فتيات اثيوبيات يرقصن منذ المغرب إلى فجر اليوم التالي في أبيي ...

Post: #1
Title: فتيات اثيوبيات يرقصن منذ المغرب إلى فجر اليوم التالي في أبيي ...
Author: ود الباوقة
Date: 08-06-2011, 08:29 AM
Parent: #0

سوداني نت - وكالات: كشفت قبيلة المسيرية عن انضواء مجموعات
من الفتيات الإثيوبيات تحت لواء القوة التي بدأت في التوافد
على منطقة أبيي، وشنَّ رئيس اتحاد المسيرية محمد خاطر جمعة هجوماً
عنيفاً على القوات الإثيوبية واتهمها بإثارة القلاقل على تخوم
دار المسيرية، قائلاً: «استجلبوا فتيات ويرقصون منذ المغرب
إلى فجر اليوم التالي»، وأوضح خاطر في تصريح لـ «الإنتباهة»
أن مجموعة من الجنود يتبعون ملة اليهود ويتحدثون بلغة غريبة
مما حدا ببعض الأعيان للاستعانة بخبير في اللغات قطع بأن
عدداً من الجنود إسرائيليون يتحدثون بلغة اليهود.

Post: #2
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: ود الباوقة
Date: 08-06-2011, 08:32 AM
Parent: #1

حسبنا الله ونعم الوكيل

Post: #4
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: عوض محمد احمد
Date: 08-06-2011, 08:40 AM
Parent: #2

ود الباوقة
رمضان كريم

ان كان الامر هكذا فيلام من جلبهم لارض المسيرية
الا ترى الحكومة ان ابيى شمالية
ما يحزننى ان ان النظام فقد المئات من القتلى فى عملية ابييى الاخيرة ثم سلمها باردة لاهبل الجبجبة
لا يمكن ان نلوم الاحباش. فهذا هو ديدن الجند فى كل زمان و مكان: الرقص و الطبل و الزمر و النساء
اما مسالة اليهود فلا تزال ارض اثيوبيا تضم طائفة يهودية من باقى الفلاشا و هم مواطنون كاملى الحقوق

Post: #12
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: ود الباوقة
Date: 08-06-2011, 09:22 AM
Parent: #4

Quote: لا يمكن ان نلوم الاحباش. فهذا هو ديدن الجند فى كل زمان و مكان: الرقص و الطبل و الزمر و النساء

اخي عوض

الم يكفهم الرقص في مشارب وكلوبات اثيوبيا

والعديد من عواصم العالم

جاتم نيلة تاخذهم الواحد تلو الاخر ...

رمضان كريم ..

Post: #5
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: Zomrawi Alweli
Date: 08-06-2011, 08:40 AM
Parent: #2

ود الباوقة رمضان كريم

احنا رضينا بيهم وماذا تتوقع
هل يؤذنوا للافطار يعني

Post: #3
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: Al-Shaygi
Date: 08-06-2011, 08:39 AM
Parent: #1

Quote:
مما حدا ببعض الأعيان للاستعانة بخبير في اللغات قطع بأن
عدداً من الجنود إسرائيليون يتحدثون بلغة اليهود.

إت يا ود الباوقه يهود الجن ديل قاعد يتكلموا ياتو لغة؟؟؟

تفتكر اليهود محتاجين يلفوا ويدوروا عشان يدخلوا البلد؟؟؟
ياخ أصحى اليهود قاعدين جوة القصر...

(بالمناسبة خبر زي ده بالمتر ولا بالفدان؟؟؟)....

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Post: #6
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: معاوية عبيد الصائم
Date: 08-06-2011, 08:52 AM
Parent: #3

با وقـــــــــــيشن يا صديقى الاجبارى

مافى صـــــــــــــــــــــــور ؟
لازم من صور .....لانو ده مخطط
كبير ..وقد يطال ....رقيص وهجيج
هولا..ء المزارع ..الشريفة فى البلد
..المزارع الطاهرة..........الله يستر

انا بفتكلا لا زم من (خفسة) لحدود ابيى
دى ..وتاخد ليك (صقرية) ...........وتجيب
النجيضة ..برضو جهاد فى جهاد

اللهم احفظ مزارع المجاهدين من دنس
هولاء ...الراقصين..والراقصات.

