وصلتنا الويكة الفنتاستك .

فاينلي وصلتنا
الويكة العجيبة ماركة سلسيون . شغل الكتياب المكرب .
الويكة أصبحت عادي عند ناس جمارك مطار نيويورك .
مكتوبة فوق مع 45000 items . ومكتوب كمان ما فيها أي Side effects
والحمد لله .

يا راجل


الويكة العجيبة ماركة سلسيون . شغل الكتياب المكرب .


عليك الله قول ليهم عاوز ويكه من النيل الازرق من سنجه وانت ماشي للدمازين قسم لو ما يدك كل اكل وجعتك


رمضان كريم

سلام يا عثمان
رمضان كريم
ياخي عندك بوستات طريفة وعجيبة
وعناوين اعجب.
تحياتي

العزيز عيسي
سلامات
عاين : جارتنا الطيبة في رمضان
زمان سألت زوجتي HOW TO MAKE الويكة ؟
أتكيفت وقالت دي فنتاستك .
رمضان كريم ياخ عليك وعموم العالم والأمة السودانية

عتمان ... كيفنك يابا,

تعرف عندي أخوى في نيويورك الليلتكم دي,
وكلما يضرب تلفون السودان يسأله ناس بيتنا
إن كان يريد شئيا راسل السودان, وكل مرة
يرد بأنو عايز ويكة... لامن ناس بيتنا
زهجو منو وسألوه حكاية الإصرار على الويكة
دي شنو؟ ... فقال ليهم مداعبا { نحن اللياقة
دي ... ماااا بنخليها }

فمبروك عليكم السلسيون


رمضانك كريم ... بس ما تنسى تكسر صيامك
بي بلحة وليست لهمة ويكي.


... مع مودتي

عزيزنا معاذ
سلامات
ورمضان كريم .
وكدي يا معاذ هاك سيرة الويكة ديOkra recipes and information
More in this Article
• -> About Okra
• Okra Recipes
• Links to More Recipes











Okra comes from a large vegetable plant thought to be of African origin, and it was brought to the United States three centuries ago by African slaves. The word, derived from the West African nkruma, was in use by the late 1700s. Grown in tropical and warm temperate climates, it is in the same plant family as hibiscus and cotton.

Okra is usually available fresh year-round in the South, and from May to October in many other areas. You can also find okra frozen, pickled, and canned, and in some regions you might find frozen breaded okra for deep frying. When buying fresh okra, look for young pods free of bruises, tender but not soft, and no more than 4 inches long. Okra may be stored in the refrigerator in a paper bag or wrapped in a paper towel in a perforated plastic bag for 2 to 3 days, or it may be frozen for up to 12 months after blanching whole for 2 minutes. Cooked okra can be stored (tightly covered) in the refrigerator for 3 to 4 days.

Sponsored Links
Okra And Tomatoes
Find more sources/options for Okra And Tomatoes
www.webcrawler.com

. الويكة يا معاذ سرها عجيب .
تحياتي

عزيزنا أستاذ حيدر قاسم
زول مدينة الصحافة . ياخ رمضان كريم .
نعم يا حيدر . الويكة السودانية ماركة سلسيون رهيبة .
يا حيدر عندنا نوع ويكة بتقوم ساكت في الوديان
و البراري وفي ظهور التقانت والجداول والبور .
النوع ده يا حيدر قرن وأحد منو يكفي لملايقة برميل ملاح .
النوع ده أسمو أبو 44 . بس أنا بتخيلو يكون أبو 88 .
والله يا حيدر . في سنة 2006 جاني تيراب بامية وعجور وجرجير وجربتو .
قام ونجح نجاح عجيب . وكل يوم أشوف ليك الخواجات كابسين في جرجيرنا
.. زمان يا حيدر زمن كانت عندنا دولة محترمة وعندنا بحوث زراعية
كانت كل التجارب الزراعية تتجرب بتاعت نورث كرولاينا
وجنوب بريطانيا بتتجرب عندنا .
يازول كدي سيبك من السياسة . قالوا من الأسرار العجيبة للويكة
بتعمل برووتيكشن للمصارين وتسند الناس في السفر والمرض .
تحياتي

Quote: الويكة العجيبة ماركة سلسيون . شغل الكتياب المكرب . الويكة أصبحت عادي عند ناس جمارك مطار نيويورك .

عثمان موسى رمضان كريم
الويكه السلسيون دى كان جابو ليك معاها شرموط كانت تمت الناقصه
والحمد لله انو ناس الجمارك فى امريكا عرفوها انها ويكه ما شيتا تنانى
لكن جربوهم بى الحلو مر والشرموط المدقوق ياخ دى حاجه تانيه

عزيزنا خالد المحرب
شيخ المشايخ
رمضانك كريم
يازول الناس ديل عندهم شرموط أكلاهوما
في أي STORE .
وفي مدقوق وفي قطع جديد وفي ناشف في كيسو .
وعندهم فيترتا مكسيكية وعيش ريف أرزونا .
والله يا خالد ما كنت عارف الويكة دي عالمية الا بعد زياراتي للمكسيك .
تحياتي

Quote: فاينلي وصلتنا الويكة العجيبة ماركة سلسيون . شغل الكتياب المكرب

أحشوا لينا يا عثمان

ههههههههههههه

عزيزنا عماد حسين
سلامات
يازول صفوف حشيان سندوتشات التقلية العجيبة ولا صفوف تاشيرة العمرة .
. وأحد صاحبنا كاتب في مطعمو Ready For Immediate Delivery .
تصدق صاحب مطعم التقلية ده من كولمبيا .
وبرضو كاتب WE SELL التقلية
For Less
يا عماد لعب الويكة لعب تقيل .
ياخ سعر الويكة لو نزل في الكتياب ممكن يجهجه ال STOCK MARKET زاتو .
فتتحول الحرب الي حرب الويكة .
تحياتي

عامل حسابي كويس وعارف
قصص نوع الويكة حقتنا دي . يعني صحن بس يكفي .
صحنين من ماركة سلسيون أنت بتكون دأيخ زي الضارب ليك
DRUG OVERDOSE دحين بعد الصحن الأول تحاول تشفل نفسك بي أي حاجة
خلاف التقلية . النوع ده دينجرس شديد

Quote: عزيزنا عماد حسين سلامات يازول صفوف حشيان سندوتشات التقلية العجيبة ولا صفوف تاشيرة العمرة . . وأحد صاحبنا كاتب في مطعمو Ready For Immediate Delivery . تصدق صاحب مطعم التقلية ده من كولمبيا . وبرضو كاتب WE SELL التقلية For Less يا عماد لعب الويكة لعب تقيل . ياخ سعر الويكة لو نزل في الكتياب ممكن يجهجه ال STOCK MARKET زاتو . فتتحول الحرب الي حرب الويكة . تحياتي

ويكة كولمبية

ههههههههههههههه

والله دي مبالغة

تصدق واحد أخونا من بديرية الجزيرة.. يحكي لي أنه ومعاهو واحد صاحبو من أولاد الزغاوة.. كانو فاتحين مطعم في منطقة اسمها: الخاصرة.. منطقة على طريق سفري.

السعوديين يجو من مكان بعيد عشان يشيلوا العصيدة بالتقلية، وفرحانين زي كأنهم مشترين ليهم لحم مشوي

ههههههههههههههههههه

الجماعة شابكننا ليك نكتة: مواد خشبية لا تنفع ولا تضر

ونحنا أتارينا ما هينين تب

وبعدين يا عزيزنا عماد
آخر خبر طالع عن الحبيبة الويكة يقول :
الويكة تكافح ال CHOLESTEROL . وأنت عارف الكوليسترول كعب وقاتل .

Quote: Okra comes from a large vegetable plant thought to be of African origin, and it was brought to the United States three centuries ago by African slaves. The word, derived from the West African nkruma, was in use by the late 1700s. Grown in tropical and warm temperate climates, it is in the same plant family as hibiscus and cotton. Okra is usually available fresh year-round in the South, and from May to October in many other areas. You can also find okra frozen, pickled, and canned, and in some regions you might find frozen breaded okra for deep frying. When buying fresh okra, look for young pods free of bruises, tender but not soft, and no more than 4 inches long. Okra may be stored in the refrigerator in a paper bag or wrapped in a paper towel in a perforated plastic bag for 2 to 3 days, or it may be frozen for up to 12 months after blanching whole for 2 minutes. Cooked okra can be stored (tightly covered) in the refrigerator for 3 to 4 days. Sponsored Links Okra And Tomatoes Find more sources/options for Okra And Tomatoes www.webcrawler.com[/QUOTE] هههههههههههههههها والله جبت خبر يا عثمان اخوي هسع دا كلوووووووو في الويكيييييييييييي حقتنا دي ؟

