تتكون من سبعة افراد : القبض على عصابة سودانية تنشل زوار الحرم المكي !!

وصلنا مرحلة يصعُب السكوت عليها ..

فهد المنجومي - سبق - مكة المكرمة:
ألقت فرق البحث والتحري الجنائي بشرطة العاصمة المقدسة -المنتشرة بالمنطقة المركزية وداخل المسجد الحرام والساحات المحيطة بمراكز البحث والتحري الجنائي الخارجية- القبض على عصابتين من الجنسيتين اليمنية والسودانية، تخصصتا في نشل وسرقة المعتمرين وزائري بيت الله الحرام. وتشير المعلومات التي حصلت عليها "سبق" أن رجال الأمن في مركز البحث والتحري بمنطقة القرارة رصدوا شخصين وهما ينشلان محفظة معتمر قطري. وجرى متابعة اللصين حتى وصلا لمقر سكنهما في أعلى جبل الشراشف بالمسفلة، وجرى دهم المقر، حيث ألقي القبض على 17 مخالفاً لنظام العمل والإقامة، جميعهم من الجنسية اليمنية، ممن قدموا إلى مكة المكرمة للنشل والسرقة ودفع العربات كغطاء لأعمالهم الإجرامية. وعثر بحوزة المضبوطين اليمنيين على مبالغ نقدية من عدة عملات وأجهزة جوال ومشارط وأمواس تستخدم في عمليات النشل والسرقة وشق الجيوب والشنط اليدوية. ومن ناحية أخرى، ألقى رجال الأمن في مركز البحث والتحري الجنائي بمركز أجياد، القبض على سبعة نشالين سودانيين كانوا يستغلون الزحام ويدخلون بطريقة مدروسة، بحيث ينفذ أحدهم عملية النشل، بينما يقف الآخرون ويمنعون الضحية من مشاهدة الجاني والإمساك به. وشاهد رجال الأمن أفراد العصابة، وألقوا القبض عليهم، فيما عثر بحوزتهم على مبالغ نقدية وأجهزة جوال ومشارط وأوراق حوالات بنكية وأمواس دقيقة مخصصة للنشل، تستخدم لشق الجيوب والشنط اليدوية. وأُعدّت محاضر ضبط وتسليم جميع أفراد العصابتين إلى مركز شرطة أجياد لاستكمال التحقيقات، ومن ثم إحالتهم للجهات المختصة. وأكد الناطق الإعلامي بشرطة العاصمة المقدسة، المقدم عبدالمحسن بن عبدالعزيز الميمان، أن رجال الأمن بإدارة البحث والتحري الجنائي بالشرطة ألقت القبض على العصابتين بالجرم المشهود، مشيراً إلى أنه عثر بحوزتهم على أدوات السرقة والنشل وأوراق تحويلات بنكية وعملات نقدية متعددة، فيما يجري التحقيق معهم وإحالتهم لجهات الاختصاص.

مصدر الخبر : http://sabq.org/sabq/user/news.do?section=5&id=28641

الجزء الخاص بالعصابة السودانية في الخبر :

Quote: ومن ناحية أخرى، ألقى رجال الأمن في مركز البحث والتحري الجنائي بمركز أجياد، القبض على سبعة نشالين سودانيين كانوا يستغلون الزحام ويدخلون بطريقة مدروسة، بحيث ينفذ أحدهم عملية النشل، بينما يقف الآخرون ويمنعون الضحية من مشاهدة الجاني والإمساك به. وشاهد رجال الأمن أفراد العصابة، وألقوا القبض عليهم، فيما عثر بحوزتهم على مبالغ نقدية وأجهزة جوال ومشارط وأوراق حوالات بنكية وأمواس دقيقة مخصصة للنشل، تستخدم لشق الجيوب والشنط اليدوية. وأُعدّت محاضر ضبط وتسليم جميع أفراد العصابتين إلى مركز شرطة أجياد لاستكمال التحقيقات، ومن ثم إحالتهم للجهات المختصة. وأكد الناطق الإعلامي بشرطة العاصمة المقدسة، المقدم عبدالمحسن بن عبدالعزيز الميمان، أن رجال الأمن بإدارة البحث والتحري الجنائي بالشرطة ألقت القبض على العصابتين بالجرم المشهود، مشيراً إلى أنه عثر بحوزتهم على أدوات السرقة والنشل وأوراق تحويلات بنكية وعملات نقدية متعددة، فيما يجري التحقيق معهم وإحالتهم لجهات الاختصاص.

