Post: #1
Title: تحذير من كتيبة البرق الخاطف (الخاصة)....
Author: ود الباوقة
Date: 08-15-2011, 10:33 PM
Parent: #0
سوداني نت - وكالات: انتقدت كتيبة من المجاهدين بشدة
ماوصفته بتغييب مشروعات الإعلام الجهادي (ساحات الفداء وغيرها)
وانحسار عملية نشر الثقافة والتربية الجهادية وسط المجتمع
وحذر مجاهدو كتيبة البرق الخاطف (الخاصة) في لقائها
الحادي عشر بقاعة الشهيد بجامعة السودان من أية عملية
لاستهداف الدفاع ا لشعبي ومؤسساته، مشددة على أنها
سوف تجد الحسم الفوري وقالت (الكتيبة الخاصة) في تعميم
صحفي إن العالم مازال يتربص بالبلاد لتنفيذ مخططاته
محذرين من أن أية عملية تطاول على مؤسسة الدفاع الشعبي
ستجد الرد الفوري والحاسم، وجددت كتيبة البرق الخاطف (الخاصة)
إحدى كتائب الدفاع الشعبي العهد مع الشهداء بالسير قدماً
في درب الجهاد والاستشهاد بجانب إحياء أرواحهم الطاهرة
التي بذلوها رخيصة في سبيل الدين والوطن لإعلاء راية (لا إله إلا الله محمد رسول الله).
|
Post: #2
Title: Re: تحذير من كتيبة البرق الخاطف (الخاصة)....
Author: معاوية عبيد الصائم
Date: 08-15-2011, 10:38 PM
Parent: #1
خلاص العشا مع كرار التهامى الانتهازى قام بيك بقت تهضرب
يا مراسلة ...سودانى نت
الله يسد نيتك يا بطينى ....قول اميييييييييييييييييييييييييييييييييييين.
اها قصة بنك فيصل شنو يا صديقى الاجبارى ..احكى ..احكى
ولا ...احكى انا .....
العشا كان شنو ؟
|
Post: #10
Title: Re: تحذير من كتيبة البرق الخاطف (الخاصة)....
Author: ود الباوقة
Date: 08-16-2011, 01:06 AM
Parent: #2
بربار
اركز
الخدمة الالزامية في انتظارك
اركز
|
Post: #3
Title: Re: تحذير من كتيبة البرق الخاطف (الخاصة)....
Author: الغالى شقيفات
Date: 08-15-2011, 10:38 PM
Parent: #1
+ slamat
رمضان كريم
دى اوهامات ساكت منو هم كتبة البرق الخاطف ناس حولى والهادى المهدى والامانة السياسية بتاعة الطلاب فى جامعة السودان الجبتاهم خبر قبل كدى اتمردو فى اتجاه الضعين ولا اخرين ؟؟؟؟؟؟؟؟؟
|
Post: #4
Title: Re: تحذير من كتيبة البرق الخاطف (الخاصة)....
Author: علاء الدين صلاح محمد
Date: 08-15-2011, 10:42 PM
Parent: #3
ود الباوقة وانت المقعد في الرياض شنو
متابعة اخبار اهل الانقاذ
متابعة اخبارهم ما جهاد
حصل الكتيبة دي عشان يعقدوا ليك للحور العين وتكون من اهل الجنة
|
Post: #5
Title: Re: تحذير من كتيبة البرق الخاطف (الخاصة)....
Author: amir jabir
Date: 08-15-2011, 10:53 PM
Parent: #4
الكتيبة دى جاية جبال النوبة متين يا ود الباوقة
|
Post: #7
Title: Re: تحذير من كتيبة البرق الخاطف (الخاصة)....
Author: معاوية عبيد الصائم
Date: 08-15-2011, 11:03 PM
Parent: #5
Quote: إحدى كتائب الدفاع الشعبي العهد مع الشهداء بالسير قدماً
|
شوف يا شهيد (المندى والشية) انت ..بمناسبة الشهداء
الحصل شنو لاخت الشهيد على عبد الفتاح...القاعدة
فى سجن النساء...والتماسيح ..الضربوا معاها ..بره
اها ...الكتيبة ماشة لكفار دارفور ولا جنوب كردفان
ولا كفار ناس فائز ود القاضى فى الشرق...........
|
Post: #6
Title: Re: تحذير من كتيبة البرق الخاطف (الخاصة)....
