الحى وراكم وا غربته

http://www.sudanradio.info/arabic/modules/deb...r/player.php?id=1488

مرت الايام والشهور والسنين وفى كل سنه وفى هذا الشهر المعظم
يتجدد حزنى عليكم
اخى العقيد شرطه حيدر أحمد محمد
واخى الدكتور عارف أحمد محمد
الف رحمة عليكم
لامفر من الموت ولا مفر من الفراق ولكن احبتى ذكراكم تلازمنى
وجواى فى كل لحظة وكل ما اتلفت بلقاكم معاى وجنبى
مرات بتفاده ذكراكم والكلام عنكم عشان الدنيا ماشه وعشان الحزن ما
البسنا اكتر من كده
وعشان بخاف اعذبكم وعشان ماافسد اللحظه الجميله
وعشان امى الحبيه الانا بسمعة فى كل لحظه
وبشوفه بتتكلم عنكم وعن الفراق والفقد لكل من حولها
ذكراكم على لسانها فى كل صباح ومساء
اضحك معها وابتسم واقول فى سرى لازم اقوى
عشانك يا امى
واخفف عليك

ابتسم ودموعى تهرب جواى زى النار واقيف قريب منها واقوليها
ادعى ليهم ياحاجة دعواتك ليهم مهمه واقول مسكينه فقدت كل البتحبهم

ومرات بغلبنى وبلقى الدمعه مارقه حاره غصبا عنى
ببكى بى حرقه وبقول ياسلام على الدنيا البتفرق القلوب الحبيبه
وياريت لو كان هنالك خيار لذهبت من قبلكم فهذا ليس كفرا بل حبا
فالموت اهون من فراقكم المر

و اسمحو لى واعذرونى ان بكيت عليكم كثيرا
سوف ابكى كل ما احتاجكم
سوف ابكى كل ما اصنع الطعام الذى كنتم تحبونه
سوف ابكى فى كل الاماكن التى كنا نلعب فيها مع بعض
بس ابكى وين ولا وين كل الاماكن اصبحت ملامحكم على جدرانها
اه ......... ولا ابكى منو ولا منو
فجميعكم مشيتو ومن غير وداع

فوعدا على ان لا انساكم ووعددا على ان اوفى بكل وعودى لكم
فكونو بخير فنحن نحبكم الى الى الابد ولن ننساكم
الموت ..........................الموت

لم اعد اقيف عنده كثيرا بعدكم بل اعرفه جيدا
فقيمته بأننى سوف اكون بجانبكم يوما ما
نتوسد التراب سويا

ليكم الرحمه ولينا الصبر
اختكم محاسن

** الأُخت محاسن..
** مساءك خير..
## الرحمه والمغفره للإخوين جنابو حيدر وصديقى د. عارف ,, فلنبتهل لهما بالدُعاء فى هذه الأيامات المُباركه ##

اخى العزيز ود مدينة بحرى
عبدالكريم أحمد الامين

ومساء كل الخيرات
واعلم انو ما نحنا برانا الفقدناهم جميعكم
فكانو خير الخوه والصحبه
والله وحدو بينا ورغم كل هذه السنين الطويله
نكتوى بنيران فراقهم
ولم يبقى غيرالصبر ودعواتنا ليهم

اللهم ارحمهما واسكنهما الفردوس الأعلى مع الصديقين والشهداء وحسن اولئك رفيقا

والهم ذويهما الصبر الجميل


انا لله وانا اليه راجعون

Quote: و اسمحو لى واعذرونى ان بكيت عليكم كثيرا سوف ابكى كل ما احتاجكم سوف ابكى كل ما اصنع الطعام الذى كنتم تحبونه سوف ابكى فى كل الاماكن التى كنا نلعب فيها مع بعض بس ابكى وين ولا وين كل الاماكن اصبحت ملامحكم على جدرانها اه ......... ولا ابكى منو ولا منو فجميعكم مشيتو ومن غير وداع فوعدا على ان لا انساكم ووعددا على ان اوفى بكل وعودى لكم فكونو بخير فنحن نحبكم الى الى الابد ولن ننساكم الموت ..........................الموت لم اعد اقيف عنده كثيرا بعدكم بل اعرفه جيدا فقيمته بأننى سوف اكون بجانبكم يوما ما نتوسد التراب سويا ليكم الرحمه ولينا الصبر اختكم محاسن

