ياخ ناس التنقيب عن النفط ديل حاسدين جنس حسادة / تعالوا شوفوا عملوا شنو

ياخ زمااااان الخواجات (ناس شيفرون) كانوا يمشوا ويجوا بجنازيرهم بطرف بيتي وحفّروا ضهارينا كولها اتقول عايزين يعملوا فيها شوارع ظلت .

اها ناس شيفرون زعلوا من المشروع الحضاري وقلعوا عفشهم و فاتو ا وخلاص نسينا البترول وقلنا ربنا يخلف بخرائف سمحة لانو ناسنا ديل كان جاهم مطر كتير ما بعاينوا للبترول ذاتو

السنة الفاتت مشيت اجازة سنوية ولقيت ليك ابراج عااااااااااالية مولعة كهرباء تناطح السحاب قدام بيتي على مسافة 300 او 400 متر يعني محل الكتيرات واللعوتات الكانن ضراء للمساكين -

الجماعة اتاري جابوا القريدرات وسهكوا ليك الشديرات السمحات ديل سهكة حسادة - وخلوا ليك محل الشديرات زى منبركم دا لمن يسودوا بكري للحداد - باقي الارض هناك بادوبة سوداء

لما سالت الجماعة قلت ليهم ديل شنو ؟ قالوا لي اسكت ساى ديل ناس البترول نزلوا بتقلهم في صقيعتك القدام وبعد اسبوع قالوا للناس حتشوفوا النعمة متفجرة عندكم . وكمان قالوا لي بختكم الناس ديل حفروا ليهم بئر موية في معسكرهم الجنبك دا تاني ما عندك مشكلة مع الموية وبوصلوا ليك خط موية لحدي حوشك جوووووووة .

يا زول فرحت فرح وقلت تاني المتغرب ليها شنو طالما النعمة جاتني قدام بيتي ؟

اها رجعت السنة دى البلد وما لقيت ليك زولا حائم محل الهيصة الزمان وسألت الجماعة قلت ليهم الناس ديل كانوا شغالين بهمة عاااااالية وقطعوا لي الشك النعمة قريبة شنو الحاصل ؟

قالوا لي الناس ديل شغالين شهرين حفر ما لامسوا ليهم بترولة وفي النهاية قلعوا حديدهم وسافروا ما عارفين مشوا وين .

طيب يا اخوانا بير الموية الحفروها وكانت شغالة قدام بيتي دق دق دق موجودة؟

قالوا لي ارح شوفا . بالفعل مشيت والله والله كان بقيت حاوي ما تعرف محل ودوها - إيمين سهكوها سهكة حسادة كان جيت شايل ليك GPS ما بتعرف محلها .

عيييييييييييييك يعني لا بترول ولا شدرة بيضاروا بيها ؟

ياخ ناس الحكومة ديل الله يسوّد خطوتم بجيبوا شركات للتنقيب بدون يطالبوها بسيرتا الذاتية

ويا حليل كلابنا الحارسانا

الناس ديل ما خلوا اضان dog في حلتنا كمان

كان خلوا لينا علب الساردين الفاضية

واكياس بلاستيكهم ملصقة في طرف اللعوت تشوف الصقيعة من بعيد مع الاكياس رهاب رهاب

لكن محل وحل عرباتهم في الخريف نفعت غنمنا صارن بجن من السرحة وبغشن يشربن من الموية الاتجمعت فيها

ردموا الشارع من موقع حفرهم قدام بيتي لحدى ظلط سنجة -

حمدت الله لردم الشارع

بس وقت ما لقوا ليهم بترولة واحدة الردمية فجغوها تفجغة حسادة بقت لو مشيت فيها كيلو واحد تعشق 21 مرة الهبك ( بضم الهاء) السووها في الشارع

بس دافنين بير الموية مالم؟

شابكنا بترول البردانة
الواطة تعتر ليك يتدفق منها البترول
كما يتدفق الماء من شلالات نيقارا
دا كلو يطلع فشوش !!!! .
و العليها الشجر الفي قطعوا
و المصيبة لو طلعو شجرات طلح , تبيت القوا

