Post: #1 Title: برنامج شاي ودهب..اول مدير لجامعة الخرطوم إسماعيل حسب الدائم... Author: Nader Abu Kadouk Date: 08-06-2011, 09:07 PM Parent: #0
برنامج شاي ودهب..اول مدير لجامعة الخرطوم إسماعيل حسب الدائم...
دي إجابة طالب بجامعة الخرطوم....
حسبي الله....
Post: #2 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: omer osman Date: 08-06-2011, 09:11 PM Parent: #1
Quote: دي إجابة طالب بجامعة الخرطوم....
والله ياعمك لو طالب في كلية الشرطة ما مفروض يجاوب الاجابة دي
انتو الجامعة دي مافيها صلعة بالموس وحبس كركون
Post: #3 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: Elsamani A.Malik Date: 08-06-2011, 09:17 PM Parent: #2
Quote: انتو الجامعة دي مافيها صلعة بالموس وحبس كركون
المستغرب ليهو الزول الجاوب صاح دا عرفها كيف؟؟؟
Post: #4 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: Nader Abu Kadouk Date: 08-06-2011, 09:21 PM Parent: #3
Quote: والله ياعمك لو طالب في كلية الشرطة ما مفروض يجاوب الاجابة دي
هههههههه
رمضان كريم يا جنابو.....
Post: #5 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: عوض محمد احمد Date: 08-06-2011, 09:29 PM Parent: #3
و لا استغرب ان لم يعرفوا اسم مديرها الحالى فلا توجد صور للمدراء السابقين فى مكان متاح للطلبة و لا كتيبات تعريفيةو لا حتى توجد قاعات او منشات تحمل اسماء المدراء السابقين فمن اين لهم معرفة اول مدير لجامعة الخرطوم؟؟؟ ثم ان نظام ادارة الجامعات عندنا الذى يعتمد نظاما فيدراليا يتيح استقلال كبير فى النواحى الاكاديمية للكليات و الاقسام و الوحدات بحيث ان مشاكل الاساتذة ناهيك عن الطلبة عادة تحل على مستويات ادنى من المدير. فربما امضى الطالب السنوات العديدة دون ان يحتاج لشئ من مكتب المدير (بل حتى هذا ينطبق على الاساتذة) فلا تظلموا الطلاب
Post: #6 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: Nader Abu Kadouk Date: 08-06-2011, 09:36 PM Parent: #5
Quote: المستغرب ليهو الزول الجاوب صاح دا عرفها كيف؟؟؟
العجيب إنو الإجابه تكون إسماعيل حسب الدائم.....
Post: #7 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: omer osman Date: 08-06-2011, 09:42 PM Parent: #5
Quote: و لا استغرب ان لم يعرفوا اسم مديرها الحالى فلا توجد صور للمدراء السابقين فى مكان متاح للطلبة و لا كتيبات تعريفيةو لا حتى توجد قاعات او منشات تحمل اسماء المدراء السابقين فمن اين لهم معرفة اول مدير لجامعة الخرطوم؟؟؟ ثم ان نظام ادارة الجامعات عندنا الذى يعتمد نظاما فيدراليا يتيح استقلال كبير فى النواحى الاكاديمية للكليات و الاقسام و الوحدات بحيث ان مشاكل الاساتذة ناهيك عن الطلبة عادة تحل على مستويات ادنى من المدير. فربما امضى الطالب السنوات العديدة دون ان يحتاج لشئ من مكتب المدير (بل حتى هذا ينطبق على الاساتذة) فلا تظلموا الطلاب
والله ياعوض كلامك برضو وجهة نظر لكن كما في الدين
هناك مقولة (المعلوم من الدين بالضرورة)
وهي ما لايسع المسلم ان يجهله قياساً عليها نقول (المعلوم من التاريخ بالضرورة)
فصراحة من غير المعقول او المقبول ان يجهل طالب تاريخ جامعته او كليته وعليه
ان يسعي الى تلك المعلومات ولاينتظر ان
تاتيه في مكانه ......
Post: #8 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: Nader Abu Kadouk Date: 08-06-2011, 09:51 PM Parent: #7
Quote: فصراحة من غير المعقول او المقبول ان يجهل طالب تاريخ جامعته او كليته وعليه
اهلين جنابو..
