اسر اثنين طيارين سودانين بجبال النوبه!اها نعذبهم ولا كيف يا عماد حسين؟

اسر اثنين طيارين سودانين بجبال النوبه!

Quote: الجيش الشعبي يسقط طائرة حربية مدرعة ويأسر اثنين من طياريها July 31, 2011 (حريات خاص) أسقطت قوات الجيش الشعبي بجبال النوبة بقيادة القائد عبد العزيز الحلو طائرة هليكوبتر ( قن شب) – طائرة حربية مدرعة ، في منطقة الأحيمر ، أمس السبت 30 يوليو . وأسر الجيش الشعبي اثنين من طياري الطائرة الحربية وهما الكابتن طيار عثمان أحمد فضل الله والكابتن طيار محمد عثمان أحمد ، من سلاح الجو بالقوات الحكومية . هذا وسبق وأصاب الجيش الشعبي طائرة حربية سقطت بالقرب من الأبيض .

المستهتر الكوز العنصري كتب في شأن احتجاج حركة العدل

و المساواة على تعذيب

القائد الاسير التوم حامد توتو...وكأنه يشرعن التعذيب السير الحرب


بيان هام و عـاجل حول تعذيب العميد/ التوم حامد توتو في سجون النظام

Quote: يا احمد زول قبضوهو في ميدان المعركة يعني يعملوا ليهو تكريم وللا كيف.

يا ترى ماهو رايه في اسر هؤلاء؟؟؟

وماهو احساس اسرهم لو مسعوا بتعذيبهم

كما يعذب التوم حامد توتو بايدي سفاحي الانقاذ؟؟

فوق

فوق..

النبى فيك ياتراجى لو ماعذبتوهم

تراجي

الرسول عليه أفضل الصلاة وأتم التسليم وصى بالأسرى خيراً

صلي علي الرسول ورمضان كريم

عذبيهم...

بس برااااااااااحة

Quote: عذبيهم... بس برااااااااااحة

لا حتعمل ليهم تكريم...

Quote: Quote: عماد حسين شوقي سليمان وقبلهم وليد قسم السيد مؤيدو التعذيب صراحة في هذا المنبر الباقر موسى الباقر.. ما داير أقول ليك: قم لف لأنك في الأساس لافي في هذا المنبر أصبحنا لا نصدق دعاوى التعذيب، لأنها أصبحت زي: قصة هجم النمر صاحبك ده.. تم القبض عليه.. ونتمنى أن يكون الحكم عادلاً بالمناسبة زولكم السجمان ده.. الجابو شنومن دارفور لـ جبال النوبة؟ يا ربي يكون جاي ليهومع سيرة عرس؟ وقبضوهو بالغلط؟ الشغلانية خرجت عن نطاق النضال الدارفوري وأصبحت فيها أجندة تانية.. بتاعت حركة شعبية وكدة قلتا لي كيف؟ دايرين يحرروا السودان؟ طيب.. من منو؟ بس ما تقول لي من الكيزان.. لأن الحركة دي من زمن نميري شغالة في القرف ده ده كل الفلم يا لافي

Quote: Quote: هناك فرق أن تسمع بقصص التعذيب وما تصدقها وبين أن تقر وتوافق علي التعذيب ما مطالبنك هنا بالتخلي عن أفكارك وأيديولوجياتك في الصراع الداير في السودان (مؤيد للحكومة أم معارض لها) بس عاوزينك كلما سمعت بقصص تعذيب تدينها ولو طلعت كذب خير وبركة رمضان كريم وتصوموا وتفطروا علي إنسانية خالية من التعذيب وإيذاء البشر تحياتي يا ناصر عشان ترتاح يا ناصر أنا لا أنتمي للكيزان.. ولا أعتبر الانتماء للكيزان مسبة أو شتم طالما كان الإنسان بيمرق النصيحة.. أنا ليس لدي تأييد مطلق للحكومة.. ولست معدوداً في زمرة حزبهم دي خليها من ثوابتك في نقاشك معي أنا مواطن زهجان من الوضع الحاصل.. وخاصة من الحركة الشعبية ولذلك لدي معارضة مطلقة للحركة الشعبية. وأعتبرها مجموعة عنصرية.. تاني حاجة.. قضية القبض على هذا الرجل عادية جداً في زمن الحرب أما دعوى تعذيبه.. فقد أصبح عندي أن الأصل في كلام المعارضين هو الكذب يعني أنا مكذب لخبر التعذب، ولست مؤيداً للتعذيب.. دي مفروض تكون منطلق نقاشنا هنا شنو البيجبرني أصدق لي زول وجع راسنا من كترة الكضب؟ يا أخي سمعنا في المنبر ده كضب يحير ابليس زاتو... زي النووي والكيماوي بتاع كابيلا وزي المرتزقة الإيرانيين وزي الشهيد المناضل الضربتو كهربا في المخبز، وزي الشهيد محمدعبدالرحمن.. وغيرها من القضايا وعيييييييييييييييييك لما زول يكون معتاد على الكذب بالطريقة دي.. بالله يا ناصر: مش من البـلادة والهبالة أني أصدق كلامو بعد ما جربتو أكثر من 4 مرات... حقو يا ناصر تكونوا عاقلين وتكلموا ناسكم ديل يختشوا شوية ويخلوا الكضب والاستخفاف بعقول الناس كلمو الجماعة ديل وقولوا ليهم: اختشوا شوية.. وكان ما دايرين يختشوا من الناس.. خليهم يختشوا من ربنا الذي خلقهم.. ويعلم أن كلامهم في حشوكثير من الكذب بالله خليهم يختشو شوية بس يا ناصر.. ما كتير.. شوية بس تقبل الله منا ومنكم يا ناصر.. والعفو لله