ابتلاءات والله

الطيب أخوي أريتك طيب

Quote: ويا حليل كلابنا الحارسانا الناس ديل ما خلوا اضان dog في حلتنا كمان

كان تقول لحقوهن أمات طه عشان احتو معاك قرض
لكن أكيد لقوهن طاعمات
أصلو أي حاجة هناك طااااعمة
وإن شاء الله ما ينفعنهم ويبقن ليهم بي إسهال لا ينضب أبداً
وجضمارة لا تنقضي عجائبها
..
أكتب عريضة تعويض بعنوان ( أين كلابنا) وستجد منا كل الدعم

فيسل هليل



و المصيبة لو طلعو شجرات طلح , تبيت القوا


ههههههههههههههههههههها مسنوووووووووووووووح

طه ود ابراهيم

Quote: أكتب عريضة تعويض بعنوان ( أين كلابنا) وستجد منا كل الدعم

جاييييييييك يا العشاء بس انت تابع

والله يالطيب أخوي زعلان عشان الشديرات ديل اللعوتات والكترات والطنادب ألخ ... أها تاني وين المساكين وسعيتهم يقبلوا ؟ المضاريين بيها وين يمشوا ؟ يجوا يسوا ما يسوا في البيئة والحياة الفطرية ويلوثوا الدنيا بأكياس البلاسستيك وعلب المعلبات ودابة الأرض تلتهم الأكياس وغيرها وتنفق ولا بواكي عليها ؟؟
فعلا جماعتنا ديل بتعاقدوا مع شركات لا خبير ولا خبرة شيء تركي وشيء هندي وشيء صيني ، المهم العمولات المسبقة الدفع قبل العمل ...
الله يخلف عليهم بوابل المطر المتواتر ...
رمضان كريم
الشفيع

والله ياعم احبطتنا
كدي النلحق جوازي من الخروج النهائي ..
تحياتي وأشواقي
عروة ،،،

الشفيع اخوي

Quote: فعلا جماعتنا ديل بتعاقدوا مع شركات لا خبير ولا خبرة شيء تركي وشيء هندي وشيء صيني ، المهم العمولات المسبقة الدفع قبل العمل ... الله يخلف عليهم بوابل المطر المتواتر ...

ياخ أيعقل شركة عندها مهنية وتقنية تحفر 3000 قدم وتدفنا وتمشي منها ؟

ياخ الشركات الغربية صارت صقعة دلميت واحدة يطلعوا ليك الاحتياطي النفطي قدر ايش؟

وهل بيستحق يحفروا ليهو أم لا .

يا ولدى عروة

Quote: والله ياعم احبطتنا كدي النلحق جوازي من الخروج النهائي ..

ياخ الجاتنا في بترولنا سامحتنا

أخخخخخخخ ..
ضيعوا مستقبلنا ياخ الله يعيقم..
..
حمد الله على السلامة ورمضان كريم.

Quote: الجماعة اتاري جابوا القريدرات وسهكوا ليك الشديرات السمحات ديل سهكة حسادة - وخلوا ليك محل الشديرات زى منبركم دا لمن يسودوا بكري للحداد - باقي الارض هناك بادوبة سوداء

مافي زول نحس حلتكم دي

غيرك انت ...

عشان انت مسنوووووح


رمضان كريم

مولانا الملك

الف مرحب بيك يا مانجل اعاده الله عليكم وعلينا خيرا ويمنا وبركة

Quote: ضيعوا مستقبلنا ياخ الله يعيقم..

دا ضياع عمر مش مستقبل يا اخي

Quote: مافي زول نحس حلتكم دي غيرك انت ... عشان انت مسنوووووح

هههههها كنت عايز ارفسك بعنكوليبة لكن تذكرت الشهر الكريم

اعاده الله عليكم وعلينا خيرا ويمنا وبركة

بتصوم؟

اوع تكون جالدو بس ؟ باقي لي ناس البندر سكريهم وضغوطاتهم ما بتظهر الا في الشهر دا

Quote: هههههها كنت عايز ارفسك بعنكوليبة لكن تذكرت الشهر الكريم

قول الحمد لله ربنا شافكم والبترول ما طلع في حلتكم ..

