Post: #1
Title: ما مصير خليل ابراهيم بعد سقوط العاصمة اللييبة طرالبس فى يد الثوار ؟؟
Author: بكرى خليفة صديق
Date: 08-21-2011, 11:31 PM
Parent: #0
بات سقوط طرابلس وشيكا بعد دخول الثوار اليها وقد يتسائل البعض عن مصير خليل ابراهيم المتواجد هنالك منذ مغادرته للعاصمة التشادية انجمينا ؟؟
|
Post: #2
Title: Re: ما مصير خليل ابراهيم بعد سقوط العاصمة اللييبة طرالبس فى يد الثوار
Author: سيف النصر محي الدين
Date: 08-21-2011, 11:33 PM
Parent: #1
هل من المؤكد أنه في طرابلس؟
عموما هو شخص عادي و يمكنه أن يتخارج مع المتخارجين لأي دولة افريقية
و منها لدارفور أو جنوب كردفان.
|
Post: #3
Title: Re: ما مصير خليل ابراهيم بعد سقوط العاصمة اللييبة طرالبس فى يد الثوار
Author: أحمد ابن عوف
Date: 08-21-2011, 11:35 PM
Parent: #1
سلام اخ بكري
انشاء الله مل تجيهو عوجة
المهم اذا نجى من اللحظات الثورية الاولى، والفلتان الامني الطبيعي المتوقع، بعداك ممكن يتخارج او يواصل في ليبيا
بعدين ما تنسى جزء مقدر من الثوار يحسب على الاسلاميين وممكن يوفروا ليهو حماية
|
Post: #4
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: بكرى خليفة صديق
Date: 08-22-2011, 00:06 AM
Parent: #3
شكرا للزملين فعلا هناك اكثر من خيار وسيناريو لكن اعتقد لو انه وقع فى يد الثوار فسيقتل لانه اعلنوا اكثر من مرة ان قوات خليل ابراهيم كانت تقاتل مع قوات القذافى ؟
|
Post: #5
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: محمد جلال عبدالله
Date: 08-22-2011, 01:55 AM
Parent: #4
مصيرو مفروض الجنائية الدولية لو في عدالة فيما يسمى بالمجتمع الدولي
وذلك للتحقيق فيما يقال أنه ارتكبه من جرائم بحق الشعب الليبي هو وفصيله
لكن لأن أجندة الغرب هي بقاؤه واستخدامه فلن تطاله الجنائية
|
Post: #6
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: بريمة محمد
Date: 08-22-2011, 01:58 AM
يشمها قدحه ..
بريمة
|
Post: #7
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: حواء سليمان ابراهيم
Date: 08-22-2011, 03:10 AM
Parent: #6
ليه...حقتك ؟؟؟
ول أبا رمضان كريم
|
Post: #8
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: عمار نجم الدين
Date: 08-22-2011, 03:41 AM
Parent: #6
Quote:
Quote: جنوب كردفان.
يشمها قدحه ..
بريمة
|
الصحاف بريمة
|
Post: #9
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: محمد على حسن
Date: 08-22-2011, 04:29 AM
Parent: #8
| Quote: بعدين ما تنسى جزء مقدر من الثوار يحسب على الاسلاميين وممكن يوفروا ليهو حماية |
|
Post: #10
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: Tragie Mustafa
Date: 08-22-2011, 04:50 AM
Parent: #9
د.خليل غادر طرابلس منذ اكثر من شهر!
|
Post: #11
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: بريمة محمد
Date: 08-22-2011, 05:12 AM
Parent: #10
بت أبا حواء
رمضان كريم ..
Quote: ليه...حقتك ؟؟؟
ول أبا رمضان كريم |
أنا مواطن جنوب كردفانى .. ومن حقى أستقبل من أريد وأرفض من أريد.
أها رفضت تب أستقبال دكتور خليل، يشوف ليه قبله اخرى يوليها ..
بريمة
|
Post: #12
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: بريمة محمد
Date: 08-22-2011, 05:19 AM
Parent: #11
عمار
سلام ..
