جمعة المحاسبين

Post: #1
Title: جمعة المحاسبين
Author: قيقراوي
Date: 08-11-2011, 01:22 PM
Parent: #0

السلام عليكم و رحمة الله و بركاته

رمضان كريم على الجميع

Post: #2
Title: Re: جمعة المحاسبين
Author: قيقراوي
Date: 08-11-2011, 01:23 PM
Parent: #1

كنا عاوزينها 12 رمضان 1432هـ

لكن شاءت الاقدار انو تبقى :

جمعة الملتقى

Post: #3
Title: Re: جمعة المحاسبين
Author: قيقراوي
Date: 08-11-2011, 01:24 PM
Parent: #2

الافطار السنوي لجمعية المحاسبين السودانيين بمنطقة مكة المكرمة

الجمعة 19 رمضان 1432هـ
الليهي نفسها الجمعة 19 اغسطس 2011م

-------

تفاصيل اوفى .. لي قدام

Post: #4
Title: Re: جمعة المحاسبين
Author: ود الخليفه
Date: 08-11-2011, 02:06 PM
Parent: #3

الزميل قيقا
ممكن اسأل لماذا سميت جمعة المحاسبين بجمعة المحاسبين؟

Post: #5
Title: Re: جمعة المحاسبين
Author: قيقراوي
Date: 08-11-2011, 09:08 PM
Parent: #4

Quote:
الزميل قيقا
ممكن اسأل لماذا سميت جمعة المحاسبين بجمعة المحاسبين؟

لانها الجمعة التي اختصها المحاسبين بتعينها دون غيرها لتكون يوم الافطار السنوي :

المقصود بالمحاسبين ليس كل المحاسبي .. و بالتأكيد ما دام هم جزء من كل .. فالجمعية التي تمثلهم ستكون أقل من لانهائية مفردة ( المحاسبين ) بالالف و اللام دي ..

المحاسبين : المحاسبين السودانيين بمنطقة مكة المكرمة على وجه التعيين
و الجمعية حتما ستكون : جمعية السودانيين بمنطقة مكة المكرمة

و دا موقعها :

http://www.sudansas.com/vb/showthread.php?p=5...01&posted=1#post5301

----

يا زميل ..
تقصد ياتو زمالة انت!؟
زمالة و لّ زي مالة ملاسي لاستاذنا فيصل محمد صالح انت!؟

يصادف انو المحاسبة كلها زمالات .. ACCA CPA CIA CMA ...
اللخ اللخ حتى زمالتنا ام كديسة CAT
و دي اخوك جايبا بنظام ادرس CFC و احصل على CAT & CBA مجاناً

مرة واحد زميلن لينا كان مقدم لوظيفة مرموقة، مشى لواحد عندو " زمالة " - كما يدعي - المهم
لمن شفنا البخرة الاداها ليو .. لقيناها ما عندها ايتوها علاقة بالمحاسبة!!
علق احد الظرفاء : انت زولك دا زميل في ياتو فرع بالضبط!؟

Post: #6
Title: Re: جمعة المحاسبين
Author: ود الخليفه
Date: 08-11-2011, 09:31 PM
Parent: #5

Quote: من لانهائية مفردة ( المحاسبين )

ما فيش فايدة يا تفيده

لا نهائية تاني؟

Quote: مكة المكرمة

مجاور ومشوطن؟

Quote: حتى زمالتنا ام كديسة CAT
و دي اخوك جايبا بنظام ادرس CFC و احصل على CAT & CBA مجاناً

نعلك جبت المجانيه دي براها

فوق حتى يرى الزملاء بالجمعيه الفطور ولا ينسونا بصالح الدعاء

Post: #7
Title: Re: جمعة المحاسبين
Author: قيقراوي
Date: 08-12-2011, 02:34 AM
Parent: #6

Quote:
ما فيش فايدة يا تفيده

لا نهائية تاني؟

ؤ مال ايه!؟

و العهدة على ويكبيديا فان الإتحاد الدولي للمحاسبين IFAC
فيو [ 2.5 مليون محاسب يعملون في مزاولة المهنة و في القطاع العام و في مجالات الصناعة و التجارة والمجالات الحكومية والأكاديمية ] .. و رغم انو لغى عضوية السودان
برضو لسة 2.5 مليون!!