نشالين سودانيين في الحرم وفي رمضان كمان ..
ياخ دي صدمة عديل كده ..

للتعليق من خارج المنبر : [email protected]

حالنا بقى ازفت من الجماعة اياهم ..

سلامات يا عوض عكاشة
اعتقد أنها المرة الأولى و هذا فعلا شي مؤسف. بس ما عارف هل هي المرة الأولى
لأنو ما كان في نشالين سودانيين في الحرم قبل كده أو لأنهم زمان كانو أكثر حرصا
و حرفنة.لأنو أنا قبل اربعة سنوات و في اواخر أيام رمضان تعرضت للنشل في مطار
جدة بينما كنت مودعا مجموعة من الأقارب و المشتبه الأول عندي هو سوداني كان
يقف بالقرب مني اثنا شرائي و من ثم حملي لعدة اكواب من الشاي، و لأني اكتشفت
عدم وجود محفظتي بمجرد وصولي للطاولة التي كنا نجلس عليها في الكافيتريا و لأن
هذا الشخص اختفى تماما من المطار بعدها.

نشالين وفي الحرم ؟؟؟؟
اعوذ بالله من غضب الله ..
خمو وصرو تاني اي سوداني يمشي الحرم يلقى المباحث وراهو ..
وما افتكر دي اول مرة ..
الجماعة العندهم امواس دقيقة ديل شكلهم متمرسين ودي مهنتهم ..
السعودية قانونا واضح قطيع يدين بس ..

Quote: القبض على سبعة نشالين سودانيين كانوا يستغلون الزحام ويدخلون بطريقة مدروسة، بحيث ينفذ أحدهم عملية النشل، بينما يقف الآخرون ويمنعون الضحية من مشاهدة الجاني والإمساك به.

نفس الأسلوب يتكرر يومياً في العاصمة
ولن يتوقف ما لم تكن هناك عقوبة رادعة
لهم ولمن يحميهم.

أنا أعتقد أن أفراد هذه العصابة ليس أصلهم سوداني ، ربما كانو أفارقة يرتدون الزي السوداني ، أو يحملون الجنسية السودانية ، التي أصبحت في حقبة من الحقب تباع للنازحين للسودان من الدول المجاورة بأبخس الأثمان

وثمة ملاحظة ربما تؤكد ذلك أيضاً ، فالسودانيون نادراً ما يرتكبون الجريمة بصورة جماعية ، وحتى لو تمت بصورة جماعية ، فلا يتجاوز عدد مرتكبي الجريمة أصابع اليد

Quote: أنا أعتقد أن أفراد هذه العصابة ليس أصلهم سوداني ، ربما كانو أفارقة يرتدون الزي السوداني ، أو يحملون الجنسية السودانية ، التي أصبحت في حقبة من الحقب تباع للنازحين للسودان من الدول المجاورة بأبخس الأثمان وثمة ملاحظة ربما تؤكد ذلك أيضاً ، فالسودانيون نادراً ما يرتكبون الجريمة بصورة جماعية ، وحتى لو تمت بصورة جماعية ، فلا يتجاوز عدد مرتكبي الجريمة أصابع اليد

ما هو تعريفك للاصل السوداني ؟! هل السودانيون غير افارقة ؟
الجريمة موجودة في كل مكان و زمان لا ترتبط باعراق او جنسيات محددة و قد يرد الخبر : القبض على عصابة من الجنسية السودانية / اليمنية

وجدت سودانياً بكامل زيه السوداني من جلابية و عمامة يشحد الناس و يتسولهم في محطة النقل الجماعي بجدة بحجة انه جاء من السودان اليوم و لا يملك قيمة تذكرة السفر الى مكان عمله .. بعد عامين وجدت نفس الرجل يحمل حقيبته و تسولني لنفس الحجة فقلت له سنتين و انت ما مشيت وادي الدواسر كما كان يزعم . الرجل المذكور لا تبدو ملامح افريقية عليه حسب تصنيفك .

