متى سنشاهد الهلال ينال بطولة خارجية على قناة مفتوحة أو مشفرة!!

هذا هو السؤال يا ود البشري
..
..

__
()

قريبي فايز ود القاضي وضع فردتي شنبه
على حد شفرة الحلاق
..
...

بطولة خارجية رسمية
بطولة الاندية الافريقية
بطولة كأس الاتحاد الافريقي الكونفيدرالية
بطولة شرق ووسط افريقيا سيكافا
بطولة عربية ينظمها الاتحاد العربي

وبس

()

والله يا البشاري الكاس يجي شوفو ليكم (حوش) إضارو فيهو

Quote: والله يا البشاري الكاس يجي شوفو ليكم (حوش) إضارو فيهو

عمران

سلام .. ورمضان كريم
يعني قصدك شنب قريبي فايز ود القاضي
السنة دي محلوق محلوووووووووووق
غايتو نحن متربصين لغاية الكاس ما يجي
الوقت داك المضاراة سهلة تب ..
انتوا ابقوا مارقين بس .. والله صحي

تحياتي

كويس يا ود البشاري انك لحقت حددت سؤالك بالبطولات التنافسية
السؤال عن أمر في رحم الغيب لا يعلمه إلاّ المولى عز وجل
لكن الممكن افيدك بيه انو الهلال يسعى بجدية لتحقيقه و الدليل مشاركاته و سيرته في آخر خمسة سنوات
التي ضمنت له تصنيفا متقدما في اضابير الكاف بين اندية القارة و ضمنت للسودان نقاط مشاركة سمحت باضافة ثلاثة فرق سودانية تشارك في البطولتين - وتطير من عصرا بدري ( ) - بفضل نتائجه المتقدمة
و بفضل هذا التصنيف و النتائج يعفى الهلال في الاعوام الاخيرة من المشاركة في الدور التمهيدي - الذي يشارك فيه حمام القارة الميت ()
و المتابع لسيرة الهلال يجد انه وصل لدور المجموعات اربعة مرات في آخر خمسة مشاركات و الخامسة وصل لمجموعات الكونفيدرالية - الفرق السودانية الاخرى لم تصل لهذا الدور سوى مرة واحدة و تذيل الفرق المشارك حينها ترتيب المجموعتين ()
فالهلال يا ود البشاري لم يلق المنديل ويستكين على اوهام ويقف على الأطلال و يبكي على رسم درس
الهلال يسعى يحدوه طموح و تقوده روح وثابة للظفر بسعيه مع ايمان تام بقدر الله و رجاء لتوفيقه
لم يعرف الهلال شعارات مثل طي الملفات أو لن تهزه الهزيمة يعلنها صبيحة اي اخفاق
بل يؤمن بمبدأ أن اي مشاركة و اخفاق هي خطوة في مشوار سيصل بإذن الله

أي سؤال

بالله يا ود البشاري مداخلتي الفوق دي وانت بتقراها لاتفوت عليك الحتات الختيت ليك فيهن الوشوش
دي فيها همز ولمز و خائنات بصرية - ياقول المشرف - اتمنى ان تراعي ليهن :)

والله يا المريخاب حيرتونا


انتو ما تكتبو في فريقكم الطلع من دور الما عارف كم


مالكم ومال الهلال

شيء عجيب والله

ياود البشاري نشيل وننصح فيك ما تمشي السودان ما تمشي
لو ده رايك في فريق الهلال
امشي قشة ما تعتر ليك
وان شاء الله تسكن في حفرة النحاس

Never

ود البشارى ازيك وكل سنة وانت طيب
اما اذا دار محور سؤالك عنا (اسياد البلد)
فبنقوليك الشئ انت قايلو هكر ... :((
دا الهلال ...بنهواه نعشقو للابد

ثم
راجع رد ود البشرى بى خائنة الاعين بتاعتو

قالو عندهم واحد اسمو همشرى خطير جدا يا بشاري ..
قدر ما سألت خانتو شنو ..؟
مافى زول جاوبنى ..
غايتو كان راس حربه ..
ممكن ياخدو شرق ووسط افريقيا !!

المابتلحقو جدعوا ... ده البقت عليكم .. شفاكم الله

تاج السر

ودالبشاري

ودالبشرى ما خلا لينا كلام نقولوا
ونسال الله أن يوفق الهلال هذا العام بالفوز بالكأس وما التوفيق إلا من عند الله

الصادق

Quote: ونسال الله أن يوفق الهلال هذا العام بالفوز بالكأس وما التوفيق إلا من عند الله

ساعتها يمكن نسكت يا الصادق
وبعدين ود البشرى قال شنو؟
ما عندكم شئ يا الصادق لغاية اسي

والله يا البشاري بتبالغ !!!!!!!!!!!!
هسي دا سوال ليك!!!!!!!!!!!!


للضمان الأجابة :-
ح يطوووووولوا و ياخدوا مدة *

بس عارف المشكلة و ين !!!؟
المشكلة انهم ما ح يسكتوا كلو كلو
و يشبكونا نحنا بنعلب في الادوار
المتقدمة و نحنا بنصل النهايات
وناسين تمام انو حيطة الاتحاد الافريقي
الدولية دى ما بسجلو فيها البصل دور
الاربعة او بيصل النهائي ... بسجلوا
فيها الفريق البنتزع بطولة وبس
والفريق دا معروووووف منو وهم عارفنوا
زي جوعهم للكاسات وعارفنوا اكتر من
صفرهم الكبييييير الشايلنوا سادرين
ومتدليين بيهو .

هم ما ح يقتنعوا و ما بسكتوا
اسمعه مني.

بس بيطوووووولوا و ياخدوا مدة

ـــــــــــــــــــــــــــــــــ
عنوان عمود لبابكر سلك صدر في صحيفة
الزعيم.

هذا هو حال جميع البطيخاب

غتدما اصبحوا يتكلمون بصوت الصدأ المقيتة

التي تنشر مثل هذه المعلومات التي تريد بها تبخيس عرق رجال الهلال

وتقليل شأن الانتصارات الدولية التي يحرزها الهلال باسم الوطن

Quote: قالو عندهم واحد اسمو همشرى خطير جدا يا بشاري .. قدر ما سألت خانتو شنو ..؟ مافى زول جاوبنى .. غايتو كان راس حربه .. ممكن ياخدو شرق ووسط افريقيا !!

إزيك يا ود البشاري؟

فاز بكأس الكؤوس عام 1990 فريق Lagos BCC Lions النيجيري الذي
يلعب الآن في دوري الهواة النيجيري.

أسي شوف الهلال وين (الحمد لله) وفريق Lagos BCC Lions ده وين.

بالمناسبة المريخ ذاتو وين أسّي؟ أقصد يعني موقعو شنو من دوري الأبطال؟

Quote: وتقليل شأن الانتصارات الدولية التي يحرزها الهلال باسم الوطن

يزداد يقينى يوما بعد يوم ..
أن الصفراب يفهمون الانتصارات الخارجيه باسم الوطن بصوره خاطئه ..
وربما يعود ذلك لانعدام التجربه ..
فهم لم يحرزوا نصرا يمكن تسجيله باسم الوطن بعد !!