اخ عوض من غير المعقول تكون الاجابه اسماعيل حسب الدائم مع كامل حترامنا للفنان.....
Post: #9 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: Mohiedin Sir El Khatim Date: 08-07-2011, 08:39 AM Parent: #5
Quote: و لا استغرب ان لم يعرفوا اسم مديرها الحالى فلا توجد صور للمدراء السابقين فى مكان متاح للطلبة و لا كتيبات تعريفيةو لا حتى توجد قاعات او منشات تحمل اسماء المدراء السابقين فمن اين لهم معرفة اول مدير لجامعة الخرطوم؟؟؟ ثم ان نظام ادارة الجامعات عندنا الذى يعتمد نظاما فيدراليا يتيح استقلال كبير فى النواحى الاكاديمية للكليات و الاقسام و الوحدات بحيث ان مشاكل الاساتذة ناهيك عن الطلبة عادة تحل على مستويات ادنى من المدير. فربما امضى الطالب السنوات العديدة دون ان يحتاج لشئ من مكتب المدير (بل حتى هذا ينطبق على الاساتذة) فلا تظلموا الطلاب
عوض أخوى .. رمضان كربم..
طيب .. إسماعيل حسب الدائم دى جابها من وين ....
ألا رحم الله جامعة الخرطوم رحمة واسعة و قبلها التعليم فى بلادى
Post: #10 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: Hussein Mallasi Date: 08-07-2011, 08:48 AM Parent: #9
Quote: فمن اين لهم معرفة اول مدير لجامعة الخرطوم؟؟؟
بل و ما الفائدة من معرفة اسم أول أو حتى آخر مدير للجامعة؟!!
Post: #11 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: محمد عبدالرحمن Date: 08-07-2011, 09:22 AM Parent: #10
هلا يا ابو كدوك (وانا كيكي) متلصص الي بوستك هذا عبر باصوريد (محمد عبد الرحمن) بعد اذنه -------------- انا حضرت الكلام بتاع دهب دهب لبيتون دهب ده..!!! واسماعيل حسب الدائم فعلا كانت حكاية اقل ما يقال عنها بانها مضحكة ومفجعة التسطيح فيها مركب (تسطيح بتاريخ الجامعة وتسطيح با لفنانين السودانين).. .وفي دي بدعم كلام البروف عوض في انو الجامعات والمرافق الزي دي ما بتهتم في بلدنا بالتاريخ بتاعها وما قاعدة تملكو للاجيال بصورة ممنهجة ففي دول عديدة جامعة عريقة زي جامعة الخرطوم دي بكون في (معرض ثابت) محتل جزء من هذه الجامعة يحتوي علي التاريخ الاداري وبدايات هذه الجامعة واشهر الشخصيات التي تخرجت من هذه الجامعة مدعوم بالصور والسيرة الذاتية وفي العادة تنظم عمادة الطلاب (او الاتحاد)جولات للطلاب الجدد في بداية حضورهم الي الجامعة ويظل هذه المعرض ثابت وسيزوره الكثيرين من خارج هذه الجامعة للتعرف علي هذه الموسسة التعليمية وخاصة طلاب مرحلة ما قبل الجامعة بما فيها المدارس الابتدائية... - جامعة الخرطوم ورغم ما تعانيه من ظروف وتقهقر الا انها محتاجة ان تواكب في اشياء عديدة لن تكلف سوي القليل وحتي مثل هذه المواد التعريفية يمكن ان يكلف بها طلاب قسم الاعلام فيها... ----------------------------
رحلات البرالمة في الجامعة التي كان يقيمها الاتحاد كلها منصبة علي الاستقطاب السياسي وتكبير الكيمان عبر لولوة روسين البرالمة واغوائهم للتصويت في الانتخابات او الانضمام للاتجاه الاسلامي كونه التنظيم الذي كان دائم الحضور في دورات الاتحاد في زماننا ذلك...