Quote:

فوق حتى يرى الزملاء بالجمعيه الفطور ولا ينسونا بصالح الدعاء

فرق جمعيتنا دي من الاجسام المهنية [ جمعية المحاسبين القانونيين بانجلترا و ويلز ] مثلاً، انها اقرب للـ ( Trade Union ) منها لجسم محاسبي مهني .. و عندو معهد تابع ليو زي IFC بتاعنا دا :
http://www.ifconsultants.org/ifc_newsletter.html

عشان كدي كان ما جوا بستغل البوست دا للتعريف بالجمعية ..
و بدعو ليك براي غايتو!

-----------

Quote:
مجاور ومشوطن؟

قليك الفار حس بالكديسة كدي خاشة، قام لبد تحت الدولاب ..
اها الكديسة لمن جات تكابس، قام الفار اصدر صوت مواء من جنس " مياو واو " ؤ كدي
الكديسة طوالي انسحبت مع تقديم اعتذار يليق بحق الزمالة : سوري يا زميل!
الفار جا طالع بعد انجلاء غبار المعركة ( المافي ) يتمغى ساااي و هو يردد :
و الله الواحد لو ما كان بعرف لغات كان اتلحس ساي اسي!!

Post: #8
Title: Re: جمعة المحاسبين
Author: قيقراوي
Date: 08-12-2011, 12:45 PM
Parent: #7

جمعية المحاسبين السودانيين بمكة المكرمة تقدم د. عب...الغرفة التجارية جدة *

--------

ياخ انا طلعت فارة ساي .. كتبت كل الموضوع في العنوان!!

Post: #9
Title: Re: جمعة المحاسبين
Author: قيقراوي
Date: 08-12-2011, 03:15 PM
Parent: #8

Quote:
الافطار السنوي لجمعية المحاسبين السودانيين بمنطقة مكة المكرمة
الجمعة 19 رمضان 1432هـ
الموافق الجمعة 19 اغسطس 2011م

UpShir

Post: #10
Title: Re: جمعة المحاسبين
Author: قيقراوي
Date: 08-12-2011, 09:05 PM
Parent: #9

Quote:
فرق جمعيتنا دي من الاجسام المهنية [ جمعية المحاسبين القانونيين بانجلترا و ويلز ] مثلاً، انها اقرب للـ ( Trade Union ) منها لجسم محاسبي مهني

الاستاذ / نصر الدين آدم محمد
اول رئيس للجمعية ..
الغرفة التجارية - جدة 9 مارس 2010

و هو الغائب الاكبر عن الافطار دا ..

امنياتنا له بطيب الاقامة بالوطن ..
و شكر لا محدود على جهوده البارة في اللجنة التمهيدية ..
و قيادة الدفة حتى استقامت الجمعية على قواعد مؤسسية قويمة ..
الى ان رأت النور .. جمعية شامخة .. عملاقة

كل الحب استاذنا نصر الدين
و رمضان كريم

مفتقدينك كتير بجاي يا ريس

-----

قيقا راوي مركب مكنة نجلاء سيد احمد

لقيتوني كيف؟

Post: #11
Title: Re: جمعة المحاسبين
Author: عبد الدائم سيد أحمد
Date: 08-13-2011, 10:09 AM
Parent: #10

رمضان كريم
وافطار شــــهى

مطلوب محاسب للعمل بمدينة جدة

Post: #12
Title: Re: جمعة المحاسبين
Author: فايزودالقاضي
Date: 08-13-2011, 10:14 AM
Parent: #11

قيقا ..سلام ...

الموقع ده مافيهو غيرك ؟!!! انت المدير العام والاعضاء والفني والحاظر والمحظور ؟!!

