يا مريخاب سيبو الهلال في حالو

يطالعنا بعد كل مباراة يفوز فيها سيد البلد الهلال مجموعة من المريخاب ويتفننوا في ايجاد كل التبريرات لهذا الفوز المستحق من رشوة حكام وشراء ذمم لاعبين وما شابه
والحقيقة التي يجب ان يعلمها المريخاب ان فريق الهلال الحالي وتصنيفه هو الذي يزعج المريخاب لذلك تجدهم يبرعون في الكذب والتلفيق وكان الاحري بهم ان ينظرو الي حال
فريقهم المريخ وحاله الذي يغني عن السؤال

سؤال برئ جدا
لماذا لا يفرح المريخاب لانجاز الهلال ويعتبروه انجاز لكل السودانيين كما فرحنا لهم في انجازاتهم

سلامات يا عمدة ,,, ورمضان كريم

الناس ديل ماعندهم حاجة غير سيرة الهلال

كان غالب ولا مغلوب شمتانيين فينا ,,,

ربنا يكرمنا بالكاس نشوف بعدين بسوا شنو.


تسلم يا متولي والبلد بي جاي فاقداك كتييييير.

يا جماعه ده نادي دلاقين

مفتكرين تلاقو منهم شنو غير كده


شوفو المريحاب هنا في المنبر تلاقيهم نوعين

نوع مع مزمز تابيعن ليه زي ضلو

ونوع ما تابعين وديل ناس الكورة

Quote: الناس ديل ماعندهم حاجة غير سيرة الهلال كان غالب ولا مغلوب شمتانيين فينا ,,,

استاذنا سيف الدولة كامل
ليكم وحشة
المشكلة لمن يلاقونا بندقهم دق العيش وبرضو هم احسن مننا حتي وهم مغلوبين

تخريمة
حالتو انا اخوي كان حارس مرمي المريخ في يوم من الايام

Quote: يطالعنا بعد كل مباراة يفوز فيها سيد البلد الهلال مجموعة من المريخاب ويتفننوا في ايجاد كل التبريرات لهذا الفوز المستحق من رشوة حكام وشراء ذمم لاعبين وما شابه والحقيقة التي يجب ان يعلمها المريخاب ان فريق الهلال الحالي وتصنيفه هو الذي يزعج المريخاب لذلك تجدهم يبرعون في الكذب والتلفيق وكان الاحري بهم ان ينظرو الي حال فريقهم المريخ وحاله الذي يغني عن السؤال

اخونا متولى مالك رمضان كريم ياخ

بالنسبة للفوق دي صدقني الحال من بعضو

اما دي:-

Quote: لماذا لا يفرح المريخاب لانجاز الهلال ويعتبروه انجاز لكل السودانيين كما فرحنا لهم في انجازاتهم

برضو الحال من بعضو و احسن ليك انت تحديداً ما تشجعنا لو لاعبين برا السودان برضو
لانو ما حتقدر تغيير النتيجة لو سلباً أو ايجاباً شجع فريقك وبس لانو اناشخصياً في رآي
مفروض مافي اي مريخابي يشجع الهلال تحت إي طرفاً كان .
و الله العظيم جد لانو ما حنفيدكم برضو .

Quote: ربنا يكرمنا بالكاس نشوف بعدين بسوا شنو.

اووووو عمنا سيف الدولة رمضان كريم تصوم وتفطر علي خير

اها لو جبتو الكاس برضو بتبقو نمرة اتنين لينا لانو نحنا
اسمنا مسجل في الاتحاد الافريقي اننا اول فريق سوداني اتحصل
علي كاس بطولة افريقية هاهاهاهاهاها.
إن شاء الله بطولة (ام حفيرة) بس عندها تسجيل في الاتحاد الافريقى
ومحفووووظ باسم الاحمر الوهاج .

اسي عليكم الله سفيان نابري ده


لو قال ليكم البرير دفع رشوه

ما بتكون لذيذه منو

بس ما يقوم اجري لينا وراء مزمز

حبيبنا سفيان نابري ,,, سلامات وليك وحشة ,,رمضان كريم

والله يا سفيان الندية مطلوبة والمشاغلة حلوة بين الاخوان لكن

مثل كتابة يوسف الدفينة والله شينة وما متوقعة أبدا, و مهما كانت

الندية ما بتصل لهذا المستوي.

تسلم وان شاء الله ببركة الشهر الكريم نشوف قريب بي جاي.


