بالصور المعبرة حفل افطار بورداب جدة

وإسلام ياشباب حضور أنيق ولمة جميله
كل سنه والجميع بخير

صورة تذكارية لبورداب منطقة مكة المكرمة

من اليمين ابوقصى وفى الوسط بشير دفع الله وخالد

مشكور اخى كمال والله كانت اللمة فاقداك كثير

مجدى ابوقصى والشاعر الكبير شادول طبعا العمة مميزة

بشير دفع الله ومن خلفه ايوب خليل

بحرية وحجر

حجر ووليد عبداللطيف

مجدى ابوقصى ومجدى وخالد العطا

جمال السنوسى وبشير وايوب خليل

تحية و سلام للجميع و للأعزاء بورداب جدة ..
و عذراً مجدداً إن حالت بعض الظروف القاهرة و أضطرتني للحضور متأخراً ..
و مع ذلك سعدت جداً بمقابلة أعزاء أتشرف بالتواصل معهم ..
و كما وعدني الأخ رفاعي أتمنى أن نلتقي مجدداً قبل نهاية هذا الشهر المبارك و في عطلة العيد بإذنه تعالى ,,
و يا عاصم فقيري ( مهما هم تأخروا فإنهم يأتون .. ) من قلب ( البوادي ) أو من أي ( جخنون ) .. فلا تقلق يا صديق و قد رايت كم كان الحضور مشرفاً و مزداناً بالعوائل و فلذات الأكباد في جو سوداني أسري بهيج ..
و آمل من الإخوة المكلفين بقيادة العمل الإجتماعي لبورداب جدة أن يتحفوننا بمثل هذه اللقاءات التي من شأنها توطيد أواصر الأخوة بيننا و نحن أحوج ما نكون لذلك ..
و آمل يا عصام أن نرى الصورة التي ( جازفت ) أنا و تشرفت بإلتقاطها لك عبر كاميرتك ( السنينة ) عشأن الواحد يقدر ينافسك في شغلتك و موهبتك كمان ..
و سلام لكل من حضر و لمن لم يحضر و نأمل حضوره في اللقاء القادم بإذن الله ..
شكراً لكم و إن شاء الله دايما تامين و لامين و على الخير مجتمعين .. و إن شاء الله ( القهوة ) عجبتكم كمان عشان المرة الجاية نجيبها في وايت ..

شكرا اخى عصام دهب على المداخلة الجميلة والان الصبح اذن
والنت تقيل جدا وان شاء الله نواصل انزال باقى الصور

أكاد أجزم ليس هناك أجمل وأروع وأحلى من بورداب جدة .. وبالفعل
جدة غير .. لم يكذب صاحب هذه المقولة عندما قال بأن ( جدة غير)
تلاقت القلوب وسعدت النفوس بهذا اللقاء الجامع وفى يوم مشهود من أيام
هذا الشهر العظيم .

بأى كلمات وباى أحرف أستطيع أن اصف لكم هذا اللقاء .. لا ولن يستطيع
قلمى المتواضع من وصف تلك اللوحة الصادقة التى رسمتها القلوب الصادقة
التى تنبض بالحب والمودة والأخاء .

أترك المجال لاخوتى للتعبير عن هذا الجمال وتلك الروعة التى تجسدت
فى قلوب هؤلاء الرجال أصحاب المعادن التى لاتصدأ بل تزيد بريقا ولمعانا وأملا
فى كل لقاء .. لكم مودتى وحبى وتقديرى ماحييت فى هذه الحياة .

والتحية عبركم لمن حضر ولمن لم يحضر .. تشكراتى وأحتراماتى بلاحدود
ودمتم ..

تاج السر

بورداب جدة

رمضان كريم وكل عام وانتم بخير

لمة جد ظريفة وواضح من الصور.

الجميل ايضا

ان أجد في الصور قريبي وليد عبد اللطيف وصديقي حجر وهما يتجاذبان اطراف الحديث.

في شنو استاذ حجر ؟ أخمن وأكيد يطلع صاح وما غلط ؟؟؟

تحياتي للجميع

حسن

شكرا لكم بورداب جده فردا فردا وأسرهم علي اليوم الرمضاني البهيج وما كاميرا أخونا عصام إلا دليل عافية ومودة بين هذا الجسم المعافي

ونتمني لكم قضاء العشر الأواخر وجميعكم معتوقين من النار يا رب وتقبل الله الصيام والقيام وجد كانت لوحة جميلة بمعني الجمال وقد شرفونا

من البورداب الزائرين والمنتقلين البوردابي عمر شيخ الدين (أرباب) من فرنسا والبوردابي الجميل مجدي عبدالله أبو حريبة وضيوفنا الكرام

وتكونت لجنة برئاسة العمدة الجميل آدم عثمان محمد شحوتاي وعضوية كا من د.جمال الباقر وجمال السنوسي وشخصي الضعيف مجدي عبدالرحيم

وسيف الدين عيسي مختار والبشير دفع الله ونصر الدين عثمان نتمني لهم التوفيق في قيادة العمل في البرامج القادمة بإذن الله .

،،،،أبوقصي،،،،

حبايبي الحلوين بورداب جدة
أولاً أعتذر لكم عن عدم الحضور لظروف قاهرة
وأحيكم على هذا الحضور البهي واللمة الجميلة
ونبارك تكوين اللجنة مع أمنياتنا لهم بالتوفيق والسداد
ربنا يحفظكم ويكتر جمعاتكم يا رب

اين البوردابي الكبير الاستاذ خالد الجزولي !

تقبل الله الصيام والقيام
كل عام وانتم بخير

كان يوماً رائعاً بحق رغم اننا أفقتقدنا فيه أخوة أعزاء علينا




مبروكـ يا رفاعي ومجدي وعاصم ... ومزيد من النجاحات للمات قادمة إن شاء الله




رمضان كريم وكل عام وأنتم بخير ... واللمة في العيد مطلوبة ....

