الحمد لله فرجت - مطرة جد جد غطت السودان كله

اصيب الناس بالهلع والاحباط خشية امتداد موجة جفاف شرق افريقيا ولكن الحمد لله الخبر الاكيد ود المقدم جابو، قال الصورني سال وإتقرنن تبابو ، لا صاحب قرش ولا زولا بنتسلابو .

أها يا الشفيع ود ابراهيم قالوا لي تعل سحابة أنبهل اليوم وعم السودان كلو صابي من الساعة 2 ظهرا وحتى الان

اتصلت بالجماعة هسع - قالوا لي ما سامعين حاجة من هدير الخيران ولعلعة السباليق

هيييييييع كع

هاكم دي

http://www.youtube.com/watch?v=-1uU_wLe8aE

بكرة شوال العيش برخص وسعر كيلو اللحمة بولع في السماء

والعطالة ربنا رحمهم بعد دا الفلوس بتطلع للزراعة والكديبات واللبن برقد هبطرش

الملوخية بعد اسبوع الناس بخمشوها من الخلاء قائمة بروس ساااااااااى

التمليكة والموليتة والبرنجة كووووووولها بتقوم في المرانع بروس كووووووولها

بروس لاولاد البندر يعني سائبة ساااااااااااى ما عندها سيد بطالب بقرش

اغلب الاعلاميين ما بهتموا بظواهر زي دي لانهم ما حاسين بقيمتها

الواحد يلقط ليهو خبير فارغ ويبرانا بيهو

ياخ دا خبر بهم كل الاهل في السودان

ربنا يدوّم النعمة على جميع اهلنا الغلابة

اغلب الاعلاميين ما بهتموا بظواهر زي دي لانهم ما حاسين بقيمتها

الواحد يلقط ليهو خبير فارغ ويبرانا بيهو

ياخ دا خبر بهم كل الاهل في السودان

ربنا يدوّم النعمة على جميع اهلنا الغلابة

الطيب تحياتي ورمضان كريم ..
رمضان يا الطيب يا اخوي بيجي بي خيروا ..
الناس تنشف وربنا يروي ..

وكقول الحاردلو..
الخبر الاكيد قالوا البطانه اترشت
وساريتن تبقبق للنهار ما اتفشت
وبت ام ساق علي طرف الفريق اتعشت

قالوا الجزيرة والبطانة بالذات المطر فيها شديد ..
ربنا يجعلها امطار خير وبركة ...

ود الدفينة

Quote: وكقول الحاردلو.. الخبر الاكيد قالوا البطانه اترشت وساريتن تبقبق للنهار ما اتفشت وبت ام ساق علي طرف الفريق اتعشت

إنـْـفَجَــرَتْ تـُعُـولِــكْ وقَــاسِـكْ الـوَبّـَالْ

رَعَـدِكْ مِغْـرِبَـاوِي وَهَجْعَةْ بِرَيقِكْ شَالْ

عَرَبِـكْ شَالـُوا فَـوقْ زُمُلاً مُضِي وفََيَّالْ

مَعَ الحَمَرَيبْ دُعَاشِكْ جَابْلُو رِيحَةْ نَالْ

Quote: قالوا الجزيرة والبطانة بالذات المطر فيها شديد .. ربنا يجعلها امطار خير وبركة ...

الحمد لله ربنا فرجها على الاهل طاب يا الدفينة اخوي

ود شيقوق أخوي
والله أنا غاية السعادة والفرح بهذه الأخبار المتواترة من البلد اليوم وأمس بالليل ، جماعتنا فيهم ناس (رمضو) التيراب ومنتظرين موية مشروع (ودبدر) وناس جاتهم موية ( سراق) وقاموا على المضخات والبوابير الصينية واللستر وحاتك ثلاث أيام ما تسقي فدان ... أها رحمة الله نزلت ... والشق (أنكسر) والخيران نزلن (الرفاعي) وعليك أمان مطرة تانية (تطبق) ليهم الأولى ... جالون الجاز يبقى ب فرد جنيه ... وزي ما قلت أول ما قام (البروس) من (تمليكة) وملخوية و (تبر) ( وأضان فار) وخلافو (والسعية) تشبع تاني اللبن الرطل ب (50) قرش زول دايرو مافي ، وحرم زولا يقدر يشتري ليهو (عتود ) مافي إلا يساعدوه العول ...
أبدا لن يصيبنا القنوط من رحمة الله ...
نساءل الله أن يجعله موسم خير ورحمة وغيث نافع للبشرية والسعية ...
الشفيع ابراهيم

