Post: #1
Title: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: Tragie Mustafa
Date: 08-02-2011, 06:16 AM
Parent: #0
بينما كنتم ايها المنعمين المترفين لابدين في الضلله
و المكيفات...كان اشاوس الجنوبين يتحملون الويل مقابل
ملاليمكم الشحيحه ليحرقوا لنا افضل طوب عالمي!!
بنى مدارسكم ومنازلكم وسجونكم ومقاصلكم التي شنقتم
الكثيرين منهم فيها!!
الآن ذهبوا هؤلاء الرائعين
الاتهمتوهم انهم حراميه وسراقين
وان بلادكم ستصير اكثر آمنا وتنخفض معدلات الجريمه بذهابهم!!
حليلهم حمالين الاسيه....
حليلهم المصطلين بشمس الكمائن الحارقه
و المقابلين لنيران افرنها بصمت من اجل اللقمه الحلال!!
وبعد ده قلتوا عليهم حراميه وسكاري!!
وسرقت ممتلكاتهم القليله العائدين بيها من عرق جبينهم
بايدي جنود نقاط التفتيش!!
هاهي الاخبار تحمل ارتفاع اسعار الطوب!!
ويا حليلكم يا جلابه
البنبى بنى و الما بنى يلوك الهنا!!
اها لعلمك عمال الكمائن الطفشتوهم ديل
لا بحل مكانهم ارترين توطنوهم ولا قرعان
تمنحوهم الجنسيات ولا مصرين تسودونهم!!
صبوا بلوك(اسمنتي) وغشوا فيه كعادتكم عشان قريب عماراتكم تلحق عمارت المصرين
وفعلا ابو رياله فيه دمهم لذا هو اول من بدا الغش في العمارت
وشاء الله ان يمنحه هذا اللقب سودانيا!!اول وزير تنهار بسببه عماره مغشوشه!!
http://www.alwatansudan.com/index.php?type=3&id=262&bk=1
Quote: العدد رقم: 2917
2011-07-31
االوطن صحيفة يومية سياسية مستقلة. تأسست سنة 1987م
رئيس التحرير:
سيد احمد خليفة
مدير التحرير:
خالد ساتي
نائب رئيس التحرير
عادل سيد احمد
هاتف:
00249183774901
00249183795000
00249183795001
00249183795076
بريد إلكتروني:
[email protected]
بسبب عودة الكثيرين من أبناء الولايات الجنوبية: إرتفاع أسعار الطوب الأحمر لأعلي معدل منذ «10» سنوات الخرطوم :كمال محمد عثمان
تفعيلا لاتفاق السلام الذي وُقِّع قبل عام ، انتقلت اعداد كبيرة من العمالة الجنوبية التي تعمل بولاية الخرطوم إلى الجنوب مما انعكس بشكل سلبي مؤقتا على تجارة الطوب الاحمر .
وتؤكد متابعات «الوطن» أن لوري الطوب شهد خلال الأسبوعين الماضيين إرتفاعا جنونياً وصل الى «400» الف جنيه وذلك كأعلى سعر له خلال العشر سنوات الماضية التي لم يتجاوز فيها «325» الف جنيه . وألمح اصحاب الكمائن الى استمرار الزيادة الى مابعد العيد نتيجة للحركة العمرانية المضطردة بولاية الخرطوم.
|
|
Post: #2
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: jini
Date: 08-02-2011, 06:30 AM
Parent: #1
Quote: بسبب عودة الكثيرين من أبناء الولايات الجنوبية: إرتفاع أسعار الطوب الأحمر لأعلي معدل منذ «10» سنوات الخرطوم :كمال محمد عثمان
تفعيلا لاتفاق السلام الذي وُقِّع قبل عام ، انتقلت اعداد كبيرة من العمالة الجنوبية التي تعمل بولاية الخرطوم إلى الجنوب مما انعكس بشكل سلبي مؤقتا على تجارة الطوب الاحمر .
وتؤكد متابعات «الوطن» أن لوري الطوب شهد خلال الأسبوعين الماضيين إرتفاعا جنونياً وصل الى «400» الف جنيه وذلك كأعلى سعر له خلال العشر سنوات الماضية التي لم يتجاوز فيها «325» الف جنيه . وألمح اصحاب الكمائن الى استمرار الزيادة الى مابعد العيد نتيجة للحركة العمرانية المضطردة بولاية الخرطوم.
|
تفعيلا لاتفاق السلام الذي وُقِّع قبل عام ، انتقلت اعداد كبيرة من العمالة الجنوبية التي تعمل بولاية الخرطوم إلى الجنوب مما انعكس بشكل سلبي مؤقتا على تجارة الطوب الاحمر
وألمح اصحاب الكمائن الى استمرار الزيادة الى مابعد العيد نتيجة للحركة العمرانية المضطردة بولاية الخرطوم.
