Post: #1
Title: بورداب الامارات..بلدكم مشجعة للزيارة؟
Author: سارة علي
Date: 08-11-2011, 07:03 PM
Parent: #0
اخوي مصر اصرار شديد انو اجيهو اقضي معاه الاجازة..
وغالبا مدتها اسبوعين..
اها ورونا شن جدّا على الامارات..
جيتا قبل كدة..
|
Post: #2
Title: Re: بورداب الامارات..بلدكم مشجعة للزيارة؟
Author: سارة علي
Date: 08-11-2011, 07:04 PM
Parent: #1
الغير مشجع انو اخوي من سكان راس الخيمة..
يعني اقطع الفيافي دي كوووولها عشان امشي اشوف شيطان راس الخيمة ظهر وين؟؟
|
Post: #3
Title: Re: بورداب الامارات..بلدكم مشجعة للزيارة؟
Author: سارة علي
Date: 08-11-2011, 07:05 PM
Parent: #2
من الحاجات الغير مشجعة بالاضافة لشيطان راس الخيمة..
توفر الجرجير في الامارات..
|
Post: #4
Title: Re: بورداب الامارات..بلدكم مشجعة للزيارة؟
Author: سارة علي
Date: 08-11-2011, 07:07 PM
Parent: #3
مهرجان دبي لسه موجود ولا لغوه؟؟
ياهو دة البرنامج الوحيد الفي..
يا ريت توروني الامارت فيها شنو بيقنع الواحد يجي
|
Post: #5
Title: Re: بورداب الامارات..بلدكم مشجعة للزيارة؟
Author: محمد إبراهيم علي
Date: 08-11-2011, 07:16 PM
Parent: #4
الغير مشجع بالاضافة لوجود ود البشرى
هو توفر الشمس بكميات تجارية
رمضان كريم
|
Post: #10
Title: Re: بورداب الامارات..بلدكم مشجعة للزيارة؟
Author: سارة علي
Date: 08-11-2011, 07:40 PM
Parent: #5
محمد ابراهيم
رمضان كريم..
السخانة دي هنا متعودين عليها..
نفس الدرجات دي تقريبا..
لكن الرطوبة كيف؟
|
Post: #6
Title: Re: بورداب الامارات..بلدكم مشجعة للزيارة؟
Author: Kostawi
Date: 08-11-2011, 07:16 PM
Parent: #4
ما تنسي بالله تجيبي لينا معاك تيراب جرجير من الأمارات
|
Post: #7
Title: Re: بورداب الامارات..بلدكم مشجعة للزيارة؟
Author: عابدون محمد عابدون
Date: 08-11-2011, 07:23 PM
Parent: #6
شكلك كدة مامتحمسة ومتوجسة من الزيارة دى وفعلا اذا جيتى فى الايام دى تانى حتلغيها من قاموسك كلو كلو بى سبب الحر المبالغ فيه الايام دى ثم ثانيا اذا كنتى زولة ناشطة اجتماعيا ومتعودة تعيشى فى أجواء اجتماعية نشيطة فأنسى الموضوع دا وحتجى ويكون مستوى النقاش مع غالبية النسوان هنا فى كيفية تحضير الشعيرية باللبن وعمل التركين بالصلصة وانو فلانة ديك اشتروا ليها توب جديد وهكذا ..
بتوم لاين .. انسى الموضوع لغاية شهر ديسمبر على الاقل يكون الجو جميل تقدرى تجاملى فيهو اخوك لمدة اسبوع وتهربى.
|
Post: #8
Title: Re: بورداب الامارات..بلدكم مشجعة للزيارة؟
Author: خالد درق
Date: 08-11-2011, 07:31 PM
Parent: #7
سارة على .. رمضان كريم
والله الامارات تنور بيك وان شاء الله تجى ونجدى كل ما هو جميل
Quote: .مهرجان دبي لسه موجود ولا لغوه؟؟
ياهو دة البرنامج الوحيد الفي..
