إقتراح بالنسبة لإفطارات البورداب الرمضانية...

أولا تصوّروا البنات عشان سي صبري يرتاح
وتانيا صوّروا الناس البتاكل في الارض فقط وتجنّبوا صور الفنادق و البوفيهات المفتوحة عشان سي بلاير يرتاح
ثالثا اطبعوا نسخة من بوست عادل امين "العالمي" و "الهام" عن دراسة بعانخي و ناقشوه بعد الفطور عشان سي عادل يرتاح
رابعا اتأكدوا من تصوير كل الحاضرين فردا فردا وحددوا الح يفتح بوست الصور منو عشان الكل يرتاح

محمد البشرى الخضر
كل عام وانت طيب ورمضان كريم

التبخيس والتنظير صفات سودانية اصيلة لا يتلاشيان حتى وان نال البعض الجنسيات العليا (على وزن الشهادات العليا)
واحد من ناسك ديل طايرة ليه ثقافة والتانى بيتوهم الهوس الدينى فى اى ملف والثالث كما عودنا دايما بينهى عن خلق
وياتى بافظع منه وكما قال تيرى هنرى حين نطح زيدان ماتيرازى "you can take the man away from his neighborhood but you cannot take the neighborhood from the man"

محمد البشرى الخضر

Quote: وتانيا صوّروا الناس البتاكل في الارض فقط وتجنّبوا صور الفنادق و البوفيهات المفتوحة عشان سي بلاير يرتاح

معقولة تقول للناس الهاي هاي ديل يزعلو انفسهم ويرضوني ...يازول خليهم يتجدعوا علي راحتهم......
يا حليل زمن الناس بتفرش الشوارع والميادين للافطار....وبشربوا موية القلة والازيار....والكركدي والعبري .....ونهارهم بين ظل حيطة وشجرة
احمد التجانى احمد

Quote: التبخيس والتنظير صفات سودانية اصيلة لا يتلاشيان

وكذلك البوبار في بيت الأيجار

رمضان كريم و كل عام وانتم طيبون

حكمة اليوم
من ضروريات الأفطار الحديث:فندق خمسة نجوم مع البوفية+ساون سيستم+طاقم تصوير+بوست

سلامات ياهندسة

Quote: رابعا اتأكدوا من تصوير كل الحاضرين فردا فردا وحددوا الح يفتح بوست الصور منو عشان الكل يرتاح

بالله ركز لينا علي الفقرة دي

وياريت لو تعيد الاسابيع ....ويكون الاسبوع الاول

اسبوع صور افطار البورداب وتعليقاتهم

استاذي احمد الامين

صيام مقبول وافطار شهي

وبالنسبة لي هذه المداخلة تستحق

اوسكار افضل مداخلة في الربع الرماضاني

Quote: التبخيس والتنظير صفات سودانية اصيلة لا يتلاشيان حتى وان نال البعض الجنسيات العليا (على وزن الشهادات العليا) واحد من ناسك ديل طايرة ليه ثقافة والتانى بيتوهم الهوس الدينى فى اى ملف والثالث كما عودنا دايما بينهى عن خلق

><><><><><><><><><><><><>

Quote: أولا تصوّروا البنات عشان سي صبري يرتاح

كله كوم وده كوم براهو في تصنيفاتك دي ياودالبشرى
وعنده جمله كده عاجباهو وهاري بها اي زول ينزل صور
اسمها " الكاميرا الزكوريه " لو ماجاء لبعك بها مايرتاح

ههههههههههههههههههههههه

الناس ما بتريح

يا هندسة كيفنك ياخي

Quote: استاذي احمد الامين

الاخ الكريم هارون دياب , ولك وللاخ العزيز احمد الامين عاطر التحايا
والتبريكات بالشهر الكريم نسال العلى القدير ان يجعلنا جميعا من عتقاءه

معاك اخوك احمد التجانى , هلالابى وصاحب كيكى كمان

Quote: كله كوم وده كوم براهو في تصنيفاتك دي ياودالبشرى وعنده جمله كده عاجباهو وهاري بها اي زول ينزل صور اسمها " الكاميرا الزكوريه " لو ماجاء لبعك بها مايرتاح

** ود البُشرى..
** ود الكوبى..
## ســلام ,, ومساءكما خير..
## "الكاميرا الزكوريه " والله العباره دى مُحتاجه لشرح ,, ومفروض نتقدم بشكوى للشركات المُصنعه للكاميرات ماتلتقط إى صوره للذكور لو كانت "الكاميرا ذُكوريه" ,, إلا بوجود إمراه بشرط ألا تكون مُحجبه أو مُنقبه ,, يُُفضل البكينى وبالعدم إبراز جُزء من الصدر..

** فى المثل بيقولو:- الفاضى يعمل قاضى ,,, والفايق يهمز ...............
**(اللهم إنى صائم)
(ودام الود بيننا)
(ابو محمد فؤاد)

عمّكـ الـ (ما كيكي) حالتو صايم!!



رمضان كريم عليكم ياخ!