Quote: والله أنا غاية السعادة والفرح بهذه الأخبار المتواترة من البلد اليوم وأمس بالليل ، جماعتنا فيهم ناس (رمضو) التيراب ومنتظرين موية مشروع (ودبدر) وناس جاتهم موية ( سراق) وقاموا على المضخات والبوابير الصينية واللستر وحاتك ثلاث أيام ما تسقي فدان ... أها رحمة الله نزلت ... والشق (أنكسر) والخيران نزلن (الرفاعي) وعليك أمان مطرة تانية (تطبق) ليهم الأولى ... جالون الجاز يبقى ب فرد جنيه ... وزي ما قلت أول ما قام (البروس) من (تمليكة) وملخوية و (تبر) ( وأضان فار) وخلافو (والسعية) تشبع تاني اللبن الرطل ب (50) قرش زول دايرو مافي ، وحرم زولا يقدر يشتري ليهو (عتود ) مافي إلا يساعدوه العول ... أبدا لن يصيبنا القنوط من رحمة الله ... نساءل الله أن يجعله موسم خير ورحمة وغيث نافع للبشرية والسعية ...

والله يا الشفيع اخوي نحن من شدة ما بلحقنا عوج اهلنا ديل كملنا فلوسنا كلها اسكراتش نسال عن المطر

الحمد لله الحمد لله ربنا يدوم النعمة

http://www.youtube.com/watch?v=Gsw4xU0FXmM&feature=related

سبحان الله ناس بتعاين للساعات منتظرة برنامج اغاني واغاني وناس بتعاين للبروق منتظراها ترفع ليها سحابة تنزل و تفرج كربتهم

حمد لله الواهب الرحيم
أنا شخصيا كنت خايف من الجفاف
(زمان ،سنة 1984، شفت بأم عيني ما فعله الجفاف وإنقطاع المطر)
دا خبر بمليون دولار
التهنئة لك ولكل مزارعي المطري في السودان
وإن شاء الله وبإذنه
نحن موعودون بموسم زراعي ناجح

اخي نصر

Quote: حمد لله الواهب الرحيم أنا شخصيا كنت خايف من الجفاف (زمان ،سنة 1984، شفت بأم عيني ما فعله الجفاف وإنقطاع المطر) دا خبر بمليون دولار التهنئة لك ولكل مزارعي المطري في السودان وإن شاء الله وبإذنه نحن موعودون بموسم زراعي ناجح

الحمد لله يا اخي ربنا كضب الشينة

ما تتخيل يا نصر اخوي كم كانت الناس سعيدة عندما اتصلت بهم هذا المساء وبشروني بهذا الخبر

مودتي

الحمد لله علي نعمته وعلي الأمطار التي نسأل الله أن يجعلها أمطار خير وبركه ويوديها للناس العايزنها نحن في الخرطوم عاوزين هواها بس





ملحوظه : المطر دي أبت الجيه لما انت في السودان تفتكر السبب شنو؟

مبروك يا ود شيقوق.. تفريجة كريم

الخبر الأكيد المطرة لاح قبليها
وانبهلت سمانا، والقبلي يشلع فيها
يا رب العباد، يا عالمن بالخلوق والفيها
تكفينا المحل، والمحنة دي تعديها

،،،،،،،، عماد

ود شيقوق خشمك فيهـــو اللبن.

Quote: اتصلت بالجماعة هسع - قالوا لي ما سامعين حاجة من هدير الخيران ولعلعة السباليق هيييييييع كع

وشكراً ليك مرة أخرى على نفحنا بالرابط الجديد للمنبر...

بس دحين ما نسيت فى البروس ويكة السارا ؟

هدهد

.. صائم

Quote: الحمد لله علي نعمته وعلي الأمطار التي نسأل الله أن يجعلها أمطار خير وبركه ويوديها للناس العايزنها نحن في الخرطوم عاوزين هواها بس

نعم اول مرة تكوني صادقة لانو كلامك صحيح 100 % - المطر لينا نحن في الضهاري Necessities ولكم انتم بنسامها وهوائها البارد Accessories .

Quote: ملحوظه : المطر دي أبت الجيه لما انت في السودان تفتكر السبب شنو؟

لاني كملت الاجازة ورجعت عمان بدون اوزع العنكوليب عليكم

ما تخافي يا بت ابوي عنكوليبك محفوظ ليك الجن ما بهبشو الا ابو سنينة سجم الرماد

نحمد الله

ونكون من الشاكرين


ده الخبر الما لو تاني

تعرف ناسك ديل شيتا تقرقف كدوبهم غير مطر الله مافي

وبعد ما حشا الواطة اتحرق ما يبلو غير ماء السماء

خلي الخاوي يسيل براك تشوف الخير ينشر فوقها زي السماد


تسلم

Quote: الخبر الأكيد المطرة لاح قبليها وانبهلت سمانا، والقبلي يشلع فيها يا رب العباد، يا عالمن بالخلوق والفيها تكفينا المحل، والمحنة دي تعديها

حبابك حبابك وكتر خيرك ود الحسين على النضم السمح دا - تعال تني عينك ما تبعد

ابو القاسم

ياخ الف سلامة بالعودة للمنبر والله نور بيك وان شاء ناسك البلحقوا رمضان امات طه ما يجوا ناطين برضو

Quote: بس دحين ما نسيت فى البروس ويكة السارا ؟

آآآآآآآآآآآآآي والله دي بيت القصيد ذاتا - يا ريت اكان لقيت منها سوط معست بيهو هويدا بت شرف الدين عشان تاني ما تجي تباري بجاي المسنوحة .

المسافر

ازيك ورمضان كريم

Quote: تعرف ناسك ديل شيتا تقرقف كدوبهم غير مطر الله مافي وبعد ما حشا الواطة اتحرق ما يبلو غير ماء السماء خلي الخاوي يسيل براك تشوف الخير ينشر فوقها زي السماد

والله صدقت ترع وخزانات وزحمة اعلام وبرضو ابو عشرينات فاضية

ياخ غير ميكائيل دا مافي شى بكيل المطامير

لنترك الليل لنتسلل على جنحه إلى المؤثر الثالث والأخير من مؤثرات الدوبيت السوداني مما اخترنا لهذا المقال وهو (المطر) فللمطر أنشودة في قوافي الدوبيت شأنه شأن عناصر الطبيعة الأخرى التي طالما تغنى بها ولها الشعراء عندما تركت فيهم آثارها، وها هو الشاعر الضخم (محمد شريف العباسي) يخلط عشقه بالمطر ويقول:



القَفْ الظِليطُو مَقَرَّنْ

جَـنّــُوا الــليــله مِتـْبَارْيَاتْ تُعُولاً خَرَّنْ

الــوَدَعْــنَا بـىْ العَـبـْرَه امْ عُيـُوناً دَرَّنْ

طَلَقْ في جَوفِي وَجَاجْ السَمَايمْ الحَرَّنْ



ومن نماذج إحتفاء الشعراء بالمطر وما يخلفه وينتجه قول الشاعر (طه ود الشلهمة) وهو يرسم لوحة لطبيعة أرض البطانة عندما أضاء برقها وأرزم رعدها وجاد مزنها بالغيث العميم فاستحالت حرارتها المحرقة إلى نسائمَ عليلة وبدت الأرض وقد غزتها الخصوبة تختال في ثياب من الخضرة الزاهية والمتنوعة الألوان:



إسَّمَحْـتِ مِـنْ صَيفـَةْ خَـلا وقَـهَبـُونَه

واتْـفَشّـَتْ سَحَابـْتِكْ فَوقِكْ المَشْحُونَه

أصْبَحَتْ المَوَاطِي والضُهُورْ مَطْيُونَه

واتْـكَـسَيـتي بَـىْ تـِيـابـاً مـَنـَوَّعْ لونَه



وهاهو (ود آمنة) الذي جرى ذكره قبل قليل والذي يعد أحد أهم شعراء البطانة يصف مطرها ويقول:

العـَجَـمِيــة مِــنْ بَــحْــر الــمُحِــيطْ إنْــجَرَّتْ

ودَورَيــنْ السِيــولْ مَانْــعَه النِـعَمْ مَـا فـَرَّتْ

بُطَانة أبْ سِنْ طَوَتْ تَوب الحُزُنْ وانْسَرَّتْ

والـبِـلْ حَـاشَـنْ الـكِـتـْرَه وعُـجـُوفِـنْ دَرَّتْ



ومن أشهر وأجمل ما قيل في وصف مطر البطانة وما يخلفه من خير هو ما جادت به قريحة عبقري الدوبيت السوداني ورائده الحاردلو في مربعه الشهير القائل:



الـخَـبــَرْ الـلكـِيـدْ قَـالـُو الـبـُطانَه انـْرَشَّتْ

سَــارِيــةً تـَبـَقْـبـِقْ لا الـصَباحْ مَا انْفَشَّتْ

هَـاجْ فـَحَـلْ أُمْ صـِرَيصِرْ والمَنَايِحْ بَشَّتْ

وبِتْ أُمْ سَاقْ عَليْ حَدَبْ الفَرِيقْ إتْعَشَّتْ



مع المطر تنشط الدورة الإقتصادية في الريف والبوادي ويحلو النشوق والرعي وتثمر الزراعة وترتدي الأرض ثوباً أخضر وتنتعش النفوس ببارد النسائم وعطر الأعواد وشذا الورود وهي صور دائماً ما تعتمل في في نفوس شعراء الدوبيت ويعبرون عنها في قوافيهم وهاهو الشاعر المجيد (ود سند) يقول:



إنـْـفَجَــرَتْ تـُعُـولِــكْ وقَــاسِـكْ الـوَبّـَالْ

رَعَـدِكْ مِغْـرِبَـاوِي وَهَجْعَةْ بِرَيقِكْ شَالْ

عَرَبِـكْ شَالـُوا فَـوقْ زُمُلاً مُضِي وفََيَّالْ

مَعَ الحَمَرَيبْ دُعَاشِكْ جَابْلُو رِيحَةْ نَالْ



ويستمر شاعرنا (ود سند) بمفردته الموغلة في البدوية وبروحه الفرحة بالمطر في أرض البطانة أرض الشعر والجمال ويقول:



خَـرَفـْتِـي وطَـلايـْعِـكْ لـلمَرَاتِـعْ لَـفَّنْ

ضَـعَايـْنِـكْ شَيَّلَنْ مِـنْ المَدَامِرْ وقَفَّنْ

وِدْيَـانـِكْ مَشَنْ لَيْهِنْ سِبُوعْ مَا جَفَّنْ

وقِبْلِيكْ تَوَّرْ الرَكَمِي السَحَابُو مَدَفَنْ



وينهض الشاعر (عبد الله ود عبد الرحيم) بقافيته البدوية ذات الذائقة الخاصة والنكهة البديعة ليقول عن مطر البطانة الذي ما يفتأ ينهمر ظهراً وضحىً:



ضُهْـرِيكْ صَـابِـقْ السَـارْيْـه وصَبِـيـبُو اتْحَتَّ

قِـبْلـِيـكْ سَــرَّبْ أُمْ بـــَرْد البــِرَمِـي صـَـقَـطَا

وضَحَوِيكْ دَودَا فَوقْ حَقَّاصْ ضُهُورِكْ خَتَّ

وجـَبَـالِـكْ جَـبـَدْ كَـجَـرْ التـُعُــولْ واتْــغَــتَّـى



ونختم للمطر بنموذج من شعر إحدى خسناوات البطانة وهي (التاية بت اللمين ود خير) والتاية شاعرة مجيدة وأخت لشعراء مجيدين ولشاعرات مجيدات تقول في نهج لطيف:



قُولْ لَيْ مَدِينَه والتَـايَه وبخيته وعَمِيْ

مَطَرْ العِينَه صُحْ فَوقْ الصِّفَيَّه مِرَمِيْ

مَمْطُورَا وهَـوَاهَا لـَزِيـزْ ورَوَّقْ دَمـِيْ

إيـدْ الكَـرْوَه والرَويَّـانْ عُقـُبْ مِتْحَمِيْ

من مقال:- الفراق والليل والمطر في الدوبيت


::::::::::::
اعاده الله باليمن و الخير و البركات

فيسل

لا حول

جاييييييييييييك بالمهلة ولعمي كمال المسنوح

قال تعالى: { يَـأَيُّهَا النَّاسُ اعْبُدُواْ رَبَّكُمُ الَّذِىْ خَلَقَكُمْ وَالَّذِينَ مِن قَبْلِكُمْ لَعَلَّكُمْ تَتَّقُونَ الَّذِى جَعَلَ لَكُمُ الأرْضَ فِرَاشاً وَالسَّمَاء بِنَاء وَأَنزَلَ مِنَ السَّمَاء مَاء فَأَخْرَجَ بِهِ مِنَ الثَّمَرتِ رِزْقاً لَّكُمْ فَلاَ تَجْعَلُواْ للَّهِ أَندَاداً وَأَنتُمْ تَعْلَمُونَ} [البقرة:21، 22].
نحمد الله سبحانه وتعالى على مامن علينا من الامطار وجعلها الله امطار خير وبركة...

اللهم لك الحمد والشكر,,,, ربنا يديم عليكم نعمته ,,, أها العنكوليب والطلح بروس برضو.

ود الهليل

Quote: لنترك الليل لنتسلل على جنحه إلى المؤثر الثالث والأخير من مؤثرات الدوبيت السوداني مما اخترنا لهذا المقال وهو (المطر) فللمطر أنشودة في قوافي الدوبيت شأنه شأن عناصر الطبيعة الأخرى التي طالما تغنى بها ولها الشعراء عندما تركت فيهم آثارها، وها هو الشاعر الضخم (محمد شريف العباسي) يخلط عشقه بالمطر ويقول: القَفْ الظِليطُو مَقَرَّنْ جَـنّــُوا الــليــله مِتـْبَارْيَاتْ تُعُولاً خَرَّنْ الــوَدَعْــنَا بـىْ العَـبـْرَه امْ عُيـُوناً دَرَّنْ طَلَقْ في جَوفِي وَجَاجْ السَمَايمْ الحَرَّنْ ومن نماذج إحتفاء الشعراء بالمطر وما يخلفه وينتجه قول الشاعر (طه ود الشلهمة) وهو يرسم لوحة لطبيعة أرض البطانة عندما أضاء برقها وأرزم رعدها وجاد مزنها بالغيث العميم فاستحالت حرارتها المحرقة إلى نسائمَ عليلة وبدت الأرض وقد غزتها الخصوبة تختال في ثياب من الخضرة الزاهية والمتنوعة الألوان: إسَّمَحْـتِ مِـنْ صَيفـَةْ خَـلا وقَـهَبـُونَه واتْـفَشّـَتْ سَحَابـْتِكْ فَوقِكْ المَشْحُونَه أصْبَحَتْ المَوَاطِي والضُهُورْ مَطْيُونَه واتْـكَـسَيـتي بَـىْ تـِيـابـاً مـَنـَوَّعْ لونَه وهاهو (ود آمنة) الذي جرى ذكره قبل قليل والذي يعد أحد أهم شعراء البطانة يصف مطرها ويقول: العـَجَـمِيــة مِــنْ بَــحْــر الــمُحِــيطْ إنْــجَرَّتْ ودَورَيــنْ السِيــولْ مَانْــعَه النِـعَمْ مَـا فـَرَّتْ بُطَانة أبْ سِنْ طَوَتْ تَوب الحُزُنْ وانْسَرَّتْ والـبِـلْ حَـاشَـنْ الـكِـتـْرَه وعُـجـُوفِـنْ دَرَّتْ ومن أشهر وأجمل ما قيل في وصف مطر البطانة وما يخلفه من خير هو ما جادت به قريحة عبقري الدوبيت السوداني ورائده الحاردلو في مربعه الشهير القائل: الـخَـبــَرْ الـلكـِيـدْ قَـالـُو الـبـُطانَه انـْرَشَّتْ سَــارِيــةً تـَبـَقْـبـِقْ لا الـصَباحْ مَا انْفَشَّتْ هَـاجْ فـَحَـلْ أُمْ صـِرَيصِرْ والمَنَايِحْ بَشَّتْ وبِتْ أُمْ سَاقْ عَليْ حَدَبْ الفَرِيقْ إتْعَشَّتْ مع المطر تنشط الدورة الإقتصادية في الريف والبوادي ويحلو النشوق والرعي وتثمر الزراعة وترتدي الأرض ثوباً أخضر وتنتعش النفوس ببارد النسائم وعطر الأعواد وشذا الورود وهي صور دائماً ما تعتمل في في نفوس شعراء الدوبيت ويعبرون عنها في قوافيهم وهاهو الشاعر المجيد (ود سند) يقول: إنـْـفَجَــرَتْ تـُعُـولِــكْ وقَــاسِـكْ الـوَبّـَالْ رَعَـدِكْ مِغْـرِبَـاوِي وَهَجْعَةْ بِرَيقِكْ شَالْ عَرَبِـكْ شَالـُوا فَـوقْ زُمُلاً مُضِي وفََيَّالْ مَعَ الحَمَرَيبْ دُعَاشِكْ جَابْلُو رِيحَةْ نَالْ ويستمر شاعرنا (ود سند) بمفردته الموغلة في البدوية وبروحه الفرحة بالمطر في أرض البطانة أرض الشعر والجمال ويقول: خَـرَفـْتِـي وطَـلايـْعِـكْ لـلمَرَاتِـعْ لَـفَّنْ ضَـعَايـْنِـكْ شَيَّلَنْ مِـنْ المَدَامِرْ وقَفَّنْ وِدْيَـانـِكْ مَشَنْ لَيْهِنْ سِبُوعْ مَا جَفَّنْ وقِبْلِيكْ تَوَّرْ الرَكَمِي السَحَابُو مَدَفَنْ وينهض الشاعر (عبد الله ود عبد الرحيم) بقافيته البدوية ذات الذائقة الخاصة والنكهة البديعة ليقول عن مطر البطانة الذي ما يفتأ ينهمر ظهراً وضحىً: ضُهْـرِيكْ صَـابِـقْ السَـارْيْـه وصَبِـيـبُو اتْحَتَّ قِـبْلـِيـكْ سَــرَّبْ أُمْ بـــَرْد البــِرَمِـي صـَـقَـطَا وضَحَوِيكْ دَودَا فَوقْ حَقَّاصْ ضُهُورِكْ خَتَّ وجـَبَـالِـكْ جَـبـَدْ كَـجَـرْ التـُعُــولْ واتْــغَــتَّـى ونختم للمطر بنموذج من شعر إحدى خسناوات البطانة وهي (التاية بت اللمين ود خير) والتاية شاعرة مجيدة وأخت لشعراء مجيدين ولشاعرات مجيدات تقول في نهج لطيف: قُولْ لَيْ مَدِينَه والتَـايَه وبخيته وعَمِيْ مَطَرْ العِينَه صُحْ فَوقْ الصِّفَيَّه مِرَمِيْ مَمْطُورَا وهَـوَاهَا لـَزِيـزْ ورَوَّقْ دَمـِيْ إيـدْ الكَـرْوَه والرَويَّـانْ عُقـُبْ مِتْحَمِيْ

كتر خيرك على هذا الفيض من ابداع شاعرنا العباسي الذى قال ( يا بنت عشرين والايام مقبلة ماذا تريدين من موعود خمسين؟)

الكامل سناحة

Quote: اللهم لك الحمد والشكر,,,, ربنا يديم عليكم نعمته ,,, أها العنكوليب والطلح بروس برضو.

ياخ والله عالم غريبة خلاص - الواحد ينزّل ليك آيات قرآنية وتقوم تفرح تقول صاحبي الله هداهو تنزل تحت تلقاهو إتلهم العنكوليب والطلح .

ود شيقوق سلام
كل عام و انتم بخير ورمضان

ربنا يرحم العباد و البلاد وترى الروقه و النعمه كان فى خلانا ولا البنادر سببها المطر و ربنا يفرجها على اهل السودان من اوسع الابواب

ترى يا ود شيقوق امس اول يوم فى عينه الطرفه ام موييتا غرفه
بعد اسبوع ام بلول بتروى روب

هلا هلا السحاب مزرقن مترابط
والرهود دقاق القيزان ميها قابض
خير المولى المن سماه علينا هابط
المطر روحنا والببقى بلاه كاضب

ود الراجل

Quote: ربنا يرحم العباد و البلاد وترى الروقه و النعمه كان فى خلانا ولا البنادر سببها المطر و ربنا يفرجها على اهل السودان من اوسع الابواب

امييييييييييييين يا فراج الكرب

Quote: ترى يا ود شيقوق امس اول يوم فى عينه الطرفه ام موييتا غرفه بعد اسبوع ام بلول بتروى روب

ياخ يطول عمرك بالله دا كان اول يوم في الطرفة ام موية غرفة؟

يعني النترة فاتت بآفاتها والحمد لله .

Quote: إسَّمَحْـتِ مِـنْ صَيفـَةْ خَـلا وقَـهَبـُونَه واتْـفَشّـَتْ سَحَابـْتِكْ فَوقِكْ المَشْحُونَه أصْبَحَتْ المَوَاطِي والضُهُورْ مَطْيُونَه واتْـكَـسَيـتي بَـىْ تـِيـابـاً مـَنـَوَّعْ لونَه

وقيتي الخلوق من لفحة سموم القايلة
وانفشت سحابتك وخلت بحورك سايلة
صبحتي البطانة من فرحة صبيبك شايلة
واتكسيتي بخدارك، والخدرة فوقك خايلة

،،،،،،،، عماد

عماد


اسمع كلام عمك ادريس ود على في البطانة


نحن الود لبونا بشيل حمول النائب
تصرم عندنا القحية البصيبها الصائب
نحن اولاد شكير جور نالنا كلو نقائب
ديمة نلولي في المحن الكبار وغرايب
وقال ود عبشبيش يخاطب البطانة:
بندق فيك نحاساً من قديم راجينا
فيه خيولنا عارضات كيه للمابينا
كان ما تجرتقك دماً علوجه سمينة
لا تجيبي لنا حنتوت يا ام هواياً زينة

ودشيقوق رمضان كريم
مبروك المطرة
وعقبال مطرة الحرية تغطس حجر كل متجبر وتواسي بالواطة نخرة كل متكبر وتخضر ضراع كل مسكينا متصبر

Quote: عماد اسمع كلام عمك ادريس ود على في البطانة نحن الود لبونا بشيل حمول النائب تصرم عندنا القحية البصيبها الصائب نحن اولاد شكير جور نالنا كلو نقائب ديمة نلولي في المحن الكبار وغرايب وقال ود عبشبيش يخاطب البطانة: بندق فيك نحاساً من قديم راجينا فيه خيولنا عارضات كيه للمابينا كان ما تجرتقك دماً علوجه سمينة لا تجيبي لنا حنتوت يا ام هواياً زينة

الله يحفظك يا ودشيقوق

بصراحة بوستاتك (همبريب) المنبر

أتمنى لو تكلم منصور المفتاح والفطاحلة في هذا المنبر، وتفتحوا ليكم (راكوبة مجادعات) وترفعوها في كل ربع

على الأقل نمرق من جو التطاحن السياسي ده.. ونستفيد شوية من ثراء لغة أهل البداوة..

يديك العافية وسترة الحال في الدارين

اصيب الناس بالهلع والاحباط خشية امتداد موجة جفاف شرق افريقيا ولكن الحمد لله الخبر الاكيد ود المقدم جابو، قال الصورني سال وإتقرنن تبابو ، لا صاحب قرش ولا زولا بنتسلابو .

اسمع كلام عمك ادريس ود على في البطانة
نحن الود لبونا بشيل حمول النائب
تصرم عندنا القحية البصيبها الصائب
نحن اولاد شكير جور نالنا كلو نقائب
ديمة نلولي في المحن الكبار وغرايب
وقال ود عبشبيش يخاطب البطانة:
بندق فيك نحاساً من قديم راجينا
فيه خيولنا عارضات كيه للمابينا
كان ما تجرتقك دماً علوجه سمينة
لا تجيبي لنا حنتوت يا ام هواياً زينة
__________

يا سلام عليك يا شيخ العرب ... رمضان كريم

بوستاتك دائماً عينة ...

تحيات أخوك ودهارون

الاخ العوض الطيب

رمضان كريم

Quote: وعقبال مطرة الحرية تغطس حجر كل متجبر وتواسي بالواطة نخرة كل متكبر وتخضر ضراع كل مسكينا متصبر

آميييييييييييييييييييييييييين يا العوض اخوى من خشمك ولله

العمدة

Quote: بصراحة بوستاتك (همبريب) المنبر

يطول عمرك يا العشاء دا من ذوووقك الراقي

Quote: أتمنى لو تكلم منصور المفتاح والفطاحلة في هذا المنبر، وتفتحوا ليكم (راكوبة مجادعات) وترفعوها في كل ربع على الأقل نمرق من جو التطاحن السياسي ده.. ونستفيد شوية من ثراء لغة أهل البداوة..

جدا يا عمدة الاخ منصور اديب عملاق وبدوي قح يا ريت يكون متابع ليسمع كلامك هذا اتمنى ايضا ان يكون معنا مولانا اسعد العباسي ليزيد من نبض ابداعكم

Quote: يديك العافية وسترة الحال في الدارين

جمعا يا الحبيب

الناظر محمد هارون

ياخ رمضان كريم والشوق ليك بلا حدود

كيفك انت في عاصمة الضباب

وين صورة بروفايلك ام برنيطة؟

وين صورة بروفايلك ام برنيطة؟
__________________

يا شيخ العرب صباحك اشطه .... يا أخي الهكر خلى لينا برانيط .. والله ما قادرين نخت صورة ... قاتل الله القرصنة أينما ثقفت...

يا أخي واصل تجلياتك ونحن لك من المتابعين ..

تحيات أخوك ودهارون

المانجل ود هارون

يا شيخ العرب صباحك اشطه .... يا أخي الهكر خلى لينا برانيط .. والله ما قادرين نخت صورة ... قاتل الله القرصنة أينما ثقفت...

والله ابتلاءاتكم كترت - صارت من اجهزة مطار هثرو البتدق الزول فتاشة للهكر الكرهكم العيشة

ود شيقوق
ليل أمس (الخميس ) أو الضهرية الابعاء جاكم مطر ولا سمع ساكت بالجوار شرق غرب ؟؟
الشفيع

الشفيع

ليل أمس (الخميس ) أو الضهرية الابعاء جاكم مطر ولا سمع ساكت بالجوار شرق غرب ؟؟


البلد الحمد لله اتراحم كلوووووووووووو والناس المشوا ببقرهم الصعيد جوا صادين خلاص

احسب خمسة يوم بس والله تلقى البقر دفرة وعقلة

يا اخوانا ناس البندر ديل هل بيعرفوا شنو الدفرة والحقلة؟

اوع يودوها لتدفّر بصات ابو رجيلة !!

بارك الله فيك أخوي
علومك وأخبارك مفرحة وسعيدة وإن شاء الله العول وهم صايمين ما يخلو ويهجروا ذويهم و ديارهم يعمروها ويزرعوها ويخضروها بعرق عافيتهم ، كم هي مؤلمة أن يترك الأخوان بيوتهم واسرهم وأطفالهم وخلاويهم ودواوينهم وبلداتهم بحثاوجريا وراء الكلاء والماء للحفاظ على (السعية) من المحل والهلاك وهم صائمون ... لك الحمد والشكر يالله أنعمت فزد ...
بس السؤال يالطيب أخوي : هل ستتأثر زراعة الذرة والدخن والسمسم بتأخر الموسم والمطر؟ والعيين الباقيات من الخريف كمهن ؟
الشفيع

الشفيع

بس السؤال يالطيب أخوي : هل ستتأثر زراعة الذرة والدخن والسمسم بتأخر الموسم والمطر؟ والعيين الباقيات من الخريف كمهن ؟

السمسم نعم اخي الشفيع ما بلحق الا القائمة بروس .

لو الخريف مشى كويس حتى العيش التقيل يمكن يلد اما العيش الخفيف فهذا انسب وقت لزراعته

الذرة اساعرو مستقرة