أين وزير الدفاع طارق احمد ادم من دفاع الهلال...

دفاع يعاني مايعاني يظهر فرحة الهلال لم تكتمل
وماهو دور طارق احمد ادم كمتخصص دفاعي وهو طوال فترتة
مع المدرب ميشو لم يستطيع حل مشكلة الدفاع التي اصبحت تؤرق جمهور الهلال
قبل اللاعبين داخل الملعب
خط الدفاع مع حارس المرمى غير مطمن بتاتا
فرحة جمهور الهلال يظهر انها لم تكتمل بوجود هذه العله والمشكلة المزمنة التي باتت تؤرق الكل
وفي مقابلة تلفزيونية مع الكابتن طارق احمد ادم
قال نحنا بنؤدي الدور العلينا ماهو الدور الذي قامو به ولماذا لم تظهر ثمارة
دفاع يمكن اختراقة بكل سهولة وغير داعم لخط الوسط والهجوم لامعنويا ولا فنيا
دفاع طوال زمن المباراة يعمل على الارهاق الزهني لخطي الهجوم والوسط بسبب ضعفة
وسوف يكون خط الدفاع سبب خروج الهلال من هذه البطوله صفر اليدين في وقت اصبح اقرب للتويج بلقب البطولة لهذه الدورة
أحــبــّــك يا هــلال ♥ ♥ ♥
في المقبرة حيث الحيث
يا بطيخاب هوووي ... الهلال لا يمكن الوصول إليه حالياً .. ولا مستقبلا
قاذفات اللهب ..اوتو بونج ...رمح الهلال الملتهب القادم
يا مريخاب سيبو الهلال في حالو
تهانينا لكل جمهور الهلال ومحبي كرة القدم عامة فوز الهلال السابق على القطن الكميروني

كابتن وليد
رمضان كريم

إنكشاف دفاع الهلال أمر لايختلف عليه ولكن ذلك يعني أن الوسط
ذاته أصبح يعاني:
البرنس: أنتهى عمره الإفتراضي وأصبح يلعب على الواقف
المعلم: أستهلك
علاء الدين ولدنا: فاقد لياقة

فكان لابد أن ينكشف دفاع الهلال

والغريق قدام

Quote: المدرب ميشو لم يستطيع حل مشكلة الدفاع التي اصبحت تؤرق جمهور الهلال

البنتاجون ما يحل مشكلة دفاع الهلال

بوست عن دفاع الهلال ...

المداخلات حتى الان تلاتة والتلاتة مريخاب

وصاحب البوست زاتو مريخابي بالدس ..

هلا وغلا وليد

اعتقد ان مساوي ما زال يبحث عن الدخول في الفورمة بعد الاصابة

وديمبا يلازمه البطء ولكن المشكلة ايضا في لاعبي الارتكاز


عمر بخيت استهلك والاصابة (والطنقعة ) بوظت كورة علاء الدين يوسف

واتير توماس مجتهد وهو الافضل في خانة الارتكاز ولكن لاسباب نفسية يلعب عمر وعلاء دائما


سينصلح الحال في قادم الايام اكيد

والكاس كاسنا ونحن اهله وبنستاهلو

ابوعبيدة سلامات ورمضان كريم

Quote: إنكشاف دفاع الهلال أمر لايختلف عليه ولكن ذلك يعني أن الوسط ذاته أصبح يعاني:

دفاع الهلال كشف نفسة بنفسة ولو لا قوة وسطة كان تشوف الاهداف مثل السيل
في شباكة غايتو الوسط لاباس به ومليان وبرضو احيانا تجد الوسط زحمة من غير فائدة سببه الحركة والوقوف الخاطي في الملعب

Quote: البرنس: أنتهى عمره الإفتراضي وأصبح يلعب على الواقف المعلم: أستهلك

ياخي البرنس زي شجرة الصندل وكل يوم يزيد تعتيق

غايتو يا وليد أنا شايف الهلال لو سجّل أخونا وليد محمد المبارك رغم شيخوخته في مكان المُعز احتمال الهلال يفوز بالبطولة الإفريقية لهذا العام ...
لكن طالما الحارس هو المُعز الله يستر علينا من الضغط والسكّري ...