لانو لو طلع حا يطلع ليكم جماعة ظلنتحية ويعملو فيها ثوار

ويطالبو بقسمة الثروة وحقوق انسان وتقرير مصير وفصل البرادنة

وبعدين تجيكم امريكا وتقدم ليكم الجزرة والعصاة وتحرمكم من العنكوليبة زاتو

Quote: وتحرمكم من العنكوليبة زاتو

والله اتقول فاطي ليك سطر مسنووووووووووح نامن غلط

الطيب اخوي

كل عام وانت بخير ورمضان كريم عليكم وعلينا

السواها باقان اموم فيهم ما هينه، اللمن خلاهم يفتشوا البترول جنب بيتكم ههههههههه

اخي ابن عوف

كل عام وانت بالف خير

Quote: السواها باقان اموم فيهم ما هينه، اللمن خلاهم يفتشوا البترول جنب بيتكم ههههههههه

ههههههها ياخ باقان خلانا نمشي على عجل الحديد

Quote: طيب يا اخوانا بير الموية الحفروها وكانت شغالة قدام بيتي دق دق دق موجودة؟

ههههههههههه ... يا الطيب المنطق الدولي الحديث بقول: تيت فور تات
يعني نقط لينا بترول بننقط ليك موية !!!
و ترجمتها حسب مفردات النظام: من لا يملك قوته لا يملك قرارو.

البترول قوت و الموية قرار ... يا مان



____________
كل سنه وانتو طيبين

ناصر

كيفك ورمضان كريم

Quote: ههههههههههه ... يا الطيب المنطق الدولي الحديث بقول: تيت فور تات يعني نقط لينا بترول بننقط ليك موية !!! و ترجمتها حسب مفردات النظام: من لا يملك قوته لا يملك قرارو.

ياخ شنو (تات) الحارينها مننا نحن ؟

نان يا ناصر اخوى المنطق الاقتصادي بيحكي عن ال free riding يعني لو بقيت مسكين ومجاور ليك واحد ساكن في برج ارمي هبابك وانشلخ في ضل الضحى الراميو برجو ملح ساى .

ياخ الناس ديل شدرات ضرانا سهكوهن سهك بقينا الواحد ينشلخ في الحدبة ساااااااى

البردانة زمان قلت ليك غطيها

عين وصابتكم ساي

تصوم وتفطر على خير

سيبك من بير وبير

شوشو

Quote: البردانة زمان قلت ليك غطيها عين وصابتكم ساي

البردانة محصنة بالفقراء لكن يا اخوي أكالين الكلاب ديل كتابة بتمشي فيهم مافي

سلام الطيب
والله شئ مذعج حقيقى انه شركات التنقيب دى تبخل بالموية لسكان المناطق
البشتغلو فيها ...


فى الاول ما صدقت وقمت باعادة قراءة البوست للمرة التانية(طبعا
ما تنسى ان اللغة فى البوست ده لغة اجنبية و يصعب فهمها لاولاد المدن مثلى)

الشئ المنطقى انو السلطات المحلية تجتهد لحماية سكان المنطقة وتسعى جادة للحفاظ على
بئر الموية ....


غايتو السودان فعلا بلد العجائب

النصري

سلام

Quote: فى الاول ما صدقت وقمت باعادة قراءة البوست للمرة التانية(طبعا ما تنسى ان اللغة فى البوست ده لغة اجنبية و يصعب فهمها لاولاد المدن مثلى)

ياخ شوف ليك اى واحد من ناس الضهاري خليهو يشرح ليك عشان ما تفقد معاني ودلالات الرسالة

ياخ ليش دفنوا البير بس؟

إنما الأعمال بالنيات والحصل دا دليل علي سواد نيتك عشان كدا ربنا ابعدهم عنك والحمد لله

Quote: إنما الأعمال بالنيات والحصل دا دليل علي سواد نيتك عشان كدا ربنا ابعدهم عنك والحمد لله

انا عمري كلو بخيت وسعيد والحمد لله - النحس ما عرف درب بيتي الا بعد إتلحتيني انتى يا مسنوووووووووووحة

اللهم إني صائم

ما خلاص ذي ما بقولو نورين ما بتلاقو أنت عاوز تلقي تليحتي وفي نفس الوقت تلقي البترول يا خي احمد ربك الطمع ما كويس

رمضان كريم وتصوم وتفطر علي خير

Quote: ما خلاص ذي ما بقولو نورين ما بتلاقو أنت عاوز تلقي تليحتي وفي نفس الوقت تلقي البترول يا خي احمد ربك الطمع ما كويس

لا حول انت صايمة يا مسنوحة؟

مرمي الله ما بترفع اصلا

الاخ الطيب

رمضان كريم وتصوم وتفطر على خير

الجماعة ديل دفنو البير عشان الارانب ماتقع فيه.

كمان تبقوا لا شديرات لا ارانب!!!!!!!

صوم العوافى

أستاذي الطيب

كل عام وأنت وأهلك وجميع أحبابك وأصحابك بألف خير

حقيقي حاجة محبطة ، لكن العتب على الدولة البتجيب ليها شركات تنقيب

من عرض البحر، بئر سيفون تحفرو بمجازفة.

البركة في الردمية بــ هبكة ديل .


تحياتي وسلامي للجميع

فوزي بابكر

رمضان كريم وتصوم وتفطر على خير

Quote: الجماعة ديل دفنو البير عشان الارانب ماتقع فيه. كمان تبقوا لا شديرات لا ارانب!!!!!!!

ياخ دي حسادة عديل كدا - طيب هو وقت ما عندو تقنية للتنقيب الجابرو على التبحّت بلا جيهة شنو ؟

مولانا سيف بخيت

كل عام وأنت وأهلك وجميع أحبابك وأصحابك بألف خير

Quote: حقيقي حاجة محبطة ، لكن العتب على الدولة البتجيب ليها شركات تنقيب من عرض البحر، بئر سيفون تحفرو بمجازفة. البركة في الردمية بــ هبكة ديل

ياخ شركات شرق آسيا دي اظنها بترمي الودع عشان تعرف الصقيعة دي او الحدبة ديك فيها شواهد بترول ولا سراب ساى؟

ياخ الامريكان ديل ما بتلحقوا - الواحد كان رفع ليهو طينة من الواطة وإتكرفا بنخرتو ساى بيعرف ليك فيها كم قروانة من احتياطيها النفطي .

الناس ديل يمكن دفنوا بير الموية خشية ان يكون هنالك اشعاع نووي او اى مواد كيميائية قد تتسرب من بير النفط الطلعت فشنق

ياخ بيرهم النفطية دي ذاتم ما عايزين يحكوا لينا عن سرها - المهم دفنوها كويس واتوطوا فيها بالقريدرات وشتتوا

في تسريبات يقال متروووووووووووسة غاز وكدا - يمكن ربنا عايز يكرمنا باسماء مشتقات النفط العصرية لتكون قريتنا البردانة ظاهرة على القنوات الفضائية BLNG أي :-


Bardana Liquefied Natural Gas

ياخ انا بقول ليكم الامريكان الامريكان هم الممكن يعملوا اي حاجة :

تعالوا شوفوا الناس ديل درسوا سايكلوجية حسنى مبارك وحللوا شخصيتو كيف ؟ تقول لي البترول الهين دا؟