محاسن الحنينة ,, يعلم الله بكيتيني يا يمة بي نعيك المؤثر لي خينك الله يرحمهم
لا حولة ولا قوة إلا بالله العلي العظيم
فقد جلل ومصيبة كبيرة
ربي يجبر كسركم ويعظم اجركم بقدر الفقد العظيم
ربي يصبر الوالدة الحنونة ,, قااااااسية عليها يا محاسن يا اختي قاسي ومر عليها الصبر
حرقة الحشا حارة ,, لكن لازم تقويها إنتي وتضاري دموعك منها وتتحملي بقدر حبك ليهم
كتري ليهم من الدعوات وقرآءة القرآن
ربي يرحمهم ويوسدهم الباردة
ربي يرحمهم ويغفر لهم بقدر مصيبتكم الكبيرة
ويلهمكم الصبر الجميل
إنا لله وإنا إليه راجعون

Quote: مرت الايام والشهور والسنين وفى كل سنه وفى هذا الشهر المعظم يتجدد حزنى عليكم اخى العقيد شرطه حيدر أحمد محمد واخى الدكتور عارف أحمد محمد الف رحمة عليكم

اللهم أغفر لهما وأرحمهما وأدخلهما الجنه مع الصديقين والشهداء والصالحين
ببركة هذا الشهر المبارك,
الأخت العزيزه محاسن
كلنا إخوانك خاصة فى هذه الغربه والتى نعيشها مرغمين.
ربنا يلهمك الصبر.

اللهم ببركة هذا الشهر الكريم اسكنهم في جنات الخلد
وانزل على قلب اهليهم السكينة والصبر ورحمات الله تغشى
المتوفين آمين ... أحسن الله عزاؤكم اختنا محاسن .










.................................................حجر.

الاخت محاسن

هكذا يرحلون ويتركون في الحلق غصة

وفي القلب حزن واسي وبالعين دمعة حري

وعندما نبكيهم فليس ذلك اعتراض علي ارادة الله

ولكن املا في أن تغسل الدموع ذلك الحزن المعشعش في القلوب



هوني عن نفسك اختي محاسن وصبري الوالدة وادع لهما بالرحمة والمغفرة

اللهم ارحمهما واغفر لهما واجعل مثواهما الجنة

العزيزه مهيره مشكوره وربنا ما اوريك شر
وكل سنه وانتى طيبه

سوما الحبيبه ست المحنه
والله قدر ما اكتب وقدر ما اوصف فقدنا ليهم
سنين وسنين مرت وزى كأنو مشو امبارح
وسبحان الله يا سوما ماتو الاتنين فى شهر رمضان
الف رحمه عليهم
والله الولده تحنن وبقت قلبها مقطوع على الكل ربنا اصبره يارب
تسلمى يا غالية وكل سنه وانتى طيبه

اخونا الغالى مولانا

ABDALLAH ABDALLAH

والله اخ واكتر ودايما سند وعون لينا
وماعدمناك وتسلم لينا ولى اسرتك الجميله
الراقيه ويعلم الله محبتى ليكم
ودايما فى بالنا انا والحجاج لكن دوامة امريكا العجيبه
وكل سنه وجميع الاسره بخير وتحياتى ليهم
جميعا لمن نشوفكم

Quote: لامفر من الموت ولا مفر من الفراق ولكن احبتى ذكراكم تلازمنى وجواى فى كل لحظة وكل ما اتلفت بلقاكم معاى وجنبى

فقدناهم بجد، تذكرناهم بالحزن والفرحة، شفناهم بالدموع
نسعد ونبكي عند لقاء احبتهم
ونضحك ونحن نتذكر طرائفهم وتكون احلا لحظات ونساتنا
اصبر نفسي دائما بان اتخيلهم مسافرون واشتاقهم حتى يعودون