يا ريت توروني الامارت فيها شنو بيقنع الواحد يجي |
اه اول حاجه المهرجان فى وان شاءالله شهر يناير
ثانيا دبى هى للؤلوة الامارات والخليج وجنة الارض وفيها كل جميل وجزاب بس انتى تعالى ونحنا حاضرين وتقضلى اجازة جميلة
مودتى ...
|
Post: #13
Title: Re: بورداب الامارات..بلدكم مشجعة للزيارة؟
Author: سارة علي
Date: 08-11-2011, 07:46 PM
Parent: #8
خالد درق ..
رمضان كريم..
| Quote: وفيها كل جميل وجزاب |
زي شنو؟؟
عشان كدة انا فاتحة البوست دة..
دايرة اعرف..
ــــــــــــــــ
شكرا على الترحيب
|
Post: #12
Title: Re: بورداب الامارات..بلدكم مشجعة للزيارة؟
Author: سارة علي
Date: 08-11-2011, 07:44 PM
Parent: #7
| Quote: شكلك كدة مامتحمسة ومتوجسة من الزيارة دى |
يا عاطف عرفت لي..
زوجة اخوي صديقتي جدا وطولت ما شفتها ..
هي من اعز اصدقائي..
ما متحمسة عشان انا بحب الفسح واشوف اماكن جديدة .
آخر مرة جيت فيها الامارات كانت عبارة عن حبسة ..
مفكرة اجي على اكتوبر ..
دة لو اقتنعت..
لسه انا بين بين
|
Post: #11
Title: Re: بورداب الامارات..بلدكم مشجعة للزيارة؟
Author: سارة علي
Date: 08-11-2011, 07:41 PM
Parent: #6
| Quote: ما تنسي بالله تجيبي لينا معاك تيراب جرجير من الأمارات |
هو المشي دا كان خليناهو بيكون بي سبب الجرجير دا..
رمضان كريم..
|
Post: #9
Title: Re: بورداب الامارات..بلدكم مشجعة للزيارة؟
Author: abas
Date: 08-11-2011, 07:34 PM
Parent: #4
عندك جرجيره ود عمك
وعندك طلحه تاني عاوزه شنو
هي فيها غير الجوز ديل شنو زاتو
|
Post: #14
Title: Re: بورداب الامارات..بلدكم مشجعة للزيارة؟
Author: سارة علي
Date: 08-11-2011, 07:48 PM
Parent: #9
abs
ايوة
لاااا
ومليون لاااااااا
|
Post: #15
Title: Re: بورداب الامارات..بلدكم مشجعة للزيارة؟
Author: abas
Date: 08-11-2011, 07:57 PM
Parent: #14
لاااا
Quote: ود عمك
ومليون لاااااااا
قدر ده
تعالي ليه في العين اجمل مدينه في الامارات
وود عمك فيها جرجره
|
Post: #16
Title: Re: بورداب الامارات..بلدكم مشجعة للزيارة؟
Author: smart_ana2001
Date: 08-11-2011, 08:14 PM
Parent: #9
بورداب دبى المحترمين.....لو سمحتو .....مساعدة.
سارة ...رمضان كريم.
قبل سنتين فتحت بوست ذي بوستك ده. و حقيقة ناس دبي ما قصروا معاى كلو كلو. اكيد الحجات اتغيرت من الزمن دلك ...لكن فى حجات كتيرة بتكون ذي ما هى.
و بعد ما قضيت هناك يومين...وصيتى: ما تمشي المولات الكبيرة , ذي مولات امريكا بس الاسعار اغلى. امشي الجميرا, ستى نتر, بن بطوطة.
العضة برضو اساسية. بس اسالى ناس البلد بيوروكى. الحوامة بالتكاسي اسهل, فتيش الباركن بيجيب اعصاب. انتو يا ناس الايست كوست بتكونوا متعودين على البرامج دى.
|
Post: #17
Title: Re: بورداب الامارات..بلدكم مشجعة للزيارة؟
Author: سارة علي
Date: 08-11-2011, 09:07 PM
Parent: #16
اسمارت..
كل سنة وانتي طيبة..
Quote: بعد ما قضيت هناك يومين...وصيتى: ما تمشي المولات الكبيرة , ذي مولات امريكا بس الاسعار اغلى. امشي الجميرا, ستى نتر, بن بطوطة.