ولكن بالجد ان يقول طالب جامعي بان اسماعيل حسب الدائم كان مدير جامعة الخرطوم في جزئية محزنة ومربكة ومحبطة تماما في هذا السودان الفضل
--------- كيكي دوت كوم
Post: #12 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: alsngaq Date: 08-07-2011, 09:55 AM
Quote: بل و ما الفائدة من معرفة اسم أول أو حتى آخر مدير للجامعة؟!!
؟؟؟؟؟؟!!!!!!!!!!!!!
عمــــوما
Quote: ففي دول عديدة جامعة عريقة زي جامعة الخرطوم دي بكون في (معرض ثابت) محتل جزء من هذه الجامعة يحتوي علي التاريخ الاداري وبدايات هذه الجامعة واشهر الشخصيات التي تخرجت من هذه الجامعة مدعوم بالصور والسيرة الذاتية وفي العادة تنظم عمادة الطلاب (او الاتحاد)جولات للطلاب الجدد في بداية حضورهم الي الجامعة ويظل هذه المعرض ثابت وسيزوره الكثيرين من خارج هذه الجامعة للتعرف علي هذه الموسسة التعليمية وخاصة طلاب مرحلة ما قبل الجامعة بما فيها المدارس الابتدائية... - جامعة الخرطوم ورغم ما تعانيه من ظروف وتقهقر الا انها محتاجة ان تواكب في اشياء عديدة لن تكلف سوي القليل وحتي مثل هذه المواد التعريفية يمكن ان يكلف بها طلاب قسم الاعلام فيها... ----------------------------
رحلات البرالمة في الجامعة التي كان يقيمها الاتحاد كلها منصبة علي الاستقطاب السياسي وتكبير الكيمان عبر لولوة روسين البرالمة واغوائهم للتصويت في الانتخابات او الانضمام للاتجاه الاسلامي كونه التنظيم الذي كان دائم الحضور في دورات الاتحاد في زماننا ذلك... ولكن بالجد ان يقول طالب جامعي بان اسماعيل حسب الدائم كان مدير جامعة الخرطوم في جزئية محزنة ومربكة ومحبطة تماما في هذا السودان الفضل
Post: #14 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: MOHAMMED ELSHEIKH Date: 08-07-2011, 09:59 AM
طيب هاكم دي: ابني يوسف اكمل العام الدراسي الأول بكلية الهندسة –جامعة الخرطوم وجاني في الأجازة. الأيام دي انا وهو في البيت راس لذا كنت استعيد معه ذكريات الجامعة(لزوم النوستالجيا). سألته عن مجمع شمبات ؟ اجاب انه لم يسمع به. سألته اين تقع كلية التربية؟ قال لي والله ماعارف. طيب حصل شفت كلية الطيب؟ والله اتذكر مشيت مرة واحدة مع اصحابي لاسبوع الصيدلة بس ما متذكر الموقع بالضبط , شكلو كدي قريب ميدان جاكسون. تقول لي أول مدير للجامعة ياخي انا شخصيا ما اتذكر غير مديرنا د.عمر بليل رحمه الله . بس حكاية اسماعيل حسب الدايم دي حارة شوية . وذكرتني أيضا ابن أخي عمر في الصف الثاني ابتدائي وبرنامج الأذاعة الصباحية كان السؤال عن تاريخ افتتاح الأذاعة السودانية, اها لزوم مصر انو يتكلم في المايك راح مطقطق اصبعو باصرار فناداه الأستاذ :" تعال ياعمر" وصل عمر ومسك المايك وكانت الأجابة: . . . . . . .
" جون قرنق"!!!!
Post: #13 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: عادل نجيلة Date: 08-07-2011, 09:57 AM Parent: #10
Quote: بل و ما الفائدة من معرفة اسم أول أو حتى آخر مدير للجامعة؟!!