حالتكم تحنن يا عديمين الشغله

العواسه غلبتكم تب

بقيتو للقطيعه بس


طياش المجموعات

Quote: العواسه غلبتكم تب بقيتو للقطيعه بس

عواستنا عسناها زمن ولا زلنا في الملعب
انتوا وين حقكم

Quote: أسي شوف الهلال وين (الحمد لله) وفريق Lagos BCC Lions ده وين

الهلال وين يعني؟
في دوري المجموعات والمحصلة صفر كالعادة إن شاء الله
وبس

Quote: هذا هو حال جميع البطيخاب غتدما اصبحوا يتكلمون بصوت الصدأ المقيتة التي تنشر مثل هذه المعلومات التي تريد بها تبخيس عرق رجال الهلال وتقليل شأن الانتصارات الدولية التي يحرزها الهلال باسم الوطن

وهكذا هو حال الصفيراب
كل من يقول رأيا فهو لمزمل ابو القاسم والصدى
نعشق المريخ قبل أن يأتي الوالي ومزمل ابو القاسم
وبعدين عارف مزمل دا اكتر زول حارق فشفاشكم

تحياتي

Quote: للضمان الأجابة :- ح يطوووووولوا و ياخدوا مدة * بس عارف المشكلة و ين !!!؟ المشكلة انهم ما ح يسكتوا كلو كلو و يشبكونا نحنا بنعلب في الادوار المتقدمة و نحنا بنصل النهايات

سفيان بشير نابري

سلام.. الكلام دا بقى ما يقسم معانا

Quote: المابتلحقو جدعوا ... ده البقت عليكم .. شفاكم الله

دا الكلام وستظل الانجازات هي الفيصل
بين المريخ العظيم والصفيراب

Quote: قالو عندهم واحد اسمو همشرى خطير جدا يا بشاري .. قدر ما سألت خانتو شنو ..؟ مافى زول جاوبنى ..

يا محمد حيدر يااااخ ماف داعي للاسئلة التعسفية دي
انت من الله خلقك شفت ليك هلالابي بتغالط ؟
او هلالابي ممكن يقتنع بكلامك ؟
غايتو الناس دي لو لحقت جابت ليها كأس من بره
تاني الا نطلع نخلي ليهم السودان والبورد دا ... والله صحي

Quote: دا الهلال ...بنهواه نعشقو للابد

وهذا هو محور سؤالنا
بتعشقوه لشنو ؟ ومتى سنشاهد الهلال ينال كأس خارجي
حالتكم تحنن يا أحمد الامين

Quote: Never

انا زاتي بقول كده يا حبيب

Quote: ياود البشاري نشيل وننصح فيك ما تمشي السودان ما تمشي لو ده رايك في فريق الهلال امشي قشة ما تعتر ليك وان شاء الله تسكن في حفرة النحاس

هههههههههههههه
انت زعلته ولا شنو يا دكتور

Quote: والله يا المريخاب حيرتونا انتو ما تكتبو في فريقكم الطلع من دور الما عارف كم

تقول شنو يااااخ
عايزينكم تسوا لكم حرارة في قلوبكم دي
وتجيبوا ليكم كأس من بره

تحياتي

ود البشــرى

كيفك .. قلت آخر مبارة للمريخ على قناة مشفرة كانت متين ؟
بجيك الجواب في سياق هذه الاجابة ..

Quote: لكن الممكن افيدك بيه انو الهلال يسعى بجدية لتحقيقه و الدليل مشاركاته و سيرته في آخر خمسة سنوات

يا ود البشــرى المحصلة النهائية شنو لهذه المشاركات
ما تقول تصنيف وبتيخ ()
في العاب القوى وبالذات في سباقات المسافات الطويلة
في عداء اسمه المهماز مهمته الاساسية رفع معدل سرعة المتسابقين
بجري قدام المتسابقين عشان العدائيين يجروا وراهو
وبذلك يرفع معدل سرعة السباق .. ودا القاعد يعملوا الهلال
على فكره المهماز دا ما عنده أمل في الفوز بالسباق ولا من أجندته
وهذا أبلغ وصف حال الهلال في البطولات الافريقية

Quote: باضافة ثلاثة فرق سودانية تشارك في البطولتين - وتطير من عصرا بدري ( ) - بفضل نتائجه المتقدمة

ما هي محصلة مشاركة الهلال خلال الخمسة سنوات الماضية
هل وصل لنهائي أياً من البطولتين؟
اها تعال للمريخ عشان اخليك تشوف الحقيقة
عام 2007 لعب المريخ نهائي الكونفيدرالية وانهزم
أنتوا حقكم وين؟
ومتين كان الطيران من بدري عيب
كبار الفرق بحصل معاها كدا وعادي السنة دي كدا
السنة الجاية أفضل باذن الله

Quote: و المتابع لسيرة الهلال يجد انه وصل لدور المجموعات اربعة مرات في آخر خمسة مشاركات و الخامسة وصل لمجموعات الكونفيدرالية - الفرق السودانية الاخرى لم تصل لهذا الدور سوى مرة واحدة و تذيل الفرق المشارك حينها ترتيب المجموعتين

يا ودا البشرى ما تبالغ ياااااخ
نهائي الكونفيدرالية عام 2007 كان بين منو ومنو؟
اها الهلال وطيلة هذه المسيرة محصلة صفر كبير
مشاركة مهماز بس

Quote: بل يؤمن بمبدأ أن اي مشاركة و اخفاق هي خطوة في مشوار سيصل بإذن الله

متين يااااخ
لقد هرمنا... وهرمنا
ولا زلتم في انتظار هذه اللحظة التاريخية
والمريخ لم يستكين للاطلال
أخذ كأس مانديلا عنوة واقتدار 1989
وفي عام 2007 كان في النهائي
ولا يزال يحاول لتجديد الكرة والهلال محلك سر
هذا وإن عدتم عدنا يا ود البشرى
الهلال مستقر فنيا واللاعبين الفيهو برضو ليهم كم سنة
بلعبوا مع بعض وحافظين بعض كويس
عكس المريخ يمر بمرحلة تجديد انتهى جيل ابراهومة وخالد وعبد السلام
ولا زالت عملية التجديد جارية .. ودا الفرق لو بتعرف كورة كويس

الامين


شفت كلام ود البشري النباذ دا صحيح جدا

وكلما نحن الصفوة ذكرناهم بالصفر العنيد

ازدادوا حماسة ووصلوا لدوري الاربعة

يعني وصولهم لدوري الاربعة سببه نحن ولا احد غيرنا


اصلوا السوداني مابجي الا بالاستفزاز

كلما تذكروا حكاية الصفر العنيد يلعبوا برجولة

وحماس يحيرنا في حنانا وننسي انو نحن السبب

ياصفوة تريثوا ، كيف تحكمون ، ودعوا اهل الصفر وشانهم

كلما طنشناهم استمسكوا بعروة صفرهم الوثقي ..

Quote: كلما تذكروا حكاية الصفر العنيد يلعبوا برجولة

ان شاء الله يجيبوا مريسة التامزينا بس
بعد كل دا

Quote: يزداد يقينى يوما بعد يوم .. أن الصفراب يفهمون الانتصارات الخارجيه باسم الوطن بصوره خاطئه .. وربما يعود ذلك لانعدام التجربه .. فهم لم يحرزوا نصرا يمكن تسجيله باسم الوطن بعد !!

دي النجيضة التي يتهرب منها الهلالاب

وبعد ما نجيب الكأس الناس الطلعت من دور مااااافي ديل

بمشوا وين ؟؟؟؟

Quote: وبعد ما نجيب الكأس الناس الطلعت من دور مااااافي ديل بمشوا وين ؟؟؟؟

ولا محل .. سوف يحلق فايز ود القاضي شنبه
واحتمال انا معاهو
وبعدين جيبوا الكاس ولكل حادث حديث

()

Quote: سوف يحلق فايز ود القاضي شنبه

انتو مافى هلالابى حلف انو يحلق شنبو لو الهلال ما أخد اول بطوله ..
وين ناس خليل وودالبشري ؟!!
عافى منك آ فايز

Quote: متى سنشاهد الهلال ينال بطولة خارجية على قناة مفتوحة أو مشفرة!!