العضة برضو اساسية. بس اسالى ناس البلد بيوروكى. الحوامة بالتكاسي اسهل, فتيش الباركن بيجيب اعصاب. انتو يا ناس الايست كوست بتكونوا متعودين على البرامج دى. |
دي الوصايا الانا محتاجة ليها ..
هل من مزيد؟؟
|
Post: #18
Title: Re: بورداب الامارات..بلدكم مشجعة للزيارة؟
Author: خالد درق
Date: 08-11-2011, 09:22 PM
سارة ...
فى دبى كل شى جميل
تجدى برج خليفة فى دبى وروعة المشهد من اعلى البرج
والنافورة الرقصة مع انغام الموسيقة
والكثير الجميل انتى بس انوى وحدى وانا كل مرة بعضيك الجميل فى دبى من اماكن ومطاعم وبجد بتقضى اوقات جميلة ان شاءالله
تحياتى ..
|
Post: #19
Title: Re: بورداب الامارات..بلدكم مشجعة للزيارة؟
Author: محمد الجيلى
Date: 08-11-2011, 09:41 PM
Parent: #18
| Quote: يعني اقطع الفيافي دي كوووولها عشان امشي اشوف شيطان راس الخيمة ظهر وين؟؟ |
لا تُجازفين 
...
نصيحة إذا حابة تجي إجازة وتستمتعي تعالي على آخر إكتوبر وإنتي ماشة
دي الفترة الممكن بجد تستمتعي وتقدري تلفي وماتتعبي لأنو الجو بكون خُرافي
شتاء الإمارات جميل جداً وبديكـ حماس وحيوية وبخلي مزاجكـ رايق ...
أقعي أبو ظبي ودبي وإذا بتحبي اللف الكتير أختفي رجلكـ لحدي العين شوفي مبزرة
وحومي في الحدائق وكدا ...
أبو ظبي بميزا وخاصة في الشتاء خلاف المولات :
الكورنيش والحفلات المفتوحة البتتعمل كل فترة :)
دبي زي ما قالوا ليكـ برج خليفة والنافورة الراقصة والمولات والمطاعم والمهرجانات
ود كلوووووو مابنفع إلاّ في الشتاء :)
رمضان كريم وإجازة سعيدة ...
|
Post: #20
Title: Re: بورداب الامارات..بلدكم مشجعة للزيارة؟
Author: smart_ana2001
Date: 08-11-2011, 09:58 PM
Parent: #19
المهرجانات (مع انى ما صادفت اى واحد) لكن شكلها برنامج.
| Quote: وحومي في الحدائق وكدا |
ما تسمعى حدائق دى تقومى تعشمى فى حدائق و parks ذي فى DC . انسي موضوع ال outdoors ده نهائي.
امشي متاحف و اسواق تقليدية ح تتبسطى اكتر.
ما تخليهم يودوك Ikea, ناس السودان و ناس الخليج جنهم Ikea.....
I hate Ikea .
العطور العربية و البخور العربى مبااالغة....ما تنسي تجيبى لى معاك
______________________________________________
الله يسامحك يا سارة ...شهيتينى فى السفر يا اخى
|
Post: #21
Title: Re: بورداب الامارات..بلدكم مشجعة للزيارة؟
Author: محمد الجيلى
Date: 08-11-2011, 10:10 PM
Parent: #20
قولنا الشتوية يا إسمارت وحدائق العين هي أكبر وأجمل الحدائق الفي الوطن العربي
وأحلى شيء فيها التمشي بالليل ...
بعدين لي حد جاي إجازة : فليلزم دبي وأبو ظبي فـ(غ)ـط
في كلوووو ...
