يا مادونا كده بطال . يازولة الدنيا رمضان

صحفيين وهم .
ده كلو فوق اسكيرت ؟؟؟
هو ياهو ده ال MINI ؟ ده بكون جكسا في خط _ 1000 .
قالوا مادونا بتعمل في فيلم . بتصور بعض المشاهد
في شارع ال 48 مع البروودوي .

مادونا تتجازي وتاخد الإجازة


سوّت شنو يا عثمان؟؟

جات بي ده ؟


واللا ده ؟



كدي خليني أفتش ليك بروااااقة

غايتو كان جات بي ده
تكون عملية ما ظريفة منها خالص

حبيب نورة إنتّ ما ربطوكـ

Madonna in NY

يا حبيب نورة
في البلد دي تتعجب في كيف
الشرطة بتكبس بالسرعة دي لتامين مكان التصوير
والاسكيرت .
لو لا الشرطة يا حبيب كان حصلت كبسيبة .
يازول في خمسة دقايق شارع ال 48 كان ولا ميدان التحرير .
..
ياخ رمضان كريم

لا لا لا
ولا في ديل .
ده MINI SKIRT جديد . بطال .

يا محمد الجيلي
مادونا تحتاج ربط ومحايات برضو .
سألت يا محمد وأحد عربي من بتاعين الفلافل والكباب الفي الشارع .
يا أخي دي مادونا ؟؟
أجاب Absolute Madonna .
ومين يكون هيك برمضان ؟؟؟؟؟؟
ما نحب هيك جبونات .. والله يا محمد الجيلي أنا كنت خايف علي العربي
يقطع أصبعو . زولك عين في الكباب وعين في خط صفر .

يا حبيب نورة
الجماعة الناقشين الافلام قالوا .
الاسكيرت النتشة ده وكل الازياء والاكسوارت
حتكون من شغل Giorgio Armani . وجماعة نيويورك بعد مط الكلام
و عوجان الخشم .
بتكون جيورجو أرماني .
اللغة الأنجليزية في المكان ده مختلفة والاسكيرت ولا في الناس ولا في الريل .
..
ياخ عمك العربي بتاع الكباب ممسوخ ومجنون .

ههههههههههههههههههههه

ياخ الله يصبركم بس ومعاكـ صاحبكـ العربي دا

Quote: زولك عين في الكباب وعين في خط صفر .

الزولة دي أرفعوا فيها شكوى رمضانية

يا محمد الجيلي
الزولة بتاعت عجايب .
هسع الساعة عندنا 6.43 دقيقة
بعد الفطور بندرع ليك صورة الحكاية .

سامع بعض الناس الواقفين
قالوا : مادونا في الفيلم ده مخرجه .
والتصوير أضافة لفيلم جديد حينطلق في نيويورك في ديسمبر .
الفيلم قالوا حيكسر الدنيا .
الفيلم عن الملك البريطاني أدوارد الثامن
والمطلقة الأمريكية الجميلة اليس سيمبسون .
القصة من قصص الحب النار والفيلم واضح فيلم ضخم .
وحقيقي مادونا هنا جميلة وشغالة .

الله لا كسّب اللوتري ياخ!!
رمضان كريم يا عمكـ

معليش يا ودالصايم
حظك كدي .
بس أنشاءالله السنة دي تضرب معاك .
ياخ هسع كان نشوف ليك طريقة شغل مع مادونا في الفيلم
ده . عمل ضخم وفلوسو في الشارع .
كان ممكن تشتغل غارد مع مادونا .. غارد دي يعني Bodyguard .
المهنة دي في أمريكا عندها أهمية يازول . مهنة الحماية والحراسة بتاعت
المشاهير مهنة دهب .بس تكون عارف في أي لحظة ممكن يكون
في عنكبات يعني زي اطلاق نار عرضي ساكت .
تخلي بالك ياودالصايم أنت بتكون المسؤول عن حراسة المكان وسلامة الاسكيرت .
وبعدين المهنة ياودالصايم أجرها عالي عالي .

