ياخي الاستاذه سلمي سيد دي شابه انيقه هنداماً انيقة لغة .. وانيقة الطله كمان
برواقه كده حاتناول عدد من الزوايا يمكن مايكون عندها علاقه بي بعض بس ...الطيوب الحلوه ومبارك عليكم الشهر ينعاد عليكم كووولكم بالخير وعلي الوطن ..الوطن ...الوطن بالاستقرار والافضل من الامور ..امين يارب .
اتصلت نهار اليوم بي صديقه موجوده بالسودان .. بعد السلام والاحترام وازيكم وكيفنكم والاشواق وكده ياخي رزعتني بي كميه من الاخبار الصادمه ..كيلو اللحمه بي 20 الف (بقري) ..والمفروم حصل 28 الف أما السكر الرطل 4 الف . الطماطم ..الطماطم 20 الف . أما قصة المويه في مناطق متفرقه في العاصمه لسه ######انه ورائحتها كريهه .
حتقولوا لي وين الطيوب الحلوه في الموضوع اصبروا شويه ...
سلمي الانيقه in and out استنطقت وردي بلطافتها وتقافتها وحلو تعابيرها
وردي قال كلام حلو الطيوب انه الابداع غير مربوط بالسن فالروح داخل المبدع الروح المخضره علي الدوام هي المحرك للانتاج والابداع وكل مااسمع وردي اقول الحمدلله أنه نحن عشنا في زمن وعاصرنا وردي واشبعنا جمالاً وهيبه وفخامه وعزه وتاريخ غنائي عظيم عظيم .
في لقاء عمل جاءت الي مكتبي متعامله عربية الجنسيه وبصحبتها سودانيه تعانقنا وتسالمنا بحب انا وخيتي السودانيه فماكان من تلك الاخري ان علقت قائلة تعرفون بعظ (بتعرفوا بعض) ضحكنا من ... اندهشت وقالت والله انتو السودانيين شعب مختلف ومترابط
في طيوب حلوه اكتر من كده .،،،،
Post: #7 Title: Re: الطيوب الحلوه Author: محمد قسم الله محمد Date: 08-09-2011, 11:37 PM Parent: #2
Quote: كميه من الاخبار الصادمه ..كيلو اللحمه بي 20 الف (بقري) ..والمفروم حصل 28 الف أما السكر الرطل 4 الف . الطماطم ..الطماطم 20 الف .
أستاذه نجلاء السلام عليكم رمضان كريم .. ونزيدك من الشِعِر بيت.. كيلو اللحمه البقري ب22 ألف ما عشرين.. كيلو الضأن ب 30 ألف .. المفروم 30 الكبده البقري 26 ألف طبق البيض 14 ألف كيلو الجبنه 24 ألف دستة البرتقال 10ألف والطماطم .. كلام تاني .. أما السجوك والدجاج والكستليته فما في داعي للفنجره .. تحياتي ..