تبادل أدوار!
جنى
|
Post: #3
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: Elhadi
Date: 08-02-2011, 06:44 AM
Parent: #2
الناس ترجع للجالوص بس !!
ولمن يرجعوا للجالوص حتكون أسعار الزبالة والبعر دقت السماء !!
يا زولة بالشايفو أنا السودان ده لو ما حصلت فيهو مجاعة أكبر من حقت الصومال دي تعالي أسأليني
دولة أو "حكومة" ما عندها مصادر دخل غير الجبايات من مغتربين زاتم ضاقت عليهم الأرض بما رحبت في بلدان الاغتراب
وأسي فاتحين خشمهم ومنتظرين ما يأتيهم من دولة جنوب السودان من أموال لمرور النفط عبر شمال السودان
شاحد ربي أن ينجح الجنوبيين في إيجاد بديل عبر كينيا أو أي مكان آخر لتصدير نفطهم..
|
Post: #4
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: jini
Date: 08-02-2011, 06:48 AM
Parent: #3
| Quote: شاحد ربي أن ينجح الجنوبيين في إيجاد بديل عبر كينيا أو أي مكان آخر لتصدير نفطهم.. |
الماهية كلها (البترول) ما عملت ليهم جاجة بدل الترحيل حيعمل ليهم شنو!
جنى
|
Post: #5
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: Tragie Mustafa
Date: 08-02-2011, 07:35 AM
Parent: #4
جني و الهادي رمضان كريم
بترول السجم ده الشعب ما شاف حاجه منه
تطير عيشته وانشاء الله ما يبقى لاهل الجنوب بالساحق و الماحق
و البلاء المتلاحق وي ما بقى علينا بالشمال.
|
Post: #6
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: نوفل عبد الرحيم حسن
Date: 08-02-2011, 08:42 AM
Parent: #5
سلامات ام حازم ورمضان كريم
يبدو انه الصحفي الاشار للكلام دا ما عندو علاقه بالسوق نهائي
الطوب الاحمر في كل عام بشهد ارتفاع جنوني في مثل هذه الايام العام الماضي سعر لوري الطوب كان اعلي من السعر الحالي
ودا برجع للفيضان وعدم تمكن اصحاب الكمائن من العمل .. اما بسبب الغرق .. او الخوف من الغرق
الملاحظ برضو انه الدوله اتجهت لمحاربة صناعة الطوب الاحمر بحجة ان الكمائن تسبب كثير من الضيق والامراض للسكان
لكن الظاهر انهم عايزين يشغلوا مصانع الطوب الحراراي والطوب الاسمنتي بتاعتهم
|
Post: #7
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: المكاشفي الخضر الطاهر
Date: 08-02-2011, 09:38 AM
Parent: #6
الولاية منعت صناعة الطوب الاحمر بالكمائن التقليدية لورود شكاوي من تلوث الجو وشكاوي اصحاب الربو فاصدرت السلطات قرارات بمنع صناعة الا على بعد تمانين كيلومتر من العاصمة
واتجهت للطوب الحراري
والبلوك
يعني الجنوبيون ما عندهم علاقة
|
Post: #8
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: خالد العطا
Date: 08-02-2011, 09:55 AM
Parent: #7
تراجي
رمضان كريم
| Quote: ولسه ياما حتسفوا التراب لذهاب الجنوبين(ارتفاع اسعار الطوب)!! |
هسه يا تراجي عليك دينك وايمانك انتي بتغيظي فينا ولا في الحكومة وناس الحكومة المترفين .
ياتراجي
علي قولك اكتر المتضررين من ذلك هم الشعب
ولو قاصدة ناس الحكومة يبقى الشعب المسكين ده ذنبه شنوووو
تضرر الجنوبين لان ذلك كان اكل عيشهم وتضرر كل الشعب السوداني
لان الطوب لم يكن خاصا ببناء منازل الجلابة فقط
|
Post: #9
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: Mohammed Awad
Date: 08-02-2011, 10:03 AM
Parent: #1
Quote: حليلهم حمالين الاسيه....
