مليون مصاب بالبلهارسيا في الجزيره .

كشفت احصاءات رسمية أصدرتها وزارة الصحة بولاية الجزيرة، عن ازدياد الاصابة بمرض البلهارسيا في بعض المناطق بلغت (25%) من جملة سكان الولاية البالغ (4) ملايين، أي أن عدد المصابين يبلغ مليون شخص، وظهرت كثافة المرض بشكل ملحوظ في بعض المناطق بالمناقل، الأمر الذي استدعى التدخل الفوري للسلطات الصحية المختصة لايجاد المعالجة الكفيلة بعدم انتشار المرض، وتمّ إجراء أول مسح تقييمي ولائي للمرض، ويعتبر الأول من نوعه على مستوى ولايات السودان، واستهدف المسح نماذج من تلاميذ وطلاب المدارس من فئات عمرية مختلفة في (161) مدرسة بالولاية، وحذّر المسؤولون بالصحة من خطورة المرض القاتل الصامت - على حد وصفهم -.
فيما أعلن بروفيسور عثمان خلف الله كبير اختصاصيي الطب الباطن، بدء العمل في إنشاء مركز متكامل في أمراض الجهاز الهضمي وعلاج نصف الدوالي فى الولاية بتكلفة (17) مليون جنيه بتمويل من الحكومة الاتحادية.

*منقول الرأي العام السودانيه

الجزيره التي أعطت ولم تستبقِ شيئاً ما جنت إلا المكلاريا والبلهارسيا..

كان يا مكان في مشروع اسمو مشروع النيل الأزرق الصحي، اسستوا وحدة كان اسمها وحدة مكافحة الملاريا في مشروع الجزيرة. مشروع النيل الأزرق أنشأوا وأدارتو خبرات سودانية (لسة قاعدة بالمناسبة). كانت مهمتها مكافحة امراض المياه ومشروع الجزيرة زي ما عارفين أكبر مشروع مروي في السودان وافريقيا. في الثمانينات وصلت نسبة المصابين بالملاريا صفر % الحمدلله انخفضت بقا المصابين 35% في عهد عمر البشير. وكان وجود البلهارسيا لا يذكر، واستحدثت له طرق جميلة في مكافحته غير ضارة بالبيئة زي قواقع بحرية كانت بتتغذى على دودة البلهارسيا، ومنها تغيير نوباطشية عمل المزارع لحمايتو. المشروع؟ لا الحمدلله لما جات الحكومة أووووول حاجة عملتا الحكومة فرتقت المشروع الصحي حته حته.
ليه؟
المشروع كان عندو عربات، والكيزان كانوا محتاجين عربات. المشروع كان عندو اسبيرات والحكومة باعت الاسبيرات.

لا لا استغفر الله... بهت الجماعة ديل... المشروع قاعد بقا عبارة عن مركز ما يقدر يفحص ليك ملاريا

مشروع النيل الأزرق اتأسس على 3 مراحل. 4 سنين من البحث والمسح، في مشروع الجزيرة. اتعملت دراسات وأبحاث لا تقدر بثمن. ال4 سنين البعدها اتأسس مشروع الجزيرة. الاربعة البعدها كان مفروض يتوسع المشروع ليغطي امتداد مشروع الرهد


لكن نحمد الله عندنا كمية كباري ممكن نزازي فيهم..ماشين جايين

التحية لاهلنا في الجزيرة الخضراء والخزي والعار للشمولية الانقاذية الفاسدة والمستبدة

مشروع الجزيرة توجد فيه شبكة للري تعتبر من احدث ما توصلت اليه هندسة الري في العصر الحديث


مشروع الجزيرة نحروه ولم ينتحر

Quote: مليون مصاب بالبلهارسيا في الجزيره .

المواطن السوداني تفتك به أمراض ناتجة عن سوء صحة البيئة
وأمراض ناتجة عن صحة السياسة وصحة العفة وصحة الأمانة وصحة الأخلاق....


الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

شكرا محمد على إيراد الخبر
شكرا ميسون على التذكير بالمرحوم مشروع النيل الأزرق الصحي وعرباتهم ذات الدفع الرباعي ( سوزوكي) ذات اللون الأخضر التي تجوب كل قرى وفرقان الجزيرة ، كنا نتاول تلك الحبوب الكبيرة حسب العمر والوزن ونأخذها جرعة واحدة نقضي اليوم الأول (هساسة) وهي حمى من النوع أبو (هلاويس) واليوم الثاني نتاول القليل من الطعام ولغاية اليوم الرابع تطلع البهارسيا من دمك وجسمك وتحس بعودة الصحة التامة للجسد الهزيل ، كانت مجانية لا تباع ، أذكر عمنا (علي) بقرية فطيس وهو من ضمن كادر هذا المشروع ، كنت أتردد كثيرا على منزله لأخذ الثلاث حبات الكبار ... ومعاها فطور كارب قبل الأكل ...
نعم كل طاقم عرباته أستولى عليها الإنقاذيون مثلها مثل أصول عقارات ومنقولات مشروع الجزيرة والري والبحوث وغيرها ...
الآن قنوات الري وآسف لاستخدام هذا المصطلح لأنه من مفردات قانون مشروع الجزيرة لسنة (2005) سيء الصيت أصبحت كل القنوات من كنارات وترع جنابيات تغشاها الموية على خجل في العام وتكاثرت فيها كل أنواع حشرات الدنيا التي لا تبدأ بالبعوض ولا تنتهي بدودة البلهارسيا ... وغابت تماما وحدات المكافحة الميدانية التي تجوب المشروع وتتولى رش هذه القنوات بمحاليل تقتل وتفتك الكثير من هذه الأحياء الطينية ... بل أصبح المشروع واهله معروض للبيع في سوق الله أكبر
مودتي
الشفيع ابراهيم

تحياتي الشفيع رمضان كريم

شفت بالله كيف؟ والله أنا كان أدوني قروش عشان أخرب مشروع الجزيرة، ما الحق العملوهو الكيزان. شطارة مبالغ فيها في الخراب.
شكرا على نقل صورة حية على ما كان عليه مشروع الجزيرة


لله الأمر من قبل ومن بعد

منذ انقلاب الانقاذ عمدت على ابعاد كل اصحاب الكفاءة والخبرة من ادارة مشروع الجزيرة واستبدلتهم باصحاب الولاء والفاقد التربوي والاخلاقي والحثالة من اجل التمكين وكشكر من هؤلاء للظلمة والطغاة باعوا المشروع من اجل بناء المشروع الحضاري ..... مثلا ...الحساب الفردي هذا العام يقول ليك مافي ليش لان الفلوس كلها مشت للشيخ الترابي لدعم الجهاد يعني المسئول امشي اتبرع بحقوق المزارعين حتى يكسب رضا الشيخ والطاغية وكل الفاسدين بعد كم شهر يبيع السماد ويمشي تاني يتبرع بعد كم شهر يقص المرتبات بتاعة العمال والمهندسين والحشريين ....الخ ويمشي يتبرع وبعد كم شهر ياخد من كل مزارع شوالين او تلاتة قمح ذرة اي حاجة ويمشي يتبرع وبعد كم شهر يفرض ليك كم ضريبة ويمشي يتبرع للمشروع الحضاري وبعد كم شهر يفصل ليك كم شخص وما يديهم حققوهم ويمشي يتبرع وبعد كم شهر يبيع ليك مئة سيارة او ماكينات تخص المشروع ويمشي يتبرع وبعد كم شهر يوقف اي دعم من الدولة للمشروع ويمشي يتبرع وبعد كم شهر يشارك المزارع في اي حاجة بزرعها ويمشي يتبرع وبعد كم شهر ياخد منك بقرة ولا عنز ولا اي حاجة ان شاء الله دهب مرتك لانك لم تنتج عشان ياخد منك ضريبة ويمشي يتبرع ....وبعد كم شهر يفصل ليك عمال الري ويمشي يتبرع بمرتباتهم وبعد كم شهر يفصل ليك كم مهندس وكم حشري ويمشي يتبرع............ الخ وهكذا حتى قضى على البنى التحية من قناطر وسكة حديد ومباني وسيارات ....... وعدم المشروع طفاي النار ..... نحروه ولم ينتحر

