|
إقتراح بالنسبة لإفطارات البورداب الرمضانية...
|
أولا تصوّروا البنات عشان سي صبري يرتاح وتانيا صوّروا الناس البتاكل في الارض فقط وتجنّبوا صور الفنادق و البوفيهات المفتوحة عشان سي بلاير يرتاح ثالثا اطبعوا نسخة من بوست عادل امين "العالمي" و "الهام" عن دراسة بعانخي و ناقشوه بعد الفطور عشان سي عادل يرتاح رابعا اتأكدوا من تصوير كل الحاضرين فردا فردا وحددوا الح يفتح بوست الصور منو عشان الكل يرتاح
|
|
|
|
|
|
|
|
Re: إقتراح بالنسبة لإفطارات البورداب الرمضانية... (Re: محمد البشرى الخضر)
|
محمد البشرى الخضر كل عام وانت طيب ورمضان كريم
التبخيس والتنظير صفات سودانية اصيلة لا يتلاشيان حتى وان نال البعض الجنسيات العليا (على وزن الشهادات العليا) واحد من ناسك ديل طايرة ليه ثقافة والتانى بيتوهم الهوس الدينى فى اى ملف والثالث كما عودنا دايما بينهى عن خلق وياتى بافظع منه وكما قال تيرى هنرى حين نطح زيدان ماتيرازى "you can take the man away from his neighborhood but you cannot take the neighborhood from the man"
| |
|
|
|
|
|
|
Re: إقتراح بالنسبة لإفطارات البورداب الرمضانية... (Re: احمد التجانى احمد)
|
محمد البشرى الخضر
Quote: وتانيا صوّروا الناس البتاكل في الارض فقط وتجنّبوا صور الفنادق و البوفيهات المفتوحة عشان سي بلاير يرتاح |
معقولة تقول للناس الهاي هاي ديل يزعلو انفسهم ويرضوني ...يازول خليهم يتجدعوا علي راحتهم...... يا حليل زمن الناس بتفرش الشوارع والميادين للافطار....وبشربوا موية القلة والازيار....والكركدي والعبري .....ونهارهم بين ظل حيطة وشجرة احمد التجانى احمد
Quote: التبخيس والتنظير صفات سودانية اصيلة لا يتلاشيان |
وكذلك البوبار في بيت الأيجار
رمضان كريم و كل عام وانتم طيبون
حكمة اليوم من ضروريات الأفطار الحديث:فندق خمسة نجوم مع البوفية+ساون سيستم+طاقم تصوير+بوست
| |
|
|
|
|
|
|
Re: إقتراح بالنسبة لإفطارات البورداب الرمضانية... (Re: haroon diyab)
|
استاذي احمد الامين
صيام مقبول وافطار شهي
وبالنسبة لي هذه المداخلة تستحق
اوسكار افضل مداخلة في الربع الرماضاني
Quote: التبخيس والتنظير صفات سودانية اصيلة لا يتلاشيان حتى وان نال البعض الجنسيات العليا (على وزن الشهادات العليا) واحد من ناسك ديل طايرة ليه ثقافة والتانى بيتوهم الهوس الدينى فى اى ملف والثالث كما عودنا دايما بينهى عن خلق |
><><><><><><><><><><><><>
| |
|
|
|
|
|
|
Re: إقتراح بالنسبة لإفطارات البورداب الرمضانية... (Re: حمزه بابكر الكوبي)
|
Quote: كله كوم وده كوم براهو في تصنيفاتك دي ياودالبشرى وعنده جمله كده عاجباهو وهاري بها اي زول ينزل صور اسمها " الكاميرا الزكوريه " لو ماجاء لبعك بها مايرتاح |
** ود البُشرى.. ** ود الكوبى.. ## ســلام ,, ومساءكما خير.. ## "الكاميرا الزكوريه " والله العباره دى مُحتاجه لشرح ,, ومفروض نتقدم بشكوى للشركات المُصنعه للكاميرات ماتلتقط إى صوره للذكور لو كانت "الكاميرا ذُكوريه" ,, إلا بوجود إمراه بشرط ألا تكون مُحجبه أو مُنقبه ,, يُُفضل البكينى وبالعدم إبراز جُزء من الصدر..
** فى المثل بيقولو:- الفاضى يعمل قاضى ,,, والفايق يهمز ............... **(اللهم إنى صائم) (ودام الود بيننا) (ابو محمد فؤاد)
| |
|
|
|
|
|
|
Re: إقتراح بالنسبة لإفطارات البورداب الرمضانية... (Re: محمد عبد الماجد الصايم)
|
أها وقام أبو حسين لبّد سيرمس القهوة!! لمن جينا ولّعنا الشيشة طلع بتاع شاي .. تتخيل!! أي والله!! غايتو اضطرينا جازفنا كُلنا في سيرمس قهوة واحد لأنو الباقي كلو كان اتلحس سريع سريع!!
غايتو البركة في محمد إبراهيم علي .. جانا متأخر وشايل ترامس قهوة .. قومي يا الندوة كانت شغالة رسّلت ليهو sms مضمونها (لبّد القهوة يا معلم)!!
أها .. تاني الصور دايرين بيها شنو؟
| |
|
|
|
|
|
|
Re: إقتراح بالنسبة لإفطارات البورداب الرمضانية... (Re: محمد البشرى الخضر)
|
ود البشري
خلاص بعد القطور
بأمانة كده واحد يخش البوم بورداب الامارات
بلقي وش صورة عباس وصلعتو بي فازلينها
او القرضابي مبتسما ( تبسمك في وجه اخيك صدقة )
وتاني في حاجة غير الخذلان من عدم تحقيق التوفعات
يعني يا محمد بتصدق لو قلت ليك دخلة بوست فطور جدة
عشان اشوف صورة ود القاضي .......
واقول قولي هذا و استقفر الله العظيم لي ولك و لسائر المتداخلين
بالجنبة كده : اهلك وصلوا ؟؟
| |
|
|
|
|
|
|
|