ياسعادة المستشار ... ود البوب

Quote: ان أجد في الصور قريبي وليد عبد اللطيف وصديقي حجر وهما يتجاذبان اطراف الحديث. في شنو استاذ حجر ؟ أخمن وأكيد يطلع صاح وما غلط ؟؟؟

عودنا الاستاذ الفنان عصام يوسف بصورة جميلة وانيقة
اخونا حجر رجل هميم بهموم بورداب جدة تخيل لم يفطر وكان يشاركني في فطوري كما تشاهد وتحكي الصورة
بل يراقب وينظر كيف الامور ماشى الحمد لله خرجت لمه جميلة
وكانت سوف تكون اجمل بحضور الذين فقدناهم في مثل هذا اليوم لظروف خاصة بهم

عدسة المبدع دوما الاستاذ / عصام محمد يوسف


عفوا أعزائى فليسمح لى الاخوة بكتابة الاسماء حتى يتسنى للقارئ معرفة
الشخصيات .. تحياتى وتقديرى

أولا الجلوس
من اليمين الى الشمال

الاستاذ / سيف الدين عيسى مختار
الاستاذ / يوسف الحداد ( ضيف)
الاستاذ / تاج السر محمد حامد
الاستاذ / عبدالوهاب المليك ( ضيف)
الاستاذ / د. جمال الباقر
الاستاذ / الرفاعى عبالعاطى حجر
الاستاذ / جمال السنوسى
الاستاذ / آدم شحوتاى
الاستاذ / ابراهيم العبيد
الاستاذ / د. عبدالحافظ ( ضيف )
الاستاذ / عبدالقادر شادول
الاستاذ / عاصم فقيرى
الاستاذ / عبدالدائم سيد أحمد

وقوفا من الشمال الى اليمن :

الاستاذ / مجدى عبدالرحيم ( ابوقصى)
الاستاذ / عصام دهب
الاستاذ / ايوب خليل
الاستاذ / نصر الدين عثمان
الاستاذ / معاويه ودالصائم
الاستاذ / مجدى ( ضيف)
الاستاذ / صابر الحواتى
الاستاذ / صديق رحمة
الاستاذ / السمانى محمد عمارة
الاستاذ / فايز ودالقاضى
الاستاذ / عادل عبدالعزيز
الأستاذ / قيقراوى
الاستاذ / خالد العطا
الاستاذ / وليد عبداللطيف
الاستاذ / محمد ( ضيف )
الاستاذ / الأخ ابوقصى مساعدتك
الاستاذ / الأخ ابوقصى مساعدتك
الأستاذ / محمد بلال

تاج السر

والتحية أيضا مقرونة بأسمى آيات المحبة والاخلاص للاسر
الكريمة والتى حضرت هذا اللقاء .. وأن لاننسى أيضا
أطفالنا فلذات أكبادنا .. جميعهم لهم التحية والتقدير

تاج السر

عدسة الاستاذ الراقى بلاجدال عصام محمد يوسف


الشاب الانيق والانسان الخلوق والاستاذ الراقى البشير دفع الله
كان من ضمن الحضور إلا أنه لم يكن متواجدا أثناء الصورة
ومعه الصديق الودود والحبيب الغالى مصطفى البشير .. غادرا
المكان بعد الافطار نسبة لارتباطات مسبقة لهم جميعا التحية
والتقدير والاحترام ولاسرهم كل المودة والتقدير ..

تاج السر

هسي دي ياها جدة غير
اريتو فطور التاباني البنات

الفنان عصام يوسف سلام
حقيقة كانت لمه ممتعه و جميله تعرفنا خلالها علي الاخوه بورداب جده
و ان شاء الله حضور في المناسبات القادمات

الاستاذ تاج السر تحياتي

Quote: الاستاذ / معاويه ودالصائم الاستاذ / مجدى ( ضيف) الاستاذ / صابر الحواتى

الضيف دا انا في المرات الجايه نتعرف عليكم اكتر ان شاء الله

Quote: الضيف دا انا في المرات الجايه نتعرف عليكم اكتر ان شاء الله

لك التحية والتقدير والاحترام أخى مجدى عبدالله ابوحريبه ولاعدمناك

تاج السر

هكذا هم اعل جدة من الاخوه البورداب

اجزم انهم علي قلب واحد في الملمات

التحية لهم من القلب ولولا ظروف سفرنا

لكنت في موكب المقدمة لاشد علي يد حجر

الذي لايرتاح الا عندما يري الزملاء مرتاحون

التحية الجميلة جدا لصاحب البوست الرائعة

كروعته الفنان عصام يوسف الانيق ، التحية

لكافة الزملاء من بورداب جدة وهم اعلام علي روسهم جدة غير

الكاتب الرقيق السر حامد والانيق عصام دهب لكم التحية

والتحية لاسرة ابو قصي ولبقية الاسر

Quote: التحية لهم من القلب ولولا ظروف سفرنا لكنت في موكب المقدمة لاشد علي يد حجر الذي لايرتاح الا عندما يري الزملاء مرتاحون

الأخ الأستاذ / محمد العوض
تحية وأحترام ،

لم تكن بعيدا فأنت أقرب لنا من حبل والوريد ..
لك التحية والتقدير وكل عام وأنت بألف خير

تاج السر

Quote: الضيف دا انا في المرات الجايه نتعرف عليكم اكتر ان شاء الله

الاخ الراقي مجدي تشرفنا كثيرا بوجدك بيننا
كما تشرفنا بجميع الضيوف
بس عيبك الوحيد كما قال لي استاذنا تاج السر انك هلالابي ههههههههه

غايتو يا حجر بالغتة

ما تمشي تشيل ليك صحن براك

وانت يا وليد يا اخ ما كان تديهو فرصة يشيل واحدة بس

ان شاء الله دائما ملمومين في الافراح ..

شكرا اخي يوسف ..

شكرا لكل بورداب منطقة مكة المكرمة

فطور رمضان لا عصيدة ولا قراصة و لا حلو مر ....؟؟؟؟؟؟؟؟

الاخوان الاعزاء / وليد عبداللطيف
الرفاعي حجر

تحياتي واشوافي .. وكل عام وانتم وجميع بورداب جدة بالف خير .. وافطار شهي وتصومو وتفطرو على خير ...

تجمع جميل ومحبة واضحة في وجوه الجميع .. ربنا يديم عليكم النعمة دي ومجتمعين دائما في الخير ان شاء الله

يا كابتن وليد .. ياخي مشتاقييييييييييييين والله .... وزمن طويل ما سمعنا منك .. معليش مشاغل الدنيا ومشاكل سودانيزاونلاين حرمتنا من التواصل

تحياتي ليك وللاسرة الكريمة

نلتقي

الأستاذ / تاج السر محمد حامد لك التحايا علي الإجتهاد الشباب وقوفا هم ابناء البوردابي عادل عوض بلال أحمد وعبدالرحمن وشخصي وعصام دهب

وايوب خليل واميرته الصغيرة ونصرالدين عثمان ومعاوية عبيد الصائم وامامهم ابناء خالد العطاء ومعاوية ومجدي ابو حريبة البوردابي الذي

اصبح من جده وصابر الحواتي وصديق رحمة النور والسماني عمارة وفايز ودالقاضي وعادل عبدالعزيز وفتح الرحمن قيقراوي وخالد العطا ووليد

عبداللطيف والبوردابي الزائر عمر ارباب من فرنسا وابوبكر شريف وعادل عوض بلال.

