بالضبط الصوت واضح في الغناء لكن في مشكلة عند الحوار ولا في مايكرفون محمود خاصة بالرغم من ان محمود اصبح جيد في الحوار لكن محمود لسه ما اتخلص من مشكلة الخجل عند الحوار ولاحظوا وضع اليد في الوجه و النظارة زاته غالبا خجل ساي ما حاجة تانية
Post: #13 Title: Re: (مع محمود) نقد وتحليل Author: فدياس نجم الدين Date: 08-01-2011, 09:34 PM Parent: #11
هلا امجد ورمضان كريم اغاني واغاني رقم لا يمكن تجاوزه واخوك بيزازي بين القناتين محمد هاشم في تطور في شخصيه محمود ولو صعب نحكم من حلقه واحده لكن كونه يقدر يتكلم بدون تلعثم دي براها محمده لا تزال مشاكله مع اللبس والاكسوسورات قائمه الدويتو مع ولد المرحوم محمد احمد عوض اكثر من رائع
ملاحظات ... كم مرة ذدنا صوت التلفزيون ..أو خفضناهو ... حتى فى الحوار ... الزي متلازم مع شكل الإستديو ...تماماً :) بس النظارة اكبر من اللازم ... مع إصرار المخرج ... حين يقلع محمود النضارة ... إخراجه .. من التصوير ...والعودة حين لبسه لها ... كان غريب شوية الأغنية جميلة ... والرمية أجمل محمود بحاول يتكلم بى طريقة الونسة... وأظن إنو قدر يتخطي ..مرحلة الخجل المعتادة فيهو .... ....
على حسب تقديرى المتواضع وسمعى لاغلبية تلفزيونات "الحلة" المدورة فالنيل الأزرق الناس بتفتحا فى وكت الدعاية بتاعت "مع محمود "
محمود عبدالعزيز يا ريت يا حبيبي / من برنامج مع محمود
Post: #28 Title: Re: (مع محمود) نقد وتحليل Author: عبد الدائم سيد أحمد Date: 08-02-2011, 09:34 AM Parent: #27
رمضان كريم يا امجد والاخوة الحضور
انا من محبى ومستمعى الفنان محمود
وحضرت اثناء استعراض برامج شهر رمضان لقاء مع منتجة برنامج مع محمود
ما طلعت باى اجابة عن الهدف من البرنامج شنو ولمدة شهر كامل يوميا"
محمود صوت جميل معروف محمود له شعبية كبيرة بين الشباب معروف بيغنى اغانى الغير بصورة جيده برضو معروف
طيب ما هو الجديد الحيتقدم طيله الشهر وخاصة ظهور الفنان النجم بصورة يومية بتعكس سلبا" على الفنان ذات نفسو .. يعنى الظهور المتكرر ضد النجومية
بالنسبة لبرنامج اغانى واغانى بالامس شعرت وكانى بحضر فى حلقة معـــادة بس الفرق بين برنامج اغانى وبرنامج مع محمود ... فى البرنامج الاول الكل بتقاسم الاخطاء بينما فى برنامج مع محمود اى خطاء او تقصير حيكون من نصيب محمود فقط
شكرا صبرى طه لتنزيل الحلقة كاملة شكرا كل المتداخلين لكن الملاحظ انو محمود لغاية هسع بعانى من مشكلة الحفظ ودة كان ظاهر بالذات فى الاغنية التانية بتاعت ياريت يا حبيبى بالاضافة لذلك المسألة بتاعت اللبس يعنى الزول دة فى الفترة الاخيرة دى بقى اشتر عديل فى اللبس بعكس فترة ظهورو اول مرة كان لبيس لدرجة يعنى الواحد ماعارف هل الاذواق ممكن تتغير مع الزمن ولا الناس الكانو بختارو اللبس لمحمود زمان هم الاتغيرو؟ الحاجة التانية الديكور بتاع الاستيديو ما عجبنى نهائى يعنى ما ممكن تجيب ليك خشبتين وتعملهم فى شكل مثلثات وتقول دة استيديو دة غير انك بتحس انو فى مشكلة فى الاضاءة , بالاضافة لمشكلة الصوت الواضحة.