نصيحة لوجه الله ..


يا أخوانا مشكلة أبو الهل إنو رافض التدرج
يعني ما عايز يجيب كاس صغير ثم متوسط ثم كبير

عاوز طوالي هوب يجيب الأبطال ودي قوة راس منو
عشان يمسح كاسات المريخ بي ضربة واحدة .. ودي
طبعا مجازفة لا تخلو من تهور وحماقة وضياع زمن
والنتيجة دايما بتكون محبطة ومؤسفة والله .....

والله ياهو عدم الشغله


خليتو دلاقينكم بقيتو تفتو في اسياد البلد


عجيبه هي العطاله والقعده في البيت

Quote: والله ياهو عدم الشغله خليتو دلاقينكم بقيتو تفتو في اسياد البلد عجيبه هي العطاله والقعده في البيت

عباس

أكتب ليك حاجة مفيدة كدا عليك الله
متى سنشاهد الهلال يأخذ بطولة خارجية ؟
دا الكلام ودا السؤال!!

أكتب ليك حاجة مفيدة كدا عليك الله
متى سنشاهد الهلال يأخذ بطولة خارجية ؟
دا الكلام ودا السؤال!!


عليك الله في افيد من دي


العطاله بتعاتكم خلتكم مبارين سيد البلد من محل لي محل

اشتريت ليه كرت الجزيره عشان تشوفو

شوفو فريقكم التعبان ده خلونا عاجبنا هلالنا بي حالو ده انتو مالكم

Quote: يا أخوانا مشكلة أبو الهل إنو رافض التدرج يعني ما عايز يجيب كاس صغير ثم متوسط ثم كبير

ولد دا كأس الابطال مره واحدة ؟
ويلعب المباراة النهائية لكأس اندية العالم
ضد برشلونة وعيييييييييييييييييييييييييييييييك

Quote: نتو مافى هلالابى حلف انو يحلق شنبو لو الهلال ما أخد اول بطوله .. وين ناس خليل وودالبشري ؟!! عافى منك آ فايز

يعني أنت ما عارف الناس ديل رجافين يا محمد حيدر
ولا عايز شنباتهم يروحهن سمبلا كدا ؟
مع ابو الهل الما مضمون دا

()

ود البشاري كان الهلال بوصوله المتكرر لدور المجموعات و دور الاربعة كالمهماز البرفع درجة التحدي في السباق كدي شبه لي حال المريخ البطير من دور مافي قبل ما باقي العدائين يبدو السباق زاتو
اغلب الظن ح تقول لي دورو اشبه بالمدلك البساعد العداء على ارخاء عضلاته او ارض المضمار نفسها و احسن الظن يكون اشبه بالمسدس الذي يطلقه الحكم ايذانا ببدء السباق
يا ود البشاري بديهي انو كلامي عن دوري الابطال و لذلك ذكرت ان الهلال وصل لدوري مجموعاته اربع مرات في آخر خمسة سنوات
الخامسة هي للكونفيدرالية , ومن البديهي ايضا ان المرة الوحيدة التي عنيتها بقولي "وصل فيها فريق سوداني آخر- وتذيل المجموعتين ( ) يعني جا الطييييييش - هي عن دوري الابطال
انتو يا الوصيفاب كلكم فرمة واحدة ولاّ شنو ؟ عاين زي الجهلول مثقفاتي القوقل عب لطيف مين كدا يقول شنو يقول وصولنا لدور الاربعة سببو الوصيفاب ههههههههههههههه
طيب سبب طيرانكم من دور تست تست ون تو ثري شنو ؟
ياخي ليه حق كان كدا صحفيكم النجيب و كاتبكم النحرير يصف قون اتوبونج بالكرة الطائشة في السماء التي سقطت على رأسه
وتلقاكم اسي مقتنعين بكلامو دا

ود البشرى

يااااخ بطل حركات الهلالاب دي وركز معاي في النقاش دا

Quote: ود البشاري كان الهلال بوصوله المتكرر لدور المجموعات و دور الاربعة كالمهماز البرفع درجة التحدي في السباق كدي شبه لي حال المريخ البطير من دور مافي قبل ما باقي العدائين يبدو السباق زاتو

يا ود البشرى المشاركة في الدور النهائي من أجل المشاركة فقط
لا أمل لكم في كأس ولا بتصلوا ليهو أقصد ما تعملوا عشان
تشيلوا ليكم كاس خارجي... واذا كنت بتعد مجرد اللعب في دور ال 8
انجاز خلاص مبرووك عليكم .. لكن حتشيلوا كاس متين ودا السؤال
المطروح في البوست...
اسي ما في فرق كتيرة كل سنة بتشارك في الادوار النهائية يعني دا انجاز
الارسنال نموذجن ..
المريخ أنا قلت ليك يمر بمرحلة انتقالية في تجديد لاعبيه وكونه يخرج السنة دي
بدري شوية ما مشكلة ... وبعدين شايفك اتجاوزت انو المريخ وصل لنهائي الكونفيدرالية
وبعدها تم زيادة عدد الفرق السودانية الى 4 فرق وليس بسبب مشاركة الهلال وحسب
وبعدين ما ملاحظ المريخاب كلهم بتكلموا عن انجازات ونتائج ايجايبية
عكسكم انتوا وكأن المشاركة في دوري المجموعات هي غاية احلامكم


تحياتي

ود البشاري انا المحتاج اركز في النقاش ولاّ انت

Quote: لكن حتشيلوا كاس متين ودا السؤال المطروح في البوست...

وجاوبتك عليه اول شي وقلت ليك دا امر في رحم الغيب علمه عند المولى عز وجل فقط
باقي كلامي كان اضافات و خائنات بصرية زي ما قلت ليك
وفيه بتلقى رد على الجزئية دي

Quote: المشاركة في الدور النهائي من أجل المشاركة فقط لا أمل لكم في كأس ولا بتصلوا ليهو أقصد ما تعملوا عشان تشيلوا ليكم كاس خارجي... واذا كنت بتعد مجرد اللعب في دور ال 8 انجاز خلاص مبرووك عليكم

ووين انا قلت ليك الهلال عمل انجاز بوصوله لدور التمانية , كلامي كلو عن اننا نسعى وبقوة وجدية وعمرنا ما وقفنا على اطلال وبيضة ديك - توجد خائنة اخرى هنا - وربعنا يدينا وقلنا جلا

Quote: المريخ أنا قلت ليك يمر بمرحلة انتقالية في تجديد لاعبيه وكونه يخرج السنة دي بدري شوية ما مشكلة ... وبعدين شايفك اتجاوزت انو المريخ وصل لنهائي الكونفيدرالية وبعدها تم زيادة عدد الفرق السودانية الى 4 فرق وليس بسبب مشاركة الهلال وحسب وبعدين ما ملاحظ المريخاب كلهم بتكلموا عن انجازات ونتائج ايجايبية عكسكم انتوا وكأن المشاركة في دوري المجموعات هي غاية احلامكم

انت يا خوي بتقرا كلامي انا ابو حتوت دا وبترد عليه ولا بترد على كلام تاني
كدي عليك النبي اقرا مداخلتيني ديلاك تاني واقرا ردودك عليهن
كان لقيت انك محتاج تراجع كلامك خير وبركة وكمان كان ما لقيت شي محتاج مراجعة مافي مشكلة
ما كرة طائشة اخرى وسقطت في راس اتوبونج هههههههههههههه


ود المشرف ياخوي دي مخاتلة ( ) منك ساي
شنبي دا عزيز علي وقام بعد تعب, لا يمكن ارهن مصيره بديمبا و المعز ابدا
كدي شوف خليل

عشت موفور السبيب ياشنبي ..هيييييييييييع ..