عباس ,, سلامات والف مبروك للهلال ,, رشه

Quote: والله يا سفيان الندية مطلوبة والمشاغلة حلوة بين الاخوان لكن مثل كتابة يوسف الدفينة والله شينة وما متوقعة أبدا, و مهما كانت الندية ما بتصل لهذا المستوي.

حبيبنا و استاذنا سيف الدولة والله وحشة شديده ياخ
و الله الندية و المشاغلة ما بناباها ونحنا اسياده
لوووووووووووووووول
لكن يوسف الدفينة قال شنو ياخ !!!!
كلام الرشاوي والبلاوي دا من زمن تيم عباس قاعد يتقال
ياخ و ياهو عالم كرة القدم في العالم كلو دا حالو
وقضية بن همام اقرب دليل كمان .
بس ناسكم ديل شبكوهو قضاء ومحاكم و نشتكيك وكلام كتييير
هاهاهاهاهاهاهاهاهاها

اهم نقطة يا سيف ومتولي مالك (الامريكى بتاع الامارات)
لا تشجعونا خارجياً لا نشجعكم سمح لووووول .

عباس دا يا سيف انا صاحبتو وما بقدر يرشني ولو رشاني
عاااااادي بلبد و اتستاها فيهو هههههههههههههههه

عباس دا يا سيف انا صاحبتو وما بقدر يرشني ولو رشاني
عاااااادي بلبد و اتستاها فيهو هههههههههههههههه

والله يا سفيان كلهم اصحابنا


لكن البغيظ انو الزول مزمل وهمشري رامين بالهم مع بعض زاتو التقول عشان ابيعو جريدتهم وديل بي كل براءه يصدقو في مزمل

خلاص فكو كلمة الفريق حمام ميت لانو ما ممكن يقولو للقطن حمام ميت
عشان كده قالو ا دى رشوة وبيع زمم لاعبين

ويعدين الهلال ده قبل كده فقد الكاس بنفس الطريقة واسالو لاراش
وعاشن المريخاب يموتو بغيظهم بنقوليهم بنرشى ونبيع مش احسن من ندفع قروشنا لى واحد زى وارقوا الماسورة
ولا الحضرى . الراكوبة .
بعدين انتو مفروض ما تتكلموا اصلا طول ما الهلال بلعب باسم البلد لمن نجيكم جوه هنا فى امدرمان ونضربكم باتوبونج وسادومبا قلوا اشترينا الحكم

سلام متولي ورمضان كريم




الله غالب بس

لكم الشكر
سفيان - سيف الدولة - شاكر حامد - عباس - محمد فطوحلي

والله حكاية ناس المريخ دي محيراني عديل شغالين بسيد البلد اكتر من اهلو ذاتو الحكاية شنو والمشكلة لو بيسكتو ما قلنا حاجة بس المشكلة فصاحتهم الهلال يفوز يطلع لينا مزمل ابوالقاسم عشان يبيع جريدتو بي كلام لا في الساس ولا في الراس والجماعة دفعو لي فلان واشترو علان طيب ما تشترو انتو ما عندكم قروش ولا ما عارفين الدرب تعالو نوريكم ليهو

الحبيب \سفيان نابيري ,,,,,,,,, سلامات

الرش ما ليك يا غالي انت مننا وفينا وحبيبنا

الرش للدفينة يا غالي ,,تسلم من الرش

مودتي

Quote: اهم نقطة يا سيف ومتولي مالك (الامريكى بتاع الامارات) لا تشجعونا خارجياً لا نشجعكم سمح لووووول .

سفيان
تصوم وتفطر علي خير
دا فعلا قصدي من فتح البوست كلو واحد عليهو فريقو وبس والشماتة نخليها للدوري المحلي هناك حيث لكل حادث حديث

متولي سلام يا عزيز

وطيب يعملوا شنو?????????

طاروا بدري براهم وما بيقدروا يقولو ما بنطير برانا

سيكافا وراحت

والعلامه الكامله ونفست

ورجاؤهم وقديناه

وانيمبا وما برد بطنهم

والقطن ونفشناه

انا عاذرهم خت نفسك في محلهم

تبخييس الهلال ما تبقي لهم

لازم يتنفسوا والا كتلهم الغيظ خليهم يتنفسوا

ال....تنبح والهلال .....


...........


وين متواجد انت يا زول

نادي الحكام


والله يا هلالاب عينكم قوية وما قاعدين تخجلوا !!

