Post: #1
Title: ناس غرب الجزيرة ، ناس 24 القرشي ، ناس حنتوب
Author: ودقاسم
Date: 08-21-2011, 08:08 AM
Parent: #0
البارحة ، على مائدة الإفطار التقينا .. البعض لم نلتقيه منذ العام 1967 حين انتقلت اول دفعة متخرجة من مدرسة 24 القرشي الأميرية الوسطى إلى الثانويات .. بعض منهم التقيناه مرة أخرى في حنتوب الثانوية ، وبعضهم التقيناه للمرة الثالثة بجامعة الخرطوم ..
حملوا معهم ذكرياتهم وعشقهم القديم لمراتع الصبا .. لمدارسهم وفصولهم وداخلياتهم .. لأساتذتهم ، ولعمال المدارس بمختلف فئاتهم .
انشأت مدرسة 24 القرشي الوسطى في العام 1962 ، وكان اسمها 24 عبّود ، واستقبلت الدفعة الأولى في العام التالي ، وكنا نحن الدفعة الثانية والتي انضمت إلى المدرسة في العام 1964 .. وقد عاصرنا أحداث ثورة أكتوبر 1964 ونحن في الصف الأول .. ومن بعدها أخذت 24 القرشي اسمها الجديد ..
|
Post: #2
Title: Re: ناس غرب الجزيرة ، ناس 24 القرشي ، ناس حنتوب
Author: عبد الباقي الجيلي
Date: 08-21-2011, 08:56 AM
Parent: #1
و .... ناس ناسيانا ....
وينك يا خال ...
ياخ والله مشتاقين عديل كده ....
أها مدينا قرعتنا وصنقرنا تب ...
تحياتي للعيال وأمهم ...
|
Post: #3
Title: Re: ناس غرب الجزيرة ، ناس 24 القرشي ، ناس حنتوب
Author: عبدالله ود البوش
Date: 08-21-2011, 09:07 AM
Parent: #2
اخونا ود قاسم
السلام والتحايا ورمضان كريم
وايضا كذلك السلام والتحايا ورمضان كريم
لاخونا عبدالباقي الجيلي
.
.
وجابتني ريحة حنتوب الجميلة
واصل الحكي
|
Post: #13
Title: Re: ناس غرب الجزيرة ، ناس 24 القرشي ، ناس حنتوب
Author: ودقاسم
Date: 09-06-2011, 12:21 PM
Parent: #4
مصطفى محمود
لك التحية والتقدير
سأزور الموقع .. وكل سنة وانت طيب .
|
Post: #7
Title: Re: ناس غرب الجزيرة ، ناس 24 القرشي ، ناس حنتوب
Author: ودقاسم
Date: 08-21-2011, 11:48 AM
Parent: #3
عبد الله ود البوش : رمضان كريم وربنا يتقبل منّا ومنكم
كان من الحضور في هذا اللقاء عدد من أبناء حنتوب . وكانوا كلهم ينتمون لدفعني 1971 ، 1972 ..
وأحسب أنك من دفعات الثمانينات ..
لكن كلنا حنتوب وكلنا لحنتوب ..
دفعة 1971
المهندس محمد عوض الكريم حسين ( كان خامس السودان ) داخلية عدلان ( المناقل ، ود راوة )
المهندس عبد الباقي حمد النيل المبارك داخلية عدلان ( كشكوش المناقل )
الأستاذ السعودي محمد أحمد من داخلية دقنة ( العزازي )
الأستاذ محمد عبد اللطيف الخضر من داخيلة جماع ( العزازي )
الأستاذ تاج الدين الأمين داخلية أبولكيلك ( ود الأمين )
مهندس زراعي عمر محمد الوديع داخلية ود ضيف الله ( أم طلحة )
الأستاذ معاوية أبراهيم حمد ( المناقل - العفاض )
الأستاذ بدر الدين محمد الجعلي ( 24 القرشي )
دفعة 1972
مهندس الأمين مصطفى العشاري ( وكان مضيفنا ) داخلية دقنة ( حلة عمر - معتوق )
الأستاذ حاتم محمد حمد داخلية جماع ( معتوق )
المهندس يوسف محمد أحمد عطا داخلية دقنة ( معتوق )
المهندس عبد الباقي محمد أحمد داخلية دقنة ( ود جليد - المدينة عرب )
عميد/ أحمد محمد أحمد مسند داخلية ود ضيف الله ( ري الحفاير _ معتوق )
الأستاذ دفع الله أحمد حمد ود اللازم داخلية الزبير ( حلة بابكر- معتوق )
شخصي الضعيف محمد عبد الباقي قاسم داخلية الزبير ( عجوبة - معتوق )
|
Post: #8
Title: Re: ناس غرب الجزيرة ، ناس 24 القرشي ، ناس حنتوب
Author: عبدالله ود البوش
Date: 08-21-2011, 12:03 PM
Parent: #7
Quote: كان من الحضور في هذا اللقاء عدد من أبناء حنتوب . وكانوا كلهم ينتمون لدفعني 1971 ، 1972 ..
وأحسب أنك من دفعات الثمانينات ..
لكن كلنا حنتوب وكلنا لحنتوب .. |
انا دفعة 79 - 82 الفرقة ما كبيرة
.
.
Quote: المهندس عبد الباقي حمد النيل المبارك داخلية عدلان ( كشكوش المناقل )
|
لو عندك تواصل مع المهندس عبدالباقي
بالله وصل ليهو الوصية التحت دي لانو طالب مني البوست دا من زمان
وما عندي ليهو وسيلة اتصال
يا ناس حنتوب 79 الى 1982 شوفو الصورة وورونا الناس ديل وين
كيف الطماطم ما رخصت شوية ؟
مع تحياتي وتشكراتي والتقدير
|
Post: #5
Title: Re: ناس غرب الجزيرة ، ناس 24 القرشي ، ناس حنتوب
Author: ودقاسم
Date: 08-21-2011, 10:43 AM
Parent: #2
الشيخ عبد الباقي
حياك الله وأبقاك .
أمسية اللقاء في العشرين من رمضان أعادتني سنواتٍ عديدة إلى الوراء .. ايام كنّا يفّعا حيث دخلنا في أول تجربة في السكن الداخلي .. كانت المدرسة جديدة بداخلياتها المكتملة وسفرتها العامرة باللحوم والبقوليات واللبن والطحنية والمربة والساردين .. التقينا ولأول مرة بأبناء المدينةالكبيرة ( المناقل ) وأطلقوا علينا اسم عرب معتوق ، وكنا نحن متمسكين ب( عروبيتنا) لا يزحزحنا عنها بهرج المدينة...
كان منّا أول اللجنة مشترك : الأمين مصطفى محمد العشاري وهو مضيفنا على مائدة الافطار البارحة بداره الرحبة بمدينة صالحة . وقد اشترك معه الطيب مالك أحمد وكلاهما من مدرسة معتوق الاولية .. لكن سرعان ما اندمجنا في المجتمع الجديد ، وظهرت انتماءات جديدة ، داخلية المهدي ، داخلية النجومي ، داخلية دقنة .. وبدأت العلاقات تتشابك ، لتخرج للوجود مجتمعا جديدا هو مجتمع مدرسة 24 القرشي الوسطى بطلابه وأساتذته وعماله ,, أبناء الموظفين وأبناء العمال وأبناء المزارعين وأبناء التجار من المناقل ، كلهم انصهروا في مجتمع جديد .. وتراكمت الذكريات ..
|
Post: #6
Title: Re: ناس غرب الجزيرة ، ناس 24 القرشي ، ناس حنتوب
Author: عمر عبد الله فضل المولى
Date: 08-21-2011, 11:04 AM
Parent: #5
مرحب
|
Post: #9
Title: Re: ناس غرب الجزيرة ، ناس 24 القرشي ، ناس حنتوب
Author: طه إبراهيم عبد الله
Date: 08-21-2011, 12:49 PM
رمضان كريم
غرب الجزيرة - الكريمت - حنتوب
..
حضور
|
Post: #10
Title: Re: ناس غرب الجزيرة ، ناس 24 القرشي ، ناس حنتوب
Author: Yousif A Abusinina
Date: 08-21-2011, 02:32 PM
Parent: #9
الحبيب ود قاشم
شهر مبارك عليكم وتصومو و تفطروا على خير ونسال الله يتقبل اعمالنا جميعا
على قول اخونا ود البوش دخلتنا ريحة حنتوب الجميلة
الحمد لله انا ولد صغير ما ذى الكاشف اخوى ود البوش هههههه دفعه عمنا الصول محمود ( ود البوش الاسم صحيح ) اخوك طبعا بقى فى الطراوة المعلومة كان باتت ليلة واحدة كتر خيرها هههههههههه
ود قاسم حكايتك شنو لامى لينا اهلنا ناس لاوراء ناس الضهرة وناس لاقدام ناس شرق الله البارد
اوى اجى واحد فيكم ناطى ويطول ويقصر فى لسانوووو ناس لاوراء والضهارة اهلى وناس قدام اهلى ويا ريت ترجع الايام الجميلة من القرشى والمناقل وغرب الجزيرة عامة وشرق الله البارد بحنتوبة الجميلة مرررة تانية
جمعكم الله دائما فى طاعتة وتقبل اعملكم والتحية لكم جميعا ولاهلنا فى الجزيرة والمناقل ولكل زميل وصديق واخ عاش معنا اجمل الايام الحلوووة بحنتوب الجميلة والجزيرة الخضراء
|
Post: #11
Title: Re: ناس غرب الجزيرة ، ناس 24 القرشي ، ناس حنتوب
Author: abas
Date: 08-21-2011, 02:52 PM
Parent: #10
والله يا ود قاسم جينا نحيكم ونبارك ليكم رمضان ساي
نحن ناس وسط الجزيرة
لكن غرب الجزيرة ديل كلهم اهلنا من المناقل لي راس الفيل والسنايه والعزازي
والقرايه نحنا ناس مدني الثانويه بس وسنة 1990
سلام عليكم
|
Post: #12
Title: Re: ناس غرب الجزيرة ، ناس 24 القرشي ، ناس حنتوب
Author: HAYDER GASIM
Date: 08-21-2011, 10:13 PM
Parent: #11
نفحات الجزيرة كافية للحضور إلى هنا.