بق بق قول اميييييييييين......بعدين ياحفيد
المك نمر ..الناس فى الحساب ما ولاد عمنا
.يعنى ممكن يكون فيهم زول من متمة شندى
او باوقة اديس .....ولا كيف يا ..(جعلتى)

معاوية الحبشى

Post: #15
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: ود الباوقة
Date: 08-06-2011, 09:52 AM
Parent: #6

Quote: بق بق قول اميييييييييين......بعدين ياحفيد
المك نمر ..الناس فى الحساب ما ولاد عمنا
.يعنى ممكن يكون فيهم زول من متمة شندى
او باوقة اديس .....ولا كيف يا ..(جعلتى)

بربار

استحي على وجهك

Post: #7
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: محمد عمر الفكي
Date: 08-06-2011, 08:55 AM
Parent: #3

Quote: «استجلبوا فتيات ويرقصون منذ المغرب
إلى فجر اليوم التالي»

غايتو يا ود الباوقة انا ماعارف الزول دا المزعلو شنو؟ ما يرقصوا جو رقصوا لزول جوة بيتو؟ وبالاساس انتو جبتوهم لشنو؟ مش السيد المشير قال "للمرة المية والمرة الالف والمرة المليون بقولكم انه ابيي دا شمالية" طيب جايبن لينا الرقاصات واليهود فيها لشنو؟
والله احترنا معاكم واحتار دليلنا ذاتو.
قبل ما انسي رمضان كريم

Post: #8
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: فايزودالقاضي
Date: 08-06-2011, 08:55 AM
Parent: #3

ودالباوقه ....سلام .. وهل اشترطوا على القوات الاثيوبية تكون كلها رجال ؟!!!!

Post: #9
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: محمد الامين محمد
Date: 08-06-2011, 09:07 AM
Parent: #8

ود الباوقة ترقص في جهنم برجل واحدة
قول امين

Post: #10
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: ود الباوقة
Date: 08-06-2011, 09:14 AM
Parent: #9

Quote: ود الباوقة ترقص في جهنم برجل واحدة
قول امين

اللهم اني صائم ...

Post: #11
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: محمد الامين محمد
Date: 08-06-2011, 09:22 AM
Parent: #10

احمد االله ان الدنيا رمضان

Post: #14
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: محمد عمر الفكي
Date: 08-06-2011, 09:46 AM
Parent: #11

غايتو يا باوقة داير منكم طلب صغير واللهم اني صائم
المرة الجاية جيبوا نوع الجيوش دي من اوكرانيا ولا روسيا، عليكم الله ، اصلها مادام بقت سداح مداح فما تاكلونا الفتريتة رغم ان مستواكم ماشي في تحسن بدليل الحبش ديل.

Post: #17
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: ود الباوقة
Date: 08-06-2011, 10:12 AM
Parent: #8

Quote: ودالباوقه ....سلام .. وهل اشترطوا على القوات الاثيوبية تكون كلها رجال ؟!!!!

لا علم لي بذلك

ولكن قطع شك لا توجد راقصات ضمن القوة ...

شكرا فايز

Post: #13
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: ود الباوقة
Date: 08-06-2011, 09:46 AM
Parent: #3

Quote: تفتكر اليهود محتاجين يلفوا ويدوروا عشان يدخلوا البلد؟؟؟
ياخ أصحى اليهود قاعدين جوة القصر...

الشايقي

يا زول اصحى شوية اليوم6 رمضان

يعني انت من يوم 15 حاتكون قاطع موية ونور بالطريقة دي

مخير الله

Post: #16
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: عبد الباقي الجيلي
Date: 08-06-2011, 10:00 AM
Parent: #13

ود الباوقة آخوي ...

عمدة دار كلي ...

تقبل الله الصيام والقيام ...