Quote: تقرير أميركي سري: مبارك بليد الفهم يكره الإسلام الأحد / 17 يوليو تموز 2011 الرئيس المصري المخلوع "محمد حسني مبارك" في قصر الإيليزيه بباريس, 22 أبريل/نيسان 2008-(رويترز) القاهرة (عنا) - كشف تقرير سري للمخابرات الأمريكية عن الحالة النفسية للرئيس المخلوع تم تسريبه ضمن 24 ألف مستند اعترف الجنرال وليام جي لين نائب وزير الدفاع الأمريكي بسرقتها عن تمتع مبارك بعدة صفات خصها علماء النفس المكلفون بتحليل شخصيته تلخصت في كونه عنيداً، بليد الفهم ومنتفخ الشخصية يعشق الكذب، شكاكاً بطبيعته، ومتغطرساً وفارغاً ونماماً ويعشق اغتياب الغير وغير متدين، يشعر بالدونية وسهل الانقياد. وكانت المخابرات الأميريكية «س أي إيه» اعتادت علي تحليل الرؤساء حيث تعيد تقييم الحالة النفسية والسلوكية للرئيس المخلوع 4 مرات سنوياً وضعوا خلالها لمبارك وحده نحو 117 تقريراً ننفرد بنشر التقرير الأخير الذي يكشف مفاجآت عديدة لم تعلن من قبل. وتقول صحيفة "روز اليوسف" التي اوردت التقرير إن مبارك بسبب طول سنوات حكمه كان مادة علمية نفسية ثرية سجلت في تقارير أعدها لحساب السي آي إيه أجيال متعاقبة من أطباء وعلماء نفس أمريكيين وأوربيين أمضوا ساعات طويلة في تحليل ودراسة تقاريره الطبية المسروقة من الجهات التي تردد عليها للعلاج أو لإجراء الفحوصات الطبية الدورية طيلة فترة حكمه وهي تلك التي تنوعت بين إشاعات دماغية وصدرية وحتي تحاليل البول والبراز نهاية بدراسة حركاته المسجلة في أفلام تعددت أنواعها من تسجيلية إلي أفلام الأخبار اليومية إلي أفلام لقاءاته اليومية وزياراته الدولية والمحلية إلي دراسة تقارير الخارجية الأمريكية عنه وحتي من واقع فحص خط يده ومن تقارير العملاء الأمريكيين عنه علي الأرض. التقرير الذي وضعه العالمان الأمريكيان "بيتر روزنفيلد" من جامعة (نورث ويسترن) بولاية شيكاجو والعالم "ديفيد إيجلمان" خبير علوم الدماغ والتصرفات الإنسانية من جامعة (بييلر) الطبية بولاية تكساس يؤكد أن علماء المخابرات الأمريكية لم يستطيعوا في وقتهم تحليل نفسية كل من الرئيس جمال عبد الناصر والرئيس السادات بمثل الطريقة التي ساعدت فيها العلوم الحديثة في الكشف عن خبايا نفسية الرئيس المخلوع وأنهم اكتشفوا بلا جدال وجود فروق نفسية كبيرة بين الثلاثة، أكدت أن حسني مبارك لم يرق للمقارنة العلمية مع الآخرين وأنه كان الأضعف نفسيا بينهم. ويكشف التقرير أن علماء المخابرات الأمريكية وضعوا لمبارك في عدة مرات أثناء زياراته المتعددة للولايات المتحدة الأمريكية اختبارات نفسية متطورة للغاية دون أن يدري أو يشعر من حوله بأن رئيسهم يخضع للتجربة العلمية النفسية لكشف خبايا ما يدور بعقله ويؤكد التقرير من ديباجته أنهم كانوا يعمدون في كل زيارة له للبيت الأبيض أن يدعوه لمشاهدة عدد من الأفلام التسجيلية بقاعة سينما البيت الأبيض وبحضور الرئيس الأمريكي نفسه وفي مكان ما فوق الشاشة كانت هناك كاميرا تعمل بالأشعة تحت الحمراء كانت مضبوطة على المكان الذي سيحتله في الجلوس الرئيس المخلوع وعن طريق تلك الكاميرا كانوا يسجلون له أفلاماً كاملة هي التي كشفت عن أكثر النقاط غموضا في شخصيته. يستمر التقرير ويقدم تفسيرا أعمق فمثلا كانوا يختارون الأفلام بعناية فائقة بل يعترف التقرير أنهم زوروا عدداً من الأفلام حتي تعرض أمامه صوراً معينة ومختارة أرادوا له أن يطالعها على مدي ثوان مختلفة فمثلا رؤيته لصور أشخاص معينين على الساحة السياسية العالمية كانت تحدد من تصرفات حدقة عينيه وانفعالات وجهه مدي حبه أو كرهه أو احترامه للشخصية صاحبة الصورة ومن تلك الوسيلة مثلا مع المعلومات الأخري المتاحة علموا أنه كان يكره ويحتقر عدداً كبيراً من الزعماء والرؤساء بالعالم كان من بينهم الرئيس الأمريكي جيمي كارتر وجورج بوش وصدام حسين وعلي عبد الله صالح والقذافي بل كره كذلك الرئيس جمال عبد الناصر والرئيس السادات. حتي تفكيره في الموضوعات التي يريد طرحها كانوا يعرفونها بنسبة تعدت 74% بتلك الطريقة ومن خلال عرض صور مثل القطارات أو الشوارع أو المطارات أو الفنادق أو الوزارات وعواصم الدول كانوا يتعرفون خلال ثوان علي ما يفكر فيه عقله بدراسة علمية حقيقية حتي نوعية السلاح التي يريد طلبها منهم كانوا يعرفونها قبل أن يطرح الحديث عنها حيث كانوا يتعمدون عرض نوعيات معينة أمامه علي الشاشات ويسجلون ردود أفعالهم حتي اتساع حدقة عينه كانوا يرصدونها علميا ومنها كانوا يتعرفون علي ما سيقوم بطلبه في