،،،،أبوقصي،،،،

اللجنة الموقرة والتى تم أختيارها من قبل البورداب وبالاجماع
نسأل الله بأن يوفقها فى مهمتها .. وأن يبعد عنها ذبابة التسى تسى
تحياتى وتقديرى

تاج السر

أين برنامج ما بعد الإفطار?
أين أساسي الأساسي?

تحية وتقدير لصاحب الكاميرا الذهبية أ. عصام محمد يوسف

والتحية للأعزاء

ابو قصي

الرفاعي حجر

عاصم فقيري

والذين وقفوا على اقامة وانجاح هذا الافطار وخروجه بهذه الصورة المشرفه

واستمتاعنا بلقاء الأخوة البورداب وضيوفهم

وان كان قد غاب عنا أخوة أعزاء بعضهم لظروف ارتباطات سابقة وبعضهم لظروف الاجازات والسفر

التحية والتقدير لكل من حضر

والتحية لكل من حالت ظروفه دون الحضور

ونتمنى أن تتواصل اللقاءآت ومزيدا من الترابط والتآخي والتعاضد

Quote: الاستاذ / سيف الدين عيسى مختار الاستاذ / يوسف الحداد ( ضيف) الاستاذ / تاج السر محمد حامد الاستاذ / عبدالوهاب المليك ( ضيف) الاستاذ / د. جمال الباقر الاستاذ / الرفاعى عبالعاطى حجر الاستاذ / جمال السنوسى الاستاذ / آدم شحوتاى الاستاذ / ابراهيم العبيد الاستاذ / د. عبدالحافظ ( ضيف ) الاستاذ / عبدالقادر شادول الاستاذ / عاصم فقيرى الاستاذ / عبدالدائم سيد أحمد وقوفا من الشمال الى اليمن : الاستاذ / مجدى عبدالرحيم ( ابوقصى) الاستاذ / عصام دهب الاستاذ / ايوب خليل الاستاذ / نصر الدين عثمان الاستاذ / معاويه ودالصائم الاستاذ / مجدى ( ضيف) الاستاذ / صابر الحواتى الاستاذ / صديق رحمة الاستاذ / السمانى محمد عمارة الاستاذ / فايز ودالقاضى الاستاذ / عادل عبدالعزيز الأستاذ / قيقراوى الاستاذ / خالد العطا الاستاذ / وليد عبداللطيف الاستاذ / محمد ( ضيف ) الاستاذ / الأخ ابوقصى مساعدتك الاستاذ / الأخ ابوقصى مساعدتك الأستاذ / محمد بلال تاج السر

النتيجه صفر

السبب مجتمع رجال عذااابه فقط

اين عهد الحريم بلغة اهل الوهابية

وانتم هنا النون مافي داعي ليها لانكم رجااال فقط

لماذا هذه الممارسة الاقصائية للمراة الزوجة والام والبنت الحبيبه
والشقيقه


معقول الناس تتصور بس رجال وعصائد وملاح نعيمة

بارك الله في الاطفال وانا قلبي عليهم لان الدولة القاعدين فيها خطرها عظيم علي مستقبلهم



الخلا دارو قل مقدارو

كوستاوي اوصيك تعطي هذه المجموعة درجة الصفر وبعدهم الدوحة

الاول الخرطوم حيث الاصالة ولا زالت تسبق الجميع
حالتها معرقلة من قبل الهوس الديني الحاكم والعصابة المجرمة

لكن برغم المحنة الخرطوم اجتازت المحنة

التحية لكم

نشكر استجابتكم , ونتقبل بعض الاعتذار التي وردت

التوفيق نتمناه للجنة الجديدة لقيادة هذا الجسم

لعام كامل نرجو ان تبتدع اللجنة الجديدة طرق تواصل

والتقاء اكبر وامام اللجنة فكرة لقاء ثاني والعيد

على الابواب جعله الله يعود عاما تلو عام والجميع يخطون

في دروب الامل والنجاح نحو وطن يجمعنا بحب وعدل وجمال

الريس آدم شحوتاي يااهلاً ويا مرحب بك قائد لسفينة البورداب

في جدة مع كامل الود والتقدير لكل الحضور والحضور الغياب .








اهلاً بحريبة الزميل المكسب الجديد والزميل العبيد صديق كُتي

والضيوف الاكارم من النوبة والاسر الكريمة جمعنا الله دوما في

الخير والملمات الانيقة .



* تعالوا شوفوا معاي ابداع الزول الفنان عصام يوسف المصور المحترف

لتتلمسوا الابداع حركوا هذه الصورة من فوق الى تحت او العكس وهاكم الخدع

البصرية دي ... فكرة مجنونة :





.....................................................حجر.

Quote: لماذا هذه الممارسة الاقصائية للمراة الزوجة والام والبنت الحبيبه والشقيقه

إنت يا صبري مش أتزوجت قبل فترة كدة .. ياخي مبروك و بيت مال و عيال ..
طيب مالك ما جبت لينا صور العرس و نشرتها هنا .. و لا دي ممارسة إقصائية منك ساكت ؟؟
و بالمناسبة فطور البورداب كان فطور أسري و فيه جمع كبير من شقائق الرجال و ربما لو تمعنت في الصور جيداً للاحظت وجود بعض السيدات و البنات و لكن جرت العادة على نشر صور البورداب لأسباب إجتماعية بحتة ..
فياخي لو عندك أي مشكلة مع الدين فأمشي شوف ليها مكان غير هذا البوست ؟؟

عصام دهب

رمضان كريم


يا سيدي مستحيل ان اقول عكس ما افعل

اتنشرت الصور لي ولزوجتي
وتاني مرة قريبا في الامارات برضو

لكن اظن انك مقاطع البوستات البفتحها او يفتحوها باسمي

شوف رجال ونساء في السكة ماشيين للافضل

مجتمع منعزل غير جميل

وهنا نحن رفضنا الان نضع صور افطارنا اليومي نسبة لانه كلو رجاااال حيث البيت بيت عذااابه لا امراة فيه