عشت موفور السبيب ياشنبي ..هيييييييييييع ..



والله شنك يا ود القاضي موقفو صعب لي اسي



خلينا نشوف قدام البيحصل شنو

عليك النبي يا ود القاضي هو وينو الشنب العايز تراهن بيه على كاس قدر دا
علي اليمين كورة مريخ حلفا كتيرة عليه

Quote: عليك النبي يا ود القاضي هو وينو الشنب العايز تراهن بيه على كاس قدر دا علي اليمين كورة مريخ حلفا كتيرة عليه

تصدق ياود البشري شنبي مخففه على مقدار هلالاكم..مكتر عليهو الشنب الكتير ..

ودالقاضي سلام ورمضان كريم

Quote: عشت موفور السبيب ياشنبي ..هيييييييييييع ..

إن شاء الله السنة دي شكلك حالقوا طوااالي

الصادق

Quote: عشت موفور السبيب ياشنبي ..هيييييييييييع ..

نوم نومك ساي يا قريبي
السنة دي شنبك الحبة ما تجيهو تب
هييييييييييييييييييييييع

Quote: فاز بكأس الكؤوس عام 1990 فريق Lagos BCC Lions النيجيري الذي يلعب الآن في دوري الهواة النيجيري. أسي شوف الهلال وين (الحمد لله) وفريق Lagos BCC Lions ده وين.

Quote: الهلال وين يعني؟ في دوري المجموعات والمحصلة صفر كالعادة إن شاء الله وبس

قلت لي المجموعات وبس يا الأمين؟

هل سمعت بفريق Lagos BCC Lions النيجيري من قبل؟

أكاد أجزم أن الإجابة هي لا، وهو ما يدعم وجهة نظري:

حقيقة أن الهلال لم ينل كأساً قارية لا تنفي أنه أحد الفرق الكبار في إفريقيا،
وهو أمر لا أحتاج -أنا الهلالابي- لقوله أو حتى استجداء غيري لقوله. وكون
أن فريقاً ما نال كأساً قارية في وقت ما فهذا لا يشفع له دون تدعيم ذلك بنتائج
جيدة تجعل له اسماً بين أفضل فرق إفريقيا.

كتب موقع هيئة الإذاعة البريطانية (BBC) عن الهلال عام 2008:

Quote: The most successful Sudanese club in Africa reached the semi-finals last year before falling to eventual champions Etoile du Sahel of Tunisia after a seven-goal, two-leg thriller

المصدر: Al-Hilal keen on Champs Lge final

لماذا وصف موقع BBC الهلال بأنه أكثر الفرق السودانية نجاحاً على الصعيد
الإفريقي؟

وحتى إن نالها فهى بطولة مفتوحة بحكامها ومشفرة بهامشيرها
والهمشرة كود تشفيرى حديث عهد، ليس الأول زمانه ولن يكن الأخير

Quote: كتب موقع هيئة الإذاعة البريطانية (BBC) عن الهلال عام 2008: Quote: The most successful Sudanese club in Africa reached the semi-finals last year before falling to eventual champions Etoile du Sahel of Tunisia after a seven-goal, two-leg thriller المصدر: Al-Hilal keen on Champs Lge final لماذا وصف موقع BBC الهلال بأنه أكثر الفرق السودانية نجاحاً على الصعيد الإفريقي؟

الأخ أحمد الريح
تحياتى
ال BBC ما كتاب قرآن منزل .. وحقو تتحرى من هو مراسلها بالسودان
وما إستشهد به المراسل عام 2008 ، مبنياً على وصول الهلال نصف النهائى
عام 2007 ، ففى نفس العام وصل المريخ نهائى الكونفدرالية.
فمقولته كلام والسلام أراد به المراسل تأييد توقعات ريكاردو بوصول
الهلال للنهائى فى عام 2008 (وقت التصريح إبان دور الثمانية)،
ولإنه كلام والسلام كانت المحصلة تزيل الهلال لمجموعته فى دور الثمانية
والمريخ فى ذاك العام كان ينافس وقريباً من أن يتصدر للوصول لنهائى
الكونفدرالية للمرة الثانية .. وقد جاء عام 2009 ليقع المريخ والهلال
فى مجموعة واحدة فى دور المجموعات .. ترأس المجموعة المريخ، أى أن
المريخ هو الأكثر نجاحاً أفريقياً حسب التقييم الرسمى ، وليس ما ورد
فى مقال ال BBC >> بل إستفاد الهلال من نجاح المريخ الأفريقى
ليشارك كفريق ثانى فى دورى الأبطال مع بطل الممتاز السودانى
المريخ فى 2009 .

*

Quote: ال BBC ما كتاب قرآن منزل .. وحقو تتحرى من هو مراسلها بالسودان وما إستشهد به المراسل عام 2008 ، مبنياً على وصول الهلال نصف النهائى عام 2007 ، ففى نفس العام وصل المريخ نهائى الكونفدرالية. ----- وقد جاء عام 2009 ليقع المريخ والهلال فى مجموعة واحدة فى دور المجموعات .. ترأس المجموعة المريخ، أى أن المريخ هو الأكثر نجاحاً أفريقياً حسب التقييم الرسمى ، وليس ما ورد فى مقال ال BBC

سلامات يا نادر الفضلي.

اتجاهك للتقصي عن مراسل BBC في السودان يؤكد أنك تودّ أن يكون
كاتب الخبر هلالياً لتنفي عنه صفة الحياد. عموماً، الخبر ليس عن
الهلال بصفة حصرية، بل هو تقرير عن مباريات إحدى جولات دوري
الأبطال 2008.

ليس موقع BBC وحده من وصف الهلال بذلك، بل إن موقعاً كينياً
وصف الهلال بالفريق الأكثر نجاحاً في السودان قبل لقاء الهلال
الإعدادي مع فريق سوفاباكا الكيني:

Quote: Al-Hilal is the most successful club in Sudan and is ranked first in Africa according to the latest IFFHS World Club ranking index. The club was founded on February 13, 1930 in the city of Omdurman and has won the Sudan Premier League six times in the last seven seasons

Sofapaka land Sudanese club Al Hilal’s invitation

موقع الاتحاد الدولي لكرة القدم (FIFA) أشار في تقرير له إلى أن
الهلال من ضمن "الفرق ذات السيادة المحلية" في إفريقيا والسبب هو
أنه أكثر الفرق فوزاً بالدوري السوداني:

Quote: Twenty four league titles was the landmark reached by Côte d’Ivoire’s ASEC Mimosas on Saturday as they retained the championship with two games to spare. The Abidjan outfit, who crossed the finishing line despite losing 2-1 at struggling Denguele, can now claim to be the joint-third most dominant domestic force on the African continent. Locked together with Ethiopia’s Saint George on 24 national titles, ASEC only trail Al Hilal of Sudan, with 25, and Egyptian giants Al Ahly, who lead the way with a staggering 35

HERE

قلت أنت: "المريخ هو الأكثر نجاحاً أفريقياً حسب التقييم الرسمي" وهذا
حديث غير صحيح لأن تصنيف الفرق لاختيار رؤوس المجموعات مبني
على حساب عدد نقاط الفرق من واقع مشاركاتها في آخر 5 سنوات،
وبحساب عدد النقاط منذ بداية منافسات الأندية الإفريقية فإن الهلال
-فعلاً- هو أكثر الفرق السودانية نجاحاً على الصعيد الإفريقي.