Quote: فالسودانيون نادراً ما يرتكبون الجريمة بصورة جماعية

بزمتك حسي الحكومة دي ما بتمارس الجرم الجماعي كعصابة منظمة ضد الشعب ومقدرات وثروات البلد؟؟؟؟



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

و الله العظيم شي محزن و قبل عدة سنوات حصل لي شي عجيب
انا واقف اسلم عفشي في صناديق الامانات يوم 29 رمضان الصباح كانت في زحمة شديدة
و طبعا لاني عندي احساس داخلي بانه في نشل كنتا بخلي كل اشايائي المهمة في جيب العراقي القدامي ( المحفظة و الجواز)
المهم عندي كم ورقة و فتيل ريحة زيتة في جيب الجلابية
واحد عربي نبهني الي انه هناك شي ما و انا حسيت بانه زي فتيل الريحة الصفير بتاع الريحة الزيتة وقع في الارض
انتهبت لي جيبي لقيت اخ سوداني جنبي اتخلع
الناس اتلمت الا هو
المهم انا قلتا ليهم مافي شي و خجلتا اتهم السوداني
من محلي ديك مشيت الحمامات ( المسالة دي كانت قريبة من باب المالك عبد العزيز)
لقيت السوداني قاعد يتوضأ
الزول انخلع خلعة شدية
بس انا لغاية الان محتار
لانه ما شاتغل بي لمن النشلة تمت
تانيا اتخلع في محل الوضوء
الثالثة و الله الزول ده كان بتوضأ بخشوع تام
و ده خلاني اقول في نفسي انو بعض الظن اثم
غايتو
الواحد لازم يعمل حسابو شديد
و خاصة انا كم مرة لاحظتا في الطواف انو في قروش ورقية في الارض
ةو وده بيكون احتمالين اما نشلة
او واحد قروشو وقت
بس للاسف الاخوة البنغال و الهنود بلقطوا ليك القروش ده بكل بساطة كانما انهم مش عارفين انو المسالة بتاعة انو الحاجات الواقعة في الحرم ممنوع الواحد يشيلها

رمضان كريم أخي عوض عكاشة

خبر يقبض القلب

لا حول ولا قوة إلا بالله
كيف لشخص أن يتجرأ ويقدم على سرقة المعتمرين
في بيت الله الحرام؟!!!!!!

خلاص انهيار تام في كل شئ
ودي اخر حاجة
ما فضل شئ تاني يخافو عليهو
.
.
عكاشة والله شئ محزن ومؤسف

Quote: أنا أعتقد أن أفراد هذه العصابة ليس أصلهم سوداني ، ربما كانو أفارقة يرتدون الزي السوداني ، أو يحملون الجنسية السودانية ، التي أصبحت في حقبة من الحقب تباع للنازحين للسودان من الدول المجاورة بأبخس الأثمان وثمة ملاحظة ربما تؤكد ذلك أيضاً ، فالسودانيون نادراً ما يرتكبون الجريمة بصورة جماعية ، وحتى لو تمت بصورة جماعية ، فلا يتجاوز عدد مرتكبي الجريمة أصابع اليد

هلا ورمضان كريم للجميع..
وليه يا اخ محمد المنع شنو انو يكونو سودانين وليه دائما دافنين روسنا في الرمال من الظواهر ورامناها في الغير..
السودان مجتمع واي مجتمع معرض ان يكون فيهو الحرامية والنشالين وغيره من الاشياء السلبية المربوطة بالانحراف في السلوك الانساني عموما وجنوحه الي الشر..
واما حكاية انعدام العمل الاجرامي الجماعي عند السودانيون فدي ايضا تحتاج الي مراجعة (فالتاريخ يحدثنا عن عصابات الهنباتة) وقطاع الطرق وصولا الي حاضرنا الي الحالي والعصابات الشهيرة كالرومان وغيرها من العصابات التي سارت باسمها الركبان..
وبالمناسبة النشالين في الاسواق واللمات الكبري الزي دي دائما بشتغلو (تيم ويرك) ولو مشيت لمحاضر الشرطة والجريمة في السودان بلتقي العجب من عجائب العمل الجماعي..
وحتي حرامية الليل وديل اخيب انواع الحرامية بشتغلو (تيم ويرك)
مراقبة وتنفيذ وحرامية وكل فرد عندو مهمة..