---

Post: #16 Title: Re: وصلتنا الويكة الفنتاستك . Author: Osman Musa Date: 08-04-2011, 12:58 PM Parent: #15 عزيزنا الطيب شيقوق سلامات ورمضان مبارك ياخ ويكتنا ماركة سلسيون دي صعبة . يا الطيب عاين . الخواجة صاحبنا فاكر اكل الويكة زي بلع العلاج وكدي . سألني ليه مافي أي WARNING في كيس الويكة . ولا مكتوب HOW TO USE . غايتو دقشني ليك جنس كوتشنات . يا الطيب أخوي عليك الله الخواجة ده دحين مو مجنون ؟؟؟؟؟ قلتلو الوورنق اليجيب خبرك . نحنا بنخمش ونكتح في النار لا حدد ما الويكة تعقد تب وتكرب . جوعتك مش ؟؟ .. تحياتي

---

Post: #17 Title: Re: وصلتنا الويكة الفنتاستك . Author: الطيب شيقوق Date: 08-04-2011, 09:43 PM Parent: #16 عثمان ياخ الخواجة دي جاملك طالما لم يأبه لمدة الصلاحية او ضرورة اخضاعها لهيئة المواصفات والجودة

---

Post: #18 Title: Re: وصلتنا الويكة الفنتاستك . Author: Osman Musa Date: 08-05-2011, 03:51 AM يا الطيب . هناك مدة صلاحية ما عندنا . تلبع بس وربك كريم . قال صلاحية . هو في ويكة ؟ صلاحية شنو ؟ الويكة ويكة حتي تقطع بب . يعني ساعة تحتل في التنجرة ولا الطنجرة الساعة ديك تكون نفدت . بس يا الطيب ماركة سلسيون دي تقاوم النفدان .

---

Post: #19 Title: Re: وصلتنا الويكة الفنتاستك . Author: الطيب شيقوق Date: 08-05-2011, 06:25 AM Parent: #18 Quote: هناك مدة صلاحية ما عندنا . تلبع بس وربك كريم . قال صلاحية . هو في ويكة ؟ صلاحية شنو ؟ الويكة ويكة حتي تقطع بب . يعني ساعة تحتل في التنجرة ولا الطنجرة الساعة ديك تكون نفدت . بس يا الطيب ماركة سلسيون دي تقاوم النفدان . عثمان اخوي انا جادي عندي اسئلة عايز اطرحها ليك او لعموم المهتمين بالشأن الويكي السؤال الاول : متى واين تم إكتشافها ؟ ما هي الشعوب التي تستعملها في ملحاتها( حاسي ملحاتها دي اصلح لان طبيخها ما بتشبه الويكييييييي)؟ السؤال الاخير يا عثمان - هل للويكيييييييي قيمة غذائية ام مجرد accessory لما تشيل ابريقك متلهم صريف العوير الفي قيفة البحر ؟

---

Post: #20 Title: Re: وصلتنا الويكة الفنتاستك . Author: Osman Musa Date: 08-05-2011, 06:11 PM Parent: #19 البامية يا الطيب في السودان قديمة قديمة . زمان كانت بتقوم بروس ساكت في المهاوي بعد مرور السيل . بعد تجارب تحديث الزراعة نجحت البامية في الأراضي الصفراء التقيلة الفيها تصريف كويس .

---

Post: #21 Title: Re: وصلتنا الويكة الفنتاستك . Author: الطيب شيقوق Date: 08-05-2011, 07:11 PM Parent: #20 عثمان Quote: زمان كانت بتقوم بروس ساكت في المهاوي بعد مرور السيل . بعد تجارب تحديث الزراعة نجحت البامية في الأراضي الصفراء ات عارف - يا عثمان اخوي - حاسي اولاد البندر - وما اظنك منهم - بخلطوا بين الويكة والبامية - الويكة عندنا هي تلك التي تنمو بروس اما في الخلاء ساى مع العدار والنال او التي تنمو بروس داخل الزراعة ولا يقطعها المزارع مع بقية النباتات الطفيلية عشان تنمو وتنمو ولما يحين انتاجها بلقطوها اللقطة الاولى والتانية والتالتة وهكذا - الويكي يا عثمان اخوي فيها شراء يعني لو قشطك واحد بسوطها بخليك تتوحوح وتتمرمغ على التراب . اما البامية فهي صحيح من فصيلة الويكة ولكنها ناعمة الملمس ولا تنمو بروس الا نادرا وقرون البامية عادة اكبر من قرون الويكة - والبامية عند الخواجات معروفة كويسة وبسموها ladies` finger ما تلخبط يا عثمان ياخ