ويا سونا ربنا اخليك ليناعوضاً عنهم
وربنا ارحمهم واجعلهم من اصحاب الجنة والصبر لوالدينا ولنا جمعياً
ونيابة عن الاسرة وعن محاسن شكرا لكم الاعزاء
عبدالكريم،
مهيرة،
اسماء،
عبدالله ،
حجر ،
وابوشوارب
لترحمكم عليهم
ودامت خوتكم وصداقتكم لي سونا
وصداقتكم اليّ باعتباري اخت سونا (( في جاه الملوك نلوك))

الاخ العزيز الرفاعي عبدالعاطي حجر
مشكور على التعزيه والمواساة
وما عدمناك وكل سنه وانت طيب

Quote: هكذا يرحلون ويتركون في الحلق غصة وفي القلب حزن واسي وبالعين دمعة حري وعندما نبكيهم فليس ذلك اعتراض علي ارادة الله ولكن املا في أن تغسل الدموع ذلك الحزن المعشعش في القلوب

نعم اخى العزيز عبدالله ابوشوارب
حقا ماقلت ولا نملك غير الدموع
وذكراهم الحبيبه
الف شكر ليك
وكل سنه وانت طيب

Quote: فقدناهم بجد، تذكرناهم بالحزن والفرحة، شفناهم بالدموع نسعد ونبكي عند لقاء احبتهم ونضحك ونحن نتذكر طرائفهم وتكون احلا لحظات ونساتنا اصبر نفسي دائما بان اتخيلهم مسافرون واشتاقهم حتى يعودون ويا سونا ربنا اخليك ليناعوضاً عنهم وربنا ارحمهم واجعلهم من اصحاب الجنة والصبر لوالدينا ولنا جمعياً ونيابة عن الاسرة وعن محاسن شكرا لكم الاعزاء عبدالكريم، مهيرة، اسماء، عبدالله ، حجر ، وابوشوارب لترحمكم عليهم ودامت خوتكم وصداقتكم لي سونا وصداقتكم اليّ باعتباري اخت سونا (( في جاه الملوك نلوك))

الحبية صغيرتنا ممو
يا سلام لما الكتوف تتلاحقك
ولوكى زى ما عاوزه
وفى هذا المنبر التقيت بمن هم خير إخوه واصدقاء
وكم اعتذ بمعرفتهم

والله ياميمى اعرف حزنك على عارف وعلى حيدر
واعرف انهم حينما رحلوا تركوا فراغا هائلا
وجرحا على قلوبنا سوف يظل ينزف
طول العمر
فهذا قدرنا وليتنا لو كنا نعلم انهم سوف يرحلون ويتركونل
لما فارقناهم ولا لحظه
ويكفى ان ذكراهم تلازمنا كظلنا
وصورهم على جدراننا
فهونى عليك يا صغيرتى
وليهم الرحمه
ولينا الصبر

الأخت محاسن
رمضان كريم

صدق عباراتك وعمق جرحك جعلنا نشاطرك الفقد ,,,,
ونحس معك بلوعة الالم ,,,,لهم الرحمه والمغفره
ودمت بخير ومحبه وتقدير

الف الف شكر اخى أيمن التوم
على الكلمات الطيبه والمؤاذره
فهذه قيمة المعرفه الحقيقيه
وماعدمناك وربنا ما اشوفك فرقة عزيز

اللهم ارحمهما واغفر لهما واجعل البركة في أهلهما وذريتهما
ربنا يلهمكم الصبر يا محاسن

في شهر الرحمة

لهم الرحمة والمغفرة

الاخ المحترم معاوية الزبير
مشكور اخــى

وكل سنه وانت بخير

Quote: في شهر الرحمة لهم الرحمة والمغفرة

الاخ العزيز عماد الشبلي
الف شكــر وكل سنه انت والاسره بخير
وماعدمناك

الاخت محاسن تحيات وسلامات ورمضان كريم والعيد على الابواب
فقد الجاء منك وهو جناك والجاء معاك من رحم واحد وهو اخوك او الجيت منه وهو والدك صعب وحار شديد

