بعدين ما تقولوا ما بدينا الحرب في النيل الازرق... أركزوا!

بعدين ما تقولوا ما بدينا الحرب في النيل الازرق... أركزوا!


08-03-2011, 04:29 PM


  » http://sudaneseonline.com/cgi-bin/sdb/2bb.cgi?seq=msg&board=340&msg=1312385399&rn=0


Post: #1
Title: بعدين ما تقولوا ما بدينا الحرب في النيل الازرق... أركزوا!
Author: جلال نعمان
Date: 08-03-2011, 04:29 PM

بعدين لما الضرب يقع والدم يصل الركب.. اوع تجوا تقولوا
مالك عقار بداء الحرب وما عارف ايه!
مش عايزين الحرب.. اركزوا.. تنقد الرهيفه انشاء ما تتلتق

بس خرخره ما معانا!

بعدين دفاعكم الشعبي دا في الجنوب عمل شنو!
مش اتفنس وشرد وهسي الجنوب بقي دوله مستقله
انتم لا تستوعبوا دروس وعبر التاريخ
رسلوهم.... الجيش الشعبي راجيهم من ز ماااااان
Quote:

قدمت «45» شهيداً بجنوب كردفان

الدفاع الشعبي ترتب لإرسال (لواء) للنيل الأزرق

3 اغسطس 2011

سيرت قوات الدفاع الشعبي امس قوافل الدعم والاسناد الى مناطق جنوب كردفان بتكلفة 50 الف جنيه ضمن مناشطها لبرنامج شهر رمضان وتحتوي القافلة على كيس المجاهد الصائم وقوافل دعوية وثقافية.

وكشف المنسق العام للدفاع الشعبي عبدالله الجيلي لدى مخاطبته الاحتفال بالمنسقية أمس عن تدريب وتفويج كتيبة لولاية النيل الازرق لتأمين الولاية « حتى لا يتكرر ما حدث في ولاية جنوب كردفان»، وقال ان كتيبة اخرى خاصة بالمؤسسات جاهزة للتوجه الى هناك، ورأى الجيلي ان هذا الاستنفار « ليس استباقاً للحرب ولكنه اعداد وجاهزية»، كما كشف الجيلي عن تقديم قوات الدفاع الشعبي لنحو «45» شهيدا بجنوب كردفان خلال المعارك التي دارت هناك الشهر الماضي.

وقال ان المنسقية خصصت الولايتين «النيل الازرق وجنوب كردفان» كمناطق نشاط مكثف تنطلق اليها القوافل الدعوية ضمن برنامج الراعي والرعية، وقال ان تركيز النشاط في الولايتين باعتبارهما الجنوب الجغرافي الحالي للسودان، وقال انه من المقرر مع نهاية شهر رمضان تكوين لواء متكامل من هذه القوات وارسالها الى النيل الازرق لتعزيز السلام فيها. من ناحيته اعتبر منسق الخدمة المدنية بالدفاع الشعبي محمد الحسن الامهري ارسال قوافل الاسناد، ضربة البداية، مشيرا الى تجهيز قافلة ثانية الخميس المقبل.

واكد الامهري في تصريح لـ(الصحافة) ان القافلة تم اعدادها بكلفة 50 ألف جنيه مكونة من مواد غذائية تموينية تم اختيارها بدقة للمجاهدين الصائمين في الخنادق ولاسرهم ولا تشمل النازحين، وقال ان القافلة تداعت لها مؤسسات الخدمة المدنية والمؤسسات السيادية ودوائر الصحة.

Post: #2
Title: Re: بعدين ما تقولوا ما بدينا الحرب في النيل الازرق... أركزوا!
Author: نزار يوسف محمد
Date: 08-03-2011, 05:12 PM
Parent: #1

الأخ جلال نعمان
هؤلاء المغرر بهم سيموتون
فداءا للطاغوت ومن يعش منهم
سيحكى للناس كيف انه أشرف على
الانتحار بعد غسل دماغه بترهات الطفابيع .

Post: #3
Title: Re: بعدين ما تقولوا ما بدينا الحرب في النيل الازرق... أركزوا!
Author: عاطف مكاوى
Date: 08-03-2011, 05:58 PM
Parent: #2

بوست استباقي خطير ....... يجب أن يظل عاليا.

شكرا جلال.

Post: #4
Title: Re: بعدين ما تقولوا ما بدينا الحرب في النيل الازرق... أركزوا!
Author: Elbagir Osman
Date: 08-03-2011, 07:05 PM
Parent: #3

أي حرب شمالستان الرابعة؟

1 - دارفور

2 - أبيي

3 - جبال النوبة

4 - النيل الأزرق؟


من ناحية عسكرية بحتة .. حرب على أربعة جبهات في نفس الوقت


وحرب خامسة على الشعب في الخرطوم وبقية أنحاء شمالستان!



الباقر

Post: #5
Title: Re: بعدين ما تقولوا ما بدينا الحرب في النيل الازرق... أركزوا!
Author: Nasr
Date: 08-03-2011, 11:48 PM
Parent: #4

Quote: لواء متكامل من هذه القوات وارسالها الى النيل الازرق لتعزيز السلام فيها

في ظل إتفاق سلام
وفي إنتظار المشورة الشعبية
فهذا ليس تعزيزا للسلام
هذا إعلان حرب

نحذركم من الحرب
الحرب لعينة ومدمرة
آخر حرب خضتوها خسرتوها
قسمتم السودان وأضعتعم تلت الأرض وربع السكان وتلاتة أرباع الموية وأربعة أخماس النفط

لا بتقدروا علي الحرب
ولا دايرين السلم
ولا عارفين تكضبوا

كل البتقدروا عليه هو السرقة
(وطبعا السرقة دايرة أجواء مدغمسة من اللا حرب واللا سلم)

Post: #6
Title: Re: بعدين ما تقولوا ما بدينا الحرب في النيل الازرق... أركزوا!
Author: عماد حسين
Date: 08-03-2011, 11:56 PM
Parent: #5

الأخ ناصر

يا أخي انت زول عاقل.. وأنا لمست منك روح النقاش المنطقي

الحصل في جبال النوبة ده.. مشو ولد احتقان؟

تفتكر لما عقار المواطن السوداني يكون قاعد في جوبا.. القصة دي بيكون فهمها كيف؟

مع ملاحظة أن الشمال والجنوب الشحخمة والنار

يعني داير الحكومة تقعد تتفرج وللا كيف؟

يعني ناس الحركة يقعوا في كل الموبقات.. ولما الحكومة تستعد.. تحصل الجقلبة؟

بالله وريني اقتراحك

يعني الحكومة تتصرف كيف في الحتة دي؟

Post: #7
Title: Re: بعدين ما تقولوا ما بدينا الحرب في النيل الازرق... أركزوا!
Author: Nasr
Date: 08-04-2011, 00:22 AM
Parent: #6

النيل الأزرق مختلفة
علي الأقل الحاكم فيها (عقار) من الحركة الشعبية
ولم يعلن الحرب ولا لمح بيها
بل سعي للسلام
وقد وقع معه نافع في أديس أبابا إتفاق يحفظ السلام
وكان إتفاق كويس لو أننا حافظنا عليه
لكن
الحكومة في الشمال هي من يسعي لحرمان الحركة الشعبية قطاع الشمال من العمل السياسي كحزب مستقل
وهذه بداية لشرور كثيرة
ومسألة ما عندها معني
(تخبط سياسين وتنفيس أحقاد وكما قال الصادق المهدي الفشي غبينته خرب مدينته)

ولك أن تعلم أن السلم لا يحفظ بتجييش الجيوش
كأن تجهز كتيبة ولا لواء وترسله للشمالية إستباقا للحرب
الحرب عندها رسل كتيرة
وإشارات وبتتعرف
لكن الحاصل دا ما إستباق لمنع الحرب
هذا إعلان لحرب متواصلة مع الحركة الشعبية قطاع الشمال
وتنصل من إتفاق نيفاشا للسلام وتنصل من المشورة الشعبية
(وما تجونا بعدين تقولوا والله ما كنا قايلنها بتوصلنا للحرب، لأنكم من هسع إستعديتو للحرب دون أن يعلن الطرف الآخر رغبته فيها)

Post: #8
Title: Re: بعدين ما تقولوا ما بدينا الحرب في النيل الازرق... أركزوا!
Author: نزار يوسف محمد
Date: 08-04-2011, 01:03 AM
Parent: #7

في لقائه بالقوي السياسية والادارة الاهلية
الحركة الشعبية . حرب جنوب كردفان ستجر السودان الي الهاوية
عقار ..لن اقابل البشير وايقاف الحرب صعب
الدمازين :حسين سعد
3أغسطس 2011
اوصد رئيس الحركة الشعبية بشمال السودان والي النيل الازرق الفريق مالك عقار الباب امام مقابلته لرئيس الجمهورية المشير البشير .واقر بفشل محادثات اديس ابابا ووصف الاوضاع في ولاية جنوب كردفان بالخطيرة وانها ستجر السودان الي الهاوية .في وقت وجه فيه عقار شرطة ولاية النيل الازرق لبسط هيبة الدولة بالولاية .وقطع الفريق مالك عقار في تنوير قدمه للاحزاب السياسية بالنيل الازرق ورجال الادارة الاهلية والمكوك والمثقفين والطلاب والشباب والمراءة بمركز مالك الثقافي امس بالدماذين بعدم مقابلته للرئيس البشير واضاف (لن اقابله كرئيس للحركة الشعبية)وزاد (no way)وقال عقار (يبدو ان الرئيس غير مقتنع بانني رئيس حزب مثله ) لكنه عاد وقال انه سيقابل البشير كوالي للنيل الازرق في اي زمان ومكان .واوضح عقار الذي كانت القيادات السياسية والشعبية تقاطع حديثه بالهتافات قائد قائد ياعقار ان ضرب الناس وتهديدهم و(قلع)عرباتهم لن يحل المشكلة وانما يذيدها وتابع (حل الازمات بالتجزئه غير جيد )واردف(اي نظام يسلك هذا الطريق نحن ضده ) وزاد (نحن مع السلام لكن بكرامتنا )وقال ان السودان القادم اذا مافيه النيل الازرق هو مافي ) واوضح (سنتقاسم نصيبنا في الحكم والثروة من رئاسة الجمهورية الي الوزارات والمحليات حتي ترزية القصر الجمهوري )وحول الاوضاع في جنوب كردفان قال رئيس الحركة الشعبية الحرب مستمرة في جنوب كردفان وستجر السودان الي هاوية وهناك احتقان في النيل الازرق وتوتر وتململ في بيقية انحاء السودان الاخري )وتابع موجها حديثه للحضور(لازم تعرفوا هذا الواقع تماما عشان ما يجيبوا ليكم الكلام تحت تحت )وقال (الحرب لازم توقفوا )وشدد (اذا استمرت الحرب ايقافها صعب ) وقال عقار ان لغة (لحس الكوع )لن تفيد بلادنا التي بحاجة الي الحوار والتسامح ) واضاف الحرب جربناها ونتيجتها كانت انفصال الجنوب وتابع (الحرب كويسة للناس الشافوها في السينما )وقال عقار (لن نخاف من الحرب واذا فرضت علينا كثرة البتابت عيب) واردف محاولات ابراز العضلات وفرض القوي لن تجدي وردد(اي زول عنده قوته )وزاد (تكورك في راسي اكورك ليك في راسك ) وشدد اذا لم نجيب علي سؤال كيف يحكم السودان ونضع الية لذلك السودان (بنفرتقو ) وقال رئيس الحركة الشعية بلادنا بحاجة الي ترتيبات دستورية جديدة وموقف واضح من المعتقدات والوحدة والسلام والاقتصاد وتقاسم الثروة والسلطة وزاد (الناس فتحت ) واردف نحن محتاجين الي دولة تعترف بالاخر و(تشيل ) الناس كلهم المسلمين والمسيحيين.وقال (الناس البقولوا السودان دولة عربية اسلامية هم دعاة لتشتيت ما تبقي من السودان )واردف دولة شمال السودان يجب ان تبداء( صاح) .ووصف الاوضاع الاقتصادية بانها متدهورة ومتراجعة وقال يجب ان ننزع السلاح جميعا لبناء بلادنا وتابع (لو في زول شايل سلاحوا انا سلاحي ما بختوا )وردد(هذه بلبصة )ووجه الوالي مدير شرطة الولاية لحفظ الامن وبسط هيبة الدولة وقال عقار موجها حديثه لقيادات الشرطة (اذا وجدتم اي قوة عسكرية او امنية غير الشرطة اوقفوهم اخنقوهم )وزاد (اذا وجدتم عقار نفسه في غلط دقوه )واوضح هذا الحديث قد يعجب البعض ولايرضي الاخرين لكن اقول لكم البريدوا يريدوا والما بريدوا حايريدوا وشدد (اذا كانت هذه هي الحرب فالتكن )واردف (لن اسمح باهانة اهلي في النيل الازرق )وقال اذا قبلت اهانتكم بسبب كرسي السلطة بسيبوا )

<a href="http://174.36.244.211/cgi-bin/sdb/2bb.cgi?seq=post&board=340" target="_blank"><a href="http://174.36.244.211/cgi-bin/sdb/2bb.cgi?seq=post&board=340" target="_blank">http://174.36.244.211/cgi-bin/sdb/2bb.cgi?seq=post&board=340

Post: #9
Title: Re: بعدين ما تقولوا ما بدينا الحرب في النيل الازرق... أركزوا!
Author: عماد حسين
Date: 08-04-2011, 01:36 AM
Parent: #7

مكرر

Post: #10
Title: Re: بعدين ما تقولوا ما بدينا الحرب في النيل الازرق... أركزوا!
Author: عماد حسين
Date: 08-04-2011, 03:16 AM
Parent: #9

يا ناصر

أرجو أنك ما تتجاوز حتة وجود عقار في جوبا

الحتة دي تقييمك ليها شنو؟

هل هي أمر طبيعي برضو؟

في البوست بتاع تعذيب العميد قلتم: مواطن سوداني يتجول في أرض بلده

أهـا.. هسع دي دي برضوداخلة في نفس الفهم ده؟

لما نلاحظ وعيد حكومة الجنوب يوم استقلالهم: لن ننسى المناطق الثلاثة

ونلاحظ العداء المحكم للحركة الشعبية مع الشمال

(وما تحاول تقول لي مع الكيزان) لأن عداء الحركة كان من حكومة نميري

ونلاحظ عداء مالك عقار مع الشمال

ولما نفهم أن الجنوب الآن صار دولة أخرى..

الحتات السابقة دي كلها، بتورينا الزول ده عندو شنو بي غادي!!!

واضح جداً أنها بداية لتنفيذ أجندة الوعد الجنوبي.. والحتة دي ما بياخدنا فيها شك

إذا كانت القرائن كلها تؤكد أن هناك دسائس وتنسيق، فنؤيد بشدة أن ترسل الحكومة جيشها وطائراتها وأي حاجة تستطيع حشدها هناك

القصة ليست استهداف للكيزان.. يا زول ده مخطط نحن نعي تماماً أنه أكبر من كدة

القصة دي ماها متعلقة بي كيزان.. والناس ما تتغابى الحتة دي وتعمل فيها رايحة!!!!

يا زول الشعار لسة مرفوع.... حركة (تحرير) السودان!!!

دايرين يحرروا البلد من منو ويطرودوا منو؟

.. ده مش الشعارات القدوا بيها راسنا في المنبر عن ازالة الجلابة؟

الكلام ده سمعناهو وتلب بي غادي لي إضنينا

هو عقار ده قايل الناس ما فاهمين الحاصل وللا شنو؟

Post: #11
Title: Re: بعدين ما تقولوا ما بدينا الحرب في النيل الازرق... أركزوا!
Author: خالد العبيد
Date: 08-04-2011, 03:43 AM
Parent: #10

http://www.midan.net/almidan/wp-content/uploa...011/08/midan2400.pdf

Post: #12
Title: Re: بعدين ما تقولوا ما بدينا الحرب في النيل الازرق... أركزوا!
Author: عماد حسين
Date: 08-04-2011, 04:22 AM
Parent: #11

Quote:
http://www.midan.net/almidan/wp-content/uploa...011/08/midan2400.pdf


شكراً يا خالد على خبر الميدان

وفي داخل الخبر تفاصيل مهمة جداً

Quote: عقار يرفض لقاء البشير
الدمازين: محمد الفاتح همة
أوصد رئيس الحركة الشعبية ووالي النيل الازرق الفريق مالك
عقار الباب أمام مقابلته للرئيس عمر البشير؛ وأقر بفشل
محادثات اديس ابابا ووصف الاوضاع في ولاية جنوب كردفان
بالخطيرة، وقال أنها ستجر السودان إلى الهاوية. في وقت
وجه فيه عقار شرطة ولاية النيل الازرق بحفظ الأمن بالولاية،
وقطع عقار في تنوير قدمه للاحزاب السياسية بالنيل الازرق
ورجال الإدارة الأهلية بمركز مالك الثقافي أمس بالدمازين
بعدم مقابلته للرئيس البشير، وأضاف: (لن اقابله كرئيس
للحركة الشعبية) وزاد: (يبدو أن الرئيس غير مقتنع بأنني
رئيس حزب مثله)، لكنه عاد وقال أنه سيقابل البشير كوالي
للنيل الازرق في أي زمان ومكان
. وأكد أن الحركة في الشمال
مع السلام لكن السلام الذي يحفظ كرامة إنسان الولاية
وحول الاوضاع في جنوب كردفان قال رئيس الحركة الشعبية:
الحرب مستمرة في جنوب كردفان وستجر السودان إلى هاوية
وهناك إحتقان في النيل الازرق وتوتر وتململ في بيقية انحاء
السودان الاخرى، وقال عقار: أن بلادنا بحاجة الي ترتيبات
دستورية جديدة.


أهـا يا ناس محمد سليمان... حتبلعوا الحتة دي كيف؟


تقبل الله يا خالد

Post: #13
Title: Re: بعدين ما تقولوا ما بدينا الحرب في النيل الازرق... أركزوا!
Author: عماد حسين
Date: 08-04-2011, 03:06 PM
Parent: #12

Quote: أهـا يا ناس محمد سليمان... حتبلعوا الحتة دي كيف؟

Post: #14
Title: Re: بعدين ما تقولوا ما بدينا الحرب في النيل الازرق... أركزوا!
Author: جلال نعمان
Date: 09-02-2011, 11:02 AM
Parent: #13

و الان للاسف وقد اندلعت الحرب في النيل الازرق
نعيد رفع هذا البوست لكي لا ينسي الناس من كان يعد للحرب
ويرسل المجاهدين (الفشنك)...! الذين ما حفظوا الجنوب ولن يحفظوا
جنوب كردفان ولا النيل الازرق...

Post: #15
Title: Re: بعدين ما تقولوا ما بدينا الحرب في النيل الازرق... أركزوا!
Author: باسط المكي
Date: 09-02-2011, 11:27 AM
Parent: #14

Quote: ويرسل المجاهدين (الفشنك)...! الذين ما حفظوا الجنوب ولن يحفظوا
جنوب كردفان ولا النيل الازرق

Post: #16
Title: Re: بعدين ما تقولوا ما بدينا الحرب في النيل الازرق... أركزوا!
Author: البحيراوي
Date: 09-02-2011, 11:38 AM
Parent: #14


لا للحرب نعم للسلام

لا لدعاة الحرب وتعميق جراحات الوطن

ألا يكفي تقسيمه بإتفاق المؤتمرالوطني والحركة الشعبية وعدم تسديد فاتورة الوحدة حتى كان خيار الإنفصال البغيض .

ولو تركنا أصوات وأبواق الحرب تعلو فإن الخاسر هو ما تبقى من السودان ولن يكون هناك منتصر

الا يكفي ما حدث ويحدث في جنوب كردفان ودار فور يعني لو تركنا أمر الوطن لإعلام الحرب المشحون بالكراهية فلن فسننغلب وننهزم نحن أبناء السودان.

بحيراوي

Post: #17
Title: Re: بعدين ما تقولوا ما بدينا الحرب في النيل الازرق... أركزوا!
Author: musadim
Date: 09-02-2011, 12:24 PM
Parent: #16

بعدين ما تقولوا ما بدينا الحرب في النيل الازرق... أركزوا!

فوووووووووووووووووووووووووووووووووووق

Post: #18
Title: Re: بعدين ما تقولوا ما بدينا الحرب في النيل الازرق... أركزوا!
Author: حواء سليمان ابراهيم
Date: 09-02-2011, 12:38 PM
Parent: #17

Quote: ويرسل المجاهدين (الفشنك)...! الذين ما حفظوا الجنوب ولن يحفظوا
جنوب كردفان ولا النيل الازرق...

Post: #19
Title: Re: بعدين ما تقولوا ما بدينا الحرب في النيل الازرق... أركزوا!
Author: Nasr
Date: 09-02-2011, 02:07 PM
Parent: #18

لا للحرب أيا كانت أينما كانت
لا يهم من بدأها
نحن ضد الحرب
بتعقد المشاكل
تقتل من تقتل وتفقر من تفقر
(ما عدا قلة قليلة من تجار الحروب)

وإن جنحوا للسلم فاجنح لها وتوكل على الله إنه هو السميع العليم
صدق الله العظيم

Post: #20
Title: Re: بعدين ما تقولوا ما بدينا الحرب في النيل الازرق... أركزوا!
Author: ادم عيسى
Date: 09-02-2011, 06:56 PM
Parent: #19

up

Post: #21
Title: Re: بعدين ما تقولوا ما بدينا الحرب في النيل الازرق... أركزوا!
Author: Nasr
Date: 09-03-2011, 07:46 AM
Parent: #20

up

Post: #22
Title: Re: بعدين ما تقولوا ما بدينا الحرب في النيل الازرق... أركزوا!
Author: tmbis
Date: 09-04-2011, 07:58 AM
Parent: #21

Quote: بعدين لما الضرب يقع والدم يصل الركب.. اوع تجوا تقولوا
مالك عقار بداء الحرب وما عارف ايه!
مش عايزين الحرب.. اركزوا.. تنقد الرهيفه انشاء ما تتلتق
بس خرخره ما معانا!

وليييه تتلتق ..؟

نوعيتك دي ياها ذاته الما بتخليها تتلتق .. وللاسف .. قاعد ليك تحت كيبورد إنت وجماعتك الشيوعيين .. وشابكه اخبار مضروبة ..
اها
وبس عشان تعرف حاجة .. قوات الدفاع الشعبي دي .. ما فضلت ولا متمرد واحد في الدمازين .. ولا متمرد واحد
وطبعا الله لا وراك قاعدين يعملو شنو لما يعرفو انو في واحد متدسي ليهو في بيت يا دخل ليهو في قفص جداد .. يا في زريبة بتاعت بهايم ..

اها للتذكير .. الضرب حصل والدم لي الركب زي ما تفضلت وكتبت لينا عنو ..
لكن بالمقابل .. الجماعة في الدمازين جرو .. جري الوحوش ..
رايك شنو تمشي الخزان تجيب لينا الاخبار على الاقل بتكون اخبار طازه .. بدل القاعد تعمل فوقو دا من أول امبارح ..

والله الشيوعيين ديل اخير منهم الخوارج بتاعين الحركة الشعبية .. الواحد فيهم يشتغل بوووغ .. وعينو لا ترمش ولا حاجة ..

Post: #23
Title: Re: بعدين ما تقولوا ما بدينا الحرب في النيل الازرق... أركزوا!
Author: tmbis
Date: 09-05-2011, 08:49 AM
Parent: #22



قلت اخير كدا يا مناضل ..؟

Post: #24
Title: Re: بعدين ما تقولوا ما بدينا الحرب في النيل الازرق... أركزوا!
Author: tmbis
Date: 09-05-2011, 09:23 AM
Parent: #23


Post: #25
Title: Re: بعدين ما تقولوا ما بدينا الحرب في النيل الازرق... أركزوا!
Author: Nasr
Date: 09-06-2011, 11:42 PM
Parent: #24

زي قال راعي البوست
Quote: بعدين لما الضرب يقع والدم يصل الركب.. اوع تجوا تقولوا
مالك عقار بداء الحرب وما عارف ايه!

وبالحرف والتفاصيل المملة

Post: #26
Title: Re: بعدين ما تقولوا ما بدينا الحرب في النيل الازرق... أركزوا!
Author: tmbis
Date: 09-07-2011, 08:14 AM
Parent: #25

فوووق

Post: #27
Title: Re: بعدين ما تقولوا ما بدينا الحرب في النيل الازرق... أركزوا!
Author: ود الباوقة
Date: 09-07-2011, 08:18 AM
Parent: #26

يا اخي والله انت اضحوكة

الكلام دا تقولو لو كنت في جبهة القتال

اما انك لابت وتضرب في المشويات والمشروبات

الغازية وتقول اركزو

كلام ما بيدخل العقل بتاتا

الفرصة الان في ملعبك سلم بطاقة اللجؤء سريع

والحق جماعتك في الكرمك

بدل التنطيط بين البوستات زي ام قيردون

Post: #28
Title: Re: بعدين ما تقولوا ما بدينا الحرب في النيل الازرق... أركزوا!
Author: معاوية الأرباب
Date: 09-07-2011, 09:09 AM
Parent: #27

Quote: و الان للاسف وقد اندلعت الحرب في النيل الازرق
نعيد رفع هذا البوست لكي لا ينسي الناس من كان يعد للحرب
ويرسل المجاهدين (الفشنك)...! الذين ما حفظوا الجنوب ولن يحفظوا
جنوب كردفان ولا النيل الازرق...


شكرا جلال نعمان مرتين :

مرة لاعتذارك الشجاع عما بدر منك من هفوة يحاول البعض استغلالها قميص عثمان لمآربه .

ومرة لهذا التوثيق وتعرية أكاذيب النظام .

Post: #29
Title: Re: بعدين ما تقولوا ما بدينا الحرب في النيل الازرق... أركزوا!
Author: معاوية الأرباب
Date: 09-07-2011, 09:46 AM
Parent: #27

Quote: و الان للاسف وقد اندلعت الحرب في النيل الازرق
نعيد رفع هذا البوست لكي لا ينسي الناس من كان يعد للحرب
ويرسل المجاهدين (الفشنك)...! الذين ما حفظوا الجنوب ولن يحفظوا
جنوب كردفان ولا النيل الازرق...


شكرا جلال نعمان مرتين :

مرة لاعتذارك الشجاع عما بدر منك من هفوة يحاول البعض استغلالها قميص عثمان لمآربه .

ومرة لهذا التوثيق وتعرية أكاذيب النظام .

Post: #30
Title: Re: بعدين ما تقولوا ما بدينا الحرب في النيل الازرق... أركزوا!
Author: معاوية الأرباب
Date: 09-07-2011, 10:09 AM
Parent: #29

Quote:
قلت اخير كدا يا مناضل ..؟


أيها الشئ المسمى تمبس

كفاية بلبصة واسترزاق

الرجل اعتذر عما بدر منه

وأهل الجلد والراس قبلو اعتذاره.

شوف ليك شطرن ميت غيرو وارضع منو , عساه يعالج الأنيميا الحادة والكساح البائن في منطقك المتكنجل دا.

Post: #31
Title: Re: بعدين ما تقولوا ما بدينا الحرب في النيل الازرق... أركزوا!
Author: tmbis
Date: 09-07-2011, 10:24 AM
Parent: #30

Quote: أيها الشئ المسمى تمبس


بعاتي جديد يضاف إلى نفس القائمة من البعاعيت ..

إنت قايل نوعية جلال دي لو فكوها ما كانت طارت .. ؟ ما زي نوعيتك دي .. يجي يكتب ليهو كلمتين .. ويدخل جوه الكفـن حقو تاني من جديد ..
غايتو ما لينا إلا أن نقول عليك الرحمة والمغفرة .. مبدئيا كدا ..
جلال خلاص .. ببح ، والله مش كان اعتذر .. كان ضرب قرن هنا .. وإنت قايل الشطـر المليان حليب دا .. بجيبوهو من ووين .. ما من نوعيتك دي ونوعية جلالكم هذا ..

خليني لما افضى ليك الايامات دي مشغول ..