---

Post: #22 Title: Re: وصلتنا الويكة الفنتاستك . Author: Osman Musa Date: 08-05-2011, 09:29 PM Parent: #21 يا الطيب أخوي السودان كبير وطرق الزراعة فيه بتختلف والأسماء برضو . والأختلاف في طرق الزراعة ده حاصل حتي بين مزارعين NORTHERN CALIFORNIA و ARIZONA . أها يا الطيب عندنا في بلدنا . في تجارب مشروع الزيداب 1882 .. ( المشروع توقف بسبب حروب المهدية ) ودي قصة طويلة . بس الشركة البريطانية الأمريكية أفتتحت أنتاج القطن رسمي سنة 1904 والفاكهة والخضار . أها يا الطيب . طريقة الزراعة في السودان تختلف . وطرق الحصاد تختلف والأرض برضو . أجيك تاني يا الطيب . في سفرياتي للمكسيك الأرض الطيبة لقيت يا الطيب المكسيكان ديل في حصاد البامية والشمام نفس الحاصل عندكم في شرق سنار ودالعباس والحتات ديك .

---

Post: #23 Title: Re: وصلتنا الويكة الفنتاستك . Author: الطيب شيقوق Date: 08-06-2011, 07:07 AM Parent: #22 Quote: أها يا الطيب عندنا في بلدنا . في تجارب مشروع الزيداب 1882 .. ( المشروع توقف بسبب حروب المهدية ) ودي قصة طويلة . بس الشركة البريطانية الأمريكية أفتتحت أنتاج القطن رسمي سنة 1904 والفاكهة والخضار . عثمان مشروع الزيداب - حسب سمعك عنو - كيف هو الان؟

---

Post: #24 Title: Re: وصلتنا الويكة الفنتاستك . Author: Ahmed Abdallah Date: 08-06-2011, 07:50 AM Parent: #23 اقعد باري لي اكل الويكة و اللوبة لمن يقوم ليكـ كوع جمب اضانكـ قالولكـ استاندر & بور خفض قوة الائتمان لامريكا لـ AA+ بدلا من AAA ياربي تكون الويكة هي السبب

---

Post: #25 Title: Re: وصلتنا الويكة الفنتاستك . Author: الطيب شيقوق Date: 08-06-2011, 09:56 AM Parent: #24 Quote: اقعد باري لي اكل الويكة و اللوبة لمن يقوم ليكـ كوع جمب اضانكـ هههههههههههههههههههها بالغت فيها دي يا ود عمي عبد الله وعندنا بقولوا (نامن تعدمك المروة البتقل بيها ابريق الموية)

---

Post: #26 Title: Re: وصلتنا الويكة الفنتاستك . Author: إسماعيل حسن Date: 08-06-2011, 10:20 AM Parent: #25 Quote: [مكتوبة فوق مع 45000 items . ومكتوب كمان ما فيها أي Side effects والحمد لله . رمضان كريم يا عثمان دايما عندك مواضيع طريفة ربنا يديك الصحة والله من رمضان شرفنا ما ضحكت زي ضحكتي لما شفت عنوا البوست ودخلت عليه توش مع تحياتي ليك ولمتخصص الويكة شيقوق

---

Post: #27 Title: Re: وصلتنا الويكة الفنتاستك . Author: Osman Musa Date: 08-06-2011, 01:26 PM Parent: #26 أحمد عبدالله سلامات عاين يا أحمد . هي وكالات الائتمان ما نكتت كثير . حال الأقتصاد كعب . والحال صعب يرجع لديك الأيامات السمحات . والله يا أحمد .. الرئيس كلينتون ده مفروض نعملو تمثال في أي ملف . .. غايتو يا الطيب شيقوق . كيف ما كيف تشوف لينا فداديين بور شرق سنار قالوا الأراضي في ود العباس مليحة تب . دحين هب يازول .

---

Post: #28 Title: Re: وصلتنا الويكة الفنتاستك . Author: حذيفه ابراهيم الكباشي Date: 08-06-2011, 03:12 PM Parent: #27 سلامات يا حبوب تصوموا وتفطروا على خير عليك الله اجدع لي ايميلك هنا .... عشان نستفيد من خبراتك في امريكا [email protected] >>>>