وتحياتي ورمضانكم كريم

جريــمة اخف من جريمة..
شوفوا الاخوة العرب المسلمين ديل .. مغتصبين فتاة معتكفة بمكة في شهر رمضان نفسه
يعني لاحرمه مكه ولا حرمه شهر رمضان ولا حرمة اعراض المسلمين منعت هؤلاء الشباب من هذا الفعل الاليم

مكة: قضايا سعودية

ألقت الجهات الأمنية في مكة المكرمة القبض على شابين بتهمة اغتصاب فتاة في الثامنة والعشرين من عمرها قادمة من الرياض لأداء العمرة والاعتكاف في المسجد الحرام بعد أن أوهمها أحدهم بأنه سيخدمها في إيجاد شقة سكنية لها.

وكانت الفتاة سافرت بمفردها من الرياض إلى مكة بواسطة النقل الجماعي وعندما وصلت أخذت في البحث عن شقة سكنية وطلبت من إحدى السيدات مساعدتها فقامت الأخيرة بالاتصال بشقيقها وإبلاغه بالأمر فحضر واصطحب الفتاة بحجة أنه يعرف شققاً سكنية جيدة للإيجار واتجه بها إلى منطقة خارج العمران حيث واعد أحد أصدقائه وقام الاثنان باغتصابها ثم ألقيا بها في العراء ولاذا بالفرار.

وقد أنقذت العناية الإلهية الفتاة حيث وجدها أحد المواطنين في حالة يرثى لها وتم نقلها إلى المستشفى حيث لا تزال منومة هناك.

يُشار إلى أن الجانيين يخضعان للتحقيق حالياً تمهيداً لاحالتهما إلى القضاء لمحاكمتهمت شرعاً.

وحسبنا الله ونعم الوكيــل ..
للآن وقت نقارن الجريمة في السودان عموماً بنجدها في اسواء حالاتها اقل بكثير مما يحدث في باقي الدول
دا طبعاً اذا استثنينا جرائم حكام ومسؤلي عصابة الانقاذ اللذين لم يراعو مثلهم مثل هؤلاء الذئاب البشرية اي حرمة .. وجابوا تخرين الشعب السوداني في الارض بفعائلهم وفسادهم

Quote: ما هو تعريفك للاصل السوداني ؟! هل السودانيون غير افارقة ؟ الجريمة موجودة في كل مكان و زمان لا ترتبط باعراق او جنسيات محددة و قد يرد الخبر : القبض على عصابة من الجنسية السودانية / اليمنية وجدت سودانياً بكامل زيه السوداني من جلابية و عمامة يشحد الناس و يتسولهم في محطة النقل الجماعي بجدة بحجة انه جاء من السودان اليوم و لا يملك قيمة تذكرة السفر الى مكان عمله .. بعد عامين وجدت نفس الرجل يحمل حقيبته و تسولني لنفس الحجة فقلت له سنتين و انت ما مشيت وادي الدواسر كما كان يزعم . الرجل المذكور لا تبدو ملامح افريقية عليه حسب تصنيفك .