الأخ أحمد الريح
الموضوع بال BBC عن مباريات إحدى جولات المجموعات لا تنفى بأن اللقاء والتصريح مع ريكاردو
والمعلومات بشأن الهلال من مصدر ومراسل سودانى .. مهما كانت لونيته فتعقيبى عليه
كما جاء فى مداخلتى السابقة مبنى على مبنى عليه كلامه عن نجاح الهلال أفريقياً
(لوصول الهلال دور الأريعة فى عام 2007 ) ولم يبنيه على عشرين سنة للوراء
العام المذكور والذى يليه 2008 كان المريخ متفوقاً، وتصنيف الكاف بين ذلك بترأس
المريخ مجموعة من ضمنها الهلال فى 2009 .. بل الهلال نال حظ المشاركة كوصيف للمريخ
فى الممتاز ليس بسبب عشرين سنة لوراء بل بسبب نتائج الخمس سنوات الأخيرة أفريقيا
وأكيد ليس بسبب تفوق محلى لمدة خمسة أو ثلاثين سنة.

مداخلتك الأولى كانت عن النجاحات الأفريقية وليس المحليه، فإقتباسك من موقع
الفيفا يتحدث عن التفوق المحلى، وإن حملت العبارات كلمة أفريقيا.
فهو إقتباس خارج نقطة النقاش الأصلية (النجاحات الأفريقية التى عنيتها انت)
أما كلام الموقع الكينى وزنه مثل فريق سولفاكيا، وكذلك مصدره إحصائيات فشنق
غير علمية والمرجح معلومة مصدرها الهلال .

Quote: الموضوع بال BBC عن مباريات إحدى جولات المجموعات لا تنفى بأن اللقاء والتصريح مع ريكاردو والمعلومات بشأن الهلال من مصدر ومراسل سودانى .. مهما كانت لونيته فتعقيبى عليه كما جاء فى مداخلتى السابقة مبنى على مبنى عليه كلامه عن نجاح الهلال أفريقياً (لوصول الهلال دور الأريعة فى عام 2007 ) ----- تصنيف الكاف بين ذلك بترأس المريخ مجموعة من ضمنها الهلال فى 2009 .. بل الهلال نال حظ المشاركة كوصيف للمريخ فى الممتاز ليس بسبب عشرين سنة لوراء بل بسبب نتائج الخمس سنوات الأخيرة أفريقيا ----- مداخلتك الأولى كانت عن النجاحات الأفريقية وليس المحليه

سلامات يا نادر.

أولاً: لا يوجد ما يؤكد أن كاتب تقرير BBC سوداني، ناهيك عن أن يكون هلالابياً،
ولا يوجد ما يشير إلى أنه استند إلى نتائج عام 2007 في وصفه للهلال بأنه أكثر
الفرق السودانية نجاحاً على الصعيد الإفريقي.

هذه مجرد تخميات منك، والحقيقة هي أن التقرير وصف الهلال وصفاً مطلقاً غير
مقيد بفترة زمنية.

ثانياً: تحديد الدول التي تشارك بفريقين في كل من دوري الأبطال والكونفدرالية
يكون بنتائج الفرق في المنافسات الإفريقية في 5 سنوات ليس من بينها السنة
السابقة، ووفقاً لذلك فإن نتائج 2003-2007 هي ما حدد مشاركة الهلال و
المريخ معاً عام 2009، وكانت نقاط الهلال أكثر من نقاط المريخ لتلك الفترة
( 17 نقطة مقابل 15 نقطة). تحديد أوائل المجموعات شمل الفترة 2004-
2008، وفيها كانت نقاط المريخ 22 مقابل 18 للهلال.

ثالثاً: لا معنى لإنكارك ما ورد في موقع BBC لأنك تعلم جيداً أن الأفضلية
للهلال وِفق حساب عدد النقاط الكلي منذ انطلاق منافسات الأندية الإفريقية،
ودليل ذلك أنك وصفت حساب عدد النقاط بالتقييم الرسمي.

رابعاً: الأفضلية للهلال محلياً وإفريقياً، وهو أمر لا يُنقص من قدر المريخ،
فهو الفريق الثاني في السودان، وسيظل كذلك حتى يتفوق على الهلال في
عدد مرات الفوز بالدوري، وحتى يحقق نتائج أفضل منه في المشاركات
الإفريقية.

Quote: متى سنشاهد الهلال ينال بطولة خارجية على قناة مفتوحة أو مشفرة

حباب بشاري


مانا مستعجلين ولا موجرين عجلة


السنة دي السنة الجاية بعد عشرين سنة


المهم


شفنا هلال بنريدو غير علة

نادر الفضلي واحمد الريح

تحياتي وبالجد أنا مستمتع بحواركم الفوق دا
حوار بالوثائق .. والحقائق والمستندات

Quote: حباب بشاري مانا مستعجلين ولا موجرين عجلة السنة دي السنة الجاية بعد عشرين سنة

ابو الخل

رمضان كريم وتصوم وتفطر على خير
أريت الهلالاب كلهم زيك كدا
..
..

بعد عشرين سنة حتكونوا هرمتوا يااااخ

اطرد الاحلام يا جميل واصحى

الأخ أحمد الريح سلام

لفائدة النقاش والقراء المتابعين أورد فحوى الرابط المعنى أدناه. نقلت المقال فيما عدا أسطر قليلة فى اخره ليس لها علاقة بالسودان:

المقال توقيته قبل بضع أيام من مباراة الرد بالمقبرة بأم درمان بين الهلال والقطن الكاميرونى فى دور المجموعات عام 2008
العنوا ن والسطرين الأولين بالمقال مقدمة عن أن الهلال واثق من الفوز على القطن، ومدربه ريكاردوا تباهى بأن الهلال بإمكانه الوصول لنهائى البطولة الأفريقية لأول مرة
المدرب البرازيلى فريرا ريكاردو واثق من وصول نهائى البطولة وأن لاعبيه وصولوا مستوى جديد من الإحترافية ....
ثم جاءت الجملة (بالأزرق) التى إقتبسها أحمد الريح موضوع النقاش (نجاحات الهلال أفريقياً) .. ساتناولها بالتفصيل فى مداخلة تالية
ثم ورد أن ن ريكاردو مقتنع بأنهم سيتقدمون فى المنافسة بعد إنتصروا بارضهم على أنيمبيا 3 /2 وأعقبوه بتعادل 0/0 مع مازمبى بأرضه، لقد لعبنا جيداً بالكنغو بخطة دفاعية جيدة، لم تتح أبداً للمنافس فرصة لتهديدنا (مرمانا). مازمبى لم يكن يستطع إحراز هدف حتى لو إستمرت المباراة ليومين
ثم تعليقاً (بالأحمر) .. الهلال لسنوات عديدة يلعب هائلاً أمام 35000 من جمهوره فى أحوال أشبه بالساونا (تشبيها لشدة الحرارة) ولكنه بإنتظام يعانى بعيداً عن أنصاره (مباريات أرض الخصم)
أعقبته أسطر لا تهمنا عن فرق أخرى، ثم السطرين الأخيرين بالإقتباس أدناه :
جدولة المنافسة جمعت إثنين من هدافي أفريقيا القاتلين (كناية عن براعتهم التهديفية) إستيفن وارقو لديه 11 هدف فى البطولة الحاليه، وموبوتو مابى الذى إعتلى صدارة الهدافين بتسعة أهداف العام الماضى.