بالنسبة لدفاع الهلال في هذا الموسم ظاهرة الشرود وعدم التركيز أصبحتا سمّة ملازمة لأفراده !!!


ــــــــــ
خارج النص: تشافي هيرنانديز دخل الشوط الثاني في مباراة الريال ... وتمكّن برشلونة من الاستحواذ على الكُرة في آخر عشرة دقائق !!!
غايتو الزول دة ممكن تقول عليهو عامل كدة - ما شاء الله - زي سير التايمر

ــــــــــ

Quote: البنتاجون ما يحل مشكلة دفاع الهلال

حمزاوي ... سلامات
ياخي زمان في الحلة لو واحد من المدافعين غائب على طول تلاقي واحد سادي خانتو
ويلعب افضل من الاعب الاساسي يعني ميشو وطارق لم يجدوابين لاعبي الهلال لاعب يمكن ان
يجيد اللعب في الدفاع افضل من التاج وخليفة بكل سهولة ممكن تولف لاعب وسط الى هذه الخانة

Quote: بوست عن دفاع الهلال ... المداخلات حتى الان تلاتة والتلاتة مريخاب وصاحب البوست زاتو مريخابي بالدس

هههههههه قوية منك ياعمر جنابو ياصفوة حلوة وملعوبة
صاحبك ربيع محمد علي مبسوط شديد وتعرف هلاليته الجارفة
بالله دفاع الهلال دا نادر يوسف ما افضل منهم
ياخي لعب معنا تنقو ولدكم في الاتحاد البحراوي كان بيسمع كرة القدم
وفي يوم مباراة ضد الهلال لنا اعلن اعتزالة بسبب تم احتساب ضربة جزاء عليه
الحكم قال ايه نزل الكره بيدة وهو لم يعرف مهارة القصير المكير ( تنقو ) لاعب النيل السابق
وسط عتاولة هجوم الهلال

صبري طه ... سلامات

Quote: غايتو يا وليد أنا شايف الهلال لو سجّل أخونا وليد محمد المبارك رغم شيخوخته في مكان المُعز احتمال الهلال يفوز بالبطولة الإفريقية لهذا العام ... لكن طالما الحارس هو المُعز الله يستر علينا من الضغط والسكّري ... بالنسبة لدفاع الهلال في هذا الموسم ظاهرة الشرود وعدم التركيز أصبحتا سمّة ملازمة لأفراده !!!

مرات بجيني احساس انو دفاع الهلال بيلعب في مباراة ليس التي نشاهدها
كل واحد بيلعب بطريقته الخاصة يستحيل هناك توافق في الحركة الدفاعة
وانهم يمثلون خط واحد اما المعز الحارس دا كمان بلعب في عالم واجواء لوحدة
طوال التسعين دقيقة والمشاهد واضع يده على قلبة (يارب استر يارب استر )
لكن ياصبري هل هذا الاداء المهزوز لم يجد له طارق احمد ادم حل
لاعب مثل التاج كان مرشح للشطب
شاهدناه اساسي في كثير من المباريات

Quote: اعتقد ان مساوي ما زال يبحث عن الدخول في الفورمة بعد الاصابة وديمبا يلازمه البطء

خليلوف ... كلام زي العسل
طيب طارق احمد ادم نفسة كان بطيء جدا جدا ولكن كان فكره عالي وزكي
يعرف متى يدخل وتوقعاته كلها سليمة وهذا يدل على الفكر الكروي العالي
على الاعب ان يعرف عيوبة ويعرف كيف يحل هذه المشكلة
مثلها مثل الضربات الراسية التي كان طارق احمد ضعيف فيها
ولكن كان له حل لهذا التقصير ...
وديمبا مفروض هو الذي يقود الدفاع بحنكة وفاقد الشيء لايعطية وللا شنو يا خلي

Quote: ولكن المشكلة ايضا في لاعبي الارتكاز عمر بخيت استهلك والاصابة (والطنقعة ) بوظت كورة علاء الدين يوسف واتير توماس مجتهد وهو الافضل في خانة الارتكاز ولكن لاسباب نفسية يلعب عمر وعلاء دائما