سلام يا تراجي ورمضان كريم عليك وعلى اولادك سند وحازم

ما قدرت اعرف بالضبط الاقتباس دا كتبو منو

Quote: زولكم السجمان ده.. الجابو شنومن دارفور لـ جبال النوبة؟

لكن حسب الصياغة فلابد وكاتبها عماد حسين

عماد حسين حسين، ما عارف موقفك شنو من المعارضة وانتو واقف وين من الحكومة
لكن انت من النوع البخدم قضيتنا كمعارضة وبامتياز

اولا: انك تشرح لنا سلوك النظام تجاه الاسرى وكيفية وجوب معاملتهم، والكلام دا بدينك وبدين الحكومة

ثانيا: الامر الاخطر هو سؤالك اعلاه!!

ماذا يفعل الدارفوري في جبال النوبة

او
ماذا يفعل الشايقي في نيالا

او ماذا ي ريد البجاوي من التحاوم في سوق دنقلا مثلا؟؟

؟؟؟؟؟؟؟؟؟؟؟

دا باين عليه خط جديد للحكومة لزيد من تقنين العنصرية والقبلية وتشرزم البلاد

لكن انت خلينا من دا

هو الطيار ايا كان جنسه ماذا كان يفعل في جبال النوبة ام لم يكن ينتمي اليها؟؟

ابن عوف

رمضان كريم يا أخي

ما تتعب رقبتك ساي.. وما تقعد تردح في الفارغة

خلي الولولة والمتاجرة بقضية العنصرية والجهويات..

الزول ده جاي كردفان لحرب أوحاجة غير كدة؟

القصة طلعت من أجندة دارفور لتنفيذ أجندة تانية..

يعني القصة ليست قضية هامش أو بتاع... الشغلانية دي أصبحت التقاء برامج عنصرية

انتو قايليننا عندنا قنابير وللا شنو؟

مليون سنة متابعين المنبر ده والبرنامج الموحد للجماعة ديل (زحوا الجلابة، اكتلوا الجلابة، دمروا الجلابة، احرقوا الجلابة)

مع أن الجلابة فيهم حزب أمة وفيهم ختمي وفيهم شيوعي

الحتة حقت العنصرية دي أنتم آخر من يتكلم فيها

يا أخي في قبائل معروفة كانت داخلة مع الكيزان.. وتضرروا من مفاصلة رمضان.

والمعتقلات البتتكلموا عنها دي... يشهد الله من فوق سبع سموات..مرة قضيت فيها يوم وليلة قبل مفاصلة رمضان.. (في مبنى الأمن في احدى مناطق شرق الجزيرة)..

والسبب بلاغ من واحد كوز بسبب محاضرة عن العقيدة عملناها في قرية تعج بالكيزان والصوفية..

دخلنا المعتقل وشفنا العساكر القاعدين يذلوا خلق الله، ويعذبوهم.. ومناطقهم معروفة..

ولو شئت لسميت لك القبيلة

الحتة أصلاً ما تحاول تتكلم فيها لأن الشعب السوداني عارف الحتة دي.وعارف من الذي مكّـن للكيزان

وراجع حبيبكم الكوز سابقاً والمناضل حالياً خليل إبراهيم.. ممكن يديكم افادات زيادة..

