Post: #1 Title: الصقريه تحتاج الى مساحه حتى تكتمل Author: خالد المحرب Date: 07-27-2011, 11:29 AM
عرضة الصقريه تحتاج الى فضاء واسع حتى تكتمل يعنى شغل الاستراحات دا يا دوب تعمل ليك حركه واحده تلقا الكراسى وحمزاوى قدامك وبى هناك الحريم تكون العرضه مبتوره دى فيها جرى الكنقر يا ود الصايم وفيها الرى ملان غرفن جرايدو ودوبا وفيها المشكل وفيها حاجات كتار دحين تانى يا بورداب الرياض كا ن عاوزنى اصوقر ترجعو لينا ناس حمزاوى ديل ورا هناااااااك
Post: #2 Title: Re: الصقريه تحتاج الى مساحه حتى تكتمل Author: محمد الجيلى Date: 07-27-2011, 11:33 AM Parent: #1
الصقرية دي زي الحرب كرٌ وفر
ومُحتاجة لي كم فدان كدا عشان تقدر تبيّن فيها مقدراتكـ
تقديري يا محرب
Post: #3 Title: Re: الصقريه تحتاج الى مساحه حتى تكتمل Author: خالد المحرب Date: 07-27-2011, 11:39 AM Parent: #2
Quote: الصقرية دي زي الحرب كرٌ وفر
ومُحتاجة لي كم فدان كدا عشان تقدر تبيّن فيها مقدراتكـ
تقديري يا محرب
كلامك صاح اخى محمد ات عارف انا هنا فى الرياض بعيد من اهل الصقريه المحترفين وعامل فيها خلاص مجضم الشغله وماعندى منافس عشان كدى داير اطالب ببعض الحاجات
Post: #4 Title: Re: الصقريه تحتاج الى مساحه حتى تكتمل Author: Ahmed Yousif Abu Harira Date: 07-27-2011, 12:08 PM Parent: #3
من حقك جدن جدن... وعلى الرغم من انك ما محترف ، لكن مقدراتك الحالية هي الاعلي مقارنة بما لدى بورداب الرياض. عشان كده طالب بكل الحاجات مش بعضها..خاصة حمزاوي يقعد ورااااا هو المقعدو قدام شنو ؟
Post: #5 Title: Re: الصقريه تحتاج الى مساحه حتى تكتمل Author: عبد اللطيف بكري أحمد Date: 07-27-2011, 01:00 PM Parent: #4
والله يابو أحمد حكايتك حكاية!!
ياخ انت ماشفت أهلنا ديل الواحد بكون سايق ليه جي ام سي وبفحط في ربع متر؟؟
مساحات دي يجيبوها ليكم من وين؟؟
ههههه
Post: #6 Title: Re: الصقريه تحتاج الى مساحه حتى تكتمل Author: معاوية الزبير Date: 07-27-2011, 04:41 PM Parent: #5
وكت اصلو الصقرية دايره مساحة
فليحافظ زولنا دا على مساحات الوطن
ولو من أجل الرقص فقط
Post: #9 Title: Re: الصقريه تحتاج الى مساحه حتى تكتمل Author: خالد المحرب Date: 07-27-2011, 06:49 PM Parent: #6
Quote: وكت اصلو الصقرية دايره مساحة
فليحافظ زولنا دا على مساحات الوطن
ولو من أجل الرقص فقط
الاخ معاويه الصقريه دايره مساحه والوطن داير مساحات فى الحريات والا سوف يضيق على الذين يضيقون هذه المساحات الليله او بكره كلامك فيه توريا لكنى فهمت القصد
Post: #8 Title: Re: الصقريه تحتاج الى مساحه حتى تكتمل Author: خالد المحرب Date: 07-27-2011, 06:20 PM Parent: #5
Quote: والله يابو أحمد حكايتك حكاية!!
ياخ انت ماشفت أهلنا ديل الواحد بكون سايق ليه جي ام سي وبفحط في ربع متر؟؟
مساحات دي يجيبوها ليكم من وين؟؟
ههههه
ياريس المشكله انى عانيت كثيرا من ضيق المساحه حلوه كثيرا لكن خادم الفكى مجبوره على الصلاه نعمل ايه شكرا ع الطله ياريس
Post: #7 Title: Re: الصقريه تحتاج الى مساحه حتى تكتمل Author: خالد المحرب Date: 07-27-2011, 05:42 PM Parent: #4
Quote: من حقك جدن جدن... وعلى الرغم من انك ما محترف ، لكن مقدراتك الحالية هي الاعلي مقارنة بما لدى بورداب الرياض. عشان كده طالب بكل الحاجات مش بعضها..خاصة حمزاوي يقعد ورااااا هو المقعدو قدام شنو ؟
ههههه البلقا الهوى بضرى عيشو لكن برضو عندى معجبين
Post: #10 Title: Re: الصقريه تحتاج الى مساحه حتى تكتمل Author: طارق ميرغني Date: 07-28-2011, 03:56 PM Parent: #7
يا محرب
شيخنا حمزاوي دا كبر والنظر مجلي عشان كده لازم يقعد جنب المسرح
