مالك عقار يلحس نافع علي نافع كوعو

مالك عقار : الحرب كويسة للناس الشافوها في السينما واذا فرضت علينا كثرة البتابت عيب
August 4, 2011

( سودانيزأونلاين – حريات)

رفض الفريق مالك عقار رئيس الحركة الشعبية بشمال السودان والي النيل الازرق سياسة (لحس الكوع) ، في اشارة الى سياسة لي الذراع التي يمارسها المؤتمر الوطني على القوى السياسية .

وقال الفريق مالك عقار في تنوير قدمه للاحزاب السياسية بالنيل الازرق ورجال الادارة الاهلية والمكوك والمثقفين والطلاب والشباب والمرأة بمركز مالك الثقافي بالدماذين ان حل الازمات بالتجزئه غير مفيد ، وأردف (اي نظام يسلك هذا الطريق نحن ضده ) وزاد (نحن مع السلام لكن بكرامتنا ) واوضح (سنتقاسم نصيبنا في الحكم والثروة من رئاسة الجمهورية الي الوزارات والمحليات حتي ترزية القصر الجمهوري ) .

وأضاف عقار ان لغة (لحس الكوع ) لن تفيد بلادنا التي بحاجة الي الحوار والتسامح ) وقال ان الحرب جربناها ونتيجتها كانت انفصال الجنوب وتابع (الحرب كويسة للناس الشافوها في السينما) وقال عقار (اذا فرضت علينا الحرب كثرة البتابت عيب) وأردف ان محاولات ابراز العضلات وفرض القوة لن تجدي وردد (اي زول عنده قوته ) وزاد (تكورك في راسي اكورك ليك في راسك ) ، وشدد اذا لم نجب علي سؤال كيف يحكم السودان ونضع آلية لذلك فسيتمزق السودان أكثر .

وأضاف رئيس الحركة الشعبية ان البلاد بحاجة الي ترتيبات دستورية جديدة وموقف واضح من المعتقدات والوحدة والسلام والاقتصاد وتقاسم الثروة والسلطة وزاد (الناس فتحت ) وأردف نحن محتاجين الي دولة تعترف بالآخر و(تشيل ) الناس كلهم المسلمين والمسيحيين. وقال (الناس البقولوا السودان دولة عربية اسلامية هم دعاة لتشتيت ما تبقي من السودان ) وأردف دولة شمال السودان يجب ان تبدأ( صاح) .

ووصف الاوضاع الاقتصادية بانها متدهورة ومتراجعة .

وقال يجب ان ننزع السلاح جميعا لبناء بلادنا وتابع (لو في زول شايل سلاحوا انا سلاحي ما بختوا ) .

وأكد : (لن اسمح باهانة اهلي في النيل الازرق ).

الوسومات:

نحن مع السلام لكن بكرامتنا
لن اسمح باهانة اهلي في النيل الازرق