وياتي الافطار ولا اطفال به امتنعت عن وضع الصور لان كوستاوي قال طه حفظه الله

سؤال

ايه المانع في وضع صورة المراة العظيمة التي لو لاها لما وجدنا

فهي الام والمراة والبنت والزوجه والاخت

قاتل الله منهاج الوهابية العقيم

الاخ صبري الشريف

مودتي ياصاحب ورمضان كريم

بلا شك الشكر للبلد الذي استضافنا هنا, ما تقدمه الممكلة العربية السعودية كبير
ومقبول ومقدر كل امانينا ان نسهمفي دفع عجلة الوطن ونحمله على الاهداب والسويداء
لكن ما من طريق في ظل الاقصاء الحاد وفي ظل الهوس الساكن في منطق مجموعة معتوهة
تتحكم في مصيرنا في وطن كان اسمه السودان .
السعودية مشكورة بلا شك ونرفع لها اسمى ايات الشكر والتقدير لاسهامها في حيواتنا
ودعمنا لاسرنا وتأمين الحياة هناك , ابناءنا هنا نعمل من خلال مثل هذه التجمعات
ان يعيشوا اجواء السودان واريحيته ونقوم بدور كبير من خلال فعاليات كبيرة منها
على سبيل المثال ملتقى السودان الاجتماعي للمحافظة على الهُوية والهوى بمنتهى
الصراحة والوضوح نحن ننطلق من تلك عادات نقدر نسائنا ونجلهن ونحترمهن ويقمن
بأدوراهن كافة من تنهض وتبرز في مجالها نكن لها التوقير والتقدير والاحترام
الكافي وبل نقيم لهن المعارض ويشاركننا في لجان كثيرة مع الاحتفاظ لهن بخصوصية
المجتمع الذي يعشن فيه .
ليس من قياس على نهضة او تلاشيها الا يظهرن نساؤنا من على المنبر العام لسودانيز
وذلك مقياس عقيم ومنبوذ مني على اقل تقدير ثم احضور المرأة هنا وابراز صورهن هو
غاية الامنيات لا ذلك مردود عليه من خلال واقع وبيئة وتربية نحافظ عليها وفق ما تعلمنا
ليس من حجر او سلطوية او اي ايدولوجية نحملها فلا تحملن الامر اكثر مما يحتمل حضرت الى
جانبنا اسر بورداابية كثيرة عاشوا ليلة رمضانية بكافة تفاصيلها وحظي الاطفال بالعبث ما يحلوا
لهم ولهن وانصرفنا تكسونا سعادة بالغة اذ فرح الاطفال هو مبعث فرحنا .
بعيداً عن ادلجة المشهد الرمضاني وخلط الحابل بالنابل مرحب بك مهنئاً ومعايداً لا مُقيماً من بعيد
لصورة لا تعلم مدى تعقيداتها ... وشكراً لك على المرور .







...............................................................حجر.

Quote: لماذا هذه الممارسة الاقصائية للمراة الزوجة والام والبنت الحبيبه والشقيقه معقول الناس تتصور بس رجال وعصائد وملاح نعيمة

تاااااااني يا صبري الشريف

منو العينك محامي تتكلم باسم المرأءة ؟

البورد دا ملياااااان زميلات وكتير منهن مقيمات في السعودية البتنبذ فيها دي

والزميلات ديل قادرات أكثر منك على نقاش كل القضايا الخاصة بيهن , وطرحها بالأسلوب اللائق

ودون الزج بالدين في أي مسألة ( تحتمل أو لا تحتمل ) .

والمسألة أصلا عادات وتقاليد وقناعات شخصية أكتر من أي شئ آخر .

ودي مسائل معقدة وما بعرفها الا الناس العاشوا في السعودية .

فياخي ما تفتل لينا البوست وتمرق بيهو من مساروا .


نقشة أخيرة :

البوست ما كان فيهوصور لعصيده ولا ملاح نعيمية والافطار أصلا كان بوفيه مفتوح .

مودتي ودالباوقة
وتشكر على المرور الكريم
نسعد بسعادة المعارف والاصدقاء
كانت بالنسبة لنا نهاية دورة
ولابد من التأكد ان الامور تسير
كما ينبغي نشكرك ونتمنى مشاركتك
لنا فجدة غير كما قال تاج .







..............................حجر.

أعود مرة أخرى وأؤكد بأن الافطار جمع مثقفون ورائعون وأدباء
وشعراء واطباء وأطفال وأسر وكل الوان الطيف .. فكان جمعا رائعا وجميلا
تخلله برنامجا أسعد جميع الحضور فكانت الروح السمحة هى الشعار
للجميع .. ونحن لانريد أكثر من هذا .. ويكفينا فخرا ذلك الترابط
والتواصل والحميمة الطيبة بين هذه الكوكبة من الرجال الاوفياء .

والتحية أيضا عبركم جميعا لتلك الاسر السودانية العفيفة ولاطفالنا
الكرام .. فكانوا شعلة وضاءة أشعلت القلوب توهجا .. وهذا وحده
يكفى .. تحياتى بلاحدود

تاج السر

يا ود الباوقة حجر دا كان بلعب بلي ولا شنو ؟!!

رمضان كريم وكل سنة والجميع بخير

Quote: يا ود الباوقة حجر دا كان بلعب بلي ولا شنو ؟!!

يا شباب ولي مضاري الصحن من الصورة ما من حجر


ديل شنو ديل!؟






------

ود العمدة ..

ود الباوقة عرفناهو ..

انت مالك!؟

الوجيه فايز القاضي وابنه

الدكتور جمال الباقر

صاحب الكاميرا الذهبية والي يتولى توثيق كل المناسبات الخاصة بالسودانيين بالمنطقة الغربية الأستاذ/ عصام محمد يوسف

العمده آدم شحوتاي



آدم شحوتاي ونصر الدين عثمان

جمال السنوسي وخالد عطا

جمال السنوسي يحمل وجن البشير دفع الله

البشير دفع الله تصوير جميل

بقية الكاميرات وينا.....

عصام باقي الصور اثناء الدردشة .


وين صحن معاوية عبيد؟؟؟؟





...................................حجر.

Quote: البشير دفع الله تصوير جميل بقية الكاميرات وينا..... عصام باقي الصور اثناء الدردشة . وين صحن معاوية عبيد؟؟؟؟

تعرف يا الرفاعي عصام دا راجل محترف

وبصور بطريقة اوفيشال

لكن ناس الكاميرات ( الهواة ) الزينا كدا مرات بتلقى عندهم صور نادرة وعفوية

ولحدي ما يرجع عصام يا ريت لو نشوف صور أصحاب الكاميرات الخاصة

صورة نادرة للجميل فتح الرحمن قيقراوي



العم عبد القادر شادول وفايز ود القاضي وصديق رحمه

عبد الدائم سيد احمد وتاج السر محمد حامد وعبد الوهاب ( ضيف )

كانت ليلة رائعة افتقدنا فيها الكثير من زملاء البورد العام الماضي ... علاء (الطفل المعجزة) اساسي الاساسي ..كمال ادريس ..محمد الحسن.. بشرى الفاضل وغيرهم ولم نتشرف بحضور قدامى المحاربين امثال حيدر (جني) وفتحي (ريدر سفن )الذين لم اراهم في اي تجمع منذانضمامي للبورد ......لهم التحية... وايض اتقابلنا مع زملاء واخوة نراهم لاول مرة امس فمرحبا بالجميع

الليلة كانت في قمة الروعة واجمل ما فيها ضحكات الا طفال الحلوين الذي عطروا المكان ببراءتهم

للرفاعي اقول well done وتسلم انت ومن قام بالااعداد لهذه الليلة الجميلة

ولقيقا اقول مبادرتك طيبة لكنها اخذت كثيرا من وقتنا فمرحبا بالجميع من له باس ووردومن ليس له

ولعصام دهب اقول شكرا على القهوة الجميلة التي تسقينا لها من رمضان لرمضان

ولمجدي ابو قصي اقول جهدك مقدر ايها الهميم

ولجميع بورداب جدة غير اقول دمتم ودام الود بينكم

بورداب جده

سلامات وعوافي

ورمضان كريم

بروعة المكان والحضور

دايما تامين ولامين

تحياتي

بورداب جدة .. رمضان كريم

وديما لمتك فى الخير يارب

حلوين خالص ..