بالتوفيق لافطاركم ..

Post: #13
Title: Re: جمعة المحاسبين
Author: عبد الدائم سيد أحمد
Date: 08-13-2011, 10:19 AM
Parent: #12

شكلو كده يا ود القاضى هو حيقدم للوظيفة زاتا

Post: #14
Title: Re: جمعة المحاسبين
Author: قيقراوي
Date: 08-13-2011, 11:31 AM
Parent: #13

Quote:

شكلو كده يا ود القاضى هو حيقدم للوظيفة زاتا

---------

يا ود القاضي ( في رواية مجيدة اب شنب )

الموقع sudansas كان ملياااان ..
قريب 200 عضو .. و اكتر من 300 موضوع ..
لكن تم تهكيره مع التهكيرة الاخيرة للراكوبة ( المستضيف ) في مايو 2010م.
الشغلة دي احبطت الناس ..

الله في

Post: #15
Title: Re: جمعة المحاسبين
Author: قيقراوي
Date: 08-13-2011, 06:39 PM
Parent: #14

Quote:
قيقا ..سلام ...

الموقع ده مافيهو غيرك ؟!!! انت المدير العام والاعضاء والفني والحاظر والمحظور ؟!!

بالتوفيق لافطاركم ..

اهاالبوردابي : عبد العزيز الكنزي دا انا برضو :

يظهر في الصورة الاستاذ / عمر تكيل و عمنا و كبيرنا شيخ محاسبي جدة الاستاذ / عباس عابدين
و الشاب : ازهري ابو عشة رئيس الجمعية ( الحالي )

البوردابي : بكري اسماعيل دا انا برضو :

كفاك و لّ ازيدك!؟

-------

لسة في اساسي ، البشير دفع الله، الرفاعي حجر ، جمال السنوسي، الليندي، اباذر .. و عييييك!

Post: #16
Title: Re: جمعة المحاسبين
Author: قيقراوي
Date: 08-13-2011, 08:54 PM
Parent: #15

Quote:
لسة في اساسي ، البشير دفع الله، الرفاعي حجر ، جمال السنوسي، الليندي، اباذر .. و عييييك!

نسيت الشفيع رمزي الوغد .. و أكيد في غيرو ..

Quote:
الافطار السنوي لجمعية المحاسبين السودانيين بمنطقة مكة المكرمة
الجمعة 19 رمضان 1432هـ
الموافق الجمعة 19 اغسطس 2011م

الدعوة موجهةباسم اللجنة التنفيذية لكل بورداب المنطقة الغربية .. و اصدقائهم ..
و لكل المتواجدين في العاصمة المقدسة في تاريخه..

-----

كل الشكر لاستاذنا عباس مرجان على الدعم السخي للافطار عبر كل السنوات الماضية..

يا اساسي وينك ياخ؟
اهو قلنا نطمنك على الملح و الملاح مؤمّن .. تعال و معك آخرون

Post: #17
Title: Re: جمعة المحاسبين
Author: قيقراوي
Date: 08-14-2011, 11:50 AM
Parent: #16

فايز و عبد الدائم
ياخ رمضان كريم ياخ

نسيت ابارك ليكم الشهر ..
الشهر مبروك عليكم ( يا عملات الخلايجة )

منتظرنكم نباركو ليكم لما تجونا بالدرب ..
اتفقنا!؟

-----

يا ( النضيف )

مطلوب محاسب للعمل بمدينة جدة

اها لقيتو و لّ نجيكم!؟

اها تجوا و لّ نجي!؟

Post: #18
Title: Re: جمعة المحاسبين
Author: البشير دفع الله
Date: 08-15-2011, 10:33 AM
Parent: #17

Quote: قيقا ..سلام ...

الموقع ده مافيهو غيرك ؟!!! انت المدير العام والاعضاء والفني والحاظر والمحظور ؟!!

بالتوفيق لافطاركم ..

