فوووق فوووق هلالنا فوووق ... فوووق فوووق هلالنا فوووق

فوووق فوووق هلالنا فوووق

فوووق فوووق هلالنا فوووق

جمهور الهلال متلوم بجد لينا زمن ما سمعنا النغمة

ممكن نسمعها الليلة ؟

بالتوفيق لهلال الملايين, كل الدلائل تشير الى ان الهلال ينبغي عليه الفوز فى مباراة اليوم

شايف انيمبا النيجيري لصق هدفين فى الرجاء المغربي والحكاية جاطط زيادة

محمد الحسن سالم حميد.........في عشق الهلال

سلام الهلال السوداني

الليلة دا يوم السودان ..

البلد الليلة هلالابى ..

النيل الأزرق نشوان..

والأبيض أبيض ياأحبابى..

يامشرّف كل الأتيام..

فى يوم السعد الافريقى ..

يا مفرّح كبدالأيتام ..

باللعب البعد الموسيقى..

يا هلال فى جبيرة سودانك..

فى جبين الشعب الحبّوب..

أبشر لاباشر وأقوانك ..

ياعريس السمر المحبوب..

تعجبنى الرمية الزنجية ..

لى رأس الحربة النوبية ..

بى خفة لمسة بجاوية ..

تتسامى الهامة العربية ..

وتتناول نسمة صعيديّة..

تسكن بى كلّ أريحيّة ..

ما بين الخصل البنيّة..

وزغريدةتبق سودانية ..

لى أروع دخلة على النية ..

لى أروع دخلةهلالية..

البحر الليلة هلالابى ..

المطر..

الحجر..

الترّابى..

الشدر الشايل متكابى ..

الساقى عروقو الحطّابى..

الشوقو عنقريب هبّابى ..

الشاقّى مروقوهلالابى..

الوسّار ذوقوهلالابى..

القمر البيتو قصاد بابى ..
حبيتو لانو هلالابى ..

وين تمشى الراضى على المابى ..

بالشمش الفوقوهلالابى..

يا .. ليم يا الكورة وكت تبقى ..

أخلاق مو######## مع الخلقة ..

الغالب حاضنو المغلوب..

بمودة وحنية ورقة ..

وجمهور بيشجع مصحوب ..

بالنغم الطيب والصفقة..

الله ياشعب ياحبوب..

ما أحلى الدخلة على المرقة ..
.
يا فريق بيطلع كم فرقة..

يامارق بينا من الزنقة ..

وحدناشبعنا من الفرقة ...

جددنا عشان نبقى وتبقى..

ياريت الطالقة المنطلقة ..

ياريت يا أبونا يا ابو الحرقة ..

لو تقرا بياضك والزرقة ..

أعلن الصربي ميشو مدرب الهلال قبل قليل تشكيلته لمباراته أمام القطن الكاميروني والمقرر لها العاشرة من مساء اليوم باستاد الهلال ، وجاء التشكيلة في مجملها على النحو التالي:
المعز محجوب لحراسة المرمى
سيف مساوي وباري ديمبا متوسطي دفاع
التاج إبراهيم، خليفة أحمد على الأطراف
عمر بخيت، علاء الدين يوسف، براهيما توريه وهيثم مصطفى في وسط الملعب

في المقدمة الهجومية إدوارد سادومبا واوتوبونج

وعلى دكة البدلاء يجلس: جمعة جينارو، أسامة التعاون، مهند الطاهر، أتير توماس، عبد اللطيف بويا بشّة وبكري المدينة .

بالتوفيق لهلال الملايين وما النصر إلا من عند الله

اجمل ما جاء فى التشكيلة دخول توريه واوتوبونج من قولة تيت