Post: #1
Title: إفطــار بورداب الشرقيـــــــــــــــــــــــــــــة
Author: حاتم يوسف العبيد
Date: 08-09-2011, 10:34 AM
Parent: #0
الأعزاء ... بورداب المنطقة الشرقية ...
رمضان كريم ... وكل سنة وأنتو طيبين ....
البوست ... بتكليف من الأخ/ حمد ، بتكليف من رئيس الرابطة - أخونا/ عوض هارون - (لأنه كالمعتاد فاقد الباسوورد  ) وذلك للتفاكر حول ترتيبات الإفطار لهذا العام...
الصديق/ حمد ح يكون متواجد بشده في البوست .. وذلك لترتيب الإقتراحات ...
وبلورتها في إتفاق ....للإسٍتفادة من تجربة العام الماضي وتجنب نقاط الضعف في تلك التجربة ..
....
يدكم معانا ...
..
____
|
Post: #2
Title: Re: إفطــار بورداب الشرقيـــــــــــــــــــــــــــــة
Author: احمد التجانى احمد
Date: 08-09-2011, 12:00 PM
Parent: #1
فطرتوا قبل الاذان ولا الشنو الضعيف كان عندكم
|
Post: #3
Title: Re: إفطــار بورداب الشرقيـــــــــــــــــــــــــــــة
Author: حمد فتح الرحمن
Date: 08-09-2011, 12:12 PM
Parent: #2
| Quote: فطرتوا قبل الاذان ولا الشنو الضعيف كان عندكم |
تحياتي يا احمد و كل سنة و انت طيب
ابدا العكس فطرنا متاخرين و في ناس وصلونا العشاء و في ناس ما حضرو ( ظروف و كدا ) ، اسمع اتفضل معانا السنة دي و نوعدك المرة دي الفطور يكون قوي جدا :)
تحياتي يا حاتم و كل سنة و انت طيب
عايزين اقتراحات الشباب حول
الزمان
المكان
البرامج
التموين :)
و الناس الما جات السنة الفات تجي توقع و تبصم و تدفع امنية 250 مستردة بعد الافطار
و الناس الجات متاخرة تجي توقع و تبصم و تدفع امنية 150 مستردة بعد الافطار
ملحوظة : يخصم من الامنية قيمة الشيرينق و لو في عجز لا سمح الله
|
Post: #4
Title: Re: إفطــار بورداب الشرقيـــــــــــــــــــــــــــــة
Author: awad okasha
Date: 08-09-2011, 12:13 PM
Parent: #2
يعني ده بوست تفاكر وترتيبات واقتراحات وكده ..
ياخ في ناس اتفقت واعلنت واحتمال فطرت كمان ...
تخطيط الامر ده مفروض يكون خلف الكاميرات ..
الاعلان عن الموعد المُحدد هو ما يستحق بوست ..
رمضان كريم .. وتحياتي حاتم ..
|
Post: #5
Title: Re: إفطــار بورداب الشرقيـــــــــــــــــــــــــــــة
Author: HAIDER ALZAIN
Date: 08-09-2011, 12:18 PM
Parent: #4
سلامات .. رمضان كريم يا حاتم وحمد فتح الرحمن واحمد التجاني
شنو يا شباب مش في اقتراح انه يكون يوم 18 رمضان الخميس البعد الجايي دا
وبقينا بس على تسجيل الحضور وكدة
في داعي هسع عوض عكاشة يجي يعني يدي حقنو البعضل دي
ــــــــــ
بعدين انت يا عوض دخلك شنو .. بودراب شرقية انت يعني
|
Post: #6
Title: Re: إفطــار بورداب الشرقيـــــــــــــــــــــــــــــة
Author: حاتم يوسف العبيد
Date: 08-09-2011, 12:26 PM
Parent: #4
| Quote: تخطيط الامر ده مفروض يكون خلف الكاميرات .. |
لا أبداً نحن بنعمل لتعزيز مبدأالشفافية  ....
____
تحياتي ياعوض ... وينك ؟؟
هنا ولاهناك ؟؟؟
؟؟؟
|
Post: #7
Title: Re: إفطــار بورداب الشرقيـــــــــــــــــــــــــــــة
Author: حمد فتح الرحمن
Date: 08-09-2011, 01:14 PM
Parent: #6
| Quote: ياخ في ناس اتفقت واعلنت واحتمال فطرت كمان ... |
بي عافيتكم يا مان
ياخ نحنا السنة الفاتت ضربنا لي بعض تلفونات قبل الفطور بي ساعتين و اتلمينا عملنا فطور و برنامج جاب كام و سبعين في المية بمقياس كوستاوي ، فلو قعدنا السنة نخطط و نبرمج قبل تلاتة يوم بس اوعدك انه كوستاوي نفسة يجي يطلب عضوية بورداب الشرقية السنة الجاية :) .
انتا موش مشيت الرياض امرق منها و شوف درب شيشكم و كشاتينكم و ين :)
|
Post: #8
Title: Re: إفطــار بورداب الشرقيـــــــــــــــــــــــــــــة
Author: احمد التجانى احمد
Date: 08-09-2011, 01:23 PM
Parent: #7
يا حمد وحيدر الزين , تحياتى وتصوموا وتفطروا على خير
الشرقية والله تب ما عندنا فيها كلام , قيافة وفايتة الناس مسافة
لكن زولى حاتم يوسف زى ما قالت هالة صدقى "دول ما يعرفوش ينظموا عيد ميلاد " قاصدة السودانيين يوم مباراة مصر والجزائر
خلوه فى لجنة التنظير
|
Post: #12
Title: Re: إفطــار بورداب الشرقيـــــــــــــــــــــــــــــة
Author: حاتم يوسف العبيد
Date: 08-10-2011, 07:39 AM
Parent: #8
Quote: لكن زولى حاتم يوسف زى ما قالت هالة صدقى "دول ما يعرفوش ينظموا عيد ميلاد " قاصدة السودانيين يوم مباراة مصر والجزائر
خلوه فى لجنة التنظير |
بالله هي قالت فينا كده !!!!
بت اللذينا ... خليها نشوفها تاني جاية تتحاوم في شوارعنا في السودان
___
ياهندسة ... والله لو تركوا لينا الموضوع ده ننجضهم ليك زي الورد ..
بس ناس حمد وحيدر الزين بسيبونا في حالنا
..
..
|
Post: #9
Title: Re: إفطــار بورداب الشرقيـــــــــــــــــــــــــــــة
Author: walid taha
Date: 08-09-2011, 01:27 PM
Parent: #7
| Quote: ياخ نحنا السنة الفاتت ضربنا |
بدون تعليق لحدى ما يجي بدري
|
Post: #10
Title: Re: إفطــار بورداب الشرقيـــــــــــــــــــــــــــــة
Author: الفاتح شلبي
Date: 08-09-2011, 02:07 PM
Parent: #9
رمضان كريم
غايتو كان اتفقتو على يوم غير تاريخ 19 الجايي دهـ قولوا لينا عووووك
يوم 19 يصادف الإفطار الجماعي لرابطة خريجي الجامعات الهندية بالمنطقة الشرقية
|
Post: #11
Title: Re: إفطــار بورداب الشرقيـــــــــــــــــــــــــــــة
Author: أسامه الكرور
Date: 08-09-2011, 08:19 PM
Parent: #10
رمضان كريم
بالله عوض هارون دا خلونا منو ..الزول فاقد البوصله مش الباسوورد بس .. هو بالمناسبه السنه دى صايم ؟
قلنا نسجل حضور هنا .. وتأكيد حضور للإفطار
|
Post: #13
Title: Re: إفطــار بورداب الشرقيـــــــــــــــــــــــــــــة
Author: حاتم يوسف العبيد
Date: 08-10-2011, 07:42 AM
Parent: #11
الأعزاء ...ود الزين ، الفاتح شلبي وأسامه الكرور ... وناس الشرقية ...
لسه ماسمعنا منكم ...
مقترحات ... عن ما أورده حمد أعلاه ....
...
|
Post: #14
Title: Re: إفطــار بورداب الشرقيـــــــــــــــــــــــــــــة
Author: حمد فتح الرحمن
Date: 08-10-2011, 12:22 PM
Parent: #13
الزمان : الاربعاء 17 - 8 - 2011
المكان : قاعة ارواد سويتس - الخبر - شارع الكورنيش
البرامج : معرض كتاب - ندوة - عزف موسيقي
التموين : مكون محلي + مكون خارجي
|
Post: #15
Title: Re: إفطــار بورداب الشرقيـــــــــــــــــــــــــــــة
Author: وليد الطيب قسم السيد
Date: 08-10-2011, 12:44 PM
Parent: #14
تحياتى
وكل سنه وحضرتكم بالف خير
المكان اى مكان
الزمان يكون يوم جمعة ولو الفطور كان الساعه 3 بعد الظهر ما عندنا مشكلة
بس يكون يوم جمعه
|
Post: #16
Title: Re: إفطــار بورداب الشرقيـــــــــــــــــــــــــــــة
Author: طه كروم
Date: 08-10-2011, 08:50 PM
الحبيب حاتم يوسف سلامات
ورمضــــان كريم ..
