Post: #1 Title: اذا فاز المريخ اليوم علي الامل العطبراوي مبروك عليه الدوري Author: khaleel Date: 08-06-2011, 08:38 AM Parent: #0
الامل العطبراوي اخر عقبات المريخ
Post: #2 Title: Re: اذا فاز المريخ اليوم علي الامل العطبراوي مبروك عليه الدوري Author: khaleel Date: 08-06-2011, 08:39 AM Parent: #1
اهلي الخرطوم والنيل الحصاحيصا
فيهم رقشة ولكن لا اعتقد ان المريخ سيفرط في الدوري
اذا فاز اليوم علي الامل
Post: #3 Title: Re: اذا فاز المريخ اليوم علي الامل العطبراوي مبروك عليه الدوري Author: khaleel Date: 08-06-2011, 08:41 AM Parent: #2
غايتو ما عندنا حل الا نهزم المريخ في المباراة النهائية
ونقول ليه
الدوري مسيخ يا مريخ
Post: #4 Title: Re: اذا فاز المريخ اليوم علي الامل العطبراوي مبروك عليه الدوري Author: khaleel Date: 08-06-2011, 08:45 AM Parent: #3
السبت 6 أغسطس 2011 الساعة 4:53 مباراة اليوم بين المريخ والامل تشهد حوارا خاصا بين المدربين المصريين حسام البدري المدير الفني للمريخ واحمد ساري المدير الفني للامل العطبراوي.
وسبق للبدري مواجهة مدرب مصري في الدوري الممتاز هو محمد كمونة مدرب جزيرة الفيل السابق وتفوق عليه بخماسية وهذه هي المرة الثانية التي يواجه فيها مدرب من مصر. وقال البدري في حديث لقوون عقب مران المريخ امس انه يعمل لمواصلة الانتصارات وتعزيز صدارة الدوري الممتاز وابان انه يركز بشدة علي مباراة اليوم مشيرا الي ان ملعب بورتسودان ليس غريبا عليه وسبق ان حقق الفوز عليه.
وذكر البدري ان الاجواء في بورتسودان افضل مما كانت عليه في مباراته السابقة امام حي العرب وهذا سيسهل مهمته في مباراة اليوم.
من جانبه رفض المدرب احمد ساري المدير الفني للامل الحديث والتصريحات واكتفي بعبارة واحدة فقط ربنا يسهل ويكرم.
ساري يخفى التشكيلة
اخفى المصري احمد ساري مدرب الامل تشكيلة فريقه لمباراة اليوم امام المريخ من خلال المران الاساسي الذي اجراه امس الا ان قوون استطاعت ان تحصل علي اسماء المجموعة التي ستؤدي المباراة.
المريخ يركز علي التهديف
ركزالمصري حسام البدري علي التهديف في مران المريخ الاساسي امس وتطبيق بعض الجمل التكتيكية ولم يرهق اللاعبين بتدريبات طويلة. واكتفى بفترة محدودة وانهى المران
Post: #5 Title: Re: اذا فاز المريخ اليوم علي الامل العطبراوي مبروك عليه الدوري Author: khaleel Date: 08-06-2011, 08:48 AM Parent: #4
وصلت بعثة الامل لبورتسودان مساء امس الاول برئاسة السيد عادل حسن والعميد خير الله وقرشي احمد من القطاع الرياضي وحلت بفندق اوكير واصدرت البعثة الادارية قرارا بمنع التصريحات لكل افراد البعثة وادي الفريق مرانه الاول ببورتسودان بدون مدربه احمد ساري الذي وصل امس وقاد المران الاخير.. وكشف التدريب الاخير للعطبراوي اكتمال الجاهزية للفريق من جميع النواحي.
وفي عباراة موجزة ذكر رئيس بعثة الامل عادل حسن بانهم حضروا للفوز فقط.. فيما ذكر خير الله ان فريقه لم يتعرض للخسارة في الدورة الثانية وسيلعب اليوم للنقاط كاملة
Post: #6 Title: Re: اذا فاز المريخ اليوم علي الامل العطبراوي مبروك عليه الدوري Author: فايزودالقاضي Date: 08-06-2011, 08:49 AM Parent: #4
Quote: خليل ..سلامات وكل عام وانت بخير ..