نعم الزميل حسين ملاسي هنالك فرق مابين من يصنع التاريخ ويبني و مابين من يحمل معاول الهدم .. كانت كلية غردون التذكارية التي أنشأها الإنجليز عام 1903 هي أقصى درجات التعليم في السودان وهي تعادل المرحلة الثانوية في التقييم العلمي ويمنح خريجوها دبلومآ توظيفيا وكانت الدراسة فيها لمدة أربع سنوات الأمر الذي جعل معظم خريجوها يواصلون دراساتهم خارج السودان في مصر و لبنان و فرنسا وبعضهم كان يدرس بالمراسلة . وعقب أول إنتخابات برلمانية عام 1953 أعدت الحكومة المنتخبة برئاسة الزعيم الأزهري لجنة لسودنة الوظائف ولجنة لإعادة تقييم التعليم في السودان كلف بها الراحل المقيم الأستاذ نصر الحاج على طيب الله ثراه والذي عكف على ترفيع كلية غردون لتصبح كلية الخرطوم الجامعية ويمنح خريجها درجة البكلاريوس .. وتم ترفيع المناهج لتلائم أحدث ما وصلت إليه العلوم في ذلك الوقت وتم تمت مكافأته بأن عين كأول مدير لكلية الخرطوم الجامعية فأضاف مزيدآ من الكليات في مجالات الهندسة والصيدلة و البيطرة و الزراعة ثم أداخل الجراحة وتطبيقاتها في كلية الطب وكان خريج الطب قبل ذلك لا يمارس الجراحة إذ كان جل الجراحين من الأجانب .. رحم الله نصر الحاج على وأجزل له الثواب أضعاف ما قدمه لوطنه. وللزميل حسين ملاسي إن التناول العدمي للتأريخ يفسد الهمم ويزيل آثار التاريخ المشرف فيصنع أجيالآ غير مبالية لا تغدو أن تتشتت في الحياة من غير نموذج ولا ضوء يهدي إلى آفاق أرحب و ما سودان اليوم إلا نموذجآ لمثل تلك القراءات .
Post: #15 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: ABDALLAH ABDALLAH Date: 08-07-2011, 10:19 AM Parent: #13
Quote: هنالك فرق مابين من يصنع التاريخ ويبني و مابين من يحمل معاول الهدم .. كانت كلية غردون التذكارية التي أنشأها الإنجليز عام 1903 هي أقصى درجات التعليم في السودان وهي تعادل المرحلة الثانوية في التقييم العلمي ويمنح خريجوها دبلومآ توظيفيا وكانت الدراسة فيها لمدة أربع سنوات الأمر الذي جعل معظم خريجوها يواصلون دراساتهم خارج السودان في مصر و لبنان و فرنسا وبعضهم كان يدرس بالمراسلة . وعقب أول إنتخابات برلمانية عام 1953 أعدت الحكومة المنتخبة برئاسة الزعيم الأزهري لجنة لسودنة الوظائف ولجنة لإعادة تقييم التعليم في السودان كلف بها الراحل المقيم الأستاذ نصر الحاج على طيب الله ثراه والذي عكف على ترفيع كلية غردون لتصبح كلية الخرطوم الجامعية ويمنح خريجها درجة البكلاريوس .. وتم ترفيع المناهج لتلائم أحدث ما وصلت إليه العلوم في ذلك الوقت وتم تمت مكافأته بأن عين كأول مدير لكلية الخرطوم الجامعية
شكرا الأخ عادل نجيله لإيردك هذه المعلومه فعلا الأستاذ نصر الحاج على هو أول عميد أو بالأحرى مدير لكلية الخرطوم الجامعيه. نشعر بالإعزاز لماضينا ثم يصيبنا الإحباط من حاضرنا.
Post: #16 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: khaleel Date: 08-07-2011, 10:24 AM Parent: #13
Post: #17 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: Nader Abu Kadouk Date: 08-07-2011, 06:12 PM Parent: #9
Quote: طيب .. إسماعيل حسب الدائم دى جابها من وين ....
والله يا محي الدين جبها من وين دي هو السؤال المحير....
تعيش ثورة التعليم العالي.........
Post: #18 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: ود الخليفه Date: 08-07-2011, 06:18 PM Parent: #17
اسماعيل حسب الرسول
Post: #19 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: Nader Abu Kadouk Date: 08-07-2011, 06:23 PM Parent: #17
Quote: واسماعيل حسب الدائم فعلا كانت حكاية اقل ما يقال عنها بانها مضحكة ومفجعة التسطيح فيها مركب (تسطيح بتاريخ الجامعة وتسطيح با لفنانين السودانين)..