تحياتي يا ود القاضي يا نسيبنا

المحاسبين كتيرين ويسدوا عين الشمس

يمكن ما شافوا البوست دا

ويمكن لظروف تهكير الموقع دا ما شافوا البوست دا لانو ناس كتيرين ما قادرين يخشوا , وناس ما عاوزين

يخشوا عشان متوجسين خيفة على أجهزتهم وكدا

وكمان لظروف تهكير السيرفر الخاص بالراكوبة الكانت فيهو استضافة منتدى جمعية المحاسبين

ولكن الآن وبعد اعادة فتح منتدى جمعية المحاسبين تعود الحركة والنشاط للجمعية باذن الله

المهم زي ما بقول تبارك

بدأت جمعية أنشطتها واعضاءها في ازدياد

طبعا مع التحية لقيقا الزول الصامد رغم مؤامرات التهكير

Post: #19
Title: Re: جمعة المحاسبين
Author: قيقراوي
Date: 08-15-2011, 01:15 PM
Parent: #18

البشير يا بشير ..

فعلاً دي الحقيقة فيما يخص الموقع الالكتروني و المنتدى ..

Quote:
ويمكن لظروف تهكير الموقع دا ما شافوا البوست دا لانو ناس كتيرين ما قادرين يخشوا , وناس ما عاوزين

يخشوا عشان متوجسين خيفة على أجهزتهم وكدا

وكمان لظروف تهكير السيرفر الخاص بالراكوبة الكانت فيهو استضافة منتدى جمعية المحاسبين

ولكن الآن وبعد اعادة فتح منتدى جمعية المحاسبين تعود الحركة والنشاط للجمعية باذن الله

بالمناسبة الموقع sudansas.com كان فيو صفحات تانية غير ( المنتدى ) .. و رئيسية، الدستور، اللائحة، من نحن ... و كمان مساحات اعلانية عدييل!
.

------

Quote:
بدأت جمعية أنشطتها واعضاءها في ازدياد

تقصد ( موقع ) الجمعية الالكتروني .. مش؟

الجمعية ابداً ما توقفت يوم عن النشاط!

بالمناسبة في الافطار اتمنى من كل الاعضاء الحرص على استصدار بطاقة الخدمات

حيث ورد على لسان الراوي :

Quote:
تم تصميم بطاقة لعضوية الجمعية توفر خدمات لحاملها مثلاُ و حالياً :

- خصومات كبيرة في تذاكر السفر على الناقل الوطني " الخطوط الجوية السودانية - سودانير "
- خصومات كبيرة في العلاج بمستشفى المستقبل .
- اولولية في توزيع الاراضي التي ستخصص للمحاسبين حيث ان جهودنا حثيثة مع امانة شئون المغتربين و جهات الاراضي بالسودان، و ملفنا قد بلغ مراحل متقدمة. الفحص، و الدراسة، و رفع للجهات المختصة للتقرير حسب النظام.

http://www.sudansas.com/vb/showthread.php?t=3143

Post: #20
Title: Re: جمعة المحاسبين
Author: البشير دفع الله
Date: 08-15-2011, 09:20 PM
Parent: #19

Quote: تقصد ( موقع ) الجمعية الالكتروني .. مش؟

ابتداء قاصد الموقع , لانو من خلال الموقع بتم الاعلان عن أنشطة الجمعية وبتم كذلك الاعداد والتنسيق لأي مشروع بخص المحاسبين

وطيلة فترة توقف الموقع كنت منقطع تماما عن أي نشاط للجمعية , ويمكن دا الخلاني أفتكر انو نشاط الجمعية متوقف .

تعرف يا قيقا نحن ناس أفندية طول النهار والليل قاعدين نطقطق في الكمبيوتر , والمواقع الالكترونية بنعتبرها نوافذ من خلالها بنعرف الحاصل

شنو , ومن باب أولى موقع جمعية المحاسبين بمكه المكرمة وجده .