غايتو لو طلعتو من الابطال ونحن غلبنا الامل والبقية الباقية بما فيهم الهلال نكون مسخنا عليكم الدنيا بما فيها
Post: #7 Title: Re: اذا فاز المريخ اليوم علي الامل العطبراوي مبروك عليه الدوري Author: khaleel Date: 08-06-2011, 08:51 AM Parent: #6
فايز القاضي
رمضان كريم
غايتو قبل كدة الامل عصلج مع المريخ في استاد بورتسودان دا زاتو
يا ليتنا عدنا او عادت الايام
Post: #8 Title: Re: اذا فاز المريخ اليوم علي الامل العطبراوي مبروك عليه الدوري Author: 7abib_alkul Date: 08-06-2011, 08:57 AM Parent: #6
خليل لا اوافقك الرأي ولاعبي المريخ ما عندهم ضمان ابدا يعني واي فريق غير الأمل يمكن ان يتعادل مع المريخ وكل ما يحتاجه الهلال هو تعادل واحد فقط للمريخ حتي يعود اليه الأمل وإن كان الإمل معقود علي الأمل
Post: #9 Title: Re: اذا فاز المريخ اليوم علي الامل العطبراوي مبروك عليه الدوري Author: khaleel Date: 08-06-2011, 09:01 AM Parent: #8
Quote: خليل لا اوافقك الرأي ولاعبي المريخ ما عندهم ضمان ابدا يعني واي فريق غير الأمل يمكن ان يتعادل مع المريخ وكل ما يحتاجه الهلال هو تعادل واحد فقط للمريخ حتي يعود اليه الأمل وإن كان الإمل معقود علي الأمل
حبيب الكل
رمضان كريم
اكيد لا توجد ضمانات في كرة القدم ولكن نظريا وعلي الورق كما يقول الشوالي
الامل يبقي من اقوي الفرق التي تقابل المريخ ونعتشم في تعثر المريخ معه
ليفارق الدوري فراق الطريفي لي جملو
Post: #10 Title: Re: اذا فاز المريخ اليوم علي الامل العطبراوي مبروك عليه الدوري Author: khaleel Date: 08-06-2011, 09:04 AM Parent: #9
مباراة بورتسودان الشهيرة التي تعادل فيها المريخ مع الامل
هل يعيد التاريخ نفسه
Post: #11 Title: Re: اذا فاز المريخ اليوم علي الامل العطبراوي مبروك عليه الدوري Author: صبري طه Date: 08-06-2011, 09:15 AM Parent: #10
عندي أمل في الأهلي الخرطوم أكثر من الأمل عطبرة
Post: #12 Title: Re: اذا فاز المريخ اليوم علي الامل العطبراوي مبروك عليه الدوري Author: khaleel Date: 08-06-2011, 09:20 AM Parent: #11
Quote: عندي أمل في الأهلي الخرطوم أكثر من الأمل عطبرة
نيل الحصاحيصا برضو يا صبري
لكن بنخاف ابراهومة يبيعنا
Post: #13 Title: Re: اذا فاز المريخ اليوم علي الامل العطبراوي مبروك عليه الدوري Author: محمد سنى دفع الله Date: 08-06-2011, 09:27 AM Parent: #12
يا اخوي يا خليل رمضان كريم في مشكلة في الدوري بتاعنا بقى الهلال والمريخ فوووق وبعدهم لاشئ زمان كان الهلال والمريخ ضد اهلي مدني واتحادها وجزيرة الفيل والموردة واهلي الخرطوم بتلقى في ندية هسي الدوري كل فرقو بتلعب بي مرافيد الهلال والمريخ ومافي ندية المشكلة وين ؟؟؟ الاماني لاتصنع فرق !!! والمريخ فايز فايز عايزين الامل بخوف الفرق كلها ويهز ارض الحديد والنار ويغلب المريخ والهلال اعيدو جدولة الدوري والموسم كلوا واعداد الفرق
Post: #15 Title: Re: اذا فاز المريخ اليوم علي الامل العطبراوي مبروك عليه الدوري Author: khaleel Date: 08-06-2011, 09:32 AM Parent: #13