Quote: حبيب نورة إنتّ ما ربطوك

ههههههاااااااااااااااااااااااااااااااى
بسم الله الرحمن الرحيم
اعوذ بالله من الشيطان الرجيم
(محمد معانا ما تغشانا )







قاسم المهداوى

صحفي شكلو عراقي
وبرضو اللكنات العراقية وأضحة . شايفو
برصع في مادونا بي كويتشنات عجيبة عن الملك البريطاني ادوارد الثامن .
مادونا خوش .

Quote: تخلي بالك ياودالصايم أنت بتكون المسؤول عن حراسة المكان وسلامة الاسكيرت

المكان هيّن .. المشكلة في الاسكيرت!!

إنّه رمضان، يا حاج عثمان، ولك أن تقول:

Time goes by so slowly for those who wait
No time to hesitate
Those who run seem to have all the fun
I'm caught up
I don't know what to do

أو كما قالت (وفعلت وما تركت) مع أندى (شفت كيف) تحيّاتي لك ولضيوفك.

عادل البدوي .. يا الله!
يمين طارنكـ لينا فترة وإنت غايب!
شفت اسمكـ قلت النسلم عليكـ
ونعيّد مرة واحدة .. باقي جيتكـ ما مضمونة!!

Quote: ده MINI SKIRT جديد . بطال .

مافي صور؟




رمضان كريم

يا ود الصايم تطراك السعادة، دوماً، ياخي. العافية دي أصلاً دايرنّها تبراك تَبْ ومحل ما تقبّل.

أكان لقيتو لي عذر للغياب الشافني قيّلت ليكم هنا دا ما كضّب، أصلو عثمان دا حفّزني أنبش أوراق قديمة بفرّغها وبجيكم. إلاّ رمضان الحار دا ما خابرلك ليهو محل رُخَس في رياض الحير دي! قعدنا الشتا الفات نداعي فيكم بالشمِش والأخت ما كضّبت خبر...هسّع قدُر الواحد ما يتدرّق منّها يرجع البيت ريقو فتيتة ويشابي لي حبلاً يجرّها بيهو يغتّس حجرها وأُشْك.

تصوموا وتفطروا على خير يا زول والعيد (المابي يقرّب دا) مبارك عليك...والعفو، بالأخس أكان مشيت "تبعبش" تفتّش في ما ذكرنا مما فعلت مادونا وما تركت.

مشكور يا عثمان على الاستضافة هنا وعلى المشاريب بـ"فُراش" إيمي.

الفنان عزيزنا قاسم المهداوي
رمضان كريم

عزيزنا عادل البدوي
رمضان كريم
ياعادل قطع شك أنت زول فنان قاطع .
ياخ الغارد المرصوص + الكجر المربعين وأنت عارف كجر ديك البلاد .
مافي معاهم طريقة تشابي للتصوير حتي لو كنت أطول من مايك جوردن .
بعدين المصورين في ديك الفسحة عارفين متين تصبح حريق وعارفين
متين تصبح مطر .
سلامات بهلة .

عزيزنا عادل البدوي
رمضان كريم
ياعادل قطع شك أنت زول فنان قاطع .
ياخ الغارد المرصوص + الكجر المربعين وأنت عارف كجر ديك البلاد .
مافي معاهم طريقة تشابي للتصوير حتي لو كنت أطول من مايك جوردن .
بعدين المصورين في ديك الفسحة عارفين متين تصبح حريق وعارفين
متين تصبح مطر .
سلامات بهلة .

عزيزنا أسعد البدوي
سلامات
ورمضان كريم
ياخ عشان خاطرك في محاولات شديدة
لجلب صورة الاسكيرت العجيب . وضروري ضروري ُ EVEN من السوق الأسود
تحياتي .