حسك عينك تحاول تضرب على الوتر بتاع العنصرية.. لأنك ما حتكسب فيهو أصلاً

بعدين.. بخصوص موقفي من المعارضة؟

ياتومعارضة دي؟

المعارضة الاسفيرية البتكضب دي وللا واحدة غيرا

وهي المعارضة الاسفيرية دي.. كمان الزول بيتعب عشان يعرف رأي الناس فيها؟

وللا تكون قاصد الصادق والميرغني ونقد؟

وللا قاصد المعارضة المسلحة حقت الكوز خليل ابراهيم بتاع المؤتمر الشعبي؟

وللا معارضة الترابي الذي يطعن في الدين عياناً بياناً؟

حدد يا أبنعوف وبعدين خلينا نتفهم.. ياتو معارضة دي؟

لأنو المعارضة عندنا زي قفة الحلبية تلقى فيها فسيخ وصابون ومحلبية ودقيق وكلهن مكومات فوق بعض

أهـا.. بعد تفرزكيمانك وتديني رأيك في (اللموم) ده.. وتقدر تحدد برنامج المعارضة وين.. بعدين بديك وجهة نظري

يا عماد حسين

ورمضان كريم عليك

الموضوع لو جاب ليهو

Quote: وما تقعد تردح في الفارغة

فاعلن انسحابي من حوارك، تخيل وصلنا مرحلة ما بتتحمل جنس الفارغة دي

وما زال سؤالي قائم، اذا حبيت جاوب ، ما حبيت براحتك

انا وجهة نظري كبيتها وانتهيت

أحسن تنسحب.. يا ابنعوف

لأنك بدأت تضرب على وتر العنصرية القـذر

راجع مداخلتي المعدلة فوق

مرحبا احمد ابن عوف
منور البوست.


ورمضان كريم.

Quote: تراجي الرسول عليه أفضل الصلاة وأتم التسليم وصى بالأسرى خيراً صلي علي الرسول ورمضان كريم

يا امير فتحي لماذا لم تذكر حديث الرسول(ص) عندما تطاول هذا ال######

عماد حسين وهو يتحدث عن تعذيب التوم توتو حامد؟؟

Quote: يا ترى ماهو رايه في اسر هؤلاء؟؟؟ وماهو احساس اسرهم لو مسعوا بتعذيبهم كما يعذب التوم حامد توتو بايدي سفاحي الانقاذ؟؟

أم حازم

راجعي كلامي الفوق ده.. وطلعي حتة اقراري للتعذيب

وبعدين بعتذر لو لقيتي الحتة دي

وأؤكد لك ستجدين خلافها في نقاشي مع آخرين

القصة كلها: فترنا من الزقيل والكضب حقكم ده.. والـبـلـيـد من يخاطر ويتبنى موقفكم وقد جربناكم

الشهيد محمد عبدالرحمن المامعروف دفنوهو في يا تو سيرفر؟
المناضل المات في المخبز بصعقة كهرباء
الكيماوي الإيراني
النووي الإيراني
المرتزقة من الحرس الثوري

عشان ترتاحي... بوستاتكم بالطريقة دي.. لن أدخلها إلا متهكماً وساخراً

بعد تثبتوا نزاهتكم في نقل الأخبار
وبعد تتركوا الاستخفاف بعقولنا

عندها ممكن نحترم مصداقيتكم

وبخلاف ذلك أنصحي الشباب ديل لأن القصة دي زي أصبحت شعور عام بالتقزز.. وزي ما كتب حيدر الزين:

العيــب ياطيــر ،،، ( قال معارضة قال؟ )

رابط البوست

http://www.alsudantoday.com/cgi-bin/sdb/2bb.c...876001&func=flatview

أرحمونااااااااااااااااااااااااااااااااااااااااااااا الله يرحمكم

يا بت مصطفى

عارفة.. أنا عارف أنك عندك قدرة ممتازة في كسب العداوات..

ولأنك امرأة.. أنا قاعد أحاول بقدر الإمكان أحترمك.. ليس عجزاً عن الرد، ولكنها قيمة اجتماعية نكاد نفتقدها في هذا المنبر

الحتة دي ممكن تخلي حالك ينصلح شوية وتقدري تكسبي ليك زول من مخالفيك في المنبر

أرجو أنك تبتعدي عن الإساءات لأن رد القبيح بالقبيح ليس صعباً.. وأنا شابف فلتر بكر قاعد يحذف ليك بعض الإهانات!!