Author: محمد أبوالعزائم أبوالريش
Date: 08-15-2011, 11:01 PM
Parent: #4
ود الباوقة سلام ..
سيبك من بربار ده ... وتعال ورينا الكتيبة دي بتعمل في شنو ...
حدث في السفارة السودانية بالدوحة
|
Post: #8
Title: Re: تحذير من كتيبة البرق الخاطف (الخاصة)....
Author: منال
Date: 08-15-2011, 11:42 PM
Parent: #6
..Quote:
ود الباوقة سلام ..
سيبك من بربار ده ... |
اسمع كلام ابو الريش ياسيد البقر وسيبك من بربار مخرب البوستات 
|
Post: #9
Title: Re: تحذير من كتيبة البرق الخاطف (الخاصة)....
Author: محمد هشام
Date: 08-15-2011, 11:59 PM
Parent: #8
| Quote: بقاعة الشهيد بجامعة السودان |
تحياتي ود الباوقة
قاعة الشهيد دي مش مفروض تكون للمؤتمرات العلمية كفاعة داخل جامعة اكاديمية ..
بعدين مش السودان بقى 96% منو مسلمين على ذمة smc ..الجماعة ديل عايزين يجاهدو في منو ؟
البرق الخاطف هي الكتيبة البتجاهد بالسيخ والملتوف في طلاب الجامعات المعتصمين بسبب الررسوم او المشاكل الاكاديمية
ومن انجازاتها جرح وتشويه وكسر ايادي واررجل العديد من الطلاب جعلها الله في ميزان حسناتهم
|
Post: #12
Title: Re: تحذير من كتيبة البرق الخاطف (الخاصة)....
Author: ود الباوقة
Date: 08-16-2011, 01:20 AM
Parent: #4
| Quote: ود الباوقة وانت المقعد في الرياض شنو |
المدعو علاء الدين
دا ما شغلك ...
|
Post: #11
Title: Re: تحذير من كتيبة البرق الخاطف (الخاصة)....
Author: ود الباوقة
Date: 08-16-2011, 01:16 AM
Parent: #3
والله يا شقيفات تسوي في ( اوهام) دي لمن تلقى نفسك
اب سايد داون
لكن يظهر عليك ضارب الهمبريب ببلاد الفرنجة
|
Post: #13
Title: Re: تحذير من كتيبة البرق الخاطف (الخاصة)....
Author: Deng
Date: 08-16-2011, 01:27 AM
Parent: #11
ود الباوقة.
قول لهم بلاش فصاحة في الفاضي ساكت.
قوات الحركة الشعبية في أنتظارهم بجبال النوية.
أنت ذاتك يا ود الباوقة لو جيت معاهم بتكون ما قصرت.
|
Post: #14
Title: Re: تحذير من كتيبة البرق الخاطف (الخاصة)....
Author: د.محمد حسن
Date: 08-16-2011, 01:38 AM
Parent: #13
مسطول .. عمل حادث .. جاهو بوليس الحركة قال ليهو الحصل شنو .؟ المسطول قال :- والله ياجنابو انا دقيت ليهو بوري ما زحا وقلبت يهو نور برضو ما زح .. البوليش مشى المستشفى لي المصاب .. قال ليهو اسمعني . الزول دا قال ضرب ليك بوري وما زحيت وقلب ليك نور برضو ما زحيت
الراجل قال :- هي لكن يا جنابو انا جوا دكانتي ازح امش وين
|
Post: #15
Title: Re: تحذير من كتيبة البرق الخاطف (الخاصة)....
Author: كمال سالم
Date: 08-16-2011, 02:25 AM
Parent: #14
ود الباوقه رمضان كريم ,,
ياعزيزى ود الباوقه مثل هذا التحذير سوف يضعك
فى خانه المجرم الذى يتوعد أهل السودان تماما كما
فعل القذافى فى بداية أيام الثوره حين أخذ يتوعد
الليبين ب ( دار دار وزنقه زنقه ) .