ملاحظة: الجملة موضوع النقاش (نجاحات الهلال ..) جاءت فى وسط تصريحات ريكاردو .. هل هى من ضمن تصريحاته؟ سأتعرض لها تفصيلاً فى المداخلة التالية
ملاحظة أخرى تعليق معاناة الهلال بصفة منتظمة خارج أرضه .. دا الفريق السودانى الأكثر نجاحاً أفريقياً !! هل هى فى سياق تعليق ريكارو، وردت عقب تعليقه عن تعادلهم بخطة محكمة بالكنغو، أى يعطى نفسه (نجاحا) بأن الهلال أصبح لا يعانى بارض الخصم ؟؟!
إليكم النص بالإنجليزى، وسأعود لأعلق تفصيلاً على فقرة (نجاح الهلال ...)

Quote: * Al-Hilal keen on Champs Lge final Al Hilal are confident of victory over Cotonsport Garoua Al-Hilal coach Ricardo Ferreira has boasted that the Sudanese club can reach the Champions League final this year for the first time[/bue]. The Brazilian was speaking ahead of a crucial Group B third round clash with Cameroon visitors Cotonsport Garoua on Friday in their Omdurman fortress. "I have no doubt we will reach the final this year because my players have attained a new level of professionalism," Ferreira said. "They are maturing all the time," added the man who has been in charge for four years. The most successful Sudanese club in Africa reached the semi-finals last year before falling to eventual champions Etoile du Sahel of Tunisia after a seven-goal, two-leg thriller. Ferreira is convinced Hilal can go further after following up a 3-2 home win over group favourites Enyimba of Nigeria by forcing a 0-0 draw with TP Mazembe in the DR Congo two weeks ago. "We played well in the Congo due to good defensive organisation which never gave our opponents a chance to threaten us. TP Mazembe would not have scored had the match lasted two days." Hilal have been formidable for many years before capacity 35,000 crowds in the sauna-like conditions of Omdurman, but consistently struggled away from their partisan supporters. Group debutants Cotonsport lost French coach Denis Lavagne after snatching a injury-time home win over TP Mazembe and were outplayed by Enyimba in their first away assignment. Former champions Enyimba host bottom-of-the-table TP Mazembe in the south-east town of Aba on Sunday and will be expected to collect maximum points over rivals who have failed to score in two group outings. This fixture brings together two of the deadliest strikers in Africa with Stephen Worgu having struck 11 Champions League goals this year while Mputu Mabi of Mazembe was the leading scorer with nine last year *

... يتبع

Quote: The most successful Sudanese club in Africa reached the semi-finals last year before falling to eventual champions Etoile du Sahel of Tunisia after a seven-goal, two-leg thriller الفقرة نقلتها بضبانتها من الموقع (الألوان من عندى) لغوياً فى فهمى لها أترجمها كما يلى: "الفريق السودانى الأكثر نجاحاً (إنجازاً) أفريقياً بوصوله نصف النهائى السنة الماضية قبل أن يسقط فى نهاية المطاف أمام البطل النجم الساحلى التونسى إثر مبارتيهما ذات السبع أهداف."

سلامات يا نادر.

أولاً

قبل أن تسترسل، لا بدّ من الوقوف عند ترجمتك الخاطئة لما ورد في موقع
BBC، إذ لا يُعقل أن تترجم مفردة "reached" ضمن السياق أعلاه إلى
"بوصوله"!

هناك صيغ عديدة -ليس من بينها هذه الصيغة- كان يمكن للكاتب أن
يتبناها ليقول إن الهلال كان الفريق السوداني الأكثر نجاحاً عام 2007
لأنه وصل لنصف نهائي دوري الأبطال.

ثم إن الهلال كان هو الفريق السوداني في دوري الأبطال 2007، اللهم
إلا إذا كنت أنت تتفق مع الكاتب على أن الوصول لنصف نهائي دوري
الأبطال أمر أفضل من التأهل لنهائي الكونفدرالية.

ثانياً

ألا ترى أنك تناقض نفسك وأنت ترفض وصف الهلال بالفريق السوداني
الأكثر نجاحاً إفريقياً في الوقت الذي تعتبر فيه أن حساب عدد النقاط
هو "التقييم الرسمي"؟

عدد النقاط الكلي منذ انطلاق منافسات الأندية الإفريقية هو ما يمنح
الهلال وصف الفريق السوداني الأكثر نجاحاً على الصعيد الإفريقي،
وهي ذات الطريقة التي جعلت الاتحاد الإفريقي يتوّج الأهلي المصري
فريقاً للقرن العشرين.

Quote: سلامات يا نادر. أولاً قبل أن تسترسل، لا بدّ من الوقوف عند ترجمتك الخاطئة لما ورد في موقع BBC، إذ لا يُعقل أن تترجم مفردة "reached" ضمن السياق أعلاه إلى "بوصوله"! هناك صيغ عديدة -ليس من بينها هذه الصيغة- كان يمكن للكاتب أن يتبناها ليقول إن الهلال كان الفريق السوداني الأكثر نجاحاً عام 2007 لأنه وصل لنصف نهائي دوري الأبطال.

الأخ أحمد الريح
تحياتى
لم تأت بجديد وفسرت الماء بعد الجهد بالماء، الصياغتين فى الترجمتين المعنى فيهما واحد ويتفق مع الصياغة باللغة الإنجليزية لل BBC، ومفردة وصول ، وصل ، حيث وصل .. لا تفرق ، المطلوب مضمون ما تحمله الفقرة، بغض النظر عن حرفية الترجمة

أراك تصرف الأنظار وتتجاهل خلاصة مداخلتى. فأنت أتيتنا بإقتباس ولنك ال BBC ولونت العبارة التى صادفت هواك، لتقل لنا ال BBC وصف الهلال أكثر الفرق السودانية نجاحاً على الصعيد الإفريقي؟ على أنه وصف مطلق، وهذا تحريف واضح عما جاء بموقع ال BBC . أرجو أن تعطنى رأيك فى خلاصة مداخلتى السابقة، أوردها لك مرة أخرى:

والشاهد أنه سواء المعنى نصف نهائى واحد لعام 2007 ، أو نصف نهائيات لعشرات السنين .. فالعبارة لا تحتمل على الإطلاق ما ذهب إليه أخونا أحمد الريح (أكثر الفرق السودانية نجاحاً فى أفريقيا)، وحتى بمفهومه المقصود نجاحات لسنين طوال فالصحيح أن يقول (أكثر الفرق السودانية نجاحاً فى أفريقيا فى الوصول لنصف النهائيات) .. وشتان ما بين المعنى فى العبارتين !!

(الكلام مبنى على عبارة ال BBC ) خلينا فى النقطة الرئيسية أساس النفاش (كلام ال BBC ) .. بعدين بجيك فى مسألة نقاط السنين والرسمى

Quote: والشاهد أنه سواء المعنى نصف نهائى واحد لعام 2007 ، أو نصف نهائيات لعشرات السنين .. فالعبارة لا تحتمل على الإطلاق ما ذهب إليه أخونا أحمد الريح (أكثر الفرق السودانية نجاحاً فى أفريقيا)، وحتى بمفهومه المقصود نجاحات لسنين طوال فالصحيح أن يقول (أكثر الفرق السودانية نجاحاً فى أفريقيا فى الوصول لنصف النهائيات) .. وشتان ما بين المعنى فى العبارتين

سلامات يا نادر.

بدأتَ أولاً بالتشكيك في حياد كاتب تقرير BBC، ثم انصرفت بعد ذلك
لترجمة ما أورده ترجمة غريبة حقاً، وغير مقنعة، لتجعل المقصود منه
ذا معنى يوافق ما أنت مقتنع به، وما هكذا تكون الترجمة!