حليلهم المصطلين بشمس الكمائن الحارقه |
غايتو قريت السطرين ديل اتأكدت انو فنانك
المُفضل محمد احمد عوض
----------------
انتى ماربطوك لغاية اسى ليه؟
مُصطلين دى شفيتيها من وين عليك الله؟؟
الكلام دا عميق ومابيشبهك خالس خالس
خليك فى الدرك الاسفل دا شوية
|
Post: #10
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-02-2011, 01:54 PM
Parent: #9
!!!!
| Quote: ملاليمكم الشحيحه ليحرقوا لنا افضل طوب عالمي!! |
إنتي بقيتي مقاولة من ورانا ولا شنو ؟؟!
والله كان أحن طوب عالمي ما عارف ..!
بعدين إنتي من زمن السودانيين بيبنوا بالطوب ؟!!!
أخي الجنوبيين رجعوا لأنو زاتوا الناس وقفت تبني بالطوب من بدري ..!!
هسي عمارات كاملة ستة أدوار بتقوم ولا فيها ولا طوبة واحدة ..!!
خشي هنا إتثثقفي شوية :
nazirkhalifa.com
أهو غايتو الواحد لقى ليهو فايدة من بوستك العجيب الما مواكب دا ..!!
|
Post: #11
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: على محمد الخير
Date: 08-02-2011, 02:00 PM
Parent: #10
Quote: انتي بقيتي مقاولة من ورانا ولا شنو ؟؟!
والله كان أحن طوب عالمي ما عارف ..!
بعدين إنتي من زمن السودانيين بيبنوا بالطوب ؟!!!
أخي الجنوبيين رجعوا لأنو زاتوا الناس وقفت تبني بالطوب من بدري ..!!
هسي عمارات كاملة ستة أدوار بتقوم ولا فيها ولا طوبة واحدة ..!!
: |
|
Post: #12
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-02-2011, 02:40 PM
Parent: #11
أيوة كدة يا نوفل ..
Quote: يبدو انه الصحفي الاشار للكلام دا ما عندو علاقه بالسوق نهائي
الطوب الاحمر في كل عام بشهد ارتفاع جنوني في مثل هذه الايام العام الماضي سعر لوري الطوب كان اعلي من السعر الحالي
ودا برجع للفيضان وعدم تمكن اصحاب الكمائن من العمل .. اما بسبب الغرق .. او الخوف من الغرق |
يعني هسي بي فهمك دا إنو الجنوبيين كانوا نافعيننا بس بي عمل الطوب في الكمائن ؟!!
الكمينة التحرقك في فنلتك ..!!
هسي كلامك دا في حد زاتو إهانة للجنوبيين وإختزال دورم في بناء السودان بس (طوبة في شكل كمينة) ؟!!
لو دي المشكلة الشماليين ما يتعلموا عمل الطوب في الكمائن ؟! ولا ما بيقدروا عشان هم أقل ذكاء من الجنوبيين ؟!
معقول بس يكونوا عمال الكمائن كلهم من الجنوبيين وهم أسياد الشي زاتا ؟؟!!
الكلام الفارغ قولو هييييييين .. رايك شنو أديك هسي تلفونات عشرة اسياد كمائن في سوبا والجريفات إتكلمي معاهم وحا يقولوا ليك إنو أغلبية عمالم ما جنوبيين ..؟!
غايتو يا تراجي جرحتي لي صيامي الله يجرح نيتك .. كدي النقوم أشوف لي شاش ولا لصقة اربط بيها الجروح دي ..!!
اللهم إني صائم .. نسأل الله السلامة ..!!
|
Post: #13
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: عماد حسين
Date: 08-02-2011, 02:58 PM
Parent: #12
يا ناذر
تلفونك الله يرضي عليك..
معاي بعض الشباب عدنهم فكرة من بدري بخصوص الـ 3d Panel
بس الدرب رايح عليهم في الموية
|
Post: #14
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: عماد حسين
Date: 08-02-2011, 03:16 PM
Parent: #13
خلاص يا ناذر
0912388261
0117172001
[email protected]
وجدتها بالموقع
|
Post: #15
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: نوفل عبد الرحيم حسن
Date: 08-02-2011, 03:41 PM
Parent: #14
غايتو يا ناذر حقو تشكر ام حازم دي عديل كده هههههههه
دي فرصة كويسة تشرح لينا البناء بدون طوب دا او علي اقل تقدير تجيب لينا رابط البوست القديم داك
|
Post: #16
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: احمد الزبير
Date: 08-02-2011, 04:01 PM
Parent: #15
شكرا ناذر
دا الكلام والله بلاش
كتبت الماعارف اكتبو انا
عالم حاقده
|
Post: #17
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-02-2011, 08:13 PM
Parent: #16
سلام عماد ..
دي الصابونة ولا شنو الوجدتها
|
Post: #18
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-02-2011, 08:16 PM
Parent: #16
سلام نوفل
| Quote: او علي اقل تقدير تجيب لينا رابط البوست القديم داك |
لا لا .. خلينا أحن في الرابط الجديد دا :
http://nazirkhalifa.com
بلا طوب بلا بطيخ مع أم رشيرش دي ..!!
|
Post: #21
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: Frankly
Date: 08-02-2011, 09:15 PM
Parent: #18
ما شاء الله يا ناذر الموقع أصبح جميل جداص متطوّرة جداً
مزيد من التقدم والنجاحات
أعجبت بالبحث المقدم من شباب جامعة السودان عن الثري دي
إلى الأمام إلى الأمام دار دار حارة حارة زنقة زقة
|
Post: #19
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-02-2011, 08:18 PM
Parent: #16
أحمد الزبير ...
وعلى العليها مخها فيهو طوبة كمينة ..!!
|
Post: #20
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: Alshafea Ibrahim
Date: 08-02-2011, 09:04 PM
Parent: #19
تحياتي ياأم حازم ...
والله وأنا جاد عندنا عشرات الكماين( الجزيرة) مدني وجنوبها من سنة تقريبا توقفت بسبب نقص العمالة والحبش فشلوا في البحر وفي المزارع ، يعني الموسم الفات حصاد الذرة في الجزيرة والسوكي تعطل وتأخر لغاية شهر فبرائر بسبب نقص العمالة ... لولا نقص العمال مافي سبب بخلي الطوبة كل يوم ناقصة وزن وحجم تصل هذه الأسعار الفلكية ... المقتدرين على تحمل الأجور العالية ونفقات الإعاشة المرتفعة هم وحدهم من ينتجون الطوب الأحمر .. ويتحكمون في أسعاره وتوزيعه حسب مقدرة الزبائن ...
المؤكد ياناذر خليفة (العقلية) القديمة والعادات في استخدامات الطوب الأحمر موجودة مثلا بالجزيرة الشباب المغتربين همهم الأكبر بناء منزل للأسرة الكبيرة ومنزل منفصل داخل نفس الحوش للشاب المغترب ... ولا تنسى المنافع والحيشان ألخ ... الآن عندنا شباب بشتروا في الطوب الألف تشيلو في (قفه) ب (160) ج ؟؟؟ وحاجتهم لا تقل عن ماءة ألف طوبة أو تزيد؟؟؟ ربما محتاجين (معجزة) في تغيير عاداتهم وقناعاتهم في العدول عن الطوب الأحمر والاتجاه نحو تقنيات جديدة مهما كانت كلفتها ...
وبعدين ياناذر جوالك لا يمكن الوصول إليه بسبب (الشبكة المشغولة) تقول نحن في أيام الحج ... شوف لينا أم تي أن دائما ما بتخيب الآمال ...
مع ودي وتقديري ... وأطيب الأمنيات بصوم مقبول وذنب مغفور
الشفيع ابراهيم
|
Post: #22
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-02-2011, 09:44 PM
Parent: #20
سلام فرانكلي وكل عام وإنت بخير ..
Quote: ما شاء الله يا ناذر الموقع أصبح جميل جداص متطوّرة جداً
|
الحمد لله رب العالمين ودا كلو بعد الله سبحانه وتعالى بفضل الكثير من الزملاء والأخوان هنا والذين أستفدت كثيرا منهم وبمهاراتهم في التعامل مع تقنية تصميم المواقع وأنت منهم بالطبع .. وإنشاء الله سيكون الموقع في حالة تطوير مستمر ..
بالمناسبة يا فرانكلي الموقع دا ما فيهو ولا طوبة من قبل الأنفصال وتراجي تقول ليك الجنوبيين بيصنعوا أجود أنواع الطوب العالمي !!
أنا لو لميت فيها في الجريفات بردما ليك من طوب كمائن حسن إشيقر لامن تقول كفاي !!
هسي تجي تقول ليك حسن إشيقر دا أساسا جدو من دينقا الأزيرقاب !!
|
Post: #24
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: فدياس نجم الدين
Date: 08-02-2011, 09:56 PM
Parent: #22
أدين وأشجب إستغلال ناذر للبوست
دون دفع المقابل للخاله تراجي
لكن تعرف يا أبو النيز رمضان فعلاً كريم
| Quote: البنبى بنى و الما بنى يلوك الهنا!! |
|
Post: #23
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-02-2011, 09:51 PM
Parent: #20
سلام الشفيع وكل عام وأنت بخير ..