غايتو انا تقييمى لحلقة الليلة ما اكتر من 60% استيديو باهت مشكلة فنية واضحة فى الصوت الاضاءة ما ظابطة محمود ذاتو حضورو ما كان مية المية يعنى لمن تحول من الشروق للنيل الازرق بتحس انو فى فرق واضح الغريبة ناس الشروق ديل عندهم استيديوهات بتاعت اخبار زى الورد فالمفروض برنامج زى دة يخسروا فيهو اكتر من كدة لانو بجيب حقو وزيادة
تحياتى
Post: #41 Title: Re: (مع محمود) نقد وتحليل Author: فدياس نجم الدين Date: 08-02-2011, 10:03 PM Parent: #40
والله يا جماعة انا محمود دة ما برضى فيهو نهائى وفنانى الاول لكن لو البرنامج مواصل فى الاغانى المسجلة دى احسن الواحد يمشى يشوف ليهو شغلة تانية يعنى لو على الاغانى المسجلة مافى زول ما سمعها واغلب الناس حافظنها شبر شبر نحنا دايرين نسمع محمود حق الليلة محمود زمان الناس عارفنو وما بتغالطو فيهو اتنين
الاغنية الاخيرة: خلــى العيش حرام وبرضو نفس الصوت القديم بس الصورة الاتغيرت يعنى لغاية هسع مافى استمتاع نشوف الحلقات الجاية ونتمنى نسمع صوت محمود الحقيقى
Quote: بس حلقة الليلة خربا الجزار ولا مين دة اغنية حنيني اليك خربطا لي الحوت
والله الجزار صوتو متميز لكن طبعا ما بنفع يغنى مع الحوت لانو فى اختلاف كبير بين اصواتهم وفعلا الاغنية لو غناها محمود براهو كان حتكون احسن كتير بس الحاجة الطلعت بيها من حلقة الليلة انو صوت محمود مازال صامد برغم المشاكل الصحية والنفسية
Quote: الحلقة امس كانت متميزة مع د.الفاتح حسين " المتمكن في الموسيقى" الحوت لو اتعامل مع الفاتح حسين بس ح يرجع زي زمان , وح تطلع مئات الاشرطة زي "سكت الرباب"
على حسب كلام د.الفاتح انو حيكون فى شغل جديد مع محمود واكيد لو الموضوع دة تم حيطلع شغل جميل جدا ونتمنى انو يكون فى قامة "سكت الرباب"
سلام يا صبري و أمجد ولكل الأخوة حلقة امس وضحت الحوت لا يموت
بالنسبة للفنان محمد الجزار الشاب دا فنان و يملك طريقه الواضح وخامة صوت اجتهد أن يرسخ لها و يوسس لها استائل ومحدد بالنسبة له وهو ملحن ممتاز وموسيقى ممتاز . اتابعه بمحبة . ايوة امس هو ومحمود ما اتوفقوا في حنيني اليك لكن دا ناتج من اختلافهم في ما ينتهجوه ولا يعنى ابداً أنو الجزار ما فنان أو محمود ما فنان . بعدين بعتقد انو النقد الاذع الذي طال الجزار من خلال حنيني اليك دا ناتج من اننا نحنا السودانيين ديل ما بنرضي زول يهبش لينا الأغنيات الخالدة و طوالي بنديهو في رأسو .
محبة للجميع. هسي انا بسمع فيها من سيد الكوره ذاتو .
Post: #75 Title: Re: (مع محمود) نقد وتحليل Author: فدياس نجم الدين Date: 08-06-2011, 09:37 PM Parent: #74
الليله أبدع محمد الجزار وهو فنان المستقبل بلا أدنى شك
Quote: بالنسبة للفنان محمد الجزار الشاب دا فنان و يملك طريقه الواضح وخامة صوت اجتهد أن يرسخ لها و يوسس لها استائل ومحدد بالنسبة له وهو ملحن ممتاز وموسيقى ممتاز .
صوت محمود في أغنية عاش من شافك ياهو صوتو بتاع زمان ...
Post: #79 Title: Re: (مع محمود) نقد وتحليل Author: إبراهيم عبد الحليم Date: 08-07-2011, 11:03 AM Parent: #78
الاخوة امجد الزين و ناس البوست
رمضان كريم
ما يعجبنى كتير فى الفنان محمود ليس غناه فقط بل انسانيته المفرطة.
فمحمود قدم لزملائه الفنانين خدمات قوية تسببت فى اظهارهم للمجتمع والاعلام. كثير ما احتضن معتز صباحى فى حفلاته العامة ليقدم فاصل مما مكن معتز صباحى لمكانته الحالية. كذلك جمال فرفور فى بداياته. وهو يفعل ذلك الان مع محمد الجزار. انا اعتقد هذا التوفيق اللا محدود لمحمود ناتج عن قلبه الابيض الناصع البياض بدون حسد او غيرة من زملائه
حديث1 مع محمود عبدالعزيز من برنامج مع محمود / الحلقة السابعة
محمود عبد العزيز برتاح ليك / برنامج مع محمود
حديث2 مع محمود عبدالعزيز من برنامج مع محمود / الحلقة السابعة
محمود عبد العزيز لهيب الشوق / برنامج مع محمود
Post: #87 Title: Re: (مع محمود) نقد وتحليل Author: محمد زكريا Date: 08-09-2011, 10:25 AM Parent: #86
معليش نطش بره الشبكه شويه اولاً انتو قناة الشروق دى مش الكانت كلها مديح وبرامج دينيه واخبار كيزانيه ووو الحصل شنو؟ ولا دى سياسه جديده للقناة علشان تكسب اكبر قدر من المشاهدين؟ يعنى استغلال ل محمود عبدالعزيز وللمشاهدين, لانه القناة سياساتها ونهجها معروف بس ما علينا ما عارف داير اقول شنو زاتو..هسه وين النقد والتحليل الفى عنوان البوست يا صاحبه؟ يجب مراعاة الفرق بين الاعجاب بالفنان ونقد فنه وتحليله
Quote: هسه وين النقد والتحليل الفى عنوان البوست يا صاحبه؟ يجب مراعاة الفرق بين الاعجاب بالفنان ونقد فنه وتحليله
لو تابعت البوست كويس بتلقى فى ناس اتكلمت عن محمود فى لبسو وفى ناس اتكلمت فى صوتو وبرضو فى ناس كان عندها راى فى الاستيديو وكدة يعنى هو النقد دة غيروهو ولا شنو؟ بعدين لو لاحظت انا معنون البوست بنقاش يعنى مفتوح لأى زول يجى يتكلم ويدلو برأيه ما بالضرورة صاحب البوست بس يعنى انت برضو مرحب بيك تجى تورينا رايك فى محمود وفى البرنامج وتنقد وتحلل على كيفك
سلام للجميع حلقة جديدة الاغنية الاولى انا ما حضرتها لكن قالوا غناها مصطفى البربرى الاغنية التانية ما تشيلى هم محمود غناها بطريقة مختلفة شوية المرة دى وياريت لو كان غناها بنفس الاسلوب القديم لانو حسيت انو فى عدم تناسق بينو وبين الفرقة الموسيقية يعنى الليلة الزول دة جهجه الفرقة الموسيقية جهجهة شديدة خلاص وبقوا متابعين محمود وخلو القالب الموسيقى بتاع الاغنية دة غير انو محمود كان عندو مشكلة حفظ الاغنية دى عشان كدة ما جات مية المية
ياخ معقولة يا ناذر انا الحالة جيت متلهف عشان اشوفك كتبت شنو؟ وكمان ماتقول انا الليلة ما حضرت الحلقة القاك كاتب بالحبر السرى؟ طيب على الاقل كان تورينا الحصل شنو الليلة؟ وانت بالذات انا داير رايك فى الحوت لانو قبل كدة انا فتحت الموقع بتاعك ولقيتك شاديها للحوت شدة شديدة ما متذكر الشريط موضوع النقاش لكن كان خاشى فيهو عثمان النو.