والله يا عمار أنا فخور جداً ب محمد سعيد الصحاف .. يا أخى الزول دا يتحدث عن العلوج .. والجماعة كانوا فى لفة القصر الذى يقيم فيه اللقاء الصحفى .. هكذا تكون المبادئ والرجولة ولا بلاش! .. فى لحظات حرجة يمر فيها أسوء حزب فى الدنيا .. حزب البعث، ظل الصحاف متماسكاً وأشاد به حتى خصومه.
كل الشعوب العربية نزلت الشارع .. أنتم أقعدوا جدعوا الناس برجلين الكراسى ..
بريمة
|
Post: #14
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: saif massad ali
Date: 08-22-2011, 05:25 AM
Parent: #12
سوف ينزل الشعب السوداني الشارع
لاشك يابريمة بس انت تاني تشم السودان قدحة
|
Post: #13
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: محمد داؤد محمد
Date: 08-22-2011, 05:23 AM
Parent: #11
د خليل تمكن من دخول اراضى السودان منذ اكثر من شهر وتقريبا بعد خطاب القذافى بتاع زنقة زنقة
والله اعلم
محمد
|
Post: #15
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: بريمة محمد
Date: 08-22-2011, 05:42 AM
Parent: #13
سيف مساعد
Quote: سوف ينزل الشعب السوداني الشارع
لاشك يابريمة بس انت تاني تشم السودان قدحة |
دكتور خليل لو عايز يجئ جنوب كردفان، يضرب لى تلفون عشان يفاوضنى.
بريمة
|
Post: #16
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: munswor almophtah
Date: 08-22-2011, 05:46 AM
Parent: #13
الآن الحديث عن مصير أمه وليس مصير أفراد والتحول الإقليمى الكبير فى ليببا
تونس _مصر _ واليمن ثم سوريا سيؤثر على السودان تأثيرا كبيرا إذا إستثمرته
الحكومه بوفاق وطنى وبناء دستور عادل وهيكلة الجيش والأمن والشرطه وتحيدها
وتأهيلها لمهامها سيكون السودان دولة جباره مع نزع السلاح من الجماعات
والأفراد وضبط الداخل والخارج وتقنين شروط الإستثمار بما لا يضار به الوطن
وليس مهما حتى مصير القذافى الآن فمصير الأوطان فوق مصير الأشخاص
الآن الحذر والحيطه والعمل على حقن الدماء وحفظ ممتلكات الدوله والأفراد
وبسط الأمن العام وإستدعاء ذوى الكفاءه من الإداريبن الخلص كوكلاء وزارات
وعمداء مدن لتبدأ حياة ليبيا من جديد.
منصور
|
Post: #17
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: Zoal Wahid
Date: 08-22-2011, 06:54 AM
Parent: #16
Quote: أنا مواطن جنوب كردفانى .. ومن حقى أستقبل من أريد وأرفض من أريد.
أها رفضت تب أستقبال دكتور خليل، يشوف ليه قبله اخرى يوليها ..
بريمة |
ول ابا
انتا رمضان طلع ليك في رأسك .
بس نذكرك:
(علي بالطلاق ما في جندي لابس طاقية الامم المتحدة يطأ ارض دارفور).
(اقسم بالله العظيم لن نسمح لاي جندي اجنبي ان يدخل دارفور)
(باطن الارض خير من ظاهرها).
وبعد الطلاق و القسم و الجوعلة دخل 20 ألف جندي و عبر مطار الخرطوم.
زول دخل ام درمان ببندفيتو والشمس فوووووووق، ما يقدر يدخل جنوب كردفان لرفقاء الثورة؟؟؟
اها رأيك شنو: انا من جنوب دارفور و بقول لخليل ادخل اي حتة عجبتك
في جنوب كردفان ولو بيت بريمة ذاتو .. خليهو يرفع قضية ضدك في امريكا.
انا خايف يا بريمة انت الما حتقدر تدخل جبال النوبة.
|
Post: #18
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: بريمة محمد
Date: 08-22-2011, 07:01 AM
Parent: #17
ول ابا زول واحد
سلام ..
| Quote: اها رأيك شنو: انا من جنوب دارفور |
طيب أستبقله فى جنوب دارفور .. أما جنوب كردفان .. ممنوع ..
مش قبل ثلاثة أسابيع قائد قوات العدل والمساواة تم أسره فى جنوب كردفان ..
الحرب فى جنوب كردفان ليس كما فى دارفور ..