Quote: يا اخوي يا خليل رمضان كريم في مشكلة في الدوري بتاعنا بقى الهلال والمريخ فوووق وبعدهم لاشئ زمان كان الهلال والمريخ ضد اهلي مدني واتحادها وجزيرة الفيل والموردة واهلي الخرطوم بتلقى في ندية هسي الدوري كل فرقو بتلعب بي مرافيد الهلال والمريخ ومافي ندية المشكلة وين ؟؟؟ الاماني لاتصنع فرق !!! والمريخ فايز فايز عايزين الامل بخوف الفرق كلها ويهز ارض الحديد والنار ويغلب المريخ والهلال اعيدو جدولة الدوري والموسم كلوا واعداد الفرق
رمضان كريم استاذ السني
اكيد الدوري السوداني به خلل كبير وفارق امكانيات مادية وبشرية
علي الدولة دعم الفرق بالتساوي وعلي الولايات دعم الفرق التي تمثلها
دورينا اقرب للدوري المصري الذي يحتكره الاهلي تماما ومرات مرات الزمالك ينافس
نطمع في دوري مثل الدوري السعودي يفوز به الهلال والشباب والاتحاد والاهلي والاتفاق
Post: #14 Title: Re: اذا فاز المريخ اليوم علي الامل العطبراوي مبروك عليه الدوري Author: هشام عباس Date: 08-06-2011, 09:29 AM Parent: #10
Quote: هل يعيد التاريخ نفسه
خليل العاقد املو على الامل تحياتى اتفق معك ان التاريخ سيعيد نفسه لكن ليس كما تشتهى التاريخ يعيد مجريات عام 2008 عندما توج المريخ بالممتاز عام 2008 فاز المريخ فى مباراة مبكرة على الهلال بهدف طمبل فى الدقائق الاخيرة 92ق عام 2011 فاز المريخ فى مباراة مبكرة على الهلال بهدف ساكواها فى الدقائق الاخيرة عام 2008 تلقى المريخ خسارة واحدة من حى العرب بورتسودان فى نهاية الدورة الاولى (ان لم تخنى الذاكرة) عام 2011 وحتى اللحظة تلقى المريخ خسارة واحدة من اهلى الخرطوم فى نهاية الدورة الاولى عليه .. لا امل عطبرة ولا نيل ولا اهلى الخرطوم ولا حتى الهلال سيقفون فى وجه المريخ الدورى امره محسوم للاحمر هذا العام وعليكم مساعدة همشرى كى يواصل نشاطه فى مجاهل افريقيا لعل وعسى
Post: #16 Title: Re: اذا فاز المريخ اليوم علي الامل العطبراوي مبروك عليه الدوري Author: منتصرمحمد زكى Date: 08-06-2011, 09:46 AM Parent: #14
كلما إلتقى المريخ بالأمل .. تذكرت الراحل إيداهور
Post: #17 Title: Re: اذا فاز المريخ اليوم علي الامل العطبراوي مبروك عليه الدوري Author: khaleel Date: 08-06-2011, 09:50 AM Parent: #16
Quote: كلما إلتقى المريخ بالأمل .. تذكرت الراحل إيداهور
رحم الله الضباح ايداهور
والله افتقده كثيرا
Post: #18 Title: Re: اذا فاز المريخ اليوم علي الامل العطبراوي مبروك عليه الدوري Author: khaleel Date: 08-06-2011, 09:51 AM Parent: #17
Quote: لا امل عطبرة ولا نيل ولا اهلى الخرطوم ولا حتى الهلال سيقفون فى وجه المريخ الدورى امره محسوم للاحمر هذا العام وعليكم مساعدة همشرى كى يواصل نشاطه فى مجاهل افريقيا لعل وعسى
وهل سيدفع همشري للترجي والاهلي القاهري في دور الاربعة
Post: #19 Title: Re: اذا فاز المريخ اليوم علي الامل العطبراوي مبروك عليه الدوري Author: الكباشى البكرى Date: 08-06-2011, 11:21 AM Parent: #18
Quote: اهلي الخرطوم والنيل الحصاحيصا
فيهم رقشة ولكن لا اعتقد ان المريخ سيفرط في الدوري
اذا فاز اليوم علي الامل
نفس الرقشه بتاعت انيمبا ام ان هنالك اختلاف يا هندسه...؟
Post: #20 Title: Re: اذا فاز المريخ اليوم علي الامل العطبراوي مبروك عليه الدوري Author: omer osman Date: 08-06-2011, 12:12 PM Parent: #19
وان فاز ياهندسة ثم ماذا بعد !!!!
