Post: #1 Title: غادة عبد العزيز خالد حبوبة فى رمضان .... Author: انور التكينة Date: 07-30-2011, 12:41 PM
Post: #2 Title: Re: غادة عبد العزيز خالد حبوبة فى رمضان .... Author: Abd-Elrhman sorkati Date: 07-30-2011, 12:45 PM Parent: #1
انور العزيز
شاهدت البرومو بتاع البرنامج ويبدو انه خطير وحا تكون مشاهدته عالية
مبروك مقدما للزميلة غادة والي الامام
Post: #3 Title: Re: غادة عبد العزيز خالد حبوبة فى رمضان .... Author: محمد عبد الماجد الصايم Date: 07-30-2011, 12:50 PM Parent: #2
تكينة يا حبيب .. أعتقد اسمو (ونسة حبوبات)! ثم ثانيا .. غادة طلعت حنكوشة ما بتعرف تعمل كسرة!!
Post: #4 Title: Re: غادة عبد العزيز خالد حبوبة فى رمضان .... Author: baha eassa Date: 07-30-2011, 01:24 PM Parent: #3
اكيد برنامج مميز والاخت غادة دائما مميزة .. رمضان كريم والجميع بخير وللاخت غادة كل الامنيات بالتوفيق ..
Post: #5 Title: Re: غادة عبد العزيز خالد حبوبة فى رمضان .... Author: عبدالرحيم أبراهيم العبيد Date: 07-30-2011, 01:46 PM Parent: #4
الاخ العزيز/ أنوار وعموم الاهل شكرا وأمنياتناللاخت غاد بالتوفيق رمضان كريم وكل عام وأنتم بخير
Post: #6 Title: Re: غادة عبد العزيز خالد حبوبة فى رمضان .... Author: محمد أحمد إدريس Date: 07-30-2011, 01:57 PM Parent: #5
كل رمضان وأنتم بخير وتقبل الله منا ومنكم صيامكم وقيامكم . شكراً أخى صاحب البوست وهذه فرصه طيبه للإستماع مع المشاهده لعزيزتنا إبنة صديقى العزيز عبد العزيز خالد فى هذا البرنامج الشيق . الحبوبه ليست شخصية نمطيه فى كل البيئات فهى ودورها وادوات فعلها تختلف من بيئة إلى أخرى ، ونود أن نرى نماذج من هذه الشخصية المهمه فى حياة كل سودانى تمثل مختلف البيئات والثقافات بالسودان . مرحباً بإطلالة العزيزة غادة . فقط وضحوا لنا وقت البرنامج بالتحديد لو سمحتم .
Post: #7 Title: Re: غادة عبد العزيز خالد حبوبة فى رمضان .... Author: انور التكينة Date: 07-31-2011, 08:16 AM Parent: #5
Quote: الاخ العزيز/ أنوار وعموم الاهل شكرا وأمنياتناللاخت غاد بالتوفيق رمضان كريم وكل عام وأنتم بخير
Post: #8 Title: Re: غادة عبد العزيز خالد حبوبة فى رمضان .... Author: jini Date: 08-23-2011, 07:58 PM Parent: #7
اداء مميز للاعلامية المتميزة دون تكلف السهل الممتنع القبول نعمة من الله جنى
Post: #9 Title: Re: غادة عبد العزيز خالد حبوبة فى رمضان .... Author: عاطف عمر Date: 08-23-2011, 08:12 PM Parent: #1
Quote: ثم ثانيا .. غادة طلعت حنكوشة ما بتعرف تعمل كسرة!!
ود الصايم يا عمك إذا كان عواسة الكسرة هى مقياس الحنكشة ( الريختري ) فأؤكد لك أن مواليد السبعينات والثمانينات وإنت جاي كلهن حنكوشات
Post: #10 Title: Re: غادة عبد العزيز خالد حبوبة فى رمضان .... Author: عبدالله السفاح Date: 08-24-2011, 01:45 AM Parent: #9
برنامج جميل ومميز لاعلامية متميزة
اكثر ما يعجبني في البرنامج ان
الاخت غادة تقدمه ببساطة ودون تكلف
Post: #11 Title: Re: غادة عبد العزيز خالد حبوبة فى رمضان .... Author: HAYDER GASIM Date: 08-24-2011, 01:54 AM Parent: #9
Quote: القبول نعمة من الله
جني ... تسلم,
داير أنط ليك في حلقك وأستعيض عن كلمة القبول بالإبداع ... شن رايك؟
محظوظين أهل السودان بغادة, سوف تعلمهم وتتعلم منهم, فهي خلقت لذلك.