كان يا مكان في مشروع اسمو مشروع النيل الأزرق الصحي، اسستوا وحدة كان اسمها وحدة مكافحة الملاريا في مشروع الجزيرة. مشروع النيل الأزرق أنشأوا وأدارتو خبرات سودانية (لسة قاعدة بالمناسبة). كانت مهمتها مكافحة امراض المياه ومشروع الجزيرة زي ما عارفين أكبر مشروع مروي في السودان وافريقيا. في الثمانينات وصلت نسبة المصابين بالملاريا صفر % الحمدلله انخفضت بقا المصابين 35% في عهد عمر البشير. وكان وجود البلهارسيا لا يذكر، واستحدثت له طرق جميلة في مكافحته غير ضارة بالبيئة زي قواقع بحرية كانت بتتغذى على دودة البلهارسيا، ومنها تغيير نوباطشية عمل المزارع لحمايتو. المشروع؟ لا الحمدلله لما جات الحكومة أووووول حاجة عملتا الحكومة فرتقت المشروع الصحي حته حته.
ليه؟
المشروع كان عندو عربات، والكيزان كانوا محتاجين عربات. المشروع كان عندو اسبيرات والحكومة باعت الاسبيرات.

لا لا استغفر الله... بهت الجماعة ديل... المشروع قاعد بقا عبارة عن مركز ما يقدر يفحص ليك ملاريا

مشروع النيل الأزرق اتأسس على 3 مراحل. 4 سنين من البحث والمسح، في مشروع الجزيرة. اتعملت دراسات وأبحاث لا تقدر بثمن. ال4 سنين البعدها اتأسس مشروع الجزيرة. الاربعة البعدها كان مفروض يتوسع المشروع ليغطي امتداد مشروع الرهد


لكن نحمد الله عندنا كمية كباري ممكن نزازي فيهم..ماشين جايين


والله يا ميسون ختفتيها من خشمي

انا شخصيا من الذين تمت معالجتهم من البلهارسيا من قبل مشروع النيل الازرق الصحي

كانو بفحصو لينا في المدارس وبيدونا العلاج مجاني

Quote: والله يا ميسون ختفتيها من خشمي انا شخصيا من الذين تمت معالجتهم من البلهارسيا من قبل مشروع النيل الازرق الصحي كانو بفحصو لينا في المدارس وبيدونا العلاج مجاني

عارفين مشروع الجزيرة ده شنو؟ ورقة التوت

من بعدها لا يشيرن أحد إلى نفسه قائلا: أنا سوداني

وددت أن أرفع يدي لأهلنا في الجزيرة...لكن استحييت من ربي

والله السرايات اصبح ينعق فيها البوم يا جماعه

اتحدي اي زول دخلها يمشي يشوفها اسي ما يبكي عليها

الخواجات كانوا شغالين عندنا في الجزيرة سواقين طيارات .....

الخواجات كانوا شغالين عندنا في الجزيرة سواقين طيارات .....


انت يا عمر اخوي من اربجي ولا شنو


تتزكر المطار الكان في اربجي

يا عباس من اربجي عضو المنبر الحبيب محمد عبد الرحمن

انا من غرب الجزيرة

لا يزال الناس في الجزيره يتذكرون بكل الخير مجهودات مشروع النيل الأزرق الصحي الدي كان يقوم بجهد المنظمات الدوليه في اليونسكو واليونسيف ولا يزال الناس يتذكرون كذلك قامات طبيه وإداريه وقفت علي نجاحاته مثل الدكتور القدال والدكتور الأمين عبد الله وغيرهم ..