مودتى ...

شكراً خالد درق
شكراً هارون دياب
والله يا هارون روح
رياضية زرقاوية
والاصفر عندكم قهوة
بس .









......................حجر.

قال صبري الشريف

Quote: الخلا دارو قل مقدارو

اليشوف كلام ده يقول مناضل من الداخل

بهاء الافطار
مطرز بحضوره الأنيق

شكرا حجر
وشكرا أبو قصي
على اعدادكم الجميل

أسعدتمونا بهذا العقد الرائع..
والتلاقي الجميل..

شكرا البشير دفع الله لاسعاف البوست بالصور
كالعادة اخونا عصام ...فى تاخير الصور ....


تحياتى للجميع ..ورمضان كريم

غايتو يا صبري الشريف ما عارف أقول ليك شنو
ياخي باين إنه الناس ديل كان معاهم أسرهم
وإنه قضوا لحظان جميلة ويوم رائع
ياخي ما تفتل ليهم البوست

بورداب جدة
كل عام وانتم بخير ورمضان كريم
بدون صاحبنا اللدود اساسي وقريبي ابوعثمان انتو ناقشيني كتير
وسعيد بشوفة أخونا وليد عبداللطيف وله معزة خاصة عندي
ورمضان كريم

حقا كان يوما جميلا
تشكراتنا للذين خططوا وأخرجوا
هذا اليوم الجميل
كل الامنيات أن يستمر هذا التواصل
ربي يديم المحية والاخوة بين الجميع

عدل للتكرار

شكراً للجنة المنظمة وشكراً للفنان عصام محمد يوسف وشكراً لكل الحضور الكريم من بورداب جدة وضيوفهم الكرام والشكر الخاص للشرقاوي الهميم الشاب خالد العطا القادم من مكة المكرمة خصيصاً كعادته كل عام .. كانت ليلة رمضانية سودانية خالصة ..

Quote: شكرا البشير دفع الله لاسعاف البوست بالصور كالعادة اخونا عصام ...فى تاخير الصور .... تحياتى للجميع ..ورمضان كريم

مراحب معاوية

منتظرين الأخ عصام

وقلت أمد ماعوني وأساعد مع انو صوري ما واضحه شدبد

Quote: النتيجه صفر السبب مجتمع رجال عذااابه فقط اين عهد الحريم بلغة اهل الوهابية وانتم هنا النون مافي داعي ليها لانكم رجااال فقط لماذا هذه الممارسة الاقصائية للمراة الزوجة والام والبنت الحبيبه والشقيقه معقول الناس تتصور بس رجال وعصائد وملاح نعيمة بارك الله في الاطفال وانا قلبي عليهم لان الدولة القاعدين فيها خطرها عظيم علي مستقبلهم الخلا دارو قل مقدارو كوستاوي اوصيك تعطي هذه المجموعة درجة الصفر وبعدهم الدوحة الاول الخرطوم حيث الاصالة ولا زالت تسبق الجميع حالتها معرقلة من قبل الهوس الديني الحاكم والعصابة المجرمة لكن برغم المحنة الخرطوم اجتازت المحنة

ملك الشتارة و العوارة بدون منازع

Quote: الاول الخرطوم حيث الاصالة ولا زالت تسبق الجميع

شكرا يا صبري
نحن لو لقينا نصف امكانيات ناس جدة ديل زول بلحقنا ماقي بس ناس جدة ديل غايتو امكانيات ساكت بس


جلسة في الحرم ان شاء الله

فائز ود القاضي انت ما ملاحظ انك لابس زي الهلال ؟

خالد العطا

تحياتي ورمضان كريم

اول مرة اتداخل معاااك كان علي الاقل تبدا بكلمة السلام


لكن عاذرك ربما مشغول او لا تدري بالمداخل الصاح


انا اناضل من الخارج ولم اطالب ناس السعودية بنضال او غيره

لكن قول من خلا دارو قل مقدارو مثل سوداني


وانا اشاهد في صور الرجاااااااال كان المسالة ما فيها نساء ولا اطفال


ليه بنعمل كده في نسائنا هن ليست سبة وليس لنا في قول العادات الا هروب كبير
لكن منهاج الوهابية والطالبانية يسيطر علي الكثير

لقد عشنا وشفنا نسائنا امهاتنا وخالتنا متصورات بجكسا في خط سته

ان كنت تدري خط ستة او جكسا حسب عمرك

وكان رقيص العروس يتم في الفضاء العريض للشوارع

هل كانت الصور او الناس تقول عن اهلك واهلي الغلط لا وكلا


كانت البنت تلبس اجمل لبوساتها وتخرج للمنتزهات وكازينو النيل الازرق كان في اوجه الان دك دكا

لان المشروع الحضاري اللي هو الاسلام لكن ناس الجبهة اختارو له اسم دلع


المجتمع لا زال يقاوم سرطان وايدز الوهابية والهوس الديني

ابو الحسين

سلام لك وللحسين اصلو لي محبة في الحسين والبحب الحسين

مسامحك في قولك وادعو لك الله للهداية
والدنيا رمضان
هل رمضان لغتك ما بتتصلح فيه

علي العموم تحياتي

كل عام وأنتم بخير .. وكل سنة تامين ولامين إن شاء الله

Quote: لان المشروع الحضاري اللي هو الاسلام لكن ناس الجبهة اختارو له اسم دلع صبري الشريف

Quote: مسامحك في قولك وادعو لك الله للهداية والدنيا رمضان هل رمضان لغتك ما بتتصلح فيه برضو صبري الشريف

حيرت كنكوجنا دا عدييييل!!

انت داير تقول شنو يا زول!!؟




----------

يا زول نحنا في البلد عندنا هنااااك الراجل يمشي شهر العسل .. حتن المرأة بعدين تمشي
و ما شفت ليهم اسلامن بقولوا عليو كدي!!



فااا شنو؟

ارحمنا ياخ !