الفوز بالدوري الممتاز يجب ان يكون وسيلة للفوز
بالبطولات الافريقية لا غاية في حد ذاته ، شخصياً
ومع الجيل الحالي للعيبة المريخ اصبحت اتوقع الاسوء دائماً
Post: #21 Title: Re: اذا فاز المريخ اليوم علي الامل العطبراوي مبروك عليه الدوري Author: سفيان بشير نابرى Date: 08-06-2011, 12:32 PM Parent: #20
Quote: ونعتشم
هاهاهاهاهاهاها بقيت علي الاعتشام ؟
كاس الدوري خلوها ركزوا في كاس افريكا دا .
رمضان كريم يا خلي .
Post: #22 Title: Re: اذا فاز المريخ اليوم علي الامل العطبراوي مبروك عليه الدوري Author: خالد درق Date: 08-06-2011, 12:47 PM Parent: #21
يا خليل رمضان كريم ..
المريخ فايز والدورى للمريخ
مودتى ..
Post: #23 Title: Re: اذا فاز المريخ اليوم علي الامل العطبراوي مبروك عليه الدوري Author: اسعد صلاح البدري Date: 08-06-2011, 12:49 PM Parent: #22
كااااااااااااامل تضامننا مع الامل حتى يتحقق املنااااا
والله يدينا الفي مرادنا
Post: #24 Title: Re: اذا فاز المريخ اليوم علي الامل العطبراوي مبروك عليه الدوري Author: محمد عمر الفكي Date: 08-06-2011, 12:49 PM Parent: #21
قال له يا خليل، المية حقتك ما ناسيها دي مية غيرها. انتا يا اخوي بتحسبنا لنا مالك؟ قدر الله دا ما بقع على سيد اللبن برضو؟ ولا معصوم من الهزائم والتعادلات؟
Post: #25 Title: Re: اذا فاز المريخ اليوم علي الامل العطبراوي مبروك عليه الدوري Author: فاروق أبوحوه Date: 08-06-2011, 01:10 PM Parent: #24
حبيبنا خليل رمضان كريم .. مشتاقين يا صاحب..
أنسب أغنيه تنفع معاكم الليله هي:
لا بقيت أنا الراجي السراب .. لا الرامي ( أملو ) علي الغيوم.. وفتر حنيني الكان زمان.
Post: #26 Title: Re: اذا فاز المريخ اليوم علي الامل العطبراوي مبروك عليه الدوري Author: عبد العزيز عبدالكريم نهار Date: 08-06-2011, 10:39 PM Parent: #25
Quote: اذا فاز المريخ اليوم علي الامل العطبراوي مبروك عليه الدوري
وفاز المارد الوهاج
Post: #27 Title: Re: اذا فاز المريخ اليوم علي الامل العطبراوي مبروك عليه الدوري Author: عبداللطيف حسن علي Date: 08-06-2011, 10:46 PM Parent: #26
ياعبدالعزيز
خليتني ساكت امشي لحد الصفحة التالته عشان انكت البوست دا
وثق كويس لخلي دا
لكن برضو لسه الدوري طويل
مبروك للصفوة
Post: #28 Title: Re: اذا فاز المريخ اليوم علي الامل العطبراوي مبروك عليه الدوري Author: المكاشفي الخضر الطاهر Date: 08-06-2011, 10:55 PM Parent: #27
ويبقى الامل عطبرة بعبعمخييف للمريخ اينما سار او ارتحل
قلق لمن غالب تكسر في الزمن ولمن درون تتسرع في تمرير الكورة .... عاد يا جماعة دا كلام شوف عيني قلق مشى شال الكورة واداها لاعب الامل ليرميها تماس بعد الدرون اها يا وصيفاب عاد دا بقولو عليهو شنو
والهدف الاخير سارق وتسلل اوضح من الشمس في رائعة النهار
غايتو يا وصيفاب الباقي ليكم عقبة واحدة بس فريق النيل الهساهيسا بس