The most successful Sudanese club in Africa reached the semi-finals last year

يمكنك إبدال الجزء "The most successful Sudanese club in Africa"
باسم الهلال، وستكون الترجمة:

"الهلال وصل لنصف النهائي في العام الماضي"، أي، وبكل
بساطة، إبدال الموصوف بالصفة، وهو أمر مألوف.

هذه هي العبارة، واضحة المعنى، ولا تحتاج تطويلاً في شرحها. لم يرد
فيها اسم الهلال، بل وصفه: الفريق السوداني الأكثر نجاحاً على الصعيد
الإفريقي.

من حقك طبعاً أن تختلف مع وصف كاتب BBC للهلال، لكنك لن تستطيع
أن تغير ما قصده، فهو واضحٌ لا لَبس فيه.

بقي أن تُبين لنا كيف توافق على أفضلية المريخ وفق عدد معين من
السنوات ثم ترفض إعمال ذات الطريقة لتأكيد أفضلية الهلال في
الفترة بين انطلاق منافسات الأندية الإفريقية وحتى هذه اللحظة.

الأخ أحمد الريح
سلام
العبارة جاءت وسط كلام مدرب الهلال، مهما كان تفسيرها، فلو صدرت منه فلا تعط وزناً كمرجع أنها وردت فى BBC Online
والمقال لم يأت بمعلومة مختصرة عن الهلال، مثل ما جاء فيه من معلومات مختصرة عن بعض الأندية الأخرى فى المنافسة
بل كان لقاء وتصريح مطول من مدرب الهلال فى وسطه العبارة المذكورة، ولأنه لقاء مع المدرب فذلك يرجح المراسل محلى،
وبغض النظر عن حيدته، فالمعلومة إن لم تصدر من ريكاردو فصدرت من المراسل، ومحشورة حشراً، أيضاً لا يضيف لها وزناً انها وردت
فى ال BBC online .

وفى كل الأحوال ذكرها كان غريباً ومحشورة حشراً، وفى مثل هذه الأخبار يعرف النادى بأنه حامل اللقب السابق، أو فى رصيده
كذا يطولة أو بطولات، أو أنه العام الماضى وصل النهائى، ولكن ليس مثل هذا التعريف عن نجاحات ساى كده غير مطعمة ببطولة،
لإحصائية لا يهتم بها إلا أنصار نادى من لا بطولة له (ويالسودان فقط.)، ولا تهم القارئ، ولا تعط وزناً للفريق لتعريفه وسط
منافسيه أصحاب البطولات، فالهلال بينهم أنه سعى للبطولات ولكن لم ينجح أحد.

أما عن أفضلية المريخ عام 2008 فإستشهدت يالتقييم الرسمى للكاف لنتائج الخمس سنوات الأخيرة للتذكير والتأكيد أنه
آنذاك نتائجه الأفضل، لأن المقال المعنى ذكر وصول الهلال لنصف النهائى عام 2007 ، ويتحدث عن نجاحات أفريقية. ولو كان
المقال عن المريخ يمكن أن تكون العبارة مبلوعة لو ذكر وصوله نهائى الكونفدرالية فى العام المضى، مدعومة بأنه فى
رصيده بطولة قارية، وبطولتين إقليمتين. حتقول لى البطولات الإقليمية لا تحسب فى نقاط تقييم الأندية للكاف. هذا لأن الأندية
الافريقية ليست كلها تتبع لإقليم معين مثل إقليم سيكافا. ولكن الأندية السودانية كلها تتبع له فإنجازتها في منافساته
حسابها أفريقياً لا يخل بعدالة المقارنة بين نجاحات الأندية السودانية أفريقياً.
ولذلك كمتلقى لما جاء بالمقال المذكور، فإن كان لا بد من ذكر معلومة نجاحات فى محاولة إيجاد وضع للهلال،
فالصياغة المبلوعة One of the most successful Sudanese clubs in Africa

***

Quote: المقال لم يأت بمعلومة مختصرة عن الهلال، مثل ما جاء فيه من معلومات مختصرة عن بعض الأندية الأخرى فى المنافسة بل كان لقاء وتصريح مطول من مدرب الهلال فى وسطه العبارة المذكورة، ولأنه لقاء مع المدرب فذلك يرجح المراسل محلى ----- وفى كل الأحوال ذكرها كان غريباً ومحشورة حشراً، وفى مثل هذه الأخبار يعرف النادى بأنه حامل اللقب السابق، أو فى رصيده كذا يطولة أو بطولات، أو أنه العام الماضى وصل النهائى، ولكن ليس مثل هذا التعريف عن نجاحات ساى كده غير مطعمة ببطولة

سلامات يا نادر.

قلت إنك ترجِّح أنّ التقرير كتبه مراسل BBC في السودان
لأنه أورد تصريحات لريكاردو مدرب الهلال آنذاك، لكنك
لو قرأت التقرير بكامله فستجد أن ثلثه الأخير أورد تصريحاً
مقتضباً لمدرب الزمالك المصري أيضاً. صحيح أن التقرير
منح مساحة أكبر للهلال، لكن هذا ليس دليلاً قاطعاً على
أنّ كاتبه هو مراسل BBC في السودان (كتابة تقرير عن
منافسة بحجم دوري الأبطال أمر يمكن أن يفعله أي من
محرري الرياضة في موقع BBC).

معلوم أن دوري الأبطال (بنسختيه القديمة والجديدة)
هو المنافسة الأولى على مستوى الأندية في إفريقيا،
وحتى لحظة كتابة ذلك التقرير، كان الهلال قد بلغ
دور الثمانية فيها 7 مرات، ونصف النهائي 4 مرات،
والمباراة النهائية مرتين، وكان ذلك في فترة
زمنية بدأت منذ مشاركة الهلال الأولى في بطولة
الأندية الإفريقية الأبطال (عام 1966)، وهو أمر
يشير إلى أن فريق الهلال ظل محتفظاً بمستوى جيد
نسبياً.

قلت نسبياً لأن نتائج الهلال هذه لا تقارن بالأهلي
المصري -مثلاً-، لكنها نتائج رائعة استناداً إلى
المستوى العام لكرة القدم في السودان.

لا أعتقد طبعاً أن كاتب تقرير BBC قام بحساب عدد
نقاط الهلال والمريخ فوجد أن الأفضلية للهلال، لكن
نظرة سريعة منه ومن غيره لنتائج الفريقين ستصل
بصاحبها لذات المحصلة دون حساب.

الأخ أحمد الريح

تحياتى

التقرير يمكن تجميعه من مراسلين مختلفين، فى الأخير سيقوم محرر بتجميعها وتنقيحها ونشرها
. ومن ال Feedback المطلوب من المراسل المحلى رصد إنجازات الفريق المعنى لتضمينها،
فجزئية السودان يأتى بموادها مراسل سودانى، ومصر يأتى بها مراسل محلى من مصر
وتأكيداً لذلك ستجد أن المعيار غير واحد فى المعلومات عن الإنجازات. مثال لذلك
عن الهلال الحديث عن أكثر نادى سودانى نجاحاً، لو كان نفس المراسل لكتب عن
الأهلى المصرى فريق القرن وأكثر إنجازاً، ويمكن بعدها أن يفصل. ولكن التعليق
عن الأهلى والزمالك إقتصر على البطولات، الأهلى البطولة المحببة له، وأن الزمالك
يشارك غريمه الأهلى سجل خمسة بطولات. رغماً أنهما لهما سجل ممتاز تتفق معه عبارة
النجاحات الأفريقية المطلقة.