بس شايف صاحبك ود الصايم متردد من قصة اطلاق النار الممكن يكون
ده .

عتمان ... تطيب,

أها ده الحال طوال شهر رمضان في
نورث أمريكا, وقربببت أغلط رمضان
زاتو, إنو مالو بجي الحتات دي في
الصيف ... ياخ كتر حاجات مدفقة في
الشوارع, ودي كلها بإعتبار النظرة
الأولى وحسب, أي دون إستغرق ولا
تمعن ... ونشيل ونردد سرا وجهرا
اللهم إني صايم, ولمن نسرح شوووية
كده مع خلوق الله اللابسة عريان دي,
نقوم نساعدا بي أستغفر الله... عذااب
يا مان... عروض يومية مستمرة مؤثرة
وقوية ... وحالتا ... بدون مادونا.

على ذكر الأخيرة, قالوا كانت في أيام
صباها الباكر وتمردها الصريح بتغني
وتحوم ميييطيي... وكان مغالطني أسألوا
ثروت سوار الدهب.

... اللهم إني صايم

عزيزنا حيدر قاسم
سلامات
ورمضان كريم ومبارك عليك وجملة الكنداب الكرام .
يا حيدر وأحد من أصحابك النيويوركاب شاف الاسكيرت وهو فايت .
قال : مادونا Everyday Light .
مادونا لمبة Soft White .
وأنت عارف كلامات جماعتك المعجبين المحربش والماهو مفهوم .
والله يا حيدر رمضان سمح واللغة الهجين زي بليلة العيش مع اللوبيا
جميلة تخلي اليوم ليه طعم .
..
تحياتي

++++

****

Quote: على ذكر الأخيرة, قالوا كانت في أيام صباها الباكر وتمردها الصريح بتغني وتحوم ميييطيي... وكان مغالطني أسألوا ثروت سوار الدهب.

اب شنب
ياخوي مالك؟
قالولك قريت معاها
ما ترانا سمعنا متلك, اضانا ما طرشا

مشتاقين يا حيدر ليك و ايامك
و كيف كانت ترونتو و دروبها التي لا تعرف نهاية
و كيف كان الكنرنفال في رمضان يا عزيزي
شورتات تبدتئ عن مفترق الارداف و سرعان ماتنتهي
و بلوزات عند حواف السرة و كلها درجة حارة ما تامة 20 سلسيس
اهو دا رمضان ولاه بلاش... التحدي كبير خلاص

رمضان كريم
تحاياي للاسرة الكريمة

أحد المساطيل الحاضرين
قال : مادونا قابلت كوتشنات الصحفين
بصدر رحب واسكيرت بكيتو جدا .

إنت يا عثمان الإسكيرت دا قاعد تقص فيو

عزيزنا ودالجيلي
ياخ ناس عمك جيورجو أرماني ديل
بيدوك نفس تقص معاهم ؟؟؟
والله يا محمد في رمضان ده وصف شكل الاسكيرت صعب تب .
في تفاصيل عنو الا بعد العيد .
يازول القصة فيها 36 Bodyguard معناتو شنو ؟

Quote: اب شنب ياخوي مالك؟ قالولك قريت معاها ما ترانا سمعنا متلك, اضانا ما طرشا مشتاقين يا حيدر ليك و ايامك و كيف كانت ترونتو و دروبها التي لا تعرف نهاية و كيف كان الكنرنفال في رمضان يا عزيزي شورتات تبدتئ عن مفترق الارداف و سرعان ماتنتهي و بلوزات عند حواف السرة و كلها درجة حارة ما تامة 20 سلسيس اهو دا رمضان ولاه بلاش... التحدي كبير خلاص رمضان كريم تحاياي للاسرة الكريمة

ثروت ... شخصيا ... أمانما إتخوزقت.