فأين هو القذافى الآن وتحت أى حفره يستخبى الآن ؟؟
بل أين كتائبه وجحافل الثوار على بعد 45 كيلو من
طرابلس ؟؟!
ودعك من القذافى وأنظر لبشار الأسد الذى يمتلك المئات
من مثل هذه الكتائب والتى يوجهها منذ عدة أشهر لصدور
أبناء شعبه العزل ,, هل ياترى أفلح فى إيقاف ذلك المد
الشعبى الذى عم كل أنحاء سوريا ؟؟
إنه الآن فى طريقه إلى الإنهيار هو وكتائبه ونظامه الدموى
الذى أحكم قبضته على الأشقاء فى سوريا لمدة أربعين عاما .
ياسيدى قريباسوف يقول الشعب السودانى كلمته وسيذهب نظامكم
إلى مزبلة التاريخ غير مأسوف عليه .
حينها ياود الباوقه سوف تكون قد خسرت رهانك وخسرت أهلك وأصدقائك
وأنت تتوعدهم بالبرق الخاطف والليل الدامس .
إن البرق لن يخطف إلا العملاء الفاسدين المجرمين الذين قسموا الوطن
إلى دويلات . والذين كل مافصلوا جنوبا سعوا لفصل الجنوب الجديد وهاهم
الآن قد أعدوا العده لفصل الجنوب الجديد قبل أن ترسم خرائطه .
ولو أنك لاتعلم فإنهم الآن وفى هذه اللحظه التى أكتب فيها يمطرون
القنابل بالطيران على روؤس أهلنا فى جبال النوبه بعد أن شردوهم من
قراهم وتركوهم لاجئون فى العراء .
لكننا بإذن الله لن ندعهم يفعلونها للمرة الثانيه , فأهل السودان
أجمعهم الآن يتوحدون فى جبهة واحده من أجل الحفاظ على ماتبقى من
الوطن ,, وليت أهل الإنقاذ لو يعلمون بالإعصار القادم . وليت مثل هذه
الكتائب لو تعلم بالمصير الذى ينتظرها .
اللهم إنى قد بلغت فأشهد .
|
Post: #16
Title: Re: تحذير من كتيبة البرق الخاطف (الخاصة)....
Author: قاسم المهداوى
Date: 08-16-2011, 03:31 AM
Parent: #15
Quote: وقالت (الكتيبة الخاصة) في تعميم
صحفي إن العالم مازال يتربص بالبلاد لتنفيذ مخططاته |
معقول يا ود الباوقة
العالم باكملة يتربص بالسودان ؟؟؟؟
والكتيبة جاهزة لدحر العالم باكملة ؟؟؟؟؟
الكلام دا زى الما مقنع كدا ياخ ؟؟؟؟
ولا كـــــــــــــــــيف ؟؟؟؟
قاسم المهداوى
|
Post: #17
Title: Re: تحذير من كتيبة البرق الخاطف (الخاصة)....
Author: خالد عبد الله محمود
Date: 08-16-2011, 09:03 AM
Parent: #16
Quote: وحذر مجاهدو كتيبة البرق الخاطف (الخاصة) في لقائها
الحادي عشر بقاعة الشهيد بجامعة السودان من أية عملية
لاستهداف الدفاع ا لشعبي ومؤسساته، |
ود الباوقة يا حبيب
التحذير ده لمنو بالضبط ؟ و من هو الذي يريد المساس بالدفاع الشعبي و مؤسساته ؟
|
Post: #18
Title: Re: تحذير من كتيبة البرق الخاطف (الخاصة)....
Author: الفاتح شلبي
Date: 08-16-2011, 09:41 AM
Parent: #17
| Quote: التحذير ده لمنو بالضبط ؟ و من هو الذي يريد المساس بالدفاع الشعبي و مؤسساته ؟ |
أعتقد أن كل ذلك نتيجة لصراعات داخلية نسال الله أن يجعل كيدهم فى نحرهم ببركة هذا الشهر الكريم
الظاهر ود الباوقة ذاتو ما بيصل عندهـ غير الكلام المنمق
|
Post: #19
Title: Re: تحذير من كتيبة البرق الخاطف (الخاصة)....