كل عام وانتم بخير يا ود التجاني
صدفت تماما في الحتة بتاعة انو التبخيس و التنظير عادة سودانية اصيلةو المنبر دا اكبر شاهد على كدا

بلاير

Quote: .ونهارهم بين ظل حيطة وشجرة

ديل عطالة ولاّ شنو!!
يا بلاير عيبك انك بتفترض الحكمة في كتابتك و الاعيب من كدا تفترض انك دائما على حق و رؤيتك صحيحة وزاوية شوفك هي السليمة
المثل ياخوي بقول كان اتنين قالوا ليك راسك مافي افقدو, نقدك لافطارات البورداب كان خيالي ولا يستند على منطق
عموما عشان نريحك اقترحنا الناس ما تصور الفندق و البوفيه المفتوح ويكتفوا ببرش الصلاة .تمام معاك ؟

هلا هارون و الاسابيع دي دايرة ليها بال وحيل ووقت ومزاج افتقدهم حاليا لكن الكيبورد ليه رافع
يا هارون موضوعكم دا مزعلني بالحيل و الله
يا اخوانا الغرض الاساسي من الافطارات و الانشطة الاجتماعية عموما هي التواصل الانساني في حد ذاته و الناس تفقد بعض وتزيد درجات المودة و الالفة البينها
مسالة التصوير و التوثيق وعكس النشاط دا حاجة كويسة ومهمة اي نعم لكنها ليست الغرض الاساسي

يا ود الكوبي و الله وما طالبني حليفة وانا بقرا في تعليقات صبري السخيف المتكررة و قدر ما الناس يطنشوه مصر يعيد ويزيد فيها
اتمنيت لو كان في خاصية بلوك زي الفيس بوك تتعمل لصبري من بوستات الافطارات

هلا يا زنجي
عشان كدا قلنا نعمل اقتراحات مريحة

اهلين ود جبريل نحمد الله
اهو نتفرج ونتمحن

هههههههه مولانا ابو محمد فؤاد ما تزعل ياخ
طنش اريح لقلبك و مزاجك

الله اكرم تصوم و تفطر على خير يا حموودي
شايفكم الدورة دي يا ناس الرياض نهائي صور بح :)
بيني وبينك مع شيل الحال دا أخير والله

والله يا عمكـ .. اتقابلنا وفطرنا واتونسنا
وضحكنا وشيّشنا وأعمامكـ (الكُبار) مدحوا
وصلينا العشا والتراويح (نص أنصارية ونص أنصار سنة)


تاني الصور دايرين بيها شنو؟

وعملوا لينا ندوة في دكتورة ودكتور
عرفنا القاعد يتبخ مع مرتو منو والما شايل القصة دي منو!
وعمكـ مصطفى شحرفان بوّظ رمضان ناس كُتار!!



تاني الصور دايرين بيها شنو؟

Quote: وعملوا لينا ندوة في دكتورة ودكتور

المقصود: فيها دكتورة داليا ودكتور أحمد

أها من الندوة دي عرفنا إنو تلاتة أرباع بورضاب الرياض
عندهم سُكري .. الباقي يا دغت يا مُصران أعـور!!


ود. محمد حسن عمل لينا ندوة دينية .. أي والله
دكتور محمد حسن صاحب إدريس خليفة ونجيب زيادة!!



تاني الصور دايرين بيها شنو؟

أها وقام أبو حسين لبّد سيرمس القهوة!!
لمن جينا ولّعنا الشيشة طلع بتاع شاي .. تتخيل!!
أي والله!!
غايتو اضطرينا جازفنا كُلنا في سيرمس قهوة واحد
لأنو الباقي كلو كان اتلحس سريع سريع!!


غايتو البركة في محمد إبراهيم علي .. جانا متأخر وشايل
ترامس قهوة .. قومي يا الندوة كانت شغالة رسّلت ليهو sms
مضمونها (لبّد القهوة يا معلم)!!


أها .. تاني الصور دايرين بيها شنو؟

أها .. وبينما الأمور ماشة في أمانة الله قام صديق الموج
مسكـ المكرفون وبدا في المديح .. أي والله .. المادح صديق الموج!!


قووووم يا نحن مشينا على الوست!
أنقر ما عصرنا عبد الله ود البوش لمن قال لزميلو
يوسف الدفينة (هوووي ها .... أنا عندي الدغت)!!
.. أي والله!!!


تاني الصور دايرين بيها شنو؟!

ود البشري

خلاص بعد القطور

بأمانة كده واحد يخش البوم بورداب الامارات

بلقي وش صورة عباس وصلعتو بي فازلينها

او القرضابي مبتسما ( تبسمك في وجه اخيك صدقة )

وتاني في حاجة غير الخذلان من عدم تحقيق التوفعات

يعني يا محمد بتصدق لو قلت ليك دخلة بوست فطور جدة

عشان اشوف صورة ود القاضي .......

واقول قولي هذا و استقفر الله العظيم لي ولك و لسائر المتداخلين



بالجنبة كده : اهلك وصلوا ؟؟

اول امبارح نفر من بورداب ابوظبي فطروا مع بعض

واتونسو حتي الساعة 2 ص

لكن ولا صورة

ملخص الونسة بعد الستوت عشان عزو بيكون جاهز

Quote: نفر من بورداب ابوظبي

أقل من عشرين