سخن ؟***


ياخوى نحن بجاى فطرنا قبل حوالى ساعـة من كتابة البوست، والان نستقبل يوم الثلاثاء الثالث والعشرين من أغسطس.

العزيز Abureesh
رمضان سخن عبارة عامة ممكن تتقال منتصف الليل
قصدت ألفت انتباهك والأخ محمد المسلمي إلى إنكم شاهدتم لإعادة لما حدث
هذه المقابلة جرت قبل عدة ساعات تقريبًا الساعة الثالثة صباحا بتوقييت مكة المكرمة
وبعدها بقليل أكد مصطفى عبد الجليل للجزيرة سلامة الرجل وأسرته
نحن كنا سهرانين وتابعنا الحدث لايف
ويوجد أكثر من بوست عن الموضوع تلقى البوستات في الصفحة التانية
..
دمت بخير

***نحن كنا سهرانين وتابعنا الحدث لايف
ويوجد أكثر من بوست عن الموضوع تلقى البوستات في الصفحة التانية***


كان كدا معاك حق تزعل وحقك علينا.. كويس حصلت قبل نرسل الخبر لرويترز مع نسخـة لواصل على!!

ضيعت علينا السبق الصحفى كان تخلينا نكشربو شوية..

لكن أشكرك جزيل الشكر، ووالله كنت مغموما لإحتمال قتل إنسان أعزل فى منزله.



.

Quote: كان كدا معاك حق تزعل وحقك علينا

يا أخي الله لا جاب الزعل
أنا ما زعلت ولا خطر ببالي
ولا أرى في ردودك شيء إجيب الزعل
ودي موضوعات عامة
ولك كل الحب والتقدير