محسوبك برضو من وسط الجزيرة, طيبة الشيخ
عبدالباقي, وبرضو عملت سنة دراسية في حنتوب
المسائية مع الإقامة في حنتوب الجميلة. وكان
عندي عمى هناك ضمن طاقم محاسبي المدرسة, أظن
أن ذلك كان في العام 1972 ... وأذكر من المعلمين
الطيب جغرافيا, وأبوقزازة في مادة الدين, ومن
الطلاب محمد الحسن وحمراي وصلاح ود الصول, ومن
الطباخين هباني وود المقلي. كان بنطون حنتوب
في قمة أهميته بل شريان حياة كامل الأهلية
والفعالية. أذكر رائحة غاز الفوسفين كلما
تقترب من المشرع. والطلاب بالجلاليب يكتنزون
الأمل ويتماهون في فضيلة العلم ويسفون الصعود
بحذر. صول حنتوب هو شابتر قائم بذاته في تاريخ
تلك المدرسة. وهو أشبه بحلاق الجامعة لناحية
الطرفة والعصلجة وشاطح التعابير. قالو كان يوم
موقف الطلاب صفوف وبوجه فيهم إعملوا صفا إنتباه
ودورانات يمين وشمال, وحدث أن أمرهم برفع سيقانهم
الشمال حتى تعمل زاوية قائمة, وكان أن أخطأ أحد
الطلاب ورفع كراعه اليمين بدل الشمال, فبدا المنظر
غريب على الصول, وقال للطلاب المعني, هوي يا الرافع
كرعينك الإتنين ديل نزل واحدة.
أدهشني في حنتوب شعرها العامي البسيط والعميق والذي
كان يؤلفه الطلاب عفو الخاطر, لكن بطرافة وحلو مقصد.
وسوف أحاول أن أتذكر ما يعن في الذاكرة ليجد حظه من
الإطلاع هنا.
حاجات سمحة وأيام جميلة ... الله يطرى حنتوب بالخير.
شكرا ودقاسم على هذه الإستراحة اللطيفة... ورمضان كريم
|
Post: #20
Title: Re: ناس غرب الجزيرة ، ناس 24 القرشي ، ناس حنتوب
Author: ودقاسم
Date: 09-07-2011, 01:59 PM
Parent: #10
يوسف أبو سنينة
كل سنة وانت طيب
حنتوب أصبحت ذكريات ليس إلا ..
وليت جامعة الجزيرة تسمح لخريجي حنتوب بالاستمتاع بزيارة حنتوب واجترار الذكريات في المكان نفسه ..
وطبعا ناس الجزيرة غربهم وشرقهم وشمالهم وجنوبهم كلهم أهل وحباييب ..
وسنفرغ المزيد من الذكريات عن حنتوب الجميلة خاصة وأنني من الذين حضروا اليوبيل الفضي ..
|
Post: #18
Title: Re: ناس غرب الجزيرة ، ناس 24 القرشي ، ناس حنتوب
Author: ودقاسم
Date: 09-07-2011, 12:14 PM
Parent: #9
والله يا طه ناس الكريمت ديل أهلنا ، فالغالبية العظمى منهم من العركيين .
وقد زاملنا الأخ الفاضل عبد الله يوسف . والأخ محمد علي دفع الله الهادي والأخ محمد نور .. ربما أن هناك غيرهم لا أذكرهم الآن ..