أخي كرار ـ السودانيون بالطبع افارقة ، وكان قصدي هو التمييز ، فقد لاحظت أن كثير من رعايا الدول الأفريقية في دول الخليج يصنفون على إنهم سودانيون ، سيما الذين أصبحوا يشاركونا في زينا المميز ، كما أنني قصدت الإشارة لعدد من الأفارقة بالذات من دول غرب أفريقيا (حزام تشاد ـ النيجر ـ أفريقيا الوسطى) الذي حصلوا على الجنسية السودانية بطرق عدة خلال العقدين الأخيرين

Quote: هلا ورمضان كريم للجميع.. وليه يا اخ محمد المنع شنو انو يكونو سودانين وليه دائما دافنين روسنا في الرمال من الظواهر ورامناها في الغير.. السودان مجتمع واي مجتمع معرض ان يكون فيهو الحرامية والنشالين وغيره من الاشياء السلبية المربوطة بالانحراف في السلوك الانساني عموما وجنوحه الي الشر.. واما حكاية انعدام العمل الاجرامي الجماعي عند السودانيون فدي ايضا تحتاج الي مراجعة (فالتاريخ يحدثنا عن عصابات الهنباتة) وقطاع الطرق وصولا الي حاضرنا الي الحالي والعصابات الشهيرة كالرومان وغيرها من العصابات التي سارت باسمها الركبان.. وبالمناسبة النشالين في الاسواق واللمات الكبري الزي دي دائما بشتغلو (تيم ويرك) ولو مشيت لمحاضر الشرطة والجريمة في السودان بلتقي العجب من عجائب العمل الجماعي.. وحتي حرامية الليل وديل اخيب انواع الحرامية بشتغلو (تيم ويرك) مراقبة وتنفيذ وحرامية وكل فرد عندو مهمة.. وتحياتي ورمضانكم كريم

الأخ العزيز م. عبد الكريم ـ اسعد نهارك
أبداً لا أختلف معك أن عدد من السودانيين في ظل الظروف القاسية التي تعصف بالوطن جنحوا للجريمة بمختلف أنواعها ـ وأتوقع كل شئ ، لكن في المملكة و في ظل القانون الرادع جداً الأمر مختلف ، فلا يتجرأ أحد على إرتكاب ما يرتكبه في الوطن أو خلافه .

قبل سنتين تقريباً أطلعت على إحصائية صادرة من وزارة الداخلية السعودية عن الجريمة التي يتركبها المقيمون بالمملكة ، حيث كان ترتيب السودانيين هو السادس من حيث الجرائم المرتكبة بين قرابة ثلاثون جنسية مقيمة بالمملكة ، وأعتقد مرتبة متقدمة ، ولكن ما لفت نظري في تلك الإحصائية ، أن أغلب جرائم السودانيين كان شرب خمر ، تزوير مستندات رسمية ، تهريب ، وهي جرائم بسيطة حينما نقارنها بالسطو والقتل والسرقة والإغتصاب ، ولكن بكل أسف رفعت من حجم الجريمة ، مما جعلنا نتبؤا مرتبة متقدمة في الترتيب

مع خالص الود والتقدير

رمضان كريم وكل عام وانتم بخير ....

للاسف الشديد دة حالنا .. وحكي لي احدهم بان هنالك عصابات نشل تاتي في الموسم العمرة خصيصا لهذا الغرض .. والغريب انهم معروفين ويمنحون تاشيرات ...
حاجة تكسف ..وتفشل زي ما بقولو ..

يبدو لي أن عمرة رمضان تعتبر سوق رائجة ورابحة للنشالين

Quote: ومن ناحية أخرى، ألقى رجال الأمن في مركز البحث والتحري الجنائي بمركز أجياد، القبض على سبعة نشالين سودانيين كانوا يستغلون الزحام ويدخلون بطريقة مدروسة، بحيث ينفذ أحدهم عملية النشل، بينما يقف الآخرون ويمنعون الضحية من مشاهدة الجاني والإمساك به. وشاهد رجال الأمن أفراد العصابة، وألقوا القبض عليهم، فيما عثر بحوزتهم على مبالغ نقدية وأجهزة جوال ومشارط وأوراق حوالات بنكية وأمواس دقيقة مخصصة للنشل، تستخدم لشق الجيوب والشنط اليدوية. وأُعدّت محاضر ضبط وتسليم جميع أفراد العصابتين إلى مركز شرطة أجياد لاستكمال التحقيقات، ومن ثم إحالتهم للجهات المختصة. وأكد الناطق الإعلامي بشرطة العاصمة المقدسة، المقدم عبدالمحسن بن عبدالعزيز الميمان، أن رجال الأمن بإدارة البحث والتحري الجنائي بالشرطة ألقت القبض على العصابتين بالجرم المشهود، مشيراً إلى أنه عثر بحوزتهم على أدوات السرقة والنشل وأوراق تحويلات بنكية وعملات نقدية متعددة، فيما يجري التحقيق معهم وإحالتهم لجهات الاختصاص.