نحن الما عندنا قناة النيل الأزرق ومجدوعين في آخر الدينا ... دايرين نتساوى في الحظ مع أهل السودان ... فمن لديه تسجيل { ونسة حبوبات } إنزلو لينا في هذا المنبر ... مع وافر الشكر.
شكرن يا تكينة ... وحاول قول لي غادة تجي بي جاي شوية كمان لزوم { ونسة بنبر ... وكده }
Post: #12 Title: Re: غادة عبد العزيز خالد حبوبة فى رمضان .... Author: صلاح غريبة Date: 08-24-2011, 02:17 AM Parent: #11
يا غادة :
حبوبتي تسلم عليكي وتقول عليكي كل سنة وانتي طيبة
وتسالك ............ ليه ما عملتي معاها حلقة ...
يعني هي ما بتشبه الحبوبات ولا ما بتشبه الحبوبات
صلاخ غريبة - الحبوبته زعلانة من غادة عبد العزيز خالد .
Post: #13 Title: Re: غادة عبد العزيز خالد حبوبة فى رمضان .... Author: jini Date: 08-24-2011, 03:29 PM Parent: #12
Quote: جني ... تسلم,
داير أنط ليك في حلقك وأستعيض عن كلمة القبول بالإبداع ... شن رايك؟
محظوظين أهل السودان بغادة, سوف تعلمهم وتتعلم منهم, فهي خلقت لذلك.
نحن الما عندنا قناة النيل الأزرق ومجدوعين في آخر الدينا ... دايرين نتساوى في الحظ مع أهل السودان ... فمن لديه تسجيل { ونسة حبوبات } إنزلو لينا في هذا المنبر ... مع وافر الشكر.
شكرن يا تكينة ... وحاول قول لي غادة تجي بي جاي شوية كمان لزوم { ونسة بنبر ... وكده }
القبول والابداع والموهبة والحضور الطاغى من غير مكياج وبهرجة تياب غادة عندها الكثير لتقدمه اذ ما اتيحت لها الفرصة واسعفتها مشاغل الحياة جنى
Post: #14 Title: Re: غادة عبد العزيز خالد حبوبة فى رمضان .... Author: baha eassa Date: 08-24-2011, 03:40 PM Parent: #13
Post: #15 Title: Re: غادة عبد العزيز خالد حبوبة فى رمضان .... Author: jini Date: 08-24-2011, 08:24 PM Parent: #14
مذيعة ام عواسة! غادة مذيعة فى حين ان الاخريات عواسات ضللن طريقهن الى الاذاعة والتلفزيون! جنى
Post: #16 Title: Re: غادة عبد العزيز خالد حبوبة فى رمضان .... Author: عزيز عيسى Date: 08-24-2011, 09:08 PM Parent: #15
شاهدت البرنامج مرتين خلال هذا الشهر ولكن لم يخطر ببالي أبداً بأن مقدمة البرنامج هي الأخت غادة عبدالعزيز. في الحقيقة برنامج ممتاز وحوار هادف وممتع جذب إنتباهي منذ أو وهلة عند قرأتي للعنوان (ونسة حبوبات).
عزيزي الأخ حيدر قاسم..
رمضان كريم وكل عام وأنتم بخير.
ياخي أنحنا في أمريكا بنشاهد البرنامج حي وعلى الهواء مباشرة عن طريق الكمبيوتر.
هذا هو رابط قناة النيل الأزرق على الأنترنيت وممكن يظهر عندكم في كندا. ويلا أمشي شاهد كمان برنامج أغاني وأغاني وما تنسى تدعو لينا مع قناة النيل الأزرق على هذه المكرمة التي نحتاجها في الغربة.