الجلسات التالية. التوقيتات التي يفكر فيها أيضا كانوا يتعرفون عليها حيث كان يحب ضبط ساعته علي التوقيت الأمريكي وكان الرئيس الأمريكي مدرباً علي أن يستدرج الرؤساء من ضيوفه لمكان الساعات العالمية بالبيت الأبيض حيث كانت الساعات تضبط بشكل معين ومن انفعالات وجهه كانت عدسة تصورها وتنقلها لهم ليتعرفوا على التوقيتات التي يفكر فيها بما فيها أيام الشهر والعام. التقرير يكشف أنهم وضعوه كما وضع غيره علي جهاز أشعة أمريكي مثبت ركبوه في جهاز الترجمة الفورية الذي يوضع علي الدماغ ومن هذا الجهاز كانت تسجل أشعة موجات دماغية تعرف بموجات (بي 300) ومنها بعد أن يسجلها الجهاز كانوا يدرسون شخصية الرجل بشكل علمي أعمق. التقرير يشير أنهم سجلوا كذلك بذات الوسيلة العلمية صورا تعرف باسم (إم أر آي) و(إف إم أر آي) وهي تلك التي كشفت عن التطورات التي طرأت علي مخه علي مر الوقت علي مدي أعوام طويلة ومنها كشفوا جوانب مذهلة في نفسية مبارك وهي حقائق علمية يعرفها العلماء الكبار بالعالم حاليا في علم معروف باسم (إنعكاسات علوم الدماغ علي القانون) وهو المعروف بالمصطلح الإنجليزي:NEUROLAW. التقرير يكشف سرا خطيرا عن مبارك «الشخصية والجسد» فمن خلال التحاليل الطبية التي كان يقوم بها بالخارج ووصل منها الكثير لمختبرات المخابرات الأمريكية ومخابرات أجهزة أخري بالعالم حللوا الحامض النووي له حيث كانت المفاجأة لديهم هي وجود جين معروف باسم: MAO-A ذلك الجين معروف أنه (الجين المقاتل) ووجوده لدي شخص ما يثبت علميا أنه شخص عدواني النزعة وأصحاب هذا الجين كما يشير التقرير لا تستجيب مادة ال"سروتونين" المهدئة للمخ لديهم لإشارات الدماغ لتهدئة الإنسان فيظل عدوانياً لفترات طويلة تستغرق معظم حياته وهو جين كما كتبوا أصيل يلازم الكروموزوم إكس وهو جين مثل الفيروس الإلكتروني عندما يصاحب ملفاً معيناً دون غيره. التقرير أثبت أن مبارك كان مريضا بمرض نفسي اسمه العلمي: ITS ALL ABOUT ME ولذلك كان لا يشعر بأي شخص آخر في الدنيا إلا نفسه وذاته وكان يحطم الآخرين حتي يتمتع دائما بأن نفسه هي الأهم في الدنيا فكان مستعداً لقتل أو حتي للاشتراك في قتل كل من هدد لديه تلك النزعة المرضية ولا سيما أن المخابرات الأمريكية جندته نفسيا دون أن يشعر كي يساند أمريكا دعائيا حتي يتخلصوا من صدام حسين الذي رأي فيه مبارك عدوا خطيرا ربما يحرمه من الصدارة والسيادة التي يشعر بها في العالم العربي. كما رصدوا جيناً آخر مسئولا عن القلق المزمن لدي حامله فعملوا علي اخضاعة لطريقة العصا والجزرة فمثلا عندما كانوا يريدون أن يجبروه علي تنفيذ أمر ما يسعون إليه كانوا يفتعلون احداثا من شأنها أن تشعره بالقلق والخوف فكان يسارع لقتل ذلك القلق باللجوء إليهم حتي يشعر بالأمان وساعتها كانوا يوفرون بطريقة علمية نفسية له الأمان وكان الشرط المقابل هو تنفيذه لأمر ما فكان ينفذه بلا جدال وقد نجحت معه تلك الطريقة كثيرا. التقرير أثبت أنه كان ضيق الأفق متهورا عندما يكره يقتل أو يدبر لقتل من يفكر فيه وأنهم خشوا علي الكثير من الشخصيات المصرية التي كانت تتداخل عنده علي تلك النقطة النفسية الخطيرة. مبارك الإمبراطور الملك علي حد تعبير التقرير كان غير متدين لا يري إلا مبارك ومصر لديه لم يعد لها وجود فقد ذابت في شخصه ، ولذا فقدت الإدارات الأمريكية المتعاقبة الأمل في أي يشعر بشعبه فكل مصر أصبحت هو. مبارك وفقاً للتقرير المثير كان يريد مصر ملكية وفكر في التوريث وخطط لذلك في الفترة من عام 2015 إلي عام 2017 وذلك بناء علي تحليل شخصيته ومن خلال صورة أشعة دماغية سربت من أحد المعامل الأوروبية التي أجري فيها صور أشعة مقطعية أثبتوا أن في أحد فصوص مخه جزء صغير يثبت ميله للاجرام ومنه أمكنهم تفسير حجم الفساد الذي كان يرعي فيه طيلة حكمه. ومن الجين المسئول عن سهولة الانقياد فسروا خضوعه للمقربين من حكمه مثل زكريا عزمي وجمال عبدالعزيز وغيرهما وكتب التقرير عن تلك الحالة السيئة يقول: "كان يمكنهم لعب الكرة بهذا الرجل بسبب مرضه". مبارك كان بطئ الفهم يكره الإسلام ويكره عنصر جنسه العربي والإسلامي حيث كان في الأساس يشعر أنه فوق العالم كله فلم يكن هناك أمل أن يحقق أي مخططات للوحدة العربية. مبارك كان قصير النظر فارغاً يعتبر الرؤساء الذين سبقوه أقل منه شأنا، ولم يكن مثقفا ولا يحب القراءة يعشق المال والسلطة ولا يفهم نهائيا في مسائل الأمن القومي ولا وطن عنده سوي منزل أسرته. بوابة الوفد / روزاليوسف