هؤلاء الحيوانات طالما انهم بهذه التقنية وهذا التكتيك والتخطيط العالي والمدروس
ليش مايستفاد منهم في إدارة المباحث للكشف عن بعض الجرائم ؟؟؟؟

لدي قريبي ساخر جداً
راقد في البيت ساعة الزهجة من الساعة 12 الى الثالثة
والمشكلة بدون عراقي
جاء واحد داخل عليهم وهو يصفق ويكورك ياناس البيت ياناس البيت
قام صاحبنا من العنقريب
مافي زول فيكم يجي يقول كيف فتحتو ليه الباب
كثير من البيوت في القرى بلا أبواب
المهم زولكم تووووش دخل وقال للراجل
والله ولدك كسر الدكان حقي وسرق هو وولد فلان وفلان
والغريبة كلهم كانوا تحت سن العاشرة
عمك دخل لزوجته وقال ليها
والله ما شاء الله ولدك تاني حايفك لينا الحيرة بتاعتنا
لو كنا عاوزين سكر أو قهوة أو شاي وماعندنا قروش المشكلة محلولة ؟؟
قالت ليه كيف الكلام
قال ليها الراجل ماشاء الله وصل مرحلة متقدمة في السطو
كدي قومي سوي لي عمك قهوة يمكن الليلة نضوق قروشو !!!

لا حول ولا قوة إلا بالله

الصحف السعودية غالبا لا تفصح صراحة عن جنسية مرتكب أي جريمة بل تعمم
بأن تقول مثلا من جنسية أفريقية أو عربية.
لكن هذا التحديد والتصريح في تقديري يعطي مؤشر سلبي
ويؤكدإزدياد الجريمة من الجنسيات المصرح بها.

اللهم غير حالنا الى أحسن حال،

وردنا الى أهلنا سالمين،

مع تقديري
صلاح حمد

Quote: وجدت سودانياً بكامل زيه السوداني من جلابية و عمامة يشحد الناس و يتسولهم في محطة النقل الجماعي بجدة بحجة انه جاء من السودان اليوم و لا يملك قيمة تذكرة السفر الى مكان عمله .. بعد عامين وجدت نفس الرجل يحمل حقيبته و تسولني لنفس الحجة فقلت له سنتين و انت ما مشيت وادي الدواسر كما كان يزعم . الرجل المذكور لا تبدو ملامح افريقية عليه حسب تصنيفك .

هذا الشخص يتواجد منذ سنوات بالقرب من النقل الجماعي و أحيانا يتجول في المنطقة الواقعة بين البلد و باب شريف.

الاخ عوض هذا شى مؤسف ولكن لابد ان تعالج هذه الامور من السودان
يعنى وضع شروط قويه للقادم للعمره او الحج وكمان الرقابه القويه
جدا لمهربى البشر السنابك من سواكن عبر اليمن وهذا هو راس البلاء
ما ذكرته فوق عاوز دراسه من اصحاب الاختصاص اى مشكله يا استاذ
لابد لها من حلول جزريه كفايه تباكى وترك الحبل على القارب

لو كان السرقة بتم من هيئة الحج والعمرة بشحمها ولحمها
الاستغراب يكون في شنو ,,,

عوض عكاشه

رمضان كريم

ديل نشالين خطرين يعني في هذه الاماكن المقدسه لم تمنعهم من الجريمة



اشبه بمنظمة في السودان اسمها حسن الخاتمة ضربت قروش مليارات

ودي بتاعت تجهييييز الموتي

يعني الحال بقي خطررررررررر


الفقر الفقر يدفع للاسوا

لا حولة ولا قوة الا بالله

هذه الايام المباركة انا واسرتي بمكة المكرمة في رحاب بيت الله الحرام

ما لفت نظري وآثار حفيظتى ان عينى تقع علي السوداني ولا يبادرك بالسلام ولا يوحي لك بالبشاشة التي تجعلك تشد علي يده وتتمني له قبول زيارته

كنت اقول في نفسي ما هكذا كنا !!