بريمة
|
Post: #19
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: معاوية عوض الكريم
Date: 08-22-2011, 07:29 AM
Parent: #18
| Quote: د.خليل غادر طرابلس منذ اكثر من شهر! |
والصحيح انه ( فرّ ) هذا ان كانت المعلومة مؤكده !
|
Post: #20
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: Zoal Wahid
Date: 08-22-2011, 07:34 AM
Parent: #18
ول ابا
| Quote: طيب أستبقله فى جنوب دارفور .. أما جنوب كردفان .. ممنوع .. |
خليل مر على جنوب دارفور شجرة شجرة، شارع شارع، بيت بيت، زنقة زنقة.
الايام دي عايزنو في جنوب كردفان كخبير استراتيجي في دخول ام درمان نهارا جهارا. بس كتروا لينا الموز.
المرة دي عودة ثوار مافي.... زي دخول طرابلس.
| Quote: مش قبل ثلاثة أسابيع قائد قوات العدل والمساواة تم أسره فى جنوب كردفان |
قبال شهيرات انا فرحت انو جاك بعض الوعي .... عايز تعمل لي احباط مالك؟؟؟
قلنا ليك كبار الامنجية بمن فيهم جنابو صهينو من الخبر دا لانو عارفين كضب الصوارمي.
و الحركة نفت ان يكون ذلك الشخص قائد لديها. الصوارمي قال الحركة لم لا تتواجد او تحارب مع الحلو ثم قال
قبضنا قائد حركة العدل و المساواة -( دي تدخل مخك كيف)؟؟؟ جيش لم يحارب
او متواجد في موقع الحرب يقبضوا قيادته كيف؟؟
|
Post: #21
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: بريمة محمد
Date: 08-22-2011, 07:58 AM
Parent: #20
ول أبا زول واحد
سلام ..
| Quote: قبال شهيرات انا فرحت انو جاك بعض الوعي .... عايز تعمل لي احباط مالك؟؟؟ |
أنا واعى بكل شيئ .. أهلنا لن يصيروا وقود حرب لتجار السياسة ..
السياسيون وجيوشهم يداوسوا بعيد هناك .. فى أم درمان أو الخرطوم .. أو أى فضاء غير أهل بالسكان .. لكن فرقانا وقرانا لن نتركها تكن ساحة حرب ..
بريمة
|
Post: #22
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: Zoal Wahid
Date: 08-22-2011, 10:48 AM
Parent: #21
| Quote: أنا واعى بكل شيئ .. أهلنا لن يصيروا وقود حرب لتجار السياسة |
ليس لهذه النقطة كانت اشارتي.
كلامي الكان معناهو "ما تشيل ليك رأس ميت". وقع ليك يا ول ابا؟؟؟؟
|
Post: #23
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: بريمة محمد
Date: 08-22-2011, 01:05 PM
Parent: #22
ول أبا زول واحد
سلام ..
| Quote: كلامي الكان معناهو "ما تشيل ليك رأس ميت". وقع ليك يا ول ابا؟؟؟؟ |
جنوب كردفان تأريخياً هى عرين للأبطال ..
محمد على باشا حينما غزا السودان أتى إلى الجبال بحثاً عن الرجال .. والقائد جون قرنق أيضاً بحث فيها عن الرجال وأنتصر.
ودكتور خليل وجماعته فى توجه أنظارهم إلى جنوب كردفان لا يختلفون عن محمد على باشا ودكتور جون قرنق وغيرهم.
المجاملة لا تنفع بأرواح أهلنا ..
بريمة
|
Post: #24
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: Zoal Wahid
Date: 08-22-2011, 10:11 PM
Parent: #23
ول ابا بريمة
| Quote: جنوب كردفان تأريخياً هى عرين للأبطال |
نعم كلامك هو الحقيقة الكاملة. بكل اسف الذين يكتبون تاريخ السودان يشيدون
بمن يفز.