مالك و مالنا انت و كت ما جايي تدعونا لي نضال!!؟
و لّ جايي تدعونا نناضل معاك في رمضان العلينا دا!؟

تحياتي
و رمضان كريم

عرفت ليه الناس ما قاعد تحييك؟
لانك ما اتيت لتحية ذاتو .. لكن يبدو انو اجندتك آخرا ..
و دي ما مقسمة معانا ياخ!
وقع ليك!؟

Quote: ابو الحسين سلام لك وللحسين اصلو لي محبة في الحسين والبحب الحسين مسامحك في قولك وادعو لك الله للهداية والدنيا رمضان هل رمضان لغتك ما بتتصلح فيه علي العموم تحياتي

صبري أنا ولدي إسمو حسين و ليس الحسين
و سميتو حسين على إسم الوالد
إنت تحب الحسين تحب الشيطان دا خيارك إنت و إنت حر في كل خياراتك
إنت البتعرف رمضان و بتعرف الله بتكتب كلام زي دا.....؟؟؟؟
كلامك اللي كتبتو دا أكبر إهانة للمرأة
فنساء جده هن أحرار في إنهن إتصورن أو ما إتصورن...
إنت زول أشتر و عوير
و قبل كدا عملتها في بوست لمة بورداب الخرطوم

فعلاُ جدة غير .......


رمضان كريم وتصوموو وتفطروا على خير ......


الشكر والتقدير لكل بورداب جدة الذين استقبلونا بحفاوة الترحيب والذين اعطونا احساساً باالأخوية في الغربة


وانتم معنين بالمركز الاول بجدارة من غير منازع(الكلام ليك ياطارق جبريل)


ولكم منا ارق تحية واحترام،،،،،،،





!!!* عمــــــــــــر اربــــــــــــــــــــاب*!!!

Quote: حيرت كنكوجنا دا عدييييل!! انت داير تقول شنو يا زول!!؟ ---------- يا زول نحنا في البلد عندنا هنااااك الراجل يمشي شهر العسل .. حتن المرأة بعدين تمشي و ما شفت ليهم اسلامن بقولوا عليو كدي!! فااا شنو؟ ارحمنا ياخ ! مالك و مالنا انت و كت ما جايي تدعونا لي نضال!!؟ و لّ جايي تدعونا نناضل معاك في رمضان العلينا دا!؟ تحياتي و رمضان كريم عرفت ليه الناس ما قاعد تحييك؟ لانك ما اتيت لتحية ذاتو .. لكن يبدو انو اجندتك آخرا .. و دي ما مقسمة معانا ياخ! وقع ليك!؟

قيقراوي

تحية طيبة

معقوله يا زول الرد ده
لاول مرة بيننا

هل يا سيد عندك في الخاطر حاجه

عن نفسي لا اري انني تبادلت معاك اي تعليق
بل ربما مرات رفعت تعليق لك في بوست شتيمة كادر الحماية الشيوعي بدر الدين لي او لعادل عبد العاطي


هنا تعليقي ياسيدي ما يميلي علي عقلي

واقول محييا هذا ابو الحسين لانه بشتم ويسب ومن زمن بعيييد جدا

وانا انظر لاي تعليق لي من ان بدات قبل ستة سنوات ان اكون شتمت او لم احترم اي فرد

عموما صراع صراع افكار

لكن مقبول منك اول حديث منك

تسلم انت والرحمه لغاده مجتبي محسي المعلقه في الاطار رحمه تتنزل عليها ببركه الشهر العظيم

Quote: قيقراوي تحية طيبة معقوله يا زول الرد ده لاول مرة بيننا هل يا سيد عندك في الخاطر حاجه عن نفسي لا اري انني تبادلت معاك اي تعليق بل ربما مرات رفعت تعليق لك في بوست شتيمة كادر الحماية الشيوعي بدر الدين لي او لعادل عبد العاطي هنا تعليقي ياسيدي ما يميلي علي عقلي واقول محييا هذا ابو الحسين لانه بشتم ويسب ومن زمن بعيييد جدا وانا انظر لاي تعليق لي من ان بدات قبل ستة سنوات ان اكون شتمت او لم احترم اي فرد عموما صراع صراع افكار لكن مقبول منك اول حديث منك

يا عمنا صبري شنو دلالة اول و لّ آخر رد في السميتو انت [ عموما صراع صراع افكار ]

و الجاب [عموما صراع صراع افكار ] هنا شنو ذاتو لو ما رواشة منك!؟
يا زول ما تقوم تلف كدا و لّ كدا!!

البوست دا لمة اجتماعية انت ما معانا فيها .. الجابك شنو!؟

اها انا برضو [هنا تعليقي ياسيدي ما يميلي علي عقلي]

المافي شنو!؟
ما عندي عقل زيك!؟

و لك ان تضيف كمان - في حالتي - ؤ ( ضميري ) .. لو بتريد!



--------

شنو يا معلم سرحت بخيالك لي هنا و هناك ...

اطمن كل مرة انا بعمل نفس الشغلة دي .. [هنا تعليقي ياسيدي ما يميلي علي عقلي]

ولا يهمني انو يفرحك لكي ترفعه - زي ما منيت علي اعلاه - او تضرب راسك في اقرب حيطة جمبك
ماشي تفيدني او تضرني بشنو اياً كان رد فعلك على تعليق لي!؟
ما تدي المسائل اهمية اكتر مما تستحق يا حبيب

اسي ردي دا جليهو شوفني لو متا!!

الاخوة الاعزاء الاكارم

رمضان كريم ,,,

ارجو فقط رجاء من لنا في مودته رجاء ومن لنا في طيفه ثمة خاطر

ان نُسقط مداخلة الاخ صبري الشريف ذلك رأيه وقد تم الرد عليها في

إطار المزيد سيفسد روعة البوست واللقاء .... بالتالي كلماتي اوجهها

للأخ صبري الشريف واكون ممنون لابتعاده وعدم تعقيبه فذلك منه يكفي وهو

رأي خاص به غير موفق الرأي لعدم الإلمام بطبيعة ما نعيشه وظروفنا هاهنا.







شكراً,,,


...............................................................حجر.