المهم

حمد لله على سلامة عودة الموقع

وعن نفسي سأتواجد هناك وأدعو من أستطعت بصورة شخصية وعبر المنابر .

تحياتي وتقديري لك أخي فتح الرحمن وللأخوة أعضاء المكتب التنفيذي للجمعية

Post: #21
Title: Re: جمعة المحاسبين
Author: قيقراوي
Date: 08-16-2011, 10:20 AM
Parent: #20

Quote:
تعرف يا قيقا نحن ناس أفندية طول النهار والليل قاعدين نطقطق في الكمبيوتر , والمواقع الالكترونية بنعتبرها نوافذ من خلالها بنعرف الحاصل

كلنا ذاك الرجل

لكن للجمعية رجالاً صدقوا ما عاهدوا عليه المحاسبين

فتحي، فارس، كمال، كوبا .. و بقية العقد الفريد..
بقيادة الشاب ازهري* طبعاً

فتحي الصادق .. و هنااااك يظهر فارس الحوبة إذ انتبذ ركناً قصياً

------

طبعاً انا و عمك ازهري دا اتخرجنا من نفس المؤسسة التعليمية، لكن باسمين مختلفين ..
هو اتخرج منها لمن كانت " كلية غردون التذكارية " .. و انا بعد ما اتسمت جامعة الخرطوم!
ناس فارس ديل اتخرجوا منها " كلية/ معهد الخرطوم " او شئ نحو ذلك

الجمعة 19 رمضان .. ما تنسى ..
تعال و معك آخرون

Post: #22
Title: Re: جمعة المحاسبين
Author: قيقراوي
Date: 08-16-2011, 01:23 PM
Parent: #21

من اليمين :

أ. نصر الدين آدم - الرئيس السابق للجمعية
أ. عبد العزيز ابو طالب - الملحق الاقتصادي بالقنصلية العامة بجدة
أ. عباس عابدين مرجان شيخ محاسبي المنطقة الغربية
!. عمر تكيل

Post: #23
Title: Re: جمعة المحاسبين
Author: قيقراوي
Date: 08-17-2011, 10:50 AM
Parent: #1

Post: #24
Title: Re: جمعة المحاسبين
Author: اساسي
Date: 08-17-2011, 11:07 AM
Parent: #23

Quote: يا اساسي وينك ياخ؟
اهو قلنا نطمنك على الملح و الملاح مؤمّن .. تعال و معك آخرون

ايوة دا الكلام ياخ يادوب فتحت نفسنا للافطار ^_^
ثم انه لو رجعتوا لينا متر الاراضي ومتر افطار السنة الفاتت ومتر الجمعية العمومية تكونوا ما قصرتو ^_^
حاضرين باذن الله ومعنا مترنا بس , بالمناسبة الموضوع عوائل ولا عزوبي لو عوائل ادينا خبر الواحد داير يحضر اللقاء كاسرة وكدا

Post: #25
Title: Re: جمعة المحاسبين
Author: قيقراوي
Date: 08-17-2011, 01:36 PM
Parent: #24

Quote:
حاضرين باذن الله ومعنا مترنا بس

المتر مهم .. و معاهو ( صورة شخصية ) ..

عشان البطاقة دي ياخ :

--------

للاسف يا اسئس الشغلة عزابة سااااي ..
مع انو عندنا زميلات عضوات في الجمعية دي عدييل!!
لهن التحية .. و العتبى حتى الرضى

Post: #26
Title: Re: جمعة المحاسبين
Author: اساسي
Date: 08-17-2011, 01:51 PM
Parent: #25

ما مشكلة يا عمك في الجايات ان شاء الله
والصورة باذن الله جاهزة

Post: #27
Title: Re: جمعة المحاسبين
Author: قيقراوي
Date: 08-18-2011, 09:48 AM
Parent: #26

