بفضل الله سبحانه وتعالى اولا واصحاب الخير ثانيا تصبح هذه السنه الثامنه التى تقوم بها رابطه قلوب سودانيه نابضه فى رمضان بعمل حقيبه الصائم للاسر المحتاجه وانا فخوره بهذه القلوب السودانيه الاصيله اللى بتجود من مالها للمحتاجين اشخاص عاديين جدا ما اصحاب شأن وسلطه وجاه هم البيتبرعوا لهذا العمل ولا منظمات ولا شركات سودانيين من داخل وخارج الوطن هم اللى بيدفعونا للاستمرار يوم ورا يوم فى عمل الخير بدعى ربنا يجعلها فى ميزان حسناتهم ويبارك ليهم فى رزقهم ويوسعوا ليهم ويحقق مناهم ويديهم الصحه والعافيه وما يحرمنا من هذه القلوب ابدا اللى بيها نحنا بنكون وبنستمر بوجه خاص اقدم خالص امتنانى لاعضاء سودانيز اونلاين اللى كان ليهم بصمه قويه فى التبرعات هذا العام وشاكره ليهم ثقتهم فينى
وتوزيع 40 حقيبه على اسره يتيمه تابعه للمنظمه الوقفيه لرعاية اليتيم فى محلية امبده يوم السبت الموافق 30 -7-2011
بدير المنظمه الوقفيه لرعاية اليتيم استاذ خالد ومقر المنظمه فى جامع الشهيد بعد كبرى امدرمان اتجاه الخرطوم تعاملت مع استاذ خالد من سنين طويل جددددددا ولمن اجد فى نزاهته وامانته مثيل البيتمنى يعمل شغل خير لوجه الله يخت يده فى ايد استاذ خالد وما حيخذله ابدا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة