Post: #2
Title: Re: هل هذا مجرد خطأ أم أنه متعمد يا ناس صحيفة الرأي العام؟
Author: Deng
Date: 07-29-2011, 11:16 PM
Parent: #1
عنوان الخبر يقول:
تبحث عن الحرية والجمال..(قناة أمدرمان).. صحيفة على الهواء
يتوسط الخبر صورة للأستاذ حسين خوجلي
والخبر يقول:
شيعت الأمة أمس بكافة فعالياتها السياسية والاجتماعية تقدمهم الرئيس عمر البشير والفريق عبدالرحيم محمد حسين وزير الدفاع الوطني، شيعوا الفريق محمد عثمان محمد سعيد والى الخرطوم السابق الى مثواه الأخير بمقابر أحمد شرفي بام درمان.
والفقيد درس بمدرسة ود مدني الثانوية بنين والتحق بالكلية الحربية وتدرج حتى وصل الى رتبة اللواء وعمل بعدد من الوحدات العسكرية وكان كذلك واليا لولاية الخرطوم. وعمل أستاذاً بعدد من المعاهد والجامعات وآخره رئيس منظمة الشهيد. وتحدثت العديد من الشخصيات عن الفقيد معددين مآثره وأفضاله.
بينهم عبدالقادر محمد زين وزملائه في السلاح ومنظمة الشهيد، وقال الدفان درمة: إن المرحوم كان دائم الزيارات للمقابر ولاسر الشهداء وكانت وصيته أن يدفن بالقرب من كلية التربية جامعة الخرطوم وهذا ما تم. وكان البشير قد نزل الى القبر وحمل الجثمان حتى دفنه. المدير العام لشركة «الرأي العام» ورئيس التحرير ونائب رئيس التحرير ومدير التحرير وأسرة الصحيفة يتقدمون لاسرة الفقيد ولأسرة منظمة الشهيد ولعارفي فضله بأحر آيات التعازي.. ألا رحم الله الراحل بقدرما قدم لوطنه وأمته وأسكنه فسيح جناته مع الصديقين والشهداء وحسن أولئك رفيقاً (إنا لله وإنا إليه راجعون).
|
Post: #3
Title: Re: هل هذا مجرد خطأ أم أنه متعمد يا ناس صحيفة الرأي العام؟
Author: Deng
Date: 07-29-2011, 11:22 PM
Parent: #2
هل تتزكرون الصورة التي نشرتها صحيفة الرأي العام لصلاح قوش من قبل؟
هل كانت مجرد خطأ برئ أم أنه كان متعمدا؟
لأنه بعد ذلك بقليل ظهر خلاف قوش مع نافع ومع أخرين وتمت الأطاحة به.
|
Post: #4
Title: Re: هل هذا مجرد خطأ أم أنه متعمد يا ناس صحيفة الرأي العام؟
Author: Deng
Date: 07-30-2011, 01:33 PM
Parent: #3
أم أنه الهمز واللمز بين أخوان السودان؟
|
Post: #5
Title: Re: هل هذا مجرد خطأ أم أنه متعمد يا ناس صحيفة الرأي العام؟
Author: Deng
Date: 07-30-2011, 01:49 PM
Parent: #4
قامت صحيفة الرأي العام بسحب الموضوع.
لكن أنا محتفظ بنسخة مصورة منه سوف أنشرها.
|
Post: #6
Title: Re: هل هذا مجرد خطأ أم أنه متعمد يا ناس صحيفة الرأي العام؟
Author: خالد المحرب
Date: 07-30-2011, 02:02 PM
Parent: #5
Quote: قامت صحيفة الرأي العام بسحب الموضوع.
لكن أنا محتفظ بنسخة مصورة منه سوف أنشرها. |
الاخ دينق فى لحظات كثيره الانسان بكون صاح لكن لظروف ما يجانب الصواب
وهو يعلم بذلك
ولكن وبالطبع لايصح الا الصحيح
|
Post: #7
Title: Re: هل هذا مجرد خطأ أم أنه متعمد يا ناس صحيفة الرأي العام؟
Author: النذير حجازي
Date: 07-30-2011, 02:06 PM
Parent: #5
هاهاها والله دي موباااااااااااالغة يا دينق، دا غمز ولمز ظاهر
ويقصدون أن حسين خوجلي مُنعم كالأنثى التى تبحث عن الحرية والجمال
طبعاً يا جورج ناس الرأي العام ديل بعملوا حركاتهم دي دائماً، وبعدما
يستفي الخبر غرضة بسحبوه، لكن على منو؟ هاك الكابشر دا، هاهاها
مفروض حسين خوجلي وأبنائه يقاضوا هذه الصحيفة
|
Post: #8
Title: Re: هل هذا مجرد خطأ أم أنه متعمد يا ناس صحيفة الرأي العام؟
Author: Deng
Date: 07-30-2011, 02:23 PM
Parent: #7
النذير.
رسل لي إيميل أو أضرب لي تلفون في زول بسئل منك.
|
Post: #9
Title: Re: هل هذا مجرد خطأ أم أنه متعمد يا ناس صحيفة الرأي العام؟
Author: النذير حجازي
Date: 07-30-2011, 02:56 PM
Parent: #8
العزيز جورج، والله ياخي في هكر كدا مجنني في إيميلاتي
كل ما أعمل إيميل يسرقو مني هاها، موش كدا وبس، برضو
مشيت السودان، وتخيل في البص بتاع المطار المتجه للطائرة
نشلو موبايلي وضيـعت كل تلفونات أصدقائي بما فيهم إنت
أنا ما عارف الغُربة الطويلة دي بقتني فارة لدرجة إنو
الحرامية متلحني في الإنترنت وبرة الإنترنت هاهاها
هاك دا إيميل مؤقت رسل لي فيهو رقم تلفونك:
[email protected]
وبالمناسبة أنا جايي في طرفكم يوم 25 أغسطس.
تحياتي ليك يا ملك وسلم لي على الزول اللي بسأل مني
وفي إنتظار إيميلك.
|
Post: #10
Title: Re: هل هذا مجرد خطأ أم أنه متعمد يا ناس صحيفة الرأي العام؟
Author: Deng
Date: 07-30-2011, 03:10 PM
Parent: #9
Quote: الاخ دينق فى لحظات كثيره الانسان بكون صاح لكن لظروف ما يجانب الصواب
وهو يعلم بذلك
ولكن وبالطبع لايصح الا الصحيح |
عزيزي خالد المحرب.
لقد تعودنا من ناس الرأي العام الخساسة والخباثة في مثل هذه الامور.
وما حدث في نشر صورة صلاح قوش ليس ببعيدا عن الأذهان.
|
|