Quote: Quote: Cairo stages both Group A fixtures with Zamalek facing Asec Mimosas of Ivory Coast on Saturday while title favourites Al Ahly tackle surprise packets Dynamos of Zimbabwe on Sunday. Zamalek, who share with bitter rivals Ahly the record of five Champions League triumphs, failed to impress when losing to their fellow Egyptians and edging Dynamos.

أما عن نظرة سريعة قارن بها كاتب التقرير بين نتائج الهلال والمريخ
فعندما يتكلم عن الأندية السودانية عموماً لا يقتصر الأمر على المريخ والهلال
خاصة أنهما لم يكونا مشتركين معاً لا فى المجموعة أو فى نفس البطولة
ولذلك كاتب التقرير كان عليه مراجعة إنجازات الأندية السودانية كلها،
ليصل لتعميمه لا أعلم إن كان ذلك متوفراً له. وكان سيقوم بنفس النظرة السريعة
لإنجازات الأهلى والزمالك والإسماعيلى، ليتسق فى نهجه فى كتابة تقريره

كل ذلك يرجح أن المحرر محلى سودانى، وجد سجل الهلال خالى من الألقاب
فجمل وجه الهلال بالنجاحات المعممة، ولم يتعرض حتى لذكر أن الهلال
لم يحقق بطولة ولكنه يتطلع لها، يبدو أنه متحرج من مقولة الصفر
الدولى. حتى ريكاردو طموحوا وصول النهائى وليس اللقب ..
عالم بتاعة نقاط ما كاسات وبطولات !!

وموضوع التقييم التاريخى ولكل حقبة قد يكون مفيداً لإدارات الأندية
لمراجعة أداء فرقها خاصة للأندية المملوكة لأفراد. ولكن بالنسية
للمشجعين تهمهم الألقاب ورفع الكاسات هذا ما يذكرونه ويفتخرون به
لو زرت كينيا مثلاً وقابلت مشجع من فريق سولفاكيا حتقول ليهو
الهلال أكثر فريق حقق نجاحات أفريقياً، سيتوقع أن تذكر ليهو
كاس كاسين، وليس أن تقول وصلنا الدور الفلانى والعلانى كم مرة،
حيقول ليك المريخ الأفضل، لأنه أحرز كاس مانديلا، (قابل فريق كينى)
وبما أنه من منطقة سيكافا، حيقول ليك المريخ فاز بسيكافا مرتين،
فلا نقاط تصنيف، ولا أدوار ثمانيات وأربعات بتهمه ..
والمقولة المتداولة فريق بطولات وما فريق بطولات.. وفرق البطولات
إداراتها تحاسب مدربيها بتحقيقها وليس مجرد المشاركة وكسب نقاط تصنيف.

هسة إنتو فى الهلال مبسوطين بنقاط السنين، وكل سنة هاردلك السنة الجاية بنجيبو؟
غايتو مشجعى المريخ طبعهم مخروب من سيكافا الأولى، وظنى خاربة طبع ناس
تانين بس ما قادرين يقولوا وبتصبروا وهماً بالنجاحات إياها

Quote: كل ذلك يرجح أن المحرر محلى سودانى، وجد سجل الهلال خالى من الألقاب فجمل وجه الهلال بالنجاحات المعممة، ولم يتعرض حتى لذكر أن الهلال لم يحقق بطولة ولكنه يتطلع لها، يبدو أنه متحرج من مقولة الصفر الدولى. حتى ريكاردو طموحوا وصول النهائى وليس اللقب .. عالم بتاعة نقاط ما كاسات وبطولات !! ----- هسة إنتو فى الهلال مبسوطين بنقاط السنين، وكل سنة هاردلك السنة الجاية بنجيبو؟ غايتو مشجعى المريخ طبعهم مخروب من سيكافا الأولى، وظنى خاربة طبع ناس تانين بس ما قادرين يقولوا وبتصبروا وهماً بالنجاحات إياها

سلامات يا نادر.

لا زلتَ مصراً على تجريد مراسل BBC من الحياد لمجرد أنه وصف الهلال وصفاً
مستحقاً، تدعمه وقائع التأريخ والحاضر! الكاتب مقتنع بأفضلية الهلال من واقع
نتائجه الرائعة في أقوى بطولات الأندية الإفريقية، ولو قدّر للكاتب ذاته أن يكتب
مقالاً حديثاً فلن تزيده نتائج الهلال إلا ثقة واقتناعاً بوصفه سالف الذكر.

في تقرير لموقع MTN Football عن منتخب السودان، وردت هذه الفقرة:

Quote: The national team is made up entirely of locally-based players, whose compete in the Sudan Premier League, which was created in 1962. Al Hilal are the traditional giants of the Sudanese game, having won 24 titles Al-Merreikh have won 17 championships and are the current title holders, while only three other clubs have ever won the league. Al Hilal have twice finished as runners up in the African Champions League, and this year they finished in fourth position in the competition

http://www.mtnfootball.com/africa/associations/sudan.html

وصف التقرير الهلال ب"القوة التقليدية" في الكرة السودانية، وأشار لنتائجه الجيدة
في دوري الأبطال، فالهلال نتائجه هي الأفضل -بلا ريب- في المنافسات ذات
القيمة الأعلى محلياً وإفريقيا.

الحقيقة يا نادر هي أن فوز المريخ بكأس الكؤوس عام 89 لم يشفع له عند
مقارنته بالهلال عند كثير ممن قارنوا بينهما ضمناً (من غير السودانيين)،
دعك من المريخ، لا الفتح الرباطي (بطل كونفدرالية 2010) ولا الملعب المالي
(بطل كونفدرالية 2009) يحظيان بما يُحظى به الهلال من صيتٍ ذائع وتقديرٍ
كبير لدى المهتمين بكرة القدم الإفريقية.

في خبر لموقع آخر هو teamkickoff.com عن تعاقد الهلال قبل عامين
ونصف مع الكنغولي ليلو مبيلي، لكاتب اسمه Toby Collins، ورد هذا
الوصف للهلال:

Quote: Al-Hilal, the most successful club in Sudan, have won the country’s League for the past six years, will use Lelo-Mbele in their CAF Champions League campaign

http://www.teamkickoff.com/forum/topics/lelombelethe-judas

لماذا يُحظى الهلال بهذا التقدير والتفضيل والصيت الذائع؟ الإجابة بين
ثنايا تعليقي هذا وتعليقاتي السابقة.

الاخ العريس الامين
مسكاقمي
عمرة مقبولة ان شاء الله وكل سنة وانت طيب وشهر مبارك
تعرف لمن كان السودان واحد من نمولي لي حلفا الهلال ما حقق اي انجاز خارجي
طبعاً الانجاز مسجل باسم الزعيم ( بطولتين سيكافا وكأس مانديلا ) عشان كدا يا الصفراب امشوا ابدو من سيكافا وتعالوا ماشين
يعني بالواضح كدا قبل ما تحققوا كأس سيكافا مافي ليكم طريقة
يلا يا شطار امشوا حاولوا كاس سيكافا

بالصفر الدولي حقهم وفي زريبة العيش مقرهم

العطاااااااااااااااااااااااااااااااااله كعبه


وعدم الشغله يعلم المشاط


اقعدو لي ده انتو


مباراة اتحاد جده الحصل فيها شنو


قال تقسيمه بدون جمهور وبدون حكام رسميين هاهاهاهاهاها جايبنكم يتسلو بيكم ولا شنو

انا شخصيا ما عاوز بطوله خارجيه بس عاوزكم تقعدو زي حلة البليله كده وتتغاظو شديد


يا عطاله