ربنا يصبرك ويصبرنى على فقد امى ويرحمها ويغفر لها ويطول عمر والديك ويطرح البركة فيكم جميعا

ربنا يتقبل اخويك ويرحمهما رحمة واسعة آمييين يا رب العالمين

إنا لله وإنا إليه رآجعون.
نسأل الله ان يلزمكم والوالدة المكلومة الصبر الجميل،
وأسأل الله ان يجمعني بهذه الوالدة التي أحبها وإبتلآها،
فإنّ الله إذا احبّ العبد إبتلآه. قوليليها كلنا اولآدك.
أسأل الله العلي العظيم ببركة هذا الشهر الكريم ان
يجمعكم بهم في الفردوس الأعلى مع النبيين والصديقين
والشهداء، وحسُن أُولائك رفيقا.
الزمو الصبر أختي محاسن وأكثروا من الإستغفار،
والإسترجاع ولا تنسوهم من صالح الدعاء، فإنّ الله قد بشّر
الصابرين الذين إذا اصابتهم مصيبة تذكروها وإسترجعوا بالجنّة.
تحياتي ليك وللوالدة والعيد مبارك عليكم...

الاخت ايمان بدر الدين مشكوره وكل سنه وانتى طيبه
فراق العزيز حار ورغم السنين والسنين نكتوى بي نيران فراقم الحار وانت جربتيه وشفتيه كيف
وربنا ارحم الوالده الحبيبه عشه
وعجبنى البوست الفتحتيه بس مالقيت فرصه اقراه بى رواقه ربنا اصبرنا على فراقم يارب

Quote: قولي ليها كلنا اولآدك.

تسلم اخى معاوية المدير
على الكلام الحنين
والله الوالده بتسلم عليك وبتشكرك
وقالت ليك بيكم بتقوى
وما فضل غير دعواتنا ليهم
الف رحمه عليهم
وكل سنه وانته والاسره بخير

الأستاذة محاسن أحمد محمد

نسأل الله العلي العظيم أن يتغمدهما بواسع رحمته

ورضوانه ويجعل الجنة مثواهما مع المصطفين الأخيار

أخر الأحزان إن شاء الله.

يا سونا,
ما مرّ مساءٌ على, إلآ وصافحت ذاكرتى
نفحات تلك الأمسيات التى كنا نغتسل فيها
بسماحة حيدر وعارف.
غافلونى وذهبوا سريعاً, كنت أعد نفسى
لحكايات طويلة مع حيدر ملك الحكى والسرد,
لكنى عدت لأعزى فيهم, لا أن أضحك معهم.
يا للوعتنا من بعدهم.

الاستاذ عماد أحمد
اخى ود بحرى الشفيف
تسلم يارب واعلم انو حيدر وعارف ليهم
الرحمه كما افتقدناهم فقدتم مدينة بحرى
فقدتم شوارع بحرى ولياليها وامسياته
مشكو وكل سنه وانته والاسره بخير

حليلم يا عبدالله حليل اخوانك حليل اصحابك
وحزنا عليهم بطبق كل ما تمر الايام والسنين
اعلم حزنك عليهم وكنت اعرف محبتم ليك
ربنا اخليكم لينا كلم
فكنتم خير الاخوان والاصحاب
واخلى لينا عامر وعاصم وعادل
واديكم الصحه والعافية

تحية...من اقبية الحزن يولد التذكار وينمو ويتمدد...تجدده رياح الفقد وغيوم الوداع الداكنة الممطرة دمعا..

انتقلوا الي الضفة الاخري بعد ان تركوا ذرات وجودهم في فضاءات زماننا النفسي النابض بسيرتهم...هما في عليين حيث تخلد الارواح الطاهرة وهي في ذمة الله ..حفي بهم... يوردون من الحوض... في ظلال علي الارائك... يطوف عليهم الولدان المخلدون.....وفاكهة كثيرة لا مقطوعة ولا ممنوعة...

دعواتنا لهم غمامات تمطر بالرحمة من الكريم ذو العرش المكين...