التسوق أبو ظبي غالية ... دبي رخيصة لو في حد حومكـ
....
| Quote: الله يسامحك يا سارة ...شهيتينى فى السفر يا اخى |
|
Post: #22
Title: Re: بورداب الامارات..بلدكم مشجعة للزيارة؟
Author: محمد البشرى الخضر
Date: 08-11-2011, 11:19 PM
Parent: #21
لا حولا ... بالله يا سمارتي جيتي وما سمعنا بيك اتلومتي لكن
بت العم : إقنوووور قدر الليلة وبكرة
|
Post: #23
Title: Re: بورداب الامارات..بلدكم مشجعة للزيارة؟
Author: Sabri Elshareef
Date: 08-11-2011, 11:43 PM
Parent: #22
جميلة وجذابة وبها سلام للروح بديع
الا رحم الله شيخ زايد واسكنه الجنان
جعل هذه الصحراء خضراء نخيل ومياه وبشر لا ياتي منهم منهن اي عذاااب
البرنامج عند اخوك وزوجته وهي صديقتك وغالبا حسب رغبتك انت
انا قعدت فيها شهر في ابوظبي والعين ودبي والشارقه
لو زوله بتاعت اسواق بتفتري لانها كلها سوق والعروض كتيرة
والناس الهناك لطاف وظراااف
لو زوله سياسة وثقافة برضو يوجد جمع كبير في مدن الامارات المختلفة
عموما زيديها شويه شهر 11 و12 الجو بديع جدا
|
Post: #24
Title: Re: بورداب الامارات..بلدكم مشجعة للزيارة؟
Author: خالد درق
Date: 08-12-2011, 08:52 AM
Parent: #23
سارة كمان عندك الرحلات على خور دبى مع المطعم العائم شى عجيب
وبجيك بالمذبد ان شاءالله
|
Post: #25
Title: Re: بورداب الامارات..بلدكم مشجعة للزيارة؟
Author: ناصر احمد الامين
Date: 08-12-2011, 11:10 AM
Parent: #24
الاخت سارة
طالما هي دعوة اخوك و صاحبتك (زوجتو) لازم تلبيها.
بالنسبة للبلد البرامج فيها كتيره لممممن غلط.
برامج تسوق : المولات في دبي بالذات ما تديك الدرب، و اجمل شي انو كل مول بيفرق من التاني من حيث الشكل و الفعاليات
اهمها في دبي: دبي مول، مول الامارات، ابن بطوطة، ميركاتو، وافي سنتر، برجمان سنتر.
ابوظبي: المارينا مول و أبوظبي مول
مناطق تستحق الزيارة: ابوظبي: فندق قصر الامارات، مسجد الشيخ زايد الكبير، جزيرة ياس و عالم فيراري
دبي: منظقة الجميرا و البيتش بتاعها، مدينة الجميرا، النوافير الراقصه و منطقة برج خليفة، خور دبي، المدينة القديمة بالشندقة، الحدائق المنتزهات الكبيره،
رحلات و فسح جماعية: رحلة بالمراكب علي خور دبي و برنامج عشاء، رحلة سفاري للصحراء، رحلة الي خورفكان و الفجيره المناطق الجبلية و متعتها بعد شهر عشره. رحلة كروز علي الخليج،
اما برامج السهر فحدث و لا حرج  [/IMG] متنوعة و مكثفة و خصوصا في دبي.
الطعام و ما ادراك ما هو ... دا في حد زاتو برنامج، المطاعم من مختلف انحاء العالم متوفره و بنفس الجو و طعم الاكل الاصلي.
timeoutdubai.com و timeoutabudhabi.com موقع تايم اوت دا فيهو كل البرامج و المناطق الموصي بزيارتها في ابوظبي و دبي، طبعا الموقع شامل كل شي.
|
Post: #26
Title: Re: بورداب الامارات..بلدكم مشجعة للزيارة؟
Author: طلحة عبدالله
Date: 08-12-2011, 11:32 AM
Parent: #25
سارة الجبارة
كل سنة وانت طيبة شديد
تعالي في منتصف اكتوبر واتي ماشة لانو هسع الجو مبالغة لامن مبالغة ذاتو
ولو كمان مصرة وعايزة تشاركينا لهب الشمس دا فمرحب بيك والله جدا خالص نشيلك في نونو العيون ..
ويلكم اني تايم .
.....................