حديث1 مع محمود عبدالعزيز من برنامج مع محمود / الحلقة 10
حديث2 مع محمود عبدالعزيز من برنامج محمود / الحلقة 10
محمود عبد العزيز زينوبة / برنامج مع محمود
حديث3 مع محمود عبدالعزيز من برنامج مع محمود / الحلقة 10
محمود عبد العزيز حظو طيب / برنامج مع محمود
Post: #96 Title: Re: (مع محمود) نقد وتحليل Author: احمد محمد بشير Date: 08-12-2011, 12:51 PM Parent: #2
يا شباب و الله برنامج اغاني و اغاني بتاع النيل الازرق داك طلع كلام فاضي ساكت. نادر و فرفور و عصام انا قاعد اسمع ليهم لكين خزلونا , وعشونا بالدعايات تابعتهم كم يوم كدة لكن تاني ما داير احضرو
الحوت لن يموت , بس يحافظ على روحو شوية
Post: #97 Title: Re: (مع محمود) نقد وتحليل Author: احمد محمد بشير Date: 08-12-2011, 12:53 PM Parent: #96
في برنامج توثيقي رائع في قناة الشروق اسمه اعــز الناس مع محمد وردي ابو الفن , و الله ممتاز جدا >>>>ادعو الجميع لمتابعته.
سلام احمد محمد بشير الليلة شرفتنا بطلتك طبعا انا جانى احباط عدييل من البوست دة واحترت انو البورد دة كلو مافيهو ناس بحبو محمود يجو يشكروهو لينا ولا ناس بكرهو يجو كمان ينبذوهو لانو لقيت صبرى طه وشخصى الضعيف الوحيدين اكتر المشاركين فى البوست دة مع طلات خفيفة من بعض الاعضاء لمن قربت اعمل ليهو دعاية فى البوست بتاع اغانى واغانى على العموم ان شاء الله يطيب ليك المقام معانا ونفيد ونستفيد من بعض وان شاء الله ما اخر مشاركة
حديث1 مع محمود عبدالعزيز من برنامج مع محمود / الحلقة 14
حديث2 مع محمود عبدالعزيز من برنامج مع محمود / الحلقة 14
محمود عبد العزيز تعب الريدة / برنامج مع محمود الحلقة 14
Post: #106 Title: Re: (مع محمود) نقد وتحليل Author: احمد محمد الحاج Date: 08-16-2011, 08:11 AM Parent: #105
سقيتك من حنيني ريدجواي مساحة تعبت معاك في دربي تعب الريدة راحة ___________________ ياللذكري وياللشجن ،فنحن اولئك الذين لم نكن خارج ظاهرةمحمود ومدي صوته البتة،فالرجل ياخذنابصوته لحدودالسماء، فيالها من ملحمةكاملة التي نشاهدها الان ،بانتصاراتها،بحزنها،وبافراحها،وهزائمها،غني لنا ، غني ياسليل صاحب الربابة سليل الزغراد،فهي ليست محض اغنيات،انها اكثر من ذلك ___________ ملاحظات طفيفة بينما تعمد قناة النيل الازرق عبر طاقم متمرس في الاعدادوالمطربين المدجنيين من ذوي السحنات المليحةالذين امتلئيت اعناقهم وبانت النعماء علي وجوهم،مسنودين بالحكواتي قدور،احد الحراس الايديلوجيين،يكافح محمود بصدق فطري ضدكل ذلك لانه يغني للبسطاء،محمود يسكن ذاكرة الناس العاديين ، يسكن التفاصيل الجميلة الحلة/الازقة/الرقشات/صوالين الحلاقة/الاصدقاء/خطابات العشق /الحبيبات ذاتهن/الاماسي البعيدة/المطر/الابيض/مدني جوبا موقف ياي/سواكن/نيالا/ياللهول،
بداءت فكرة اغاني واغاني تذبل بانصاف المغنيين اولئك فناني السلطة عصاااام/فرفور/عاصم،حتي احمد الصادق لم يعد هناك،وكل ذلك الهردبيس لكانت اسرار بابكر كفيلة بكنسه لحقل اخرسوي الغناء __________________ المذيعة ريهام {مش كده} ....... ...... خليناها "في جاه الحوت تلوك" __________________ رسائل الي الحوت انت فنان كبير وكبير جدا،ومعك اصدقاء بوسعهم تنفيذ موسيقا سودانية عظيمة،اسماعيل عبدالجبار،يوسف القديل،الخ فلاضير من البروفات الكافية،والحرص علي اخراج الاغنيات بشكل جيد،لاسيماوان البرنامج مسجل