Quote: ودكتور خليل وجماعته فى توجه أنظارهم إلى جنوب كردفان لا يختلفون عن
محمد على باشا ودكتور جون قرنق وغيرهم. |
ده خلط عجيب لا اعرف كيف اناقشك. ولكن دعني اسالك: الم يتجه المركز الى تعيين ابناء
الغرب عموما كجنود لقتل ابناء الوطن في حين تتجه الثروة و الفرص التوظيفية الدسمةلابناء المركز؟
ابناء جنوب كردفان مؤهلون ليكونوا اغلبية ضباط الجيش فهل سألت نفسك لماذا هم اغلبية
في الوظائف الدونية؟ ان وعيت ذلك عرفت لماذا ثار قرنق و الحلو و عقار. المركز يستغل ابناء الهامش لقتل
الثوارالذين يجاهدون لاخراجهم من الدونية و العبودية المغلفة.
| Quote: المجاملة لا تنفع بأرواح أهلنا .. |
نعم يا ول ابا، ولكن عندما تغض الطرف عن استغلال المركز لاهلك و دفعهم للموت مجانا من اجل بقائه
فانك لا تجامل بارواحهم بل تبيعهم.
|
Post: #25
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: أحمد ابن عوف
Date: 08-22-2011, 10:26 PM
Parent: #24
اشكرك يا بريمة ان فرزت الكيمان
| Quote: فى أم درمان أو الخرطوم |
لووووووووول
|
Post: #26
Title: Re: ما مصير خليل ابراهيم بعد سقوط العاصمة اللييبة طرابلس فى يد الثوار
Author: Ahmed Abdallah
Date: 08-22-2011, 11:40 PM
Parent: #10
| Quote: د.خليل غادر طرابلس منذ اكثر من شهر! |
كذابة يا تراجي
Quote: حركة العدل والمساواة السودانية تناشد الثوار الليبيين والمجتمع الدولي ضمان سلامة رئيس الحركة والوفد المرافق له
في البدء، تهنئ حركة العدل و المساواة السودانية الثورة الليبية بما تحقق لها من نصر و إنجاز في فرض إرادة شعبها في التغيير، وتؤكد أنها دائماً مع الخيارات الحرة للشعوب، وتقاتل من أجل ذات الهدف النبيل. وإلحاقاً لمناشداتها و مخاطباتها المتلاحقة للأمم المتحدة و سائر المجتمع الدولي للمساعدة في إخراج رئيسها من العاصمة الليبية طرابلس، تهيب الحركة بالثوار الليبيين و الأمم المتحدة والناتو وسائر المنظمات الإنسانية ضمان سلامة وخروج الدكتور / خليل إبراهيم محمد رئيس الحركة والوفد المرافق له من طرابلس التي مكثوا فيها في إقامة شبه جبرية منذ مايو 2010 نتيجة مؤامرة إقليمية ودولية هدفت إلى عزل قيادة الحركة عن قاعدتها الشعبية والعسكرية.
وحيث أن نظام الخرطوم قد بذل جهوداً خارقة لإيغار صدور الثوار الليبيين وزرع الفتنة بينهم و بين أهل السودان المقيمين في ليبيا وعلى رأسهم أبناء إقليم دارفور، بالادعاء زوراً وبهتاناً أن رجالاً من أبناء الإقليم وحركات المقاومة يقاتلون بجانب نظام العقيد معمر القدافي، علاوة على ما تمت من تعبئة عنصرية للثوار الليبيين ضد الشباب الإفريقي عموماً عبر اعلام مغرض، تخشى الحركة أن يلجأ بعض الثوار إلى الانتقام وفق هذه التعبئة المضللة فتزهق أرواح بريئة وتساء معاملة جماعات بغير وجه حق.
عليه، تدعو الحركة الثورة الليبية التي دانت لها طرابلس إلى ضمان سلامة رئيس الحركة والوفد المرافق له، و سلامة جميع السودانيين والأفارقة المقيمين في ليبيا، وألا يسمحوا بأي معاملة أو إجراء لا يقره القانون الإنساني الدولي ومواثيق حقوق الإنسان و الشرائع السماوية حيالهم، كما تدعو الجهات المختصة في المجتمع الدولي إلى القيام بمسئولياتها تجاه حفظ الأرواح ورعاية واحترام حقوق الإنسان في الظروف الخاصة التي تعيشها ليبيا في هذه الحظات التاريخية.
جبريل آدم بلال
أمين الإعلام الناطق الرسمي بإسم الحركة
22 أغسطس 2011 لندن |
http://sudaneseonline.com/2008-05-19-19-50-30/31617...-08-22-20-07-19.html
|
|