دا فطور جماعى ولا أسبوع ثقافى
|
Post: #17
Title: Re: إفطــار بورداب الشرقيـــــــــــــــــــــــــــــة
Author: HAIDER ALZAIN
Date: 08-11-2011, 10:14 AM
Parent: #16
مرحب يا حاتم يوسف..
مافي اي اقتراحات .. القول هو ماقاله حمد فتح الرحمن
الابعاء يوم 17 رمضان
ويا وليد الطيب.. ماتقول لي الا يوم الجمعة وماعارف ايه.. يوم الاربعاء..
وبجي غاشيك بعد اديك تلفون
الفاتح شلبي صاحبي زمان :):)
اها المواعيد دي كيف معاك !!
|
Post: #18
Title: Re: إفطــار بورداب الشرقيـــــــــــــــــــــــــــــة
Author: حاتم يوسف العبيد
Date: 08-11-2011, 11:42 AM
Parent: #16
Quote: الحبيب حاتم يوسف سلامات
ورمضــــان كريم ..
دا فطور جماعى ولا أسبوع ثقافى |
أووو دكتورنا في مدينة الرسول (صلعم) ... طه كروم ...
ياااااحليل الأسابيع الثقافية ... ونادي الطلاب ...والجاكورين
سلامااات
...
|
Post: #19
Title: Re: إفطــار بورداب الشرقيـــــــــــــــــــــــــــــة
Author: خالد المحرب
Date: 08-11-2011, 01:56 PM
Parent: #18
| Quote: ابدا العكس فطرنا متاخرين و في ناس وصلونا العشاء و في ناس ما حضرو |
الحكايه شنو البحر فاض بعد العصر منع الناس المرقه
والله يا بورداب الشرقيه انتو مفروض تكونو ا ارقى ناس
وفطوركم فى ارقى الفنادق لانكم فى منطقه سياحيه وحدوديه
مع المناطق الراقيه شنو شابكننا ناس جو العشا وناس ماجو زاتو
تحياتى لكم جميعا بس انا بتعاطف معا كم لانى بوردابى شرقاوى دايما فى
الويك اند .... تحياتى لكم جميعا
تخريمه اتو عوض دا مش بقا من بورداب اهل نجد ولا ايه
|
Post: #20
Title: Re: إفطــار بورداب الشرقيـــــــــــــــــــــــــــــة
Author: awad okasha
Date: 08-14-2011, 00:46 AM
Parent: #19
| Quote: بعدين انت يا عوض دخلك شنو .. بودراب شرقية انت يعني |
طبعا .. طبعا .. وعضو مؤسس كمان ..
|
Post: #21
Title: Re: إفطــار بورداب الشرقيـــــــــــــــــــــــــــــة
Author: awad okasha
Date: 08-14-2011, 01:10 AM
Parent: #6
Quote: تحياتي ياعوض ... وينك ؟؟
هنا ولاهناك ؟؟؟
|
مرحبتين حاتم ..
في رياض الخير .. بس القلب لسه متعلق بالشرقية وبوردابها ..
احتمال كبير احضر معاكم الفطور لو ربنا هون ..
|
Post: #22
Title: Re: إفطــار بورداب الشرقيـــــــــــــــــــــــــــــة
Author: ALZOLZATOO
Date: 08-14-2011, 01:59 AM
Parent: #21
اها حددتو اليوم ولا الموضوع ممكن يدخل في الستوت
تصوموا وتفطروا على خير بس عجلوا في تحديد المواعيد ورانا عزومات وسوق وسفر
اقترح انو مكان الافطار يكون شامل الافطار بدون تكليف اي زول يجيب حاجة ده غايتو اقتراح شخصي
بعدين بالنسبة للمواعيد شوفوا المواعيد الممكن تجيب اكبر عدد من ابناء المنطقة الشرقية وماجاورها
تقبل الله منا ومنكم
زاتوووو
|
|