تعرف إفترضت إنك في السودان والكهربا
قاطعة { على الأقل تضامنا مع الموية }
والحالة قرف والفلس حاصل والدينا حر
وفي عز الحر ده إقوم إتفضل عليكم رمضان
بجلالة قدرو... وبناءا على عاليه إتخيلت
إنك خارج المجال الإسفيري, وبالتالي
معزول عما نكتبه هنا, فقلت النزلق الحكاية
دي فيك ولا من سمع ولا من شاف... أتارنك
قااااعد تبحت وتقرا ... لامن وصلت الميس
{ بتاع مادونا ... مش الصادق المهدي }
وبعدين مالك ناكر { علاقتك } بي مادونا,
ما كنت يوما البوديقارد بتاعا... ههههه
فباللهي أكد المعلومة, وإن سماعا... عشان
أخونا عتمان دا إروق شوية وإعرف إنو الإسكيرت
السغننون ده, مرحلة متقدمة في جسد تلك الفنانة
الفاتنة اللعوب.

تورنتو ما تزال كما هي بذات حنها ودلها في مشاعر
الناس, لكن الله يجيرك جانا عمدة زي الزفت, ناوي
إبشتن المدينة وإبركا أرضا... الله يجازيو.

ياخ مشتاقين لامن بي غادي, وإلى أن نلتقي تقبل
وافر ودي وتحياتي.

عزيزنا ثروت
سلامات
ورمضان كريم
يازول خبرك شنو ؟ وحال الاهل كيف ؟
وبلدك وين ياعزيز .
تحياتي
..

غايتو يا حيدر اليوم داك عمك بتاع ال Chicken Kabob أشتغل
شغل عجيب . وال ال Sandwiches من 3 لي 5 وبدون كوك . دجاج وشوف وكوك .

سيد البوست..
نفس العنوان ..تستاهلوا..
طبعا قصة صايم ولا فاطر دي مسئولية فردية بينك وبين ربك
ما دخلي بيها..
لكن...
حق الزمالة ساااااي البين البورداب أظن بيحتم عليك تراعي لحرمة الشهر ..
وبتضحكني بالجد لمن تقول رمضان كريم.. وبرضو برجع بقول دة بينك وبين ربك
لكن البوست دة وتعليقاتكم انت والبعض بالجد بتحير
انا دخلني العنوان..دة لو سالتني الدخلك شنو ؟
وعارفة انو من حقك تكتب الدايروا..لكن بصراحة ما قدرت امسك كيبوردي علي

••••••••••••••••
حبيب نورة وود الصائم ؟
مالكم؟

يا سارة لو رمضان حرقك، يو نو وات تو دو ؛)
___
ما كان لك أن "تنقري" على الرابط طالما أنت بهذا الحرص على صيامك وقيامك، وصيام وقيام والآخرين ؛)

يا ياسر..
صباح الخير..
ياخ انا وضحتا قلتا مااااااااااا قدرت اني ما اعلق
بعدين ..خلينا من قصة الصيام..انا فهمي مراعاة معتقدات الآخرين من اعضاء او غيوم
يعني ممكن يجي زول من إخوانا الصائمين(زيك) يعفص بجاي متخيل مادونا دي ممكن تكون عملت حاجة غير المكتوب هنا
اها...يقبل وين بعد داك من صور حبيب نورة؟امتحان صعب
ما دايرة اسهب في الشرح لانو الإمساك خلاص .. خايفة اعطش لو نقيت(صائمة بس قيام لسه ..قيامي نصو في النت)
تاني يا ياسر بوضح:الناس تراعي لحاجات الآخر سواء صيام او غيرو..

يا عثمان كده بطال ، يازول الدنيا رمضان !!