القاموس بتاع المنبر مليان.. وأنا شايف بعيوني كيف يرد عليك الآخرون

وأنا يشهد الله.. ما بيغلبني النضم.. كان مسادير أو شعر بادية وللا كلام بالخشم

معليش يا أم حازم...

لكن أرجو أن تساعديني أحافظ على القيمة دي بقدر الإمكان..

رمضان كريم..

Quote: عندها ممكن نحترم مصداقيتكم

الاخ عماد رمضان كريم

هل مارس النظام التعذيب وهل تم قتل معارضين تحت التعذيب
منذ 89 حتى تاريخه...


نعود

طيب يا عماد ممكن ارجع لمحاورتك (طالما انك في ردك الاخير تراجعت من جنس ردحي وولولة ..الخ)

تقول انني

Quote: لأنك بدأت تضرب على وتر العنصرية القـذر

اولا انت ضربت في وتر الانسانية قبل العنصرية ودا موضوع بوست تراجي، قضيتها هنا انسانية وليست عنصرية

ثانيا انت من اتى على سيرة العنصرية بحديثك عن الغرابي الذي التحم مع اخوته في البلد في جبال النوبة

ما سوداني واقف مع اخوه السوداني في محنته، المشكلة وين هنا؟؟ شمالي جلابي يكون عضو في الحركة الشعبية برضو مافي مشكلة
دا الفهم الاحنا بنحاول نطلع بيهو من اي حركة سياسية جديدة لقيادة البلاد مستقبلا، وهذا من صميم الدين نفسه، ومن اول
ما ارساه الرسول عليه الصلاة والسلام في بداية دولة المدينة، عندما كان يستشار صهيب الرومي وسلمان الفارسي وسادة قريش
من المهاجرين وسادة الانصار موجودين بينهم (بقينا كيزان وللا شنو!!)

نرجع للتاريخ شوية، الاتراك عندما ساموا اهل السودان العذاب مرتين، كان العذاب واقع في الاساس على انسان الشمال (الجلابي بفهمك)
ولم ينقذه من ظلم التركية الا عندما تم تحرير الخرطوم على يد ابو عنجة وود نوباوي والبقاري
دي لحظة تاريخية مهمة جدا في السودان ولكن يتم المرور عليها مرور الكرام من غير تحيليل وشرح وافي في كتب التاريخ
والسياسة ويكتفى بالاشارة اليهم بانهم انصار المهدي فقط، لابأس في ذلك، لكن التركية او غردون نفسه لم يسأل سؤالك العجيب
بتاع ماذا يفعل الدارفوري في جبال النوبة؟؟ او لماذا لم يسأل غردون نفسه لماذا يزحف علي البقارة والفور والنوبة وانا
لم امسسهم بسؤ كما يفعل الترك بالشايقية والجعليين والنوبيين؟؟

انا الجلابي دا وقفت مع قضية دارفور ضد سياسات الحكومة و ح اقيف مع قضية جبال النوبة والشرق بفهمين اتنين
واحد: انساني كما يفعل ابناء واوروبا وامريكا الكفرة مثلا
اتنين : بفهم سوداني مجرد من اي سقوط في حفرة العنصرية القذرة التي يحفرها النظام يوميا في طريقنا للخلاص منهم

راجع حساباتك

عدم ادانتك بل واستعدادك النفسي بقبول تعذيب اسير الحرب هذا يجرح في مدى فهمك للرسالة الربانية نفسها والتي فهمناها من تعامل
سيد البشير مع اسرى بدر والغزوات الاخرى

ويجرح في المعيار الذي يقيس به ضميرك تجاه ما تعقادت عليه شعوب الارض كافة في مواثيق ومعاهدات تضم حقوق وانسانية البشر
حينما يكونوا في وضع ضعيف نسبيا (الاسير، السجين، المرأة ، الطفل ... الخ)

ويجرح في فهمك لسودانيتك التي تنظر اليها من زاوية من انا ومن هو الآخر، شمالي وللا غرابي، جلابي وللا هامش

تحياتي
تحياتي

سلام يا تراجي

رمضان كريم

النفس المريضة سوف تظل مريضة حتي يقضي الله امرا كان مفعولا
طيلة فترة حرب الجنوب
كان النظام الانقاذي يؤذي و يعذب و ينكل و بقتل كل من وقع في طريقة من مناضلي الحركة الشعبية
و في الجانب الاخر كانت الحركة تعامل اسرها من مجاهدي و دبابي الانقاذ معاملة انسانية تليق باسري الحرب
حتي عند تنفيذ الاتفاقية تم الافراج عن المعتقلين لدي الحركة و لم يكن هنالك معتقل لدي نظام الانقاذ ومن هنا يكن القياس
فان المنافقين في الدرك الاسفل من النار
و في الختام
لك فائق الاحترام

لطفي

Quote: اولا انت ضربت في وتر الانسانية قبل العنصرية ودا موضوع بوست تراجي، قضيتها هنا انسانية وليست عنصرية

لما تقدر تثبت الحتة دي

ولما تقدر تثبت أني مقر للتعذيب في حق الأسير

بعد ده ممكن يكون عندك حق تتكلم..