Post: #29 Title: Re: اذا فاز المريخ اليوم علي الامل العطبراوي مبروك عليه الدوري Author: اسعد صلاح البدري Date: 08-06-2011, 11:02 PM Parent: #28
والله تحيكم زي الزفت قسما بالله لو ما الحكم مغلوبين يا طيشاب
Post: #36 Title: Re: اذا فاز المريخ اليوم علي الامل العطبراوي مبروك عليه الدوري Author: abas Date: 08-07-2011, 10:29 AM Parent: #29
والله تحيكم زي الزفت قسما بالله لو ما الحكم مغلوبين يا طيشاب
اخ يا اسعد
انت ما شفت السعودي دق الكورة بي يدو وجري خلاها طلعها نجم الدين اتخلع خلاص قايل الحكم عندو زمه بيحسبها
انشاء الله الحكم القبضو ما يوصلو بيتو
وشلبي انشاء الله البياكلو بي القابضو يطلع ليه اسي دي
لانو مال حرام
Post: #30 Title: Re: اذا فاز المريخ اليوم علي الامل العطبراوي مبروك عليه الدوري Author: خالد درق Date: 08-06-2011, 11:03 PM Parent: #28
اه يا خليل ,,,
مبرووووك الدورى للزعيم ولا كيف
تحياتى ..
Post: #31 Title: Re: اذا فاز المريخ اليوم علي الامل العطبراوي مبروك عليه الدوري Author: المكاشفي الخضر الطاهر Date: 08-06-2011, 11:19 PM Parent: #30
عليكم الله دا حكم دا ؟؟؟؟
Post: #32 Title: Re: اذا فاز المريخ اليوم علي الامل العطبراوي مبروك عليه الدوري Author: نادر الفضلى Date: 08-07-2011, 00:13 AM Parent: #31
خليل رمضان كريم أمس بالصدفة نقرت لقيت سودانيزاونلاين لاحظت الصفحة الأولى خالية من ناس الكورة، مرحب بالعودة
يا خليل الفنان خليل إسماعيل رحمة الله عليه، غنى: الأمانى العذبة تتراقص حيالى والأمل بسام يداعب فى خيالى
الدورى طويل، باقى كمينين إقليميين فى الحصاحيصا وكادوقلى ولو إستمرت السكوهة والأدوكة بإذن الله تعالى فمباراة نهائى الدورى إلا تشوفوا ليكم عذر أو تستعينوا بالأرباب للإنسحاب أو الإستفادة من خدمات همشرى قالوا سر حوالاتو باتع
Post: #33 Title: Re: اذا فاز المريخ اليوم علي الامل العطبراوي مبروك عليه الدوري Author: د. ياسر عبد القادر Date: 08-07-2011, 00:36 AM Parent: #32
خليل سلامات
المريخ إتزنق زنقة عجيبة......وفاز بمساعدات لا يستحقها سواء من التحكيم أو أشياء أخري
الان فهمت لماذا يثير إعلام المريخ الغبار حول نتائج الهلال...وللعلم إعلام المريخ فقط هو من يثير الامر...وليس حتي اعلام الفرق المنافسة
شكرا لاعبوا الامل ...فقد أدخلتم المريخ في تجربة قاسية حيت الدقيقة الاخيرة....
لانهم يعلمون تماما أنه لو نقص الفارق لثلاث نقاط....فهي تعني فقدان الدوري
Post: #34 Title: Re: اذا فاز المريخ اليوم علي الامل العطبراوي مبروك عليه الدوري Author: khaleel Date: 08-07-2011, 10:05 AM Parent: #33
Quote: المريخ إتزنق زنقة عجيبة......وفاز بمساعدات لا يستحقها سواء من التحكيم أو أشياء أخري
الان فهمت لماذا يثير إعلام المريخ الغبار حول نتائج الهلال...وللعلم إعلام المريخ فقط هو من يثير الامر...وليس حتي اعلام الفرق المنافسة
شكرا لاعبوا الامل ...فقد أدخلتم المريخ في تجربة قاسية حيت الدقيقة الاخيرة....