Quote: ربما محتاجين (معجزة) في تغيير عاداتهم وقناعاتهم في العدول عن الطوب الأحمر والاتجاه نحو تقنيات جديدة مهما كانت كلفتها ...
|
والله الشغلانية ما دايرة معجزة .. ولا حتى محتاجة لي (مهما كانت كلفتها) .. بس خلي الشباب ديل يتابعوا الجديد في تقنيات البناء الموجودة في البلد وأكيد بيصلوا للدايرنو ..
لكن لو قروا كلام تراجي دي حا تجيهم خلعة ويبنوا بيتم بشوالات الخيش وكراتين الفوارغ ويصدقوا إنو الجنوبيين هم الليهم الفضل في بناء منازلهم وبيوتهم بأجود أنواع الطوب (العالمي) !!
| Quote: وبعدين ياناذر جوالك لا يمكن الوصول إليه بسبب (الشبكة المشغولة) |
اهو الشبكة فضت ووصلت بالسلامة
|
Post: #25
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: Osman Musa
Date: 08-02-2011, 10:18 PM
Parent: #23
عزيزتنا تراجي
سلامات
ورمضان كريم
غايتو خبرتنا بس في الجالوص . الا بس
يا سيدة تراجي . الطوب أسعارو بترتفع في موأسم الفيضان
وبتنزل بعد نزول الأنهار . عرفتي السبب . ؟ يعني
الصحفي الكاتب الكلام ده صحفي عنبلوك ساكت ومو عارف الكركعوب من القلشوب .
تحياتي
..
يا ناذر الخليفة
سلامات
ورمضان كريم .
وعملت لي شنو في موضوع قطعة الأرض بتاعت الحارة صفر .
تحياتي
|
Post: #26
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: فدياس نجم الدين
Date: 08-02-2011, 10:35 PM
Parent: #25
Quote: وعملت لي شنو في موضوع قطعة الأرض بتاعت الحارة صفر .
تحياتي |
لا لا
كده الموضوع بقي ما ينسكتش عليه
شكراً تراجي لأنكي جعلتي هذا ممكناً
|
Post: #27
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: Mohammed Awad
Date: 08-03-2011, 07:52 AM
Parent: #26
| Quote: شكراً تراجي لأنكي جعلتي هذا ممكناً |
----------------
غايتو ياناذر بس رُب ضارة نافعة
|
Post: #28
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: عبدالعزيز حسين عبدالرحيم
Date: 08-03-2011, 08:14 AM
Parent: #27
الشيطانة دي في رمضان مطلوقة جات تهبش في الطوب رجموها بالكسار
قال شنو الجنوبيين مشو ؟
ما يمشوا وقاعدين ليه ؟ خليهم يسووا طوب بي هناك ويصدروه لينا
بعدين هي مالها ومال الطوب تقول عاوزة تبني ولا قاعدة تبني هسع ناس البنيان والوجعة مافي زول فتح خشمة يعني هي مالها ومال الطوب
قال شنو نار أفرانها يعني الطوب بسووهو في الفرن هي قايلاهو بتي فور
|
Post: #29
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: Tabaldina
Date: 08-03-2011, 10:25 AM
Parent: #10
..
.
Quote: غايتو قريت السطرين ديل اتأكدت انو فنانك
المُفضل محمد احمد عوض |
بالغت يا محمد .. حسيت الموضوع فيهو رق وطار ولا شنو ..
| Quote: أهو غايتو الواحد لقى ليهو فايدة من بوستك العجيب الما مواكب دا ..!! |
بختك لقيت ليك فرصة دعاية مجانية ..
ناس كندا ديل ما سمعوا بالثرى دى بانل ولا الطوب الحرارى ولا حتى
مبانى الاستيل المقفلة ببلوكات الاسمنت.. ياخى الكماين قفلت ..
--------
رمضان كريم لكل الحلووين ..
بما فيهم تراجى ست الكماين ..
no hurtfeeling ya Madame T
|
Post: #30
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-03-2011, 06:41 PM
Parent: #29
فدياس ..
Quote: أدين وأشجب إستغلال ناذر للبوست
|
يا زول وفر شجبك وإدانتك البوست بقى ما بوست تراجي ..