Author: ود الباوقة
Date: 08-16-2011, 10:13 AM
Parent: #18
| Quote: أعتقد أن كل ذلك نتيجة لصراعات داخلية نسال الله أن يجعل كيدهم فى نحرهم ببركة هذا الشهر الكريم |
ونسال الله ان يجعل الدائرة تدور بكل متربص بالوطن وقيادته
|
Post: #20
Title: Re: تحذير من كتيبة البرق الخاطف (الخاصة)....
Author: Dr.Mohammed Ali Elmusharaf
Date: 08-16-2011, 11:15 AM
Parent: #19
ود الباوقة تحياتي ورمضان كريم
| Quote: التحذير ده لمنو بالضبط ؟ و من هو الذي يريد المساس بالدفاع الشعبي و مؤسساته ؟ |
تحت تحت كدة سمعنا انو امريكا قالت اشيلوا السلاح من الملشيات المسلحة كلها وحلها وتسريح افرادها بما فيها الدفاع الشعبي المقرشة والحركة قطاع الشمال.....
وطبعا متعهدي حفلات عرس الشهيد ومتعهدي التموين ونقل البضائع بين الولايات بتصاديق صنع خصيصا للدفاع الشعبي وبدون رسوم وجبايات والمستفيدين من عطاءات لبس الدراويش ديل واذونات الاستيراد التي تستورد الاجهزة الكهربائية بما فيها المكيفات ال AC للمعسكرات لازم يحذروا بالمساس بالمصالح وان العالم يتربص بتقواهم ونقاءهم وعفة يدهم وفطائسهم او كما قال كبيرهم الذي علمهم
---
|
Post: #21
Title: Re: تحذير من كتيبة البرق الخاطف (الخاصة)....
Author: الفاتح شلبي
Date: 08-16-2011, 12:11 PM
Parent: #20
| Quote: ونسال الله ان يجعل الدائرة تدور بكل متربص بالوطن وقيادته |
وطن ؟
آآآآآخخخخخخخخخ يا وطن (تحذرهـ كتيبة خاصة)
وأصبحنا نحن المتربصون ؟
لكم يوم
|
Post: #22
Title: Re: تحذير من كتيبة البرق الخاطف (الخاصة)....
Author: عبداللطيف خليل محمد على
Date: 08-17-2011, 11:03 PM
Parent: #21
البوست دا شايفو ما أخد حقو من التمحيص ..
رغم انو كلام خطير جدا ..
و ورد ايضا كعنوان في بعض الصحف ( في بوست مجاور ) ..
دا ممكن يكون واحد من أدلة الجرائم الحاصلة في الجبال ..
و عرف عن عصابات ( الدفاع الشعبي ) الهوس والتشفي و الانتقام و العصبية و الجهل
الجهل المفرط .. أقله جهل( قوانين الحرب ) ..
و باعتبارها ( تجييش حزبي ) فان اي تحرك مسلح لها يعتبر جريمة ..
جريمة في كل القوانين .. ( الا في السودان ) ..
وتاني ما نسمع اي حكومي يقول للحركة الشعبية - خاصة في النيل الأزرق : أرضا سلاح !!!!!
..
|
Post: #23
Title: Re: تحذير من كتيبة البرق الخاطف (الخاصة)....
Author: عصام دقداق
Date: 08-18-2011, 03:39 AM
Parent: #22
سيظل قوات الدفاع الشعبي بكل جاهزيتهم طالما هناك عملاء من ابناء الوطن ينفذون ويحاربون بالوكالة لاعداء الوطن من اجل تنفيذ الاجندة الغربية وتقسيم السودان هيهات وهيهات
|
Post: #24
Title: Re: تحذير من كتيبة البرق الخاطف (الخاصة)....
Author: ود الباوقة
Date: 08-18-2011, 11:53 AM
Parent: #23
| Quote: سيظل قوات الدفاع الشعبي بكل جاهزيتهم طالما هناك عملاء من ابناء الوطن ينفذون ويحاربون بالوكالة لاعداء الوطن من اجل تنفيذ الاجندة الغربية وتقسيم السودان هيهات وهيهات |
بالضبط
شكرا دقداق ..
|
|