Quote:
والصورة باذن الله جاهزة

اوع بس توعدنا و تبخل بالصورة .. اللخ للخ

امس وين يا عمك؟

Post: #28
Title: Re: جمعة المحاسبين
Author: قيقراوي
Date: 08-18-2011, 09:14 PM
Parent: #27

Quote:
الافطار السنوي وفق الاتي :

الزمان : الجمعة الموافق 19 رمضان 1432 هـ

المكان : فندق قصر المدينة - البغدادية الغربية

فندق قصر المدينة - البغدادية الغربية
شارع الاندلس - جدة

Post: #29
Title: Re: جمعة المحاسبين
Author: البشير دفع الله
Date: 08-18-2011, 09:33 PM
Parent: #28

يعني يا قيقا مافي تغيير ؟

غايتو دي فاتت

وبنجيكم باكر لو ربنا مد في العمر

لكن في المرات الجاية حننظر ليكم لمن تآمنو في الافطارات دي

يا حبيب

نحن ناس عرب سات وكدا على الرغم من بعدنا عن الهامش ( ما يسمعونا الجماعه اياهم )

من الاساسيات عندنا ( والتحية هنا للأخ أساسي ) في الفطور العصيدة والحلو مر

يعني بوفيه مفتوح وما أدراك ما بقسم معانا بنلوكوا على مضض ونمش البيت نلبع العصيده تاني

ما يجي جمال السنوسي ينظر لينا ويقول القصة ما قصة أكل وشنو ما عارف

آي القصة قصة أكل طالما الدعوة افطار للصائمين

Post: #30
Title: Re: جمعة المحاسبين
Author: قيقراوي
Date: 08-18-2011, 09:57 PM
Parent: #29

Quote:
لكن في المرات الجاية حننظر ليكم لمن تآمنو في الافطارات دي

يا حبيب

نحن ناس عرب سات وكدا على الرغم من بعدنا عن الهامش ( ما يسمعونا الجماعه اياهم )

من الاساسيات عندنا ( والتحية هنا للأخ أساسي ) في الفطور العصيدة والحلو مر

يعني بوفيه مفتوح وما أدراك ما بقسم معانا بنلوكوا على مضض ونمش البيت نلبع العصيده تاني

ما يجي جمال السنوسي ينظر لينا ويقول القصة ما قصة أكل وشنو ما عارف

آي القصة قصة أكل طالما الدعوة افطار للصائمين

جوووووكم ناس بحر ابيض!!

يا بشير اللوقو بتاع الجمعية : SAS your way to improve yourself

نرقيكم لخدمة فندقية خمسة و نجوم و في رواية فاااخرة قيل ستة عديييل ..
تجوا تقولوا لي عصيدة!؟

-----

قديمن قيل :

العربي ما بتمدن .. كان ودوهو لي ي ي لندن .. يطرأ الحمير البلدن

Post: #31
Title: Re: جمعة المحاسبين
Author: قيقراوي
Date: 08-19-2011, 02:54 PM
Parent: #30

Quote:
آي القصة قصة أكل طالما الدعوة افطار للصائمين

يا بشير شوف الصائمين الجد جد :

[وقعت غزوة بدر الكبرى في الجمعة 17 رمضان 2هـ/ 13 مارس624م]

[ فرض صيام شهر رمضان في السنة الثانية من الهجرة ، وصام الرسول صلى الله عليه وسلم تسع رمضانات]

فتأمل..
و فكنا بالله من سيرة العصيدة ..
هو ذاتو صيام المكيفات دا صيام اسي!؟

Post: #32
Title: Re: جمعة المحاسبين
Author: قيقراوي
Date: 08-19-2011, 08:38 PM
Parent: #31

Quote:
رلكن في المرات الجاية حننظر ليكم لمن تآمنو في الافطارات دي

يلا جيب الصور يا عمك

--------------

لوووووووووووب

مش دا لو لقيتنا المرات الجاية!؟

كفاية يا عمك ..
يلا شدوا لينا حيلكم لعقد الجمعية العمومية

Post: #33
Title: Re: جمعة المحاسبين
Author: قيقراوي
Date: 08-20-2011, 03:17 PM
Parent: #32