البوست بقى بوستي بوضع اليد .. يعني قلع ضُراع عديييل كدة ..
الزولة دي نظرت في السياسة نفست لينا القضية لامن الجنوب إنفصل ...
نظرت في قضية داررفور فرتقتم ليك ستين فصيل وسرية ..
نظرت في البجا خلوا ليها البلد مشوا أسمرا ...
دا كلو وسكتنا عليهو .. أها كمان جاية تنظر لينا في مجال شغلنا ؟؟!!
الولية دي دايرة تغطس حجرنا ولا شنو ؟! كدة عصرت علينا شديد والله !!
عشان كدة البوست دا أنا استوليت عليهو عشان أثقفا شوية وتاني ما تنظر ساكت ..
والتثقيف بالمناسبة بيشمل الصحفي الدقوسة داك وهو برضو ما ناقش حاجة .. لو كان تعب شوييية كدة ما كان بيكتب جنس كلامو دا !!
جاييك يا فدياس ..!!!
|
Post: #31
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-03-2011, 06:43 PM
Parent: #29
الله أكرم حبيبنا عثمان موسى ..!!
Quote: يا ناذر الخليفة
سلامات
ورمضان كريم .
وعملت لي شنو في موضوع قطعة الأرض بتاعت الحارة صفر |
أرض الحارة صفر قطرا صفر ..!!
بيعا واشتري واحدة غيرا تحت لي خط الأفق شوية عشان تنفعك لي قدام ..!!
|
Post: #32
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-03-2011, 06:45 PM
Parent: #29
طبنجة ..
| Quote: غايتو ياناذر بس رُب ضارة نافعة |
صورة الكمين بتاعك دا ذكرتني بي غنية بنوتية بتقول :
العجوز الفي الراكوبة
قاعدة لي أنا للخطوبة
يا نكير أرميها طوبة
|
Post: #33
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-03-2011, 06:58 PM
Parent: #29
تبلدينا ...
Quote: بختك لقيت ليك فرصة دعاية مجانية ..
ناس كندا ديل ما سمعوا بالثرى دى بانل ولا الطوب الحرارى ولا حتى
مبانى الاستيل المقفلة ببلوكات الاسمنت.. ياخى الكماين قفلت ..
|
زماان كندا دي كانت من دول العالم الأول .. بعد ما هاجرت ليها صحبتك المنحوسة دي بقت من دول العالم الاول بالماينص !!
قالت الجنوبيين بيعملوا أحسن طوب عالمي .. شفتيهو وين إنتي !!
بيصدروهو ليكم هناك ولا شنو ؟!!
هاك إتفرجي شوفي نحنا بنبني كيف من غير طوب ومن غير جنوبيين :
أحيييييييييييييييييييييي !!!
صوابعيني وجعوني !!!
لو دايرة تشوفي باقي الصور أمشي في الرابط الفوق داك ..!!
هسي شايفا ليك طوبة واحدة هنا ..!!
الشينة يا شوك الجنائن بتشبهي الطوب في الكمائن 
تهموني بيك وأنا قالوا خائن انا ما سرقت أنا جيت اعاين !!
|
Post: #34
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-03-2011, 07:07 PM
Parent: #33
هههههههههه ضحكتني يا عادل ..!!
| Quote: قال شنو نار أفرانها يعني الطوب بسووهو في الفرن هي قايلاهو بتي فور |
ههههه بتي فور .. لا لا قايلاهو بتي زغاوة !!
|
Post: #35
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: فدياس نجم الدين
Date: 08-03-2011, 07:19 PM
Parent: #33
ناذر
براحه ياخي على الخاله تراجي
برضو انت راعي ان الدنيا رمضان
ياخي ردمتها طوب لمن امنت زاتو
لوووووول
|
Post: #36
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-03-2011, 08:16 PM
Parent: #35
هي لكن أنصحا تبطل البتسوي فيهو دا يا فدياس !!
من ناحية رمضان إطمن .. أمبارح رديت عليها بالنهار جرحت لي صيامي كست الصيدليات كلها صبغة يود اربط بيها الجروح دي ما لقيت !!
لكن هسي الدنيا بعد الفطور وأنا بكتب هنا وقدامي جك ليمون وmug حلو مر وصحن بلح تمودة وقزازتين !!
وكمان ما تنسى الدنيا قالبة .. يعني هسي عندهم هناك بيكونوا لسع صايمين (دي لو بتصوم من أصلو) ..