عشان كده عمركم كاس ما بتجيبوه

والغريق قدام

Quote: يا جماعه ده نادي دلاقين

حبيبنا متولي
عليك الله عاين لمثل هذا الذي يصف المريخ بهذا الوصف
ومن قبله كتب امثاله فى الصحف ووصفوا المريخاب بنادي السكرانين
وبرضو عاوزين المريخاب يقيفوا معاكم
ومتين فرح الهلالاب لانجازات المريخ يامتولي كما قلت ؟
الم يصفوا كاس سيكافا بكاس المجاعة
وكاس مانديلا بضرية الحظ
وكاس دبي بكاس الليلة الواحدة
الم يشككوا فى اى فوز حققه المريخ حتى فى الدوري الممتاز ووصفوا كل الحراس بالبائعين للمريخ
واخرها عنوان فى احدي الصحف بالشريف مبسوط مني فى إشارة لشراء المريخ لحارس حي العرب ابوبكر الشريف
ما يقم به المريخاب الان هو رد لدين الهلالاب لهم بالتشكيكك فى انتصاراتهم
لذلك ماتشكوا من رد الدين
والبأدي اظلم

Quote: المشكلة لمن يلاقونا بندقهم دق العيش وبرضو هم احسن مننا حتي وهم مغلوبين

والله يامتولي كان مابعرفك واتعشيت معاك قبل ايام كان قلت الصيام أثر على ذاكرتك
دق عيش شنو ياخوي ومتين الكلام ده ؟
اخر مبارايتين مضروب فيهم بهنو وراجي فى كاس السودان وبسكواها فى الممتاز
لحتى جرائدكم ماكتبت
ده ما الهلال ده لعب عيال
تغلبوا القطن بضربات الجزاء وطرد اللاعبين دي حاجة براها
لكن المريخ هو الان على راس الهلال فى الممتاز وبفارق خمس نقاط
ودق العيش وراكم ليهو راجي وهنو وسكواها

Quote: اها لو جبتو الكاس برضو بتبقو نمرة اتنين لينا لانو نحنا اسمنا مسجل في الاتحاد الافريقي اننا اول فريق سوداني اتحصل علي كاس بطولة افريقية هاهاهاهاهاها. إن شاء الله بطولة (ام حفيرة) بس عندها تسجيل في الاتحاد الافريقى ومحفووووظ باسم الاحمر الوهاج .

عايزين تقلبوها حصة تاريخ من هسي يا سفيان...!!!

هسي انت بتشجع المريخ الشال الكأس الزمااان داك
والله المريخ اللعب مع مريخ حلفا اول أمس؟؟؟


هههههههههههههههههههه

انت عارف اتخيل لي الحكومة زاتا داخلة في الحكاية دي..
تخلي الناس يتغالطوا في الكورة...وسكر مافي

سلام للجميع
الماضي ماضي خلونا في الحاضر هل هنالك اي مقارنة بين مستوي الهلال والمريخ حاليا
المريخ يلعب بسبعة محترفين اقل ما يقال عن معظمهم انهم دون المستوي ويوجد لاعبين محليين في فريق المريخ افضل بكثير منهم
نحن اولاد النهار ده لو اجريت مباراة بين الهلال والمريخ اليوم اسكت واحسب

تخريمة
وليد شنقراي رمضان كريم وتصوم وتفطر علي خير انا في الدوحة حاليا

Quote: والله يا هلالاب عينكم قوية وما قاعدين تخجلوا !!

ابوعثمان
رمضان كريم

عينا قوية بي حقنا الممثل الشرعي والوحيد حاليا للكرة السودانية - حسب تصنيف الفيفا الشهري سيد افريقيا والعرب - احسن من المريخ بي مراحل
ما لينا حق عينا تكون قوية بعد دا كلو


من غيرنا يعطي لهذا الشعب معني ان يعيش وينتصر

هلا يامتولي
ومبروك لابو الهل الموج الازرق معشوق الرياح...
وهنالك مقولة شهيرة اراها تتحقق الان في هذا المنبر وبكثافة
وهي
المريخاب في غالبيتهم بكرهو الهلال اكثر من حبهم للمريخ..


---------------------------

واخوك خلاص خشي الفورمة الهلالية وانضم للتيم الهلالي
حتي نري الكاس يتهادي في ايادي البرنس معشوق الرياح