يا بشير

Upshir

حتى مطلع الصور

---------

بتحمض فيهن!؟

Post: #34
Title: Re: جمعة المحاسبين
Author: قيقراوي
Date: 08-21-2011, 02:08 PM
Parent: #33

Upshir
Ya Bashir

Post: #35
Title: Re: جمعة المحاسبين
Author: Sabri Elshareef
Date: 08-21-2011, 02:27 PM
Parent: #34

قيقراوي

تحياتي الطيبة
في العشر الاواخر

قالو ونسة الضكير للضكير النوم اخير ( ما تمسك فيها )

لكن حال السعودية صعب والله انا من الان متضامن معااااك للنهاية

صديقي في الدمام استاذ في الخلا قال لي والله لو دايرين نتغزل في امراة نقول

دي احلي من ديك لان لون الجوارب او طول الاصابع بتاعت ديك احلي من دي

الله يجعل نصرا للشعوب المشتضعفة في جميع الاماكن

اتمني افطار ناجح للجميع
واسال هل ابو ذر علي الشريف ما تقصده

ولي شقيقي معكم في الرياض بالله خلوه ينضم اليكم لو ما معاكم

ما تنسانا من دعوات العشر الاواخر

Post: #36
Title: Re: جمعة المحاسبين
Author: قيقراوي
Date: 08-22-2011, 00:31 AM
Parent: #35

صبري يا فردة
كيف انك؟

Quote:
صديقي في الدمام استاذ في الخلا قال لي والله لو دايرين نتغزل في امراة نقول

دي احلي من ديك لان لون الجوارب او طول الاصابع بتاعت ديك احلي من دي

انت متأكد انو (صديق) الزول دا!؟ .. و في الدمام كمان!؟
غشاك و الله

تعرف يا صبري - بمناسبة العشرة الاواخر دي - اسي جايي من العمرة ..
تعرف انو (الحرم) دا الحتة الوحيدة في الدنيا الممكن تصلي فيو المراة و الراجل في صف واحد..
انا كانن قدمي كلها صفوف نساء..
ما شاء الله الحرم محتشد على آخره، و لا حواجز الا بعض تقوى .. و روحانيات متعلقة بالسماء ..
و في السماء!

في حاجة جميلة خلاس لفتت انتباهي ..
و نحن داخلين على مكة - مع الآذان تماماً - كمية من (الشباب) محتشدين على جنبات الطريق..
بوزعوا افطار لكل السيارات و بتصارعوا و يتنافسوا في الشغلة دي ..
يديك لمن تقول بسسس!
منظر بديع جداً .. مأثرة انسانية باهرة!
لو بتلاحظ انو في (برنامج) في قناة الـMBC برددوا فيهو عبارة :
"البركة في الشباب"
الناس ديل ماشين كويييس في اتجاه اللين و جوهر العقيدة

المهم ...

نرجع لموضوعنا ..
ابو ذر المقصود -هنا- هو الزميل ابو ذر النضيف
و الجمعية خاصة بـ(منطقة مكة المكرمة) الرياض فيها جمعيات مناظرة.
و سجلاتن تحوي زميلات - عضوات - بس زي ما قلت لاساسي لتعقيدات قصرنا الافطار على الرجال ..
جدة دار ضيافة .. و رمضان موسم سياحة دينية .. من البلد او حتى داخلي ..
قل ان تجد بيت سوداني غير مضيوف .. شفت كيف!؟

-------

لحدي بكرة كان البشير دا ما نزل صور الافطار بنزل ليكم صور الحرم

Post: #37
Title: Re: جمعة المحاسبين
Author: قيقراوي
Date: 08-23-2011, 03:44 PM
Parent: #36

مع الشكر للمصوراتي البشير دفع الله

Post: #38
Title: Re: جمعة المحاسبين
Author: قيقراوي
Date: 08-23-2011, 06:59 PM
Parent: #37

Post: #39
Title: Re: جمعة المحاسبين
Author: قيقراوي
Date: 08-23-2011, 09:35 PM
Parent: #38

Post: #40
Title: Re: جمعة المحاسبين
Author: قيقراوي
Date: 08-23-2011, 09:58 PM
Parent: #39

خير افتتاح ..