حبيبنا ابو الكيك....
مفجعة والله....رحم الله جامعة الخرطوم.......
Post: #20 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: عوض محمد احمد Date: 08-07-2011, 09:01 PM Parent: #19
فى الاربعينات تم تجميع عدد من المدارس العليا (زراعة و بيطرة و حقوق و غيرها تحت مسمى كلية الخرطوم الجامعبة و كانت تحت اشراف جامعة لندن من ناحية المناهج و الامتحانات و الاستافنق) فى عام 1956م اخذت الكلية مسمى جامعة الخرطوم و حسب علمى انه تمت سودنة منصب المدير بعد الاستقلال (الاستاذ نصر الحاج على) و اعقبه النذير دفه الله طيب الله ثراهما اما كلية غردون فلا علاقة لها بجامعة الخرطوم الا من ناحية انه عند انشاء المدارس الثانوية حنتوب و وادى سيدنا فى منتصف الاربعينات تم تحويل مبانيها لكلية الخرطوم الجامعية. و هى اساسا مدرسة ثانوية شاملة اقامها الانجليز لرفد الخدمة المدنية بكوادر كتابية صغرى و و معلمين مع امكانية ابتعاث النابغين من الطلاب للدراسة الجامعية خارج البلاد
Post: #21 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: Hisham Ibrahim Date: 08-08-2011, 08:54 AM Parent: #20
السؤال كان كالآتي :-
من غــنى في طهــور أحـفاد اول مدير لجامعة الخرطوم ؟
فجاء الرد كما ورد من المُجيب ...
Post: #22 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: هشام هباني Date: 08-08-2011, 09:16 AM Parent: #21
بن اختي نادر ابو كدوك
تحياتي ورمضان كريم
زولك ده يبدو برلم بس ارحم شوية بحكاية اسماعيل حسب الدايم ده...لكن رايك شنو في استطلاع قناة الشروق القبل سنتين وكان ضيف الاستطلاع خريج جامعة الخرطوم جديد لنج والذي سئل عن اسم اول شهيد في ثورة اكتوبر وكانت اجابته ( الزبير محمد صالح)!
Post: #23 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: Nader Abu Kadouk Date: 08-08-2011, 07:14 PM Parent: #22
شكرا عادل نجيلة.....
ملاسي دايما مخالف و المصيبه بدون فكرة.....
Post: #24 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: Nader Abu Kadouk Date: 08-08-2011, 07:22 PM Parent: #23
محمدالشيخ إزيك...
ده نتاج طبيعي لعدم وجود الداخليات...ا حليل ايامها.....
الداخليات كانت سبب كبير في تواجد الطالب في الجامعة في كل الاوقات...
وده كان عامل اساسي فياالحراك السياسي و الثقافي....
Post: #25 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: Nader Abu Kadouk Date: 08-08-2011, 07:26 PM Parent: #24
Quote: نشعر بالإعزاز لماضينا ثم يصيبنا الإحباط من حاضرنا.
لا تيأس يا عبدالله فالقادم احلى........
Post: #26 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: Nader Abu Kadouk Date: 08-08-2011, 07:29 PM Parent: #25
خلي ياخلي....
رمضان كريم.....
Post: #27 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: Nader Abu Kadouk Date: 08-08-2011, 07:32 PM Parent: #26
ودالخليفة مشكور كتير على الصورة.......
Post: #29 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: Nader Abu Kadouk Date: 08-08-2011, 07:40 PM Parent: #22
Quote: جديد لنج والذي سئل عن اسم اول شهيد في ثورة اكتوبر وكانت اجابته ( الزبير محمد صالح)!
يا خال زولك ده لا سمع اناشيد اكتوبر ولا زول ونسو ....
دي الله مصيبه......
Post: #28 Title: Re: برنامج شاي ودهب..اول مدير لجامعة الخرطوم إسماعيل حسب الدائم... Author: Nader Abu Kadouk Date: 08-08-2011, 07:36 PM Parent: #21
Quote: السؤال كان كالآتي :-
من غــنى في طهــور أحـفاد اول مدير لجامعة الخرطوم ؟