أعتقد إنو ده بوست غير موفق ...

جلبت عليك الشامتين وغيرهم ... خسوساً وإنك شابي لأي زول في حلقو ...

أولاً : الجيوش في العالم ده كلو فيها بنات وبنين ...

ثانياً : الرقص والشراب والذي منه ... وسائل ترفيه لمعظم جيوش العالم ...

والجيش الأثيوبي ليس استثناءً ...

ثالثاً : وده الأهم ياخ ... الحبش ديل الجابهم منو؟؟؟

تصوم وتفطر علي خير ...

هدانا الله والجميع ...

Post: #18
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: ود الباوقة
Date: 08-06-2011, 10:36 AM
Parent: #16

Quote: أعتقد إنو ده بوست غير موفق ...

وانا شايفو موفق ..

Quote: جلبت عليك الشامتين وغيرهم ... خسوساً وإنك شابي لأي زول في حلقو ...

لا ارى ان هناك شماته كما اتداخل ببوستات الاخرين

الاخرون يتداخلون ببوستاتي

المسالة عادية جد يا شيخ عبد الباقي مش كدا

رمضان كريم ..

Post: #19
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: د. ياسر عبد القادر
Date: 08-06-2011, 11:23 AM
Parent: #18

عمر : سلامات ورمضان كريم

المشكلة إنو الحبشيات ديل هن الحافظات للامن في المنطقة

أتوقع إنو كدا يا دوب أبيي دي حتبقي منطقة وحدة جاذبة

بالمناسبة: وين ناس شرطة أمن المجتمع في المنطقة؟؟؟؟

اللهم إني صائم

Post: #20
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: عبدالكريم أحمد الامين
Date: 08-06-2011, 11:33 AM
Parent: #18

** ود الباوقه..
** ســلام ,, ورمضان كــريم..
## عشان ماتزعل والبيحبو الرقيص والجبجبه بالعصايات والأصابع مايزعلو ,, فلقد تقرر أن تكون موسيقى الفرقه الحبشيه كلها على إيقاع السيره والدلوكه ,, حتى تتم إنبساطة من يحبون الرقيص الرئاسى..

(ودامت الأفراح الراقصه)
(ابو محمد فؤاد)

Post: #21
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: محمد أبوالعزائم أبوالريش
Date: 08-06-2011, 12:49 PM
Parent: #20

ود الباوقة .... رمضانك كريم.

إنت زعلان ليه؟
بالله رقيص للصباح؟ ..... إنشاء الله ينفعهم يابا.

بعدين مستنكر عليهم ليه؟ دي صقريتهم .... في زول إستنكر عليك صقريتك؟

ثم ديل ناس رقيصهم كلو (هز أكتاف) ..... ياخ في ناس بهزوا حاجات غريبة وكاميرتنا الرسمية بتنقلها على الهواء.

عفيت منكم ... جبتوا لينا الحبوش؟ الصبحية الجاية جيبوا لينا سامبا برازيلية .. وتكون بي موية وكملت (لكن السامبا جيبوها في الفطُر) سمح؟

Post: #22
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: Alshafea Ibrahim
Date: 08-06-2011, 01:05 PM
Parent: #16

اللخو
مالكم قمتوا على الخ ر خرة ؟ مش الأحباش ديل (عزل) كيزان ؟
أرسلوا ليهم مدثر الرشيد وكم ضابط كوز يعملوا كشات ومحاكمات بالإزعاج وشرب وتجارة الخمور المستوردة ... وعلى الأقل مصدر دخل لخزينة الكيزان الخاوية ...
قل لا عاش من يحرمنا نحن الأحباش نتبع للأمم المتحدة ...
الشفيع

Post: #23
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: اسعد صلاح البدري
Date: 08-06-2011, 01:11 PM

وانت مالك ومالهم
ان شاء الله يرقصو
لحدي القيامة
بطل خزعبلاتك دي
وانتبه لحكومتك
وممارساتها في دارفور وباقي الولايات

Post: #24
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: Elbagir Osman
Date: 08-06-2011, 02:35 PM
Parent: #23

ود الباوقة

أوع يكونوا جماعتك في سوداني نيت والإنتباهة دايرين بالكلام الملتق دا يحرشوا المسيرية المساكين لمهاجمة قوات الأمم المتحدة

أين الجيش الذي رفع الآذان في أبيي

لماذا تخلى عنها وخرج عنها ساكتا مسلما المنطقة لهؤلاء الأحباش؟

لأن رئيسكم في القصر قد وافق على دخولهم وخروج جيشه من أبيي

أي تساؤلات حول سلوك قوات الأمم المتحدة الحبشية في أبيي ترسل للقصر الجمهوري في الخرطوم

الباقر موسى

Post: #25
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: خالد العبيد
Date: 08-06-2011, 02:56 PM
Parent: #24

في قلب الخرطوم وتحت حراسة القوي الامين
ماشاء الله

Post: #26
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: خالد أحمد شطة
Date: 08-06-2011, 03:09 PM
Parent: #24

الاخ ودالباوقة
رمضان كريم وسلامي للوليدات
ياخ الحبش ديل جيرانا وكمان تربطنا بهم مناطق ورحم موا صاح ياودكلي..
رقيصهم صقرية عديل عند العفر أما الأمهرنجه والتقري والأروموا لقات منذا عقود السنين.
بعدين مافي خوف في اللغه المامعروفه هي لغة القراقوي أقني أهل أثيوبيا ذيكم ياودالباوقة..
واثيوبيا بها أثنية يهودية تعرف انت ياخ .
مودتي
شــــــــــــــطة

Post: #27
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: Elbagir Osman
Date: 08-06-2011, 03:15 PM
Parent: #26

و .. إذا كان رب البيت كل يوم راقصاً ..

Post: #28
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: اسعد صلاح البدري
Date: 08-06-2011, 07:32 PM
Parent: #27

Quote: و .. إذا كان رب البيت كل يوم راقصاً ..

مثلا ........

Post: #29
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: أنور أدم
Date: 08-07-2011, 00:31 AM
Parent: #28

http://http://www.youtube.com/watch?v=QxVrcXhsh2A

Post: #30
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: Abdulrahman Gorashi
Date: 08-07-2011, 00:44 AM
Parent: #29

انتو الرقيص بقي حرام ولاشنو؟ وتاني حاجة وين ناس نظام العام البدقو البنات في لبس البنطلون، مادام ابيي دي سودانية شمالية لية قانون النظام العام معطل هناك،
اسد علي وفي الحروب نعامة. ياعالم عليكم الله احترمو عقولنا.

Post: #31
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: تبارك شيخ الدين جبريل
Date: 08-07-2011, 01:55 AM
Parent: #30

Quote: «استجلبوا فتيات ويرقصون منذ المغرب إلى فجر اليوم التالي»

رمضان كمان يا "ودالباوقة" ... انتا دايرن يرقصن بالنهار وأعيان المسيرية صايمين؟

ما بجرّحوا حنانم ظاطو ...

... المهم ....

Post: #32
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: سيف النصر محي الدين
Date: 08-07-2011, 04:03 AM
Parent: #31

Quote: استجلبوا فتيات ويرقصون منذ المغرب إلى فجر اليوم التالي

اها و بنوموا متين؟

مهمات الرقابة شكلها راحت في خبر كان.

Post: #33
Title: Re: فتيات اثيوبيات يرقصن منذ المغرب إلى فجر اليوم التالي في أبيي ...
Author: عبد الباقي الجيلي
Date: 08-07-2011, 08:44 AM
Parent: #32

الله يجازي محنك آود العبيد ...!!!!

حولا ...

غايتو آ عمر آخوي ... رقيص أخواننا الحبش ... مع جنس الجابو ود العبيد ده ...

يعتبر مؤتمر ذكر وذاكرين عديل كده ...!!!

ما زلت عند رأيي أن هذا بوست غير موفق بالمرة !!!

هدى الله الجميع ...