شكرا يا قيقرنا علي حسن الرد

لك التحيات الطيبات

Quote: البوست دا لمة اجتماعية انت ما معانا فيها .. الجابك شنو!؟

اعلاه قول قيقراوي لي

وهنا انا عضو لي حرية التعبير في اي بوست وفقا للاحترام لا اشتم او اهين او اريد ان استهزا

ما قلته رؤيتي قلتها هنا وفي بوستات مختلفة وهي وجهة نظري
تعرضت فيها لشتيمة ######رية يعف لساني عن مبادلتها


لكن يا اهل جدة
اعتذر اليكم \ن واقول هذه اخر مداخلة برغم انني اقف في حق ان تكون المراة والرجل لهما نصيب لو ما زي بعض
لا تجلس خلف المطبخ او انتاج الاطفال فقط هي عنصر فاعل يجب علينا افساح فرصة لها واعزازها واكرامها

عموما اعتذاري للجميع ومتاسف ان مشاركتي ازعجت الاخوة اهل جدة

Quote: خالد العطا تحياتي ورمضان كريم اول مرة اتداخل معاااك كان علي الاقل تبدا بكلمة السلام لكن عاذرك ربما مشغول او لا تدري بالمداخل الصاح

اولا وعليكم السلام وانا اسف بس لعلمك عارف المداخل الصاح كويس

Quote: انا اناضل من الخارج ولم اطالب ناس السعودية بنضال او غيره

قصدي لو ما فهمت افهمك انت قاصد نحنا خلينا بلادنا عشان كده قل مقدارنا
ياسيدي انت عايش بره السودان ونفس الظروف الجبرتك للخروج هي نفسها التي
فرضت علينا احترام عادات وتقاليد البلاد التي نعيش فيها

Quote: ليه بنعمل كده في نسائنا هن ليست سبة وليس لنا في قول العادات الا هروب كبير لكن منهاج الوهابية والطالبانية يسيطر علي الكثير

طالما انك معترف انه الوهابية والطالبانية منهج وجب عليك احترام
منهج الاخرين طالما نحن لم نتزمر منه

Quote: لان المشروع الحضاري اللي هو الاسلام لكن ناس الجبهة اختارو له اسم دلع المجتمع لا زال يقاوم سرطان وايدز الوهابية والهوس الديني

هسه في الكلام ده يردوا عليك بي شنو المشروع الحضاري بتاع السودان
ونظام الجبه بتاع السودان وياربي الجبهة برضو بتحكم هنا


كلام الطير في الباقير (مثل بنغالي )
الاخ صبري
رجاء اخرج من هذا البوست انا عارف عندك حق الرد و لكن
اخرج احتراما للاخرين وافتح بوست اخر عشان نقدر نرد عليك فيه
حتى لا تغير مسار البوست في اتجاه اخر

رمضان كريم وانشاء الله دايما" تامين ولامين
الشكر للاخوة المنظمين و المصورين والحضور الكريم

وتمنياتنا للجنة التفيذية المختارة بالتوفيق

رمضان كريم وعساكم من العايدين


اين احمد التجاني واساسي


وجدة غير

فائز وشحوتاى

ودالقاضى وصديق رحمة ومصطفى البشير

مصطفى وايوب وعصام يوسف ومجدى وعادل طبعا ده تصوير حجر

بشير وجمال وقيقراوى

ابراهيم العبيد ودكتور عبدالحافظ (ضيف)

[center]عصام دهب والسمانى عمارة ومعاوية وابوقصى

ابوقصى والسمنى وسيف الدين عيسى وادم شحوتاى

الإخوة والأخوات الكرام
بورداب جـــــدة
السلام عليكم ورحمة الله وبركاته،
لم أتمكن من الحضور لوجودي خــارج مدينة جــدة
الشكر لكل الإخوة الذين خططوا لإقامة هـذا اللقاء الرمضاني الأسـري
وإخراجــه بنجاح وبصورة مميزة ومشرفه.
والشكر للأخ/ عصام يوسف الذي أبدع ونقل لنا بكمرته الذهبية الصورة كاملة
وجعلنا كأننا حضــورا بينكم.

أمنياتي مزيدا من التواصل والتعاون والتوفيق للجنة الجديدة .

وتقبل الله صيامكم وقيامكم،

صلاح حمـــد

غايتو يامولانا الساعة خرتت تيرموس القهوة

نادوس ... سلامات

Quote: بورداب جدة كل عام وانتم بخير ورمضان كريم بدون صاحبنا اللدود اساسي وقريبي ابوعثمان انتو ناقشيني كتير وسعيد بشوفة أخونا وليد عبداللطيف وله معزة خاصة عندي ورمضان كريم

لك كل الحب والود تحياتي لكل الاسرة الكريمة
وفي هذا الشهر العظيم لايفوتنا ان نترحم على روح فقيد المنبر (معتصم )
بان يتقبله الله قبولا حسنا
وان يجعل الجنه مسواه


وفي هذه الايام الطيبة ياريت الناس تدعو له بالرحمة والمغفرة

ياسلالالالام يا رمضان على المحبة والوداد ... يارب دايما

Quote: لك كل الحب والود تحياتي لكل الاسرة الكريمة وفي هذا الشهر العظيم لايفوتنا ان نترحم على روح فقيد المنبر (معتصم ) بان يتقبله الله قبولا حسنا وان يجعل الجنه مسواه

نعم اخي وليد ... فليرحمه الله رحمة واسعة وينزل عليه شآبيب الرحمة وينزله مع الصديقين والشهداء وحسن اولئك رفيقا.

اخونا عصام دهب

Quote: شكراً لكم و إن شاء الله دايما تامين و لامين و على الخير مجتمعين .. و إن شاء الله ( القهوة ) عجبتكم كمان عشان المرة الجاية نجيبها في وايت ..

وايت شنو عايز تاكلنا حنك دي لازم تعمل لينا سبيل منها
ود الباوقة

Quote: غايتو يا حجر بالغتة ما تمشي تشيل ليك صحن براك وانت يا وليد يا اخ ما كان تديهو فرصة يشيل واحدة بس

يشيل شنو ياخ ياخي دا دفعين فيهو انت قايلو مجان ههههههههههههههه
ود الباوقة يشرفنا يوم تزورنا
وحجر الهميم جزاه الله الف خير الذي جعل اليوم جميل بمجهودة المقدر
حنيت عليهو وهو واقف بعيد مراقب للاحداث لذلك عبينا صحن لكي يشاركنا
لكن بيني وبينك هو ظفر بالغنيمة كلها وانا طعلت صفر اليدين
.
ود الجمري : الانيق الحريف الشفيف

Quote: يا كابتن وليد .. ياخي مشتاقييييييييييييين والله .... وزمن طويل ما سمعنا منك .. معليش مشاغل الدنيا ومشاكل سودانيزاونلاين حرمتنا من التواصل تحياتي ليك وللاسرة الكريمة

والله مشتاقين
ود العمدة

Quote: يا ود الباوقة حجر دا كان بلعب بلي ولا شنو ؟!!