تلى الاستاذ / فتحي الصادق ما تيسير من آيات الذكر الحكيم

Post: #41
Title: Re: جمعة المحاسبين
Author: البشير دفع الله
Date: 08-23-2011, 11:45 PM
Parent: #40

تحياتي يا قيقا

ما ممكن تفرد بوست خاص بالصور عشان ما يتشابه الاختساس

الصور كتيرة يا حبيب

Post: #43
Title: Re: جمعة المحاسبين
Author: قيقراوي
Date: 08-24-2011, 00:32 AM
Parent: #41

Quote:
تحياتي يا قيقا

ما ممكن تفرد بوست خاص بالصور عشان ما يتشابه الاختساس

الصور كتيرة يا حبيب

فكرت فيها .. لكن خفت الناس هنا تضايق مني ساااي

-------

رايك شنو .. افتحو انت و انا بجيك زائر مقيم!
عشان الواحد يحافظ على صورتو كزول ظريف! و ما معاااط

Post: #42
Title: Re: جمعة المحاسبين
Author: قيقراوي
Date: 08-24-2011, 00:29 AM
Parent: #40

عمنا (الشاب) ازهري ابو عشة (رئيس الجمعية) في كلمة ضافية ..

صراحة ما سمعتها كلها لكن المهم انو ركّز على :
(ضرورة التواصل، و تحريك الموقع، و العمل الجماعي الحثيث لعقد الجمعية العمومية في اقرب وقت ممكن)

Post: #44
Title: Re: جمعة المحاسبين
Author: البشير دفع الله
Date: 08-24-2011, 00:36 AM
Parent: #42

Quote: رايك شنو .. افتحو انت و انا بجيك زائر مقيم!
عشان الواحد يحافظ على صورتو كزول ظريف! و ما معاااط

خييييير

وصباحاتو بيض

انت فاكهة البوست

تأتي كما تشاء وكيفما تشاء

Post: #45
Title: Re: جمعة المحاسبين
Author: قيقراوي
Date: 08-24-2011, 03:38 PM
Parent: #44

الاستاذ/ ابو بكر ابو حوة ..
البرلوم الفات الكبار و القدرو ...

Post: #46
Title: Re: جمعة المحاسبين
Author: قيقراوي
Date: 08-25-2011, 09:49 AM
Parent: #45

اسئس (البتاعة جاهزة، وين المتر يا عمك؟)

اسئس و البشير ( ما عمر .. البشير همسلف)

حجر و بت البشير .. هي الامورة دي اسمها منو كان اليوم داك؟

جانب من الحضور

سنوسي يا جمال .. الصورة دي كدا

Post: #47
Title: Re: جمعة المحاسبين
Author: Magdi Ahmed Elsheikh
Date: 08-25-2011, 10:31 AM
Parent: #46

من اخذ الاجر حاسبه الله بالعمل................

رمضان كريم ياقيقا وكل المحاسبين.....

وتفبل الله منا ومنكم وشكرا علي الدعوه الكريمة...!

وغدا لنا لقاء ان كان في العمر بقية...

والحساب ولد او كما قال..................!!

Re: بورداب الرياض من يرفقني الى العمرة !!

Post: #48
Title: Re: جمعة المحاسبين
Author: قيقراوي
Date: 08-27-2011, 09:03 PM
Parent: #47

Quote:
وغدا لنا لقاء ان كان في العمر بقية...

اها؟

غداً لناظره قريب ..

اشوفك بكرة في الموعد ... اللخ اللخ

--------

بالصور افطار جمعية المحاسبين بمكه المكرمة ( فندق قصر المدينة بجده )