لفترات طويلةظل محمودموديلا انيقا،مانزال نذكرالتي شيرتس ماركة لاكوست،واقمصة الكاروهات الجميلة.. الخ وبصراحة تراجع محمود كثيرا جدا فيما يتعلق بانتقاء الملابس،والقناة =الشروق كما يبدو لاتمتلك طاقما يهتم بمثل هذه التفاصيل فشغلانية الكلفتة بادية للعيان،حتي خلنا ان ثمة ماوراء الامر فؤادعبدالرحيم فؤادعبدالرحيم فؤادعبدالرحيم قلناها ثلاثا حتي ظنناان في الامر... فماذا هناك بالله عليك يافؤاد يامبدع ،ويتش{ ف..} ديكور از زيس،وماباله الصوت، والازياء والاغنيات مبتورة
سفيان بشير ياصديقي العزيز لسةماعرفتو منو الحرش تاجر كلام ،قرقرقرقر ،حسك عينك ياسفيان تطلع مع الناس ديل،لكن كدي بلاي تذكر قصات الشعر الانيقة بتاعت الحوت و"القفايس"حلاقة الدقن،والاوسكرات،جميلةكانت مش كده،عموما يبدوان محمودفي طريقه لامتلاك صلعة صغيرةكده،ولذلك فعليه قبل معجبيه،الاعتياد علي شكله الجديد،كرجل فوق الاربعين بقليل ___________ الحوتيين متابعين البوست باهتمام،ومزيدا من الرصد والتحليل والنقد
سلام للجميع وكل سنة وانتو طيبين ونعتذر على الغياب فى الايام الفاتت نسبة لبعض المشغوليات وحلقة جديدة اليوم تجمع بين المحمودين تاور وعبدالعزيز والافتتاحية كانت مع تاور لى سنين بريدك كلمات حكمة يس الحان محمود تاور مشاهدة ممتعة
الاغنية التانية ارحمينى يا مشاعر مع بعض الاضافات الموسيقية والنكهات الصوتية من محمود محمود ما حافظ الاغنية تمام وبالذات فى المقطع بتاع انسى ايام الصدود محمود الظاهر الصدود دى راحت ليهو فقام جاب ليهو كلمة من راسو كالعادة على العموم كلمات الاغنيية: كمال الدين عبدالله عليش الحان: محمد عبدالله عليش
الاغنية التالتة ارجع تعال كلمات والحان محمود تاور والاغنية ثنائية بين المحمودين لكن على حسب وجهة نظرى الثنائية ما اضافت للاغنية شئ يعنى كان الافضل يغنيها تاور براهو لغاية هسع مافى ثنائية اقنعتنى فى البرنامج دة.
سلام للجميع اول حاجة الحلقة الفاتت كانت بيض ما اكتر من كدة وبالذات فى الاغنية بتاعت الفينا مشهودة يعنى على الاقل مفروض الاغنية دى تكون فى اخر حلقة ولا اقول ليكم الاغنية دى اصلا ما مفروض تكون ذاتو لأنها كانت عشوائية جدا ونرجع لحلقة الليلة اول حاجة سامع رهام(مقدمة البرنامج) بترحب بصديق سرحان للمرة التانية وانا ما متذكر حضرت لى حلقة اولى مع صديق سرحان لو فى زول حضر الحلقة الاولى يجى يقول لينا عشان الواحد ما يتكلم فارغ ساى الحاجة التانية اول اغنية كانت تعب الريدة والاغنية دى قبل كدة محمود غناها فى البرنامج دة وبالتحديد فى الحلقة 14 زى ما نزلها الصديق صبرى طه يعنى خلاص محمود دة اغانيهو انتهت فى عشرين يوم وبقى يكرر فى اغانيهو ولا البرنامج دة المخرج بتاعو اول مرة يشتغل ياجماعة فهمونا حاجة لو البرنامج دة عاملنو للدعاية بس قولو لينا ولا اشتغلو معانا كويس وبرضو حلقة الليلة كانت بيييض
)