وهناك إلراهيم سر الختم من ود المنسي لكنه درس بلكريمت الوسطى ، وكذلك الأخ غازي الصديق السني من أبناء الهدى وقد درس أيضا بالكريمت الوسطى وكلاهما دفعة في حنتوب ..
|
Post: #14
Title: Re: ناس غرب الجزيرة ، ناس 24 القرشي ، ناس حنتوب
Author: ودقاسم
Date: 09-06-2011, 12:26 PM
عمر عبد الله فضل المولى
كل سنة وانت طيب
لو لم تخني الذاكرة فأنت تنتمي للماطوري ..
وقد كان معنا الأخ عمر أحمد إمام الدين من منطقة الماطوري .. وهو خريج آداب الخرطوم ..
درس معنا بمدرسة القرشي ثم حنتوب ..
وكان معنا بمدرسة القرشي الزميل نور الله نور الجليل .. وقد درس الثانوية بإحدى مدارس مدني ..
|
Post: #15
Title: Re: ناس غرب الجزيرة ، ناس 24 القرشي ، ناس حنتوب
Author: إيهاب الأمين
Date: 09-06-2011, 12:27 PM
Parent: #1
غرب الجزيرة
ودالمنسي
الكريمت المتوسطة
حنتوب الثانوية
عندما نشتم عطر حنتوب تسكب الحروف من أنفاسها الندى، وترتسم ملامح وسيمة من زمن جميل
|
Post: #16
Title: Re: ناس غرب الجزيرة ، ناس 24 القرشي ، ناس حنتوب
Author: عادل فضل المولى
Date: 09-06-2011, 12:59 PM
Parent: #15
Quote: الأستاذ السعودي محمد أحمد من داخلية دقنة ( العزازي )
الأستاذ محمد عبد اللطيف الخضر من داخيلة جماع ( العزازي ) |
الخال ود قاسم
اطيب التحايا وكل عام وانت بخير
والتحية لدفعتكم النيرة والتحية للاستاذين محمد عبد اللطيف والاستاذ السعودي
الاستاذ محمد عبداللطيف استقر به المقام في السودان ويسكن حالياً في امدرمان
|
Post: #17
Title: Re: ناس غرب الجزيرة ، ناس 24 القرشي ، ناس حنتوب
Author: عبد الباقي الجيلي
Date: 09-07-2011, 11:07 AM
Parent: #16
مرحبتنين يا خال ...
هذا البوست يخصني لعدة أسباب ...
أولاها وجودك الجميل فيه ...
وثانيها حنتوب الجميلة ...
وثالثها ... وأظنه أهم الأسباب ... أن معظم سكان غرب الجزيرة هم من أهلي
العركيين ... ولا أنا غلطان ...
نسائم هذا البوست جلبت الحبايب والقرايب ...
الأخ حيدر قاسم ... رغم عدم معرفتي الشخصية به ... إلا أنني أظنه ابن العم
قاسم محمد محمد علي الحضري (وأرجو أن يصححني إن أخطأت) وكنت أظنه يقصد بعمه المحاسب
العم الأستاذ أحمد محمد محمد علي (ود طه) والذي كان يعمل أستاذاً بحنتوب حتى الثمانينات
على أيامنا يعني ... وكنا زواراً دائمين على منزله العامر ... رحمه الله هو والحاجة التومة
كما كنا زواراً دائمين أيضاً على منزل العم الصول محمد محمود (والد الأخ صلاح) ... ومنزل
العم المرحوم عبد الحق عبد المؤمن مفتش صحة المدرسة ...
طلاب غرب الجزيرة يمثلون لحمة المدرسة وسداها وبدرجة أقل طلاب شرق الجزيرة ... وكنا نحن أبناء
وسط الجزيرة رايحين بين الاتنين ...
ولنا عودة للحديث عن أنشطة المدرسة الثقافية والرياضية والضهب على ضفاف النيل الأزرق الجميل
|
Post: #19
Title: Re: ناس غرب الجزيرة ، ناس 24 القرشي ، ناس حنتوب
Author: محمد علي البصير
Date: 09-07-2011, 01:14 PM
Parent: #17
محمد علي البصير
داخلية دقنة
النصف الأول من الثمانينات
أشهر طلاب الدفعة أسامة عباس( ود الوكيل) عليه رحمة الله
housemaster ـ أستاذ حسن بتاع شعبة التاريخ ـ أشتهر بتشجيع فريق الزهرة
Tutor أستاذ الاحمدي بتاع حساب المثلثات ـ وأشتهر كثيراً بمباراة دقنة والزبير في دوري الداخليات
رئيس الداخلية سامي إبراهيم بشير من الحصاحيصا
يا عبد الباقي الجيلي ، بالله بتذكر الجمري جو
لكن أنت ذاتك ما كنت جو جو جو
|
|