حجر داقي نظر هههه

قيقا

Quote: يا شباب ولي مضاري الصحن من الصورة ما من حجر ديل شنو ديل!؟

قيقا مالك كاشف الخطة ههههههههه خليهم يقولو زي مالناس بقولو حلات الاربعاء يومو

دكتور الباقر

Quote: ولقيقا اقول مبادرتك طيبة لكنها اخذت كثيرا من وقتنا فمرحبا بالجميع من له باس ووردومن ليس له

كنت اتمنى ان ياخد موضوع قيقراوي اكبر قدر من الزمن لان يحمل افكار اوسع وارحب لبورداب جدة
قطعنا من زمننا واعتذرنا لضيوفنا لكي نحضر ونشارك الناس ليس في الطاعم فقط بل في هموم بورداب جده
وان نتحدث في المواضيع المهمه ومهمه جدا وهذا هو الوقت الوحيد والمناسبة الوحيدة التي تجمعنا كل مره

Quote: مصطفى وايوب وعصام يوسف ومجدى وعادل طبعا ده تصوير حجر

وين الباقي ياعصام ؟؟؟













............................................حجر.

فنجان جبنة بي شمالو يسوا الدنيا بي حالو (اكيد يادفعة جبنة مولانا فيها طعم الشرق)

الاخوة الاجلاء

رغم الحضور المتاخر الا اننى خرجت من هذه الليلة باحساس جميل

وتقدير كبير واحترام زائد


نعم انهم الاخوة الاعزاء جمالا بجمال هذه الليلة الرماضانية

الطيبة

وهم يتبادولون الحديث والحوار وبين لحظة ولحظة طرفة وبين طرفة

وطرفة نقاش مفيد

نعم كانت ليلة جامعة وجميلة

فلنا هنا وقفة مع من قاموا بالاعداد والترتيب لاخراج هذه

الليلة بهذه الصورة الجميلة والانيقة

فلهم الانحناءة والتحية والتقدير

وللحضور الكبير

ولاننسى التوثيق والفنان عصام الدين

فله الشكر

وللجميع المودة حتى نلتقى فى مناسبة اخرى وبمساحة

اكبر للعائلات

Quote: الاخ الراقي مجدي تشرفنا كثيرا بوجدك بيننا كما تشرفنا بجميع الضيوف بس عيبك الوحيد كما قال لي استاذنا تاج السر انك هلالابي ههههههههه

ياقريبى ما يغشك تاج السر

لو الهلال مافى تصوم وتفطر كيف ؟؟؟؟؟؟؟؟؟؟؟؟؟

يا الله بجيك وتسالنى قايلها صورة لطلبة معهد امدرمان الدينى فى الستينات
ده فطور شنو ده؟؟هيييييييييييع الفطور الضكر،،،،

Quote: ده فطور شنو ده؟؟هيييييييييييع الفطور الضكر،،،،

حليلو قبلو!!

يفكوها من دا يتدرعا دا!!











---------

كدي نشوف جكتكم انتو يا ناس لاس فيقاس

الاخوة الاعزاء جميعكم صياما مقبولا وافطارا هنيئا
عاكستنى ظروفى ولم استطع حضور هذا المحفل البهيج
رمضان كريم وسعيد وكل سنة كلكم تامين ولامين امين
على امل اللقيا بكم فى مناسبة قادمة ان شاء اللة تعالى .

بورداب البلد الطيب
رمضان كريم وتقبل الله الصيام والقيام
لمة طيبة وناس طيبون فى بلد طيب
دايماً عامرين وملمومين فى الخير إن شاء الله

يا سلام يا ناس جدة

كانت لمة جميلة

لمة السرور في يوم الفطور


وتوعدكم ان تتعدد اللمات في المناسبات وغير المناسبات

كي نتواصل معا على الدوام ( ما دوام العمل)

وايدينا يا ولد ايدينا للبلد

اها من هسه

يا العيد الصغير

يا اكتوبر 21

اللمة القادمة

Quote: يا العيد الصغير

نسقوا للعيد الصغير
باقي ليهو ايام قلائل

تاج السر .. والحيرة .. خير يا تجو.

Quote: تاج السر .. والحيرة .. خير يا تجو.

شايل هم الاحمر الوهاج مع اتحاد جدة ( اتي ياموج البحر )

Quote: فنجان جبنة بي شمالو يسوا الدنيا بي حالو (اكيد يادفعة جبنة مولانا فيها طعم الشرق)

كيمو دفعتي الأصغر مني
رمضان كريم

والله اللمة كانت فاقداك تب .

Quote: نسقوا للعيد الصغير باقي ليهو ايام قلائل

Quote: تاج السر .. والحيرة .. خير يا تجو.

عارف يامصطفى أخوى .. بعد ما شربت قهوة مولانا عصام دهب
الرأس دور .. ماعارف مولانا عامل شنو فى القهوة .. كدى
أسالوه .. تحيتى وتقديرى للجميع ..

تاج السر

ياناس جدة فيي صور لسة ؟؟

الداسي الصور يطلعها ؟؟؟










............................حجر.

الاخوة الافاضل السلام عليكم ورحمة الله وبركاته وكل عام وانتم بالف خير
اعتزر بشدة عن تاخير الصور نظرا لاصابة الميمورى بفيروس ادى الى حجب
الصور والحمدلله تمت معالجته بواسطة خبير هندى وتم اخراج الصورسالمة
اتقدم بالشكر لكل المتداخلين وكل من قام بالمرور واعتقد بان البوست
ناجح وحقق اهدافه الشكر لكم جميعا والشكرايضا للريس ابوبكر وكل عام
وانتم بخير

الأخ الأستاذ عصام يوسف
تحية طية بعد ..
وكل عام وأنت ومن معك بالف خير

اعتذارك مقبول نيابة عنى وعن جميع الاخوة والزملاء لبورداب
جدة .. والتحية نسوقها اليك مثنى وثلاث ورباع سائلين المولى
أن يجعل ايامك كلها فرحا وسرورا .. وكل عام وأنت بألف خير
وعيد سعيد ومبارك ..

تاج السر

يا سلااااااااااااام يا ناس جده..
أهل الرخاء والشًده.. والله ليكم وحشه.. كل سنه وانتوا طيبين
وتامين ولامين
الرفاعي ما بتكلمني مالك ياخ ... وويييييييين اساسي الاساسي

Quote: الاخوة الافاضل السلام عليكم ورحمة الله وبركاته وكل عام وانتم بالف خير اعتزر بشدة عن تاخير الصور نظرا لاصابة الميمورى بفيروس ادى الى حجب الصور والحمدلله تمت معالجته بواسطة خبير هندى وتم اخراج الصورسالمة اتقدم بالشكر لكل المتداخلين وكل من قام بالمرور واعتقد بان البوست ناجح وحقق اهدافه الشكر لكم جميعا والشكرايضا للريس ابوبكر وكل عام وانتم بخير

ياسلام ياعصام على المجهود المقدر وجزاك الله الف خير
رغم اننا افتقدنا الكثيرون من اخواننا في هذا اليوم
إلا انه كان يوم رائع كأهل جدة