الليلة صياما مش أجرحوا ليها!! .... اطعنوا ليها عديييل كدة عشان تآمن وإتسدى حقي !!
|
Post: #37
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: Tragie Mustafa
Date: 08-03-2011, 08:42 PM
Parent: #36
اتجدعتوا يا جلابه في البوست
لقيتوني غائبه يومين!!
الغربيه ناذر الخليفه افاد البوست من حيث لا يرغب هذا
العنده قرعه فاضيه فوق نافوخه.
ثوره التي احضرتها اثبت انه كل النصاعيه البنفزوا البناء ده
بكوب ولا ببتي فور هم برضو من الهامش!
يعني طلعوا رجال الجنوب و النيل الازرق وجبال النوبه ياهم بناة البلد!!
وتنابلة الصبيان ناس ناذر الخليفه
كل زول يلقوا ليه قرض من بنك اسلامي
ولا أمنجي تمنحه الدوله راس مال عشان
يعمل مقاول ولا تاجر مواد بناء ولا بطيح
يكون هو صاحب العمل وناس الهامش هم الفنين الحقيقين!!
اها يا ناذر يبنوا الناس بطبو ولا بايسكريم المنفذين الحقيقين
ياهم وليداتنا ديل ورجالنا ديل!!يبقى انتو حتكلوا نيم لو شنلا باقي عمالتنا
وفرينا زي ما علموا الجنوبين.
والكلمه الحقيقه الوحيده القالها عثمان موسى
(نحن ناس جالزض ساي) اها كثر خير رجال الهامش السكنوكم العمارات
من بناء الجالوص الكنتوا الما بتيجدوا غيره!
|
Post: #38
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: فدياس نجم الدين
Date: 08-03-2011, 09:44 PM
Parent: #37
Quote: يبقى انتو حتكلوا نيم لو شنلا باقي عمالتنا
وفرينا زي ما علموا الجنوبين. |
مووووبالغه
|
Post: #39
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: عبدالعزيز حسين عبدالرحيم
Date: 08-03-2011, 10:57 PM
Parent: #38
يا ناذر أعمل حسابك
Quote: اها يا ناذر يبنوا الناس بطبو ولا بايسكريم المنفذين الحقيقين
ياهم وليداتنا ديل ورجالنا ديل!!يبقى انتو حتكلوا نيم لو شنلا باقي عمالتنا
وفرينا زي ما علموا الجنوبين. |
ام رشيرش حا تجي شايله قفه تخم كل الطلب والصنايعية بتاعنك وتشيلم تخلي خشمكم ملح ملح تقول ليهم بس انتو وليداتي يجو يخشوا القفة ويشتتو معاها
بس أموت واعرف هي عندها مع السودان شنو ؟
هي زاتها ما سودانية خلطة تركية على برقاوية على زلمات
يا أم رشيرش انتي مالك شايله هم الطوب ولا الصنايعية لا عندك بيت ولا حا تسوي ليك بيت ولا اولادك عندهم مكان في البلد دا ولا بلدهم ولا بشبهونا ولا بشبهوه الصنايعية ديل
أقول ليك حاجة شيلي أولادك ديل ... نحنا بنتصرف عندنا الحبش بتاعننا ونحنا بتاعنهم وبشبهونا وبنشبهم وببسطونا ومبسوطين منهم
|
Post: #40
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-04-2011, 01:00 PM
Parent: #39
!!!!
Quote: ثوره التي احضرتها اثبت انه كل النصاعيه البنفزوا البناء ده
بكوب ولا ببتي فور هم برضو من الهامش!
يعني طلعوا رجال الجنوب و النيل الازرق وجبال النوبه ياهم بناة البلد!!
|
وااااااااااااااااااي أنا من الولية دي الدايرا تجيب لي السكري قبال يومي ..!!
أجيها بي حمد تمرق لي بي خوجلي !!
Quote: يكون هو صاحب العمل وناس الهامش هم الفنين الحقيقين!!
|
اللُخُت الليلة قلبت شيوعية ولا شنو ؟!!
Quote: اها يا ناذر يبنوا الناس بطبو ولا بايسكريم المنفذين الحقيقين
ياهم وليداتنا ديل ورجالنا ديل!! |
طيب ما ياهو شغلم ويا ها شغلتم البيعرفوها وعلمناها ليهم .. المشكلة في شنو ؟!!
إنتي قايلانا متلقيين حجج زيك ولا شنو ؟!
يعني الشغل دا كان ما خبرناهو نحن وبعد داك علمناهو ليهم يشتغلوهو تفتكري بيقدروا يشتغلوهو ؟!