والي اي درك سنسير؟؟ بعد ان اصبح نفر منا ينتهك الحرمات جميعاً بمشرط!!!!!!!!!!!!

نسال الله الستر والحفظ وقبول عمرتنا

عبدالعزيز خطاب 

خلااااص بالطريقة دي السمعة باظت
الاعلام السعودي كله قاعد يتكلم عن سرقات السودانيين و احتيالهم وعدم امانتهم دة كله بسبب القلة الشوّهت السمعة, طبعا سياسات الجبهجية الاقتصادية وحالة الفلس ليها اثر كبييير في البيحصل دة

الخبر التحت دة برضو واحــد سوداني ضارب ليهو كفيل وفرتـق
إجرام عجيب جداً, الشرطة تلاحق سودانياً احتال على كفيله وهرب

سلام للجميع

وليه يا اخ محمد المنع شنو انو يكونو سودانين وليه دائما دافنين روسنا في الرمال من الظواهر ورامناها في الغير..

الحقيقة نحن وصلنا الدرك الاسفل من الانحطاط وهذا كله تتحمله حكومتكم الرشيده التي جوعت الشعب وافقرته مما زاد في الجريمة

والانحطاط الخلقي ودمرت الارث الاجتماعي بمشروع حضاري اسلامي لاندري ماعلاقة الاسلام بهذا المشروع الظالم والفاسد

البسرق ما مابهمه من من يسرق او اين يسرق ..كل همه انه يسرق وبس ..

اللهم احفظنا

الشكر لكل من تداخل في البوست وابدى رأيه ...
سأعود للتعليق على المداخلات بالتفاصيل ..
قبل ذلك ارجو السماح لي بإيراد مشاركة ..
من خارج المنبر وصلتني عبر الايميل ..

Quote: اخي السلام عليكم , ارجوا نشر رسالتي في سودانيز اون لاين النشل في الحرم المكي من قبل السودانين دي شئ عادي جداّ , انا علي علم بهذا الشبكة منذ 1999 ووالله علي ما اقول شهيد هذه الشبكة يتكون من جميع قبائل السودان , وانا اسميها (شبكة سودان مصغر) والبعض منهم اشتروا افخر البيوت في السودان , والله انا عارف واحد عنده اكثر من سبع جوازات وباسماء مختلفة وهذا الرجل قربي ربنا يهديه , هذا الشبكة اغلبيتهم عندهم سوابق في السعودية ,ولكن عندما يسجن واحد منهم البقية يقوموا يصرفوا علي اسرة السجين والله الشبكة ده فيهم المهندسين خريجين الجامعات عديل كده يا الزول انهي خلاص , الشبكة ده اسمو سودان مصغر

مشاركة اخرى على الايميل من الاخ المتصفح طبنجة ..

Quote: اذكر فى العام 2003 كان فى نشال سودانى بيعمل تمام كل يوم صباح ومساء فى شعبة المباحث بحرى الظاهر انو كان بيسافر للسعودية مخصوص للشغلة دى خصوصآ فى فترات الحج والعمرة لأنو اتخصص نشل فى مناسبات زى دى بس ماتسألونى تقول لى عرفت من وين (: المتصفح اخوك طبنجة

Quote: نشالين سودانيين في الحرم وفي رمضان كمان .. ياخ دي صدمة عديل كده ..

ماسمعت بصاحب الاحذية في مسرحية شكسبير

قائد المظاهرة عشان يقطع نعلين الناس

ويجوه راجعين للتصليح ، تفكير براجماتي

ماعندو علاقة بالدين ، يعني بفكروا ب : الزحمة فيها الرحمة

سودانيين ونشالين وفي الحرم المكي وفي رمضان؟
اها خمو وصرو والله بعد ده ما فضل ليكم شئ الا شراب السجار