نواصل

الله يعوضكم بي شركة تنقيب كاربة ..

وكلاب نباحة نبيح شديد ..



ــــــــــــــــــــــــــــــــــ
رمضان كريم وتصوموا وتفطروا علي خير ..

اخي محمد عوض السيد

رمضان كريم

Quote: الله يعوضكم بي شركة تنقيب كاربة .. وكلاب نباحة نبيح شديد ..

اميييييين ببركة رمضان دا يا امحمد اخوي

ود شيقوق

رمضان كريم

انت عارف الموضوع دا وراهو صاحبك الامريكي

سيف الدولة كامل عشان كدة لازم تشوف شغلك معاه

تحياتي لكما

اب شوارب

رمضان كريم

Quote: انت عارف الموضوع دا وراهو صاحبك الامريكي سيف الدولة كامل عشان كدة لازم تشوف شغلك معاه

ما تطراهو لي النقادي دا - دا اكان عليهو نحن نذاكر باللمبة ام طليس والفانوس لا هسه . وكان عليهو نعلق عدتنا في المشلعيب لا هسه وكان عليهو نشرب من موية الجمام لا هسه وكان عليهو نداوي الجرح ببعرة ال ...... لاهسه . وكان عليهو مرتنا تلد بالحبل لا هسه .

ما تطراهو ما تطراهو ما تطراهو هو بدل يجيب فلوسو يستثمرها في صقيع الدندر الممهول قال متلهم بيها المسسبي .

المسيسبي ال ...........

لازم اجيب خبر بير الموية عوضا للبترول

ويييييين العريضة ؟

Quote: ويييييين العريضة ؟

اصبر يا طه اخوى جاييك

ياخ الدنيا دي اى حاجة فيها واردة

كدى شوفوا الظواهر دي كيف؟ سبحان الله

http://www.youtube.com/watch?v=7TmDRVj963M&feature=related

المسنووووووووووووح ,,,سلامات ,, والله حلات خشمك مدنقر وتشرب من الجمام.

انت المشلعيب ده أول ما كنت بتسرق منه اللبن الرايب من حبوبتك ,,سويت منه جضيمات .

تعال نديك فدانين تلاتة أخير ليك من البردانة اليلتك ,,


العزيز عبدالله ابوشوارب ,,سلامات يا الحبيب وعساكم بخير وعافية ورمضان كريم .


مودتي لكما

الكامل

Quote: المسنووووووووووووح ,,,سلامات ,, والله حلات خشمك مدنقر وتشرب من الجمام. انت المشلعيب ده أول ما كنت بتسرق منه اللبن الرايب من حبوبتك ,,سويت منه جضيمات . تعال نديك فدانين تلاتة أخير ليك من البردانة اليلتك ,,

الله شافك لو ما عندي بوست عزاء اكان لبختك بعنكوليبة نامن تتر لا وراء