أما أنك تفترع ليك كضبة كعادة رصفاءك من معارضي الكيبيورد، وبعدين تجي تبني

عليها محاكمات.. دي مسألة لن تستطيع أن تنالها.. إلا عند من يرضى الهوان

ردي الفوق كان للتهكم.. لأن القضية عندي مبتاها على الكذب.. والكلام ده واضح في جملة

ردوي أعلاه، وهي موجودة ويمكنك مراجعتها..

والبعض طلب تحديد موقفي زي الأخ ناصر.. وأنا حددت موقفي في الرود.. في رفض التعذيب..

فما تعمل لي سافوتة ووجع أصابعين في الفاضي

اقتبس الموضع الذي قررت فيه موافقتي على التعذيب.. وبعدين تعال واصل الردحي حقك

ونصيحتي ليك ولغيرك: خلوا الكضب واحترموا عقول الناس..

عشان لما ينفتح بوست زي ده، تلقوا ليكم مناصرين

نهايتو... ما تكتر غلبتك وتوجع أصابعيك في الفارغة والمقدودة ساي

(ثبت العرش ثم انقش) يا ابنعوف..

وبعد تثبيت العرش.. ممكن أناقشك..

وإلا فانصرف صحبتك السلامة

تاني رجع للافلاس ولغة الردحي

Quote: تاني رجع للافلاس ولغة الردحي

شنويا الحبوب.. الجكة غلبتك خلاص؟

ما لقيت ليك شيتن تسوي فوقا (حي ووب)؟.. وللا الحاصل شنو؟

درب المناحة اتقفل.. والفي قرعتك كملت؟؟

انصرف راشداً..

رمضان كريم

Quote: الاخ عماد رمضان كريم هل مارس النظام التعذيب وهل تم قتل معارضين تحت التعذيب منذ 89 حتى تاريخه... نعود

معاوي الصائم

تقبل الله

عشان ما تمشي بعيد.. خليني أديك قاعدة لرفض الظلم:

أي نوع من الظلم وقع على أحد فهو مدان أيا كان مرتكبه وأيا كان خلافنا مع المظلوم

شوف المنبر ده... كم قضية تم نشرها وطلعت في النهاية كعنقاء مغرب، ليس
لها وجود.. وآخر حاجة المناضل بتاع المخبز، وقبله الشهيد/ محمد عبدالرحمن

إذن المبدأ (في رفض الظلم) متفق عليه.. لكن المشكلة في التفاصيل المنقولة
ومدى مطابقتها للواقع.

وهذا الذي يجلب السخرية مما يجري نقله للمنبر.

قضيتي التي أحوم حولها هي المصداقية يا عزيزي

بعدين يا معاوية.. لدي سؤال:

أستغرب كيف يرفض الإنسان الظلم.. ثم يقوم بالكذب في حق الآخرين
ويظلمهم.. وهذا نمط تمارسه المعارضة الإسفيرية ضد الحكومة، بل
وتمارسه ضد القراء الذين لا ذنب لهم.

الحتة دي مش فيها تناقض:

كيف ترفض الظلم وتكافحه بالظلم، وكبف ترفض الكذب وتكافحه بالكذب؟

تحياتي

سؤال:

بخصوص أسر 2 من الطيارين..

منذ يومين وأنا أبحث عن هذا الخبر.. فلم أجد له أثراً في أي موقع محايد؟

سؤال للمعارضين الشرفاء؟

ودي برضو بتخلينا نرجع لنقطة المصداقية..

ده جزء من الخبر في موقع حركة العدل والمساواة

Quote: ها هي الأنباء تحمل أنه تم إسقاط طائرة هيلوكوبتر وأسر (12) ممن كانوا بالطائرة منهم (2) طيارين، و(10) قوات مظلية من الجنسية العراقية.

http://www.sudanjem.com/2011/07/%D8%A8%D9%8A%...3%D8%B3%D8%A7%D9%88/

صياغة الخبر تفضح أحياناً مضمونه