بالنسبة للبروفايل بتاعك وحاة الطلاق بالطلاقة دي عبقرية منك ساي.
|
Post: #27
Title: Re: بورداب الامارات..بلدكم مشجعة للزيارة؟
Author: smart_ana2001
Date: 08-12-2011, 05:13 PM
Parent: #26
محمد الجيلى ....رمضان كريم
Quote: قولنا الشتوية يا إسمارت وحدائق العين هي أكبر وأجمل الحدائق الفي الوطن العربي
وأحلى شيء فيها التمشي بالليل ... |
يا ناس سودانيز انتو دايما مدخلينى فى احراجات مع الناس. موضوع العين الخضرا ده بالذات انا اتهزات فيه قبل شهر. فى زول فى البورد
كان بيتكلم عن العين وبرضوا قال انها خضراء. المهم...انا لفحت الكلام و قلتوا لزول صديق العائلة كان ماشي العين. الراجل جاء راجع اول شيء ضرب تلفون بس عشان يضحك على و على خضرة العين.
ده غير التظيرات ذى سمك شعيب اسمح من سمك عوضية و اشد شية فى قندهار.
الله يسامحكم يا ناس البورد
محمد البشري....جينا دبى و اتلومنا مع كل الناس
بس كانت جيه سريعة ٣ يوم بس وحقيقى كانت فى نص الاسبوع و ما حبيت ازعج الناس.
المرة الجاية ان شاء الله نعملها اطول و نجى نبريكم بمزاج
يا سارة...الذ حاجه فى دبى انك ممكن ما تتكلمى عربى نهائي و تعملى فيها خوجياية. مع انى كنت شايلة الجواز السودانى (و افتخر) لكن فى المطار ما اتكلمت كلمة بالعربى.
نزلنا فى فندق ظريف فى بر دبى. نظيف و فيه مطعم محترم. و بصراحة طول ما انتى ماشه لاخوك و زوجته, اجازتك ح تكون ذي مزاج اخوك و زوجته. لو بيحبوا البرمجة ....ح تبرمجى....لو بيحبوا الونسة فى البيت...ح تتووووونسي. بس اعملى قائمة الحجات العاوزه تشوفيها و امشي جاااهزة
معليش على البرى
|
Post: #28
Title: Re: بورداب الامارات..بلدكم مشجعة للزيارة؟
Author: محمد الجيلى
Date: 08-12-2011, 09:05 PM
Parent: #27
إسمارت ... الله أكرم وتصومي وتفطر على خير
جبل حفيت ... ومبزرة الخضراء ... والعين الفايضة
وحدائق العين الكبيرة جدا ... زولكـ دا إلاّ ما حام نهائي :)
|
Post: #29
Title: Re: بورداب الامارات..بلدكم مشجعة للزيارة؟
Author: داليا حافظ
Date: 08-14-2011, 07:26 AM
Parent: #27
يا سرورة ياخ ألف ألف مرحب
بجد كلام اسمارت ده ما ترميهو ..
| Quote: بصراحة طول ما انتى ماشه لاخوك و زوجته, اجازتك ح تكون ذي مزاج اخوك و زوجته. لو بيحبوا البرمجة ....ح تبرمجى....لو بيحبوا الونسة فى البيت...ح تتووووونسي. |
أختي ليديا جات قعدت معاي 3 شهور وكانت مقيدة بي وبزوجي شديد وبظروفنا وأنا زعلت جدا أنها ما جات في وقت مناسب ..وأظنها حردت لينا الإمارات ..
أما إذا سالتي عن حتات تمشيها المافي شنو ؟ أنت وما تفضلين ..يعني حددي انت بتحبي تمشي وين ونحن بنقول ليك في ولا مافي..
ثالثا وده الأهم معزومة اسبوع معاي جد جد مافيهو أي كشكرة ..وخلينا الأسبوع التاني لأخوك ، بس عشان نكون فير لازم نوريك جونا المحكوم بمزاج "ملوكة"ـ بتي ـ تصحا تصحي، تنوم تنومي ..أمكان ممكن تمشيها بنمشيها ..أماكن ما ممكن تخطيها مش حتشوفيها ..أي شيء تاني متوفر وبري بالكوم ...اللهم هل بلغت
|
|