Quote: يبقى انتو حتكلوا نيم لو شنلا باقي عمالتنا
وفرينا زي ما علموا الجنوبين.
|
أها أقول ليك حاجة ..
الصور دي زاتا قديمة .. هسي كل العمال أجانب .. مصريين وارتريين وهنود ..
شيليهم وإتخارجي لو دايرة تشيليهم ..!!
ام رشيرش ..
كدي عايناني جاي وقولي لي ..
إنتي دايرة تصلي لي شنو ؟!!
|
Post: #41
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: HAIDER ALZAIN
Date: 08-04-2011, 01:20 PM
Parent: #40
| Quote: ثوره التي احضرتها اثبت انه كل النصاعيه البنفزوا البناء ده |
يعني انتو يا ناذر وعبد العزيز فاهمين كلام خالتو فرنصا دا وبتردو عليها
حاولت اتداخل من البداية مافهمتها بترطن في شنو ولي ساعتين بفتش لثور ناذر الجايبو دا مالاقيهو
داسي التور وين يا ناذر :)
|
Post: #42
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-04-2011, 03:09 PM
Parent: #41
سلام حيدر ...
تعرف انا قريتا في البداية قلت أمكن تراجي قاصدة التور الانا جبتو ليها وهي قعدت تحلبو !!
هسي يا حيدر هي شافت الصور قالت ديل من ناس الهامش والنيل الأزرق يعني هي بتحكم باللون والشكل بس..
طيب الصورة دي ما شافتا ولا شنو :
دا هسي شكل هامش ؟!!
|
Post: #43
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-06-2011, 07:48 PM
Parent: #42
أها ....
عملتي لينا شنو في الموضوع ؟؟؟!!!
|
Post: #44
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: فدياس نجم الدين
Date: 08-06-2011, 09:48 PM
Parent: #43
ناذر
كده سيبك من موضوع خالتو تراجي وخلينا نحسب بالجد
تأثيرخروج الجنوبيين من سوق العمل
تتذكر كان عندك بوست إسمه أسياد الشئ زاتو
ممكن نستعين بيهو؟؟
على الأقل نكتب كلام مفيد للناس
|
Post: #45
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-07-2011, 06:28 PM
Parent: #44
يا حليلك يا فدياس ..
وحليل بوست اسياد الشي زاتا داك ..!!
البوست داك للأسف الشديد إتمسح من اليرفر في ضربة الهكر الشهيرة القبل كم سنة ديك ..
والله ما تصدق أنا زعلان كيف للبوست داك .. قدر ما فتشت ليهو تاني ما لقيتو ..
نعمل واحد تاني عما فريب لأنو بي صراحة الموضوع كبير وعايز نقاش جامد ..
تسلم ..
|
Post: #46
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: فدياس نجم الدين
Date: 08-07-2011, 11:14 PM
Parent: #45
Quote:
نعمل واحد تاني عما فريب لأنو بي صراحة الموضوع كبير وعايز نقاش جامد ..
|
تسلم يا أبو النيز
خلاص في إنتظار جزء تاني من أسياد الشئ زاته
سلام ست البوست
|
Post: #47
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: HAIDER ALZAIN
Date: 08-08-2011, 07:44 AM
Parent: #45
سلامات ناذر...
نساعد ليك[red] بوستك هذا بصور لجنوبيين شغالين في كمائن طوب :
وهاك دا هامش الهامش رافع ليك مكنة طوب:
لو عاوز بقية الفيلم لعمال الكمائن الجنوبيين ديل قول عوووك..
|
Post: #48
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 08-08-2011, 03:05 PM
Parent: #47
عوووووووووووووووووووووووك !!!
|
Post: #49
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 09-12-2011, 04:57 PM
Parent: #48
|
Post: #50
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: بلدى يا حبوب
Date: 09-12-2011, 05:56 PM
Parent: #49
تراجى سلام
ياما لسه حنشوف نتيجة الانفصال فى كثير من الاعمال المرتبطة بحياة المواطنيين
تحياتى
|
Post: #51
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: خالد علي محجوب المنسي
Date: 09-12-2011, 07:05 PM
Parent: #50
حا نبني بي الرقيطا يا تراجي ونسوي الحناي
|
Post: #52
Title: Re: ولسه ياما حتسفوا التراب لذهاب الجنوبين(ارتفاع اسعار الطوب)!!
Author: ناذر محمد الخليفة
Date: 09-13-2011, 09:02 AM
Parent: #51
هههههههههه
|
|