طبعا كما تفضلت ياخليل عندما يكون الوسط غير قادر ان يؤدي بطريقة سليم يضعف خطي الهجوم والدفاع اضافة الى خط الوسط
احيانا تجد عمر بخيت في وضع تمرير باص قاتل او تمرير افضل من تصويب
تلاقي صاحبك شات الكره وجابوها من الكشافات كثيرا الاحظ له حركة غير سليمة
ولكن برضو تقول انه ترمومتر الوسط ورمانته التي تعمل على توازنه واذا غاب
غاب الهلال وملاحظة اخري في المباراة السابقة توقف معترضا على زملاءة وهذا خطأ
فادح
علاء الدين يوسف ولد حلتنا ترعرع بيننا وخالة يونس قرمة كان يلعب بنفس طريقة علاء الدين
كثيرا مايعتمد على القوة ويظهر الشغلة وراثة . علاء الدين مجتهد وله لياقة عالية
شايف المزيع متكيف وبقول بيتحرك اكثير من اتنين كيلو ضحكت كثيرا
لانه لم يعرف كم كيلو يتحرك كاكا في المباراة
اتمنى من الاخ علاء الدين يوسف ان يعرف شيء واحد بأن شغلة كرة القدم ليس رجالة
وتعتمد على الذكاء اكثر من القوة كما كان يستقل هذا الجانب ابن حارته الكابتن نادر منصور
قوة مع ذكاء ..

Quote: سينصلح الحال في قادم الايام اكيد والكاس كاسنا ونحن اهله وبنستاهلو

واحد امس في الافطار من اعضاء المنبر قال لي عيبك الوحيد انك هلالابي
ياخي والله بتمنى ان يتحقق امل الشعب السوداني في انتصار الهلال
اظرف حاجة عندي صاحبة قال انا ببارك للهلالاب لكن في نفس الوقت ماعايزهم يمشو قدام
قلت ليهو : ليه
قال : لسانهم طويل ولو احرزوا هذا الكاس إلا تاني نشوف لينا مكان ندخلة هه هه هه

الكابتن الصديق وليد عبداللطيف ... مشتاقين ... زمن طويل ما سمعنا منك .. تحياتي ليك وللاسرة الكريمة


حقيقة مشكلة دفاع الهلال حاجة ملاحظة ولابد من حلها عاجلا

لاعب الارتكاز في الفريق مهم جدا ...كان العوني وعصام بلاتيني وعصام غانا ومنقستو بمثلو ركيزة كبيرة لدفاع الهلال في فترات مختلفة عشان كدة دفاع الهلال كان ثابت بالرغم من ملاحظات على طارق ومجدي مرجان

انا ارى الاهتمام بلاعب الارتكاز ضروري والان الهلال ما عندو اللاعب الممكن يشغل الوظيفة دي

عمر بخيت لاعب جيد ولكن ما بالقوة الكافية لهذه الوظيفة

بالنسبة للحارس المعز .. اهم شئ في حارس المرمي هو الرشاقة ودي مفقودة في المعز .. ونحن كلنا بنتذكر الحارس الاسطورة حامد بريمة ... كان مميز بالرشاقة

وده صوت للحادبين على مصلحة الهلال والماسكين زمام الامور لاعادة النظر في هذا الامر

يا وليد ياخي .. جنابو عمر ده فاضل ليهو حاجة بسييييييييييييطة ويبقى ازرق ...

يا وليد عايزين كاس محمول جوا ان شاء الله جنازة زي كاس ناس عمر ديل ههههههههههههه

تحياتي ونلتقي

يا جماعه انتو نسيتو ناس سفاري القام جاري ولا شنو


وفي فريق ارتكازو الباشا يا ناس والشغيل الثقيل ناسينو انتو ولا شنو


الزومه نسيتوه بله جوز

سعيد السعودي

لا حولا نجم الدين براطم


يا وليد معليش

شوفو العوجه دي وتعالو اتكلمو في سيد البلد