لانهم يعلمون تماما أنه لو نقص الفارق لثلاث نقاط....فهي تعني فقدان الدوري
YES DR YASSER
I DO AGREE WITH YOU
Post: #35 Title: Re: اذا فاز المريخ اليوم علي الامل العطبراوي مبروك عليه الدوري Author: عبد الرازق سعيد Date: 08-07-2011, 10:08 AM Parent: #33
14 فوز للمريخ على الأمل في الدوري الممتاز مقابل فوزين للأمل على المريخ بعبع في رأسك
Post: #37 Title: Re: اذا فاز المريخ اليوم علي الامل العطبراوي مبروك عليه الدوري Author: خالد عبد الله محمود Date: 08-07-2011, 10:37 AM Parent: #35
خالو خليل الجميع في عالم كرة القدم السودانية يريد للمريخ الفوز بالبطولة هذا العام .. الإتحاد و لجنة التحكيم و الحكومة زاتها و إن ما أخاف الكذب نحن الهلالاب زاتنا عايزنهم يشيلو الكاس السنة دي لإذكاء روح المنافسة المفقودة منذ سنوات النيل الحصاحيصا هو المريخ 2 و لولا شيل الحال كان أدوهم الثلاثة نقاط منذ الآن و لا أعتقد أن الأهلي الخرطوم سيكرر فوزه على المريخ مرة أخري رغم أن المريخ سيكون في حال نفسية سيئة بعد ذهاب الحضري و عدم الثقة في بقية الحراس ..
الحل الوحيد للهلال الآن هو التركيز على البطولة الأفريقية ثم ( تمسيخ) الدوري و هزيمة المريخ في المباراة الأخيرة
Post: #38 Title: Re: اذا فاز المريخ اليوم علي الامل العطبراوي مبروك عليه الدوري Author: ابراهيم محمد الحسن Date: 08-07-2011, 10:40 AM Parent: #35
أبو الخل ،، هاك دي :
Post: #39 Title: Re: اذا فاز المريخ اليوم علي الامل العطبراوي مبروك عليه الدوري Author: الحاج حمد الحاج Date: 08-07-2011, 12:27 PM Parent: #38
Quote: اذا فاز المريخ اليوم علي الامل العطبراوي مبروك عليه الدوري
الله يبارك فيك يا هندسة... نحن ما خزلناكم بس بالله ما تخزلونا(اقصد كاس أفريقيا و كده).
Post: #40 Title: Re: اذا فاز المريخ اليوم علي الامل العطبراوي مبروك عليه الدوري Author: خالد العطا Date: 08-07-2011, 01:19 PM Parent: #39
خليل يا خليل
ادكـــــــــو كيـــــف ؟؟؟؟؟؟؟؟؟
بالله صف شعورك بكل صدق بعد الهدف يا خلي
Post: #41 Title: Re: اذا فاز المريخ اليوم علي الامل العطبراوي مبروك عليه الدوري Author: المكاشفي الخضر الطاهر Date: 08-07-2011, 02:03 PM Parent: #40
بتوع التمهيدي
Post: #42 Title: Re: اذا فاز المريخ اليوم علي الامل العطبراوي مبروك عليه الدوري Author: khaleel Date: 08-08-2011, 10:31 AM Parent: #40
Quote: خليل يا خليل
ادكـــــــــو كيـــــف ؟؟؟؟؟؟؟؟؟
بالله صف شعورك بكل صدق بعد الهدف يا خلي
SURE
VERY SAD YA KHALID
Post: #43 Title: Re: اذا فاز المريخ اليوم علي الامل العطبراوي مبروك عليه الدوري Author: وليد محمد المبارك Date: 08-08-2011, 10:46 AM Parent: #42
رمتني بدايها وانسلت
قالوا الحكم .. التقول ادانا بلنتي وهمي زي الحصل في كورة الرجاء
قالوا اللعيبة بايعين .. التقول رفعوا لينا هنا في الانترنت على مواقع مصرية تفاصيل قروش مرسلنها لي بورسودان زي حالقروش الاترسلت لي نجيريا
اختشو
Post: #44 Title: Re: اذا فاز المريخ اليوم علي الامل العطبراوي مبروك عليه الدوري Author: khaleel Date: 08-09-2011, 10:54 AM
Quote: الله يبارك فيك يا هندسة... نحن ما خزلناكم بس بالله ما تخزلونا(اقصد كاس أفريقيا و كده).
