بوست علاقات الصين التالت .. (ني هاو) ,, (الما مـا ) .. دومــه

يقرا هذا البوست (مربوطـا) .. مع البوست الأولاني الما شفتو بتاع الهكـر القالتو تراجي ..
يقرا هذا البوست (مربوطا) ربط شديد جدا مع البوست التاني بتاع شكر تراجي .. ويوم شكرها طبعا جا .. فهي سباقة دايما لعمل الشر الذي ينقلب عليها كالعادة انقلاب السحر على الساحـر فسرعان ما تروح كل مكيداتها شمار في مرقـة ..
يقرا هذا البوست ايضا (مربوطا) .. مع نفسه ..
بي صورة اوضح :
يقرا من دقنو وافتلو ..

الربط دا كلو مفهوم
لكن ( شي شان شو ) يعني الرابط بين البوست وماما دومه شنو غير الاقامه ؟



....
شكلو رمضان دخل العضم يا عمك

Quote: شكلو رمضان دخل العضم يا عمك

والله فعلا يا عمك نحن رمضانا بيدخل العضم .. قبل بداية رمضان بي يوم وا بطلع من العضم دا إلا بعد رمضان البعديهو ..
..
الربط بين البوستات دي يا نوفل .. ما جا من توريط واضح لشخصي في كلام ما مظبوط وما مربوط عن الما ما دوما .. وزي ما تقول كدا محاولة اصطياد في مياه عكره .. وزي ما تقول كدا تجهيز هنـا .. ووقاحه في حته تانية .. وتدوير للوقاحة من جديد .. وخلق مشكلة لضرب اشخاص في بعضهم ..
المهم
اربط .. وسأربط لك باقي ما انحل عليك من ربطان للبوست ..

تمبس
ياخي الربيط ده كتير ما بنقدر عليهو

ادينا النجبضه

يا تمبا رمضان كريم

انت ما قلت (الفورة) الف 1000

الشغلة دي ما فارت ودفقت

Quote: تمبس ياخي الربيط ده كتير ما بنقدر عليهو ادينا النجبضه

انجض من كدا ماف .. بنصبح كنا على الماما دوما .. ونقول ليها رمضان كريم .. وليها وحشة والله
...

Quote: الشغلة دي ما فارت ودفقت

والله يا ود العطا كلما تدفق .. تاني بنجيب ليها الحطب .. امبارح بس رمضان دخل معان العضم شوية كدا والحمد لله ..

كنت اتمنى ان تكون الوالدة دومـا .. حضورا وانا الذي كتبت في بوست المناضلة تراجي مصطفى الشهيرة بتراجي مصطفى المفترية في حقي وحق دومـا وحاولت جاهدة الايقاع بيني وبينها في مناسبة .. هي تعرف جيدا اللعب في مضمارهـا ..
الجميع يعرف انني ليس في حوجة أن أثبت لتراجي كذبها وما تقوم به من افتراء ناتج عن حقدها ، وحسدها على الجميع .. وذلك نتاج احساسها بدونيتها وهي توزع كل ما تستطع من فتن وخصوصيات .. وتدخل فيها بكل ما تملك من قوة ومن صبيان جندتهم من اجل تفكيك الاسر .. الاسر السودانية وتضرب في مقتل كل القيم التي نشا عليها الجميع ..
..
أمثال الوالدة دومـا تركض تراجي من خلفهم سنوات طوال للحاق بهم ,, فعندما لم تجد ما يشبع رغبتها ويكفيها اللهث .. تجنح غلى سلاح آخـر .. سلاح أن تمثل دور الراعية لها والمدافعة عنها .. مدافعه عنها من ماذا
ما سمعته من كلمات في حقي من الوالدة العزيزة دومـا .. قبل يومين من الآن في مكالمتها الحميمة معي ..
يكفني كل عمري الذي عشته وما تبقى لي من عمر ..
واكتشفت أن معظم من يذهبون من هنـا يذهبون عن قناعة تامة أن امثال تراجي وجب الا يكون المحترمين معها في مكان واحد .. رجال كان أم نساء .. لكن للاسف ، انها ضريبة العصر وتقنيته أن يكتب امثال تراجي .. ويوزع امثال تراجي ... سمومه من خلال اخطر الاختراعات البشرية ..
..
ما ما دومـا كان صوتها كما اعتده وكما تركته من سنوات .. كان تترجاني ألا اقرا ما يكتب ما من شانه أن يبعد بينها وبين ابنها الذي تحبه وكنت من جانبي استسمحها أن تمسح على جبيني كل ما كتبه هؤلاء الصبية الذين انطلقوا حسب وصية زعماهم ينشرون الفاحشة .. وسوء الأدب .. والفتنة والشتيمة لعلياء القوم وللذين يكبروهم فهما وعلماً وسلوكا..
..
ستظل هذه المساحة عنوان للمحبة والتسامح بالرغم من الاختلاف الذي قد ينشا بين من يتوفر فيهم الحد الادنى من الاحترام للاخر .. بينما يبعد كل البعد خط السير بيننا وبين الذين يعملون بجهد من أجل خلق العداوات .. وتوزيع النعوت والصفات .. من أجل زرع بذور الفتنة التي اصبحوا يروجون لها من فترة طويلة جدا .. باسم النضال والحرية والعدل والمساواة .. وإلخ ..
..
جيد جدا ان تكذب تراجي في حقي .. وتحاول جاهدة ان تخلق مني شخصية متساوية معها في السوء وفي الوضاعة وفي القزارة وتجتهد في أن تثبت اني من قمت بالتلميحات والمطاعنات للوالدة دومـا .. وجيدا جدا أن .. تنفحني ما ما دومـا بنفحة رمضانية بصوته الحنون .. وتذكرني بايام محفورة في الذاكرة ويعلمها كل من عاصر العهد الجميل لهذا الموقع الذي افسده امثال تراجي وصبيتها بالنميمة والشتيمة والايقاع بين الناس .. وفي اجترار سيرة الاسر ..
جميل ماما دومـا أنك بالجوار وتقرئي ما اكتب .. وجميل أن مشغولياتك هي التي ابعدتك من هنا وجميل أن صوتك وابتسامتك اكدت لي أنك ليست الشخصية التي تنكسر جراء لما يكتب هان من فاقدي التربية والاهلية ..