Quote: يعني ممكن يجي زول من إخوانا الصائمين(زيك) يعفص بجاي متخيل مادونا دي ممكن تكون عملت حاجة غير المكتوب هنا اها...يقبل وين بعد داك من صور حبيب نورة؟امتحان صعب ما دايرة اسهب في الشرح لانو الإمساك خلاص .. خايفة اعطش لو نقيت(صائمة بس قيام لسه ..قيامي نصو في النت)

يجي داخل شاف طرف أول لبسة يعمل فووووو يمشي آخر الصفحة ولاّ يعمل باكـ
حبيب نورة دا وغد والسنة دي ما صايم عشان كدا لما تجي في مداخلاتو في أي بوست
أعملي ما شايفة نهائي والصيام مطشش بيكـ ... أنا دخلني قدري والحمد لله دخلت بالليل :D
بعدين الزول الصائم وإيمانو قوي مالو بركز في الصور؟؟؟ اليجي ماشي مدنقر بس ...
رمضان كريم وتصومي وتفطري على خير ... وربنا يبعد منكـ العطش ويعينكـ على القيام



تقديري

عزينا ياسر
سلامات
ورمضان كريم .. شنو يازول خبرك شنو .
يا ياسر ده مشهد شارع ال 48 .
لك أن تتخيل وأنت صاحب الخيال صورة رمضان في صدر أو قعر
ذلك المكان العجيب .
يا ياسر أخوي أي زول في رمضان ده من جماعتنا شاف
خط صفر قال : This بلد الفلوس وال Action والعجايب .

تحياتي

***

عزيزنا ياسر
عاين .
يوم تصوير مادونا ما فات ساكت يا ياسر .
بعد كم يوم كدي شايف جماعة كلية الفنون بتاعت ال 28
عاملين ركن نقاش كارب وجدال ظريف عن التنافس وعن جوائز الأوسكار .
قالوا ده تشويق مزيف وبهرجة ساكت من أجل أهداف مالية وتسويقية بس .
أكيد أكيد ما كلو النقاش صاح .
وأحد حاول يبستف مادونا و في ناس في صف مادونا .
وكلام جميل عن المخرجه
الجميلة كاثرين بغلو أول سيدة تفوز بالاوسكار
عن الفيلم العجيب . HURT LOCKER .

***

ياود الجيلي
هسع أنا بفتش ليك عن الكلام الكتبتو
صحفية تركية في صحيفة أمريكية عن الاسكيرت
وعن ال CONCENTRATED PERFUME . الناس ديل ساكين
حتي نوع العطر حقها .
في ناس بتقول مفروض العطر يكون خفيف في ساعات
العمل .

***

عزيزنا صلاح أبودية
حبابك

عزيزي عثمان سلامات

كيف نيويورك بعد مادونا؟
واضح انها تركت آثارها في لور تاون

تحياتي لجميع من هم بطرفكم

رمضان كريم

عزيزنا ثروت
السلام جملة
ورمضان كريم .
سنة 1946 شاعرنا الفخيم هيوز قال : مازال شكسبير في هارلم .
شاعرنا العتيد صادق في رسمو للصورة يا ثروت .
والدليل نياشين و بردلوبة الملك البريطاني
أدوارد الثامن وال Action الذي تبحث عنه الانيقة مادونا .
بس برضو يا ثروت مدينتنا مازلت بخير . ومازالت الأروع ومازالت تبهرنا
وتسحرنا يوماتي . حتي بعد شححان الدولار . مدينتنا مازالت
ياثروت تنتقي ألوان الاسكيرتات المجنونة . ودلاليك ال 42 هي هي .
رمضان ياثروت في هادا المكان يختلف . والحلومر تبدل الي حلو جوووز .
تحياتي

عزيزنا محمد الجيلي
السلام جاك
وأنت تتبابع بوست الحديث عن المكان ورمضان .
يا محمد في جنوب المدينة شارع المال . وفي النص لسع كونتنرات الحراسة
موجودة والكلام كلو في الشارع عن ال GIFT CARD وكيف تعمل فلوس في ظل
التدهور الأقتصادي الشايفو .
ياخ كلمة HOW كترت . والصورة في الدرب
..
تحياتي

*
*